• چهارشنبه 5 اردیبهشت 97

احوالات جناب حر(ع)

592

ای نور-ی-چشم-ی-مصطفیٰ، التّوبه توبه

ای زاده‌ی-ی-خیرُالنّساء، التّوبه توبه

درگاهیوه گلدیم حسین، استغفرالله

یا من شفیع المذنبین، استغرالله

 حرّ-ی-غریبم رزملرده شهسوارم

شاها ریاحی قومینه من افتخارم

ایمدی قاپۇندا بیر غُلام-ی-خاکسارم

بیچاره‌ام زار-وْحزین استغفرالله

التّوبه توبه (2)

 شاها بۇ چؤلده باشێوێ سالدێم بلایه

ائیکاش ازلده‌ن گلمییئیدیم کربلایه

ائتمه بابان پئیغمبره منده‌ن گیلایه

یابن الامیرالمؤمنین استغفرالله

التّوبه توبه (2)

 قوْرخۇتدۇم اهل-ی-بئیتیوی ائتدیم هراسان

باعیث منم جمعیتون اوْلدۇ پریشان

اؤز ائتدیگیم اعمالیمده‌ن اوْلدۇم پریشان

اؤللـه‌م خجالتده‌ن یقین استغفرالله

التّوبه توبه (2)

 من بیلمه‌دیم مُنجر اوْلار ایش بۇ مقامه

فکر ائیله‌دیم تنظیم اوْلار بیر صلح‌نامه

بی‌دین جماعت اوْلدۇلار یاغێ امامه

قالدۇن بۇچؤلده بی‌مُعین استغفرالله

التّوبه توبه (2)

 شاها سنی وئرره‌م قسم خیرالنّسایه

جدّون رسوله هم آنان شیر-ی-خدایه

عفو ائت منیم تقصیریمی گئچ مُجتبی‌ٰیه

عرض ائیلیره‌م من یا حسین استغفرالله

التّوبه توبه (2)

 اوْلسۇن شریح‌ین قانیله ساققالێ الوان

ائتدی جاهاندا دینینی دیناره قۇربان

اۇیدۇ اوْنۇن فتواسینه بیر عدّه نادان

چکدی یۆزیوه تیغ-ی-کین استغفرالله

التّوبه توبه (2)

 ال دامه‌نۇندان چکمه‌ره‌م ای شهریاریم

یۆز قوْیمۇشام درگاهیوه وار انتظاریم

چوْخ-چوْخ جسارت ائتمیشه‌م وار اعتذاریم

ای پیشوای-ی-مسلمین استغفرالله

التّوبه توبه (2)

 نذر ائتمیشه‌م ائتسوْن منیم حقّیمده ائحسان

الان وئره‌م بۇ جانیمی عئشقوندا قۇربان

گل سال یوْلا قۇربانێوێ ای شاه-ی-عطشان

ائیله منی قۇربان-ی-دین استغفرالله

التّوبه توبه (2)

 کلا" کریم‌الطبعسوز، سیز خانواده

تقصیری اوْلسا هر کسین حدده‌ن زیاده

نادم قَییتمه‌ز دۇرسا بۇ باب-ی-سخاده

قَیته‌رمه حرّی دل غمین استغفرالله

التّوبه توبه (2)

  • شنبه
  • 7
  • اسفند
  • 1389
  • ساعت
  • 4:1
  • نوشته شده توسط
  • علی اشرفی راد(عین الدین)

ارسال دیدگاه



ورود با حساب گوگل

ورود کاربران