• سه شنبه 4 اردیبهشت 97

اشعار شهادت حضرت قاسم ابن الحسن(ع),(گلمیشم گلمور سسون ای شاهزاده هارداسان)به همراه سبک سنتی ترکی

5915
16

گلمیشم گلمور سسون ای شاهزاده هارداسان
آل سسین بو بیکسون ای شاهزاده هارداسان
سسلدون بیر قالمادی قلبیمده آرامیم منیم
بیرده سسلن تا اوغول حاصل اولا کامیم منیم

 

یاده سالدون سن منی آخر دلآرامیم منیم
گلمیشم گلمور سسون ای‌شاهزاده هارداسان
سن گلن دمـدن سرّیه گوز تیکوب آخر یولا
گئج آپارسام قورخورام باشین آچوب زلفون یولا
اول یئره‌ کیم سن دوشوبسن بو عمون قربان اولا
گلمیشم گلمور سسون ای‌شاهزاده هارداسان
قارداشیم اوغلی گوزوم نوری گؤگل پابسته‌سی
حق یولوندا باش ویرن عاشقلرین سردسته‌سی
جسمی خنجر مُستمندی جانی پیکان خسته‌سی
گلمیشم گلمور سسون ای‌شاهزاده هارداسان
اُولقَدَر یوخدور کنار اولدون گوزومدن سن منیم
اولگیلن آگـه بونیسگیلّـی سؤزومدن سن منیم
هاردا قالدون یوز نه تیز کسدون یوزومدن سن منیم
گلمیشم گلمور سسون ای‌شاهزاده هارداسان
من باشون اوسته گلنجه قورخورام گلسون اجل
دوره‌می دشمن آلوب آخر گوتورمور مندن اَل
خیمهَ‌دِیدیم سسلدون اؤلدوم عمو امداده گَل
گلمیشم گلمور سسون ای‌شاهزاده هارداسان
چوخ چتیندور سسلیه‌سن سن عمون امدادیوه
یئتمیـه بیـر بیله وقتونـده سنون فریادیوه
ای منـی داد ایلیــن امـداده آخـر دادیوه
گلمیشم گلمور سسون ای‌شاهزاده هارداسان
یوخسا مدهوش ایلیوب دور جلوۀ جانان سنی
گلمیشم گلمور سسون ای‌شاهزاده هارداسان
خیمیـه تاپسـام آپـارّام میهمـان الان سنی
گلمیشم گلمور سسون ای‌شاهزاده هارداسان

 
کربلا زمزمه سی 2 – صافی

دانلود سبک سنتی

منبع:سایت مدایح
 


ارسال دیدگاه



ورود با حساب گوگل

ورود کاربران