• جمعه 10 فروردین 03


امام حسین(ع)دربالین علمدارکربلا

7412
5

امام حسین(ع)دربالین علمدارکربلا

 

اوجا  بوی شسلی قامتلی دلاور قارداشیم لای لای

 بلا   دشتینده مین   تیپه  برابر قارداشیم لای لای

 

گوزوم   نوری  باشیم تاجی   ابالفضلیم  علمداریم    

 اویان قارداش بئلیم سیندی پریشان اولدی افکاریم

خیامه من نئجه سنسیز گئدیم ای   شانلی سرداریم      

ملک منظر،قمر طلعت  ، مطهرقارداشیم  لای لای

****

آماندیر آچ گوزون   منله دانیش گوفتاروه قوربان       

آتام شیر خدا   تک شیوه ی  پیکارووه    قوربان

اولا عالملرین جانی  دوشن     قوللارووه   قوربان    

سالان کشتی کیمی نهراوسته لنگر قارداشیم لای لای

****

بو آب  عشقدیرحتی بونا    خیضرین    الی   یئتمز    

 کیم اولسا   تشنه     بوآبه   فراته   اعتنا    ائتمز

سنون قارداش بو ایثارون یادیمدان هئچ زامان گئتمز         

 ائده ن ای نفسینی  رام ای هنرور  قارداشیم لای لای

*****

نئجه من ال چکیم قارداش بوجسم چاک  چاکوندان      

کی یئر گوی فیض  آلیرالان صفالی  قانلی خاکوندان

بابامین  عطرینی آلدیم     سنون انفاس    پاکوندان      

 مشام   جانیمی      ائتدین  معطر قارداشیم لای لای

***

اوزون قوللارووی  دوشمن  ائدیب  قارداش  جودا  تنده ن     

 سلام  اولسون    بو   قوللاره  بو  پاره مشگووه  منده ن

آلار عالمده   غیرت      درسینی   آزاده لر         سنده ن   

  ائده ن   عاشیقلرین   قلبین   مسخر   قارداشیم لای  لای

 

شعر: شهودی بستان آبادی

  • شنبه
  • 4
  • دی
  • 1389
  • ساعت
  • 9:33
  • نوشته شده توسط
  • علی اشرفی راد(عین الدین)

برای بارگذاری فایل در سایت اکانت مداحی بسازید



ارسال دیدگاه



ورود با حساب گوگل

ورود کاربران