گلور ایام عزا سینه دوشوب تشویشه
اورگیم غصه لنوب برهم اولوب اندیشه
ائله طوفاندی وجودیم غم آتوبدور ریشه
ایستورم درگه مولاده گئنه بنده اولام
اولمیا ماه محرم گله شرمنده اولام
گئجه گوندوز گوزل آللهیمه من شکردییم
یازیرام شعر اوخورام نوحه گئنه ذکردییم
نجه اجرا اولاجاق ماه عزا ؟ فکردییم
گوره‌سن تکیه ومسجد دولاجاق دولمیاجاق؟
گئچن ایللر کیمی هیئت اولاجاق اولمیاجاق؟
در و دربار حسین قدر و بهادن دوشمز
ماه ماتم بیلیرم شور و صفادن دوشمز
قاره کوینکلر هله آه و نوادن دوشمز
اولسادا هیئت حسین عاشقییم اولماسادا
دولسادا هیئت حسین عاشقییم دولماسادا
- شنبه
- 1
- آذر
- 1399
- ساعت
- 23:4
- نوشته شده توسط
- یوسف اکبری
- شاعر:
-
ابوالفضل عباسی معروفان
ارسال دیدگاه