• جمعه 10 فروردین 03


متن شعر ترکی زبانحال حضرت امام کاظم علیه السلام -(ئولورم تنگه دوشوب روحِ روانیم آنا گل)

346

ئولورم تنگه دوشوب روحِ روانیم آنا گل
یغشوب سینمه ایستور چیخا جانیم آنا گل



دئمورم منله گلوب سجن محنده اولاسان
دئمورم پیک اجل داده گلنده اولاسان
دیورم باشیم اوستنده ئولنده اولاسان
گورم اوّل سنی اوندان چیخا جانیم آنا گل



آخرین دم باخا یورقون گوزوم آغلارگوزوه
قولاقیم سامع اولا سن دانشاندا سوزوه
گورسدیم قمچیلرین ردّینی بیر بیر اوزوه
چوخ یوبانما قوتاروب تاب و توانیم آنا گل



قوری یرده دونورم صاق صولا جان اوسته اوزوم
ولی دوندوقجه گوزتلور در زندانی گوزوم
ئوزوجودیم کیمی زندانی اولوب دلده سوزوم
دیه بلمور سوزومی اوتلی زبانیم آنا گل



آدوی ورد ایلیوب راز و نیاز ایلیورم
در امیدی بو پاک آدیله باز ایلیورم
گر چه پیرم گنه احساس نیاز ایلیورم
سسلنور جسمیده یورقون ضربانیم آنا گل



حبسیده پیکریم آزقالدی که جاندان دوشسون
یورولوب مرغک روحیم طیراندان دوشسون
شریانیمده کی قانیم جریاندان دوشسون
هله شریانیده سیرینده دی قانیم آنا گل



بو قرانلوقدا نه احوالیمی دل اهلی بلور
نگران گوزلریمون اشگینی بیر کیمسه سیلور
نفسیم تنگه دوشوب گاه گلور گه کسیلور
قصدون اولسا گله سن آزدی زمانیم آنا گل



سن که یاده سالوسان غربیده بیگانه لری
روحون آواره گزور شرقیده ویرانه لری
آدوی یوزده یازوب گوزیاشیمون دانه لری
من سنون ئوز بالوام دلده فغانیم آنا گل



نگرانم اودی که ترک ایلمور جسمیمی جان
اینجدور ئوز نفسیم روحیمی چیخمور آسان
رو به قبله ایلین وار نه الیمدن یاپشان
واردی نه قاری ، نه ده فاتحه خوانیم آنا گل



چوخ ائلیم واردی وار آغلیانیم کیم اولاجاق
گوروب احوالیمی دل داغلیانیم کیم اولاجاق
جان چخاندا گوزومی باغلیانیم کیم اولاجاق
سنه چاتدی گنه جان اوسته گمانیم آنا گل



من او ماهم باتورام تاپمورام اولدوزلاریمی
قویمشام گوزلری یوللاردا آدامسیزلاریمی
سالمورام یادیمه حتی نگران قیزلاریمی
انتظارم سنه آی نام و نشانیم آنا گل



او قدر آغلامیشام غم قاریشوبدور قانما
قصد لله ائله جان اوسته ننه گل یانما
نجه گور رخنه ایدوب رنج رطوبت جانیما
سالدی دلدن بو رطوبتلی مکانیم آنا گل




  • یکشنبه
  • 11
  • فروردین
  • 1398
  • ساعت
  • 12:36
  • نوشته شده توسط
  • ابوالفضل عابدی پور

برای بارگذاری فایل در سایت اکانت مداحی بسازید


حجم فایل 748.30 KB
تعداد بازپخش 21
تاریخ بارگذاری یکشنبه 11 فروردین 1398 03:55
عنوان : به این سبک اجرا شود

ارسال دیدگاه



ورود با حساب گوگل

ورود کاربران