مامونین حکمی چـاتدی جهانین پناهینه
مومنلرین امام له ری قبله گـــــاهینه
حکمین گوروبدی لازم الاجرادی جبروار
قطعا بوباره ده نه یوبانمــا ق نه صبروار
ایرانه گوردی گئتمگینه قالمیـوب نئیـه
اجبارا الوداع اوخـــــویوب دیر مدینیه
اهل وعیالینه بیورو ب سینه داغلییـــون
من آیریلاندا بیر ییغیشون باهـم آغلییون
گوز یاشیزه رضا دگیلم اولمــاسام ناچار
بو آغلاماق منیم دوتولان کـونلومی آچار
عرض ائلیو بدیلر کی آقا ای جهانه جـان
منظوریزی بو مسئله دن ائیلیون بیـــان
علت نه دیرکی آغلادیسان اهـل عیالیوی
پوزقون گورنموره م بو مبـارک جمالیوی
پیغمبراوغلی بئیله بئرین سالمیــوب یولا
ایمدی سئویر کی اهل وعیالی ملـول اولا
بیر سری وار بو آغلاماقا اولمــوسان رضـا؟
آغلار گوزیله آیریلیسان ایمـــدی یا رضا !
فرمایش ائتدی دوز دی سوزوز ائلیوره م قبول
یاخشی دگول گئدنده بیرین ایلسه ن ملــول
اولماز رضا او شخص بئیری اشگبــــار اولا
سالم گئدیب قئیتمـــــاغا اومیــدوار اولا
من آگهم بو گئیتماقیما یوخــــدی گلمگیم
یعنی یقین اولوب منــــــه ایراندا ئولمگیم
طوس آدلی بئیر یئری منــه مسکن یازیبدیلار
سر خیل اولام غـــــریب لره من یازیبدیلار
جدیم حسینی یاده سالیب آغلیین منـــــه
وار اجــــری گئلسه کیم او مصیبتده شیونه
کلک قضـــایازیدی گره ک بو غریب اولا
ائل طایفا لار خوشام ییغیشوب سالسالار یولا
جبرا بئیری غــــریب یئیری مسکن ائیلسه
هئچ کس شمادت ائیله مه سین شیون ائیلسه
آخروداعی یاده دوشــــوب دیر اوسـرورین
سسلردی قهرمان باجی سی بئیردایان حسین
قارداش گورنموره م بئیله پوزقون جلالیوی
بوآخرآیریلیقــــــــدا دانشدیر عیا لیوی
ائیله دعــــا فراقیوه قلبیم دوگو نمه سین
تئز دوش یولا یوبانما بودشمن سئوینمه سبن
عمه م دوشر منیم یادیمــــا اغلاسا باجیم
من آیریلاندا شال عــــــزا باغلاسا باجیم
معصومه راضی ام منــه وای قارداشنم دییه
عمه م کیمی مصیبیته دوشموش باشیم دییه
سالم دوشه م یولا نــه یارام نــه تشنه یم
جدیم حسینی یاده سالیب یـا حسین دییم
بو شعره ( اشرفــــی) آقادان ایستیور برات
آلاهدان ایستیه اونا محشـــر گونی نجــات
- چهارشنبه
- 13
- شهریور
- 1392
- ساعت
- 16:52
- نوشته شده توسط
- علی اشرفی راد(عین الدین)
ارسال دیدگاه