شهدای گمنام
بوگون شهریده بوی ریحان گلور
نولوب نالله وآه وافغان گلور
دورون شوقیله پیشواز ائیلیاخ
دئیوربئش نفر خسته مهمان گلور
خدایا غم اوستن منه غم گلور
خیال ائیلورم کی محرم گلور
بوگون شهریمیز اوخشویور یثربه
بشیرالده بئیرقاره پرچم گلور
نه باعث دیر آخر دئیوب گولمورم
آخورگوز یاشیم ال وئیروب سیلمورم
دئدی کیم ویرآخر بوسرکرده لر
دئدیم من ده هئچ آدلارین بئیلمورم
بولارسعی مروه صفادن گلوب
بولارکوی عشق ووفادن گلوب
بوآزاده لرحاجی عشق دیر
دئیوللر بولار کربلادن گلور
بولار مردایثاروایمان دیلار
شهیدان آیات قرآن دیلار
اگربیلمیروخ آدلارین عیبی یوخ
بولاربئیز لره باش دیلار جان دیلار
بولارجان قویوبلارجفااولماسین
بلایه دوشوبلربلااولماسین
وئروب فی سبیل الله ئوز جانینی
دئمور آدینی تا ریا اولماسین
بولار کی بوگون چیخدوخ استقبالا
اولاردیرکی بیتموش قانیندان لالا
آناسی دی دلی جاخ سئوال ائیلیاخ
دیاخ هاردا قالدون یوباندون بالا
اوغول جنگ قورتاردی داگلمه دین
غمون قلبیمی یاردی دا گلمه دین
اوغوللارآناسین بئله یوخلاما ز
ئولونجا اویالواردی داگلمه دین
هله آ غلیوب اشگباریز دیلار
خیال عالمینده مداریز دیلار
ئورک قالسا چوللرده گوز یوخلاماز
تیکوب گوز یولا انتظاریز دیلار
نه گمنام چوخ آدل سیز سانلی سیز
شجاعتلی غیرتلی وجدانلی سیز
سئیزه ائمدی هئر یئر آنا بوردی دیر
فدائی ایران وایرانلی سیز
وئروب باش بویوک امتیاز آلمیسیز
قیزیل ريالانیله دستمازآلمیسیز
چکیم جسمیزین پاره سین کولگیه
نئیه ؟گون قباقیندا چوخ قالمیسیز
دئمم کیم یووب یوز گوزوز دان قانی
ملک لر یووب واردی چوخ امکانی
گلیلیک دی بوقلبیزه گلمه سین
گوزل بوینوزین بس مدالی هانی
یقین دیر کی ایرانه دلبسته سیز
شهیدره حق ووارسته سیز
آنازیوخدی گرمن دئیوم لای لای
یاتن دینجه لون چونکی چوخ خسته سیز
سیزین بومزاریز گلستان اولار
زیازتگه رادمـــــــردان اولار
شهیدین مزاری حسینیه دئر
محل نذورات واحسان اولار
اکرچه بیان ائمه دبز آدیزی
دئیری ساخلاروخ هئر زمان یادوزی
گلرصاحب عصر اول منتقم
دنی دشمنیز دن آلارقانیزی
دئدیم مردمه بسدیر ایوای چیخون
خانملاردا چالسونلا لای لای چیخون
بولارچون سوسوز جان وئروب جبهه ده
سرین سو ائیچن وقتده پای چیخون
گلوب سیز بئیزه عزت آرتیرماقا
داغین باشینه زینت آرتیرماقا
یازون ((اشرفی))نین ده دیوانینه
سنه گلموسوخ قیمت آرتیرماقا
- پنج شنبه
- 19
- آبان
- 1390
- ساعت
- 16:36
- نوشته شده توسط
- علی اشرفی راد(عین الدین)
احمد