• سه شنبه 4 اردیبهشت 97

قربان اولوم جلالتیوه یا اباالحسن

3917
5

قربان اولوم جلالتیوه یا اباالحسن

چوخ شایقم زیارتیوه یا اباالحسن

مين بير آديلا آدلانوب الله لاينام        اسم رضادي مظهري بو آدلارين تمام

دنيانين اهلي رسميدي يوخ شبهه و مقال  شيرين آدي گلنده عسلدن ورار مثال

شيرين دور اهل عشقه عسلدن ولي وصال    قربان وصال حضرتوه يا اباالحسن

تلخين مثاليني عقلا زهردن ورار      عشاق ايچينده عكسينه اما عقيده وار

مين دفعه زهردن آجيراقدور فراق يار     يوخ منده تاب فراقتوه يا اباالحسن

 

آگاهسن اوزون سن ايا شاه ذوالكرم

من عاشقم سنه ديمه مداح و نوكرم

بر آستانون اوپماقي مين خلده ويرمرم

آند اولسون اوز امامتيوه يا اباالحسن

چوخدان دوشوب خسته گوگل اشتياقوه

ياندورما بربيله مني نار فراقوه

ايسته گلوم بهشتدن اعلا رواقوه

ويرم قسم رضايتوه يا اباالحسن

سن شاه ما سوا سنه من كمترين گدا

شاه گداني بوش يولا سالماق دگول روا

بر باخماقون ايدر ايكي دنيامه اكتفا

اولام رهين منتوه يا اباالحسن

هجرونده گوز ياشين قاريشيب قلب قانينه

رحم ايله بو بلا كشين آه و فغاننه

ورم قسم شها سني معصومه جاننه

ايسته گلوم زيارتوه يا اباالحسن

من نوكرم قاپوزدا حسيني دي شهرتيم

لايق دگول اگرچه بو درباره خدمتيم

اما بو بوش اليله گينه يوخدي وحشتيم

گوز تيكميشم شفاعتوه يا اباالحسن



كتاب چهارده معصوم حسيني با ملحقات

تاريخ : ۱۴۰۵ قمري مطابق با ۱۳۶۳ شمسي

 

  • شنبه
  • 27
  • آبان
  • 1391
  • ساعت
  • 16:34
  • نوشته شده توسط
  • سعيد رضايي

ارسال دیدگاه



ورود با حساب گوگل

ورود کاربران