• یکشنبه 26 خرداد 98


ماه شعبان -(چون اولدی عیان جیب افقده ن مه شعبان )

47

چون اولدی عیان جیب افقده ن مه شعبان 
آچدی در جنات نعیمین حق سبحان 

شور و شعف آفاقی ائدیب  یکسره لبریز 
رزاق ازل پهن ایلییب سفره ی احسان

پیغمبر رحمت بئله فرمایش ائدیبدیر  
بو آیلار ایچینده اوز آییمدیرمه شعبان

شعبان آیی نی قویما اولا غفلتیلن فوت 
ای بنده کی درد و المون وارد ی فراوان

اغیاری رها ایله یاپیش یار اتگینده ن 
گل باغلا گیلان حضرت معبودیله پیمان

کیم دوزدو چنین لیگ لره دنیاده، خداوند 
اوز قدرت الیلن  ایلدی مشکلون  آسان

شعبان آیی باشدان باشا رحمتدی کرمدی
هیهات بوآیدان کی الی بوش  چیخا انسان

گلزار ولایتده عجب گوللر آچیبدی
بلبلر اولوب گوللرین اوستونده غزلخوان
 
باخ صبحدم سوم شعبانه شعف له 
آفاقی منور ایلدی بیر مه تابان

تعظیم ائدیب اول ماهه بوتون اهل سماوات 
مبهوت اولوب انوارینه خورشید درخشان

قنداقی گئدیب عرشه قوپوب شور قیامت
ذرات و جمادات اولوب یکسره رقصان

یارب گوره سن کیمدی بو مولود مصفا 
انفاسی ائدیب بر و بیابانی  گلستان

بو فاطمه نین اوغلی حسین بن علی دور 
دریالره اولوبدور او لب لعلینه  عطشان

وجه حسنه باخ وجناتیندا حسینین
زلف سیهی ائلییب عشاقی پریشان

  • جمعه
  • 23
  • فروردین
  • 1398
  • ساعت
  • 14:46
  • نوشته شده توسط
  • ابوالفضل عابدی پور

ارسال دیدگاه



ورود با حساب گوگل

ورود کاربران