• سه شنبه 28 اسفند 97


غزل میلادیه (1) -(عشقون اوخشاتدی منی عاشق و دیوانه لره)

47
1

عشقون اوخشاتدی منی عاشق و دیوانه لره
واردی دیوانه لرون نسبتی فرزانه لره

زلفووی سنبل ائدوب عالَم حُسنه توکسون
منده کیپریکلریمی اوخشادارام شانه لره

کیپریگیملن داریوب زلفووی ساللام نظمه
تا گورن اوخشادا جانا سنی جانانه لره

گلشن زلفون آرا مین ئورک ائتمیش مأوا
سانکی قوشلار سیخیلوبلار دلِ شب لانه لره

شمع رخساری تبسمله فروزان ائله سن
دور شمعینده آنون اوخشیا پروانه لره

سن گولنده گوزلیم منده ئورکدن گولورم
ویرورام طعنه بوتون عاشق مستانه لره

آغلیاندا ولی عالَم اولی زندان گوزومه
غم دولور قلبیمه اوخشور ئورگیم شانه لره

بیر تبسمله منی بختور ایلور دوداقون
دولور عشقون کف جانانه ده پیمانه لره

می عشقون میِ معنادی کیم عارفدی بیلر
عارفین حاجتی یوخ باده و میخانه لره

می معنانی مجاز اهلی مسلم سویمز
می معنا یاراشور عشقیده مردانه لره

هادیا دامن دانانی الوندن ویرمه
عاقل اول قوشما ئوزون جاهل و بیگانه لره

عارفین علمی او باراندی یاغوب رشد وئرور
توپراق ایچره قاریشان بذرلره دانه لره
ـــــــــــــــــــــــ
(1) این متن برای تمامی میلادیه ها مناسب میباشد.

  • چهارشنبه
  • 15
  • اسفند
  • 1397
  • ساعت
  • 12:26
  • نوشته شده توسط
  • ابوالفضل عابدی پور

ارسال دیدگاه



ورود با حساب گوگل

ورود کاربران