اشعار مجلس ابن زیاد

مرتب سازی براساس

مجلس ابن زیاد -(آسایشی دنیا یتوروب ابن زیاده) * واصف مرندی

598
2

مجلس ابن زیاد -(آسایشی دنیا یتوروب ابن زیاده) آسایشی دنیا یتوروب ابن زیاده
زینب لری چوللرده قویوب پای پیاده
مردان حقین باشلارینی قانلی جداده
صرصر یئلینین نقشه سینی نرگسه چکدی
یورقون اسرا دسته سینی مجلسه چکدی

قلبینده واریدی او قدر بغض کنایه
هی دیل یاراسی ویردی او پوزقون اسرایه
روباه صفت آچدی دیلین حمد وثنایه
سفیان نسبی شکر ائدرم کامه یتوردی
دشمنلرین اؤلدوردی سرانجامه یتوردی

زینب ائشیدیب داغلی اورگ نیسگیله گلدی
شورو هیجان جسمه بلافاصله گلدی
گویا یارالی شیریدی بیردن دیله گلدی
ای والی قُلّابی چوخ افسانه دانشما
رسوا ائدرم زادۀ مرجانه دانشما

تحقیر ائلمه خفتیلن آل رسولی
آگاه دگولسن تاپاسان راه اصولی
سنده بوتکبر ندی مرجانه نین اوغلی
اسلام آدینی دیلده گتورمه بئله ساده
مرجانه آنان جامعه نی چکدی فساده

اهداف حقه زانیه لر خط وورا بولمز
ایثار قباقینده ستمگر دورا بولمز
مرجانه و هند اوغلی منی سیندیرا بولمز
دوره مده بیرعده گوزی یاشلی کمگیم وار
زهرا قیزییام شیرزنم شیر اورگیم وار

اسلام قالوبدور نه گونه سن ویراسان دم
ائت شرم و حیا، ظاهریوی ائتمه منظم
زینب سنی خوار ائتماقا قادردی مسلم
بی غیرته داش یاغسا هوادن یارا دگمز
دوغرانسادا اولاد علی خصمه باش اگمز

خوار ائتدی عبیداللهی مقصودینه چاتدی
قارداشی حسینین علم عشقین اوجاتدی
غیضه گلوب اما او لعین چوبه ال آتدی
ویردیقجا تازالدی دوداقیندا یارالاری
بیر سس سسه وئردی قولی باغلی بالالاری

بولمم اوتوروب یا او لعین دوردی ایاقه
غیضیله باخیب او ملشن عورت اوشاقه
او قانلی باشی خفتیلن آتدی اشاقه
بزم ستمین صحنه سی بیردن عوض اولدی
قولار آچیلیب اهل حرم زلفونی یولدی

قرعه چخیب اول غملی زمان نام ربابه
تاثیر ائلدی مسئله قلباً او جنابه
تصمیم دوتوب عالمی نی سالسین عذابه
شهباز حیا شوره گلوب بال و پر آچدی
بیردن یارالی باشه طرف آغلادی قاچدی

گوتدی یارالی باشی ولی اللری اسدی
شرم ائتدی ئوپه گوزلرینی قلبی تلسدی
بیر عاشق دلسوخته دی اودلی نفسدی
عرض ایلدی شاها بیزی نه گوزدن آتوبسان
کول باشیمه اولسون گجه نی هاردا یاتوبسان

ای محرم رازیم اورگیم درده گلوبدی
رؤیادی و یا گوزلریمه پرده گلوبدی
باشین بو اوزون یولاری اللرده گلوبدی
گر قویسالا گوزدن توکرم سو کیمی یاشی
تنها یووارام اشکیله بو یاره لی باشی

اما نچه مأمورستمگر نچه ملعون
اللرده ستم اسلحه سی وضعی دگرگون
تهدید ائلیبلر خانمی اولدی غم افزون
احساس خطر ایلدی او موقع حساس
مشکلده ئوزون گوردی دوشوب یادینه عباس

ازبس ویریلیب جانه گلوب خصم عملیندن
تاب ایلمدی درد و مصیب عللیندن
غش ایلدی چون قانلی باشی ووردی الیندن
بیر یولدا چاتیب ایستگینه آل امیه
یاندی بوغمه وای آنا سسلندی رقیه

  • پنج شنبه
  • 29
  • آبان
  • 1399
  • ساعت
  • 20:54
  • نوشته شده توسط
  • یوسف اکبری
ادامه مطلب
فروشگاه پرچم
کربلایی فخرالدین اسکندری

مجلس ابن زیاد -(یاد ایلینده مجلس ابن زیادی آغلارام) *کربلایی فخرالدین اسکندری

382

مجلس ابن زیاد -(یاد ایلینده مجلس ابن زیادی آغلارام) یاد ایلینده مجلس ابن زیادی آغلارام
حالات آل حیدره فریاد ایدوب دیل داغلارام

رحم و مروت یوخ ایدن یورقون یارالی دیللره
باد خزان گویا اسوب سولموش سارالموش گللره
محشرعیان اولموش او گون اولاد پاک حیدره
گوز یاش توکوب بو محنته من آغلاماقدان دویمارام

یاللعجب فرعونیان جور و جفادن دویمادی
رخت جفا و کینه نی اهل شقاوت سویمادی
ئوز حالینه یانسون او گون آل علینی قویمادی
یانام دمادم غصه دن بیر لحظه آرام اولمارام

آل علی ابن زیادین مجلسینده نا گران
زین العبادین قوللاری باغلی ایاقدا کنده قان
دوشمز ندن بس دوریدن یا رب بیله دور و زمان
واردور یری بو حالته قان آغلیام یا باش یارام

ابن زیاد پست و دون ایلور شماتت دمبدم
آل علینون نقشینه چکدوخ دیور نقش عدم
عباس ئولوب مقتول اولوب شاه جهان یاتدی علم
بو سوزده زینب سسلنوب یاتماز علم تا من وارام

دوزدور اُناثم من ولی بیر شیره زن شیرم ئوزوم
عباس ئولوب آچ گوزلرون الان علم گیرم ئوزوم
فکر ایلمه قول باغلیام یا که زمین گیرم ئوزوم
بُرّتده الفاظیله من اذن اولسا کفری دوغرارام

من زینبم ظالم گوز آچ شیر خدا فرزندیم
عزّو شرف بطنینده من چون گوهر ارزندیم
یاتماز حسینون پرچمی تا من وارام یا زندیم
سنلن یزیدی قول قولا بیل منطقیله باغلارام

سنگ فنانی شیشه ی کفاره بیل چاللام ئوزوم
نا حق توکولموش قانلاری اغیاریدن آللام ئوزوم
من رهبر میخواره وی تختدن چکوب ساللام ئوزوم
آل امیه خوش گونی گورسون جهاندا قویمارام

  • چهارشنبه
  • 8
  • اردیبهشت
  • 1400
  • ساعت
  • 16:55
  • نوشته شده توسط
  • یوسف اکبری
ادامه مطلب

شهامت حضرت زینب(س) در مجلس ابن زیاد -(اِستعانَت اِیلَرم من قادرِ قَهّاردَن) * صادق تائب

76

شهامت حضرت زینب(س) در مجلس ابن زیاد -(اِستعانَت اِیلَرم من قادرِ قَهّاردَن) اِستعانَت اِیلَرم من قادرِ قَهّاردَن
ذِکر اِیدم حالاتِ دُختِ حِیدرِ کرّاردَن

شیرِ یَزدانین قزی مَعنادَه امّا شیر زَن
شیرِ اَمُوب صَدرِ شَهامَتدَن اُولان سَرشاردَن

سُود نه سُود، سینه نه سینه، یَعنی زَهرا سینه سی
حِیف أو سینه یاره اُولمُوش ضَربَتِ مِسماردَن

سُوز سُوزی گَتدی یاخوندور سُوز مَسیروندَن چخا
اِی قَلم یازما گِچاق بُو غَمفَزا گُفتاردَن

شَرحِ وَصفِ زِینبِ کُبرادی مَنظورِ نَظر
سُوز آچاق شَخصیّتِ بانوی با مِقداردَن

ئوز آدی زِینب وَلی مَشهور زِینِ اَب ائولان
گِیت سُراغ اِئت سال اَلَه مَدرک گُوزَل اَخباردَن

ئوز آدی زِینبدی قَلبیندَه صَفای مُصطفا
اِرث آلوب صِدق و صَفانی اَحمدِ مُختاردَن

ئوز آدی زِینب یُوزوندَه وار حَیای فاطمی
اَخذ اِیدوب دَرسِ حَیانی مادرِ اَخیاردَن

ئوز آدی زِینب وَلی صَبرِ حسن داراسی دور
صَبردَه سِبقَت تاپوب اَیّوب تَک صَبّاردَن

ئوز آدی زِینب وَلی مِهر و وَفا دریاسی دور
بَهره مَند اُولمُوش وَفا بُو قُلزمِ زَخّاردَن

بُو او زِینب دور چوخ اِیستَردی حسین قارداشینی
آیریلانمازدی بیر آن اُول سَروَرِ اَبراردَن

قارداشیلَه تِز تِز اِیلردی او دید و بازدید
دَردِ دِل اِیلوب آلاردی دَردِ دِل دِلداردَن

بیر حسینی گورماقی بیر یانه دنیا بیر یانا
اَلدَه میزانِ عَیارِ مِهری بُو مِعیاردَن

گَلمیوب دنیایه گَلمَز بِیلَه بیر قارداش باجی
نه دِیوم من بُو اِیکی مِهر و وَفالی یاردَن

سُوز غَلط دُوشمَز دِیسم قارداش باجی بیر رُوحیدی
بیر بیریندَن هِچ أولار دویمازدیلار دیداردَن

چَکدی حَتی بُو عَلاقه کَربلا صَحراسینه
چوخ مُصیبت گُوردی صَحرای مُصیبت باردَن

سُوی شاماتَه گِیدندَه نیزه دَه قارداش باشی
آلماقا ئوز اِنتقامین قاتِلِ خون خواردَن

کَربلادَه باشینَه یغدی گُل ئوزلی قزلاری
دوشدی آردنجا، گُوتورمُوب گُوز او گُل رُخساردَن

خَلقه آندیردی بُو رَمزیلَه که یارِ با وَفا
هرگز آیریلماز یامان گُوندَه وَفالی یاردَن

دَست بَستَه زار و خَستَه ناقهء عُریان دَه
گُوردی چُوخ طَعن و شَماتَت فُرقهء اَشرار دَن

مَجلسِ اِبنِ زیادَه چَکدیلَر بی اِختیار
سِیر اِیدوب مَجلس نِجَه مَجلس دُولی اَغیاردَن

ئوز وِقارین حِفظ اِیدوب هرگز ئوزون سندیرمادی
زَهرِ چِشم آلدى او اُستاندارِ اِستکباردَن

زادهء مَرجانه ناراحت دُونوب آلدى خَبر
کیمدی ہُو عُورَت منی آگاه اِیدون اَسراردَن

بیر اَسیر عُورت بُو اَندازه تَكبّر بُو وِقار
فَرق گُورمُور مَنلَه هرگز نَقش بَر دِیواردَن

بیر نَفر آندیردی زِینب دور خانم زَهرا قزی
اَخذ اِیدوب دَرسِ شَهامَت حِیدرِ کَرّاردَن

دوندروب یُوز زِینبِ کُبرایه کِبر و غِیظیلَه
دِیل یاراسی وُوردی بیر رَفتارِ ناهنجاردَن

نَه دِیلیلَه باشلیوب سُوز، نَه دِیدی من یازمارام
شَرم قیلّام نا مُناسب هر سُوزه تِکراردَن

شیرِ یَزدانین قزی بیردَن قزیشدی شیر تَک
باشلادی اُود یاغدیران گُفتارِ آتَشباردَن

دُختِ زَهرا خُطبهء زَهرانی تَجدید اِیلدی
دُر نَثار اِئتدی بُو نُوعی لَعلِ گُوهر باردَن

حَمدِلله حَقّ پِیمبرلَه بیزی اِیلوب عَزیز
مُحترم بیز اَهلِ بِیتوخ جُملهء اَشراردَن

شأنیمیزدَه آیهء تَطهیر نازل دور بیزیم
بیزدُه یُوخدور رِجسِ اِعراض اِیلروخ فَجّاردَن

فِطرتاً بیزدَه نَجابَت وار حَیا وار شَرم وار
لِیک آیریلماز خَباثَت سَن کیمی بی عاردَن

یابنَ مَرجانه مَنم دُختِ عُلىّ المُرتَضی
هَل اَتى حَقیندَه گَلمُوش جانِبِ داداردَن

کس سَسُون، فاسِق ئوزون سَن هم اَمیرون دور سَنون
ساکت اُول اِی بَد خَلف مَرجانهء بَد کاردَن

بِیلَه فِکر اِئتمه اَسیرَم بیکُسَم قارداش سیزام
اُولمُوشام خَسته جَفای قُومِ بَد رَفتاردَن

قارداشیم اَلدَن گِیدوب امّا، اِرادَم سینمَیُوب
قارداشیم تَک چَکمَرم اَل، مَعنوی پِیکاردَن

گَلمیشَم قارداشیمُون حقّ اُولماقین اِثبات اِیدَم
آلِ سفیان کُفرینَه اَقرار آلام اَفکاردَن

دین یُولوندا قارداشیم باشدان گِچوب جاندان گِچوب
مَندَه اِلهام آلمُوشام اُول سَروَرِ بیداردَن

قارداشیم باشی گَلوب بُو بَزمَه مَندَه گَلمُوشَم
تا حِمایت اِیلیَم اُول قافله سالاردَن

گَلموشَم بُو مَجلسِ مِی شُومَه قُوللاردا طَناب
خَلقی آگاه اِیلیَم کِیفیَتِ اَحراردَن

سَن کیمی بیر کُورِ باطن عُنصُری رُسوا اِیدَم
سَلبِ گُفتار اِیلیَم سَن کُور دل غَدّاردَن

گَلمیشَم اِئتماقلیقا من حَقّى باطلدَن جُدا
راهِ هَموار آیریلا تا راهِ ناهَمواردَن

وار نِچه نازلی یَتیمه قز، نِچه اُوغلى ئولن
نِچه قارداش سیز سپاهیم عِترَتِ اَطهاردَن

اَل اَلَه وِئروخ گِیدوب شاماتی تَسخیر اِیلیوب
قدرَتی صَلب اِیلروخ هر جانی و جَبّاردَن

گَلمُوشَم غَفلتلَه یاتمُوش مِلتی بیدار اِیدوب
خَلقی هُشیار اِیلیَم هُشیار اِیدَن هُشداردَن

مَستِ صَهبای ریاسَت اُولما بِیلَه، هُوشَه گَل
سانما بُت هِند اُوغلونی قُورخ قادرِ قَهاردَن

مَعدِلَت دیوانی وار روزِ جَزا پاداشی وار
قیل مُجَسّم مَحشَری یاد اِئت أو گیر و داردَن

قارداشیم دین اُوسته ئولمُوش زندهء جاوید دور
توکمُوسَن ثاراللّهی بی خُوف صاحِب ثاردَن

الله ئولدورسُون سَنی قالسُون سُنون آغلار آنان
یابنَ مَرجانه اُولان اِی بی حَیا
جَمّاردَن

اِیلدی رُسوا زیاد اُوغلون بَیانِ زِینبی
اُودلادی قَلبَ شَرورین آتَشین گُفتاردَن

غِیظیلَه دوردی یِریندَن قَصد اِیدوب زَهرا قزین
با قَساوَت قَلبی دولمُوش کینهء اَخیاریدَن

زِینبِ كُبرانی اِیستَردی او ظالِم ئولدوره
ذرّه جَه باک اِئتمه دی زِینب او بَد کِرداردَن

دوردی قَصد اِئتدی اُودا مَرجانه اُوغلون روبرو
وِئردی آگاهی او گُمراهه غَلط پِنداردَن

یُوز دوتوب اِبنِ زیادِ شُومَه عُمرو اِبنِ حُرَیث
سُویلدی بیر صَحنَه گُوردوم قانلُو بُو دَرباردَن

بُولمورم وار بُو باشیلَه زِینبون نَه اُلفتَی
گُوز گُوتورمَز اَصلاً أول خاتونِ دِل اَفگاردَن

سَن اُونی قَصد اِیلیندَه آچدی قانلُو گُوزلَرین
باخدى قانیاش توکدی دُولمُوش دیدهء خُونباردَن

بیر خانم دَی اُوغلی قارداشی ئولوب قَلبی یانوب
اَل گُوتور بُو أوغلی قارداشى ئولَن دِل زاردَن

قَتلِ زِینَبدَن اُولوب ظاهردَه گر چه مُنصَرِف
باطناً اَل چَکمَه دَی اُول بی حَیا آزاردَن

صادر اِئتدی قَتلِ فَخرِ الساجِدین فَرمانینی
ضَجّه و شیون اُوجالدی عِترتِ اَطهاردَن

آج سُوسُوز یُورقون اُوشاقلار شُوریلَه آغلاشدیلار
دولدی مَجلس سَربسَر فَریادِ آه و زاردَن

عالَمِ مَعنادُه بُو اَحوالَه یِر گُوی آغلادی
وا اِماما نالَه سی گَلدی دَر و دِیواردَن

دَوزمَدی زَهرا قزی زِینَب دُوروب بی اِختیار
اِئتدی اِعلانِ حِمایَت عابدِ بیماردَن

زِینَبیلَه اِتحاد اِئتدی عَزالی اَهلِ بِیت
دوردولار بیردَن اَیاقه بِینِ قُومِ خَواردَن

هَمصدا سَسلَندیلَر با هم که ای شُوم و دَنی
بَسدى اَل چَک بیر مَریضِ خَسته و تَبداردَن

وِئردیلَر اِبنِ زیاده اِتحادیلَه شکست
قالدى ناچار اِیلدی صَرفِ نَظر اِصراردَن

ئوزگه بیر ظلَم اِیلَدی توضیحی نَه شَرم اِیلورم
اِیلیون صَرفِ نَظر سیزدَه بُو اِستِن شاردَن

اُولدی داخل مَجلسه بیر نأر چُوخ چُوخ هُولناک
وَحشته دوشدی هامی بُو وَحشتِ بِسیاردَن

مَجلسی تَرک اِیلدی حَتی قاچوب اِبنِ زیاد
تا خِلاص اِئتسُون ئوزون نارِ هَلاکت باردَن

ناگهان سُلطان مَظلومان باشی گَلدی دِیلَه
بو صَدا گُویا اُ

  • شنبه
  • 14
  • مرداد
  • 1402
  • ساعت
  • 22:25
  • نوشته شده توسط
  • یوسف اکبری
ادامه مطلب

مجلس ابن زیاد -(گچر بو عمر عزیزیم اماندی ایلمه غفلت) * علومی تبریزی

406

مجلس ابن زیاد -(گچر بو عمر عزیزیم اماندی ایلمه غفلت) گچر بو عمر عزیزیم اماندی ایلمه غفلت
اوُزیوه کسب ایله بیر آبرو و فضل و شرافت

اورک گوزیله نظر سال وفاسیز عالمه بیر باخ
مباد تولاناسان بو جهانه ایتگله دقت

بوراخ بو خلقی دوت آل محمدین اتگیندن
ذخیره اخذ ایله عقبایه قویما فوت اولا فرصت

حسینه آغلاماقین اجری وار مصائبون ده قلم ویر
حسیندی روز قیامت ایدن بو خلقه شفاعت

دوشور خیاله أو ساعت که بزم ابن زیاده
گیدوب حرملری گوز یاشلی دلده بیم اسارت

بیله خیال ایلمه مجلس عبید زیاده
گلن تمام رجال شریفدی او جماعت

نه بلکه جمله اراذل جماعتی او ستم گر
او گون او مجلسه ائتمشدی بیر خیالیله دعوت

تصور ایله نحاله قالوب بنات پیمبر
قدم او بزمه قویاندا گورنده خلقی او ساعت

او دور حرم لر ایچینده اوزینی ایلدی پنهان
بلا خزینه سی زینب او مرتضایه شباهت

دولاندوروب گوزین ابن زیاد ناکس و بی دین
بلالی زینبی گوردی سوروشدی کیم دی او عورت

جواب گلمدی اوّل سوالین ایلدی تکرار
جواب ویردیله زینب دی کان عفت و عصمت

ایشیتدی زینب آدین شاد اولوب او کافرِ مطلق
او لال اولان دلین آچدی به قصد طعن و شماتت

دیدی که حمد اولا حقّه سیزی جهاندا ایدوب خوار
حسینی ئولدوروب اما یزیده ویردی ریاست

یالان خبرلروزی ظاهر ایتدی خالق عالم
یتیشمه دی سیزه دنیاده افتخار خلافت

بو گفتگو گتوروب درده زینبی دوروب اول دم
جواب ویردی او ملعونه دخت شاه ولایت

بیوردی حمد ایدرم خالقه که دار فناده
بیز اهلبیتی ایدوب صاحبِ مقام و فضلیت

پیمبریله ویروبدور بیزه جهاندا تفضل
که بیزده واردی نبوت یتوب مقامِ امامت

بو خانواده مبرّادی جمله رَجس و خطادن
گور ای لعینِ خطا دیده کیمده وار بو لیاقت

یالانچی سن سن ازلدن سنون آتاندی آناندی
دیمز یالان مگر عالمده نانجیب اهل شقاوت

آتاسی شیرِ خدا تک ایله یتوردی بیانین
زیادین اوغلونی غیظه گتوردی حرف حقیقت

ایاقه دوردی او عُلیاجَنابه حمله ور اولدی
خیالی واریدی ایتسون او بی پناهه جسارت

او نانجیب شقى قصد ایدنده زینب زاری
خانمدا دوردی ایاقه دوتوبدی مجلسی وحشت

دوراندا زینب ایاقه ایاقه دوردی خانملار
تمام خلقده دوردی ظهوره گلدی قیامت

اوشاقلارین گویه واعمَّتا صداسی اوجالدی
قارشدی بیر بیره عورت اوشاق پوزولدی جماعت

گلوردی زینبی ئولدورسون اول ستم گر بی دین
دوتوردی دامن زینبدن اهلبیت رسالت

علی اکبر آناسی گوزونده گوز یاشی اوُل دم
باخوبدی رأسِ علی اکبره دیردی اول حضرت

اوغول على سنی بو یِرده آرزو ایدیرم من
گوریدون عمّه وی جلاد الینده ای گل جنت

او قدری قالموری عالمده عمّه سیز قالا قزلار
امان بو ظلمدن ایتدی جهانی غرق مصیبت

باخاندا رأس علمداره اوُل دم حضرت کلثوم
دیردی گل ایله قارداش بو گون باجوندان حمایت

سنون گوزوندن ایراق ئولدورولّه زینبی قارداش
گروه کینه ده یوخدی بو گونده رحم و مروت

بیری بیری نه قارشمشدی بانوانِ مکرّم
باخاردی دوره دن امّا یوخیدی کیمسه ده جرأت

گوروب بو حالی حریث اوغلی عمر دوردی ایاقه
زیادین اوغلونا هی ووردی ای امیر سیاست

بو بیر اسیریدی قارداشلاری گیدوبدی الندن
حوادثات جهانی گوروبدی ائتمه مذمّت

خطا گَل ایلیه عورتدى اَل گوتور داخی بوندان
اسیره دور اوزی ائتمه بونا بو قدر اذیّت

دوباره تختنن اوُسته اوتوردی اوُل سگِ هاری
حسین باشین اَله آلدى یوزونده حال منیّت

شماتتیله دیدی رأسِ شاهِ تشنه لبانه
حسین قوجالمشیدون ائتمدون ندن منه بیعت

باش اگمدون باشوی قویموشام برابره ایندی
اسیر دور حرمین قولاریندا قید مذلّت

کُومکلرون هانی عباس و اکبره نه گلوبدی
هانی گلوب گوره لر مجلسمده وار نه جلالت

اوتانمادی او زنا زاده بیر دم آل علی دن
او که شماتتیدی ایلدی او یرده نهایت

یورولدی ظلم اَلین آچدی گوتوردی تیغِ فناری
او گل دوداقلارا ویردی واریدی بس که قساوت

خیاله سالمادی روز جزای موقف حشری
ولو گوروردی که یوخدی او باشدا جای سلامت

او قدر ظلم ایلدی گوردی ناگهان او ستم گر
بلا اوُدی بوریوب قصری وار نشان هلاکت

دوروب ایاقه که قاچسون گلوبدی نطقه کسوک باش
دیدی هارا قاچوسان وار دلنده دودهء غفلت

نه اضطرابه دوشوبسن بو عالمین اوُدی دور
دیمورسن آخر ئولوم واردی اهلِ جوره عقوبت

زِ بس که کفر و عداوت بناسی محکمیدی چوخ
آیلمادی ابداً گوردی تا علاوه چوخ آیت

همان او حالده بیهوش اولوبدی حاله گلنده
دوباره آلدى اَله رأس شاهی ایتدی اِهانت

بو غم تمامه یتشمز (علومی) یازما اَماندی
گتوردی نالیه اَهلِ دلی بو غملی روایت

  • پنج شنبه
  • 18
  • شهریور
  • 1400
  • ساعت
  • 20:16
  • نوشته شده توسط
  • یوسف اکبری
ادامه مطلب

مجلس ابن زیاد -(دَگل بی جا گُوگُلدَه بَی نَهایت دَرد و مُحنَت وار) *سعدی زمان سیدرضا حسینی

64

مجلس ابن زیاد  -(دَگل بی جا گُوگُلدَه بَی نَهایت دَرد و مُحنَت وار) دَگل بی جا گُوگُلدَه بَی نَهایت دَرد و مُحنَت وار
اُوزوم پَژمُردَه حالَم، گُوزلریمدَه اَشگِ حَسرت وار

پُوزوب اَحوالیمی اُوضاعِ عالَم غِیبتِ کُبری
جَمالِ حُجّتِ باریدَه گُون تَک اَبرِ غِیبت وار

او سُلطانِ حَقیقی گَلمیونجه سُوزِ دل سُونمَز
گُوگُلدَه گُون به گُون سُوزِ نَهانی لردَه شِدّت وار

فَرج بیر اَمرِ حَتمی دور ظُهورِ حُجّت اللّهدَه
بیزه اُون سُوز هُجومِ جُور و ظُلم و زَجر و زَحمت وار

نه یالقوز مُنتظر اَحباب اِیدَر داد و فَغان آغلار
اِمامِ مُنتظردَه بیزدَن آرتوخ حالِ رِقّت وار

گَزر آغلار گُوزیلَه پَردهء غِیبتدَه سَرگردان
دِیمه داد و نَوادَن اُوندا بیر ساعت فَراغَت وار

باخاندا ذُوالفقاره گُوزلَری جاری اِیدَر قان یاش
گُوزیندَه اِنتظارِ اِنتقامِ آلِ عِصمت وار

نِجه یاددان چخار دار عمّه سی زِینب اَسیر اُولسُون
گُوزی گُورسُون تَماشاچی جَماعتدَه نه کِثرت وار

زِیاد اُوغلی اُوتُورسُون شاد دل تَختِ حُکُومتدَه
دِیسُون مُجرادی اَمریم، مندَه فَرمانِ حُکومُت وار

قولی باغلی گَرک گَلسُون حُضوره عِترتِ حیدرِ
بو گُون چون اِنتقامِ روزِ بَدره اَلدَه فُرصَت وار

خیالیم وار یازام اِبنِ زیادین مَجلسین باشدان
امامِ عَصره امّا بیانِ حالَه خِجلَت وار

اَیا شَمس الهُدی، یابن الحَسن، یا غِیرتِ رَحمن
نه قَدری عمّه وون قَلبیندَه صَبر و تاب و قوّت وار

نِجه عَرض اِیلیوم عمّن او بَزمَه گِیتدی بی پَردَه
نِجه مَجلس او مَجلسدَه نه قدَری بی شَرافت وار

آتاسی حیدرِ کرّار تَک وَقرِ تَمامیلَه
خیالَه سالمادی بیگانه لَر بیمِ اِسارَت وار

اُولوب بی اِعتنا داخل، دوتوب بیر گُوشه دَه مَسکن
اُوتوردی دور و بَردَه هاشمیه هر نه عُورت وار

بُو جُرات، بُو جَسارت، بُو تَکبّر، بیر اَسیر عُورت
اِیوین آباد یا زَهرا، قیزوندا گُور نه جُراَت وار

دِیلیم دوتمُور دِیوم زَنجیریلَه قولاری باغلیدی
وَلِیکن اَبرِ زُلفیلَه حِجابِ حِفظِ صُورَت وار

هلَه قانی آخوردی باشدا کی مَحمِل یاراسیندان
باشندا زَخمِ کاری وار، بَدندَه ضَعفِ حالت وار

زیاد اُوغلی سُوروشدی بُو تَکبّر صاحبی کیم دور
بو قدرتدَه اَسیر اُولماز گُورون بُوندا نه قُدرَت وار

جَوابه اُولمادی نائل، گِنه اِیتدی سُوزین تِکرار
خانم گُوردی او بی دینون خیالیندَه اِهانَت وار

نَهانی رَمزیلَه وِیردی کَنیزه رُخصَتِ گُفتار
دِیدی اُول جاریه اَصراریوَه آیا نَه عِلت وار

بُو دُخترتِ حیدرِ کَرّار دور، زَهرا قیزی زِینب
اِیکی نُورین عَظمدَن وِجودیندَه وَراثَت وار

اِیشیتجَک بُو سُوزی مَرجانه اُوغلی گَلدی گُفتاره
دِیدی یا زِینبا اللّهه حَمدِ بی نَهایت وار

دالنجا اُوزگه بیر سُوزدَه دِیدی، توضیحه مَعذورَم
قیزیشدی شیر تَک زَهرا قیزی گُوردی شَمادَت وار

دل آچدی شیرِ داور تَک دِیدی ای اِبنِ مَرجانه
خدایه حَمد اُولا بیزلَردَه تَکریم شَهادت وار

بیزَه نازِل اُولوب قرآن، بیزوق مِصداقِ کَرمِنّا
بیزه تَطهیریدَن قرآنِ مُنزَلدَه اِشارَت وار

نبُوّت بیزدَه دور، بیز خانوادَه مَعدَنِ وَحیُوق
کیمُون من تَک آتاسیندا شُئوناتِ اِمامَت وار

بیزیم دامانی میز لُوثِ مَعاصیدَن مُبرا دور
اُوزون اِنصاف اِیله سیزلَردَه دَه گُور بو لَیاقت وار

اُولار رُسوای فاسِق لَر، اُوداکی غِیری دور بیزدَن
اگر چه سَلطنَت وار ظاهراً سیزدَه خِلافَت وار

یالانچَی اِبنِ مَرجانه اُوزون سَن هم اَمیرون دور
سیزون آبا و اَجدا دوزدَه اوّلدَن لَئامَت وار

بُو سُوزلَر زادهء مَرجانه نی اِیلَه آلشدیردی
قَرالدی رَنگی گُویا صُورتیندَه حالِ رِحلَت وار

غَضَبدَن بُوینونین اَعصابِ شَریانی گِره لَندی
یوزیندَه ظاهر اُولدی دِلدَه هر بُغض و عَداوت وار

یِریندَن قاخدی فُوراً مُنتهای غِیظ و بُغضیلَه
با خون مَقتل لَره، هُمِ بَها عیناً عِبارت وار

بِیلَه مَعلوم اُولان زَهرا قیزین اِیستُوردی اُلدورسُون
خانیمدا گُور آتاسی مُرتضی تَک نه شُجاعَت وار

اُودا دوردی یِریندَن دشمنِ بی شَرمی قَصد اِیتدی
مُجسم اِیلَه سَن مَجلسدَه اُوضاعِ قیامَت وار

یازولا بیر بیریلَه قول قولا باغلیدی آل الله
هامی دوردی یِریندَن گُور نَه هِنگامَه نَه وَحشت وار

خانم قیزلار دوراندا مَجلس اَهلی بیر بیره دَگَدی
هامی دوردی، دِیمَه اَگلشماقا بیر کَسدَه طاقت وار

اَسیرِ سِلسلَه بیر سِلسلَه یانمیش تالانمیشلار
تَماماً دِلدَه وا غُوثا خیالِ اِستعانَت وار

هَمان هِنگامَه عُمرو اِبنِ حَریسی وَحشته سالدی
جَماعَتدَه گُوروب اِبنِ زیادَه فکرِ نِهضَت وار

دِیدی اِبنِ زیاده اِی اَمیر اُول بیر زَمان خامُوش
خیالوندَه اَگر بُو عُورَتَه فکرِ سیاست وار

مُجازات اِیلمزلَر عُورتی گُفتاریلَه خاصه
بیر عُورَت که اُونون قَلبیندَه یُوز داغِ مُصیبَت وار

گِیدوب قارداشلاری اَلدَن، اُولوب اُوغلانلاری مَقتُول
سُوزینده گُورمُوسَن قَلبی یانان شَخصه شَباهَت وار

دوباره تَختین اُوستوندَه اُوتوردی اِبنِ مَرجانه
دِیدی ساکت اُولون، حُضّاره اَمریندَه اِجابَت وار

او دَمدَه اِبنِ مَرجانَه نه گُوردی قارداشی عُثمان
اِیلَه آغلور که اَشکیندَه به سانِ سِیل سُرعَت وار

تَعجُب یُوز وِیروب اِیتدی او حالین سِرین اِستفسار
دِیدی قارداش مَنیم بو نالَه و دادیمدَه حِکمت وار

اُو عُورت که اُونی قَصد اِیلدون قَهراً دانشدیردون
اُونُون بُلمم بُو باشیلَه آراسندا نَه اُلفَت وار

اُونی سَن قَصد اِیدندَه بُو کَسُوک باش گُوزلَرین آچدی
سَراسَر مَجلسَه باخدی که گُور سُون نه حِکایَت وار

او قانیلَه دولان گُوزلَر باخوب حُضّارَه فَردَاً فَرد
یِتندَه زینبه حالیندَه گُوردی بَسکه خِفّت وار

یُومُوب قانلی گُوزین بیر قطره قانیاش عارضُه تُوکدی
گُورنمُور خوار عَیالین، گُور نه قدری بُوندا غِیرت وار

سَنی آلِ اُمیّه بیعتی اَل چَک او عُورتدَن
دانشدیرما بُو مَجلسدَه، گُورورسَن چوخ جَماعَت وار

او بی دین و شَقی گِیچدی اگر چه قَتلِ زِینبدَن
بیر آیری ظُلم اِیدوب توضیحی نَه کیمدَه جَسارَت وار

او ظالِم اُوچ اِمامین مَحضریندَه کُفر اِیدوب اِظهار
خیالَه سالمادی اَحکامِ قرآن وار، شَریعَت وار

آپارام سینه دَه قَبره او ظُلمی که اِیدوب حِجام
زیاد اُوغلیندا هِند اُوغلیندان آرتوخ بیر شَقاوَت وار

اَله آلدی حُسینون قانلی باشین باخدی بیر گُلدی
او قانلی باشدا اَصلاً باخمادی چوخ چوخ جَراحت وار

یارالی باشین الَده اُوینا دوردی اِبنِ مَرجانه
گِنه سُویلَردی باشوندا حسین فِکرِ رِیاسَت وار؟

دِیردون اِیتمَرم اَصلاً اَمیرِ کُوفیه بِیعت
عُبیداللّهیدَه بُلمُوردون اِستیلای بِیعت وار

اگر باش اَگمه سَن قانلی باشوندان اَخذِ کام اِیلَر
دِیمُوردون بُو قیامین آخریندَه قَتل و غارت وار

بُو باشوندور اَلیمدَه، بُو قُولی باغلی عَیالوندور
بُویُون لاردا دوشاخه، گُوزلریندَه اَشگِ حَسرت وار

حسین چُوخ تیز قُوجالدون، نُو جَوان قارداشلارون نُولدی
هانی گَلسُون اَبُوالفضلِ رشید و سَرو قامَت وار

نه زیبا دِیشلَرون وار، دُر تَک قانیلَه مَرجانی
مَنیمدَه چوبِ تَعلیمیم، قولیمدا زُور و ضَربَت وار

دِیوب گُلدی شَمادَتدَن، یُورولدی ظُلم اَلین آچدی
او ظالم باخمادی حَسرت باخان اَهلِ خدارت وار

نه جَدّیندَن اُوتاندی، نه حَیالی اَهلِ بِیتیندَن
گُوروب لَعلِ لَبیندَه آیهء ظُلمَه قَرائت وار

وُوروب تیغِ فَناریلَه او گُل تَک قانل

  • شنبه
  • 14
  • مرداد
  • 1402
  • ساعت
  • 22:21
  • نوشته شده توسط
  • یوسف اکبری
ادامه مطلب
راهنمای علائم موجود در فهرست:
عدد کنار این علامت نشانگر تعداد کاربرانی ست که این مطلب را پسندیده و به دفترچه شعر خود افزوده اند
عدد کنار این علائم نشانگر میزان محبوبیت شعر یا سبک از نظر کاربران می باشد
اشعار ویژه در سایت برای کاربران قابل دسترس نیست و فقط از طریق خرید اپلیکیشن مورد نظر این اشعار در داخل اپلیکیشن اندرویدی قابل رویت خواهند بود
این علامت نشانگر تعداد کلیک یا بازدید این مطلب توسط کاربران در سایت یا اپلیکیشن می باشد