رجز حضرت قاسم علیه السلام
 

کلامی زنجانی

من قاسمم ای لشگر راه و هدفیم دیندی
حق اوسته شهید اولماخ بالدان منه شیریندی

سربازِ قرآنم الله یا الله
اسلامه قربانم الله یا الله



پورِ حسنم ای قوم دلبند رسول الله
آماده یم ایسلانسون قانیمله بو قربانگاه
اذن آلدیم امیریمدن عشّاقه اولام همراه
مولایه مریدم من سلطان سلاطیندی



ای نامه یازان ملت مهمانه ائدون حرمت
اعدا گزور آسوده احراره یوخ امنیّت
هرگز علی اولادی کفره ائلمز بیعت
سیزلرده بو اندیشه بیر فکرت ننگیندی



پروانه کیمی دلدن شمع غمه یانّام من
یالوارمارام اشراره عهد اوسته دایانّام من
قانه بویارام خصمی، هم قانه بویانّم من
بو یولدا جوان قاسم قربانیِ آئین دی



جنگ ائتدی غرض دوشدی دامه چو هما قاسم
قان دوتدی گؤزون ائتدی نی مثلی نوا قاسم
تئز گل عمو جان اولدی اسلامه فدا قاسم
گلدی عموسی گؤردی یوز قانیله رنگیندی




#سبک_آتدان_یره_چون_دوشدی (با واگیر)
#سبک_یاران_چه_غریبانه (بدون واگیر)
#سبک_آی_گویده_کی_اولدوزلار (بدون واگیر )


#قاسمیه_شهادت
#من_قاسمم_ای_لشگر_راه_و_هدفیم_دیندی
#کلامی_زنجانی
#ترکی