موسم دلپذير دور بوگيجه
شاد ؛ خرد و كبير دور بوگيجه
عطر مشك و عبير دور بوگيجه
هامي ديللر خبير دور بوگيجه
شب شاه دلير دور بوگيجه
شب عيد غدير دور بوگيجه
آچليب سفره كرامت عشق
بيلينوبدي بو چولده قيمت عشق
روشن اولسين گرك حقيقت عشق
بوني اعلان ايدوبدي حضرت عشق
برهه بي نظير دور بوگيجه
شب عيد غدير دور بوگيجه
مصطفي حجة الوداعينده
سسلدي اي حقه اولان بنده
واردي چوخ چوخ بهالي سوز منده
ايشيدن ذكرايله بوني سنده
فقط حيدر امير دور بوگيجه
شب عيد غدير دور بوگيجه
گلدي بلَّغ صداسي گويلردن
خاتم مرسله دييلدي سخن
ايلسون بوسوزي عوامه علن
حيدر اولدي ولي عهد و زمن
شيعه به به بصير دور بوگيجه
شب عيد غدير دور بوگيجه
سيزلره گر جهاندا مولايم
آيت و اسوه تولايم
هر زماندا امير و اولايم
مصدر لا اله الايم
بو رسالت خطير دور بوگيجه
شب عيد غدير دور بوگيجه
سيزكي بيلدوز مني جهانه امير
منه بوندان صورا علي دي وزير
دولوب اوندا هلايه دشت غدير
هرطرف صوت مرحبادي گلير
سوينن شاب و پيردور بوگيجه
شب عيد غدير دور بوگيجه
اولدي اكمل بويرده دين مبين
حيدر اولدي امام اهل يقين
نه فقط شوره گلدي اهل زمين
سوينوب ساكنان عرش برين
شب ماه منيردور بوگيجه
شب عيد غدير دور بوگيجه
بيزه واجبدي احترام علي
هاميا گر يته پيام علي
درس دور سيره و كلام علي
(آذرين) سنده اول غلام علي
دشمنان سر بزيردور بوگيجه
شب عيد غدير دور بوگيجه
- چهارشنبه
- 24
- دی
- 1399
- ساعت
- 18:51
- نوشته شده توسط
- یوسف اکبری
- شاعر:
-
ودود آذرین خلخال
ارسال دیدگاه