• سه شنبه 2 بهمن 97


زبانحال حضرت زینب (س) در شهادت حضرت زهرا (س) -(ای سرورِ قلبِ طاها)

53

ای سرورِ قلبِ طاها
چشم اشگبار آنام وای
جانویرن فنا جهاندا
قلب داغدار آنام وای
واقفم آتان ئولندن اولدی تیره روزگارون
پوزدی حال مرتضانی جانویرونجه آه و زارون
غسلوی گجیله ویردی گیزلین ایلدی مزارون
وای اولان وطن غریبی تیره روزگار آنام وای
چرخ دون سنیله بیرآن ائتمدی جهاندا سازش
غمدن اولدی گوزلروندن ابر تک همیشه بارش
گُل کیمی سولوب سارالدون اولمادی سنه نوازش
توش اولان غم خزانه موسم بهار آنام وای
صبح و شامیده گوروردوم ای عزیزۀ دو عالم
گوز یاشون آخور عذاره گل یوزون دوتوبدی شبنم
گیموسن عزا لباسی قلب عالمه یتوب غم
گاه وای بابا دیورسن گاهی غمگسار آنام وای
قلبیمه سالان شراره نار درد و فرقتوندور
قیزعیالینه یتیملیق گورموسن نجه چتین دور
خاصه من کیمی بلاکش غرق بحر محنتون دور
زینبون ائدن پریشان هجری بی قرار آنام وای
اهل کین وجور و بدعت باخمادی عزالیسان سن
زخمدار ایدوبله جسمون تیر غم غزالیسان سن
غسلوی ویرنده گوردی شیر حق یارالیسان سن
گلدی نالیه دئدیم وای جسمی زخمدار آنام وای 
ثانی تئز اولیدی ای کاش خلق ایچینده حق ذلیلی
ایتمییدی گُل جمالون سیلی ضربتیله نیلی
حشراولونجا صورتونده باقی دور نشان سیلی
محشره سالان شراره غملره دچار آنام وای
عمروون گلی سارالدی صرصر خزان آپاردی
پیک حق سنی جهاندا گلدی باغریقان آپاردی
قول یارالی سینه یاره یوزده ده  نشان آپاردی
جدّیمه اولان مدال و دردی آشکار آنام وای
گلستان دینده سندن قالدی نچه گل نشانه
جور خاریدن سولالار اُفّ اولا بیله جهانه
وای بالا دیوب گلورسن غملرینده سن فغانه
حشره تک اولان دلیندن سلب اختیار آنام وای
گه بقیعده یوز قویورسان قبر پاک مجتبایه
دلده واحسن گلورسن گاهی دشت کربلایه
اوج ایدر فغان و آهون بارگاه کبریایه
«مبکی» تک حسین غمونده قلبی داغدار آنام وای

  • پنج شنبه
  • 20
  • دی
  • 1397
  • ساعت
  • 20:43
  • نوشته شده توسط
  • ابوالفضل عابدی پور
حجم فایل 799.76 KB
تعداد بازپخش 3
تاریخ بارگذاری پنج شنبه 20 دی 1397 21:19
عنوان : به این سبک اجرا میشود

ارسال دیدگاه



ورود با حساب گوگل

ورود کاربران