• جمعه 10 فروردین 03


متن شعر ترکی میلادیه حضرت ابوالفضل العباس علیه السلام -(جماله باخ یارادان عین ماهپاره یاراتمیش)

216

جماله باخ یارادان عین ماهپاره یاراتمیش
مه سپهره بو رخساری استعاره یاراتمیش

بو حسنده نه بشر خلق اولوب نه ده اولاجاقدور
مهِ منیری مگر خالقی دوباره یاراتمش؟

تبسمی که او غنچه لبینده غنچه لنوبدور
ریاض جنته بو غنچه نی اشاره یاراتمش

گولومسوننده،جمالینده گللنور هامی گلشن
بهار باغ جمالی عجب بهاره یاراتمش

اگر چه گلشن حسنی آچوبدی بیر گل جنت
ولیک شوق وصاله هِزار هَزاره یاراتمش

آلوب اَ ل اوسته آنا منظره ائدوبدی گوزونده
ایکی الین تزه مولوده گاهواره یاراتمش

غزل کیمی یوزی تضمین اولوبدی علم تضاده
یوزینی صاف سحر تللرینی قاره یاراتمش

تفاخریله باخور ئوز الینده صود امرینه
که شیرۀ شرفی گور نه شیر خواره یاراتمش

یوزوی توپراقا قوی هادیا سپاس ائله حقه
سنی ده شعر سماسینده بیر ستاره یاراتمش

  • چهارشنبه
  • 28
  • فروردین
  • 1398
  • ساعت
  • 13:24
  • نوشته شده توسط
  • ابوالفضل عابدی پور

برای بارگذاری فایل در سایت اکانت مداحی بسازید



ارسال دیدگاه



ورود با حساب گوگل

ورود کاربران