• یکشنبه 27 آبان 97


در مدح و جلالت و شهادت سید و سالار شهیدان حضرت اباعبدالله الحسین علیه السلام -(تمام هستی عالم فدای روی حسین)

591

در مدح و جلالت و شهادت سید و سالار شهیدان حضرت اباعبدالله الحسین علیه السلام
▫️سبک سینه زنی شاه حسین گویان


سبک: زکودکی خادم این تبار محترمم

حاج علی زلفی تبریزی

تمام هستی عالم فدای روی حسین
شهنشهان و سلاطین گدای کوی حسین
پر آچدی گویلوم اولا باب رحمته عازم
هزار امیدیله پر وردی سوی کوی حسین

حسین عزیز دو عالم حسین شه دو سرا
حسیندی باب کرامت امید اهل ولا (۲)




مریض عشقم و آلامه  چاره آختارورام
وصال یاره یتیشماقه حقه یالوارورام
اورکده شوق زیارت ولیک الیم چاتمور
او بارگاه مقدس برابرینده دورام

حسین عزیز دو عالم حسین شه دو سرا
حسیندی باب کرامت امید اهل ولا (۲)




اورکده حب ولا وار باشیمدا شور حسین
تمام کالبدیم اولدی محو نور حسین
مقاله یوخدی توانیم حسین جلالیندن
فدای مرحمت و شفقت نشور حسین

حسین عزیز دو عالم حسین شه دو سرا
حسیندی باب کرامت امید اهل ولا(۲)




ابوترابه ثلاله حسیندی عشقه هلال
بشرده بیله گورونموبدی فر و مجد و جلال
تمام ماملکوندن ال اوزدی حقدن اوتور
محال امریدی تاپسون مرامی نقص و زوال

حسین عزیز دو عالم حسین شه دو سرا
حسیندی باب کرامت امید اهل ولا (۲)




رضا قضایه دیوبدی امام عرش وقار
طواف قبر حسین  خالقیله نسبتی وار
حسیندی پا به سر آزاده آیت توحید
بلا چولونده ولی غملی بیر حکایتی وار

حسین عزیز دو عالم حسین شه دو سرا
حسیندی باب کرامت امید اهل ولا(۲)




امان او وقتیدن الله دوشوبدی طاقتدن
جفای قوم عدو رد اولوب نهایتدن
آلوبدی دور و برین نچه مین زنازاده
قوشون خیامه قویوب یوز فغان او ساعتدن

حسین عزیز دو عالم حسین شه دو سرا
حسیندی باب کرامت امید اهل ولا (۲)




بویان طرفده اوجالمیش نوا و آه حسین
اویان طرفده یانوب جمله خیمه گاه حسین
سویون یانوندا دوشوب یار و سرسپاه حسین
قاچوبدی چوللره اطفال بی پناه حسین

حسین عزیز دو عالم حسین شه دو سرا
حسیندی باب کرامت امید اهل ولا (۲)




کشاکش ایچره اولوب نچه غنچه گول پامال
میان همهمه ده قاچماقا یوخیدی مجال
اولان اولوب ئولن ئولدی به  یوم عاشورا
اوت ایچره یاندی هامی آشیانیله پر وبال

حسین عزیز دو عالم حسین شه دو سرا
حسیندی باب کرامت امید اهل ولا (۲)




تمام یاریله انصار او چولده اولدی قتیل
مرامه یتدی زنازاده  لر سپاه رذیل
خدادن اوزگه عیاذ اولموب عصمت اللهه
بتوله نایبه اطفاله اولموشیدی کفیل

حسین عزیز دو عالم حسین شه دو سرا
حسیندی باب کرامت امید اهل ولا (۲)



قوتار رباعینی (زلفی) بو شعری ایله تمام
یقین توجه ایدر مطلبه او شاه انام
قرا علملره ور بوسه ارج و قدرین بیل
حسین فاطمه دن یاز کتابت ایله مدام

حسین عزیز دو عالم حسین شه دو سرا
حسیندی باب کرامت امید اهل ولا (۲)




#ورود_محرم
#حسینیه
#آرزوی_کربلا
#زلفی_تبریزی

  • پنج شنبه
  • 8
  • شهریور
  • 1397
  • ساعت
  • 3:14
  • نوشته شده توسط
  • علی ببیرپور
حجم فایل 1.27 MB
تعداد بازپخش 22
تاریخ بارگذاری پنج شنبه 8 شهریور 1397 03:14

ارسال دیدگاه



ورود با حساب گوگل

ورود کاربران