لطف ایلیوبدی مولودِ اطهر
حی توانا ام البنینه
اولسون مبارک ضرغامِ رعنا
عباس زیبا ام البنینه
اولسون مبارک (4)
گورمز نظیرین میدان هیجا حیدر مثالی صفدردی عباس
کیم گورسه جنگین فکر ایلیر کی عنقادی اما بی پردی عباس
بو صولتیلن بو هیبتیلن تنها حسینه نوکردی عباس
لطف الهی مولایه خاطر اولدی مهیا ام البنینه
اولسون مبارک (4)
فرزند حیدر عشق مصور شاه حجازین لایق وزیری
سجده زمانی عبد فروتن میدانون اما غرنده شیری
چوخدور حسینه دنیاده نوکر عباسون اما اولماز نظیری
به به نه زیبا ماه دل آرا ویردون خدایا ام البنینه
اولسون مبارک (4)
دریای رحمت کان شجاعت معنای غیرت مولا ابوالفضل
ماه درخشان سرو خرامان سلطان میدان آقا ابوالفضل
هر دردون اولسا ایلر مداوا صدقیله سسلن گَل یا ابوالفضل
الله ویریبدی عباسی ائتسون درده مداوا ام البنینه
اولسون مبارک (4)
چشمان مستی سرچشمۀ عشق ابرو کمانی لب ارغوانی
گهواره سینده صید ایلیوبدی اوخ کیپریگیلن حورجنانی
حیدر دگیشمز عباسه قیمت کیم وئرسه یکسر جنت سرانی
علت اودور کی ایلور سفارش عباسی مولا ام البنینه
اولسون مبارک (4)
آغوشه آلدی عباسی حیدر ئوپدی اَوَلده زیبا ئوزوندن
آگه دگولدی هئچ کس علینون قلبینده گیزلین غملی سوزوندن
بیلمم نه باعث اولدی کی مولا صول قالدی ئوپدی تک ساغ گوزوندن
آغلار گوزیلن عباسی وئردی آهسته گویا ام البنینه
اولسون مبارک (4)
- چهارشنبه
- 28
- فروردین
- 1398
- ساعت
- 12:2
- نوشته شده توسط
- ابوالفضل عابدی پور
- شاعر:
-
استاد حسین غفاری اردبیلی
ارسال دیدگاه