ای ماه جبین قامتی طوبا آی ابوالفضل
تنگ اولدی گوزومده منه دنیا آی ابوالفضل
روحیم قوشی یورقون دوداقمدا سنی گوزلر
گوز یاشی توکر غملی بولوطلار کیمی گوزلر
هی سوژه ویرور گوز یاشنا غصه لی سوزلر
دردیم کیمی اشگیم اولی دریا آی ابوالفضل
دل ملکینه رعدی پیاپی شاخور آغلور
گوز یاشی سارالمش یوزومه هی آخور آغلور
گل برگی کیمی لبلر اسور گوز باخور آغلور
آغلار منیم احوالیمه اعدا آی ابوالفضل
آی تک باتورام دورمه آهیم یایلاندا
گورم سنی بیر لحظه یاتان بخت آیلاندا
من باشدییام آواره لر آدی سایلاندا
گوزلور سنی بو کلفت زهرا آی ابوالفضل
گلمورگوزومه خوش نه‌چمن زار ونه گلشن
چونکه گوزلیم گوزدن آتوبسان آناوی سن
جانیم چالیشور سینه‌ده یول‌گوزلیورم من
قویما ننوی بیکس و تنها آی ابوالفضل
غربتده اوغوللار اولالار یا که وطنده
گوزلر آنا اوغلانلاری جان اوسته ئولندها
تابوت ال اوستنده گئده قبره گئدنده
گرچه کسیلوب اللرون اما آی ابوالفضل
مدتدی فراقونده سنون غرق عزایم
ئوز حالیمه یوخ من سنه مشغول رثایم
قلبی یارالی عورتم امّ الشهدایم
زنداندی منه منزل و مأوا آی ابوالفضل
جان اوسته رضایم که غمیم قلبیمی سیخسون
هجران سیلی دیوار سرای دیلی یخسون
گل بیرده ئوپوم صاق گوزوی جان صورا چیخسون
بی کس ننوم عازم عقبا آی ابوالفضل
- سه شنبه
- 30
- بهمن
- 1397
- ساعت
- 18:20
- نوشته شده توسط
- ابوالفضل عابدی پور
ارسال دیدگاه