• جمعه 10 فروردین 03


آهو

1228
1

آهو 

گلديم کي ائدم حمد دئيه-م ذکر و ثنا، هو

 گؤردوم کي بو درگه-ده مني اؤتموسن آهو!

 شرمنديم انسان ديلي الکن-ليليگيندن

 ديلسيزجه بو سرّي سن اؤزون سؤيله-سن آهو!

 

 چوخلاري دئيير عاشيقم اما هاني همت؟

 همتده اولانماز سنه تن هر يئتن آهو!

 چوخلاري شفا، درده دوا آلدي ولیکن

 تکجه سنه ضامن-ليک ائديب بوالحسن(ع) آهو!

 پابوسونا چوخداندي منه اذن وئريلمير

 اولموش اورگيم گوشه-ی بيت-الحزن آهو!

 مين دسته قوشور نوحه، وورور سينه-يه منده

 هر بندي سيزيلدار نی-ه بنزر بو تن آهو!

 سن اؤزباشينا درگه-ی سلطانه سيغيندين

 اما منه حامي-دي شه-ي بي کفن آهو!

 گر حضرت عشق ائتسه مدد داش دا سيزيلدار

ديلسيزده گلر نطقه دئيه-ر بو سخن، آهو!

: - اي شاه، غريب الغربا من ده دخيلم

اما نه قوشام من نه غريب الوطن آهو

 اي کاش يول اوستونده-کي تورپاق من اولوردوم

 مندن سوووشوردو سنه ساري گلن آهو

 اي مأمن امنينده پناهنده گؤيرچين

 اي سايه عدلينده بري ظلم-دن آهو

 آقا مني درک ائيله کي دونيادا اسيرم

نفسيمدي شقاوت دولو صياد، من آهو!

 

 شعراز:عبداله بحرالعلومی

  • شنبه
  • 4
  • دی
  • 1389
  • ساعت
  • 5:3
  • نوشته شده توسط
  • علی اشرفی راد(عین الدین)

برای بارگذاری فایل در سایت اکانت مداحی بسازید



ارسال دیدگاه



ورود با حساب گوگل

ورود کاربران