• چهارشنبه 5 اردیبهشت 97

زلال ترکی -( شور زلال عاشورا )

4881
9

شور زلال عاشورا (  شعر در سبک زلال به زبان ترکی )

ای  شـــــریف  آزاده  انسـان!

ایستییه ر  سن تک  مسلمـان  دینـه  قرآن

قهرمان سن سن شرف دریاسی سن سن عشق سن سن

ائیـلـه ییبسن  عالمی  بـاخ گـؤر  نـه حیـران

یا حسین جان یا حسین جان!*

*

بـاغـلادیـن  حقّیـلـه  پیـمـان

اَیـمه دیـن  زوره  بـویـون  دونیـاده  بیــر آن

عشق دانشگاهـی نیـن  استــــادی  ای  عالـمـده  اُلگـو !

سؤیله یَـه ر   احسن سنه  دادار  سبحان

قانین آخدیقجا لب عطشان

*

سرور  و  شاه  شهیدان

آشنـای  عـالـم  پــر شــور  عــــرفـان

کیـم  کئـچَـر  اهـل  و  عیالیندان  بـو  شور  و  رغبتیله !

وار یوخون بیر گونده ائلَر دینه قوربان؟!

امتحان وئردین نه آسان!

*

ای عـزیــز و نــور  رحمان

اؤلمه ییبسن  تا  همیشه  جاودانسان

انـقلابیندان  آلیـــر  درس  انـقلابـلار  بــــو  جهـانـدا

فخر ائدیـر گؤیلر  سنه  ای جان جانان

اولدون آی گوندن درخشان

.

*عاشورا*:

.

کربـلانی  ماتـم  آلـدی

چیگنینه زینبده  قانلی پـرچم  آلدی

گولشنه اود ووردولار گوللر سوسوز چؤلده سارالدی

شیعه لـر قلبین خداونـدا  غم آلدی

گؤزلرین جامین نم آلدی

*

آغلیار تلّ اوسته زینب

داغلیــــار  دونیـــانی  دستـه دستـه  زینب

قالدی  پیغمبـــر  بالاسی  قانلی  میدانـدا  کؤمک سیــز

نئیله سین قان عرصه سینده خسته زینب

قارداشا دلبسته زینب

*

آغلیــار حیـدر حسینه

حضرت ِ  زهـرا  و  پیغمبـر  حسینه

آغلیـار  داغـلارلا  باغـلار  دریـالار  گلمیش  نـوایــه

قانلی داش و نیزه و خنجر حسینه

مسجد و منبر حسینه

.

 

از زلالیات ابوالفضل عظیمی بیلوردی ( دادا )

شاعر : ابوالفضل عظیمی بیلوردی

  • دوشنبه
  • 12
  • آبان
  • 1393
  • ساعت
  • 13:27
  • نوشته شده توسط
  • سید محسن احمدزاده

ارسال دیدگاه



ورود با حساب گوگل

ورود کاربران