سبک: اوغول علی آغلاما یات سنده یانموسان منده
ابوالفضلیم گلدیم امداده یاتما دور اویان قارداش
منی تک قویما بو صحراده یاتما دور اویان قارداش
سو جامی الده اوشاقلاریم خیمه‌دن باخور آغلور
ربابی شش ماهه جیرانی،یاندیرر یاخور آغلور
باشین قانی تک گوزوم یاشی،دامنه آخور آغلور
بئلیم سیندی،خم اولوب قدّیم،یاتما قهرمان قارداش
یولون گوزلور خیمده قیزلار،دور گیداخ وفا کانی
منی گر دیندیرمسن اؤللم،صودامر بالام جانی
یغاردیم من ممکن اولسایدی بو عبایه اعضانی
اول پرپر گول کیمی جسمین،چاره یوخ اینان قارداش
دونوب قانه قلبیم هجرونده،مظهر شرف قارداش
گوزون قانی،آننوین قانی،لبلره سوزور قانیاش
بولیدی نوفل عمودیله،باشیمی منیم ای کاش
اولوب مقتل زخمِ جسمیندن لخته لخته قان قارداش
سینوب باشین دوغرانوب جسمین زینبون باخار آغلار
گزیر باشون ال به ال چولده،عرشیان اورک داغلار
قالار جسمین آت ایاقینده،باشینی یولار قیزلار
ویرار سنسیز قمچی قیزلاره،یولدا شامیان قارداش
نجه توکموم بو مصیبتده،من عذاریمه قانیاش
اؤلیدیم بو حالی گورمزدیم،آننون اوخلانوب قارداش
قالوبدی بیر آیری اوضاعیه،بو عمامه‌لی سیز باش
چخیر عرشه فرشیدن الان،ناله و فغان قارداش
مدد زینبدن بو اشعاره اولماسا "فقیر" اولماز
حسین بن فاطمه مثلی،عالمه امیر اولماز
یازان چوخدی روضه‌ی سقا، چوخلاری (حقیر "ره" ) اولماز
او مرحومین بیت بیتینده واردی سوزِ جان قارداش
- دوشنبه
- 4
- اسفند
- 1399
- ساعت
- 23:11
- نوشته شده توسط
- یوسف اکبری
- شاعر:
-
مجید قلعه بیگی
ارسال دیدگاه