تبلیغات

کد رهگیری برای دانلود فایل اشعار


آمار سایت

ارتباط با مدیر سایت

ایمیل
وبلاگ
موبایل
نام و نام خانوادگی
محل سکونت
عنوان
متن پیام
توضیح : کادر های قرمز رنگ حتما مقدار دهی شوند

جستجو

حاضرین در سایت

ما 2115 مهمان آنلاین داریم

وصیت امام حسن (ع) -( گل ای زمین بلاده یوزه توکن قانیاش )

Powered by Scontent
میانگین امتیار کاربران: / 0
ضعیفعالی 

وصیت امام حسن (ع)
گریز به حضرت قاسم (ع)

 


گل ای زمین بلاده یوزه توکن قانیاش
سنه وصیت ائدوم قارداشون ئولور قارداش


فنا جهاندا منیم گولمیوب یوزوم قارداش
سنی گورنده ایشیق کسب ائدور گوزوم قارداش
گلوب یانمدا اوتور وار سنه سوزوم قارداش
آلوبدی طاقتیم الدن بو زهر الماسیم
اماندی جان سنون جان منیم بالام قاسم


یتیم دور آتام اوغلی اونا نظر سالاسان
ملول اولاندا اونون گوگلونی اله آلاسان
آتاسی یوخ بالامون سن اونا آتا اولاسان
یتمیدور اونون عالمده نسگلی چوخدور
یتیمه کیم ائده حرمت ثوابی آرتوخدور


زمین ماریه ده غم گونونده آغلاماسون
اونی شکنجۀ دوران عذابی داغلاماسون
مواظب اول اونی دشمن او گون ایاقلاماسون
بودور توقعیم آخر شفیع محشردن
آییرما قاسمی هئچ وقته اوغلون اکبردن


اگر چه عصریده باشی بلالی قارداشیدوم
حلیم نفس، کریم و سخالی قارداشیدوم
سنه حسین بو جهاندا وفالی قارداشیدوم
بو چرخ کج روشون یا حسین الیندن داد
ئوزیوه ایله گیلن قاسم اوغلومی داماد


اولاندا خواهشی سندن توجه ائت سوزینه
یتیملگین توزی قویما قونا اونون یوزینه
که دولماسون بالامون اشک درد و غم گوزینه
یانوب امام حسن شاهزاده نسگلینه
گتوردی قاسم الین تاپشوروب حسین الینه


قلم صحیفۀ قرطاسده دولانسون گر
قوتار بو رشته نی گئت کربلایه ایله گذر
وصیته نجه باخدی حسین تشنه جگر
سپاه کوفه ائدوب کربلاده بیر بیداد
حسینی قویمادیلار قاسمی ائده داماد


دوتوبدی هر طرفی چنگ نای زمزمه سی
دوتون وورون سسی آت شیهه سی قوشون هوسی
یتشدی خیمۀ شاهه ، عمو هرای سسی
یخوبلا قاسمی آتدان عمو هرایه یتش
قالوبدی قربانون اللرده گل منایه یتش


سالوبدی عرصه گهه فوری شاه دین توسن
قیروب توکردی قوشوندان یره امام زمن
گلوبدی سس : ایاق آلتدا عمو اَزیلدیم من
ئوزون یتور منه یوخدور داخی کمک ایده نیم
چاپوبلا نعشیمه آت خرد اولوب عمو بدنیم


هرایه «نادری» یاز شاه کربلا گلسون
باشی قلجلانان اول شاه لافتا گلسون
اوغول آتاسیدی باش اوسته مجتبا گلسون
خزان یتنده دوشر بلبلون یولی چمنه
گلوبدی فاطمه باش ساقلقی وئره حسنه

شاعر : مرحوم حاج قدرت اله نادری

آخرین مطالب