• سه شنبه 29 آبان 97


ورود ماه محرم -(گئنه ده زینبون نواسی باشلاندی)

565

ورود ماه محرم



محمدرضا نصیری میانجی

گئنه ده زینبون نواسی باشلاندی
بیکفن حسینون عزاسی باشلاندی
عطشان حسینیم وای
عریان حسینیم وای



بو آیدا فاطمه باشلار غم نوحه سین
ضبط ایلر ملکلر وای حسین وای سسین
زینب غملی اوخشار چوللرده بیکسین
سسلر حسینیمون غم یاسی باشلاندی



زینبون قلبینده دوران مین غم چکدی
بو آیدا قان رنگی نقش ماتم چکدی
گویلره ملکلر قاره پرچم چکدی
نوحه ی ماتمون صداسی باشلاندی



حسینون تربتی امراضه دوادی
مرکز عشقینون آدی کربلادی
یرلرده عزادی گویلرده عزادی
دنیانین بو غملی هواسی باشلاندی



قانلی بیر کوینگی زهرا الده ساخلار
هی باخار اول قانلی کوینگه دل داغلار
بالاسی ئولن تک حسینه قان آغلار
سویلر کی قلبیمون پرواسی باشلاندی



زینب کربلاده بیر محشر یاراتدی
بیر عریان خنجره مقتلده ال آتدی
حسینون ئولمگی زینبی قوجاتدی
سسلندی باشیمون بلاسی باشلاندی



اول زینب کی قلب قوم کفری یاردی
اول زینب کی گوهر نطقیندن یاغاردی
بیر گونون عرضینده ساچلاری آغاردی
کربلانین اُول دم بلواسی باشلاندی



(نصیری)یازدی بو غم گستر اشعاری
سوغات عشقیدور اربابه آثاری
چیخاتماز یادیندن "زُبدَةُ الاَشعاری"
طبعینون موجیلی غوغاسی باشلاندی




  • پنج شنبه
  • 8
  • شهریور
  • 1397
  • ساعت
  • 3:23
  • نوشته شده توسط
  • علی ببیرپور
حجم فایل 336.13 KB
تعداد بازپخش 13
تاریخ بارگذاری پنج شنبه 8 شهریور 1397 03:23

ارسال دیدگاه



ورود با حساب گوگل

ورود کاربران