من علی المرتضایم کعبه ده دنیایه گلدیم
تاجر عشقم الیمده نقد جان سرمایه گلدیم
عاشقان راه حقه مقتدای مهربانم
ایلیم تدریس غیرت امت طاهایه گلدیم
من حیدرم زهرا مَلَکَم
دلاورم دنیاده تکم
اهل عشقه مقتدایم
راه حقه رهنمایم
مرتضایم مرتضایم
آخر عمریمده بش ایل امته اولدوم خلیفه
کهنه گیدیم آج دولاندیم سهمیمی ویردیم ضعیفه
هر زمان میداندا چکدیم تیغ تیز ذوالفقاری
فرصت اراز قدرت ویرمدیم سرکش حریفه
من حیدرم زهرا مَلَکَم
دلاورم دنیاده تکم
اهل عشقه مقتدایم
راه حقه رهنمایم
مرتضایم مرتضایم
جسمیمه دگسیدی یاره عالمی داغلاردی زهرا
وای عم اوغلی وای دیردی حالیمه آغلاردی زهرا
باشیمه خنجر دگنده اولمادی یورقون طبیبیم
کوفه ده اولسیدی شاید یاره می باغلاردی زهرا
من حیدرم زهرا مَلَکَم
دلاورم دنیاده تکم
اهل عشقه مقتدایم
راه حقه رهنمایم
مرتضایم مرتضایم
همسریم اللرده ئولدی ایلدیم گوز یاشی جاری
مرتضایه باغباندان قالدی دورت گول یادگاری
منتظر قالدیم ایویمده گلمه دی هیچ کس عزایه
نوحه خوانیم اولدی زینب ایلدیم تک سوگواری
من حیدرم زهرا مَلَکَم
دلاورم دنیاده تکم
اهل عشقه مقتدایم
راه حقه رهنمایم
مرتضایم مرتضایم
من علی المرتضایم نور عرش کبریایم
سالک قرآن طریقم شمع بزم اتقیایم
جاهد میدان عشقم شاهد روز الستم
اولین مسلیمینم دوم آل عبایم
من حیدرم زهرا مَلَکَم
دلاورم دنیاده تکم
اهل عشقه مقتدایم
راه حقه رهنمایم
مرتضایم مرتضایم
- یکشنبه
- 26
- اسفند
- 1397
- ساعت
- 13:56
- نوشته شده توسط
- ابوالفضل عابدی پور
- شاعر:
-
استاد حسین غفاری اردبیلی
ارسال دیدگاه