اشعار حضرت رقیه(س)

مرتب سازی براساس

زبانحال حضرت رقیه(س) -(بودل شبده منی یاد ایلدون سن یارالی) * حاج غلامعلی شعاع

1573

زبانحال حضرت رقیه(س) -(بودل شبده منی یاد ایلدون سن یارالی) بودل شبده منی یاد ایلدون سن یارالی
بو نه عالمدي بابا سن یارالی من یارالی

یارالی جان یارالی من سنه قربان یارالی
بو نه عالمدی بابا سن یارالی من یارالی

گلموسن بو گیجه وقتی قزیوي یاد ایده سن
غملیدي غصه لیدي غصه دن آزاد ایده سن
غصه ویران ایلین گوگلونی آباد ایده سن
ایوین آباد اولا گَل یاخشی گلوبسن یارالی

من بولوردیم که سنق قلبلري سن آلاسان
رأفتیله یارالی دللره مرهم سالاسان
گلموسن بو گیجه ویرانده مهمان قالاسان
قالسان اولاّم ستم شمردن ایمن یارالی

دولانیم باشوه من کیم سنی بو حاله سالوب
سنی بوحاله سالان تاب وتوان مندن آلوب
بو باشوندور بابا جان بس بدنون هاردا قالوب
کسدي باشون دي گوروم هانسی دل آهن یارالی

کیم وروب دست ستمله بو گوزل باشه یارا
باشوه یاره وورانلار گونومی ایتدي قارا
سن هارا یاره هارا من هارا ویرانه هارا
عزتیم سنله گیدوب اي سر بی تن یارالی

من بولوردوم که بابا واردي قضاسی باشوون
گله اي کاش منه جمله بلاسی باشوون
گوزلریمدن بوآخان یاشدي دواسی باشوون
اوزگه درمانه گمان یوخدي بولورسن یارالی

قان اولان گوگلومی ویران ایلدي باش یاراسی
هامی بیر یاره دن اولموش لبوون باش یاراسی
یاندورور قلبیمی آنونداکی بو داش یاراسی
دوتوب اود من کیمی دلدن یانا دشمن یارالی

گل دوداقونداکی بو قانی آخان یار ه ندي
قانی خشک اولموري ایواي منه بس چاره ندي
منده یوخ چاره ایدم چارة بیچاره ندي
ویر نشان چاره یولون گل دله دیللن یارالی

دگی بیجا قزیوي گوزدن آتوبسان باباجان
باش وئروب مقصد و مقصوده چاتوبسان باباجان
یوخسا مطبخده تنور ایچره یاتوبسان باباجان
بلشوب تا کوله بو حسن محسن یارالی

سالسا باجادي شرر کونه شرار محنیم
تیره شامه گونوزیم دوندي بو شام ایچره منیم
تازیانه اثریندن گوي اولوبدور بدنیم
غبطه بوجسمه ایده وار یري سوسن یارالی

آغلادار باخسا مدام آل خلیلی یوزومه
قان دولان گوزلرون آچ باخ بابا نیلی یوزومه
گور نجه شمر وروب ظلمیله سیلی یوزومه
ایلیوب طعن او خانا سینه می مخزن یارالی

سن نجه گون کیمی باتدون ایله منده باتارام
سنون عشقونده بو عالملري گوزدن آتارام
کنج ویرانده قبریمده کفنسیز یاتارام
دییر عشاق جهان عشقمه احسن یارالی

عموم عباسه نه گلدي سنه ال تاپدي عدو
قویدي یوخسا اونا حسرت من بیچاره نی سو
سویی اولمادي اودي خیمیه دوندرمدي رو
سویله گل ایستمرم بیرده سوگلسن یارالی

سالدي دامه منی سندن صورا صیاد بلا
سنه تابع اولوب اولدوم نه بلا گلدي رضا
دیلیمه دگمدي بو مدتی بر ایستی غذا
بنزرم قالب بی روحه اودور من یارالی

چوخ دوگوبدورر بابا یوللاردا منی شمر دنی
بیر دیین اولمادي دویمه بو جلاي وطنی
چاغوراردوم او وورندا منی امداده سنی
گلمدون دادیمه کوسدوم اودي سندن یارالی

من دیدیم کوسموشم آرتدي غمون اي طاقتی طاق
عفو ایله گل ئلورم بیرجه دوینجا دانشاق
قوي اُپوم بیرده یارالی دوداقوندان بارشاق
سنه نسگل اولی اُلسم منه شیون یارالی

آغلاما خسته سن اوز روحووي ابنجیتمه بابا
آغلیوب لاله کیمی باغریمی قان ایتمه بابا
اُلورم گل منه خاطر بوگیجه گیتمه بابا
من اُلندن صورا نسگل اولی گیتسن یارالی

  • یکشنبه
  • 4
  • مهر
  • 1400
  • ساعت
  • 16:01
  • نوشته شده توسط
  • یوسف اکبری
ادامه مطلب
فروشگاه پرچم
 ولی الله کلامی زنجانی

زبانحال حضرت رقیه(س) -(اِی شامه گلن من غم فرقت چکوب ئولدوم) * ولی الله کلامی زنجانی

1132
2

زبانحال حضرت رقیه(س) -(اِی شامه گلن من غم فرقت چکوب ئولدوم) اِی شامه گلن من غم فرقت چَکوب ئولدوم
اوچ یاشدا دوشوب چُوللَره غُربَت چَکوب ئُولدوم

من بیر قیزیدیم گَلدیم او گوندن که جهانه
مانند شکوفه یوزومه گولدی زمانه
ماتم یِلی گُلزاریمی دوندردی خزانه
رنگیم سارالوب گُل کیمی آفَت چَکوب ئُولدوم

من بیر قیزیدیم تِللَریمی عمّه داراردی
آخشاملار اُولان وقتیده صبریم قوتاراردی
هر طَعنه لی سوز قلبیمی اوخ مثلی یاراردی
بیر قلبده مین یاره شَماتَت چَکوب ئُولدوم

من بیر قیزیدیم چوللری آواره گَزردیم
دردیله دولیدی اورَگیم، چاره گَزردیم
یوللاردا تیکانلیقدا اَیاق یاره گَزردیم
دشمنلر اَلیندن چوخ اذیّت چکوب ئُولدوم

من بیر قیزیدیم دشمن اَیاقدان منی سالدی
غارتده قُشون رَختیمی گوشواره َمی آلدی
صدّیقه کبری' نوه سی بیر حالا قالدی
باغلاندی قُولوم رنج اسارت چکوب ئُولدوم

ای دل دولوسی قبریمه نَجوا گَتورنلر
خادم لَریمه، اَلده هَدایا گَتورنلر
گوشواره و گهوارۀ زیبا گَتورنلر
آز عمریده من چوخ غم و مُحنَت چکوب ئُولدوم

از بَس یُولا باخدیم گُوزومون قان یاشی گَلدی
تا یار سفردن منه جان یولداشی گَلدی
گُوردوم گِئجه َنین عالمی قانلی باشی گَلدی
اِئتدی منی شرمنده، خجالت چکوب ئُولدوم

من بیر قیزیدیم نور دل جَدّۀ سادات
زهرا آناما بَنزَه ماقیم، اُولدی خوش اثبات
آق تاپمادی غَسّاله گیم رَختِ مُلاقات
نیلی بدنه بیر قَرَه خَلعَت چکوب ئُولدوم

یَثربده یاتاردیم گِئجه لر وصل زمانی
صُبح لر اُویاداردی یوخودان اکبر اَذانی
سُویلردی گُوزومدن سَنی آتمام باجی جانی
جان اوسته اُونی گُورماقا حسرت چکوب ئُولدوم

من بیر قیزیدیم دشمنین آثارینی پُوزدوم
هند اوغلونون آثارینی پرگارینی پُوزدوم
تَختدَن اُونی سالدیم یِره دَربارینی پُوزدوم
کاخ ستمی یخماقا زحمت چکوب ئُولدوم

گَر دوشسه (کلامی) گُذَرون کرب و بلایه
قارداشیم علی اکبره قیل عرض گِلایه
گُوزلوردوم عزیزیم سالاسان باشیمه سایه
سَن گَلمَدون آمال زیارت چکوب ئُولدوم

  • یکشنبه
  • 7
  • شهریور
  • 1400
  • ساعت
  • 14:02
  • نوشته شده توسط
  • یوسف اکبری
ادامه مطلب

حضرت رقیه سلام الله علیها -( ویرانه ده نازلی بالام جان وردی دینجلدی ) * حاج عباسقلی یحیوی

20708
38

حضرت رقیه سلام الله علیها -( ویرانه ده نازلی بالام جان وردی دینجلدی ) حضرت رقیه سلام الله علیها

ویرانه ده نازلی بالام جان وردی دینجلدی

بو دختر شیرین کلام جان وئردی دینجلدی

بختی بو طفلون اوجیدن دوشدی سرازیره

یکسر آتا قارداشلارین چکدیله شمشیره

کرب و بلادن شامه دین باغلاندی زنجیره

یاتماق اونا اولدی حرام جان وئردی دینجلدی

قالدی اراده بی کفن الله بالام ئولدی

بیر کیمسه نم یوخ دفن ایدن الله بالام ئولدی

آسوده اولدی ظلمیدن الله بالام ئولدی

هر زحمته ایتدی دوام جان وئردی دینجلدی

بعضی گئجه اکبر بوئین اوخشاردی یاتمازدی

شمری گورن گون اوُل گئجه قورخاردی یاتمازدی

چوخ یالواراردیم یات قیزیم آغلاردی یاتمازدی

ایندی نجه گور اولدو رام جان وئردی دینجلدی

غسلون وئرن یوخدو

  • شنبه
  • 22
  • مهر
  • 1396
  • ساعت
  • 07:23
  • نوشته شده توسط
  • علی ببیرپور
ادامه مطلب

شهادت حضرت رقیه(س) -(آچ گوزلرین ای شاه لب عطشان بالام ئولدی) *کربلایی عزیز خانشی

1102
-1

شهادت حضرت رقیه(س) -(آچ گوزلرین ای شاه لب عطشان بالام ئولدی) آچ گوزلرین ای شاه لب عطشان بالام اؤلدی
قرآن اوخی ای ناطقِ قرآن بالام اؤلدی

اولسون بو گئجه شیعه لر آگاه بالام اولدی
دان اولدوزم آخدی گئجه ناگاه بالام اولدی
دوتدوم یوزومی گویلره اللّه بالام اولدی
رحم ائت بیزه ای خالق رحمان بالام اؤلدی

گوردی سینب اوز شمعینی پروانه ده سیندی
گول سینمیش ایدی غنچه ده ویرانه ده سیندی
جان دوشدی یئره محضر جانانه ده سیندی
بیر گوهر نایاب فروزان بالام اؤلدی

هر دردی چکیب مکتب قرآن دیری قالسین
کاخِ ستمه حشره کیمین ولوله سالسین
عالمده حسینین عَلَمی عرشه اوجالسین
اَسْسین شهدا پرچمی هر آن بالام اؤلدی

اوچ سنّیده وار عشق الهی اورگینده
ایستر آتاسین لا یتناهی اورگینده
اود عرشه سالیب شعلهء آهی اورگینده
روحین اریدیب آتش سوزان بالام اولدی

تاریخ ایده معنالی حقیقت دی رقیّه
اوچ سنّده بیر پیر طریقت دی رقیّه
زهرا کیمی چون مظهر عفّت دی رقیه
وئرمزدی قرا معجری باشدان بالام اولدی

بیر درسی بودور قیزلارا، همّت ائله سینلر
گَلجَک آتالاری ائوه حرمت ائله سینلر
حق گو آتالاردان تبعیت ائله سینلر
تاریخه وئرن درس فراوان بالام اؤلدی

اؤلمز بو بالا گرچه یئتیب عمری تمامه
انوار ِ فیوضاتی تاپار دائم ادامه
بو باره ده دُردانه قیزیم بَنزر امامه
مفهوم وِلا، آیت قرآن بالام اؤلدی

ثابت ائدر اوز حقّینی اوز غملی مزاری
داروی شفابخش اولاجاق گرد و غباری
کیم سَسله سه آدین ائده جَخ شوقیله یاری
هر سَسلییه نین دردینه درمان بالام اولدی

یا رب اورگی داغلی شقایق دی رقیّه
گوستردی حسینه نئجه عاشق دی رقیّه
بو عشقه فقط دهریده لایق دی رقیّه
چون اولدی حسین باشینه قربان بالام اؤلدی

سویلردی بابام درد فراقه نئجه دوزدی
شام اهلی دئییر اؤلدی بابان اولمویا دوزدی؟
من نئیله میشم خیردا قیزیندان بئله کوسدی
فرقت ائله دی قلبینی شان شان بالام اولدی

سیلی لر اونون بس کی گویَرتمیشدی یَناقین
غارت چاغی گوشواره سی کَسمیشدی قولاقین
یوللاردا تیکانلار یارا ائتمیشدی ایاقین
قمچی ائله میشدی بدنین قان بالام اولدی

طیّ ائتدی حسینین یولونی یاره ایاقی
یول لاردا ائشیتدی سوزونی پاره قولاقی
ذکر ائتدی حسینین آدینی خشک دوداقی
بیر خیردا عزادار و ثناخوان بالام اؤلدی

اولموشدی خزان گلشنِ عمرونده بهاری
آجلیق ائله میشیدی او گولون رنگینی ساری
قالمیشدی ولی عزّتِ نفس ایله وقاری
دنیانی ائدن صبرینه حیران بالام اؤلدی

عشقیله داخی اصغره لای لای چالان اولماز
اکبر یولونا گوزلری باغلی قالان اولماز
گَلَمز بالامین مثلی دئسم من یالان اولماز
بیر ایسته مه لی گوزلری جیران بالام اؤلدی

افلاکی پوزار خیردا قیزین گوزلری دولسا
چوخ روحی بویوکدور قیزیمین سنّی آز اولسا
سیندیرماز اوزون کوینکی تک صورتی سولسا
احوالی کیمی زولفی پریشان بالام اؤلدی

اولموشدی حسین باشینه پروانه رقیّه
آلدی قوجاغا زولفون ائده شانه رقیّه
بارماقلاری گوردی بَلَشیر قانه رقیّه
داش یاره سی ائتدی اورگین قان بالام اؤلدی

کسدی یارالی باش بالامین چاره سین الله
اؤپدی یارالی لب لرینین پاره سین الله
آچدی قورویان لب لرینین یاره سین الله
اولدی گویَرن صورتی الوان بالام اؤلدی

بسدیر سن (عزیز) ائت بو نئچه بنده بسنده
اؤلموشدی رقیّه او قَرا یئل لر اَسَنده
شمشیرایله شمر آخرین امّیدی کَسَنده
گوردی باباسین قانینه غلطان بالام اؤلدی

  • شنبه
  • 20
  • شهریور
  • 1400
  • ساعت
  • 16:31
  • نوشته شده توسط
  • یوسف اکبری
ادامه مطلب
مرحوم رحیم منزوی اردبیلی

شهادت حضرت رقیه (س) -(درباره خبر ویردی نگهبان خرابه) *مرحوم رحیم منزوی اردبیلی

2525
3

شهادت حضرت رقیه (س) -(درباره خبر ویردی نگهبان خرابه) درباره خبر ویردی نگهبان خرابه
جان ویردی گلون بلبل خوشخوان خرابه

زینب ئوزین ئولدوردی قالوب یرده جنازه
یکسر پوزولوب جمع پریشان خرابه

غساله اگر گئج گله قالماز بیری سالم
وحشتدن هلاک اولدی بو طفلان خرابه

القصه یزیدی او گجه ایلدی بد خواب
آه دل مظلومه زندان خرابه

گوردی که اگر صبح آچیلا ظلمی اولارفاش
امر ایتدی گجه دفن اولا سلطان خرابه

غساله گلینجه ولی,صبح غم آچیلدی
تنگ اولدی,تماشاچیه میدان خرابه

زینب گوتوروب اللری اوسته او بالانی
غسالیه ویردی مه ایوان خرابه

بیر سوز دیدی اما هامی ال باشنه آتدی
ایسلاندی نم اشگیله دامان خرابه

غساله سنی الله بونی آهسته سویوندور
گر اینجسه لرزان اولار ارکان خرابه

پیراهنی آهسته چخارتدی بدنیندن
بلدی دوشه جک دللره دستان خرابه

چکدی گنه ئوز کوینگینی جسمنون اوسته
تا گورمیه گل جسمینی طفلان خرابه

بیردن اگلوب ئوپدی یوزین دوردی یول آلدی
کسدی قاباقین غمزده نسوان خرابه

سسلندیلر اولما بیزی فقر ایچره گورورسن
مأیوس ایلمز صاحب احسان خرابه

تپراقه نظر سالسا اگر سید سجاد
سرتاسر اولار لعل بدخشان خرابه

غساله آچوب ئوز یاخاسین گلدی فغانه
بیر قاره عزا پیرهنی ویردی نشانه

عرض ایتدی خانملار من ئوزوم یار حسینم
گزلنجه نه مدتدی عزادار حسینیم

هر چند یزیده بله بیر سوز دیمک اولماز
اللرده ئولوب بو بالا غسل ایلمک اولماز

زینب باخوب اعضاسنه نیلی یرین ئوپدی
یوزدن آیروب زلفنی سیلی یرین ئوپدی

قبرین قازوب ئوز کوینگینه بوکدی بالانی
قبره قوبوب آهسته بلند اولدی فغانی

سعی ایلدی هر چند که تسلیم اولا صبره
اما اوره گی گلمدی تپراق توکه قبره

فوج اسرار بیر, بیرینه ایتدی اشاره
هیچ کیم بیر اووج توکمدی تپراق اومزاره

سسلندی قرا یللر ایدون دردیمه چاره
تپراق سووروم باشه توکون سیز بو مزاره

  • یکشنبه
  • 19
  • اردیبهشت
  • 1400
  • ساعت
  • 19:15
  • نوشته شده توسط
  • یوسف اکبری
ادامه مطلب

زبانحال حضرت رقیه(س) خرابه شام -(عمه جان اینجیری جانیم گئجه لر صبحه کیمی) *مرحوم حسین شانی تبریزی

670
1

زبانحال حضرت رقیه(س) خرابه شام -(عمه جان اینجیری جانیم گئجه لر صبحه کیمی) عمه جان اینجیری جانیم گئجه لر صبحه کیمی
اوجالور عرشه فغانیم گئجه لر صبحه کیمی

ایلورم سعی گئچن گونلریمی گوزدن آتام
یوخلیوم بلکه بیر آز مقصد و مقصوده چاتام
عادتیم یوخدی ازلدن قوری یرلرده یاتام
اورگنوب بستره جانیم گئجه لر صبحه کیمی

هر قئزون بیت خدایه آتاسی ائتسه سفر
او قئزین مسکنی آیا اولی ویرانه مگر؟
واردی نه سرّی ندن بس منیم ای نیک سیر
اولدی ویرانه مکانیم گئجه لر صبحه کیمی

گر گئدوب حَجه بابام شِبه پیمبر هانب بس؟
قاسمِ تازه جوان اصغر و اکبر هانی بس؟
نولوب عبدالله ابوالفضل دلاور هانی بس؟
اوئیدی عمده امانیم گئجه لر صبحه کیمی

بولورم قلب شریف ونده سنون یوخدی توان
دِئسم احوالیمی اشکون اولی رُخساره روان
صبریمی الدن آلوب فرقت عباس جوان
کسلوب تاب و توانیم گئجه لر صبحه کیمی

آیریلق دردی ای عمه منی بو حاله سالوب
آپاروب صبریمی تاب دلیمی الدن آلوب
منتظردی نئجه یُوخلار گوروسن یولدا قالوب
دیده اشگ فشانیم گئجه لر صبحه کیمی

نه گلور بر گئجه شیرین یوخی عمه گوزومه
نه تسلّی وئره بولّم گونوزی ئوز ئوزومه
گوز یاشیم گوزده گواه یمدی بو اودلی سوزومه
که آخور اشگ روانیم گئجه لر صبحه کیمی

وار نه قلبیمده منیم ذوق صفای چمنیم
نه هوای فَرح نَسترن و یاسَمن یم
فکر زلف علی اکبر اولوب هر لحظه منیم
محرم راز نهانیم گئجه لر صبحه کیمی

خانه عیشمی غارتگر گردون تالادی
خُم مُحنتده فلک رَختیمی قاره بویادی
اورگیم بیر بونیله خوشدی علی اکبر آدی
که اولوب ورد زبانیم گئجه لر صبخه کیمی

دئمورم (شانی) مَلاحت ده مُسلمدی سوزوم
بوقدر وار که بهار ابری تک آغلاردی گوزون
حیف اولا طبع کتابه دگلم قادر ئوزوم
ورنه وار نطق و بیانیم گئجه لر صبحه کیمی

  • یکشنبه
  • 14
  • شهریور
  • 1400
  • ساعت
  • 14:01
  • نوشته شده توسط
  • یوسف اکبری
ادامه مطلب

دانلود متن و سبک نوحه ترکی شهادت حضرت رقیه(س) -( غربتده جان وئرور قیزون ) * رامین برومند

15362
40

دانلود متن و سبک نوحه ترکی شهادت حضرت رقیه(س) -(  غربتده جان وئرور قیزون ) غربتده جان وئرور قیزون
گل بیر دم ای یارالی
دائم بابا بابا دیور
خرابه نون مارالی

گل بابا که یورولموشام
بو جای سلسله دن
ایاقدان دوشموشم بابا
بو جای آبله دن

گل سینووی داغلا بابا
گل یاره می باغلا بابا
بابا هایانداسان

غم لر باشیما توکولوب
قدیم نجه گور بوکولوب
بابا هایانداسان
ــــــــــــــــــــــــــــــــــــــ

تیکمیشم من نه وقتیدور
یولارووه گوزومی
تا که گَلَسَن ای بابا
گورسَدم من یوزومی

یورولمیشام بو شهریدن
همدم اولدوم محنه
گَلَنده سن گتیر بابا
بیر جوت گوشواره منه

گل رخت وفات گییرم
هی جان بابا جان دییرم
بابا هایانداسان

من ده داخی قالمادی جان
گل گل سن اماندی امان
بابا هایانداسان

*********

  • سه شنبه
  • 25
  • مهر
  • 1396
  • ساعت
  • 06:57
  • نوشته شده توسط
  • احسان نیکخواه
ادامه مطلب
میرزا حسین کریمی مراغه ای

زبانحال خانم رقیه(س) به حضرت زینب(س) در شب عاشورا -(اورگيم يانور سوسوزدان کسيلوب توانیم عمه) *میرزا حسین کریمی مراغه ای

743
2

زبانحال خانم رقیه(س) به حضرت زینب(س) در شب عاشورا  -(اورگيم يانور سوسوزدان کسيلوب توانیم عمه) اورگيم يانور سوسوزدان کسيلوب توانیم عمه
منه بير ايچيم سو فکر ايت باشوا دولانيم عمه

دوزه بولمرم عطشدن بو گیجه صباح اولونجا
نولي بير گورم سرين سو ايچورم گينه دويونجا
نيه ئولمه دی رقيه سارالوب بئله سولونجا
قوتولور بهار عيشيم يتيشوب خزانيم عمه

گلوري سسي فراتين اوره گیم اسير هوسدن
پر آچوبدي مرغ روحيم اوچا آز قالور قفسدن
دوتولوب بوغاز باتوب سس داخي دوشميشم نفسدن
نجه صبر ايدوم بو ظلمه نجه من دايانيم عمه

بيزه نامه لر يازوبلا گتوروبله بو عراقه
اولا میزبان یهودی سويي باغلاماز قوناقه
نئجه سخت دشمن اولسا گینه رحم ائدر اوشاقه
سوزه يوخ دليمده طاقت قورويوب دهانيم عمه

آخوري سويي فراتين بو بلا لی سرزمينه
دوتوب اود يانور رقيّه دوداقين امیر سکينه
نيه باغليوب فراتين يولوني بو اهل کینه
يانور اصغريم عطشدن سویا يوخ گمانيم عمه

نيه گلميشوخ بیز عمه بو دیار پر بلايه
نيه جمع اولوب بو لشگر بو زمین کربلايه
گئديرم سوسوزليقيمدان باباما ائدن گلايه
ايلسون بو درده چاره شه انس و جانيم عمه

بو گیجه نه وار باشوندا دی گوروم وفالي عمه
نيه آغلوسان بابامون پوزولوبدي حالی عمه
نيه قارداشيم علينون سارالوب جمالی عمه
نيه آلموسان قوجاقه منی مهربانيم عمه

نيه عمه جان بو منزل بيزه نامبارک اولدي
بو يره قدم قوياندان آتامون جمالی سولدي
يتيشوبدي غم غم اوستن بيزه حاليميز پوزولدي
نيه دوشدي بو بلالی يره کاروانيم عمه

آنام اصغرين آچوبدور بلگين گلوب فغانه
چالور ال اياق سوسوزدان سارالوب او نازدانه
يري وار ئولونجه شیعه ایده گوز ياشين روانه
بو غمی يازوب"کريمي" اولا نوحه خوانيم عمه

  • یکشنبه
  • 9
  • خرداد
  • 1400
  • ساعت
  • 17:30
  • نوشته شده توسط
  • یوسف اکبری
ادامه مطلب

حضرت رقیه سلام الله علیها -( یتیمه بیر قیزام بابا یارالیام یارالیام ) * کربلایی حسن آخوندی

3745
11

حضرت رقیه سلام الله علیها -( یتیمه بیر قیزام بابا یارالیام یارالیام ) حضرت رقیه سلام الله علیها

یتیمه بیر قیزام بابا یارالیام یارالیام

باشیمدا قاره معجریم عزالیام عزالیام

نیه بو نازدانه وی گوزوندن آتموسان بابا

منی گوزوندن آتموسان مرامه چاتموسان بابا

گئجه چاقیندا من اویاق هایاندا قالموسان بابا

فراقوه دوزنمورم یارالیام یارالیام

خرابه گوشه سینده گل بالوی آل قوجاقوه

آلاندا سن قوجاقوه دوداق قویوم دوداقوه

گرکدی جانی بذل ایدم سنون گوزل ایاقوه

دییم بابا گوزل بابا وفالیام وفالیام

شاعر : کربلایی حسن آخوندی

  • یکشنبه
  • 23
  • مهر
  • 1396
  • ساعت
  • 06:42
  • نوشته شده توسط
  • علی ببیرپور
ادامه مطلب

سبک مداحی شهادت حضرت رقیه(س) -(قالموشام آواره گل...بختیم اولوب قاره گل) * سیامک پندی خاکسار

1443
2

سبک مداحی شهادت حضرت رقیه(س) -(قالموشام آواره گل...بختیم اولوب قاره گل) قالموشام آواره گل...بختیم اولوب قاره گل
یول یریماقدان بی بی...اولدی ایاق یاره گل
اولما یورولدون داخی...سن کی سویردون منی
بس نیه تک قویموسان...ائتدیم اذیت سنی؟
قالموشام بو چولده...هارداسان
سن منی گوزوندن ...آتموسان
یوزوم نیلی..دگدی سیلی..آی عمه جان 2
بند دوم
زجر وروب قوخموشام...شمع کیمی آخموشام
گاهی گلوب گه دوروب..گاهی گویه باخموشام
ور خبر عمه بابام...تئز یتیشه دادیمه
ئولدوره جاق زجر منی...تئز گله امدادیمه
ایاقیم یاره دور...عمه جان
قولاقیم پاره دور...عمه جان
یوزوم نیلی..دگدی سیلی..آی عمه جان2

  • چهارشنبه
  • 25
  • مهر
  • 1397
  • ساعت
  • 11:18
  • نوشته شده توسط
  • ابوالفضل عابدی پور
ادامه مطلب
 ولی الله کلامی زنجانی

احوالات حضرت رقیه(س) -(سلام اولا ره حقده قدم وران خانما) * ولی الله کلامی زنجانی

910

احوالات حضرت رقیه(س) -(سلام اولا ره حقده قدم وران خانما) سلام اولا ره حقده قدم وران خانما
ستم بسا طینه نقش عدم وران خانما
خرابه شامیده قاره علم وران خانما
گتوردی درده دل عالمی رقیه خانم
اوجاتدی قانه باتان پرچمی رقیه خانم

ای عاشقی که گلوبسن رقیه هیئتینه
سلام ایله شهدانین سفیر دولتینه
ادبله قوی یوزیوی آستان رحمتینه
بو بیر خانمدی که اوچ سنی واردی مین دردی
اونی حسین آقامیز هامیدان چوخ ایستردی

رقیه ماه بنی هاشمین ستاره سیدی
دوز عشقین سندی قلب پاره پاره سیدی
خانملیقندان علامت باشندا قاره سیدی
قیامتین گونی عشاقه تازه جان ویره جاق
قرا گینلری پیغمبره نشان ویره جاق

بو اوچ یاشندا خانم شامه ولوله سالدی
ئولنجه سنگر ایثاریده اویاق قالدی
یزیدی محکمیه چکدی انتقام آلدی
دوزی کیچیکدی ولیکن جلالی عظمادی
فروغ دیده زینب، سه ساله زهرادی

رقیه هر غمه دؤزدی اورک غمیله دولی
یخوبدی شمر و سنانین ایوین او باغلی قولی
مخالفنده اگر دوشسه شامه ایندی یولی
گورر که باغلیدی آل امیه نین قاپوسی
ولی آچخدی همیشه رقیه نون قاپوسی

امان او وقتیدن الله دوداقه جان گلدی
قرا گوزی یومولوب داده قدسیان گلدی
او ناگهانی ئولوم زینبه گران گلدی
دیدی اورکده اولان نسگله بی بون قربان
دانشموسان نیه شیرین دله بی بون قربان

واریدی نکته سنون هر سوزونده نازلی بالا
منیده پوزدون ئولنده ئوزونده نازلی بالا
گوزوم قالوب او یورولموش گوزونده نازلی بالا
یات ایندی دلده قالان سوزلره ئوزوم قربان
دویونجا یوخلامیان گوزلره گوزوم قربان

یزید باغلادی اهل مکارمین قاپوسین
گرکدی یاندرا آهیم او ظالمین قاپوسین
جنازه یرده عزیزیم دوگوم کیمین قاپوسین
خرابه یرده چیخان جانیوه بی بون قربان
قبار ایاقدان آخان قانیوه بی بون قربان

آنام جانی گوزلیم ئولدورر بو غصه منی
گوزون دولاندا گلوب ساربان دوگردی سنی
نجه یووار سنی، غساله گورسه بو بدنی
اورکده آهلاریوین مدّینه بی بون قربان
قولوندا قمچی لرین ردّینه بی بون قربان

  • چهارشنبه
  • 22
  • بهمن
  • 1399
  • ساعت
  • 20:25
  • نوشته شده توسط
  • یوسف اکبری
ادامه مطلب
 مرتضی اسکندری

شجاعت حضرت رقیه (س) -(نوۀ نابغۀ حضرت زهرایم من) * مرتضی اسکندری

4621
9

شجاعت حضرت رقیه (س) -(نوۀ نابغۀ حضرت زهرایم من) نوه ی نابغه ی حضرت زهرایم من
زینت قافله ی زینب کبرایم من

شیر حقون قیزی عمم دی اونون یاری منم
زینت دامن حیدردی وفاداری منم
اسرا لشکرینون خوردا علمداری منم

کربلا فاطمه سی عطر گل یاسم من
تربیت یافته ی زینب و عباسم من

من آنام فاطمه نون دختر ارزنده سیم
آسمان ادبون ماه فروزند ه سیم
شیر زن عمه مون عالم بویی شرمنده سیم

خیمه لر غارت اولان وقتیده یاندی اتگیم
اللری باشدا فقط عمم اولوبدور کمگیم

باخمیون سنّیمه شاگرد کلاس ادبم
عصمت و صبر و حیاده بیبیمه منتصبم
تانور عالم منی زهرای سه ساله لقبم

حضرت فاطمه پیغمبرون اولدی آناسی
منده اولدوم بابامون ام ابیها بالاسی

صدف معرفتون گوهر شهواری منم
هر مصیبت باشیما گلسه خریداری منم
حضرت فاطمه نون معدن اسراری منم

اونادا ظلم ایلیوب فرقه ی عدوان منه ده
اونادا سیلی ووروب دشمن قرآن منه ده

بیر گونی گلدی یزیدون قیزی ویرانه میزه
اعتنا ایلمه دی صولت شاهانه میزه
ووردی چوخ طعنه بیزیم غربت کاشانه میزه

چوخ غروریله دوروب دختر ملعون شجره
قصر ویرانه نی دقتله آلوبدی نظره

دیدی شاهین قیزیسان جاه و جلالون هانی بس
عزت و شوکت و سیم و زر و مالون هانی بس
زلفیوی توز بوریوبدی خط و خولون هانی بس

هانسی شهزراده نون اوچ سنیده زلفی آغاروب
غنچه وقتی باشینا غم بولودی سایه سالوب

شهزاده لرون رسمیدی سیم و زری واردی
بوینوندا قولاقینده طلا زیوری واردی
باشینده سنون تک نه قرا معجری واردی

سن شه قیزیسان بس هانی خدام و کنیزون
حالون بیله معلوم ایلیور یوخدی کنیزون

بو سوزده بیبیم قویمادی ساکت دایانام من
سسلندی قیزیم قویما بو محنتده یانام من
شایسته دگول بوندان علاوه اوتانام من

قویما طلقا زاده یانوندا اوتانیم من
اگلش یره قوی باشیوه بیرده دولانیم من

گوردوم بیبیمون اللری واردور بیلگیمده
دوردوم ایاقا محنت عباس ئورگیمده
اکبر قانی جوش ایتدی منیم خون و رگیمده

ویردیم بو سیاق زاده ی ملعونه جوابی
بسدور داخی یاندیرما منِ قلبی کبابی

جوابیه ......

بیر لحظه دایان ساخلاگیلان حدّیوی ای قیز
سنده نه لیاقت یخاسان سدّیوی ای قیز
یاخشی تانورام اُمُّ و اب و جدیوی ای قیز

اجدادیوی یکسر هاموسون بیر یره یغسان
هاردا علی اصغر کیمی شهزاده تاپارسان

سن فخر ایدوسن معاویه نون اوغلی یزیده
من فخر ایدورم حیدر کرار شهیده
سن فخر ایدوسن هند جگر خوار پلیده

من فخر ایدورم چرخ حیا اولدوزیام من
محبوبه ی حق حضرت زهرا قیزیام من

سن فخر ایدوسن درهم و دینار و طلایه
من فخر ایدورم نهضت شاه شهدایه
سن فخر ایدوسن لشکر بی شرم و حیایه

من فخر ایدورم بنده ی خلاق قدیرم
قرآنه گوره دشمن قرآنه اسیرم

ثروت سنی کور ایلیوب البته اساسی
سن فخر ایدوسن وار باباوون قصر طلاسی
من فخر ایدورم وار باشیمون عزت هماسی

زیر و بم دنیا هامی الماس اولا یکسر
حاشا اولا بیر موی ابالفضله برابر

آلّانما بوچرخ و فلک کینه مرامه
رحم ایلمیوب گوز دولوسی شاه و غلامه
بل باغلاما بو سلطنت کشور شامه

چکمز او زمان قصریوی الدن ویره جاقسان
تپراقلارون آلتندا پریشان یاتاجاقسان

انصافون اگر واردی مروّت تانیورسان
شاهین قیزیسان شان و شرافت تانیورسان
گوندر بابامون باشینی غیرت تانیورسان

قوی بیرده گوروم رآس شه کرب و بلانی
قربان ایلیوم محضر سلطانیمه جانی

چکمشدی اونون گوزلرینه غم توزی پرده
بوسوزلریله گتدیم اونون قلبینی درده
گوندردی بابامون باشینی سینی زرده

گوردوم بابامون قانلی دوداقلارون اوتاندیم
اوپدوم یارالی لبلرینی قانه بویاندیم

  • چهارشنبه
  • 5
  • خرداد
  • 1400
  • ساعت
  • 21:42
  • نوشته شده توسط
  • یوسف اکبری
ادامه مطلب

توسل به حضرت رقیه سلام الله علیها -( هر درد بی دوا را درمان کند رقیه ) * محمدرضا بیگلی

16650
5

توسل به حضرت رقیه سلام الله علیها -( هر درد بی دوا را درمان کند رقیه ) توسل به حضرت رقیه سلام الله علیها

هر درد بی دوا را درمان کند رقیه
لطف و کرم به عالم احسان کند رقیه

گر دردمند و مسکین بر درگهش بیافتد
بر خوان رحمت خویش مهمان کند رقیه

دست گره گشایش مشکل گشای دهر است
هر مشگلی که باشد آسان کند رقیه

لطف و نظر نماید بر هر کسی در عالم
کل جهانیان را حیران کند رقیه

آندم که در طبق دید رأس شهید حق را
گفتا به مقدمت جان قربان کند رقیه

گفت ای عزیز زهرا گشتی مثال لاله
باجاست در غم تو افغان کند رقیه

شاعر : محمدرضا رضوی بیگلی

  • پنج شنبه
  • 20
  • مهر
  • 1396
  • ساعت
  • 08:49
  • نوشته شده توسط
  • علی ببیرپور
ادامه مطلب

مدح و میلادیه باب الحوائج حضرت رقیه سلام الله علیها -(رقیه گوز آچدی ماه شعباندا عالمه) * رضا ماه پری زنجانی

713

مدح و میلادیه باب الحوائج حضرت رقیه سلام الله علیها -(رقیه گوز آچدی  ماه شعباندا عالمه) رقیه گوز آچدی ماه شعباندا عالمه
آدینی ملکلر گویده ایتدی زمزمه
شه خوبان. شاه شهیدان. گوزلرون آیدین حسین حسین
سنی زهرا.ایت بیزه احسان.گوزلرون آیدین حسین حسین

حسین چخوب سیره اولدوزون
شبیه زهرادی بو قیزون

هامی دردین دواسیدی
محبتین آشناسیدی
بلور عالم مدافعان
رقینین مبتلاسیدی

سنه قربان.مظهر ایمان.گوزلرون آیدین حسین حسین
سنی زهرا. ایت بیزه احسان. گوزلرون آیدین حسین حسین

حسین چخوب سیره اولدوزون
شبیه زهرادی بو قیزون

زینب عمه سینن آل خبر وقارینی
آغوشه باساردی جان تک نگارینی

منه جانسان.روح و روانسان. گوزلرون آیدین حسین حسین
سنی زهرا. ایت بیزه احسان. گوزلرون آیدین حسین حسین

حسین چخوب سیره اولدوزون

  • چهارشنبه
  • 4
  • اردیبهشت
  • 1398
  • ساعت
  • 11:41
  • نوشته شده توسط
  • ابوالفضل عابدی پور
ادامه مطلب
 محمدرضا محمدی (ناعم)

شعر زبانحال حضرت رقیه(س) با حضرت زینب(س) -(خرابه ده سرشکیمی) * محمدرضا محمدی (ناعم)

1496
1

شعر زبانحال حضرت رقیه(س) با حضرت زینب(س) -(خرابه ده سرشکیمی) خرابه ده سرشکیمی
عذاره باغلارام بی بی
اسیردام محنتم
اولونجه آغلارام بی بی
.
خبریوخدی نه آتامدان نه قارداشیمدان
ایدون آگه اکبریمی بوگوزیاشیمدان
چاغیردیم من هرزمان ایستکلی بابامی
جوابینده قمچی ویردی دشمن باشیمدان
.
یتیمم اسیرم یتیمم اسیرم
.
.
.
.
.
بودهریدن گیلیلیم
زمانه دن یورولموشام
بابام حسینه ویرخبر
دوگولموشم سویولموشام
.
سالوبدی دیلدن منی ضرب تازیانه
سالوررعشه سوزش آهیم آسمانه
دعاایله من گوروم بیرده قانلی باشی
اگراولسمده اونی ویرمم ناکسانه
.
یتیمم اسیرم یتیمم اسیرم
.
.
.
.
.
خرابه ده چیخارجانیم
نه دینمرم دانیشمارام
بواهل شامیلن بی بی
اولونجه من باریشمارام
.
خزان ویردی سولدی ظلمیله گلستانیم

  • جمعه
  • 19
  • مهر
  • 1398
  • ساعت
  • 15:51
  • نوشته شده توسط
  • علیرضا گودرزی
ادامه مطلب
استاد حسین غفاری اردبیلی

سینه زنی حضرت رقیه(س) -(آی قلبیمون قراری) *استاد حسین غفاری اردبیلی

749
0

سینه زنی حضرت رقیه(س) -(آی قلبیمون قراری) ای قلبیمون قراری
لایلای رقیه لایلای
عاشقلرین نگاری
لایلای رقیه لایلای

سینم سنون یروندی
تپراقلار اوسته یاتما
دیلدن دوشن قناری
لایلای رقیه لایلای

گوز یاشلارون آخاردی
غم سایه سین سالاندا
اوخشاردون آغلیاردون
منلن اویاق قالاندا

هئچ بیلمدون نه چکدیم
مین یول ئولوب دیریلدیم
غارت گونی حسینیم
گوشوارووی آلاندا

اولماز بی بون ئولونجک
بیر ثانیه محن سیز
آیا نجه گئدوم من
کرب و بلایه سن سیز

اولسیدی فرصت الده
ساچدان کفن توخوردوم
نسگیلدی گیتسه قبره
گل پیکرون کفن سیز

یولداشلارون گلوبلر
ویرانسرایه مهمان
دیل یاره سی ووروب کیم
الآن اولوب پریشان

دورعیبی یوخدی نینک
بو قیزلاری باغیشلا
قویما اولا عزیزیم
یولداشلارون پریشان

ای دشت کربلانون
یورقون مارالی لایلای
قلبون کیمی اولوبدی
قلبیم یارالی لایلای

قوی بیر ئوپوم دویونجاق
سیلی دگن یوزوندن
قبره گئجه گیدورسن
زهرا مثالی لایلای

هرسن توکنده گوز یاش
مین لاله اولدی پرپر
هر سن دینده بابا
بش قمچی آچدی شهپر

قوللارووی ئوپنده
یوللاردا تازیانه
آغلاردی یانه یانه
سر نیزه اوسته اکبر

  • چهارشنبه
  • 28
  • آبان
  • 1399
  • ساعت
  • 12:12
  • نوشته شده توسط
  • یوسف اکبری
ادامه مطلب
 ولی الله کلامی زنجانی

زبانحال حضرت رقیه(س) -(گل دادیمه عمه جان_گل دوداقه جان گلوب) * ولی الله کلامی زنجانی

1471
12

زبانحال حضرت رقیه(س) -(گل دادیمه عمه جان_گل دوداقه جان گلوب) گل دادیمه عمه جان - گل دوداقه جان گلوب
منیم یارالی بابام - لبلرینده قان گلوب
وای منه - وای منه - مهربان قوناقه باخ
من باخا بیلمورم - یاره‌لی دوداقه باخ

الله مسافرلری - سالماسین یامان گونه
هانسی مسافر دوشر - بو بابام قالان گونه
هی دئدیم گئتمه بو - یول خطرلیدی بابا
کربلا یولاری - دردسرلیدی بابا

من بو باشین عمه جان - یوز گوزون گرک یووام
حقدن ئولوم ایسترم - مستجاب اولار دعام
دردیمین سهمینی - هئچ کسیله بولمرم
قویما گئتسین بابام - گئتسه راحت ئولمرم

باد صبا دردیمی - یاریمه یتورمدی
گلدی بابام حیف اولا - اصغری گتورمدی
منتظردی گوزوم - قانه دوندی گوزیاشیم
قورتار الله منی - هاردا قالدی قارداشیم

من بیلوردوم سویگولوم - آختارار تاپار منی
گلدی یوخوما گئجه - گل دئدیم آپار منی
عمه زهرا جانی - یار آپاردی صبریمی
اکبریم گلمدی - قاز منیمده قبریمی

  • سه شنبه
  • 4
  • آذر
  • 1399
  • ساعت
  • 13:21
  • نوشته شده توسط
  • یوسف اکبری
ادامه مطلب
 ولی الله کلامی زنجانی

زبانحال حضرت رقیه(س) با حضرت زینب(س) در خرابه شام -(واریدوخ عمه وطنده اودا بیر گونلریدی) * ولی الله کلامی زنجانی

734

زبانحال حضرت رقیه(س) با حضرت زینب(س) در خرابه شام -(واریدوخ عمه وطنده اودا بیر گونلریدی) واریدوخ عمه وطنده اودا بیر گونلریدی
آغلارام یاده دوشنده اودا بیر گونلریدی

آغلیان وقته سیلردی علی اکبر گوزیمی
ناز ایدردیم اونا منده اودا بیر گونلریدی

حُسنی مین یوسف کنعانی اسیر ایلردی
زلفی اوخشاردی کمنده اودا بیر گونلریدی

واریادوندا که دولاردی گوزی عباس عمومون
یوزومی توزلی گورنده؟اودا بیر گونلریدی

ال چکردی بابام آهیله یتملر باشینا
تادوداقلار وار خندان اودا بیر گونلریدی

گونده اوچ وقتده بابام خلقه غذا پایلاردی
گوردون اول گونلری سنده اودا بیر گونلریدی

گوئیا بارش رحمت توکولردی باشیما
بابام آننمدان ئوپنده اودا بیر گونلردی

صبحه چان بستر راحتده یاتاردیم گجه لر
یوخودی یاره بدنده اودا بیر گونلریدی

او زمان غصّه منی بیر بیله یاندرمازدی
طعنه لی سوزایشیدنده،اودا بیر گونلریدی

ندن عمّه قوجالوبسان اوجاقدون واریدی
سرویدون صحن چمنده اودا بیر گونلریدی

رجب آینده وطندن آرالاندیق امّا
خوشودوق یودا گلنده اودا بیر گونلریدی

قارداشیم قویما زیدی قافله سرعتله گیده
ساربانلار تلنده اودا بیر گونلریدی

یغیلاردیق هَیجانیله ربابین باشینا
علی اصغر صود امنده اودا بیر گونلریدی

بابامی ایستورم ایندب اتگندن یاپشام
اورگیم دردینی جانانیله گیزلین دانشام

دیم ای سرور خوبان بودا بیر گوندی بابا
چخادوبسان منی یاددان بودا بیر گوندی بابا

سن که گیتدون سفره دوشدی رقیه خطره
اسدی بیر قورخولی طوفان بودا بیر گوندی بابا

کربلادن بورا جان سیای دگوب اوز گوزیمه
خسته جانیم سنه قربان بودا بیر گوندی بابا

او گیچن گونلریم ایکاش چخیدی یادّان
اولموشام مونس هجران بودا بیر گوندی بابا

منی دیندیر بابا غارتده یانوبدی اتگیم
بالاوام حالی پریشان بودا بیر گوندی بابا

ای طبیبم بو مریضلیق منی دلدن سالاجاق
تاپمورام دردیمه درمان بودا بیر گوندی بابا

باشیما قمچی دگنده دیمیشم یا عباس
داده گلمور او نگهبان بودا بیر گونده بابا

عمومون بس نه گلوبدی او اوزون قولارینا
ورور اعدا بیزی هر آن بودا بیر گوندی بابا

دولانیم باشیوه مندن سنی کیم آیری سالوب
اولا شمیرین ایوی ویران بودا بیر گوندی بابا

هارا گیتسن منی لطف ایله آپار ئوز یانیوا
غصه دن باغریم اولوب قان بودا بیر گوندی بابا

اوچ یاشندا قز هارا قمچی هارا سیلی هارا
گورهارا گلمیشم هارادان بودا بیر گوندی بابا

اوخشادیر غصه ده عمم منی زهرا آناما
چوخ جفا چکمیشم ای جان بودا بیر گوندی بابا

اونا بیر سیلی دگوب کوچه ده من گورمه میشم
دانشوب عمه نالان بودا بیر گوندی بابا

جان زهرایه قسم سیلی لرین تعدادین
سایا بلمم سنه الان بودا بیر گوندی بابا

  • سه شنبه
  • 4
  • خرداد
  • 1400
  • ساعت
  • 18:13
  • نوشته شده توسط
  • یوسف اکبری
ادامه مطلب
حاج علی پور علی

نوحه شهادت حضرت رقیه(س) -(قاره کفنیم لایلای) *حاج علی پور علی

701

نوحه شهادت حضرت رقیه(س) -(قاره کفنیم لایلای) قا ر ه کفنیم لا یلا ی
نیلی بد نیم لا یلا ی
قول.باغلی ئورک.داغلی
قبره گئد نیم لا یلا ی

لا یلای یارالیم لا یلا ی
یثرب ما را لیم لایلای

مظلوم اولانیم لایلای
غمدن صو لانیم لایلای
لاله گولی تک باغر ی
قاندان دولانیم لایلای

لایلای یارالیم لایلای
یثرب مارالیم لایلای

هرظلمی گورن لایلای
قارداشی ئولن لایلای
لایلای یارالی قلبین
غم تیری بولن لا یلا ی

ئلدن آرالیم لایلای
یثرب ما رالیم لا یلای

غملر چکنیم لا یلا ی
اشگین توکنیم لایلا ی
آی عمه سینین قدین
غمدن بو کنیم لایلای

لا یلای یارالیم لا یلای
یثرب ما را لیم لایلای

آی غرق محن لا یلا ی
قولاردا رسن لا یلا ی
لایلای هدف.اوستون ده
ا للرده ئو لن لا یلا ی

لا یلا ی یارالیم لا یلای
یثرب مارا لیم لایلای

  • یکشنبه
  • 6
  • تیر
  • 1400
  • ساعت
  • 12:02
  • نوشته شده توسط
  • یوسف اکبری
ادامه مطلب
 احمد پوریا

شهادت حضرت رقیه(س) -(خرابه ده نازلی بالا سراغ دوتور قارداشینی) * احمد پوریا

455
1

شهادت حضرت رقیه(س) -(خرابه ده نازلی بالا سراغ دوتور قارداشینی) خرابـــــه ده ،نازلی بالا ،سراغ دوتور قار داشینی
طاقتی یوخ ، ملالی چوخ،یوزه توکور گوزیاشینی
رقیه جان رقیه جان2

عمه سینه ،دیور بی بی ، رقیّیه دلبر هانی
آلا منی ، قوجاقینه ، او شبه پیغمبر هانی
یوخدی دیوم ، اکبریمه ،باجیوی چوخ وروبدولار
تاکه دیه نازلی باجی ، باشدا قرا معجر هانی
رقیه جان رقیه جان 2

عمه بابام هاچان گلر ،نه وقت عزیز جان گلر
داریخمیشام ، قوناق منه ، ستاره ی جنان گلر
عمه بابامی ایستورم، هجرینه دای دوزنمیرم
آغلیورام ، بو گوزلره ، اشک عزا روان گلر
رقیه جان رقیه جان 2

گلدی خرابیه قوناق ،طبقده دور نهان گلوب
عمه سی سسلیور بالا، دور سنه میهمان گلوب
آچدی او آغلیان گوزون،باخدی او مظلوم قوناقا
دیدی بابام گلوب ،نیه لبونده قان گلوب
رقیه جان رقیه جان 2

دوردی یرینده ایاقا،دولاندی دلبر باشینا
گه اوتورور بوسه ورور ، عشق پیمبر باشینا
ایستور آلا قوجاقینه ،توانی یوخ قویور یره
ناز ایلیور ،الون چکور، زاده ی حیدر باسینا
رقیه جان رقیه جان 2

دیور بابا غصه لیم ، ناز ایله من نوالیم
خرابه دن ،یورولموشام ،اصغر اولوب عزالیم
آلان منی قوجاقیوه، او قانلی پیکرون هانی
دوداقلارون یارالیدی ،منده بابا یارالیم
رقیه جان رقیه جان ۲

تک نیه گلموسن بابا عموم او سر لشگر هانی
صبحه کیمین سوسوز قالان ،او صود امر اصغر هانی
بی بیم دیور که قارداشیم بابا منیم سفرده دور
گونده قوجاقینه آلان ، رقیه نی ، اکبر هانی
رقیه جان رقیه جان 2

ای بابا گوشوارمی ،غارت ایدوب آپاردیلار
عممه قمچی ووردولار ، باشیمه قاره سالدیلار
گوز قاباقیمدا کوفده آنّیوا داش وروردولار
علیِّ اصغر بشگین ، رباب الیندن آلدیلار
رقیه جان رقیه جان 2

رقیه جان نوکریوم ،بوش یولا سن سالما منی
خادم بو هیئتیوم ،ویر بیزه بو تذکره نی
ایله نظر ، سن (احمده) پیاده اربعین گونی
کرب و بلایه بیز گلاخ اوردا دیاخ بو نوحه نی

  • سه شنبه
  • 22
  • تیر
  • 1400
  • ساعت
  • 12:00
  • نوشته شده توسط
  • یوسف اکبری
ادامه مطلب

زبانحال حضرت زینب (س) در شهادت حضرت رقیه (س) -(ای منیم دلبریم) * علیرضا حضرتی (ناعمی)

815

زبانحال حضرت زینب (س) در شهادت حضرت رقیه (س) -(ای منیم دلبریم) ای منیم دلبریم
نازلی نیلوفریم
آناما بنزریم
آچ اوگوزل گوزلریوی یاتما رقیّه

هم ‌دادیم هم ‌دوزوم
سُوزولن اولدوزوم
غربت اِئلده قیزیم
بو بینوا عمّه وی آغلاتما رقیّه

وای- نجه بو گوزلریوی باغلاسین عمّون
وای- ‌آنام ای ‌وای چاغوروب آغلاسون عمّون

وای رقیّم ایوای (3) ایوای رقیّم

ای اسیر مُحن
یورولان غُصه‌دن
اشکی قانه دُونَن
قلبنی تیر غم بولن رقیّم ایوای

ای صفای حرم
دردی چوخ عُمری کم
دیرم دَمبَدم
قمچی‌لر آلتیندا ئولن رقیّم ایوای

وای - گوزون آچ که قورتاروب غم فراقون
وای- ایاقا دور گوزلیم گلوب قوناقون

وای رقیّم ایوای (3) ایوای رقیّم

وای بلالی باشیم
اولدی قان گوزیاشیم
یارالی یولداشیم
دردیوه درمان گتوروب اویان رقیّم

یانارام آغلارام
عالمی داغلارام
گوزیوی باغلارام
دور دیلیمون اَزبَری اولدی جان رقیّم

کاش- بوقدر عشقیده زینب یارئییدی
کاش- بو قرا تلّلری بیرده دارئییدی

وای رقیّم ایوای (3) ایوای رقیّم

ای حسینون گُلی
یورولان بلبلی
اکبرین سویگُلی
کاش باشون اوستونده سنون دلبر اولیدی

منه آرام جان
ای بَلالر یوران
سن ویرن وقته جان
آلماقا آغوشه سنی اکبر اولیدی

وای- غصّه‌لَردن بیلورم که دینجلردون
وای- اکبرین گوزلرینه باخوب گولردون

وای رقیّم ایوای (3) ایوای رقیّم

  • یکشنبه
  • 31
  • مرداد
  • 1400
  • ساعت
  • 10:11
  • نوشته شده توسط
  • یوسف اکبری
ادامه مطلب

حضرت رقیه(س) در قتلگاه -(باتدی گون یاتدی عدو قورخولی طوفان گئجه سی) * مرحوم میرزا صادق بیضا اردبیلی

519
1

حضرت رقیه(س) در قتلگاه -(باتدی گون یاتدی عدو قورخولی طوفان گئجه سی) باتدی گون یاتدی عدو قورخولی طوفان گئجه سی
قانلی میدانه سالوب سایه هراسان گئجه سی

یاتدی آرامشیلن بو گئجه افراد سپاه
یغیشوب بیر یاری یانمش چادرا عترت شاه
گوردی بو صحنه نی گیزلتدی ئوزین ابرده ماه
اولمادی روی مهون لحظه ای تابان گئجه سی.

خیمه دن چیخدی قرانلوق دا بیر اوچ یاشلی اوشاق
ایله وحشتله بیاباندا ائدوب عشقی سراق
چکدی گوداله اونی جاذبۀ عشق و فراق
تاپدی گودالیده ایستکلی سین هجران گئجه سی.

گوردی گودالیده خلوت ائلیوب یاریله یار
اولوب عشقیله لبالب گجه یاری او دیار
سینه سیندن او شهون اوخلاری چون ائتدی کنار
نور حق جلوه لنوب اولدی درخشان گئجه سی.

لامکان ورطۀ گودالیده چون ائتدی مکان
کائناتون حرکاتینده گوروندی نوسان
وئردی بو صحنه هامی ثابت و سیّاره تکان
آز قالوب ثابت و سیّار اولا پایان گئجه سی.

گوردی آی هر ایکی قولدان تن عبّاسی جدا
یخیلوب یان یانا میدانیده انصار خدا
بوکولوب البسۀ آهنه سیمای هُدا
یر و گوگ فخر ایلیور ناریله پیمان گئجه سی.

یئردن افلاکه اودی نغمۀ شبگیر دوشوب
صحن میداندا کسیلمیش الی بیر شیر دوشوب
پرچمی بیر طرفه بیر یره شمشیر دوشوب
تشنه لب قزلارا اولموش گجه بحران گئجه سی.

گرچه سو آختارار هر ملک ده دریانی گزر
دولانور بو گجه اما گوزی میدانی گزر
گزر آواره فراتون سویی سقانی گزر
دولانور هر یری آواره پشیمان گئجه سی.

بیچمیش اوخ بیر سودان اُوتری نیه اصغر بوغازین
اونداکی اوچدی کماندان هاوادا چالدی سازین
گوردی یوخدور سو وئرن وئردی سویی چکدی نازین
فکر ائله اولدی ربابون نجه نالان گئجه سی.

اکبرون باشدان آخوب صفحۀ رخسارینه قان
قویمیوب آخدوقیجا لیلی بیچاره ده جان
یخیلوب غشّ ائلیوب خیمه ده بی تاب و توان
آلوب آرامین الیندن اونون هجران گئجه سی.

لیلی نون آه و نواسی گئدوب عرشه دایانوب
ایستیوبدور باباسین خوابدن هر طفل اویانوب
زینبون شمع وجودی اورگی روحی یانوب
یانوب هر درد و غمه هر دم و هر آن گئجه سی.

گوردی هر سمتیده آی طوی دوتولوب داماده
حجله و شمع و حنا دسته گلی آماده
نجه داماد ئوزی نوباوۀ دل آزاده
بزنوب طوی اطاقی شام غریبان گئجه سی.

نوعروسون باشینا زینب ائدر نقل شاباش
باخار هر لحظۀ عروسه توکولور گوزدن یاش
یولار آهسته قرانلوق گجه بیر گوشه ده باش
طوی گونی اولموش اونون زلفی پریشان گئجه سی.

قولسوز آتدان یره چون دوشدی وزیرعرصات
کیش ائدوب پیل صفت دشمنی شاه غزوات
شه پیاده یخیلوب عرصۀ شطرنجیده مات
زینبون سولدی رُخی شام غریبان گئجه سی.

سنه ای مدّعی گر عشق حسین دور پیشه
قورخما محشردن آماندی ائلمه اندیشه
دوت حسین دامنینی خاتمه وئر تشویشه
عاشقون قبریده بیلم کئچر آسان گئجه سی.

دئمه" بیضایه " اولوب عشق حسین گمراهی
بیل بو عشقینده اونون واردی دل آگاهی
فخر ائدر یانسا جهنم اودونا واللهی
اولسون عشق اوسته قویون دوزخه مهمان گئجه سی

  • دوشنبه
  • 1
  • شهریور
  • 1400
  • ساعت
  • 13:55
  • نوشته شده توسط
  • یوسف اکبری
ادامه مطلب
حاج افشین بابک اردبیلی

زبانحال حضرت رقیه سلام الله علیها -(ازعشقت ای معشوق من دل بر ندارم ) *حاج افشین بابک اردبیلی

680
1

زبانحال حضرت رقیه سلام الله علیها  -(ازعشقت ای معشوق من دل بر ندارم ) ازعشقت ای معشوق من دل بر ندارم
من جزتو باباجان دگر دلبر ندارم
.
وقتی دلم میگیرد از جور زمانه
همدم بجز لالایی اصغرندارم
.
اندر طواف شمع رخسارت عزیزم
پروانه ای هستم که دیگر پر ندارم
.
این زخم خنجر چیست بر روی گلویت
آیا توبابای منی؟ باور ندارم
.
تولاله خونین دشت کربلایی
منهم که بابا کم زنیلوفرندارم
.
لبهای تو از خیزران زخمی ومنهم
یک جای سالم در تن وپیکر ندارم
.
بابا بیا امشب مپرس از گوشواره
منهم سوال از دست وانگشتر ندارم
.
بهرمداوای لب خونین ومجروح
جز اشک چشم و گوشه معجر ندارم
.
ای دختر ارباب بنگر سوی #بابک
در سوگ تو جز دیده های تر ندارم
.

  • پنج شنبه
  • 18
  • مهر
  • 1398
  • ساعت
  • 13:26
  • نوشته شده توسط
  • ابوالفضل عابدی پور
ادامه مطلب
کربلایی فخرالدین اسکندری

نوحه حضرت رقیه(س) -(بلبل باغ و چمنیم رقیه رقیه) *کربلایی فخرالدین اسکندری

505

نوحه حضرت رقیه(س) -(بلبل باغ و چمنیم رقیه رقیه) بلبل باغ و چمنیم رقیه رقیه
قمری غنچه دهنیم رقیه رقیه

قارداشیمون آهو باخیش بالاسی بالاسی
جانیمه گلسون گوزیوون قاداسی قاداسی
جان بالا سنسن اِئلیمون صفاسی صفاسی
گل دیله شیرین سخنیم رقیه رقیه

قویما گوزل صورتیوی ترابه ترابه
رحم ایله باری گوزلیم ربابه ربابه
قورخورام اولسون وطنون خرابه خرابه
ذکر اِیدم الده ئولنیم رقیه رقیه

اولدی قیزیم چوخ باشیوون بلاسی بلاسی
غارته گیتدی قولاقون طلاسی طلاسی
توختامادی هیچ ایاقون یاراسی یاراسی
طُرّه سی پوزقون سَمَنیم رقیه رقیه

سوز عطش پارچالیوب ایاقون ایاقون
یاتما بالا وار بو گیجه قوناقون قوناقون
سعی ایله گوسترمه اونا ایاقون ایاقون
داغدان آغیر دور محنیم رقیه رقیه

تاب اِله دون هر نه گلوب بلایه بلایه
گلمه دون اصلا گوزلیم نوایه نوایه
ایلمه مندن آتاوا گلایه گلایه
یاره لی، نیلی بدنیم رقیه رقیه

زجر دنی سیلی ویروب یوزوندن یوزوندن
قان قاریشوخ یاشی آخوب گوزوندن گوزوندن
عمه لرون دویمادیلار سوزوندن سوزوندن
قلبیمی القان ایدنیم رقیه رقیه

دمبدم آغلاردون علی اکبره اکبره
اوخشاما سویلردون علی اصغره اصغره
رسم اِلیوب (ثاقب) عجب منظره منظره
اصغره لایلای دیه نیم رقیه رقیه

  • چهارشنبه
  • 8
  • اردیبهشت
  • 1400
  • ساعت
  • 16:40
  • نوشته شده توسط
  • یوسف اکبری
ادامه مطلب
 رحیم سلمانزاده

نوحه حضرت رقیه(س) -(گلدی بابام ویرانیه ای با وفا عمه) * رحیم سلمانزاده

998
1

نوحه حضرت رقیه(س) -(گلدی بابام ویرانیه ای با وفا عمه) گلدی بابام ویرانیه ای با وفا عمه
بو میهمانه جانیمیز اولسون فدا عمه

سالدی عجب یاده منی آرام جان گلدی
روحیم داریخمیشدی بی بی روحه روان گلدی
یوخ دوره سینده لشکری شاه جهان گلدی
اما دوداقی حیف اولا اولموش یارا عمه

قرآنه قرباندور بابام قربانی اولام من
مهمانیم اولدی بو گئجه مهمانی اولام من
کرب و بلادن هر گئجه گریانی اولام من
باش چکماقا اطفالینه گلدی آتاعمه

قانه دونوبدور گوزیاشیم ای باغری قان عمه
دوشموش بلایه بو باشیم ای باغری قان عمه
هاردا قالوبدور قارداشیم ای باغری قان عمه
گلمور بی بی شامه ندن اول مه لقا عمه

(سالک) یازاندا نوحه سین آغلار یانا یانه
سولموش یوزه گوز یاشینی باغلار یانا یانه
درد و غمیدن قلبینی داغلار یانا یانه
وار حاجتی ایله ئوزون حاجت روا عمه

  • پنج شنبه
  • 13
  • خرداد
  • 1400
  • ساعت
  • 13:16
  • نوشته شده توسط
  • یوسف اکبری
ادامه مطلب
 احمد پوریا

زبانحال حضرت رقیه(س) فارسی و ترکی -(خوش اومدی بابا) * احمد پوریا

831
0

زبانحال حضرت رقیه(س) فارسی و ترکی -(خوش اومدی بابا) فارسی

خوش اومدی بابا
خرابه گشته با صفا
رقیــــه رو ببیــن
شـــــده اسیر اشقیا

موهام پـریشونه
ببین چشامو گریونه
عمه بابام اومــــد
پیش رقیه میمونه

چرا تو تنهایی کجاست سقای لشگرت
دلِ پُراز خـــــونم تنگـه برای اکبرت
چرا نیــــــومـــده پیشم علی اصغرت

بابا حسین مدد بابا حسین حسین مدد2

بهشتمـــــو ببـــین
تـــو سرنوشتمو ببین
رو گونه های من
بابا جون اشکمو ببین

پیشم بمــــــون بابا
بده به من اَمون بابا
کبوده صورتم
از دست قوم دون بابا

خودم خرابه ام ولــی دلم تو کربلاست
دو گوشواره ام تـو دست قوم اشقیاست
تمام خستگیـــــــم برای را ه شامیاست

بابا حسین مدد بابا حسین حسین مدد2

ببین چیــــا دیدم
غم پُر از جفا دیدم
سرتو رو بــابا
خودم رو نیزه ها دیدم

منو کتک زدند
به زخ من نمک زدند
بببین رقیــــه تو
ز کینه ی فدک زدند

شبیه زهــــــرا رو بی آشیونه میزدند
حرومیا منـــــــو با هیچ بهونه میزدند
کی گفت بابا بابا با تازیونه میزدند

بابا حسین مدد بابا حسین حسین مدد2

ترکی

خوش گلدون آی بابا
خرابم اولدی با صفا
نه گلدی باشیمه
دیـــــــوم با شور و با نوا

یارالیـــــام بابا
باشـــــی قرالیام بابا
نه وقتیدور که من
سندن آرالیام بابا

اماندی باخ منه وروبلار اوت بو گلشنه
جنایت ایتـــــدیلر لعنت اولا بو دشمنه
عمم باخا باخـــــا یارا وروبدولار سنه

بابا حسین مدد بابا حسین حسین مدد2

کسوبله چاره می
آلـــوبلا گوشواره می
چکوب آلیدیلار
حتی باشیمدا قاره می

بیزی سویوبـــدولار
عمه می چوخ وروبدولار
باشون کسنده شمر
خیمه نی یاندوروبدولار

باشی بلالیــــــــم یـــــانوبدی عمــه حالیمه
باخ ایندی گور آخور گوزومده اشک آلیمه
نظاره ایتگـــــــلن اورکــــــده کی ملالیمه

بابا حسین مدد بابا حسین حسین مدد2

سنه چوخ آغلادیم
بو پاره قلبی داغلادیم
دینده داش سنه
یواش گوزومی باغلادیم

کسوبلر اللرون
هانی یارالی پیکرون
یارالیسان بابا
هانـــــی علی اصغرون

بو قوم کیـــن بابا بیزه شماتت ایلدی
جدایه وردولار باشون قیامت ایلدی
گیرنده کـــوفیه قران تلاوت ایلدی

بابا حسین مدد بابا حسین حسین مدد2

  • جمعه
  • 18
  • تیر
  • 1400
  • ساعت
  • 12:54
  • نوشته شده توسط
  • یوسف اکبری
ادامه مطلب
 حسین خدایی زنجانی

زبانحال حضرت رقیه(س) -(ای منیم غم گونی یاریم عمه) * حسین خدایی زنجانی

588
1

زبانحال حضرت رقیه(س) -(ای منیم غم گونی یاریم عمه) ای منیم غم گونی یاریم عمه
دور گلوب خسته دلداریم عمه
پیشواز ایله یورقون قوناقی
خوش دءنن گلدی سرداریم عمه
طشتیده گتدیلر باشی عمه
بوسه دور ایندی پاداشی عمه

تک گلوبدی عجب شاه عالم
هاردادی یار و یولداشی عمه

غصه لر قلبیمی یاره اءتدی
اغلاماقی منه چاره اءتدی
باخ بابا قیشلاریمین یاراسین
خاریلر دشتیده پاره اءتدی
سیندی انگشترین قاشی. عمه
هی اخیر باخ گوزوم یاشی عمه

تک گلوبدی عجب شاه عالم
هاردادی یار و یولداشی عمه

سن گوزوم نوریسن جان یارالی
اولموشان قانه غلطان یارالی
سیندی قلبیم بابا ایریلیقدان
دیدیمه گلدین الان یارالی
قان اولوب گوزلریم یاشی عمه
وار نقدر بو قیزون یاشی عمه

تک گلوبدی عجب شاه عالم
هاردادی یار و یولداشی عمه

زجر و شمر یولار اوسته دوزولدی
وقت. غارت قولاقیم اوزولدی
باشیمه وئردیلار. قمچی. هر دم
گوزلریمون قاراسی سوزولدی
قلبیمون گلدی سیرداشی عمه
صبریمون سیندی باخ داشی عمه

تک گلوبدی عجب شاه عالم
هاردادی یار و یولداشی عمه

  • شنبه
  • 16
  • مرداد
  • 1400
  • ساعت
  • 12:38
  • نوشته شده توسط
  • یوسف اکبری
ادامه مطلب

حضرت رقیه(س) -(ای عمه مگر روضه رضواندی خرابه) *مرحوم حاج کریم صافی تبریزی

497

حضرت رقیه(س) -(ای عمه مگر روضه رضواندی خرابه) ای عمه مگر روضه رضواندی خرابه
عشق اهلینه یا محضر جاناندی خرابه

مدّتدی گوزوم یاشنه ویرمشدیم اجازه
عمّه منی چکسون بیله بیر مجلس رازه
یتدیم نه یاخین وقته او مقصود درازه
صد شکر که مقصود دل و جاندی خرابه

ایلوب ایله بیر جلوه شعاع رُخ جانان
بو جمع پریشانی قویوب واله و حیران
بیر روضۀ رضواندی بو منزلگه ویران
یا جلوه گه موسی عمراندی خرابه

هرگز دیمرم عمّه بو یر عرش خدادور
ویرانه دی امّا حرم اهل وفا دور
زمزم کیمی گوز یاشی آخور بیت صفادور
اهل دله بیر کعبۀ رحماندی خرابه

بیر یاندا سولوب گل کیمی رنگ رخ سجّاد
بیر یاندا چکور خوردا اوشاقلار هامی فریاد
گل یوزلیلر ایلوب ایله ویرانه نی آباد
گویا گورونور طُرفه گلستاندی خرابه

گر چه گتوروب گوگلومی محنت غم و درده
یوخ دلده توانا که دییم دردیمی بیرده
چکسمده من عمّه اگر اوز سرّیمه پرده
کاشف منیم احوالیمه هرآندی خرابه

بیر نحویله معلوم اولوب عمّه بو حزینه
مطلق بو یقینیم دی ئولور بوردا سکینه
مدفون اولی ویرانه ده قیمتلی خزینه
اوّل گونی چون مخزن یزداندی خرابه

  • چهارشنبه
  • 10
  • شهریور
  • 1400
  • ساعت
  • 14:57
  • نوشته شده توسط
  • یوسف اکبری
ادامه مطلب

زبانحال حضرت رقیه(س) -(منزلیم هر چند ویراندور بابا خوش گلمسن) *مرحوم حاج کریم صافی تبریزی

911

زبانحال حضرت رقیه(س) -(منزلیم هر چند ویراندور بابا خوش گلمسن) منزلیم هر چند ویراندور بابا خوش گلمسن
حسرت فردوس رضواندور بابا خوش گلمسن

کیمسه بولمور وار ندن ویرانه ده بو قدر شور
دمبدم ساعت به ساعت نور حق ایلر ظهور
ایلیوبسن بو خرابه منزلی سن رشک طور
جلوه گاه پور عمراندور بابا خوش گلمسن

گرچه شیون روز و شب منله بابا دمسازدور
نالمه باعث اوزی کشف اولمیان بیر رازدور
بو دمون گوز یاشی تشریفوندی پای اندازدور
گوزلریم وار سرّی گریاندور بابا خوش گلمسن

بو یتیمه قیزلار ایچره ای شهنشاه حجاز
گلماقون بو نصف شب ویردی منه بو امتیاز
ایتمدیم باور ایسترم گرچه جنابون پبشواز
بولمدیم فکریم پریشاندور بابا خوش گلمسن

من بو فکریله توکردیم دائم اشک آلیمی
گُل یوزین بیرده گوروب شرح ایلیِیدیم حالیمی
ایمدی دل یوخدور دیَم اوز صورت احوالیمی
گورموسن گوگلوم دولی قاندور بابا خوش گلمسن

منزلیم گرچه محقّردور، قوری یردور یریم
لیک حقّیمدور سنه گوز مَردُمینده یِر ویریم
بولمرم نه دللریله من جنابون دیندیریم
هر نه گلسه فکره نقصاندور بابا خوش گلمسن

بو کسیک باشون دلیل شاهراه عشقدور
هر کسون کیفیّت حالی گواه عشقدور
گرچه ویراندی بو منزل خانقاه عشقدور
مجمع جمع فقیراندور بابا خوش گلمسن

ذکر ایدر بو کثرتون هر فرد فردی یا احد
جمله سی واصل به حقدور ایلیوب هو حق مدد
سن اوزون پیر طریقت سن دگلسن نابلد
عارضون مرآت عرفاندور بابا خوش گلمسن

چوخ تشکّر ایلرم باخدوقجه اوز اقبالیمه
آخِر عمریمده یتدوم اوّل آمالیمه
گرچه درویشم اولوب شَهدَن رعایت حالیمه
منظریم دیدار سلطاندور بابا خوش گلمسن

آختارور بیر بیله منزل دائماً خلوت نشین
فرشی خاک اولسون چراغ بزمی آه آتشین
چوخ شرافت وار بو یره حجّتّ روی زمین
سیّد سجّاد درباندور بابا خوش گلمسن

بیر اوزون مدّت سراغوندِیدیم آخِر من سنون
کربلادن شامه دین ویرمزدی فرصت دشمنون
سالموشام یاخشی اَلَه بو نصف شبده دامنون
بو سعادت لطف یزداندور بابا خوش گلمسن

جان ویریردیم من دیدیم جانانیمی یارب یتور
یاخشی وقته گلمسن قال نعشیمی یردن گوتور
بو سنق پوزقون پریشان قافله سندن اوتور
مو کنان چاک گریباندور بابا خوش گلمسن

مدّت عمرون یتور باشه اولور (صافی) تمام
قویما وقتون ضایع اولسون ایت گیلن خدمت تمام
نوحه نون سال مطلعین آخرده آعلا صبح و شام
منزلیم هر چند ویراندور بابا خوش گلمسن

  • یکشنبه
  • 4
  • مهر
  • 1400
  • ساعت
  • 16:09
  • نوشته شده توسط
  • یوسف اکبری
ادامه مطلب

حضرت رقیه(س) -(آی منیم یارلی قوناقیم_اولدی ویرانه لر اطاقیم) * رضا ماه پری زنجانی

103

حضرت رقیه(س) -(آی منیم یارلی قوناقیم_اولدی ویرانه لر اطاقیم) ___________________________________
آی منیم یارلی قوناقیم_اولدی ویرانه لر اطاقیم
چوللری قاچمیشام دالینجا_باخ قاباردی بابا ایاقیم

نارهجرونده سینمی داغلامیشام
نیزلر باشینه باخوب آغلامیشام

((منی آتما___چوخ آغلاتما))
___________________________________
باخ بابا گور نه حاله قالدیم_هر گلنن سراغین آلدیم
یولارا بسکه باخدیم آغلار_من بو آز سنیده قوجالدیم

حسرتیم وار منی قوجاقه آلاسان
گوشواره قولاقیمه سن سالاسان

((منی آتما___چوخ آغلاتما))
___________________________________
آلدیم هر دردی من بوجانه_باشلادیم نوحه یانه یانه
قلبیم اولدی کباب او ظالم_عممه ویردی تازیانه

باخ بابا عممین آخان گوز یاشینا
گوگلون آل چوخ دگوبدی قمچی باشینا

منی آتما___چوخ آغلاتما
___________________________________
باشیوی سینم اوسته آلام_تختیدن من یزیدی سالام
اربعینه گیدنده ائللر_من ولی تپراق آلتدا قالام

بو گیجه عمرومون بابا آخریدی
قبریمی آرزو ایدن (ماه پریدی)

منی آتما___چوخ آغلاتما
_______________

  • شنبه
  • 17
  • تیر
  • 1402
  • ساعت
  • 17:03
  • نوشته شده توسط
  • یوسف اکبری
ادامه مطلب
راهنمای علائم موجود در فهرست:
عدد کنار این علامت نشانگر تعداد کاربرانی ست که این مطلب را پسندیده و به دفترچه شعر خود افزوده اند
عدد کنار این علائم نشانگر میزان محبوبیت شعر یا سبک از نظر کاربران می باشد
اشعار ویژه در سایت برای کاربران قابل دسترس نیست و فقط از طریق خرید اپلیکیشن مورد نظر این اشعار در داخل اپلیکیشن اندرویدی قابل رویت خواهند بود
این علامت نشانگر تعداد کلیک یا بازدید این مطلب توسط کاربران در سایت یا اپلیکیشن می باشد