• پنج شنبه 9 فروردین 03


شهادت حضرت امیرالمومنین علیه السلام -(محراب عبادتده علی قانه بویاندی )

1084
1

محراب عبادتده علی قانه بویاندی 

باش سجده طاعتده باشیندان یارالاندی 

آسیمه و حیران هامی خاصان جناندی 

بو درد و بکا حضرت زهرایه گراندی 

چخوب عرشه فغانی 

آخوب محرابه قانی 

پوزوب اهل عزانی 

علی مولا علی جان (۳) 

  

  

  

حق اوسته شهید اولدی او ارکان هدایت 

قلبینده اولان مقصدینه یتدی نهایت 

الحق بونا زیبنده دی عنوان شهادت 

ئولدی اوکی خورشید ولا جان جهاندی 

چخوب عرشه .. 

  

  

  

آفاقی دوتوب قتل العلی جار و صداسی 

جبریله یتوب عرشیده بو امر نداسی 

خلقه خبر ایت معدلتین ئولدی رجاسی 

قاره گیینون موسم غوغا و فغاندی 

چخوب عرشه .. 

  

  

  

عالم هامی تشویشه دوشوب باشلادی ماتم 

محشردی نه عالمدی هامی حالتی برهم 

جناتیده باش آچدی بو گون حضرت خاتم 

نه محنت و حسرتدی خدا گوز یاشی قاندی 

چخوب عرشه .. 

  

  

  

تا این که بولوب بو خبری زینب کبری 

اسدی دیزی جسمونده یقین قالمادی یارا 

اولموبدی آناسی اولا بو درده تسلی 

زهرا قیزینون گوزیاشی رخساره رواندی 

چخوب عرشه .. 

  

  

  

یارب دیدی اندوه و بلائیله قرینم 

بشکسته دیلم غرق نوا زار و حزینم 

بو باره ده دلواپس حال حسنینم 

آخر حسنینون سسی افلاکه دایاندی 

چخوب عرشه .. 

  

  

  

قلبیم بو مصیبتده گلر شور و نوایه 

یوخ بیر نفر همدم من دربند عزایه 

بو آغلاماقی ساخلیارام کربوبلایه 

اول دم که حسین خیمه سرادن نگراندی 

اولار ایلدن آرالی 

دوشر جسمی یارالی 

قالار زینب نوالی 

یارالی جان یارالی (۳) 

  

  

  

غارتده قاچار چوللره قورخان بالا قیزلار 

ال باشدا ایاقلین او بیاباندا سوسوزلار 

قولاردا او گون قمچی لرون یرلری سیزلار 

شاهد همان اثنایه شه کون و مکاندی 

اولار ایلدن آرالی 

دوشر جسمی یارالی 

قالار زینب نوالی 

یارالی جان یارالی (۳)

  • چهارشنبه
  • 5
  • تیر
  • 1398
  • ساعت
  • 10:54
  • نوشته شده توسط
  • ابوالفضل عابدی پور

برای بارگذاری فایل در سایت اکانت مداحی بسازید



ارسال دیدگاه



ورود با حساب گوگل

ورود کاربران