زینبین عمری یتوب شامیده اتمامه حسین
باجوین گوزلری قربان سنه گل شامه حسین
ایستدیم محضروه ایلیم ارسال پیام
آغ ساچیمدان توخودوم صفحهٔ تحریر کلام
کیپریگیملن صورا یازدیم شه بطحایه سلام
اود بوکوب ساچلاریما ایلمیشم نامه حسین
یاده سال یثربی زهرانی علینی حسنی
خاطراتونده مجسّم ایله کلثومی منی
بیر بیرین هامّی چوخ ایستردی ولی هامّی سنی
حسرتم اللی بش ایلدی ائله ایّامه حسین
سبز رنگینده بابام کوینک آلاردی حسنه
قیزلارا یاسمنی قرمیزی رنگینده سنه
اوخشیاردوخ گُله بیز عینن حسنده چمنه
گینوب سبز قویاردی باشا عمّامه حسین
ائویمیز دوزدی کی ظاهرده مُحقّر ائویدی
من هر ائودن دیورم رتبه سی برتر ائویدی
مفتخر اوردا پیمبر اولوب الهامه حسین
ایشلیوب خسته گَلردی ائوه یثربده بابام
منی آغوشه آلاردی یوزینه بوسه ویرام
یورولوب چولده بابون دوش یره سسلردی آنام
نه گوزل گونلریدی دوندی ولی شامه حسین
ستم ثانی منیم بختیمیلن ایتدی ستیز
آرزو غنچه‌لریم اولمادیلار رایحه خیز
بش یاشیمدان سنه اولدوم ننه قالدیم ننه سیز
جغد ویرانه نشین قوندی بیزیم بامه حسین
امّته اولدی بابام بعد نبی چونکه امام
مکتبیندن ایلدیم شام و سحر اخذ مرام
درس عشقی منه ئورگتدی ئوزی گام به گام
حوزهٔ عشقیده تا ایلدی علّامه حسین
- سه شنبه
- 6
- فروردین
- 1398
- ساعت
- 15:36
- نوشته شده توسط
- ابوالفضل عابدی پور
- شاعر:
-
استاد حسین غفاری اردبیلی
ارسال دیدگاه