بو دیار غربتده زینبون
جان وئرور غریبانه یاحسین
لطف ائله ئوزون دفنیمه گلوب
قبره قوی یانا یانه یاحسین
اولموشام گیجه گوندوز اشگریز
سن شهید اولاندان صورا مدام
هر بلا و محنتلره دوزوب
یانموشام فراقوندا صبح و شام
ازبر ایلیوب دلده آدوی
سیل غملره ائتمیشم دوام
عمرومون اجل ذورقی دوشوب
بحر غمده طوفانه یاحسین
شامی مدفن ایلور عقیلیه
آل هاشمه چرخ کجمدار
هجرائوینده یاندیم فراقیده
اولموشام غمونده فغان وزار
دورت مین اوخلی کوینکدی مونسیم
ایمدی سینم اوسته دوتوب قرار
ساخلارام الیمده بوکوینکی
حشره جک قسم جانه یاحسین
حال احتضارینده آختارار
ائلرین یانا یانه مُحَتظَر
ایستیر بیان ایلیه سوزون
ناگران گوزی صاق صولا گزر
خاصّه بیرباجی منتظر قالار
قارداشین گوره باری بیر نظر
گوزلیور سنی زینب ایمدی گل
شامی ایت عزاخانه یاحسین
خسته بلا ، غرق ماتمم
الّلی ایلدی نالان و باغریقان
دوردایل عمریده خوش گونوم اولوب
اولموشام او دورد ایلده شادمان
فاطمه آنامدان صورا منیم
اولدی گون به گون مونسیم فغان
آغلادیم فراقینده روز وشب
اشگیم آخدی دامانه یاحسین
شمع عمر زینب اولور خموش
اولمیوبدی بیر قیدینه قالان
غربت اولکده گوزتیککوب یولا
یوخدی لااقل یادینه سالان
گور روادی بی اقربا اوله
یدی قارداشین باجیسی اولان
منتهای نسگلدی شامیده
زینب پریشانه یاحسین
سینون اوسته کی شیرخواره نی
آل قوجاقه گل یاسیمه منیم
ممکن اولسا ایله خبر گله
لاله های احساسیمه منیم
قاسیمیله جدیم شبیهنه
بیرده قولسوزعباسیمه منیم
بی کسم گلون شامه باش چکون
زینب نوا خوانه یاحسین
منتظر قالوب یولدا گوزلریم
شامه قارداشیم مجتبا گله
ظلم الیله محراب عشقیده
قانه غرق اولان مرتضا گله
عون وفضل وجعفر آنام بتول
بیرده خاتم الانبیا گله
ایلیه محیا بساط غم
ائللریم بو نالانه یاحسین
واریادیمدا روز شهادتون
جبراً آیرلاندا خیامیدن
ایلدون وداع اهلبتوی
خیمه لرده خرُد کباریدن
قانه دوندی دیدمده گوزیاشیم
یاندی قلبیم آهیله زاریدن
باردرد و غم اوندا قدیمی
دوندربدی چوگانه یاحسین
دلشکسته قیزلارون غمی
آلدی زینبوندن قرار وتاب
اصغری بهانه ائدوب سنه
آغلیاردی اخیامیده رباب
ایمدیده یانقلی نوالری
ایلوری منیم باغریمی کباب
ملک دل یانور تاب ائدنموری
ناله های سوزانه یاحسین
گلموری بیانه دیلیم دئسون
شام و کوفه نین ماجراسینی
یاکه عرش اعلایه قوزانان
آل عصمتین آه و واسینی
شرح ائدوم نه نوعی رقیه نین
فرقتینده نی تک نواسبنی
اوخشیاردی گوزیاشی هرگیجه
هجر ائوینده عمانه یاحسین
اولدی بیت الحزان رقیوه
گوشه خرابه شه انام
فوج محنت آلدی توانینی
دوشدی دیلدن آخراو خوشکلام
بسکه چوخ سوردیم اوغمکشی
گلمیشم یانیندا قالام مُدام
آغلیاندا معناده دیندیرم
گلمسین چوخ افغانه یاحسین
خلق ائدوبدی خلاق لم یزل
زینبی یم درد و ابتلا
دین حقه عمرون فدا ائدوب
قهرمان صحرای کربلا
یازدیرب آدین لوح عشقیده
ای ( جوانی) مام غم و بلا
آغلا زینبه عرض ائله باجون
جان وئرور غریبانه یاحسین
- پنج شنبه
- 23
- اسفند
- 1397
- ساعت
- 17:39
- نوشته شده توسط
- ابوالفضل عابدی پور
- شاعر:
-
موسی جوانی تبریزی
ارسال دیدگاه