• جمعه 10 فروردین 03

استاد حسین غفاری اردبیلی

وداع حضرت امام حسین(ع) -(گیدورم میدانه یولا سال زینب جان)

1189
8

گیدورم میدانه یولا سال زینب جان
منم عاشورانون سوسوز سلطانی
پوزولوب قرآنون صفالی گلزاری
گرک قرآنون من اولام قربانی
یتیشوبدور وقتیم خداحافظ زینب
گل آل آغوشیمدن رقیّم یاتدی
سینمون اوستونده دیدیم از بس لای لای
سوزن اولدوزلار تک ستارم باتدی
دیله دوتدوم اوّل دیدیم آی جیران قیز
گئجه گل گوداله اولاق هم صحبت
دیدی بابا جانم هایاندور گودالون
بالامون احوالی منی آغلاتدی
منی آل قیزلاردان گیدیم بزم یاره
بو بابتدن اجر جزیلون واردی
یوز اوغولدان باشسان منه مین قارداشسان
آنا مثلی ذات اصیلون واردی
باجی اول آماده قنادون آلتیندا
بو خسته تیهونی امانت ساخلا
گوره جکسن غارت اولاندا اخیامیم
نَقَدری قیزلاردان دخیلون واردی
ئوزووی سیندیرما منیم بو لشکرده
امیدیم تک سنسن وفاداریم سن
یخیلوب عباسیم دوزدی فرات اوسته
ولی سن غیرتلی علمداریم سن
گوزووین یاشین سیل فقط سن بیل زهرا
باخور لشکر زینب منی آغلاتما
گیجه بو صحراده اگر قسمت اولسا
قرا معجر باشدا عزاداریم سن
منی گورسون لشکر یخوبلار مرکبدن
آماندی صبر ایله دایان تلّ اوسته
گوزووین یاشین توک اگر چه قولسوزدی
وفالی عبّاسی چاغیر آهسته
دینن آی غیرتلی شرفلی سرداریم
حسینی تک قویما آماندی قارداش
او قَدر میداندان دینن گَتدی باشسیز
جنازه اخیامه اولوبدی خسته

  • چهارشنبه
  • 28
  • شهریور
  • 1397
  • ساعت
  • 21:13
  • نوشته شده توسط
  • ابوالفضل عابدی پور

برای بارگذاری فایل در سایت اکانت مداحی بسازید



ارسال دیدگاه



ورود با حساب گوگل

ورود کاربران