انواع اشعار حضرت قاسم (ع)

مرتب سازی براساس

متن شعر ترکی استمداد حضرت قاسم(ع) -(هارداسان ای دادرسیم داوریم ) * میرزا عبدالوهاب حقیر خویی

1498

متن شعر ترکی استمداد حضرت قاسم(ع)  -(هارداسان ای دادرسیم داوریم ) هارداسان ای دادرسیم داوریم
آلدیلا اطرافیمی دشمن لریم
یخدیلا آتدان منی/لشگر عدوان منی
لطف ائله یردن گوتور/ای شه عطشان منی
.
.
عرصه نی دشمن منه چوخ ائتدی تنگ
قالدی نه قدرت و نه یارای جنگ
جسمیم اولوب بسکه نشان خدنگ
دوشدی یئر اوزره یارالی پیکریم
.
.
دادیمه یوخدی عمو بیر کیمسنه
محض قالوب بیرجه امیدیم سنه
دورما اؤزون ایمدی یتور تئز منه
منتظرم گوزلوری یول گوزلریم
.
.
آرتوق اولوب زخم لریم کارگر
جان گئدر ایله باشیم اوسته گذر
گر منی ئولدورمه سه بو یاره لر
ئولدورر البته بو زخم سریم
.
.
چون اوزولور دامن وصلوندن ال
باعث تأخیر ندور العجل
وئرمیه قورخوم بودی مهلت اجل
بیرده جمالون گورم ای سروریم
.
.
صوت حزینیل

  • چهارشنبه
  • 23
  • مرداد
  • 1398
  • ساعت
  • 10:49
  • نوشته شده توسط
  • ابوالفضل عابدی پور
ادامه مطلب
فروشگاه پرچم

متن شعر ترکی شجاعت حضرت قاسم (ع) -(گوردی لشکر کارزاره بیر مهِ تابان گلور ) * محمد حسین کتابچی

13399
16

متن شعر ترکی شجاعت حضرت قاسم (ع)  -(گوردی لشکر کارزاره بیر مهِ تابان گلور ) گوردی لشکر کارزاره بیر مهِ تابان گلور
نو نهال مجتبی سو ایچمیوب عطشان گلور
.
عرصه میدانه یتدی اول جوان ماهرو
صولتیندن دوشدی خوفه اشقیای کینه جو
ایستدی ازّل ائده کفّاریله بیر گفتگو
حقّینون اثباتینه گورسونله نه برهان گلور
.
ایتدی فرمایش جماعت شرم ائدون جبّاریدن
احمد مختاریدن یا حیدر کرّاریدن
ال چکون بو شهریار بی کس و بی یاریدن
عزم ائدوب یثربدن آخر سیزلره مهمان گلور
.
آل پیغمبر گورورسوز جمله سی گریاندیلار
بیر بیاباندا جماعت سیزلره مهماندیلار
اوچ گئجه گوندور هامی خرد و کبار عطشاندیلار
العطش دادی خیمندن گورموسوز هر آن گلور
.
گوردی اصلا رحمه گلمز فرقه بی عار و ننگ
ال آتوب شمشیره اولدی شوقیله حاضر به

  • دوشنبه
  • 24
  • تیر
  • 1398
  • ساعت
  • 13:09
  • نوشته شده توسط
  • ابوالفضل عابدی پور
ادامه مطلب

شهادت حضرت قاسم(ع) -(داغیلوب سینم کسیلوب نَفس ئولورم یارالیم ای عمو) *مرحوم هندی تبریزی

1050
0

شهادت حضرت قاسم(ع) -(داغیلوب سینم کسیلوب نَفس ئولورم یارالیم ای عمو) داغیلوب سینم کسیلوب نَفس ئولورم یارالیم ای عمو
سسیمه اوزون وِیر اَماندی سس ئولورم یارالیم اِی عَمو

وورولوب قلج یاریلوب باشیم قوریوب گوزوم قاباقیندا قان
بو هَوانین ایسّی سی من سوسوز بدنیم یارالی، اوزوم جوان
گینه اوز قویوب بو قَدر قوشون بیری نیزه و بیری اُوخ وران
بو قَدر جَفا منه بس دی بس ئولورم یارالیم اِی عَمو

نجه بلبل آه و فغان اِیدر او زمان که گلشنن و گل سُولا
باش آچیب اوغولسوز آنام گرک باشیم اوسته قاره ساچین یولا
ئوله هر جوان قالی نیسگیلی بخصوص عَمو که یَتیم اولا
نه آتا واریمدی نه بیر جه کس ئولورم یارالیم اِی عَمو

اولی غَرقِ بحرِ بلا ده جان منی گَل چیخات عَمو بیر یانا
بو قَدر قوشون آرا یُوخ بیری که منیم بو حالیمه بیر یانا
بو قَدر یارا هامی بیر یانا بو هَوانین ایستی سی بیر یانا
منه تَنگ اولوبدی بو دَم نَفس ئولورم یارالیم اِی عَمو

عَمو جان اَماندی هرایه گل باشیم اوسته لطف اِیله سایه سال
کسیلوبدی تابیم اَماندی گل منی بیر جه دشمن اَلیندن آل
گیدورم عَمو دایانان مُورام منه حقّون اِیت گلیه سن حَلال
قالوب ایندی ئولماقا بیر نَفس ئولورم یارالیم اِی عَمو

بُوریوبدی توز هَمی بو چُولی هَمی قان آخوبدی دولوب گوزوم
رَه خیمه نی تانیان مُورام که گلم حِضوریوه من اُوزوم
دوزَرَم اگر دَیَه مین یارا سنی گورمَسم نجه من دُوزوم
نه کمک واریمدی نه دادرس ئولورم یارالیم اِی عَمو

بولورم سَنون اِی آتام عَمو غم مَرگیم آرتوری غَم لرون
نولی بیر جه رَنجه قَدم بویور من اُولوم فَداسی قَدم لرون
منی خیمه گاهه آپار منه دیوب اوخشاسون لار حَرم لرون
باشیم اوستونی عَمو سن ده کس ئولورم یارالیم اِی عَمو

او مُحَبتی که سن ایتموسن مَنه ایتمیوبدی آتام حسن
اولارام مَلول او مُحبتین اگر اِیمدی مثلینی اِیتمه سن
گل آتام یِرینه بو باشیمی دیزون اوسته آل گله بیر جه سن
اِیدورم وِصالوی چوخ هَوس ئولورم یارالیم اِی عَمو

شُهدانون ای عَمو بیر به بیر باشی اوسته ایمدی گَزر اَجَل
یتیشوبدی نوبتی قافله وِوروب اِیمدی حَلقه به در اَجَل
منی شُور عشقیله یاندروب ایلیوبدی شَمع سَحر اَجَل
عَمو سسدن ایمدی دوشَر جَرس ئولورم یارالیم اِی عَمو

وار اگر بصیرتون (هندیا) ایلیوب خُلوص مُجرد اُول
سال اوزون کَمند حسینه سن او کَمند حَقّه مُقید اُول
بخصوص دامن قاسمه اِیله چَنگ ویر که مُوید اُول
سوزیوی له وِیر اونا سنده سس ئولورم یارالیم اِی عَمو

  • چهارشنبه
  • 17
  • شهریور
  • 1400
  • ساعت
  • 23:26
  • نوشته شده توسط
  • یوسف اکبری
ادامه مطلب

متن شعر ترکی شهادت حضرت قاسم (ع) -(آتدان دوشنده قاسم گل پیرهن یره ) *مرحوم حسین شانی تبریزی

2084
1

متن شعر ترکی شهادت حضرت قاسم (ع)  -(آتدان دوشنده قاسم گل پیرهن یره ) آتدان دوشنده قاسم گل پیرهن یره
ائتدی روانه گوز یاشینی پنج تن یره
.
زهرا و مرتضی و حسن جدی مصطفی
باطنده نازل اولدیلا قاسم دوشن یره
.
ظاهرده گلدی خامس آل عبا حسین
آل عبا یغیشدی او بیت الحزن یره
.
صدقیله قاسمه دوتا هر کیم عزا یقین
بو پنج تن گلر او عزادار ئولن یره
.
آل عبایه سوگلیدور چون بو نوجوان
آل عبا گیدر بو جوانی سووَن یره
.
یوخ احتیاج ادِلَّه و اثباته پنج تن
ایندی یقین گلوبدیله بو انجمن یره
.
صاحب عزا بو رسمیدی آغلار گوزی سووَر
زهرا گلر مُحبّلر اشکین توکن یره
.
گوز یاشلارین ذخیره ایدر روز محشره
قویماز سرشک تر توکوله دیده دن یره
.
بو بزمیده علی اوتوروب، چوخ مودب اول
باخما حقارتیله علی اگلشن ی

  • یکشنبه
  • 27
  • مرداد
  • 1398
  • ساعت
  • 13:48
  • نوشته شده توسط
  • ابوالفضل عابدی پور
ادامه مطلب
 مجید قلعه بیگی

شهادت حضرت قاسم بن الحسن(ع) -(سنگریم اولوبدی قانیمیله الوان) * مجید قلعه بیگی

606
1

شهادت حضرت قاسم بن الحسن(ع) -(سنگریم اولوبدی قانیمیله الوان) سنگریم اولوبدی قانیمیله الوان
گل عمو هرایه قاسمون وئرور جان

العطش دئیور قاسم - تشنه جان وئرور قاسم
گل عمو هرایه
باخ بو جانفدایه

دوشموشم اوز اوسته داده گل عمو جان
باش باشا چاتوبدی سینَم اوسته پیکان
اوخلار ایلیوبدی جسمیمی گلستان

دوغرانوبدی بارماغیم - یاره دی صولوم صاغیم
اکبره فدایم
اصغره فدایم

شیریوی سالوبدی اشقیا کمنده
پرپر اولدوی قاسم غم یلی اسنده
قالموشام کمکسیز دشمنون الینده

ریزه ریزه دوغراندوم- - تشنه لب عمو یاندوم
باشیم اوسته تزگل
شاه خسته تز گل

بیربیره دگوبدی جسم و پیکریم گل
حجله گاهیم اولدی قانلی سنگریم گل
یولدادی یوبانما قانلی گوزلریم گل

دردیمه دوا تز گل - شاه کربلا تزگل
ای امیدگاهیم
گل منیم پناهیم

ائیلمور ترّحم حالیمه بو دونان
هلهله سالوبدی باشیم اوسته عدوان
سینه می داغیتدی ناخن ستوران

هاردا قالدی عباسیم - سسله جان وئرور قاسم
سسله قهرمانی
داده پهلوانی

کوفیان ویروللار یاره اوسته یاره
سینَم آسماندی یاره لر ستاره
پیکریم اولوبدی یرده پاره پاره

آت چاپوللا دشمنلر - بیر طبق گله بنزر
غملره رضایم
عاشقِ بلایم

  • جمعه
  • 30
  • آبان
  • 1399
  • ساعت
  • 20:38
  • نوشته شده توسط
  • یوسف اکبری
ادامه مطلب
 سیدبشیر حسینی میانجی

نوحه حضرت قاسم(ع) -(نوگل باغ حسنم ای قوشون) * سیدبشیر حسینی میانجی

1688
3

نوحه حضرت قاسم(ع) -(نوگل باغ حسنم ای قوشون) نوگل باغ حسنم ای قوشون
باش و جانیندان کئچنم ای قوشون
اکبر دالیجا میدانه گلدیم
تاکی باتام من القانه گلدیم

گرچه اوشاقم ولی وار قدرتیم
دینه فدا اولماق اولوب نیتم
قانیمه باتسام چوخالارعزتیم
منده غزال وطنم ای قشون

آند اولا عباس عمومون جانینه
اکبر عم اوغلوم کی باتوب قانینه
منده گرَگدور یئتوشم یانینه
ئولمه‌گی آرزی ائده نم ای قشون

غیظیله بیر یول گر آلام تیغ اله
قانوزی یکسر توکرم بو چوله
بلکه بیر آزجا اورگیم دینجله
جنگه زره‌سیز گلنم ای قوشون

ازرق ملعون گله گر جنگمه
شیشه‌ی عمری توش اولار سنگیمه
اوندا گرفتار اولاجاق چنگیمه
تیغیله باشین کسنم ای قشون

اکبر دالیجا میدانه گلدیم
تا که باتام من القانه گلدیم (۲)

گلشن و باغ و چمنمه بولبولم
همده ولایت باغینا بیر گولم
باد خزاندان پوزولان سونبولم
عطر گل یاسمنم ای قوشون

جانیمی قربان ائدرم قرآنا
بو هدفییمده باتارام القانا
محشر اولاند گئدرم رضوانا
شهد شهادت ایچنم ای قوشون

داده چاغورم سنی من ای عمو
گل باشیم اوسته بو زمان دیلده هو
یاره لی ام من ائدورم گفتگو
آهوی دشت ختنم ای قشون

اولدی "بشیر"ین اورگی منفعل
قبریمه حسرت چکوری ایل به ایل
نوحه یازار او آدیما بی بدیل
شعرینه قیمت وئرنم ای قوشون

  • شنبه
  • 21
  • فروردین
  • 1400
  • ساعت
  • 18:10
  • نوشته شده توسط
  • یوسف اکبری
ادامه مطلب
 حیدر صبور زرنقی

سینه زنی احوالات حضرت قاسم(ع) -(یاحسین یاحسین داده گل ای سروریم) * حیدر صبور زرنقی

718

سینه زنی احوالات حضرت قاسم(ع) -(یاحسین یاحسین داده گل ای سروریم) یاحسین یاحسین داده گل ای سروریم
قاسم آتدان دوشوب تپراقا ای رهبریم
ای گل فاطمه گل عمو دادیمه
ادرکنی یامولا(۲)

غرق اولوب قاسمین پیکری القانیده
گل داخی یاحسین یوبانما اخیامیده
گوزلیورم یولون عرصه ی میدانیده
ای گل فاطمه گل عمو دادیمه
ادرکنی یامولا(۲)

اکبرین نعشینی خیمه ده گوردیم عمو
قان اولوب گوزیاشیم فکر ائله ئولدیم عمو
راه چاره فقط مرگیده گوردیم عمو
ای گل فاطمه گل عمو دادیمه
ادرکنی یامولا(۲)

قاسمم من عمو فاطمه مهپاره سی
گئدیرم تا اولام اکبرین همسایه سی
فخر ائدم اولموشام قارداشین همپایه سی
ای گل فاطمه گل عمو دادیمه
ادرکنی یامولا(۲)

ائتدیم اثبات عمو طینت مردانه نی
تابیله کوفیان همت جانانه نی
گوره لر عرصه ده قاسم آزاده نی
ای گل فاطمه گل عمو دادیمه
ادرکنی یامولا(۲)

دگدی یاره منه باشیمون آخدی قانی
خوشدی تا قاسمین عرصه ده چیخسون جانی
گریئتیشه سسیم گوزلیورم من سنی
ای گل فاطمه گل عمو دادیمه
ادرکنی یامولا(۲)

وئر خبر عمه مه تااولا غرق عزا
آناما سویلسون باغلا باشا بیرقرا
ولی سن یاحسین ایلمه آه ونوا
یوخدی داده چاتان چوخدی چوخ ال چالان
ادرکنی یامولا(۲)

  • پنج شنبه
  • 26
  • فروردین
  • 1400
  • ساعت
  • 10:35
  • نوشته شده توسط
  • یوسف اکبری
ادامه مطلب

اذن میدان حضرت قاسم (ع) -(دوندردی قانه قلبیمی محنت عموجان) * حاج روح الله رمضانی

522

اذن میدان حضرت قاسم (ع) -(دوندردی قانه قلبیمی محنت عموجان) دوندردی قانه قلبیمی محنت عموجان
ایله کرم وئرقاسمه رخصت عموجان
وئراذن میدان – جانم عموجان

ایلوب پریشان قاسمی اکبرفراقی
بوفانی زندگانیه یوخ اشتیاقی
ائتسون قباله آدیمه ملک عراقی
یوخ دلده دهرفانیه رغبت عموجان

ای باشیمون تاجی بئله اولما پریشان
جان دوعالم سن کیمی سلطانه قربان
وئراذن میدان تاگدیم منده وئریم جان
ایندی چاتوبدی قاسمه نوبت عموجان

بیرگوندی بوگون روزمردان عملدی
قانه بویانماق دین یولونداچوخ گوزلدی
فیض شهادت قاسمه همچون عسلدی
بالدان شیریندی مرگ باعزت عموجان

آنداولسون آلاهه اولوب آماده قاسم
شوق وصالیله اولا میدانه عازم
اکبرسیزایندی قاسمه دنیا نه لازم
یوخدی صفاسی دهراولا جنت عموجان

بخت اولدوزوم اولمارضا بوچولده باتسین
وارمیلی بوگون قاسمون آماله چاتسین
قان بسترینده کربلا دشتینده یاتسین
گوندرشهادت قوی اولاقسمت عموجان

چوخ مایلم قانه باتام قرآن یولوندا
جاندان گچم من خالق سبحان یولوندا
مین جانیم اولسا بذل ائدم جانان یولوندا
گیدیرآتاسیزقاسمه خلعت عموجان

گوردوم خیمده بیریامان حالدا ربابی
قلبینده واردی درد بی حدوحسابی
جان نقدینه وئرسون آلاربیرقطره آبی
اصغرسوسوزدان ایلیوررحلت عموجان

  • پنج شنبه
  • 6
  • خرداد
  • 1400
  • ساعت
  • 12:49
  • نوشته شده توسط
  • یوسف اکبری
ادامه مطلب

متن شعر ترکی زبانحال جناب قاسم (ع ) در حال احتضار -(ایلدیم اثبات حقّ اوستونده تحقیقات عمو ) *سعدی زمان سیدرضا حسینی

1035

متن شعر ترکی زبانحال جناب قاسم (ع ) در حال احتضار  -(ایلدیم اثبات حقّ اوستونده تحقیقات عمو ) ایلدیم اثبات حقّ اوستونده تحقیقات عمو
قتلیمه بو اهل کوفه قوردی تشکیلات عمو
.
ایسته دیم دین مبینون آرتورام من رونقین
محو ائدم تشکلینی بو چولده قوم ناحقین
ضرب شستیله یاتوردام اهل بدعت بیرقین
فکریمه ویردی قضا ماموری تبدیلات عمو
.
یتمدی انجامه فکریم ای امام ممتحن
صدر زین اوستن منی یخدی بو اشرار زمن
بو یخلماقدا اوجاتدیم پرچم اسلامی من
ایلدیم خوش وجهیله خدمتده تحصیلات عمو
.
عین و شین و قافیله اولموشدی تخمیریم ازل
عین عطش، شینی شهادت خطّنه ایلر عمل
قاف قتلیمدور، وریرور اوندان خبر پیک اجل
کلمه عشقه یازوبلار بیله تاویلات عمو
.
ایلدیم اثبات آیات حقه فکر دقیق
دُرّ بیضای حقیقت تاپدی بیر رنگ عقیق
جسمیمه یا

  • شنبه
  • 5
  • مرداد
  • 1398
  • ساعت
  • 14:17
  • نوشته شده توسط
  • ابوالفضل عابدی پور
ادامه مطلب
 ابوالفضل عباسی معروفان

حضرت قاسم(ع) -(ای منه هر یرده شریک محن) * ابوالفضل عباسی معروفان

761

حضرت قاسم(ع) -(ای منه هر یرده شریک محن) ای منه هر یرده شریک محن
قانه باتوب نوگل باغ حسن
گل باجی گل دادیمه
تئز یئتیش امدادیمه

یاوریمون چهره سی دوتقوندی گل
جنگ ائلیوب خسته دی یورقوندی گل
حالی حسینون ائله پوزقوندی گل
طاقتی یوخدور باجی
یاره سی چوخدور باجی

دشمن الیندن بالامی آلمیشام
دلده نوا خیمیه یول سالمیشام
تازه گلیندن نگران قالمیشام
تازه عروسین گولی
کامه چاتوب سویگولی

کامه چاتوب غصه دن آزاد اولوب
گؤر نه گؤزل سوئملی داماد اولوب
آغلا باجی خانه سی برباد اولوب
باغ حسن سولدی گل
بختی تالان اولدی گل

قارداشیوون قلبینی غملر سئخوب
یاوریمی عرصه ده دشمن یئخوب
اکبریمون دردی یادیمدان چئخوب
وئر خبر عباسیمه
صدمه یئتوب قاسمه

گل باجی بی تاب و توان گلمیشم
الده اون اوچ یاشدا جوان گلمیشم
خیمه لره قدی کمان گلمیشم
قلبیمه داغ ووردیلار
صبر ائویمی یئخدیلار

گؤرسه آناسی سینه سین داغلیار
نوحه دئیوب سینه ووروب آغلیار
کیم بالامون یاره لرین باغلیار
شال عزا باغلیون
قاسمه یاس ساخلیون

پایگاه حفظ و نشر آثار عباسی معروفان اهری

  • دوشنبه
  • 24
  • آذر
  • 1399
  • ساعت
  • 14:58
  • نوشته شده توسط
  • یوسف اکبری
ادامه مطلب

استمداد حضرت قاسم(ع) -(صید اولدوم آهو تک عمو بو دشتیده صیاده من) *سعدی زمان سیدرضا حسینی

607

استمداد حضرت قاسم(ع) -(صید اولدوم آهو تک عمو بو دشتیده صیاده من) صید اولدوم آهو تک عمو بو دشتیده صیاده من
یوخ بیر پناهیم سسلیوم بو دشتیده فریاده من

کفّار کوفه ایتدیله از بس منی تیره نشان
قانیم یارالاردان آخوب قالموب داخی تاب و توان
قاتل قویوب دور حلقی مه خنجر منه ویرمور امان
سن گلمه سن فریادیمه باش ویرمرم جلاده من

دوشدوم نفسدن ظلمیدن ال چکمدی قوم شرور
آز قالدی پامال ایلسون یِرده منی سُمِّ سُتور
گل باشیم اوسته سایه سال ای سید یُوم النّشور
بلکه اولام بو غصه و غمدن بوگون آزاده من

باشه یتوب عمریم داخی یوخ دور سنه چوخ زحمتیم
باشدان گوتوردوم اَل، باشا یتدی بو چولده محنتیم
آتلار ایاقینده قالوب نعشیم گیدوب دور طاقتیم
جانان یولوندا اولموشام جان وِیرماقا آماده من

من بی کسی ئولدورماقا کفّاریده چوخ دور هوس
بس که ووروبلار اوخ قلج سینم باتوب گلمور نفس
جان اوستیم وِیر صوتی مه آخِر نفسده بیرجه سس
یوخ طاقتیم تا سسلیوم بیرده سنی امداده من

طغیان ایدوب لر ظلمیده گل گورنجه اهل جفا
تیغ و سِنان و تیریله بس که ووروب لار چوخ یارا
موجه گلوب دور صرصر ظلمیله دریای بلا
اُول قَدر قالمور غرق اولام ای ناخدا دریاده من

علت نولوب تاخیریوه یا سال موسان گوزدن منی
گلمور سسیم تا سسلیم برده هرایه من سنی
دلدن سالار ایمدی منی ظلمی له بو قوم دنی
القانه غلطان دوشموشم گل گورنجه صحراده من

یوخ بیر نفر رحم ایلین جان اوسته گلسین دادیمه
اولسون منیله هم نفس یتسون عمو امدادیمه
جان تاپشوراندا قوی ماسون عجز ایلیوم جلّادیمه
نیلوم یتیمم بی کسم بیچاره ام دنیاده من

آدیم (حسینی) من اوزوم جدّیم حسینه نوحه گر
یوخ دور انیس و مونسیم بو عالم ایچره بر نفر
یارب نصیب ایله اوزون حضاریله با چشم تر
طوی حجله گاهنده قوروم بزم عزا داماده من

  • چهارشنبه
  • 17
  • شهریور
  • 1400
  • ساعت
  • 23:18
  • نوشته شده توسط
  • یوسف اکبری
ادامه مطلب
 رامین محمد زاده

استمداد حضرت قاسم(ع) -(قاسمون یخیلدی گل عمو هرایه) * رامین محمد زاده

528
1

استمداد حضرت قاسم(ع) -(قاسمون یخیلدی گل عمو هرایه) قاسمون یخیلدی گل عمو هرایه
وئر خبر بابامدا تا گله عزایه
تنگه دوشدی انفاسیم
جان وئرور جوان قاسم

قسمت اولدی باشیم – دشمن دغایه
رحم اله اماندی – گلموشم نوایه
سون نفسلریدی – گل عمو هرایه
لحظه ای یوبانسان سن
باشیمی کسر دشمن

قوش کیمی دوشوبدی - قاسمون کمنده
تئز یتیش هرایه – یوخ توان بدنده
آغلاما عمو جان – نعشیمی گورنده
آغلیاندا سن مولا
دشمنیم گوللر اوندا

گلموشم هرایه – ای گوزوم ضیاسی
اکبریم تک اولدون- دین حق فداسی
یاندیروبدی قلبی – حلقیوین یاراسی
آچ گوزون بالا یاتما
دور حسینی آغلاتما

سینون اوسته آغلور – خنجریله شمشیر
اکبریم ئولنن – گور نه اولموشام پیر
آچ گوزون حسینی – سون نفسده دیندیر
بیله قلبی قان اتمه
اکبریم کیمی گئتمه

شاهزاده دوشمه – قوش مثالی دامه
حمل ادم گرک من – نعشیوی خیامه
وئرما اوت عزیزیم – سینه ی امامه
قانیوه اوغول باتما
دور گئدک بئله یاتما

  • سه شنبه
  • 14
  • بهمن
  • 1399
  • ساعت
  • 20:25
  • نوشته شده توسط
  • یوسف اکبری
ادامه مطلب
 مهدی عبادی(بیکس)

رجز خوانی حضرت قاسم (ع) -( جنگوزه گلدی قوشون بو یادگار مجتبا) * مهدی عبادی(بیکس)

1579
2

رجز خوانی حضرت قاسم (ع) -( جنگوزه گلدی قوشون بو یادگار مجتبا) جنگوزه گلدی قوشون بو یادگار مجتبا
قاسمم دینین یولوندا ایلرم جانی فدا

قاسم رزم آورم/جان فدای اکبرم

ای جفا جولر گلون رسم وفادن
چخمیون
قلب عالمدورحسین،قلب شریفین سیخمیون
خانه ی دینی گلون دیناره خاطر
یخمیون
حشریدن قورخون قاباقدا واردی بیر یوم
جزا

ظلموله توپراقه سالدیز سیز عم اغلوم اکبری
نوجوانم گرچه من ای شام و کوفه
لشگری
انتقام آللام بوگون سیندیرّام ایندی صفلری
ضرب شستی ایلرم میدان ایچینده برملا

من یتیم مجتبایم دینه سربازم بولون
نغمه ی اسلامیله چوخداندی دمسازم بولون
مکتب اکبرده من شاگرد ممتازم بولون
یر گویی دوتسا قوشون خوف ایتمرم من مطلقا

عرصه ی جولانگَههَ من گلمدیم اوز باشیمه
بو شهادت شهدیدن شیریندی آل هاشیمه
گر مصادف اولسا جسموز تیغ آذر پاشیمه
الحذر صوتی چخار افلاکه ای قوم دغا

من گرکدور دین یولوندا باش و جانیمدن گیچم
زشتی زیبادن بوگون نوری قرانلیقدان سیچم
اکبرِ شهزاده تک شهد شهادتدن ایچم
قویمیَم عصرین امامی عرصه ده یالقیز قالا

بو حسین بن علی راه خطا گیتمز قوشون
آل هاشم شأنینه بیر کیمسنه یتمز قوشون
حیدرین اولادی دشمندن هراس ایتمز قوشون
منده حیدر قانی وار باش اگمرم شیطانلارا

چکدی شمشیرین اودم اولدی سپاهه حمله ور
مرتضی تک لشگری یاردی سالوب کونه شرر
یا علی سسلردی دیلدن،هریره ایتدی گذر
فکر ایدوبلر کربلایه یوز قویوب شاه ولا

گوئیا نو کدخدادی یوز قویوب دلدارینه
قوّت دیل ویردی خالق بیرده قلب زارینه
بیر قلج ووردی ازلده لشگرین سردارینه
عرشین اهلی سسلدی صدمرحبا صدمرحبا

آز زمان گیچدی قالوب (بیکَس)او چولده دلغمین
توپراقا دوشدی اوجالدیب ناله سین زارو حزین
ای قلم یازما نه ایتدی نَعل لر گُل پیکرین
سسلدی گل دادیمه ای معدن جود و سخا

  • جمعه
  • 22
  • اسفند
  • 1399
  • ساعت
  • 16:31
  • نوشته شده توسط
  • یوسف اکبری
ادامه مطلب
 مهدی عبادی(بیکس)

امام در بالین قاسم بن الحسن علیهما السلام -( منی امداده چاغیردون) * مهدی عبادی(بیکس)

496

امام در بالین قاسم بن الحسن علیهما السلام  -( منی امداده چاغیردون) منی امداده چاغیردون
گلمیشم هرایه قاسم

عموون حالی یاماندی
دوشموسن بلایه قاسم

غم غصه
قلبیمی گتیردی درده/پیکرون داغیلدی یرده

سسلدون دادیوه گلدی بو غریب و زار و خسته

منه چوخ چتیندی قاسم کی دورام باشیوین اوسته

باشاباش یارادی جسمون اولموسان شکسته بسته
جان فزا عطر داغیلدی دشت کربلایه قاسم

خیمیه سسون گلنده گوزلریم اشکیله دولدی
گلدیم امدادیوه بیر باش صورتیم سارالدی سولدی
یانارام ایندی بو درده گلماقیم بی ثمر اولدی
ایده بولمدیم کمک لیق سن کیمی فدایه قاسم

کوکب سحر مثالی بیله سرعتیله آخما
دور گیداخ خیامه تیرِ محنتون سینمه تاخما
ایاقون توپراقا چکمه یاندریب قلبیمی یاخما
اوج ایدر بو چولده نالم عرش کبریایه قاسم

بیزه بیرظلم ایلیوبدی بی حیا فرقه سالوس
سنه اوز حمایتیمدن منی ایلیوبله مأیوس
جسمیوی آتلار ایاقی داغیدوب چوللره افسوس
گَله لعنِ حق گوروم بو لشگر جفایه قاسم

دیلده وار غم و ملالیم ایلیوب احاطه غملر
(بیکَس)و معین و یارم یخیلوب ترابه اکبر
پیکرون ایدوبله پامال ظلموله بو قوم کافر
توش اولوب بو گل وجودون بیر بیله یارایه قاسم

  • جمعه
  • 22
  • اسفند
  • 1399
  • ساعت
  • 17:27
  • نوشته شده توسط
  • یوسف اکبری
ادامه مطلب
 احمد پوریا

شجاعت حضرت قاسم بن الحسن (ع) -(زاده ی ارشد شیر جملم صف شکنم) * احمد پوریا

1748
0

شجاعت حضرت قاسم بن الحسن (ع) -(زاده ی ارشد شیر جملم صف شکنم) زاده ی ارشد شیر جَملم صف شکنم
وارث میر عرب ریشـــه کنِ اَهرمنم
قاسم بن حسنم 2

خامس آل عبـــــانون گُلِ بــی خاری منم
اسدالله نوه سی ،رهبـــــریمـــون یاری منم
عشق و غیرت باغینون میوه ی پُر باری منم
کربلاده عمومــــون یاور و غمخواری منم
بنده ی مُخلــــصِ خَلــــّاقِ حَقِ ذو المننم

پیکر معرفتم صــــــاحب احســــاسم من
گلسِتان علویده چو گــــــل یــــاسم من
دانـــــــش آموز کلاس بـطل الناسم من
درسیمی ویرمیش ابوالفضل یَلِ عباسم من
دشمــــــن آل علی نسلینی یردن کَسنم

عرش عــــــزتده گَزن رهبره دلداده منم
یولوم الله یولیدور بنــــــده ی آزاده منم
سیـــــزده ساله جوان بـا ادب افتاده منم
کیم گلور جنگیــمه میـدانیده آماده منم
رهبریم تک یَلم و ظـــالمه باش اگمینم

یولیون جنگـــیمه کیم گلسه دلاور گلسون
قهرمان اولســـــو ویـا هر یلِ دیگر گلسون
یوخدی باکیم هامی سرکرده به لشگر گلسون
خولی و شمــر و سنان قوم بد اختر گلسون
اَرزقـــــی دُورد بالاسیلن دَرَکَـه گوندرنم

سیزده وار کِبر ولی مهر و عطــوفت بیزده
بنده ی شــــهرتیزو شـــوق شهادت بیزده
غرق در معصیتوز فضــل و کرامت بیزده
معنیِ خفّــَتیـز وعـــزت و غیـــرت بیزده
ناطق آیه ی قــــــران منـــم و حق دیَنَم

جدیم احمد دی بابام فاتح خیـبردی بیلون
آتام ایکیمجی امام عالمه ســروردی بیلون
رهبریم آدی حسین شافع محشردی بیلون
عموم عباس اوزی تک باشا لشگـردی بیلون
دانش آمـــــــوخته ی عترتم و سر سُخنم

حق دین رهبر حسیندی من اونون نوکریم
کربلا پادشهـــــــون اَفســـــر و شیر نریم
یولداشیم اکبریدی مـن اونون همسنگریم
افتخــــاریم بودی کــی فاطمیم حیدریم
گلشـــــن عشق و وفایم گلِ باغ عَــدَنَـم

رهبر عالم حسینـــــدی قســم اول طاهایه
ساتمـــــارام بیر توکونی سیم و زرِ اعدایه
مین یول اولسمده گینه گلسم اگر دنیایه
جان نثــــــار ایلیرم مــــن بیله بیر مولایه
منه شیریندی شهادت بیله جان بذل ایدنم

قویمارام خـــدشه یتیشسون عَلَوی عِزَّتیمه
ایله بیر سان ویررم باخسو قوشون هیبتیـمه
حسَــــنی خصلتیمــه مرتضوی شو کتیمه
تلّیدن باخسـو عموم عشق ایلسون غیرتیمه
من آتام تک یلِ میــدانم و مرحب بولَنم

نیلیوم اکبــــر اولوب یوخ منیلـه دالدالانـا
قارداشیدی منه بو لحظـــه ده یانیمده قـالا
غملیم غصه لیم سسلورم هـــر لحظه خدا
گلمیشم منده گیدوم یولداشیم اکبر یانینا
قاسم نامـــــورم غـــــرق عزا و مُحَنم

عمومون یوخ کمکـی جان اونا قربان ایدرم
عمــــــــوما آغلیـــــانی جنته مهمان ایدرم
آدی هــــــر یرده اگر گلسه گلستان ایدرم
(پوریا) دردی اولانلاره دی درمـــان ایدرم
دیلده کیم مطلبی واردی اونا حاجت ویرنم

  • سه شنبه
  • 22
  • تیر
  • 1400
  • ساعت
  • 11:48
  • نوشته شده توسط
  • یوسف اکبری
ادامه مطلب
 احمد پوریا

استمداد حضرت قاسم(ع) -(یتیش دادیمه ای عمو جان) * احمد پوریا

470

استمداد حضرت قاسم(ع) -(یتیش دادیمه ای عمو جان) یتیش دادیمه ای عمـــو جان
یخلدیم یوز اوسته من آتدان
آلوب دورمـــــی قوم عُدوان
گل ای جان جانان
یوخ قاسمون چاره سی دشت کرب و بلاده
اخیامه حمــــل ایت منی اکبرون تک عباده
((گل دادیمه ای عمو جان عمو جان عمو جان
فریادیـــمه ای عمو جان عمو جان عمو جان))2

اورک داغلیام مــــن حزینم
اولوبدور آتـــــــام دلغــمینم
یتیمم یـــــارالــی جَــــبینم
گـــــل ای مــــاه دینم
گل بیرده بوسه وروم گل یوزوندن عمو جان
آخر زمانیمـــــــدی بـــاشیم کَسر قوم عدوان
((گل دادیمه ای عمو جان عمو جان عمو جان
فریادیـــمه ای عمو جان عمو جان عمو جان))2

منــــــه اکبرون یولداشیدی
نه یولــداش منه قارداشیدی
بو غمده گوزی قان یاشیدی
عجـــــب قارداشیدی
اکبر اولندن صورا لذتی یوخ جهانون
مهمان گیـــدر اکبرن قاسم نوجوانون
((گل دادیمه ای عمو جان عمو جان عمو جان
فریادیـــمه ای عمو جان عمو جان عمو جان))2

عمــــو گل کی حالیم یاماندی
گوزوم گوزموری پارچا قاندی
منیم قتلــــگاهیـــم دومـــاندی
گل اشکـــــیم رواندی
گــل دادیمه تز یتیش من اورکدن غمینم
قالدیم بو آتلار ایاقینده خرد اولدی سینم
((گل دادیمه ای عمو جان عمو جان عمو جان
فریادیـــمه ای عمو جان عمو جان عمو جان))2

داغیلــــدی منیم عِزُّ و جاهیم
عمــــو یوخدی سنسیز پناهیم
چخوب گوگلره سوز و آهیم
آخان قان گواهیم
گل ناز ایله قاسمی چون یتیمم عمو جان
ای سن گلن یولارا قاسمون جانی قربان
((گل دادیمه ای عمو جان عمو جان عمو جان
فریادیـــمه ای عمو جان عمو جان عمو جان))2

گلوب قــــاسمی تاپدی بیردن
آلوبدور قــــــــوجاقیـنه یردن
دیدی وای بالام گیتــدی الدن
گولوم دوشــــدی دیلدن
ای قارداشیم یادگاری بالام لای گولوم لای
ای اکبـریمون نگاری بالان لای گولوم لای
((گل دادیمه ای عمو جان عمو جان عمو جان
فریادیـــمه ای عمو جان عمو جان عمو جان))2

گوزوندن منـــی آتمازیدون
قانون اشکه هیچ قاتمازیدون
یانیمــــــدا منیم یاتمازیدون
بالا یاتمـــــــازیدون
آچ گوزلرون دور گیدک خیمده چوخ فغان وار
دشمـــن باخـور یالقوزام یاتما سن ال چالان وار
((گل دادیمه ای عمو جان عمو جان عمو جان
فریادیـــمه ای عمو جان عمو جان عمو جان))2

بالا ســـاق یرین یوخ بدنده
علی تک ادب واردی سنده
اوزانمازدون هیچ من گلنده
یـــــارا واردی منده
دور قاسمیم گلمیشم باشین اوسته یارالی
سس ویـــر منه جـان زهرا ننم ای وفالی
((گل دادیمه ای عمو جان عمو جان عمو جان
فریادیـــمه ای عمو جان عمو جان عمو جان))2

  • سه شنبه
  • 22
  • تیر
  • 1400
  • ساعت
  • 11:56
  • نوشته شده توسط
  • یوسف اکبری
ادامه مطلب

حضرت قاسم بن الحسن(ع) -(گل عمو آماندی قالدیم قوم کوفیان الینده) *مرحوم حسین شانی تبریزی

979
1

حضرت قاسم بن الحسن(ع) -(گل عمو آماندی قالدیم قوم کوفیان الینده) گل عمو اماندی قالدیم قوم کوفیان الینده
آلدی دوره می بو لشکر خنجر و سِنان الینده

بیر یارالی آهو تک من یوز مین اوچیه شکارم
قان آخوب گیدوب توانیم، بیر غزال زخمدارم
گوزلریم قالوب یولوندا گل اماندی انتظارم
قالدی بیر یارالی جانیم مین یارا ووران الینده

هم یارالیم هم عطشان پیکریم تمام اوخدور
یالقوزام اوزوم گورورسن دشمنیم علاوه چوخدور
واضح امردور بو مطلب شرحه احتیاجی یوخدور
دفعه اقتدار اولماز تشنه بیر جوان الینده

اَندی تیغ باشیم اوسته دولدی گوزلریمه القان
یتدی زخم قاشیم اوسته صورتیمی ایتدی الوان
سن گلینجه باشیم اوسته جان ستانه ویرمرم جان
خوشدی طالب وصالون اولسا نقد جان الینده

جسمیمی ستمله اوراق ایتدیلر گل چمن تک
قانیله بویاندی زلفوم دسته دسته یاسمن تک
هانسی نوجوانون اولدی بو فنا جهاندا من تک
حجله گاهی طوی اتاقی طوی حناسی قان الینده

صاغ دگل آتام بولورسن چوخدی نسگلیم عموجان
گَل او گُل جمالون آخِر بیر گوروب اُلوم عموجان
دسته لر کسوب یولومی قویموری گلوم عموجان
سن قبول زحمت ایله وار سنون توان الینده

سسلمزدیم ای عمو گل نیلیوم کسیلدی چاره
دوره می آلوبدی لشکر قویموری چخوم کناره
ووردولار او قدر یاره جسمیم اولدی پاره پاره
هر طرفدن اوخ آتانلار صف چکوب کمان الینده

سن بو گون جوانلاریله یار حضورینه گیدنده
ایستورم اولوم عم اوغلوم اکبرین یانندا منده
آز دگل یارام بدنده افتخار ایله سنده
خوشدی دسته قرمزی گل اولسا باغبان الینده

  • شنبه
  • 1
  • آذر
  • 1399
  • ساعت
  • 22:29
  • نوشته شده توسط
  • یوسف اکبری
ادامه مطلب

احوالات حضرت قاسم(ع) -(قاسمون آلدی سسین گلدی باشی اوسته امام) * کربلایی حسن آخوندی

607

احوالات حضرت قاسم(ع) -(قاسمون آلدی سسین گلدی باشی اوسته امام) قاسمون آلدي سسين گلدي باشی اوسته امام
گوردي قارداش بالاسين ياره لي اُول شاه انام
سسلـدي گـوزلرون آچ اي گل گلـزار بالا
گلدی ديـداره عمون ديده سي خونبار بالا
دور ايـا قه بله يـاتما اورگيم درده گلور
گـلميشم گورمگوه اي گول بي خـار بالا
دوغرانوبدور بدنون ياره ليدي گول دودا قون
اولموسان تيغ شـرر بـاره گرفتـار بالا
چوخ دئيردون مني اكبردن آيرماعمو جان
گيت علي اوغلـوما يولداش منه دلدار بالا
تيروخنجرورولوب جسموه سايسيز يارالي
ايـليو بسن حقـه سن جانـوي ايثـار بالا
جسموي اوخلار ائدوب خانه زنبور كيمين
باخدوقيجا يانـورام من سنه هر بـار بالا
نيليوم يوخدي اليمده سنه بير چاره ائدم
باخورام پيكـروه ديده سي خونبار بالا
اي گوزل قارداشيمون سوگولوسي دور اياقا
خيميه گيتمگه اُول سن منيلن یار بالا
بير غميم واردي سنه فاش ائده بيلمم گوزليم
كشفي مشكلدي سنه اي ُدر شهـوار بالا
خيمده گوزلري میداندا قالوب غملی آنون
گونوز اولموش گوزونه همچو شب تار بالا
ياره لي گورسه سني دهريده ايواي ديجك
تـا نفس وار اولاجاق گونده عـزادار بالا
آه سرديله آخوندي بوسوزي نظمه چكوب
اونـا جنت و ئـره تا خالـق دادار بالا

  • پنج شنبه
  • 20
  • آذر
  • 1399
  • ساعت
  • 00:26
  • نوشته شده توسط
  • یوسف اکبری
ادامه مطلب
 ابراهیم تون خوش قلم

نوحه حضرت قاسم(ع) -(منیم ای یارالی یاوریم) * ابراهیم تون خوش قلم

2623
6

نوحه حضرت قاسم(ع) -(منیم ای یارالی یاوریم) منیم ای یارالی یاوریم
گلمیشم هرایه قاسم
سویله کیم بو عرصه ده سالیب
باشووی بلایه قاسم

آی کیمی باتما اویان ، آی قاسم
منی آغلاتما اویان ، آی قاسم

منیم وفالی یاریم ، گوزون آچ
غَزالِ زخمِداریم ، گوزون آچ

طویووی گورنمدیم اوغول
نسگئلیم اورکده قالدی
باشووین یاراسی اکبرین
باشینی یادیما سالدی

یاره وی باغلاماقا ، یوخ امکان
سسیمه سس وئر اویان ، قاسم جان

منیم وفالی یاریم ، گوزون آچ
غَزالِ زخمِداریم ، گوزون آچ

قارداشیم حسن کیمین سنون
طلعَتونده هیبَتون وار
پیکرونده یوخدی صاف یئرون
نَقَدر جراحتون وار

گوزلرون آیه وئرور ، سان اوغلوم
باش یاراندان آخوری ، قان اوغلوم

منیم وفالی یاریم ، گوزون آچ
غَزالِ زخمِداریم ، گوزون آچ

خیمه لرده اولدورور اوزون
ناگِران آنان عزیزیم
اکبرین آناسی تک اولوب
باغریقان آنان عزیزیم

آناوا رحم ائله دور _ ویلاندی
خیمه آغزیندا دوروب _ گریاندی

منیم وفالی یاریم ، گوزون آچ
غَزالِ زخمِداریم ، گوزون آچ

  • جمعه
  • 28
  • آذر
  • 1399
  • ساعت
  • 23:48
  • نوشته شده توسط
  • یوسف اکبری
ادامه مطلب
 ودود آذرین خلخال

احوالات حضرت قاسم(ع) -(گوزون آچ منی دانیشدير حسنين نشانی قاسم) * ودود آذرین خلخال

444

احوالات حضرت قاسم(ع) -(گوزون آچ منی دانیشدير حسنين نشانی قاسم) گوزون آچ مني دانيشدير ؛ حسنين نشاني قاسم
سسون آلجاقين گيديبدي ؛ عمووين تواني قاسم

سني كيم بو حاله سالدي ؛ حسنين گوزل نگاري
سينون اوسته آت چاپيبلار ؛ قان ايدوبله قلب زاري
بيله گورسه گر سريّه ؛ گيدر الدن اختياري
چيخار اوج آسمانه ؛ آنوين فغاني قاسم

يؤزون ابر خونين آتدان ؛ اولوب آي مثالي تابان
نه وارون زره نه جوشن ؛ توخانوب زبسكه پيكان
او قدر ديوبدي ياره ؛ بدنون اولوبدي شان شان
گتوروب غمون بو دشته ؛ هامي قدسياني قاسم

نه گناهين اوسته دشمن ؛ سني غرق خون ايدوبدي
بوغمونده صبري ديلدن ؛ خانم عمووين گيدوبدي
سني آتلارين اياقي ؛ بالا پرپر ايليوبدي
آپاريم نئجه خيامه ؛ هدف خزاني قاسم

سنون اي وفالي قاسم ؛ حالوا حرملر آغلار
توي اتاقوين زمانه ؛ قاپوسين ستمله باغلار
بوحالوندا نوعروسين ؛ اورگين غميله داغلار
چيخا دام ياديمنان حاشا ؛ ستم زماني قاسم

آپاريم سني خيامه ؛ قويوم اكبرين يانندا
ياتاسان اقلي راحت ؛ گل پرپرين يانندا
ياتا خوشدي ياس خوشبو؛ گل احمرين يانندا
ايكي پيكرين ديسونله ؛ بير اولوبدي جاني قاسم

يازوب (آذرين )غمونده ؛ گوزياشلي غملي نوحه
يتورر اوني كماله ؛ سنه يازديقي مديحه
كرم ايت ذر عالمينده ؛ يازيلا آدي اولوحه
آخي چوخ سوير بو نوكر ؛ شه تشنگاني قاسم

  • پنج شنبه
  • 25
  • دی
  • 1399
  • ساعت
  • 09:23
  • نوشته شده توسط
  • یوسف اکبری
ادامه مطلب
 ودود آذرین خلخال

جوشی حضرت قاسم(ع) -(داده گل ای شاه شهیدان عمو) * ودود آذرین خلخال

607

جوشی حضرت قاسم(ع) -(داده گل ای شاه شهیدان عمو) داده گل ای شاه شهیدان عمو
قاسم اولور قانینه غلطان عمو
آتلار ایاقینده سنی گوزلورم
گل او گلن یولارا قربان عمو

ای پسرمرتضا
بنددل مصطفا
زاده خیرالنسا
میرهدا اسوه آزادگان
حق بیان
مرشد پیروجوان
هیکل تقوا و یل قهرمان
جانِ جان
آینه مومنان
قنداقی اجلالیله عرشه گیدن
داده گل
جان ویرورم لطف ایله فریاده گل
دادیمه گل خسرو خوبان عمو
((گل او گلن یولارا قربان عمو))

ای شرف اولیا
پادشه کربلا
زاده شیرخدا
دوره لیوبدورمنی قوم عدو
گل عمو
مندن اوشاهه سلام
قویمابوماواده آدامسیز قالام
یالقوزام
گل داخی شاه انام
دامادوی کوفه لیلر تکلیوب
گل عمو
تیرجفائیله اورک قاندی گل
اولدی اورک خانه سی ویران عمو
((گل اوگلن یولارا قربان عمو))

من نوه حیدرم
من حسنه دلبرم
زاده پیغمبرم
باخموری دشمن منیم اجلالیمه
حالیمه
حمله وراولموش منه
بادخزان اسدی عموگلشنه
وای منه
دوشدوم عمو مشکله
دشمن ایدور بوردا عجب هلهله
ولوله
بیرباخیشون دردیمه درماندی گل
لطف ایله گل دردیمه درمان عمو
((گل اوگلن یولارا قربان عمو))

ای گل باغ جنان
پادشه انس وجان
رهبرآزادگان
رحم ایلمور فرقه عدوان منه
آزقالور
فدیه قرآن اولام
صرصر ظلمیله بویرده سولام
اهل شام
ایلمیور احترام
هیچ دمیوللرحسنین اوغلیام
بیکسم
پیرهنیم قانیله الواندی گل
سینم اولوب ظلمیله شان شان عمو
((گل او گلن یولارا قربان عمو))

  • چهارشنبه
  • 1
  • بهمن
  • 1399
  • ساعت
  • 11:03
  • نوشته شده توسط
  • یوسف اکبری
ادامه مطلب
 مهدی عبادی(بیکس)

استمداد حضرت قاسم(ع) -(عموجان هایانداسان گل) * مهدی عبادی(بیکس)

627

استمداد حضرت قاسم(ع) -(عموجان هایانداسان گل) عموجان هایانداسان گل
قاسمون دوشوب بلایه

آز قالور باشیم کسیلسین
نه اولور یتیش هرایه

قاسمم _یوخدی طاقت و توانیم_توکولور توپراقا قانیم

قارداشون حسن ئولندن
منه لطفون چوخ اولوبدی

اکبرین یولداشی گل گور
نجه گل کیمی سولوبدی

انتظار گوزلریم افسوس
عمو قانیله دولوبدی

بو یارالی قوشون ایندی
احتیاجی وار دوایه

قاسمم _یوخدی طاقت و توانیم_توکولور توپراقا قانیم

واردی دیلده چوخ ملالیم
مجتبی یتیمیم من

بیر سنه امیدوارم
گل منی قوتار بوغمدن

باشیمی کسور عموجان
ظلموله بو دمده دشمن

گل یوبانما باشیم اوسته
گلرم شور و نوایه

قاسمم _یوخدی طاقت و توانیم_توکولور توپراقا قانیم

بولدی تا لشگر کینه
عَلَوی هنرورم من

مجتبایه نور عینم
پور شیر داورم من

سسلدیم لشگره امّا
جان فدای اکبرم من

سالدیلار منی ایاقدان
تز یتم او مه لقایه

قاسمم _یوخدی طاقت و توانیم_توکولور توپراقا قانیم

رحم ایله عمو گوزومدن
توکولن بو اشک آله

قوم کینه جو بو چولده
منی سالدیلار ملاله

جسمیمی داغیتدی آتلار
دوشموشم اَسفلی حاله

آل منی قاتل الیندن
سال اوزون باشیمه سایه

قاسمم _یوخدی طاقت و توانیم_توکولور توپراقا قانیم

عموجان بو (بیکَس) ایتدی
منه اوز دردینی اظهار

الی بوش یوزی قرادی
اودی هی سیزیلدار آغلار

بولوسن خطاسی چوخدی
خشریدن همیشه قورخار

منه خاطر اونی بیرده
دعوت ایله کربلایه

قاسمم _یوخدی طاقت و توانیم_توکولور توپراقا قانیم

  • جمعه
  • 22
  • اسفند
  • 1399
  • ساعت
  • 16:36
  • نوشته شده توسط
  • یوسف اکبری
ادامه مطلب
 مهدی عبادی(بیکس)

احوالات حضرت قاسم (ع) -(قاسمون دوشدی عمو بلایه) * مهدی عبادی(بیکس)

600
2

احوالات حضرت قاسم (ع) -(قاسمون دوشدی عمو بلایه) قاسمون دوشدی عمو بلایه
آز قالور جان ویرم گل هرایه

دوزدی گیدور قاسم محضر معبوده
گل قدمون آتدا جان ویریم آسوده

سالدیلا گلشن عمری صفادن
گل بو یتیمی قوتار جفادن

گل عمو جان..... گل عمو جان
گل عمو امداده(۴)

من جان نثار شاه حجازم
کوی عشقینده خیردا سربازم

قانیم آخیر گرچه تنده جراحتدن
کامیم اولار شیرین شهد شهادتدن

یوخدی غمیم منی ئولدوره دشمن
دینیمه خاطر جان ویره رم من

گل عمو جان..... گل عمو جان
گل عمو امداده(۴)

رحم سیز جلاد الیندیم من
فریادیمه گل تا زندیم من

جسمیمی دشمنلر آلدی آرایه گل
قاسموی سالدی درد و بلایه گل

صرصر هجران آز قالور اسسون
باشیمی قاتلیم ایستوری کسسون

گل عمو جان....... گل عمو جان
گل عمو امداده

گل داده عمو چوخ بی قرارم
صیاد و ظلم الینده شکارم

آتش ظلمیله جسمیم الولاندی
آتلار ایاقینده نعشیم ایاقلاندی

گلشن عمروم گورنه سارالدی
گل نجه گور عمو قدیم اوجالدی

گل عمو جان......گل عمو جان
گل عمو امداده

مجتبایه گرچه نور عینم
من فدای مکتب حسینم

قانیم آخیر یرده کینه ی دشمندن
وار فقط امیدیم ای عمو جان سندن

آند ویریر سنی اکبره قاسم
گَل یوزیوی گوره جان ویره قاسم

گل عمو جان......گل عمو جان
گل عمو امداده

  • جمعه
  • 22
  • اسفند
  • 1399
  • ساعت
  • 17:10
  • نوشته شده توسط
  • یوسف اکبری
ادامه مطلب
 احمد پوریا

استمداد حضرت قاسم(ع) -(هرایمه گل آی عمو قالوب آراده قاسمون) * احمد پوریا

478

استمداد حضرت قاسم(ع) -(هرایمه گل آی عمو قالوب آراده قاسمون) هرایمه گـــل آی عمو - قالوب آراده قاسمون
یخلدی تُپراق اوستونه - کرب و بلاده قاسمون
عموجان گــل گیتـــدی الدن صبر و قراریم
یارالاریمــــدان آخـــــور قان ای شهریاریم
دَم آخـــــر یانیــمــه گــــل ای شــــاه عــــالم
نفس گلمور ،جان چخــور یوخدی اختیاریم
گل داده - عمو جان
امــداده - عمو جان

حسن بالاسیم عمـــو - او مـَه لقاسیم عمو
علی اکبرون اولوب - اونون فداسیم عمو
یولون حَقدی ، اصغـــــریون حیرانیم من
سنون تک منده بو دشتـــــون مهمانیم من
یتیملوقــی سنلن هیچ احساس ایتمدیم من
سنون عــــــلی اصغــــریون قــربانیم من
گل داده - عمو جان
امــداده - عمو جان

اورک قراریم آی عمــو - منیم نگاریم آی عمو
گیدوب توان یوخومدی هیچ- صبر و قراریم آی عمو
آلوبدور دوریم قَصاوتلــــن قوم عدوان
یتیش فریادیمــــه ســـن ای شاه شهیدان
قالوب بیر حاله بو پاره جسمیم عمو جان
آخور صحرایه یارالاریمــــــدان یره قان
گل داده - عمو جان
امداده - عمو جان

دو شوبدی نعشیم اللره - یارالی دلبروی کیمی
اولوبدی پــــاره پیکریم - علیِّ اکبرون کیمی
علی اکبرلن نجــــــه پیمـــان باغلامیشدیم
منه قارداشیــــــدی قلبیمـــی داغلامیشدیم
شهادت بالداندا شیـرین اولــــدی عمو جان
گجه نی صبحه کیمین گیـزلین آغلامیشدیم
گـل داده - عمو جان
امــداده - عمو جان

بو کربــــلاده قاسمون - حالی یاماندی آی عمو
دوریم آلوبدی قوم شَر - گور نه دوماندی آی عمو
عموجان گل بی کسم بو چولـده غــریبم
آتام یوخدی کربـــــــــلاده آخــــر یتیمم
یاغور اوخلار پیکرِ بی جانه یاقـــــوش تک
ایاق آلتدا بس کی قالدیم خُرد اولدی سینم
گل داده - عمو جان
امـداده - عمو جان

عمو یـــامان زمانیدی - گوزوم یاشی روانیدی
گلنده آغلاما بو چول - هاموسی ال چالانیدی
عمو جان کاش مَه جمالون بیرده گوریدیم
گلنـــــده سن یــــاتمیدیم بیرجه دوریدیم
یتیشدی عمــروم باشا ای کاش سویلرم کی
عموم عبــــاسی گـــوریدیم اوندا اولیدیم
گل داده - عمو جان امداده - عمو جان

  • سه شنبه
  • 22
  • تیر
  • 1400
  • ساعت
  • 12:18
  • نوشته شده توسط
  • یوسف اکبری
ادامه مطلب
حاج رسول امینیان امینی خویی

وداع حضرت قاسم(ع) -(اوغول قاسم دل دونور قانه چوخ یانا یانه گتمه میدانه) *حاج رسول امینیان امینی خویی

601

وداع حضرت قاسم(ع) -(اوغول قاسم دل دونور قانه چوخ یانا یانه گتمه میدانه) اوغول قاسم دل دونور قانه چوخ یانا یانه گتمه میدانه
غم هجرون اود سالور جانه چوخ یانا یانه گتمه میدانه

بویاندی قانه علی اکبر شبه پیغمبر نوجوان اوغلوم
عزیز و بند دل لیلا آه و واویلاجسمه جان اوغلوم
آرامیزدا آیرلیق قویدی قلبیمی اویدی قهرمان اوغلوم
نشان اولدی تیروپیکانه چوخ یانا یانه گتمه میدانه

حسن قارداشیم یازوب نامه بیر گوزل خامه ایلیوب کامل
همان نامه که ایدوب انشاءاوندا بیر دنیا سوز یازوب حاصل
دیوب قاسم یادگاریمدی گلعذاریمدی اول اونا مایل
اودور دلده سالموسان لانه چوخ یانا یانه گتمه میدانه

سپهر همتده شهبازیم آدلی سربازیم غیرتون قربان
قدم ویرسان شانلی سنگر ده حربه اللرده خوف ایدر عدوان
قالوب خیمه لر قباقینده ال دوداقینده قزلاریم گریان
توجه قیل فوج عطشانه چوخ یانا یانه گتمه میدانه

اولوبسان ای مرده آزاده جنگه آماده نقد جان الده
سنون اما قتلیوه لشگر صف چکوب یکسر قانلی مقتلده
حروفات عشقی جستجو ایتدون عشقه خو تاپدون اولده
وفا ایتدون عهدو پیمانه چوخ یانا یانه گتمه میدانه

جوانان دینه رهبرسن شیر سنگرسن شهرتون چوخدی
ورورسن درس شهامتی درس همتی غیرتون چوخدی
سن الگوسن قیمتین چوخدی شوکتون چوخدی عزتون چوخدی
ای عزترشمعینه پروانه چوخ یانا یانه گتمه میدانه

شهادت بیر شمعیدور نورین عشق دور شورین باشلارا سالمش
قضا عشقی ساقی عشقی باقی عشقی گور هارا سالمش
سریه نین گردش دوران باشینه چوخدان بیر قرا سالمش
باخ اول قاره پوش نالانه چوخ یانا یانه گتمه میدانه

اگر داماد اولسا میداندا غوطه ور قاندا طور اولار ماتم
عروس آغلار سینه چاک ایلر خود هلاک ایلر آختارار همدم
اوغول گل بیر ایلیک خلوت ای قمر طلعت آغلاشاخ باهم
عروس گیسو پریشانه چوخ یانا یانه گتمه میدانه

سمند عشقه سوار اولسان رهسپار اولسان سوی جانانه
بابان حیدر ساقی کوثر یولوی گوزلر الده پیمانه
((امینی))یا مجتبی یازسین کربلا یازسین غملی دیوانه
سوزین ورسین نوحه خوانانه چوخ یانا یانه گتمه میدانه

  • جمعه
  • 22
  • مرداد
  • 1400
  • ساعت
  • 17:15
  • نوشته شده توسط
  • یوسف اکبری
ادامه مطلب

حضرت قاسم(ع) -(قاسم آماده اولوب عرصه میدانه گئدور) *مرحوم عباسعلی شبخیز قراملکی

705

حضرت قاسم(ع) -(قاسم آماده اولوب عرصه میدانه گئدور) قاسم آماده اولوب عرصه میدانه گئدور
نقد جان الده دوتوب محضر جانانه گئدور

ساقی میکده میخانه نی رندانه آچوب
محفل عشقی قلندرلره جانانه آچوب
یولی اولده نچه رند حکیمانه آچوب
نوبت باده یتوب قاسمه رندانه گئدور

ایله مست ایلوب او مخموری شراب ازلی
بند نعلینی آچیق قبضه تیغینده الی
جنگه فکرین متمرکز ایلیوب مثل علی
دیه سن یانماقا ئوز شمعنه پروانه گئدور

گوردی مولا بئله جنگه گئده بو طفل صغیر
تئز ایاقدان سالاجاق نیزه و شمشیر یله تیر
امرائدوب پیرهن اوستن سالا بیر برد حریر
اولا حافظ که ده خنجر برانه گئدور

لشگرین قلبین آلوبدی نظره الده حسام
ییخماقا پرچم فرماندهی نی ائتدی قیام
صفلری سندیرا لشگر اولا بی نظم و نظام
یول سالوب مرکز اردویه بو عنوانه گئدور

نوجواندور هله نورس بو جوان نبوی
باغ وحدتده آچان گلدی گل مرتضوی
هیبتدن یاغیری صولت و سهم علوی
قصد ائدوب عرصه جولانگهی مردانه گئدور

بیرجواندورهله رخساریده یوخ خطدن اثر
سنی اون دورت اولا اولماز ایلیوب عزم خطر
نه زره دن اثر اگیننده نه کیتفنده سپر
بی محابا قویوب اوز مسلخ عرفانه گئدور

لشکره ائتدی خطاب ای سپه کوفه و شام
قاسم بن حسنم حیدر صفدری بابام
جنگه اقدام ائلسم فکر ائده سوز الده حسام
یوز قویوب شیر خدا خندقه شیرانه گیدور

قوشونون کثرتینی آلمادی اصلا نظره
باخمادی قان توکن اللرده قلج نیزه لره
حمله اولدی او چولده سپه خیره سره
اود سالا ساعقه تک خرمن عدوانه گئدور

گوردی سعد اوغلی تاپوب یول قوشونا ضعف و خلل
چیخدی لشگردن آجیقلی او زمان سسلدی گل
هارداسان گورموسن ارزق ندی بو جنگ و جدل
کیمدی جولانه گلور عرصه ده جولانه گئدور

قوی قدم عرصه میدانه ئوزون اولما نحیف
جنگه روحیه سی افرادین اولوب گورنه ضعیف
سنسن آخر بو جوانه بیلورم عمده حریف
کیمدی سندن صورا بو جنگه دلیرانه گئدور

ارزقه گلدی بو سوز ویردی عمر سعده جواب
ندی فکرون بو عملدن منی ائتدون نه حساب
روبرو هاردا اولار جنگیده بیر شیخلیه شاب
هاردا بیر تازه جوان جنگینه پیرانه گئدور

اذن وئرسن بو کشاکشده سنی شاد ائدرم
جنگه اوغلا نلاریمی بیر به بیر ارشاد ائدرم
سنه بو طرزیله بو عرصه ده امداد ائدرم
کوره سن جنگه بو چولده نئجه فتانه گئدور

ارزق القصه عمر سعدی اودم رام ائلدی
مکریله فیصله وئردی ایشی اتمام ائلدی
بیربیر اوغلانلارینی جنگینه اعزام ائلدی
هربیری جنگه گلور دوزخ نیرانه گئدور

کوردی ارزق بو جوان علوی عاشق پاک
ائتدی دئرت اوغلونی بیربیر بو معارکده هلاک
بو مصائب اثریندن سینه سین ایلدی چاک
ئوزی آماده اولوب جنگه او دیوانه گئدور

چکدی بیر عربده آت ایسته دی میدانه سالا
قانینه قان ائده اوغلا نلارینون قانین آلا
آتادور نیله سین آخر نه که شیریندی بالا
بو گئدیش بیلمدی اما اجلستانه گئدور

روبرو اولدی او دم قاسیمله ارزق دون
دورت اوغول داغی اورکده ئوزی سر مست جنون
قاسمین گوردی الینده قالاجاق زارو زبون
بیلدی بو جنگ دگیل ورطه طوفانه گئدور

آلدی شمشیر اله ایلدی آهنگ جدل
اولدی ما بین ده بیر نئچه قلج رد و بدل
قاسم بن حسن القصه تاپوب ارزقه ال
پیکری یئرده قالوب صوتی بیابانه گئدور

سالدی قاسم یئره تا پیکر صد پاره سینی
کسدی هر سمتیدن اول فتنه گرین چاره سینی
گوردولر صید ائلیوب دشمن مکاره سینی
ارزقین الده باشی محضر سلطانه گئدور

محضر شاهه یتوب آتدی باشی مقدمینه
تا تسلی اولا سلطان ولانین غمینه
قاسمین سیر ائلدی حالتینه عالمینه
اوزگه عالمده گوروب جنگه او فرزانه گئدور

مبتلادور ئوزی معلومیدی سوز عطشه
سالاجاق سوز عطش باشینی مین کشمکشه
بیر قدح باده مسلم وئره اول لاله وشه
مست اولا ایندی که سر منزل جانانه گئدور

ساقی میکده عشق و محبت علنی
تازه دن مست ائلدی قاسم گل پیرهنی
دئدی بو باده ائله حاله سالار ایندی سنی
کیم ایچور نعره سی بو عرصه ده کیوانه گئدور

پیر رندان خراباتیدن اول باده پرست
رخصت آلدی اولا هم کاسه رندان الست
ال تعلقدن اوزبدی دیه سن عاشق مست
یول سالوب اودلی گلستانه خلیلانه گئدور

الغرض رجعت ائدوب رزمگهه جنگ ائلسون
تازه دن کفریله جنگ ائتماقا آهنگ ائلسون
وسعت عرصه نی دشمن لرینه تنگ ائلسون
جنگ ایچون باغلیوب امیدینی یزدانه گئدور

دایانوب مرکز میداندا دلیرانه دوروب
روبرو لشگر کفاریله مردانه دوروب
اودسالا خرمن جاهلره فرزانه سالوب
الده شمشیر ی یانور شعله سی کیوانه گئدور

جنگه اقدام ائلیوب نعره تکبیر چکور
کفری نابود ائده بی واهمه شمشیر چکور
حمله ائتسون قوشونا نقشه و تدبیر چکور
قطره تقصیم دوتوب جانب عمانه گئدور

ناگهان آلدی او دم دور برین قوم عدو
چیخدی صفدن او زماندا دئدی بیر حادثه جو
ایندی مشغولیدی نعلینی نون اصلاحینه بو
بئله فکر ایلوری گشت گل و بستانه گئدور

  • شنبه
  • 30
  • مرداد
  • 1400
  • ساعت
  • 22:43
  • نوشته شده توسط
  • یوسف اکبری
ادامه مطلب

زبانحال امام حسین(ع) -(قارداشیم نشانی قاسم جوانیم) * کربلایی حسن آخوندی

478

زبانحال امام حسین(ع) -(قارداشیم نشانی قاسم جوانیم) قارداشيم نشاني قاسم جوانيم
ياتما دور اياقه طاقت و توانيم
ترك ايدوب مني گئتمه
ديده تر مني ائتمه
اي گوزل جوانیم
اكبريله قارداش. اي عزيز جانيم
دين يولوندا جانين بذل ايدن جوانيم
باشون اوسته گئتدي طاقت وتوانيم
آز بو قلبيمي ياندير دردوي منه آندير
اي گوزل جوانیم
اي گوزل ماراليم قارداشيم بالا سي
دور اياقه ياتما دين حق فداسي
وار باشوندا اوغلوم اكبرون هواسي
عرشيده بالام الان گوزليور سني نالان
اي گوزل جوانیم
جسموي ايدوبدور ياره تير و خنجر
دوشموسن قوم اوسته پاره پاره پيكر
گورسه کیم دئر بس گل اولوبدی پرپر
نيلرم بالا الان قانه اولموسان غلطان
اي گوزل جوانیم
دوشموسن يارالي قوملار اوسته عطشان
پوزقون حالون ايتميش حاليمي پريشان
گوزلروندكي قان قلبيمي ايدوب قان
گول دوداقون آلقاندي قاندي قاندان الواندي
اي گوزل جوانیم
آي كيمين جمالون قانليدور نماسي
واردي پيكرونده نيزه اوخ ياراسي
بو جهاندا یوخدور دردون دواسی
قلبیمی ایدوب یاره یوخدی یاروه چاره
اي گوزل جوانیم
دينه خاطرآخر قانه باتدون اوغلوم
کربلاده سنده كامه چاتدون اوغلوم
بو فنا جهاني گوزدن آتدون اوغلوم
گوزليور سني نالان خيمده آنون الان
اي گوزل جوانیم

  • چهارشنبه
  • 19
  • آذر
  • 1399
  • ساعت
  • 00:06
  • نوشته شده توسط
  • یوسف اکبری
ادامه مطلب
 حسین حسنی افشرد

زبانحال امام در بالین حضرت قاسم(ع) -(گوزون آچ ای دیزیمون طاقتی قاسم گوزون آچ) * حسین حسنی افشرد

514

زبانحال امام در بالین حضرت قاسم(ع) -(گوزون آچ ای دیزیمون طاقتی قاسم گوزون آچ) گوزون آچ ای دیزیمون طاقتی قاسم گوزون آچ
عموون چوخدی بو گون محنتی قاسم گوزون آچ

قان دوتوب گوزلریوی بسکه باشوندان سوزولوب
تللرونده دیه سن شدّهء مرجان سوزولوب
نیلیوم یوخدور علاجیم الیم ائلدن اوزولوب
توپراقا قویما گوزل صورتی قاسم گوزون آچ

گلسه میدانه بی بون زینب کبری نه دیوم
خیمیه حمل ایلیوب جسموی آیا نه دیوم
خبر آلسا سنی مندن آنان امّا نه دیوم
گوز تیکوبدی یولا بو مدّتی قاسم گوزون آچ

دور گیداخ خیمه لره سینه لری داغلیالار
باشوین یاره سینی عمّه لرون باغلیالار
تا دویونجا سنه بیر اوخشیالار آغلیالار
اولاجاقدی هامونون صحبتی قاسم گوزون آچ

وورولان جسموه ناحق بو قدر اوخدی بالا
ناز ایدورسن منه یا اینکه یاران چوخدی بالا
من آتایم سنه فکر ایتمه آتان یوخدی بالا
غصّه سی دلده آتا رحلتی قاسم گوزون آچ

بولوسن چوخدی بو صحرای بلاده محنیم
سنه باخدوقجا دوشور یادیمه هر بیر ئولنیم
آدی قاسم ولی معناده امام حسنیم
قارداشیم تک قولومون قوّتی قاسم گوزون آچ

بو کیچیک سنّیله سن غم گونی یولداشیمدون
عزّت و شوکت اولاد بنی هاشمیدون
جان ویرن زهریله یثربده کی قارداشیمدون
عموون خمدور اودور قامتی قاسم گوزون آچ

قویمادیم من سنی بیر لحظه مکدّر اولاسان
قارداشیم اوغلی منه غم گونی یاور اولاسان
اکبریم گیتدی الیمدن منه اکبر اولاسان
عموسون درده سالان فرقتی قاسم گوزون آچ

من دیردیم آناوی غصه دن آزاد ایدرم
اولی بیر گون آتاوین روحینی تا شاد ایدرم
دوتارام طوی سنه اعزازیله داماد ایدرم
ای قالان قلبده بو حسرتی قاسم گوزون آچ

یارالی باشی گوتوردی شه آلیب سینه سینه
باسدی آغوشینه نعشین یتوروب خیمه سینه
قاسمی گتدیله سس یتدی خانم عمّه سینه
سسلدی ای اورگیم طاقتی قاسم گوزون آچ

قویدی اکبر یاننا نعشینی باهم یاتالار
گوز یاشین خون دلیله بالا قیزلار قاتالار
اکبر و قاسم آناسی بیله یاسه باتالار
دیه ای مادرینون عزّتی قاسم گوزون آچ

تا یتوب نعشینون اوسته یره اوتدی آناسی
گوردی گلمور سانا جسمینده قلیج اوخ یاراسی
بو دلیله دیدی دل بلکه گوز آچسون بالاسی
(حسنی) یاده سالان غربتی قاسم گوزون آچ

  • دوشنبه
  • 10
  • خرداد
  • 1400
  • ساعت
  • 15:04
  • نوشته شده توسط
  • یوسف اکبری
ادامه مطلب
حاج ناصر تبسمی اردبیلی

شجاعت حضرت قاسم(ع) -(محضر سلطانه گلدی اذن آلوب شهزاده قاسم) *حاج ناصر تبسمی اردبیلی

488

شجاعت حضرت قاسم(ع) -(محضر سلطانه گلدی اذن آلوب شهزاده قاسم) محضر سلطانه گلدی اذن آلوب شهزاده قاسم
شوقله میقات عشقه آت سالوب آزاده قاسم

گلدی میدان قتاله یوز دوتوب اهل جداله
غیضدن گوزلر دولاندی اولدی بیر پر خون پیاله
سسلدی هل من مبارز سیزده ساله سُلاله
کیم دیور من من بویورسون تاپشوروم دست زواله
جنّت الاعلاده احسن سویلسون زهراده قاسم

هی ویریب رهوارون اوسته گزدی میدان نبردی
سالدی بیر توز رزمگهده دوتدی جولانگاهی گردی
رعشیه سالدی یلان کفری یاپراق تک اسردی
باشلارا سُمّ ستوری داش توکردی کول سپردی
اود توکوب قور یاغدیروردی بسکی اول صحراده قاسم

مرکز میداندا ناگه بیر صلابتله دایاندی
نعره ی اللّه اکبر چکدی یاتموشلار اویاندی
باشلارین سالدی اشاقه یل یل اعدا اوتاندی
قاسم بن المجتبایم سویلدی شأنیم عیاندی
سبط زهرا نور عینی جنگوزه آماده قاسم

مکتب قرآن و دینون ساده بیر سربازیم من
قلّه ی ایثار و عشقون جنگجو شهبازیم من
بوستان هاشمینون طرفه سرو نازیم من
حق شعارم مرد حقون محرم و جانبازیم من
جان بکف نو رس جوانم شاهیمه دلداده قاسم

اکبرون قانین توکنلر روبرو گلسون قباقه
گوندریم هدیه رئوسین والی شوم عراقه
شرعده واجبدی حرمت میزبان ایتسون قوناقه
حتک حرمت ایلیوبسوز آلّانوبسوز طمطراقه
ساتماز اوز دینین سیزون تک مرد استبداده قاسم

برق شمشیرین گورنلر دوشدیلر خوف و هراسه
گوزلری پر پر ویرانلار نیزه نی اوخشاتدی داسه
قورخوسیندان پهلوانلار یوز گتوردی رمل و طاسه
چون فراره یول یوخیدی هیچ شباب و پیر ناسه
هی حریف ایستور بویاندا صحنه ی هیجاده قاسم

بیر قوی کافر واریدی ازرق شامی آدیندا
دورد خبیث اوغلی باشیندا اولدی پیکاره مهیا
گلدی اول خردا اوغلی ازرقون میدانه گویا
حقلن باطل دایاندی تن به تن باشلاندی دعوا
سو ایچوب دشمن ولیکن تشنه اول مأواده قاسم

ال گدیب ذوبین و تیره اوینادی ششپر هواده
فرصتی اوّل حریفه ویردی قاسم سهل و ساده
ایستدی ویرسون نمایش ابن ازرق بن زیاده
قاسمه بیر نیزه آتدی غیظله اول پست زاده
نیزه سین دوتدی هواده سندیریب شهزاده قاسم

یار و اغیار ایچره بیردن قوزانوب احسن صداسی
جومدی قاسم شیر نر تک چکدی تیغین حق رضاسی
ویردی بیر ضربت پوزولدی دشمن دینون نماسی
گت دیدی نیرانه دیو نفسون اولسون جزاسی
صید اولا حاشا سنون تک پست و بد بنیاده قاسم
صر صر تقدیر توکدی نخل ظلمون شاخ و برگین
ازرقون دورد اوغلی بیر بیر نوش ادیب مرگین شرنگین
غیضدن اود دوتدی ازرق اوینادور زین اوسته چنگین
عاقبت ازرقده گلدی ایچدی زهرین جام مرگین
بیلمیوردی بی مثلدی تن به تن دعواده قاسم

قوردیلار شورای جنگی خائنان بی دیانت
مکریله اول نوجوانه ایلسون اعدا خیانت
حمله ایتسون دورت طرفدن پیکری گورسون جراحت
مجتبی ال باشدا گلسون اوغلینی ایتسون زیارت
قرمزی قاندان گینسون اوخشاسون داماده قاسم

گلّه ی روباه ایچینده دوشسه نیلر بره آهو
مین نفر اطرافین آلدی آچدی نامردانه بازو
هر گلن بیر یاره ویردی قانه همرنگ اولدی گیسو
یاره لر مثل کواکب هی ویرور جسمینده سو سو
سسلیور سلطان دینی دمبدم فریاده قاسم

راوی مطلب حمید ابن مسلم دور بو یرده
سویلیور من ناظریدیم عین بحران خطرده
بیر عمر سعد آدلو ظالم ویردی بیر شمشیر او مرده
باش بولوندی آخدی قانی گوزلرینه چکدی پرده
گتدی یارادن یخلدی قالدی زیر پاده قاسم

دمبدم سسلردی شاها سعی ایله امداده تز گل
جان دوداقیمه گلوبدی لطف ایله فریاده تز گل
اکبره قربان کسیلدی قاسمون سال یاده تز گل
دستگیرم بی مروّت رحمسیز جلّاده تز گل
دوره می دشمن آلوبدی تکدی بو بلواده قاسم

گوش جان عشّاقه هر آن حاصل ایلر ارتباطی
پیک عشقه یوخ مسافت طی ایدر اقصی نقاطی
گلدی امدادینه گوردی قاسمون وار قان بساطی
بیلدی عرفان مرکبیله ترک ایدیب کهنه رباطی
یاره لردن گل بجردیب گوئیا اعضاده قاسم

چکدی تیغ مرگبارین لشکری ویردی کناره
یاره لی جسمین نه گوردی قان ایچینده پاره پاره
سسلدی قارداش بالاسین گوز یاشین توکدی عذاره
گوزلرین آچدی گوروبدور ماهی سوزدی چون ستاره
تاپدی استقرار او ساعت شاخه ی طوباده قاسم

گوردی گل شاخین احاطه ایلوب انبوه ناوک
ئیلدی اوپدی گولوندن رد ایدیب اوخلاری تک تک
گل بالا گیموشدی قرمز مخملی شاهانه کوینک
طوی گونی غرق اولدی آللّه قانلی بیر دریاده قاسم

  • دوشنبه
  • 4
  • مرداد
  • 1400
  • ساعت
  • 20:46
  • نوشته شده توسط
  • یوسف اکبری
ادامه مطلب
 محمدرضا صادقی

زبانحال عروس در کوچ از قتلگاه -(آچ گوزون ای ظلمیله قانه بو چولده باتان) * محمدرضا صادقی

545
1

زبانحال عروس در کوچ از قتلگاه -(آچ گوزون ای ظلمیله قانه بو چولده باتان) آچ گوزون ای ظلمیله قانه بو چولده باتان
قانیله یاخمیش حنا ای قوری یرده یاتان
چوخ سوز وار بو دیلده دور گئداخ
گل یاتما بو چولده دور گئداخ
جان عمو اوغلی جان عمو اوغلی
جان سنه قربان عمو اوغلی

باخ منیم احوالیمه قالمادی بیر قارداشیم
گورنه گونه قالمیشام یوخدی داخی یولداشیم
گوز دوشوری زلفیوه قانه دونور گوز یاشیم
طوی گونی ای باش وئروب مقصد عشقه چاتان
چوخ سوز وار بو دیلده دور گئداخ
گل یاتما بو چولده دور گئداخ
جان عمو اوغلی جان عمو اوغلی
جان سنه قربان عمو اوغلی

سن منیم احوالیمی هیچ سوروشوب دئنموسن
هر نه سوال ایلیرم بیر لب آچوب دئنموسن
نولدی عمو اوغلی سنه یرده یاتوب دئنموسن
ناز ایلمه باخ منه ای منی گوزدن آتان
چوخ سوز وار بو دیلده دور گئداخ
گل یاتما بو چولده دور گئداخ
جان عمو اوغلی جان عمو اوغلی
جان سنه قربان عمو اوغلی

لشکر کین لطف ائدوب اللریمی باغلادی
حالیمی عمم گوروب غمدن اورک داغلادی
نیزده قارداش باخوب بیرده آتام آغلادی
ووردی منی قوم کین دین خدانی ساتان
چوخ سوز وار بو دیلده دور گئداخ
گل یاتما بو چولده دور گئداخ
جان عمو اوغلی جان عمو اوغلی
جان سنه قربان عمو اوغلی

تازه گلین رسمدور طوی گونی دلشاد اولار
هانسی عروسون ائوی من کیمی برباد اولار
مرکبه مینسه گلین رسمیدی داماد اولار
گور نئجه تک قالمیشام ای منی باشدان آتان
چوخ سوز وار بو دیلده دور گئداخ
گل یاتما بو چولده دور گئداخ
جان عمو اوغلی جان عمو اوغلی
جان سنه قربان عمو اوغلی

  • پنج شنبه
  • 7
  • مرداد
  • 1400
  • ساعت
  • 20:34
  • نوشته شده توسط
  • یوسف اکبری
ادامه مطلب
راهنمای علائم موجود در فهرست:
عدد کنار این علامت نشانگر تعداد کاربرانی ست که این مطلب را پسندیده و به دفترچه شعر خود افزوده اند
عدد کنار این علائم نشانگر میزان محبوبیت شعر یا سبک از نظر کاربران می باشد
اشعار ویژه در سایت برای کاربران قابل دسترس نیست و فقط از طریق خرید اپلیکیشن مورد نظر این اشعار در داخل اپلیکیشن اندرویدی قابل رویت خواهند بود
این علامت نشانگر تعداد کلیک یا بازدید این مطلب توسط کاربران در سایت یا اپلیکیشن می باشد