شمع شبستانیم حسین
ایستکلی جیرانیم حسین
یات سینم اوسته آغلاما
قربان سنه جانیم حسین
لایلای حسین لایلای حسین
لایلای حسین لایلای حسین
به به نه زیباسن اوغول
ماه دلاراسن اوغول
بیر بوسه ویر ناز ایلمه
دبند زهراسن اوغول
لایلای حسین لایلای حسین
لایلای حسین لایلای حسین
قُمری کیمی کوکولرون
تِل تِل قرا گیسولرون
زهرانی عاشقلر کیمی
مست ایلیوب یاهولرون
لایلای حسین لایلای حسین
لایلای حسین لایلای حسین
گولدن گوزلدور صورتون
هر یرده واردور صحبتون
سن آغلاسون من آغلارام
واللهی دوزمز غیرتون
لایلای حسین لایلای حسین
لایلای حسین لایلای حسین
لعل لبون شیرین عسل
ابرولرون بیت الغزل
بیکس ننون قربان سنه
زهرانی دیندیر آی گوزل
لایلای حسین لایلای حسین
لایلای حسین لایلای حسین
یات سینم اوسته مختصر
سندن ایراق اولسون خطر
قوی گیزلدیم آغ سینه وی
چوخدور عزیزیم بد نظر
لایلای حسین لایلای حسین
لایلای حسین لایلای حسین
بیر گون قسم ئوز جانیوه
دشمن گلر میدانیوه
چوللرده بیکس تشنه لب
غلطان اولارسان قانیوه
لایلای حسین لایلای حسین
لایلای حسین لایلای حسین
بیربیر سوسوز اولدوزلارون
باشسیز قالار یالقوزلارون
فرمان ویرر اوغلون قاچار
صحرایه بیکس قیزلارون
لایلای حسین لایلای حسین
لایلای حسین لایلای حسین
- پنج شنبه
- 29
- فروردین
- 1398
- ساعت
- 10:26
- نوشته شده توسط
- ابوالفضل عابدی پور
- شاعر:
-
استاد حسین غفاری اردبیلی
ارسال دیدگاه