اشعار استقبال از محرم

مرتب سازی براساس
 ابوالفضل عباسی معروفان

متن شعر ترکی ورود ماه محرم -(هارداسان فاطمه بالاسی ) * ابوالفضل عباسی معروفان

6273
13

متن شعر ترکی ورود ماه محرم  -(هارداسان فاطمه بالاسی ) هارداسان فاطمه بالاسی
باشلانور جدوون عزاسی
چکدیلر قاره عرشه دوتدی
عالمی یا حسین صداسی
داده گل-میر و مقتدا سن سن آقا
یاسه گل-صاحب عزا سن سن آقا
اباصالح اباصالح
.
.
.
شیعه بو غمده سینه داغلار
عشقیلن باشه قاره باغلار
قاره کوینک گینلر آقا
جدوون ماتمینده آغلار
هارداسان-غم نواسی دیللرده قالوب
گل آقا-اصغرین قانی ییرده قالوب
اباصالح اباصالح
.
.
.
دیللره زمزمه سالان گل
شیعه نین فکرینه قالان گل
پرده غیبیدن کنار اول
ای حسین قانینی آلان گل
لطف ایله-آل اله سنق قلبیمیزی
گلمه سن-کیم بیلر بیزیم دردیمیزی
اباصالح اباصالح
.

  • دوشنبه
  • 28
  • مرداد
  • 1398
  • ساعت
  • 14:53
  • نوشته شده توسط
  • ابوالفضل عابدی پور
ادامه مطلب
فروشگاه پرچم
 محمدرضا صادقی

نوحه ورود ماه محرم -(قاره کوینگ اگنیمده یاحسین) * محمدرضا صادقی

685

نوحه ورود ماه محرم -(قاره کوینگ اگنیمده یاحسین) قاره کوینگ اگنیمده یا حسین
سینه وورماقا یاسه گلمیشم
دلده دردیمی ائتماقا بیان
گوزیاشیله عباسه گلمیشم
باخ بو جمعه ای
شاه کربلا
جانیمیز اولا
قبریوه فدا

قاره چکدیلر کل عالمه
جمله انس و جان باتدورلار غمه
ذکر یاحسین دوتماقا عزا
گلدی عرشیان یرده ماتمه
باخ بو جمعه ای
شاه کربلا
جانیمیز اولا
قبریوه فدا

دوغرانار بو آی اکبرون سنون
اوخلانار سوسوز اصغرون سنون
کربلاده ظلمیله سیندیرار
قوم اشقیا شهپرون سنون
باخ بو جمعه ای
شاه کربلا
جانیمیز اولا
قبریوه فدا

ماتمه باتار جمله نه قباب
سینه لر بو غمده اولار کباب
صود امر بالان ال ایاق چالار
ئولدورر ئوزون خیمده رباب
باخ بو جمعه ای
شاه کربلا
جانیمیز اولا
قبریوه فدا

قیزلارن الونده پیاله سی
قوزانار او چوللرده ناله سی
یوز دوتوب دئیر سو گتور عمو
اصغرون داخی یوخدی چاره سی

باخ بو جمعه ای
شاه کربلا
جانیمیز اولا
قبریوه فدا

العطش دئیر قیزلارون بو آی
ناله ایلر اولدوزلارون بو آی
وای بالام دئیر ساچلارون یولار
خیمده اوغولسوزلارون بو آی
باخ بو جمعه ای
شاه کربلا
جانیمیز اولا
قبریوه فدا

عرش و فرشیدن ناله قوزانار
شه وزیری نهر اوسته یوللانار
نهریدن چیخاندا او بیکسین
ظلم الیله سو مشکی اوخلانار
باخ بو جمعه ای
شاه کربلا
جانیمیز اولا
قبریوه فدا

فاطمه سالار باشه قاره سین
جنته سالار آه و ناله سین
کربلایه گوزیاشیله گلر
مرهم ایلسون نیزه یاره سین
باخ بو جمعه ای
شاه کربلا
جانیمیز اولا
قبریوه فدا

گرد غم بو آیدا باتار یوزه
گوزیاشیله شبنم گلر گوزه
« صادقی » یازار؛ گوزیاشی توکر
دم وئرن « صدوقی » ئوزی سوزه
باخ بو جمعه ای
شاه کربلا
جانیمیز اولا
قبریوه فدا

  • پنج شنبه
  • 7
  • مرداد
  • 1400
  • ساعت
  • 12:38
  • نوشته شده توسط
  • یوسف اکبری
ادامه مطلب

ورود ماه محرم -(آغلا یابن العسکری تا آغلاسون عالم بو آی) *سعدی زمان سیدرضا حسینی

793

ورود ماه محرم -(آغلا یابن العسکری تا آغلاسون عالم بو آی) آغلا یابن العسکری تا آغلاسون عالم بو آی
واحسین دلده آنان زَهرا دوتوب ماتم بو آی

عالمِ اِمکاندا وار بو آیدا شُور و اِنقلاب
ایلیوب لر کوفیان افلاکیانی دل کباب
گویلره قاره چکوب لر ساکنانِ نُه قُباب
بحر غمده غرق اولوب دور عالم و آدم بو آی

گلشنِ اسلامی ده چوخ گُول بو آی اُوراق اولوب
باغبانین طاقتی گُول غصّه سیندن طاق اولوب
باشینه چوخ پر شکسته بلبلین توپراق اولوب
گوز یاشی چوخ گُول یوز اوستونده دوزوب شبنم بو آی

منزل ائتدی نینوا دشتین بو آی میرِ هُدی
گلدی لر شوره حِجازی لر، گویه چخدی نوا
نی کیمی دولدی نوائی له دیار نینوا
ابر غم یاغدیردی اول دشته، غم اوستن غم بو آی

سو یولین کسدی عدو باغلاندی آل اللّهه راه
عرشه قوزاندی خواتینِ حرم دن دود و آه
دودِ آهی له عذاره پرده چَکدی مِهر و ماه
دوتدی جَوّ بیکرانی پرده پرده چَم بو آی

سو یانیندا قُول بُوداق سیز یخدیلار قوم لئام
بیر اوجا قامت یِره، سَرو حسین عباس نام
قان شفق ده ماهِ آلِ هاشمی گورجک امام
سسلدی اولدی بئلیم ای سَروِ قامت خَم بو آی

گوردی جدّون بیر ایشه اقدام ائدوب بی دین یزید
آز قالور آثار توحیدی ایتورسون اُول پلید
دوتدی بیر تصمیمِ قَطعی سویلدی اُوللام شَهید
قووزارام آلِ امیّه ضدّینه پرچم بو آی

کاخ اسلامی یزید ایستور یخا بنیانی دن
قالمیا نام و نشان اسلامی دن قرآنی دن
من ده سیراب ایلرم گلزار دینی قانی دن
نقشِ آمالِ یزیدی ایلرم بَرهَم بو آی

زانیه هند اوغلی سُست ایلوب دی دینین پایه سین
من ولی سال لام بو دین اوسته حِمایت سایه سین
هم جدار دینون اَفزون ایلرم پیرایه سین
قانی له هم پای بستین ایلرم مُحکم بو آی

گوندروب پیغمبره قرآن خدای دادگر
حفظینی تضمین ائدوب تا سُودمند اولسون بَشر
جدّیمون زَحمت لرین من قویمارام اولسون هَدر
مُحکم آتین ایلرم قانی له مُستحکم بو آی

دینه قربان ایلرم آی پارچاسی بیر سود امر
دوست و دشمن باشینی گوردوق جا آهو تک ملر
باشی تشکیلاتی مه دنیا بوئی رُونق وئرر
ایلر اسلامه او باش بیر خدمت اَعظَم بو آی

من اوزوم ده باش وئروب اسلامی قیل لام سر بلند
ائتمرم بیعت یزیده دوغرانام گر بند بند
بیعت اوسته سینه می مَکسُور ائدر سُمِّ سَمَند
باشینه توپراق سَپَر پِیغمبر خاتم بو آی

ای (حسینی) جدّیوون اَیّام عاشوراسی دور
ئولماقی ندان مقصدی دینِ مُبین اِحیاسی دور
بو حسین اِبن علی بیر نُوکَرین مولاسی دور
نفسی نی اَحکامِ اِسلامه ائده مُلزَم بو آی

  • چهارشنبه
  • 17
  • شهریور
  • 1400
  • ساعت
  • 15:01
  • نوشته شده توسط
  • یوسف اکبری
ادامه مطلب
 محمدرضا صادقی

متن شعر ترکی و فارسی یا مهدی - ورود محرم -(بیا یابن الحسن در انتظارم ) * محمدرضا صادقی

7290
1

متن شعر ترکی و فارسی یا مهدی - ورود محرم -(بیا یابن الحسن در انتظارم ) سبک : بیا یابن الحسن آرام جانم
.
فارسی
.
بیا یابن الحسن در انتظارم
بیا تا زیر پایت سر گذارم
چه شبهایی که با یادت به ناله
جبینم را به سجده می سپارم
.
بیا ای شاه عالم
شده ذکرم دمادم
کجائی یابن الزهرا
که آید ماه ماتم (2)
بیا یابن الحسن مولاکجایی
.
.
.
بیا یابن الحسن پیمانه تو
زدم بر لب شدم دیوانه تو
بیا ای شمع سوزان امامت
قبولم کن شوم پروانه تو
.
بگو آقا کجایی
بیایم تا سراغت
نمایی آن رخت را
شوم محو جمالت
بیا یابن الحسن مولا کجایی
.
.
.
بیا یابن الحسن ای ماه سرمد
بخوام نذر چشمان تو الحمد
اگر یوسف شود زیبای خلقت
تو هستی یوسف آل محمد
.
اگر دورش بگردد
تک و تنها زلیخا
ولی دور تو گردد
هزاران حور و زهرا

  • چهارشنبه
  • 30
  • مرداد
  • 1398
  • ساعت
  • 11:51
  • نوشته شده توسط
  • ابوالفضل عابدی پور
ادامه مطلب
 سید تقی سیفی اردبیلی

استقبال از ماه محرم -(گلور محرم آچلدی پرچم کیمون وار عشقی عزایه گلسون) * سید تقی سیفی اردبیلی

3566
5

استقبال از ماه محرم -(گلور محرم آچلدی پرچم کیمون وار عشقی عزایه گلسون) ( گلورمحرم، آچلدی پرچم )
(کیمون وارعشقی عزایه گلسون)

بساط عالم، گُل اوسته شَبنَم
دوتاربوآیدا، عزا حسینه
قرا گیَن لر، بیرآی مَحَرم
اورکدن ایلر، نوا حسینه

اولارکه مستِ، می ولادی
اولارکه مجنونِ کربلادی
دیلینده ذکری، لَکَ الفدادی
ایدرحیاتین، فداحسینه

حسین حبیبِ، تمام خلقت
حسیندی عشق وامیدامّت
حسیندی تنها، امیرجنّت
اولوب بومنصب، عطاحسینه

حسیندی سرور، بوروزگاره
حسین الیندن، ئوپَرستاره
حسین آدیندا، باخون وقاره
دیوبدی نوحه، خدا حسینه

  • چهارشنبه
  • 20
  • مرداد
  • 1400
  • ساعت
  • 21:39
  • نوشته شده توسط
  • یوسف اکبری
ادامه مطلب
 احمد پوریا

متن شعر ترکی ورود ماه محرم -(گینه باشلاندی عزا سسلنر اهل عالم ) به سبک دل بی تاب اومده * احمد پوریا

7697
5

متن شعر ترکی ورود ماه محرم  -(گینه باشلاندی عزا سسلنر اهل عالم ) به سبک دل بی تاب اومده گینه باشلاندی عزا سسلنر اهل عالم
ساخلیار اوز آناسی شاه ِ شهیده ماتم
گلدی محرم آیی ، اسدی بو قاره پرچم
بزم عزایه سن گل، گلدی مَهِ حُزن غم
جان آقا ، سنه قربان آقا ۲
.
.
.
.
.
السلام ای شهیمیز ای گُل گلزار وفا
یا حسین ثار الله گلدی گینه ماه عزا
اهل عزا گیدی قرا هامی ایدر شور و نوا
دیلده دیر یامولا – جان سنه قربان آقا
جان آقا ، سنه قربان آقا ۲
.
.
.
.
.
گینه گلدیم آقا جان من بو کرملی قاپیا
آدی حلالِ مَشاکل اوزی غملی قاپیا
سینه وورار پیر و جوان ای گُلِ گُلزار جَنان
سسلنر اهل عالم جان – سنه قربان آقا جان
.
.
.
.
.
گینه گلدی آقامین ماه پُر از احساسی
آقامین مرثیه سی سسلنروخ عباسی
قلبیده چوخ واردی سوزوم غیرتینه قربان اوزوم
عاشقم عباس آقاما گرچه قرادی بو ئوزوم
.
.
.
.
.
آقا جان در گهیوین چاکریم نوکریوم
عاشق اصغریوم عبد رَهِ اکبریوم
قبریوه قرباندی آتام زینبه قرباندی آنام
اکبریوین نوکریم اصغره قرباندی بالام
.

  • سه شنبه
  • 15
  • مرداد
  • 1398
  • ساعت
  • 10:31
  • نوشته شده توسط
  • ابوالفضل عابدی پور
ادامه مطلب
 ولی الله کلامی زنجانی

ورود ماه محرم -(الله الله گنه باشلاندی محرّم دهه سی) * ولی الله کلامی زنجانی

1496
0

ورود ماه محرم -(الله الله گنه باشلاندی محرّم دهه سی) الله الله گنه باشلاندی محرّم دهه سی
دههء شاه شهیداندی محرم دهه سی
آیلار ایچره مه تاباندی محرم دهه سی
گور حسین سفره سین احساندی محرم دهه سی
آدی گلدی گوزوم ایسلاندی محرم دهه سی

ای دادان سفرهء احسانیده زهرا دُوزونی
آچ محرم علمین اشگیله یو آل تُوزونی
آغلیان گوزلره باخ یاد ائله عشق اولدوزونی
بو قرا پرچمین آلتیندا کسون قوچ قوزونی
پرچم عشقه نگهباندی محرم دهه سی

ای ادب مشتریسی گوزله عوام اولمیاسان
غمی یاددان چیخادوب شادلی قا رام اولمیاسان
باخ امامین سؤزونه ضدّ نظام اولمیاسان
سعی ائله منحرف از خطّ امام اولمیاسان
بویوروب محیی ایراندی محرم دهه سی

بیزه هرنه یتیشوب اهل نظردن یتیشوب
وجهه بو مملکته صبر و ظفردن یتیشوب
نصرت ایرانه محرّمله صفردن یتیشوب
شهدایه اؤ شرف بیر صودامردن یتیشوب
اصغرین قتلی نه اعلاندی محرّم دهه سی

دئمورم الده اولان عزّتیوه ناز ائلمه
دئمورم پرچم ایرانی سرافراز ائلمه
دیورم فرعی دوتوب اصلیدن اعراض ائلمه
قافیه عیبینی دوتما هنر ابراز ائلمه
شعریده قافیه گرداندی محرم دهه سی

آقاما قربان اولوم ایرانی پیروز ائلدی
باشی دالدان کسیلوب ایمانی پیروز ائلدی
نِی ده قرآن اوخودی قرآنی پیروز ائلدی
بلی اسلامی حسینون قانی پیروز ائلدی
بیل اُؤ شمشیری یخان قاندی محرم دهه سی

فَجر حسین نُور حسین جلوهء مَنهاج حسین
دوغولان گون ائلین گویلره معراج حسین
شهدا باشینه قانیله قویان تاج حسین
وئردی جان وئرمدی اهل ستمه باج حسین
اُؤ اُوجا هُمّته بُرهاندی محرّم دهه سی

دلده عالم بویی سؤز وار گچورم سوزلردن
عشق مولا آییرار اَیری لَری دُوزلردن
ائتمدی شرم اوخ آتان بیر جوت آخان گوزلردن
گوزیاشی چاتدی ربابه گجه گون دوزلردن
ننه احوالی نه حیراندی محرم دهه سی

اوندا که الدن اباالفضل علمی دوشدی یره
اوخلانان مشگی حسین گتدی ئوزی خیمه لره
العطش دلده هامی تیکدی گوزین صود امره
گوردولر گوزلر آخور جانی دوشوبدی خطره
اؤ غمه ایندیده سوزاندی محرم دهه سی

خیمه لرده دئدی مولا ندی شیون بیلورم
وئردون اول طفلی منه دردینی دلدن بیلورم
ای رباب آغلاما من غنچه وی گلشن بیلورم
سن ئوزون یورما بالامون دیلینی من بیلورم
غمه دؤز دهّهء هجراندی محرم دهه سی

سیردن کاش قالیدون اؤ گون ای چرخ کُهن
گور هارا چکدی حسینون ایشی ایام مُحن
سسینه وئرمدی سس چول دولوسی اهل فتن
صودامر بیر بالا اولدی اونا لبّیک دیین
گویده قوشلار آقاما یاندی محرم دهه سی

سس دوشوب لشگر آرا ناظر اولون جریانه
باغبانِ علوی گل گتورور میدانه
قونداق اوخشوردی قوجاقدا وَرق قرآنه
دئدی بیر آز سو وئرون بو دوداقی عطشانه
دیلی یوخدی سیزه مهماندی محرم دهه سی

کاش سعد اوغلی دییدی آقا گئت باخما سووا
آب دریا قوتارار جرعه سو وئرساخ بالووا
سسلدی حرمله نی تا قانی قانیله یووا
دئدی چوخ ضربه گوروب هاشمی لردن بو قوا
اوخون آت موقع جبراندی محرم دهه سی

حرمله دیزلرینی وردی یره یوخ دئمه دی
شیر خواره بالیا نیلیه جاق اوخ دئمه دی
اوخ گلوب دگدی بوغازدان بالا هئچ اوخ دئمه دی
دوداقی گولدی بیر آز، آغلامارام چوخ دئمه دی
عالم اول گولماقا گریاندی محرم دهه سی

کیم گوروب جانی چیخاندا اوشاقین گول ماقینی
کیم گوروبدی سو یانیندا بالیقین ئول ماقینی
گوردی زهرا آقامین قان یارادان سیل ماقینی
بالانین دردینه پیکانی دوا بیل ماقینی
دئدی اوغلوم بالان اوخلاندی محرم دهه سی

جان بالا غملی بالا اوغلوی آز باغریوا باس
فاطمه سس وئره نوندی بو ندایه قولاق آس
دئمه عباسیم ئولوب ایلمه تکلیق احساس
آلا بیلمز قوجاقا اوغلووی قولسوز عباس
منه وئر جان سنه قرباندی محرم دهه سی

جان بالا صبریوه گویده متعجّب دی ملک
بیر اووج قان گویه سپدون بزنوب قانلا فلک
مرحبا عشقیوه عاشق لریوی ائتدون الک
مین سپاهه دَگَر عشق عالمی بو قانلی بَلَک
اصغرون عالمه سلطاندی محرم دهه سی

وئر منه گوهریوی غملی آنان گوهری دی
گوهرون سیندی ولی الله اونا مشتری دی
وئر باسیم سینمه سینم شهدا دفتری دی
ئوز نوه مدی اؤ بالا محسنی مون بنذری دی
اونا محسنده نواخواندی محرم دهه سی

  • چهارشنبه
  • 17
  • شهریور
  • 1400
  • ساعت
  • 14:28
  • نوشته شده توسط
  • یوسف اکبری
ادامه مطلب

ورود ماه محرم -(ارکانِ دین و ایمان ویران اولوب بو آیدا) *سعدی زمان سیدرضا حسینی

653

ورود ماه محرم -(ارکانِ دین و ایمان ویران اولوب بو آیدا) ارکانِ دین و ایمان ویران اولوب بو آیدا
پیغمبر اوغلی قانه غلطان اولوب بو آیدا

بو آی همان او آیدور عرشه چکیلدی قاره
یِتمیش ایکی مُوحّد دوغراندی پاره پاره
گلدی رسول اکرم جَنّتده آه و زاره
گوردی بتول عُذرا گریان اولوب بو آیدا

اولدی بو آیدا منزل دشت بلا حسینه
افلاکیده قورولدی بزم عزا حسینه
خرگاهِ ماتم اولدی عَرشِ خدا حسینه
گوگلر حسین غمی نده نالان اولوب بو آیدا

زَهرا دیر اوغول وای، بو آیدا حیدر آغلار
ماتم دوتوب حسینه جدّی پیمبر آغلار
آغلا حسینه شیعه عالم سراسر آغلار
اشکی امام عصرین آلقان اولوب بو آیدا

سو یولّارین کسوبلر بو آیدا قوم اعدا
اللّرده بوش سو جامی آغلار بناتِ زَهرا
ای کاش قان اولِیدی یک سر قنات دنیا
ذرّیّهء رسالت عطشان اولوب بو آیدا

کرب و بلا چولنده برپا اولوب دی محشر
لب تشنه دوغرانوب دور قطعه به قطعه اکبر
پِستان کیمی اَموب دور نُوک خَدنگی اصغر
پیکان او شیر خواره پِستان اولوب بو آیدا

اوز سود اَمَر بالاسین گورجک چکوب دی بیر آه
قالدی حسین نه حاله بُلدی او حالی الله
دولدوردی قاندان اُوجین سَپدی سِپهره اول شاه
قانیله چرخِ اطلس الوان اولوب بو آیدا

اوچ شُعبه لی خدنگه اصغر نشان اولاندا
ظلم یله شاه دینون گُل غنچه سی سولاندا
اصغر دیوب آناسی گیسولرین یولاندا
اشک سکینه رَشکِ عُمّان اولوب بو آیدا

قاسم جوان اُلوب دور غمگین اولوب آناسی
آغلار دیر بالامون قان اولدی طوی خساسی
طوی گورمیوب جوانیم، گِیموبدی طوی لباسی
توپراق لاریله نعشی یکسان اولوب بو آیدا

بزم نشاطی ایتسون بیت الحزن جوانلار
ناکام اُلوب بو آیدا گُل پیرهن جوانلار
دین اوسته دوغرانوب دور طوی گورمین جوانلار
طویلار عزایه دونسون اعلان اولوب بو آیدا

قان آغلادور جهانی عبّاس ماجراسی
چیگنینده بیر سو مشکی، آنّیندا اوخ یاراسی
قول یوخ و لیک قویمور دوشسون یره لِواسی
باخمور بدن نشانِ پیکان اولوب بو آیدا

بو آی یِر اوسته عطشان سلطانِ دین یخلدی
کرب و بلاده فرشهِ عرشِ بَرین یخلدی
اسلامیان امامی، حِصنِ حَصین یخلدی
زهرا عزیزی زیبِ میدان اولوب بو آیدا

فریاد او وقتیدن شمر آغلاتدی مِهر و ماهی
اُلدوردی سو یانندا عطشان، یارالی شاهی
آل علی سُویولدی، اودلاندی خیمه گاهی
پیغمبرین جُلالی تالان اولوب بو آیدا

فصل خزان اولاندا وار سرّی بلبل آغلار
گلزارِ دین سُولوب دور، بلبل یانار گل آغلار
شیعه اولان بو آیدا، باشه سَپَر کُل آغلار
راس حسین کُل اوسته مهمان اولوب بو آیدا

وار ای (حسینی) دردون ممکن دِگل مُداوا
باخما عَلاج ایدن مور عاجز قالوب اَطبّا
یالوار حسینه آغلا، نومید اولما اصلا
چوخ درد بی دوایه درمان اولوب بو آیدا

  • چهارشنبه
  • 17
  • شهریور
  • 1400
  • ساعت
  • 14:42
  • نوشته شده توسط
  • یوسف اکبری
ادامه مطلب
 سیدبشیر حسینی میانجی

متن شعر ترکی شروع محرّم و گریز به وداع -(سلام او سروره کی سرور شهیداندی ) * سیدبشیر حسینی میانجی

989

متن شعر ترکی شروع محرّم و گریز به وداع  -(سلام او سروره کی سرور شهیداندی ) سلام او سروره کی سرور شهیداندی
سلام او سیده کی سیّد جواناندی
.
سلام او یاره‌لی‌یه قانی باتمیوب باتماز
جهاندا پرچم آمالی یاتمیوب یاتماز
.
سلام او یاره کی بی یاره یار اولار دائم
آلینمییان قاننی خصم‌دن آلار قائم
.
مشامه عطر عزا گلدی عطر غم گلدی
نه غم کی جسم عزاداره تازه دم گلدی
.
قولاق وئرون دل و جانیله بیر منه یاران
گلوب تلاطمه دریای غم گنه یاران
.
گلون گلون بو نیستانیده نوا ائلییاق
نوائیله بو یئری عین نینوا ائلییاق
.
نوا ائداق کی نی‌یون غم نواسی باشلاندی
قرا گئیَیک کی حسینون عزاسی باشلاندی
.
اولار همیشه ولا اهلی طالب ماتم
بیلر کی حضرت زهرادی صاحب ماتم
.
اجازه ویرمَسه او، نور عینه آند اولسون
حسی

  • سه شنبه
  • 1
  • مرداد
  • 1398
  • ساعت
  • 11:54
  • نوشته شده توسط
  • ابوالفضل عابدی پور
ادامه مطلب
 مرتضی اسکندری

ورود ماه محرم -(گینه دایر اولدی بزم عزا شیعه گیدی قرا ماه ماتمدی) * مرتضی اسکندری

604

ورود ماه محرم -(گینه دایر اولدی بزم عزا شیعه گیدی قرا ماه ماتمدی) گینه دایر اولدی بزم عزا
شیعه گیدی قرا ماه ماتمدی
خانم زهرا سالدی باشه قرا
دیلده آه و نوا ماه ماتمدی

قرا چکدی آسمانه ملک
مهیا اولدی عزایه فلک
آه و واویلا آه و وایلا

بو آیدا زهرا نوایه گلر
کربلایه گلر بزم احساسه
گهی آغلار دلسیز اصغرینه
گاهی اکبرینه گاهی عباسه
ایدر دعوت مصطفانی خانم
مرتضانی خانم مجلس یاسه
باتوب قانه زینت النجبا
سید الشهدا ماه ماتمدی

قرا چکدی آسمانه ملک
مهیا اولدی عزایه فلک
آه و واویلا آه و واویلا

حسینه آغلار زمین و زمان
پیرمرد و جوان ، طفل گهواره
ویروب زینت آسمانه حسین
کهکشانه حسین ، عرش داداره
حسین سیز دنیا نه درده دگر
صادقانه اگر آغلاسون یاره
یازار آلله جنّتین آدیوا
تیز گلر دادیوا ماه ماتمدی

قرا چکدی آسمانه ملک
مهیا اولدی عزایه فلک
آه و واویلا آه و واویلا

کیمون وار بیماری غم یمه سون
هیچ کیمه دیمه سون گلدی ماه عزا
گتور سون دار الشفایه اونی
بو عزایه اونی تا شفاسین آلا
ایاق اوسته ساخلاماز بالاسین
تیز ویرر شفاسین شاه کرب و بلا
حسینون ویر تربتوندن اونا
توختاسون اوبالا ماه ماتمدی

قرا چکدی آسمانه ملک
مهیا اولدی عزایه فلک
آه و واویلا آه و وایلا

بو آیدا جوشه گلر قانلار
ظرف احسانلار ال به دولانار
عزا داریله حسینیه لر
بزم تعزیه لر هی دولوب بوشالار
نمازین قیلسا حسین چی اگر
صبح و شام و سحر تعزیه خوش اولار
چاقیر سا مولانی امدادینا
تیز گلر دادینا ماه ماتمدی

قرا چکدی آسمانه ملک
مهیا اولدی عزایه فلک
آه و واویلا آه و واویلا

بو هیئت لر آبرودی بیزه
بوردا دردیمیزه چاره ایللّر
ملائک لر دیلده آ ه و نوا
غبطه حال عزاداره ایللّر
آچوب پرچمهای رنگیلری
مسجدین علمین قاره ایللّر
خانم زهرا سالدی باشه قرا
دیلده آه و نوا ماه ماتمدی

قرا چکدی آسمانه ملک
مهیا اولدی عزایه فلک
آه و واویلا آه و واویلا

  • چهارشنبه
  • 29
  • اردیبهشت
  • 1400
  • ساعت
  • 22:27
  • نوشته شده توسط
  • یوسف اکبری
ادامه مطلب
 محمدرضا صادقی

ورود ماه محرم -(ووردولار گینه قاره پرچمی) * محمدرضا صادقی

654

ورود ماه محرم -(ووردولار گینه قاره پرچمی) ووردولار گینه قاره پرچمی
یاده دوشدی کرب و بلا غمی
دوتماقا عزا گلدی شیعه لر
یا حسین سسی دوتدی عالمی
یا حسین آقام یا حسین آقام ( 2 )

عرشینه قرا چکدی کبریا
ووردی باشه جنتده مصطفا
فاطمه بقیعدن گینه گلوب
مرتضائیلن دوتماقا عزا
یا حسین آقام یا حسین آقام ( 2 )

بو غمه گینه یرلر آغلوری
وا حسین دییوب گویلر آغلوری
وای بالام دییور قبریده آنا
جنت ایچره پیغمبر آغلوری
یا حسین آقام یا حسین آقام ( 2 )

یر گویه دوشنده حسین سسی
قلبی یاندیرار سوز ناله سی
دیللره دوشنده سو صحبتی
یادیمه دوشر غملی خیمه سی
یا حسین آقام یا حسین آقام ( 2 )

سو سوزی دوشر کل عالمه
شیعه نین باتار قلبی ماتمه
باغلیاندا سو یولارین عدو
زینبی سالار خیمه ده غمه
یا حسین آقام یا حسین آقام ( 2 )

ماتمه باتار آل بوتراب
هر اورک اولار بو غمه کباب
عرشه اوج ائدر قیزلارون سسی
باغلیاندا اصغر الین رباب
یا حسین آقام یا حسین آقام ( 2 )

  • جمعه
  • 8
  • مرداد
  • 1400
  • ساعت
  • 12:22
  • نوشته شده توسط
  • یوسف اکبری
ادامه مطلب
 محمدرضا صادقی

متن شعر ترکی ورود محرم -(گینه باشلاندی ماه غصه و غم یابن الزهرا ) * محمدرضا صادقی

2176
3

متن شعر ترکی ورود محرم  -(گینه باشلاندی ماه غصه و غم یابن الزهرا ) گینه باشلاندی ماه غصه و غم یابن الزهرا
گینه شیعه دوتار بو آیدا ماتم یابن الزهرا
گینه زهرا سالار باشه قرا کرب و بلاده
دییر ایوای حسینیم وای دمادم یابن الزهرا
.
گل ای زهرا بلاسی
اولان عالم آقاسی
گینه باشلاندی مولا
حسینون ماجراسی
.
آقا یابن الحسن جان
.
.
.
.
گینه قوم عدو سو یولارون او چولده باغلار
گینه کرب و بلاده آل طاها سینه داغلار
الی اوسته ربابون آز قالار ئولسون بالاسی
سو جامی الده قیزلارصف چکر مخیمده آغلار
.
یانار دلدن بالاسی
دییر ایوای آناسی
بالا عطشان دوداقون
رباب اولسون فداسی
.
آقا یابن الحسن جان
.
.
.
.
سالار اکبر غمی بیر آیری غوغا یابن الزهرا
گینه ایوای دییر مخیمده لیلا یابن الزهرا
گینه

  • سه شنبه
  • 15
  • مرداد
  • 1398
  • ساعت
  • 10:29
  • نوشته شده توسط
  • ابوالفضل عابدی پور
ادامه مطلب

متن شعر ترکی ورود ماه محرم -(آقام گینه یتیشدی ماه ماتم ) * ایوب روزبه بخشایش

17894
67

متن شعر ترکی ورود ماه محرم  -(آقام  گینه یتیشدی ماه ماتم ) آقام
گینه یتیشدی ماه ماتم
قرا گیوب تمام عالم
گوزل آدون ایدوبله ازبر
حسین حسین دیوله باهم
.
ای دل
بو آیدا یاندی قلب زهرا
دردانه رسول طاها
حسین بالاسینون عزاسی
شوریله چون اولوبدی برپا
.
.
آقام
سنون غمونده عالم آغلار
نوحه دیردمادم آغلار
باشداقرادیلده حسین وای
جدون رسول اکرم آغلار
.
آقام
سنون آدون نه باصفادی
ئورکدن ایسترم بوآدی
گل دردیمه ئوزون دواقیل
زیباآدون درده دوادی
.
.
آقا
سن آیت ونورخداسن
سراج پرنورخداسن
نورون ایدوب دنیانی روشن
سن شیعیه میرهداسن
.
.
ای دل
بو آیدا فاطمه بالاسی
کرب و بلا اولوب مناسی
دوغراندی اکبریله اصغر
قانیله دولدی کربلاسی
.
آقام
سن اصغرین غمینده یاندون
اصغرده یاندی سنده یان

  • شنبه
  • 19
  • مرداد
  • 1398
  • ساعت
  • 14:08
  • نوشته شده توسط
  • ابوالفضل عابدی پور
ادامه مطلب
 مهدی عبادی(بیکس)

ورود ماه محرم -(گلدی باشلارا شور غم هواسی) * مهدی عبادی(بیکس)

624
1

ورود ماه محرم -(گلدی باشلارا شور غم هواسی) گلدی باشلارا شور غم هواسی
یر گویی توتوب یاحسین صداسی
ماه ناله و غم گلوب دوباره
عرش حق اولوب مجلس عزاسی

اوضاع عالم یکباره برهم اولدی
گیی سنده قاره ایام ماتم اولدی
آیلار دولاندی ماه محرم اولدی

قاره گینلر سسلر حسینه قربان
بو آغلینلریکسر حسینه قربان

مظلوم حسین وای
مظلوم حسینیم ایوای

غملی بلبلم صحنه ی چمنده
باشلارام غزل بزم غم گورنده
عاشق اولموشام بیرگوزل نگاره
قلبیم اوتلانار یاحسین دینده

شور و نوادن هیچ دویمارام حسینیم
بزم عزانی بوش قویمارام حسینیم
ماتم لباسین من سویمارام حسینیم

قاره گینلر سسلر حسینه قربان
بو آغلینلر یکسر حسینه قربان

سندن اورگشوب اهل هردوعالم
بنده لیق یولون ای عزیر خاتم
قانین آخدی چون دین حق یولوندا
عشق پایه سین ایلیوبدی محکم

سن ثابت ایتدون باطل پَشیزه دگمز
اهل حقیقت اهل مجازی سویمز
کیم عاشقوندی بیگانیه باش اگمز

قاره گینلر سسلر حسینه قربان
بو آغلینلر یکسر حسینه قربان

ای شریعتین تشنه لب فداسی
قاف عشقیده معرفت هماسی
درگهونده من کمترین غلامم
نوکره گرک لطف ایده آقاسی

بیماریوم من، سن سن منیم طبیبیم
ششگوشه عشقی باشیمده وار حبیبیم
کرب وبلانی ایله گینه نصیبیم

قاره گینلر سسلر حسینه قربان
بو آغلینلر یکسر حسینه قربان

ای حقیقته سالک یگانه
سن تک عاشقی گورمیب زمانه
قانیله اوگون دشت کربلاده
ویردون آبرو کلّ شیعیانه

ایللر سووّلر زهرایه نورعینی
خلّاق یکتا تک خلق ایدوب حسینی
وار(بیکَسینده) دیلده بو شور و شینی

قاره گینلر سسلر حسینه قربان
بو آغلینلر یکسر حسینه قربان

  • جمعه
  • 22
  • اسفند
  • 1399
  • ساعت
  • 13:39
  • نوشته شده توسط
  • یوسف اکبری
ادامه مطلب
 محمدرضا صادقی

ورود ماه محرم -(گینه دوران دولانوب ماه محرم گلدی) * محمدرضا صادقی

1989
10

ورود ماه محرم -(گینه دوران دولانوب ماه محرم گلدی) گینه دوران دولانوب ماه محرم گلدی
باشلانوب شور و نوا ناله و ماتم گلدی
ووردولار هر یره الله گینه قاره علمی
کربلا یاده دوشوب قلبیلره غم گلدی
اولدی عاشقلرینین اورگی پاره
گینه یر گویده هامی گیدیلر قاره

عرشینه چکدی گینه قاره خدای ازلی
چونکه قانه باتاجاقدور گینه زهرا گوزلی
گینه پیغمیر خاتم بالام ایوای دیه جاق
گله جاق کرب و بلایه گینه زهرا و علی
اول چوخور یرده آنا بالاسین بسلر
آتاسی باشه وورب یا حسین سسلر

گینه میدان آچیلوب عاقل و دیوانه لره
گینه عاشقلری یوز قویدولا میخانه لره
گوزده یاش باشدا حسین عشقی بوتون اهل عزا
اگنینه قاره گیوب گلدی عزاخانه لره
گینه گوز یاشلارینی عارضه باغلار
تا حسین آدی گلر سس چکر آغلار

گینه بو آیدا هامی آغلیاجاق وای دیه جاق
گینه لیلا بالاسی اکبره ایوای دیه جاق
چاره سیزلیقدان الین باغلیاجاقدور آناسی
گینه مخیمده رباب اصغره لایلای دیه جاق
حشره تک قلبی یانوب اولاجاق کباب
گون قباقینده قالوب سولاجاق رباب

گینه اصغر عطشینده چالاجاق ال ایاقون
چاره سیزلیقدان آناسی ئوپه جاق گل دوداقون
دیه جاق رحم ایله یارب یانوب اودلاندی بالام
کیم گوروبدور سالا کیمسه بیله حاله قوناقون
روز محشرده ئوزون گل گواهیم اول
بالامون قانینی آل سن پناهیم اول

نالهء واعطشا عرشه گینه قوزاناجاق
گینه عبّاسین الی علقمه ده دوغراناجاق
دولدوروب مشکی گلنده آقام اخیامه طرف
وای منه هم گوزی هم مشکی گینه اوخلاناجاق
دوغرانوب گل بدنی قالاجاق یرده
سالاجاقدور بو غمی زینبی درده

گینه سو یوللارینی قوم عدو باغلیاجاق
عطشیندن بالا قیزلار هامی دل داغلیاجاق
قالاجاق قیزلار الینده گینه زینب اتگی
گه باخوب نهره گهی خیمه لره آغلیاجاق
دیه جاق داده یئتیش یا رسول الله
یدّی قارداشیم ئولوب نیلیوم الله

  • جمعه
  • 8
  • مرداد
  • 1400
  • ساعت
  • 12:25
  • نوشته شده توسط
  • یوسف اکبری
ادامه مطلب
 حاج اصغر فرشچی

متن شعر ترکی ورود ماه محرم -(دوتوبدی عالم حسینه ماتم عزاسی باشلاندی ) * حاج اصغر فرشچی

1645
1

متن شعر ترکی ورود ماه محرم  -(دوتوبدی عالم حسینه ماتم عزاسی باشلاندی ) دوتوبدی عالم حسینه ماتم عزاسی باشلاندی
سیه پوش اولدی آناسی زهرا نواسی باشلاندی
حسین حسین جان حسین حسین جان حسین حسین جانم
.
.
.
چکولدی قاره ارض و سمایه عرش خدا آغلار
فلک ملک لر حسینی سسلر دلده نوا آغلار
حسین سونلر غمین بولنلر دوتوب عزا آغلار
محرم اولدی حسین حسینون صداسی باشلاندی
حسین حسین جان حسین حسین جان حسین حسین جانم
.
.
.
علی آتاسی دلده نواسی ایدر فغان آغلار
عذاره اشگین مهدی غمگین توکنده قان آغلار
محنت و غمده گلنده درده پیرو جوان آغلار
اهل جفانون کوفه و شامون جفاسی باشلاندی
حسین حسین جان حسین حسین جان حسین حسین جانم
.
.
.
گرک حسینه بوگونده هرکس بزم عزا قورسون
ادب یوزیلن کیمسه گلنده ایاقین

  • سه شنبه
  • 1
  • مرداد
  • 1398
  • ساعت
  • 11:51
  • نوشته شده توسط
  • ابوالفضل عابدی پور
ادامه مطلب
 حاج اصغر فرشچی

متن شعر ترکی ورود محرم -(شیعه گل شور و نوایه ) * حاج اصغر فرشچی

1691

متن شعر ترکی ورود محرم  -(شیعه گل شور و نوایه ) شیعه گل شور و نوایه
غم یتوب شاه هدایه
گلدی ماه غم محرّم
آغلا شاه کربلایه
.
واگیر (اجرا در تمامی بندها) :
اگنیوه گی بو گوندن قراسین
یرده گویده دوتوبلار عزاسین
.
.
.
شاه حسین ورد زباندی
عالمه بو سوز عیاندی
عیش و عشرتدن الون چک
ماه غم گلدی اماندی
.
.
.
قان اولا شط فراتی
سالدیلار ضیقه حیاتی
باغلیوبله سو یولونی
قویدولار تشنه بناتی
.
.
.
یاندیلار نار جفایه
باخ بو غملی ماجرایه
اولدورَندَه شاه دینی
یتمدی بیر کس هرایه
.
.
.
قان توکندی قوم کینه
آغلوری نازلی سکینه
هی دیور الله گوریدیم
کاشکی من بیرده مدینه
.
.
.
شیعه بات بو آی عزایه
قاره پوش اول گل نوایه
آغلوراصغرآج سوسوزدان
سنده سس ویر سس صدایه
.
.
.
بلب

  • شنبه
  • 19
  • مرداد
  • 1398
  • ساعت
  • 14:28
  • نوشته شده توسط
  • ابوالفضل عابدی پور
ادامه مطلب
 امین اسماعیل زاده ماکوئی

ورود ماه محرم -(دوشوب عشقون باشیما) * امین اسماعیل زاده ماکوئی

386

ورود ماه محرم -(دوشوب عشقون باشیما) دوشوب عشقون باشیما
غصه دولوب گوز یاشیما
بیلوسن گلمه میشم
هیئتیوه ئوز باشیما
حق منه عزت وئردی،عشقیوی نعمت وئردی
نوکریوه فاطمه،نامه ی دعوت وئردی
جان آقا-سنه قربان آقا-سیدالعطشان آقا-جان آقا

گئجه لر دربه درم
بزم عزانی گزرم
تاپوب آخرده سنی
هر نه سوزوم وار دیرم
دردیمه درمان سنسن
صاحب عنوان سنسن
هر دهه ی محرم-دیلده کی طوفان سنسن
جان آقا-سنه قربان آقا-سیدالعطشان آقا-جان آقا

ئورگیم یاسه گلوب
وادی احساسه گلوب
آدی یازدیرماق اوچون
لشکر عباسه گلوب
قانلی صلاته قربان-راه نجاته قربان
سینه سی یوز مین اوخلی-شاه فراته قربان
جان عباس-سنه قربان عباس-ساقی طفلان عباس-جان عباس

وئرخ آند اکبرینه
رحمت ائده نوکرینه
آدیمی ثبت ائلیه
کرببلا دفترینه
مدفنی ای شش گوشه-عاشقیوه وئر توشه
کرببلائی لر تک-بیز ده آلاخ آغوشه
کربلا-سنه جانلار فدا-بیر لقبی نینوا-کربلا

  • سه شنبه
  • 3
  • فروردین
  • 1400
  • ساعت
  • 14:10
  • نوشته شده توسط
  • یوسف اکبری
ادامه مطلب
 احمد پوریا

ورود ماه محرم -(باشلانوب عزا ای صاحب پرچم) * احمد پوریا

679

ورود ماه محرم -(باشلانوب عزا ای صاحب پرچم) باشلانوب عزا ای صاحب پرچم
گیمیشــــوخ قرا گلدی ماه ماتم
دردمنده دی گل مطب آچیلدی
دردیــــــوه دوا ایلـــر شهِ علقم
بو آیدا مهــــــدی باشینه قــــاره باغلار
اوخور حسینه نــــوحه و سیـــــنه داغلار
قوتارسا گوز یاش روضه دیوب قان آغلار
آغلاروخ یـلِ پُر احساسه
ساقـــــیِ تشنه لب عباسه
سسلنر عالم لبیک حسین، ابوالفضل
دنن دمـــادم لبیک حسین، ابوالفضل
گلوب محرم لبیک حسین، ابوالفضل

بزم یــاسه باخ گور نه با صفادی
صاحب عزا چوخ گوزل آقادی
جَنَّـتیــم حسیـــن نیلورم بهشتی
باغ جَنَّــــــتیم صحن کربلادی
آدیــــــوی مـــــولا سسلـنر اهل عالم
گوگده دوشوب سس گلدی مهِ محرم
قاره وی باغـــــلا آچیلدی قاره پرچم
آغلاروخ یلِ پُر احساسه
ساقیِ تشــــنه لب عباسه
سسلنر عالم لبــیک حسین، ابوالفضل
دنن دمادم لبـــیک حسین، ابوالفضل
گلوب محرم لبیک حسین، ابوالفضل

شاهیمیــز حسین ماهیمیز ابوالفضل
عشقیمیز حسین جاهیمیز ابوالفضل
فخریمــــیز بودور نوکروخ حسینه
قصدیمیــز حسین راهیمیز ابوالفضل
عشقیمیز عباس نهریده قولسوز یاتوب
اصغره خـــــاطر عالمی باشدان آتوب
ناز ایلیـــــوبدور سُووا مرامه چاتوب
آغلاروخ یلِ پُر احساسه
ساقیِ تشــــنه لب عباسه
سسلنر عالم لبیک حســین، ابوالفضل
دنن دمادم لبیک حســین، ابوالفضل
گلوب محرم لبیک حسین، ابوالفضل

ای شــــه ِ وفا احســــاسیوه قربان
ظلمـی دوغــــریان الماسیوه قربان
حیدره مَثَـــل ،باشدان باشا غیرت
شمری خار ایـــــدن عباسیوه قربان
یاراتدی محشــــر زاده ی ام البنیـن
اگمــــدی شمره باشینی سردار دین
تلیده دوردی جیردی امان نامه سین
آغلاروخ یلِ پُر احساسه
ساقیِ تشنــــه لب عباسه
سسلنر عالم لبیک حسـین، ابوالفضل
دنن دمادم لبیک حســین، ابوالفضل
گلوب محرم لبیک حسین، ابوالفضل

  • سه شنبه
  • 22
  • تیر
  • 1400
  • ساعت
  • 12:28
  • نوشته شده توسط
  • یوسف اکبری
ادامه مطلب
 احمد پوریا

ورود ماه محرم -(گینه باشلانوب بزم ماتم) * احمد پوریا

526

ورود ماه محرم -(گینه باشلانوب بزم ماتم) گینه باشلانــوب بزم ماتم
گلوب ماه شــــور و مُحرم
اَسور گویده بو قاره پَرچم
جهانی دوتوب غم
گل شیعه وُور سینه آغلا دنن یا حسین وای
قلبیوی بو غمده داغلا دنن یا حسین وای
دنن یا حسین وای

بو آی عاشقه جـان آییدور
نه جان بلکه جانان آییدور
محرمــــدی پیمــان آییدور
گلستان آییدور
بو آی نجه با صفا عطری وار چون گل یاس
گلدن گوزل عشقیمیز واردی چون عشق عباس
عشقیمدی عباس

محرمدی عشقون بقاسی
محرمدی دینون صفاسی
محرمدی دردیم دواسی
دوالر دواسی
یردن گویه قوزانوب یا حسین وای صداسی
سسلن گوزلدور گوزلدور حسین کربلاسی
حسین کربلاسی

محرمده یـــاس ساخلاروخ بیز
بو غمده اورک داغلاروخ بیز
حسین وای دیوب آغلاروخ بیز
عزا ساخلاروخ بیز
جانلار فدایا حسین جان سنون اکبریوه
عالم گدا سینن اوسته یاتان اصغریوه
گل پرپریوه

حسین امته رهنــمادی
حسین شیعه یه مقتدادی
حسین عشق خیرالنسادی
گل مرتضادی
بیز صدق دیلدن سنه یازدوخ آقا عریضه
سن جان زهرا و حیدر شفا ویر مریضه
شفا ویر مریضه

حسین قانینی یاره ویردی
جانین حَیِّ داداره ویردی
شرف درسین اخیاره ویردی
جانین یاره ویردی
ای سن گیده یولارا شیعه نون جانی قربان
عباس ویرن قولارا شیعه نون
جانی قربان
حسین عشق یزدان

حسین عشقیوه مبتلایم
سنه نوکرم (پوریایم)
گرفتار کــرب وبلایم
حسین بی نـــوایم
عاشقدی مولا سنه آسمان و زمینده
ویر تذکره هیئتی بیزلره اربعینده
گلاخ اربعینده

  • سه شنبه
  • 22
  • تیر
  • 1400
  • ساعت
  • 12:35
  • نوشته شده توسط
  • یوسف اکبری
ادامه مطلب
 محمدرضا صادقی

ورود ماه محرم -(گلدی ایام عزا) * محمدرضا صادقی

573
1

ورود ماه محرم -(گلدی ایام عزا) گلدی ایام عزا
باشلانوب شور و نوا
شیعه لر قاره گیوب
سسلوری ایوای آقا

عرشیده سسلر ملکلر یا حسین مظلوم
فرشیده یاندی اورکلر یا حسین مظلوم

آدم و حوا گلوب
مریم و سارا گلوب
باشینه قاره سالوب
حضرت زهرا گلوب

جنتی ترک ایلیوب طاها ئوزی گلدی
وای بالام وای اولدی مولانین سوزی گلدی

کربلاده غم گلر
آیلارا اولدوزلارا
قورخودان لرزه دوشر
اول وفالی قیزلارا

خیمه لرده العطش فریادی اوج ایلر
دیلده یا زهرا سسی عرشه عروج ایلر

سینه لر اولدی کباب
یاندی بیچاره رباب
اصغره سو تاپمادی
خانه سی اولدی خراب

چون ابالفضلی گلوبدور اکبره یاسه
شرمیدن دردین دئمز اول اشجع الناسع

کیم مریض اولسا سالار
باشینه شور و نوا
حضرت عباسیدن
دردینه آلسون دوا

کیم اورکدن صدقیلن دوتسا حسینه یاس
« صادقی » ایلر مداوا حضرت عباس

  • پنج شنبه
  • 7
  • مرداد
  • 1400
  • ساعت
  • 12:29
  • نوشته شده توسط
  • یوسف اکبری
ادامه مطلب
 محمدرضا صادقی

ورود ماه محرم -(گل ای امام زمان یتیشدی ماه عزا) * محمدرضا صادقی

898
1

ورود ماه محرم -(گل ای امام زمان یتیشدی ماه عزا) گل ای امام زمان یتیشدی ماه عزا
دوشوبدی نُه فلکله دوباره شور و نوا
باشلاندی مه ماتم
قاره پوش اولوب عالم
دولدی قلبیلره غم
اباصالح اباصالح (۲)

گل ای امام زمان حسینون ای بالاسی
دوباره شال عزا سالوب باشا آناسی
جنتده یانار آغلار
گوزیاشین یوزه باغلار
بو غمده سینه داغلار
اباصالح اباصالح 2

بو آیدا قوم عدو دوتار سو یوللارینی
سالار یره عموون یول اوسته قوللارینی
جسمیندن آخار القان
سو مشکین ائدر الوان
لب تشنه او وئرر جان
اباصالح اباصالح 2

سالار ربابی غمه گینه سوسوز بالالار
ال اوسته اوز بالاسی بالیق کیمی چابالار
سسلر ای گُل نالان
گل ائتمه بیله افغان
نیلوم یوخ سووا امکان
اباصالح اباصالح 2

  • جمعه
  • 8
  • مرداد
  • 1400
  • ساعت
  • 11:21
  • نوشته شده توسط
  • یوسف اکبری
ادامه مطلب
 محمدرضا صادقی

ورود ماه محرم -(یابن الحسن ای مه جبین) * محمدرضا صادقی

589

ورود ماه محرم -(یابن الحسن ای مه جبین) یابن الحسن ای مه جبین
ای سرور اهل یقین
گلدی محرم سنده گل
گوزلور سنی اهل زمین
یابن الحسن یابن الحسن ( 2 )

پیغمبره ای نور عین
یابن امیر المومنین
یر گوی هامی قاره گیوب
آغلور دییور ای وای حسین
یابن الحسن یابن الحسن ( 2 )

گلدی حسینون ماتمی
قلبیلره دولدی غمی
یر گوی دییورایوای آقام
گورنده قاره پرچمی
یابن الحسن یابن الحسن ( 2 )

گل باشه قاره باغلیاق
بو غمده سینه داغلیاق
گل سن اوزون روضه اوخی
باهم حسینه آغلیاق
یابن الحسن یابن الحسن ( 2 )

قاره علملر اسدی گل
صبری اورکدن کسدی گل
سن بول آنان زهرا ، آقا
بو هجره دوزمه بسدی گل
یابن الحسن یابن الحسن ( 2 )

سو یوللارین باغلار عدو
اللرده قالار بوش سبو
سوزِ عطشدن خیمه ده
قیزلار هامی سَسلَر عمو
یابن الحسن یابن الحسن ( 2 )

ای باشدا اکبر قاره سی
ای دلده اصغر یاره سی
سوز دوشسه قلبی یاندیرار
غارت اولان گهواره سی
یابن الحسن یابن الحسن ( 2 )

بو آیدا بیر طوفان اولار
دینون ایوی ویران اولار
عطشان بابان گودالیده
اوز قانینه غلطان اولار
یابن الحسن یابن الحسن ( 2 )

نهر اوسته عباسون غمی
اوج ایلَر عرشه ماتمی
سسلَر منی درک ائت اخا
گل آل الیمدن پرچمی
یابن الحسن یابن الحسن ( 2 )

ای فاطمه مهپاره سی
ای چوللرون آواره سی
« شیدا » یولون گوزلور سنون
گل چاره سیزلر چاره سی
یابن الحسن یابن الحسن ( 2 )

  • جمعه
  • 8
  • مرداد
  • 1400
  • ساعت
  • 12:26
  • نوشته شده توسط
  • یوسف اکبری
ادامه مطلب
حاج رسول امینیان امینی خویی

اعلان عزا -(گلدی محرم گینه قان آغلیرام) *حاج رسول امینیان امینی خویی

449

اعلان عزا -(گلدی محرم گینه قان آغلیرام) گلدی محرم گینه قان آغلیرام
گوزدن آخیر اشک روان آغلیرام
گاه علن گاه نهان آغلیرام
شاه شهیدانه عزا ساخلیرام
سرمد انسانه عزا ساخلیرام

ای شه خونین جگر ایوای حسین
وار سنه دنیاده مگر تای حسین
گون گونوز آغلار گجه لر آی حسین
شیعه اثنی عشر آغلار سنه
زاد و ولد بحر و بر آغلار سنه

لعن حق اعمال یزیده اولا
قالمور او قدری گل زهرا سولا
باش آچا زهرا قیزی زلفین یولا
ای شه عطشان حسین وای دیه
اصغر شش ماهیه لایلای دیه

کرب و بلانین چولی طوفانلی دی
لشگر کفار نه عصیانلی دی
کون و مکانین اورگی قانلی دی
ظلم لرین عالمه بولدوردیلر
زاده پیغمبری الدوردیلر

کوفه و شام اهلی وروب ال اله
سالدیلا زهرا بالاسین مقتله
گور نجه پیچیده اولوب مسئله
شمر دنی جنگ و جدل باشلادی
ظلم گیلیمین شقی آرغاشلادی

عدله جری اولدولا کفار اوگون
ال بیر اولوب اهل ستمکار اوگون
آی نجه اولوب مسئله دشوار اوگون
گون دولانیب اولدی قرا زینبه
گلمیش هامی دوتسین عزا زینبه

ماه محرم دی "امین" آغلا یان
ساخلا عزا باشه قرا باغلا یان
سینوی چاک ایله و یا داغلا یان
آغلا قوی آخر هامی قان آغلاسین
اهل جنان اهل جهان آغلاسین

  • شنبه
  • 23
  • مرداد
  • 1400
  • ساعت
  • 16:29
  • نوشته شده توسط
  • یوسف اکبری
ادامه مطلب

ورود ماه محرم -(ماه محرم اولدی عالم سراسر آغلار) *سعدی زمان سیدرضا حسینی

910

ورود ماه محرم -(ماه محرم اولدی عالم سراسر آغلار) ماه محرّم اولدی عالم سراسر آغلار
مظلوم ئولن حسینه جَدّی پیمبر آغلار

گلزار دینِ اسلام اولدی خزان بو آیدا
آغلار اودور سراسر اسلامیان بو آیدا
آچسا شکوفه گولسه هر گلستان بو آیدا
دنیا بویون جا جُورِ خاریله گُل لر آغلار

بو آی خزان اولوب دور دشت بلاده بیر گل
آغلار گُله باخاندا صَحن چَمنده بلبل
گُل یوزلی اکبر اُلدی، نه گُل داخی نه سُنبل
شبنم دی اشکِ بلبل گُلشن سراسر آغلار

بو آیدا یاسه باتدی اَفلاک و مِهر و ماهی
دشتِ عراقی ایتدی منزل حِجاز شاهی
جور مخالفی له گیتدی جَلال و جاهی
تا وار جهان، بو آیدا گویده مَلک لر آغلار

قاسم بویاندی قانه، عُونیله جَعفر اُلدی
آئینهء پیمبر شَهزاده اکبر اُلدی
لیلانی ایتدی مَجنُون اُول ماه منظر اُلدی
وار ایمدیده گمانیم لیلانی مُضطر آغلار

شیرِ خدایه وارث عبّاسِ سرو قامت
بو آی بلا چولینده گوستردی بیر شُجاعت
گورمز اونون نظیرین بیر کیمسه تا قیامت
صَد حیف الی کسیلدی، بو غمده حیدر آغلار

بیر قانلی پرچم یله بیر اوخلانان سو مَشکی
بیر خدمت ایتدی دینه ادیانین اولدی رَشکی
قانیله قاتدی سقّا آغلار گوزی له اشکی
اُمّ البنین اوغول وای جَنّتده سسلر آغلار

بیر سوداَمر بو آیدا قالدی زِ بس که عطشان
پستان یرینه اَمدی ظلمیله نُوک پیکان
عرض ایلسِم سَزادور آغلار گوریله هر آن
لای لای دیر بالایه بیچاره مادر آغلار

بیر عِدّه دینه یاغی آدین قویان مسلمان
دشت بلاده ایتدی جُور و جَفاده طُغیان
قرآن ناطق اوغلون اُلدوردولر لب عَطشان
قرآنیان حسین وای دللّرده ازبَر آغلار

بو سهل دور که اعدا باغلوب رَه فراتی
یاندوردی اهل کوفه خرگاهِ طاهراتی
قالدی یانار اود ایچره پیغمبرین بناتی
بو ظلمی یاد ایدنده زَهرای اَطهر آغلار

عَصرین امامی گلموب تا آلمیوب بو قانی
بو مُحنت آغلادور قان سُکّان آسمانی
بس دور دایان (حسینی) قورتار بو ماجَرانی
خامه یانار سیزیلدار، یازدوق جا دَفتَر آغلار

  • چهارشنبه
  • 17
  • شهریور
  • 1400
  • ساعت
  • 14:36
  • نوشته شده توسط
  • یوسف اکبری
ادامه مطلب

ورود محرم -(یابن الحسن گل آقا باشلانوب آه و فغان ) * رضا ماه پری زنجانی

290
2

ورود محرم -(یابن الحسن گل آقا باشلانوب آه و فغان ) درسبک:#میگذرد_کاروان
_______________________________
یابن الحسن گل آقا باشلانوب آه و فغان

قولسوز علمداریدن نوحه دیور نوحه خوان
واردی هر یرده آه و فغان
لبیک یا صاحب الزمان
جان یا مهدی جان یا مهدی
_______________________________
گل سنه قربان اولوم شرح ایله سن بو سوزی
ساغ گوزونه اوخ دگوب قانیله دولدی گوزوی

شهلا گوزلر اولدی لخته قان
لبیک یا صاحب الزمان
جان یا مهدی جان یا مهدی
_______________________________
صاق و صولون آلدیلار قولارینی سالدیلار
سو یولونی گوزلین قیزلار عطش قالدیلار
خیمدن قوزاندی الامان
لبیک یا صاحب الزمان
جان یا مهدی جان یا مهدی
_______________________________
دوشدی آت اوستن یره سینه لری داغلادی
آلدی حسین تا سسین خیمده قان آغلادی

سسلندی یاتما دور قهرمان
لبیک یا صاحب الزمان
جان یا مهدی جان یا مهدی
_______________________________

  • شنبه
  • 17
  • تیر
  • 1402
  • ساعت
  • 17:20
  • نوشته شده توسط
  • یوسف اکبری
ادامه مطلب
 امین اسماعیل زاده ماکوئی

ورود ماه محرم -(ئورکلره دوشوبدی محرمین هواسی) * امین اسماعیل زاده ماکوئی

369

ورود ماه محرم -(ئورکلره دوشوبدی محرمین هواسی) ئـــورکلره دوشوبـــدی،محـرمیـن هـواسـی
گئنه دوتوبدی شهری،حسین حسین صداسی
عاشقین شیدا باشیندا – یاحسین شورین دوشوبدی
بو دلِ بیمار و زاره – تازه دن نورین دوشوبدی
ای شه خوبان حسین جان***جان سنه قربان حسین جان
یاحسین جان،یا حسین جان***دردیمه درمان حسین جان

یئتیبدی باشه یا رب،بیر ایللیک انتظاریم
خزانِ دل کوتاردی،چیچکلنیب بهاریم
بو فصل ماتمون من،صبادن عطرین آلدیم
قاپوندا گئچدی عومروم،بیر ایل گئنه قوجالدیم
جمعیدور بو کوی عشقه – جمله ی درد آشنالر
بی نوالر،مبتلا لر - عاشقانِ کربلا لر
ای شه خوبان حسین جان***جان سنه قربان حسین جان
یاحسین جان،یا حسین جان***دردیمه درمان حسین جان

هوا هوای عشق و،محبت و وفادی
مطاعی سات کی ای دل،بساط کربلادی
بهشین ایچره زهرا،آچوبدی قاره پرچم
ملائکان جنت،دوتوب حسینه ماتم
باده ی محنت دوباره – ساغر عشقه سوزولدی
آسمان کربلایه – غملی اولدوزلار دوزولدی
ای شه خوبان حسین جان***جان سنه قربان حسین جان
یاحسین جان،یا حسین جان***دردیمه درمان حسین جان

مین اشتیاق و شوره،گلوبدی غملی سینم
قرام گییندی عالم،که باشلانیب محرم
گلوبدی رو سیاهون،بو توبه گاه عشقه
واریمدی احتیاجیم،آقا نگاه عشقه
چاره می ئوزدوم دوادن – ای بیمارون طبیبی
بو غلامون کربلانون – خاکینی اِیله نسیبی
ای شه خوبان حسین جان***جان سنه قربان حسین جان
یاحسین جان،یا حسین جان***دردیمه درمان حسین جان

  • چهارشنبه
  • 4
  • فروردین
  • 1400
  • ساعت
  • 21:46
  • نوشته شده توسط
  • یوسف اکبری
ادامه مطلب
 ولی الله کلامی زنجانی

ورود ماه محرم -(گینه یاران داشدی بحر بلا) * ولی الله کلامی زنجانی

794

ورود ماه محرم -(گینه یاران داشدی بحر بلا) گینه یاران داشدی بحربلا
شاه کربوْبلا،یاسی باشلاندی
خانم زهرا، سالدی باشه قارا
سیّدالشهدا، یاسی باشلاندی
محرّم گلدی، قارا گلدی
یئره گؤیلردن صدا گلدی

چکوب قاره، آسمانه فلک
ساکنان فلک، نوحه خوان اولدی
سماواته، ناله سالدی طنین
قلبی فاطمه‌نین، لخته قان اولدی
بوماتمده، یاندی قلب نبی
نازدانه‌سی بی آشیان اولدی
آچوب باشون،یکسر اهل سما
خمسة‌النّجبا،یاسی باشلاندی

معابرده، صف چکنلره باخ
سینه‌زنلره باخ، سینه داغلولّار
دوشوب شیعه،بحردردوْغمه
مسجده علمه، قارا باغلولّار
سالوب یاده،فاطمه بالاسون
قلبینین یاراسون،باهم آغلولّار
دئیورزهرا،جان یارالی بالا
شاه مُلک ولاء،یاسی باشلاندی

وورور باشه،عاشقان علی
شیعیان علی،بومصیبتده
علی سسلیر،سیندی بال وْپریم
اوْدلانوب جیگریم،بادمحنتده
چخوب عرشه،سوزآه حسین
خیمه‌گاه حسین،یاندی غارتده
امان ای دل،ائیله آه وْنوا
چون ولیّ خدا،یاسی باشلاندی

بوآیدا هر،کیم نوایه گله
آه و وایه گله،خواروْزار اوْلماز
قیامتده، اعتباره چاتار
افتخاره چاتار،اشگبار اوْلماز
ئؤلن وقته،ساغ سوْلا دوْلانوب
نارهجره یانوب، انتظاراوْلماز
گؤزوم آغلا،یاری ایله رضا
چون شفیع جزا،یاسی باشلاندی

بوگؤز یاشی،متّصل النور
گؤزده جلو‌لنور،شام عاشورا
گلور یاده،غصّه خاطره‌سی
خیمه منظره‌سی،قوْرخو صحراسی
رباب آغلور،گؤزده خون جگر
ضعف ائدوب سودامر،آه وْ واویلا
دییورآلله،جان وئروربوبالا
قالدی حالدان حالا،یاسی باشلاندی

گئجه گئچدی،اسدی بادخزان
مادرنگران،گلدی افغانه
آچوب بیرده،ماه پاره‌سینی
شیرخواره‌سینی،وئردی سلطانه
اوْغول گیتدی،شوق وصلتیله
تیرمحنتیله،باتدی القانه
کماندان اوْخ،آتدی حرمله تا
طفل ماه لقا،یاسی باشلاندی

حسین آلدی، باغرینا بالانی
آتدی عرشه قانی،گؤیلرآغلاشدی
ائدوب تأثیر،عرشیانه غمی
خیمه‌ده حرم حیدرآغلاشدی
دئدی لایلای، ای یارالی بالا
سس چکوب اوْ حالا،لشگرآغلاشدی
آتاسندان،قوْوزانوب بوندا
بانگ واولدا،یاسی باشلاندی
یا حسین مظلوم

ال اوز قانلو،گلدی خیمه‌لره
تا ربابه وئره،اوْخلی قربانی
خانم زینب،چخدی تئز قاباغا
عرض ائدیبدی آقا،پوْزمازهرانی
حسین قلبیم، سن کباب ائلمه
گؤز یاشن المه،سن آنام جانی
دئیوم گئیسون،بس قاراسین آنا
اوْغلی باتدی قانا،یاسی باشلاندی

  • پنج شنبه
  • 6
  • خرداد
  • 1400
  • ساعت
  • 12:27
  • نوشته شده توسط
  • یوسف اکبری
ادامه مطلب
میرزا حسین کریمی مراغه ای

ورود ماه محرم -(گئنه يالقوز امامون یاسی گلدي) *میرزا حسین کریمی مراغه ای

439

ورود ماه محرم -(گئنه يالقوز امامون یاسی گلدي) گئنه يالقوز امامون یاسی گلدي
حسينون یوم عاشورا سی گلدي

آچيلدي تکیه لرده قاره پرچم
قورولدي هر طرفده بزم ماتم
طلوع ائتميش مگر ماه محرم
دمادم موجه غم درياسي گلدي

حسینی لر گيوب ماتم لباسی
عروسين قانه دوندی طوي حناسي
جوانلار گئديلر اکبر قراسي
قولاقه لیلی واويلاسي گلدي

بو آیدا سو بهاسين قان يازوبلار
کتاب ظلمه چوخ عنوان يازوبلار
امامون قتلنه فرمان يازوبلار
حسينون قتلنون فتواسي گلدي

بو آیدا اوخلانوب شش ماهه اصغر
بو آیدا دوغرانوب شهزاده اکبر
ملک لر سسلدي الله اکبر
اوديکه ياننه ليلاسي گلدي

بو آیدا يخديلار عباسی آتدان
وئروب بير جوت قولون بير مشگه قربان
ديردي یول وئرون ای قوم عدوان
حسينون تشنه لب سقاسي گلدي

قويوبلار قاسمه بير طوي بناسين
سريه ايسلادوب قاندان حناسين
بيچوب خنجر تيکوب اوخ طوي لباسين
عروسين محنت عظماسي گلدي

حسین جان اوسته دی آلقان ايچينده
وجودی گيزلنوب پیکان ايچينده
گورنده زینبی عدوان ايچينده
حزين صوتيله وا اُختاسي گلدي

نجفدن باش آچوخ ساقی کوثر
بهشت عدندن جدی پیمبر
بقيعدن مجتبی زار و مکدر
الينده ساچلاري زهراسي گلدي

قوشوندان آيريلوب شمر ستمگر
نه ظلم ائتدي آچوب باشین پیمبر
جدادن سس گلوب الله اکبر
بنات حيدرين غوغاسي گلدي

اسوبدي قاره يللر گون دوتولدي
حسین قتله يتشدي ایش قوتولدي
ئولوبدور باغبان گلشن پوزولدي
اسارت طرحنون طغراسي گلدي

"کريمي" مسئلت ايلر خدادن
اميدين کسمه سین آل عبادن
گئدنده قبره بو دار فنادن
گوره بالينينه مولاسي گلدي

  • یکشنبه
  • 9
  • خرداد
  • 1400
  • ساعت
  • 21:00
  • نوشته شده توسط
  • یوسف اکبری
ادامه مطلب
 رحیم سلمانزاده

ورود ماه محرم -(باشلانور ماه عزای سرور و سالار عشق) * رحیم سلمانزاده

538

ورود ماه محرم -(باشلانور ماه عزای سرور و سالار عشق) باشلانور ماه عزای سرور و سالار عشق
باشلانور ماه عزای دلبر و دلدار عشق
باشلانور ماه عزای نقطه پرگار عشق

باشلانور ماه محرم ماه اندوه والم
ماه عشق و ماه ماتم ماه درد و ماه غم

باشلانور ماه عزای زاده زهرا حسین
باشلانور ماه عزای سید بطحا حسین
باشلانور ماه عزای شافع عقبا حسین

باشلانور ماه محرم محنتی اولسون رقم
نصب اولوب هر کوچه و بازاریده قاره علم

هر یره قاره چکوبلر عاشقان کربلا
کوی و هر برزنده دایردی گنه بزم عزا
شیعه لر عشقیله مجلسلرده ایلولر نوا

نیت پاکیله با هم سسلنولر یا حسین
بزم ماتمده دمادم سسلنولر یا حسین

بزم ماتم بزم عشق و بزم ایمان و وفا
بزم ماتم مکتب احیاگر دین خدا
بزم ماتم قبله گاه راهیان کربلا

بزم ماتم محفل فرزند شاه عالمین
بزم ماتم یعنی دانشگاه عشاق حسین

بزم عشاقه گلن قرآن و دیندن درس آلار
عشقیده ایمانیده اهل یقیندن درس آلار
یعنی اینکه حضرت مولا حسیندن درس آلار

شاه دیندن درس آلان دنیا بویی عزت تاپار
دهریده عزت تاپار کیم حشریدن جنت تاپار

پیرو شاه شهیدان نقض پیمان ایلمز
هر یره قویماز قدم عمرونده عصیان ایلمز
خانه عقباسینی عالمده ویران ایلمز

هر قدر عمر ایلسه شوقیله همت ایلیر
دین حق پاینده قالسین دینه خدمت ایلیر

پیرو شاه شهیدان متقی انسان اولار
اولسا تقواسی یقیناً لایق جانان اولار
لایق جانان اولار کیم گون کیمین رخشان اولار

مکتب عشاقیده اربابیدن الهام آلار
ساقی میخانه عشقین الیندن جام آلار

اهل ایمان درهم و دیناره ساتماز دینینی
خوار و زار ایلر جهاندا دشمن دینینی
هر زمان و هر مکان دا حفظ حفظ ائدر آیینینی

لازم اولسا دینه خاطر باش و جانیندن کیچر
حضرت اربابی تک تازه جوانیندن کیچر

کربلاده دینه خاطر اکبرین وئردی حسین
قاسم مه پیکرین هم اصغرین وئردی حسین
یار و انصارین وئروب سرلشکرین وئردی حسین

قالدی بیکس نینواده دوشدی قانلی مقتله
قویمادی دشمنلرین مقصودی تا گلسین اله

دوشدی گوداله دئدی قلبیمده وار تاب و تبیم
بنده ناچیزیم یارب یوخ آیری منصبیم
جان دوداقیمدن چیخینجان ذکر ائدر عطشان لبیم

یا غفور یا رحیم یا حمید و یا مجید
دینی زنده ساخلاماقدان اوتری من اولام شهید

یار و انصاریم سنوندی دوغرانان اکبر سنون
قاسمیم یارب سنوندی اوخلانان اصغر سنون
ظلمیلن قولاری تندن آیریلان افسر سنون

قان ایچینده رزمگهده غرق اولان پیکر سنون
خالقیم سن سن اللهی ماخلق یکسر سنون

دشمن غدار الیندن ذرجه یوخ ایمنیم
جسمیمه یاره ووروبدور بسکه یارب دشمنیم
قالمیوب تاب و توانیم جسم و جانیمده منیم

(سالک) راه حقیقت حالیمه قان آغلیار
گوز یاشین جاری ائدر رخساره سینه داغلیار

  • یکشنبه
  • 23
  • خرداد
  • 1400
  • ساعت
  • 19:13
  • نوشته شده توسط
  • یوسف اکبری
ادامه مطلب
راهنمای علائم موجود در فهرست:
عدد کنار این علامت نشانگر تعداد کاربرانی ست که این مطلب را پسندیده و به دفترچه شعر خود افزوده اند
عدد کنار این علائم نشانگر میزان محبوبیت شعر یا سبک از نظر کاربران می باشد
اشعار ویژه در سایت برای کاربران قابل دسترس نیست و فقط از طریق خرید اپلیکیشن مورد نظر این اشعار در داخل اپلیکیشن اندرویدی قابل رویت خواهند بود
این علامت نشانگر تعداد کلیک یا بازدید این مطلب توسط کاربران در سایت یا اپلیکیشن می باشد