• جمعه 30 فروردین 98


مدح حضرت امیرالمومنین ،مولی الموحدین علی (ع) -(ای مظهر جلال صفات خدا علی)

18

ای مظهر جلال صفات خدا علی
همقدرت خدا نه ، خدادن جدا علی

اولماز غلط اگر سنه لفظ خدا دئسم
سنسن تمام عالمه نهج الهدی علی

ماهیّتونده عاجز و حیراندی ماسوا
یوخ حدّی ، مدحیوی ائده بو بینوا علی

عالمده ربّ نوعه سنونلندی تربیت
تقدیر قدرتونده حکم خدا علی

سنسن اولان صفات الهیّه متّصف
جنّیله ، انسه ، هم مَلکه مقتدا علی

سنسن ائدن زمانه ده ارشاد جبرئیل
سنسن أَنتَ مِن أنَا یتوشنده ندا علی

خالق دئیر غُلاة سنه کفر محضیدور
خالقدن اوزگه یوخدی سنه مبتدا علی

یتمز فلکلر اطلسی بو آستانیوه
گر قدّ کبریاده بیچیلسه ردا علی

الله ذوالجلال ائدوب ذوالفقاریوی
زنگ و ظلوم کفریده ظلمت زدا علی

عرش اوسته حُسن صوتیلن خالق جلیل
معراجیده محمّدی قیلدی صدا علی

هم کتف مصطفایه قویولدی سنون اَلون
اولسون گوروم او اللره جانیم فدا علی

اول اَلدی خیبری گوتورن مرحبی بولن
مهد ایچره اژدهانی بولن باالبدا علی

اول اَلدی باب رحمتی امّت ایچون آچان
دار الجزای حشریده یوم الغدا علی

خوشبختیدور قبول ائده سن آستانیوه
#قمرینی بیر محقّر و مسکین گدا علی

  • یکشنبه
  • 21
  • بهمن
  • 1397
  • ساعت
  • 19:14
  • نوشته شده توسط
  • ابوالفضل عابدی پور

ارسال دیدگاه



ورود با حساب گوگل

ورود کاربران