باخشون آهودان گوزل
دوداقلارون مخزن غزل
منیم پایمسان وئروب سنی
من ایچون رب لم یزل(۲)
داغیلا هر درد و ملالیم
گوله گوللر مثلی جمالیم
آلا گوز ایستکلی غزالیم
ننه قربانون آغلاما(۲)
قاشون اوخشور قلملره
یوزون طراوتلی بیر گوله
تلون دوشنده جمالیوه
قاریشور لاله سنبله(۲)
اولوب اشکون زلفوه ژاله
توکولوب گول مثلی جماله
ننه قربان هاشمی خاله
ننه قربانون آغلاما(۲)
آچیلاندا گوزل گوزون
چمنده گوللر بوتون گولور
آخاندا اشکون جمالیوه
ائله بیل ژاله دور سوزور(۲)
اوتورور شبنم گولون اوسته
اگیلورگول سنبلون اوسته
توکولور غم بولبولون اوسته
ننه قربانون آغلاما(۲)
گوزلیم آغلیاندا سن
سسون سالور اود قراریمه
آخوب سرشکیم سنون کیمی
دوزولوللر عذاریمه(۲)
باشوی قوی سینمون اوسته
ئوزیوی چوخ ائیلمه خسته
ننه باخسون دیده مسته
ننه قربانون آغلاما(۲)
ــــــــــــــــ
(۱) قسمتی از متن میلادیه استاد هادی اردبیلی برای ولادت امام زمان (عج) ، که این بخش منتخب را برای تمام میلادیه ها میشه اجرا کرد.
- چهارشنبه
- 15
- اسفند
- 1397
- ساعت
- 12:27
- نوشته شده توسط
- ابوالفضل عابدی پور
ارسال دیدگاه