• چهارشنبه 28 شهریور 97


غارت خیام -(گل هارداسان قارداش آمان)

308

غارت خیام

سبک : ویرانه ده نازلو بالام ... ای غنچه نیلوفریم ...

مرحوم یحیوی

گل هارداسان قارداش آمان
تئز گل حسینیم گل
دولدی خیامه کوفیان
تئز گل حسینیم گل



آتلی پیاده یوز قویوب اخیامه هر یئرده ن
چیخمیش سمایه قورخولی سسلر عر‌بلرد‌ن
خیردا بالالار قورخوشور قارداش بو سسلرد‌ن
تا ائیلمزلر بیر زمان تئز گل حسینیم گل



بو های و هو، بو کشمکش زینب ند‌ن ئولمز
سند‌ن سوای هئچ کس منیم احوالیمی بیلمز
هی سسلر‌م باعث ندیر قارداش سسین گلمز
گر یاتمیسان، یاتما اویان تئز گل حسینیم گل



بو خیمه لرده بیر بولوک اهلِ عیالون وار
السیز ایاقسیز طفل وار باشی بلالون وار
تأخیر ائدیرسن بیلمیر‌م هانسی خیالون وار؟
بو سرّه باغریم اولدو قان تئز گل حسینیم گل



عور‌تلره شرعاً جهاد اولسیدی ائیلردیم
من دختر شیر خدایم جنگی باشلاردیم
حمله ائدیب بو لشگری نابود ایلردیم
اشراره وئرمزدیم آمان تئز گل حسینیم گل



صبر ائت باجی، صبر ائت باجی ای زار و دلخسته
امدادیوه گللم سنین آهسته آهسته
دورماقه یارا یوخ سورونَّم اللریم اوسته
قلبیم یانیر ائتمه بیان تئز گل حسینیم گل



بو همته، بو غیر‌ته قربان باجون زینب
گلمه بو نوعی رقته قربان باجون زینب
چوخدور یاران گئت راحته قربان باجون زینب
بیرده دییم ائتمه گمان تئز گل حسینیم گل



یاز یحیوی افرادلر ایسته ولی حاجت
قصد زیار‌تله مقامِ پاکه قیل نیت
بیر اربعین باب حسین اولسا سنه قسمت
قبرینده قیل ورد زبان تئز گل حسینیم گل

  • پنج شنبه
  • 8
  • شهریور
  • 1397
  • ساعت
  • 3:17
  • نوشته شده توسط
  • علی ببیرپور

ارسال دیدگاه



ورود با حساب گوگل

ورود کاربران