• جمعه 10 فروردین 03


متن شعر ترکی زبانحال حضرت اباعبدالله الحسین در بالین فرزندش -(آچ گوزلرون ای نوگل گلزار پیغمبر اوغول )

614

آچ گوزلرون ای نوگل گلزار پیغمبر اوغول 
گوزلور یولون خرگاهده ذرّیه حیدر اوغول 
سن که یخلدون تشنه لب یتدون گوزل آمالوه 
قورتولدون همُّ غمّدن بالمرّه خوش احوالوه 
کیم بو تمنّاده اولا غبطه ایدر اقبالوه 
یوخ بیر مقام و شأن اولا بو رتبه دن برتر اوغول 
جانان یولوندا جان ویروب باشه یتردون خدمتون 
درک ایلدون سن محضر طاهانی آخر ساعتون 
امّا آنان لیلایه چوخ مشگلدی درد فرقتون 
حسرت وصالون درکنه قالدی او بی یاور اوغول 
باخدوقجا بو جسمه علی اشگیم چو دریا موج ایدر 
بی پرده عرشه فرشدن داد و فغانیم اوج ایدر 
طعن و شماتت حالیمه هر دسته هر بیر فوج ایدر 
من باشون اوسته آغلارام امّا گولر لشگر اوغول 
بیر سمتدن ایلر منه قوم ستمگر سرزنش 
بیر سمتدن شمر دنی ایلر او کافر سرزنش 
بیر سمتدن بی شرم رو سعد اوغلی ایلر سرزنش 
من دلفکاره گوسترر اوغلانلارین پیدر اوغول 
ظاهرده هر اوخ که سالوب بو جسمه سایه سانجلوب 
باطنده قلب لیلیِ بخت قرایه سانجلوب 
جنّتده بیرده سینه خیر النسایه سانجلوب 
بیر تیریله مجروح اولوب اوچ سینۀ انوار اوغول 
بو جسمه گر چه اگلنوب چوخ یاره لشگردن علی 
ایلوب اصابت داش آغاج نیزه بو پیکردن علی 
امّا جزاده شاکیم یعقوب کافردن علی 
عمده سنی دلدن سالوب کتفونده کی خنجر اوغول 
گلمز شماره یاره سی گل جسموون تقریریله 
بو پاره پاره پیکرون شان شاندی نوک تیزیله 
فرقون آتام حیدر کیمی منشق اولوب شمشیریله 
زخم سروندن یاد اولوب زخم سر حیدر اوغول 
بو چولده گوزده ظلمیله تار اولدی روز روشنون 
خار جفادن گل کیمی دولدی یارالی دامنون 
ای یوسف گل پیرهن بو غرقه خون پیراهنون 
ایگلر آلار جان عطرنی یعقوب غم پرور اوغول 
کوی وفاده سن بو گون عشاقی حیران قویموسان 
جانان یولوندا جسمدن رخت علایق سویموسان 
هی سسلیرم سس ویرموسن یوخسا آتاندان دویموسان 
سس ویر دلون قربانی من ای جدّیمه بنزر اوغول 
دوتمور دلون گر ایدماقا صحبت بو صبری طاقیله 
ذیحق سن آغزون دولوب آلقانیله توپراقیله 
پوزقون گلستاندور بو یر بو پیکر اوراقیله 
قطعه به قطعه دوغرانوب باشدان باشا پیکر اوغول 
بو پاره پاره پیکره حسرت گوزوم باخماز نجه 
باخدوقجه گوزدن عارضه خون جگر آخماز نجه 
قلب جهانی اودلارا قلبیم اوتی یاخماز نجه 
وار هانسی بیر دلده مگر قلبیمده کی آذر اوغول 
« نجمی » غم ایّامیله دل تنگدور شلم و سحر 
صدقاً دوتوبدور دامنون رخساره گوز یاشی توکر 
ایسته رعایت ایلسین حالین خدای دادگر 
مشگلده دور اوز دردینه سندن علاج ایستر اوغول 

  • سه شنبه
  • 22
  • مرداد
  • 1398
  • ساعت
  • 13:52
  • نوشته شده توسط
  • ابوالفضل عابدی پور

برای بارگذاری فایل در سایت اکانت مداحی بسازید


حجم فایل 180.31 KB
تعداد بازپخش 11
تاریخ بارگذاری سه شنبه 22 مرداد 1398 05:00
عنوان : به این سبک اجرا شود

ارسال دیدگاه



ورود با حساب گوگل

ورود کاربران