یات گوزیمون نوری یات اوغلوم
آی کیمی سینمده بات اوغلوم
آی دیلیمون ازبری لایلای
فاطمه نون دلبری لایلای
زمزمه اوخشور دوداقلارون
پربرکتدی ایاقلارون
عطریلی گولدن گوزل اوغلوم
لبلری شیرین عسل اوغلوم
آی دیلیمون ازبری لایلای
فاطمه نون دلبری لایلای
آغلاما یات خسته طرلانیم
یات قره قاش گوزلی جیرانیم
گوزدن اوغول آتما زهرانی
آغلیوب آغلاتما زهرانی
آی دیلیمون ازبری لایلای
فاطمه نون دلبری لایلای
بیر گون اولار یاورون اولماز
اکبر ئولر اصغرون اولماز
خیمه ده بیچاره قیزلارون
باشه سالار قاره قیزلارون
آی دیلیمون ازبری لایلای
فاطمه نون دلبری لایلای
باشدا قرا معجریم گللم
گلمه سه ده دیزلریم گللم
شعله چکوب اوددا یانام من
باشیوه مین یول دولانام من
آی دیلیمون ازبری لایلای
فاطمه نون دلبری لایلای
سسلرم آی تشنه قربانیم
پاره لنن قانلی قرآنیم
فاطمه نون کیم ایوین یخدی
کیم سینووه چکمه لی چیخدی
آی دیلیمون ازبری لایلای
فاطمه نون دلبری لایلای
قُمری لرون هاردادور اوغلوم
صود امرون هاردادور اوغلوم
سینمه دگدی ئولوم داشون
هردادی غیرتلی قارداشون
آی دیلیمون ازبری لایلای
فاطمه نون دلبری لایلای
یاتما اوغول علقمون اوسته
یات یارالی سینمون اوسته
منده دیوم یات اوغول لایلای
تشنه ویرن جان حسینیم وای
آی دیلیمون ازبری لایلای
فاطمه نون دلبری لایلای
- چهارشنبه
- 28
- فروردین
- 1398
- ساعت
- 13:32
- نوشته شده توسط
- ابوالفضل عابدی پور
- شاعر:
-
استاد حسین غفاری اردبیلی
ارسال دیدگاه