اهل کوفه گوردولر میدانه بیر اصلان گلور
دشت آشوب بلایه موجیلی طوفان گلور
قامتـــــی سَرو دلارا ،تیغی چون اَلماسیدور
بیر یاشیل پرچـم الینده ،غیرتون دَریاسیدور
هانسی شاهون بو دِلاور ،شیر بی پَرواسیدور
حَمزه دی ،جَعفردی یا اُمُ البَنین عَـبّـاسیدور
زاده ی حیدر دی بو گویا گوزونده قان گلور
تک باشا لشگـردی بو ،بند دل کوثر دی بو
صف شکن بیر پهلوان ،چون حیدر صفدر دی بو
لشگری ایندی پوزار،مین مالک اَشتردی بو
آدی سَقّـــا ،غیــرتی دریادی شیر نر دی بو
قــــوم اعـــــدایه مِثال زَهریلی پیکان گلور
قول اوزون ،گوزلر ایری، بلده ایتی شمشیری وار
قاش کَمان ،عَزمی قَوی ،دیلده اوجا تَکبیـری وار
صیــــدی تا سالسون کـَمنده بَندیلن زنجیری وار
بــــارک الله شیــــر یزدانه بونون تک شیری وار
مثل اینــــکه گَــلِّــه ی روبــاهه بیر اصلان گلور
عشقه معنـــــادور گـــلور،تـــاج ثـُریّادور گلور
روحِ تَقــوادور گلور،چون دَست بیضادور گلور
جان زهـــرادور گلـــور ،همتای مولا دور گلور
پهلـــــــوان پهلــــوانان آدی سقـــــادور گلور
ساقی تشنـــــه لبــــــان امّــــا لبی عطشان گلور
یا علی گل کــــربلایه گــــور ابوالفضل نیلیور
لشگـــــری طومار ایـــــدور سقّا قیامت ایلیور
تیـــــغ آتشبـــــاریلن اَعـــــدانی یکسر پیلیور
تلی اوسته قـارداشی باخدوقجا هی عشق ایلیور
دشمنه حمــــــله ایدنده هر طرفدن قان گلور
ِ
سسلنــــــور روبَـــــه صِفت لر من امیر لشگرم
قارداشیم شــــــاه وِلادور مــن بو شاهه نوکرم
جنگ صفّینــــده گوروبسوز من نجه نام آورم
خیبر اولسا لشــــگروز اول خیبــره من حیدرم
بیلمینــــــلر بیلسولر چـــون قاتل عُدوان گلور
اهـــــل بیتِ عِصمته ســــاقـــــــی منــم سقا منم
معنـــــی حُـــــرّیَتـــم حِــــیثیتـــــه دارا منـــــم
شیــــر شیــــران نـــــور چشم حضرت زهرا منم
کـــــوه و دریای شـــــرافت غیــــــرته معنا منم
دینی دنیـــــایه ســـــاتانلار حافظ ایمان گلور
- دوشنبه
- 21
- تیر
- 1400
- ساعت
- 22:17
- نوشته شده توسط
- یوسف اکبری
- شاعر:
-
احمد پوریا
ارسال دیدگاه