• سه شنبه 28 اسفند 97


متن شعر ترکی مدح و میلادیه حضرت امام محمد باقر علیه السلام -(چیخوب گون روشن ائتدی شام تاری)

115

چیخوب گون روشن ائتدی شام تاری
گلوبدور عالمه دین افتخاری

امام باقر ائتدی رخ نمایان
آتا آلدی اله زیبا نگاری

ازل آچدی دیلین حمد و ثنایه
گورنده قدرت پروردگاری

دئدی به به جهان اولموش منور
گوزلدور بو بالانون گل عذاری

سنه قربان اولوم ای حی یزدان
گلستان ائلیوبسن شوره زاری

هامی دنیا و مافیها بزتمیش
تولد تاپدی حیدر یادگاری

قدم قویجاق جهان اولدی گلستان
یایلدی بوی خوش صحرایه ساری

آچوبدور پرده یوزدن ماه تابان
ایشیقلاندیردی نوری هر دیاری

بالام جانانینه عاشقدی عاشق
اولار میدان علمون تک سواری

بالامدور حامی علم و امامت
ولایت شهرینون پر اقتداری

دوشر آوازه ی علمی جهانه
اولاجاق دین حقون پاسداری

عطا ائتمش اونا حی توانا
علوم اختفا و آشکاری

شکافنده اولار معنای باقر
که یعنی اوندادی علم اختیاری

چیخار چوخ مکتبیندن قابل استاد
نهال علمی ایلر آبیاری

  • پنج شنبه
  • 16
  • اسفند
  • 1397
  • ساعت
  • 13:8
  • نوشته شده توسط
  • ابوالفضل عابدی پور

ارسال دیدگاه



ورود با حساب گوگل

ورود کاربران