گُل دامان زهراده بو خوش شبنم مبارکدور
حسینون جشن میلادی دئیون باهم مبارکدور
حسین جانم حسین جانم
کنار بیت اعلاده حقیقت پیشه عاشق تک
آخور آهسته آهسته دیور زمزم مبارکدور
ندا گلدی ملک لردن ایا یا ایهالعشاق
مقدس مقدم شاهنشه عالم مبارکدور
ویرنده مژده سین حوا بو مولودین قدر جاهین
طرب آلود و لب خندان دیدی آدم مبارکدور
جنانی ترک ایدوب خندان گلوبدور مادر عیسی
الیندن ئوپدی زهرانون دیدی مریم مبارکدور
علی گهواره ده گورجک گوزین دولدوردی اشکیلن
دیدی شکر اولسون اللهه اوغول مقدم مبارکدور
خبر ویردی بو جریانی رسول اللهه مسجدده
جوابینده بویوردی حضرت خاتم مبارکدور
- پنج شنبه
- 29
- فروردین
- 1398
- ساعت
- 10:23
- نوشته شده توسط
- ابوالفضل عابدی پور
- شاعر:
-
استاد حسین غفاری اردبیلی
ارسال دیدگاه