• چهارشنبه 5 اردیبهشت 97

احوالات حضرت رقيه عليه السلام

6216
6

هارداسان امداده گل اي شاه مظلومان بابا

بو خرابه گوشسينده اولدي باغريم قان بابا

**********

 

سن مني گوزدن اتوبسان گلميسن ديداريمه

باغلارام گوزياشي گوزدن من سولان رخساريمه

قالديم حسرت روز و شب من سن كيمي دلداريمه

وار اوركده چوخ غميم اي خسرو خوبان بابا

بو خرابه گوشسينده اولدي باغريم قان بابا

سانه گلمز غملريم قلبيم اولوبدور قان منيم

طاق ايدوبدور صبريمي بوگوشه ويران منيم

همدميم دور روز و شب كلثوم سرگردان منيم

اولمشام من كربلادن مونس افغان بابا

بو خرابه گوشسينده اولدي باغريم قان بابا

اولدي بو ويران سرا بير قورخولي زندان منه

اغلياندا من سنه سيلي وورار عدوان منه

بولدولر درد و غمي چاتدي غم دوران منه

تار و مار اولسون گوروم بو عالم امكان بابا

بو خرابه گوشسينده اولدي باغريم قان بابا

بولمورم اكبر نيه گلمور منه امداد ايده

شمر الينده من اسيرم تئز مني ازاد ايده

قويمويا بي كس رقيه اغليا فرياد ايده

نور عينيمدي منيم اول عاشق جانان بابا

بو خرابه گوشسينده اولدي باغريم قان بابا

اغلارام بو غم فضاده حددن اشدي غملريم

عمه مي اغلار قويوب گوزدن اخان اشگ تريم

قالدي قلبيمده منيم حشره يانيقلي سوزلريم

خسته جاني ايلرم من عمه مه قربان بابا

بو خرابه گوشسينده اولدي باغريم قان بابا

ياتمينجا من بي بيم زينب منه لايلاي چالار

گاه اوپور رخساريمي گاهي ديزي اوسته الار

باغباني اولماسا بو رسميدور گوللر سولار

عمه مي ديزدن سالوب بو گردش دوران بابا

بو خرابه گوشسينده اولدي باغريم قان بابا

قيزوي گوزدن اتوبسان اي منه ارام جان

گلميسن ديداريمه مندن گئدوب تاب و توان

ياندي قلبيم غصه دن اشگيم اولوب گوزدن روان

گل مني سن ال قوجاقه جان ويروم اسان بابا

بو خرابه گوشسينده اولدي باغريم قان بابا

گلمدون داده بابا ياندوم شرار غملره

اغلارام اوز حاليمه يانام علي اصغره

داش اتولار شامين اهلي عترت پيغمبره

الموشوق جور و جفادن خانه سي ويران بابا

بو خرابه گوشسينده اولدي باغريم قان بابا



برگزيده از كتاب شاهكار شعرا اثر استاد پيري

 

  • شنبه
  • 27
  • آبان
  • 1391
  • ساعت
  • 16:37
  • نوشته شده توسط
  • سعيد رضايي

ارسال دیدگاه



ورود با حساب گوگل

ورود کاربران