انواع اشعار حضرت رباب (س)

مرتب سازی براساس
 ابوالفضل عباسی معروفان

متن شعر ترکی زبانحال حضرت رباب (س) -(گوز آچ منیم نگار نازیم ) * ابوالفضل عباسی معروفان

1701
2

متن شعر ترکی زبانحال حضرت رباب (س)  -(گوز آچ منیم نگار نازیم ) اصغر
گوز آچ منیم نگار نازیم
دور ای شهید سرفرازیم
عطش قرارین آلمیشیدی
سنه سه شعبه اوخ نه لازم
.
.
لایلای
ستاره مثلی تئز باتوبسان
اوغول مرادووه چاتوبسان
سه شعبه اوخ چالوبدی لایلای
گوزون یوموب بئله یاتوبسان
.
.
عطشان
سووا گئدوب عطش گلوبسن
یات ای یارالی دینجلوبسن
بوغازوه دگن زمان اوخ
بیبون دیور اوخا گولوبسن
.
.
سن سیز
دوزنمرم ئورکده یاره
تاپانمارام بو درده چاره
بالام گئدوب قالوب نشانه
منه بو خالی گاهواره
.
.
اوغلوم
ئورک غمونده داغلادیم من
سوا گئدنده آغلادیم من
خجالتم منی باغیشلا
الون قماطه باغلادیم من
.
.

  • سه شنبه
  • 8
  • مرداد
  • 1398
  • ساعت
  • 11:38
  • نوشته شده توسط
  • ابوالفضل عابدی پور
ادامه مطلب
فروشگاه پرچم

زبانحال حضرت رباب(س) -(حقلی ام من علی شیون دل آفاقه سالام) *مرحوم انور اردبیلی

858
1

زبانحال حضرت رباب(س) -(حقلی ام من علی شیون دل آفاقه سالام) حقلی ام من علی شیون دل آفاقه سالام
کوینگون گلمدی داغلو ئورگیم اوسته آلام
آی منیم سینه گلوم آی منیم ایستکلی بالام
بیلمورم هاردا سنی رام ایلیوب خواب اجل
کوسموسن مندن اگر عمه وون آغوشینه گل

کاش بیر آغلیاسان یا ائده سن زمزمه سن
قتلگهده ویره سن سس بو اسیر غمه سن
آلام آغوشه دولی دوشلریمی بیر امه سن
دگل انصاف علی مقصدوه چاتمیاسان
دوشلریمده صود اولا سن صود اموب یاتمیاسان

قاره گون اولسون علی تیر و کمان استادی
او که ایجاد ایلدی اسلحه ى بیدادی
زهریله ایلدی سیراب سه پر فولادی
بیلمدی حرمله وار سنکیمی دیلسیز بالا وار
دگسه نازک بوغازا باشی بدندن آرالار

قلب اودون ائتموری خاموش منیم آغلاماقیم
غصه می یا که آزالتماز بو ئورک داغلاماقیم
منه چوخ نسگل اولوب اللریوی باغلاماقیم
راضیم سن منی خدمت ده گلوب ساخلیاسان
اختیارونده قویام سینه می دیرناقلیاسان

  • سه شنبه
  • 2
  • شهریور
  • 1400
  • ساعت
  • 14:23
  • نوشته شده توسط
  • یوسف اکبری
ادامه مطلب
 سید تقی سیفی اردبیلی

زبانحال حضرت رباب(س) در شهادت علی اصغر(ع) -(اصغر ای بختیمون اولدوزی دوشدون سحابه) * سید تقی سیفی اردبیلی

627

زبانحال حضرت رباب(س) در شهادت علی اصغر(ع) -(اصغر ای بختیمون اولدوزی دوشدون سحابه) اصغر ای بختیمین اولدوزی دوشدون سحابه
قالدی درناق یری سینه ده نسگل ربابه

هجرونده یانام دل داغلارام من
اللر دوشومده قان آغلارام من

آلتی آی داغ کیمی دردوه دوزدوم دایاندیم
آغلادون هر زمان باشوه دوردوم دولاندیم
نه سو اولدی نه صود من سنه باخدیم اوتاندیم
اود وروب قلبیمی غصه دوندردی کبابه

گون غروبه یتوب نیر تابان باتاندا
من باساردیم سنی باغریما ائللر یاتاندا
اینجیدردون منی سینمه درناق آتاندا
سن ملر من ملر هی دوشردوک پیچ و تابه

اوخشیوب لبلرون گوزلرون دردون آلاردیم
گل دیوب دیندیریب لای لای چالاردیم
هی بوزردون دوداقلاروی حیران قالاردیم
قلبیمی محنتون ایدردی التهابه

سن باخاردون منه من سنه زارو پریشان
دردوی آندرار دون ولی اولمازدی درمان
کپریگون اوخ کیمی سینمی ایلردی شان شان
یالوارار دی آنون خالق مالک رقابه

تشنه لیکدن آخاردی اوغول اوغول قان تز یوزوندن
ضعف ایدردی سنی دمبدم مدهوش ئوزوندن
منده ناچار ئوپردیم علی تز تز گوزوندن
هی دیردیم گلوم جیرانیم دوز رنج آبه

هرنه جهد ایلدوم گلمدی دردون دوایه
یوز قویوب تپراقا باشلادیم ذکرو دعایه
جور اشراریدن ایلدوم حقه گلایه
رحم ایله ربنا سویلدوم بیکس ربابه

ایستدی سروریم رهبریم گیتسون جهاده
شوق میدانیلن سنده اولدون پر گشاده
گتمگون گلدی اول منه آسان و ساده
بیلمدیم سو دونر سن گیدن یرده سرابه

یوخدی گوردوم الیمده منیم نه آب و دانه
چرپنوب قوش کیمی دمبدم گلدون فغانه
ساخلیام من سنی تاپمادوم نیلوم بهانه
باغلادیم قونداقون دوشلگون امر ثوابه

شیشه ی قلبیمه داش دگوب داشلار دالینجا
یاره قوشدوم سنی شوقیله قوچلار دالینجا
یوللا دیم عرصیه آلتی قارداشلار دالینجا
قان ویرم منده ایثاریلن نخل کتابه

سنده شورو مواساتیله جان ترکین ایتدون
آلدی آغوشه سلطان سنی مقصوده یتدون
نسکلیم وار اوغول سنگره قول باغلی گیتدون
غوطه ور ایتدی هجرون ربابی اشک نابه

پیک جانان گتوردی خبر کامه چاتوپسان
قوش کیمی صید اولوب سربسر قانه باتوبسان
یاخچی لایلای چالوب اوچ پر اوخ راحت یاتوبسان
حنجروندن آخوب سو کیمی قانون ترابه

غنچه تک صر صر ظلمیلن دوشدون خزانه
وای اولا اصغریم بر بیله دور زمانه
قانلی قونداق گلوب اوستومه سندن نشانه
گل اوغول اولمشام گور نجه خانه خرابه

جور اعدا ربابی اوغولسوز لاره قوشدی
هر نه جانان رضاسی اولا دلداره خوشدی
وار داغون قلبیده ئوز یرون سینمده بوشدی
زحمت آرتور ما گل رهبر عالی جنابه

اوچ پر اوخ سالدی اصغر سنی تاب و تبوندن
کربلا آبرو تاپدی خون اطیبوندن
برده گل سینمه قوی ئوپوم لعل لبوندن
اولسون آغشته جسمیم علی بوی گلابه

اصغر ای بختیمین اولدوزی دوشدون سحابه
قالدی درناق یری سینه ده نسگل ربابه

هجرونده یانام دل داغلارام من
اللر دوشومده قان آغلارام من

آلتی آی داغ کیمی دردوه دوزدوم دایاندیم
آغلادون هر زمان باشوه دوردوم دولاندیم
نه سو اولدی نه صود من سنه باخدیم اوتاندیم
اود وروب قلبیمی غصه دوندردی کبابه

گون غروبه یتوب نیر تابان باتاندا
من باساردیم سنی باغریما ائللر یاتاندا
اینجیدردون منی سینمه درناق آتاندا
سن ملر من ملر هی دوشردوک پیچ و تابه

اوخشیوب لبلرون گوزلرون دردون آلاردیم
گل دیوب دیندیریب لای لای چالاردیم
هی بوزردون دوداقلاروی حیران قالاردیم
قلبیمی محنتون ایدردی التهابه

سن باخاردون منه من سنه زارو پریشان
دردوی آندرار دون ولی اولمازدی درمان
کپریگون اوخ کیمی سینمی ایلردی شان شان
یالوارار دی آنون خالق مالک رقابه

تشنه لیکدن آخاردی اوغول اوغول قان تز یوزوندن
ضعف ایدردی سنی دمبدم مدهوش ئوزوندن
منده ناچار ئوپردیم علی تز تز گوزوندن
هی دیردیم گلوم جیرانیم دوز رنج آبه

هرنه جهد ایلدوم گلمدی دردون دوایه
یوز قویوب تپراقا باشلادیم ذکرو دعایه
جور اشراریدن ایلدوم حقه گلایه
رحم ایله ربنا سویلدوم بیکس ربابه

ایستدی سروریم رهبریم گیتسون جهاده
شوق میدانیلن سنده اولدون پر گشاده
گتمگون گلدی اول منه آسان و ساده
بیلمدیم سو دونر سن گیدن یرده سرابه

یوخدی گوردوم الیمده منیم نه آب و دانه
چرپنوب قوش کیمی دمبدم گلدون فغانه
ساخلیام من سنی تاپمادوم نیلوم بهانه
باغلادیم قونداقون دوشلگون امر ثوابه

شیشه ی قلبیمه داش دگوب داشلار دالینجا
یاره قوشدوم سنی شوقیله قوچلار دالینجا
یوللا دیم عرصیه آلتی قارداشلار دالینجا
قان ویرم منده ایثاریلن نخل کتابه

سنده شورو مواساتیله جان ترکین ایتدون
آلدی آغوشه سلطان سنی مقصوده یتدون
نسکلیم وار اوغول سنگره قول باغلی گیتدون
غوطه ور ایتدی هجرون ربابی اشک نابه

پیک جانان گتوردی خبر کامه چاتوپسان
قوش کیمی صید اولوب سربسر قانه باتوبسان
یاخچی لایلای چالوب اوچ پر اوخ راحت یاتوبسان
حنجروندن آخوب سو کیمی قانون ترابه

غنچه تک صر صر ظلمیلن دوشدون خزانه
وای اولا اصغریم بر بیله دور زمانه
قانلی قونداق گلوب اوستومه سندن نشانه
گل اوغول اولمشام گور نجه خانه خرابه

جور اعدا ربابی اوغولسوز لاره قوشدی
هر نه جانان رضاسی اولا دلداره خوشدی
وار داغون قلبیده ئوز یرون سینمده بوشدی
زحمت آرتور ما گل رهبر عالی جنابه

اوچ پر اوخ سالدی اصغر سنی تاب و تبوندن
کربلا آبرو تاپدی خون اطیبوندن
برده گل سینمه قوی ئوپوم لعل لبوندن
اولسون آغشته جسمیم علی بوی گلابه

  • جمعه
  • 30
  • آبان
  • 1399
  • ساعت
  • 19:51
  • نوشته شده توسط
  • یوسف اکبری
ادامه مطلب
 مهدی عبادی(بیکس)

زبانحال حضرت رباب(س) -(آغلاما ای‌‌ شیرخواره) * مهدی عبادی(بیکس)

604

زبانحال حضرت رباب(س) -(آغلاما ای‌‌ شیرخواره) آغلاما ای‌‌ شیرخواره
قلبیمه سالما شراره
آز سیزیلدا ای امیدیم
رحم ایله بو بیقراره

بیچاره آنان گور نجه آواره اولوبدی
دیرناقلاریوین یرلری سینمده قالوبدی

علی........لایلای بالام یات

کاش اوغول گوللر سولیدی
یا فراتی قان اولیدی
سن بو حاله دوشمییدون
بو آنان ایکاش ئولیدی

آز ناله ایله قلبیمی قان ایلمه اوغلوم
خون دلیمی‌ بیله روان ایلمه اوغلوم

قلب‌ زاری داغلارام من
حالوه چوخ آغلارام من
نیلیوم یوخدور علاجیم
الّریوی باغلارام من

من تک گوزونون یاشینی قانه قاتان اولماز
حالوه یانان چوخدی منیم تک یانان اولماز

من اوغول چوخ بیقرارم
محنت و درده دچارم
آند اولا اکبر جانینا
یوخدی چارم یوخدی چارم

اوچگوندی عطشدن یانیسان بسدی اوغول یات
منده سوسوزام باور ایله آز منی آغلات

کاش اوغول بیر‌ دم یاتیدون
بلکه آرامه چاتیدون
سن باشوندان بو سو فکرین
بیر دقیقه کاش آتیدون

باشدان بو سو فکرین گر اوغول سن آتابولسن
شاید عطشوندن آزالا سن یاتابولسن

گلشن عمروم تالاندی
سینمه غملر قالاندی
بیر کَسه گلمور گمانیم
قلب زاریم پارچالاندی

ا... بولوری سودامریم غم‌زدیم من
قویموری حیا دردیوی عباسه دیَم من

یاحسین غرق گناهم
*بیکَسم* چوخ رو سیاهم
سود‌امر سربازه خاطر
قیل کرم من بی پناهم

بو خیردا اوشاقدان آلارام چوخلی نتایج
هردم کی اورکدن دیرم باب الحوائج

  • جمعه
  • 22
  • اسفند
  • 1399
  • ساعت
  • 21:37
  • نوشته شده توسط
  • یوسف اکبری
ادامه مطلب
 مهدی عبادی(بیکس)

زبانحال حضرت رباب(س) بعد از شهادت شیرخواره -(ربابم دوشوب درده یاندیم) * مهدی عبادی(بیکس)

929
1

زبانحال حضرت رباب(س) بعد از شهادت شیرخواره -(ربابم دوشوب درده یاندیم) ربابم دوشوب درده یاندیم
بلایه سالیبدی زمانه
بالامین بوغازین ایدوبلر
خدنگه نشانه

اوچگون عطشدن بالام یاندی الله دایاندیم
سو آختاریب بو خیامی گزوب هی دولاندیم
سو اولمادی یاندیم آخر بالامدان اوتاندیم
اوگون من جفادن اوساندیم

ایوای یارالی بالام وای بالام وای3
یارالی بالام وای

جفائیله بو قان توکن لر
سویون یوللارین باغلامیشدی
سسی چخمادی جان ویرنده
زبس آغلامیشدی

سوفکرینه من بالامی امامه ویرنده
سیراب ایدر من ددیم لشگر کین گورنده
دیسگیندیم امّابوغازین سه پر اوخ بولَنده
سارالدی گولوم بو چمنده

ایوای یارالی بالام وای بالام وای3
یارالی بالام وای

آناندان اوغول کوسموسن گَل
باریش دیلده رفع ملال ایت
گذشت ایله چاره یوخیدی
آناوی حلال ایت

دشمن بو چولده بیزی ایلیبدور احاطه
یالواردی عصرین امامی بو قوم عُصاته
عفو ایله باغلادیم اصغر الیوی قماطه
واریمدی گلایه فراته

ایوای یارالی بالام وای بالام وای3
یارالی بالام وای

نچه آی بو چوللرده اولدون
منه همدم ای شیرخوارم
بو اوچگون کیمی یانمامیشدیم
کسیلمیشدی چارم

نه سو نه صود واریدی منده ای گلعذاریم
اوددوتدی یاندی بوغمدن اوغول قلب زاریم
ایکاش اوغول دوشمییدی عراقه گذاریم

دوشوبدی نوادن هَزاریم

ایوای یارالی بالام وای بالام وای3
یارالی بالام وای

سنون عشقون ای نور دیده
سالوب چوللره بو ربابی
نه تز دویدون آخر آناندان
آخور اشک نابی

بیکَس ربابی سالیبلار علی مین عذابه
قانه دونن قلبیمی سالدیلار پیچ و تابه
الله بولور نسگلون نیلیر بو ربابه
سرشکیم دونوبدی گلابه

ایوای یارالی بالام وای بالام وای3
یارالی بالام وای

  • جمعه
  • 22
  • اسفند
  • 1399
  • ساعت
  • 21:45
  • نوشته شده توسط
  • یوسف اکبری
ادامه مطلب

متن شعر ترکی زبانحال حضرت رباب (س) -(علی بالام آغلاما چوخ-یاندروب منی یاخما ) * ایوب روزبه بخشایش

2963
1

متن شعر ترکی زبانحال حضرت رباب (س)  -(علی بالام آغلاما چوخ-یاندروب منی یاخما ) علی بالام آغلاما چوخ-یاندروب منی یاخما
یوخومدی سینمده سوتوم-حسرتیله سن باخما
لای لای اصغریم لای لای(4)
.
.
.
باخاندا سن حسرتیله -من دوزنمورم اصغر
بوباخماقون علی بالام-قلبیمی کباب ایلر
تحمل ایله صبحه جک -تاگوراخ عمون نیلر
صودوم یوخومدی سینه ده-لای لای اصغریم لای لای
لای لای اصغریم لای لای(4)
.
.
.
بوقدری سن آغلاما یات-آغلاسان آنان آغلار
سینه می گل ایتمه خراش-یاره سینه می داغلار
اوزولدی دای چارم علی -اللرون آنان باغلار
سینه می گور نیله موسن-لای لای اصغریم لای لای
لای لای اصغریم لای لای(4)
.
.
.
ئورکده آرزیم واریدی من گورم دیل آچماقون
قباقیمده اوغول علی- یول گئدنده قاچماقون
خوش اولاردی بوآناوا-جا

  • دوشنبه
  • 7
  • مرداد
  • 1398
  • ساعت
  • 13:32
  • نوشته شده توسط
  • ابوالفضل عابدی پور
ادامه مطلب

متن شعر ترکی زبانحال حضرت رباب در شب عاشورا در عطش حضرت علی اصغر (ع) -(اوغول علی آغلاما یات ) *مرحوم عبدالعظيم ذهني زاده

5853
2

متن شعر ترکی زبانحال حضرت رباب در شب عاشورا در عطش حضرت علی اصغر (ع)  -(اوغول علی آغلاما یات ) سبک ها
سبک تبریز : سن آغلوسان من دؤزنمورم...
سبک اردبیل : خداحافظ ای آنام باجی...
.
.
مرحوم ذهنی تبریزی
.
.
اوغول علی آغلاما یات
سنده یانموسان منده
آنان ئولسون چاره ندور
منده سوسوزام سنده
.
.
سو یوللارون باغلادیلار فرقه ی جفا گستر
بهاریمیز اولدی خزان سولدی غنچه وش‌گوللر
بوحالتون بیکس آنان یاندیروب کباب ایلر
سنون تک هئچ غنچه ی گل سولمیوبدی گلشنده
.
.
آزآغلا‌یاندیردی غمون کایناتی نسگلدن
یوزون خراش ایتمه بالا اودلادون منی دلدن
نه منده سود واردی نه سو بو ایکی مشکلدن
آنان اولیدی علی کاش اولمییدی شرمنده
.
.
مگردگول آب فرات فاطمه آنان مهری
سنه حرام اولدی ندن بوشریعه نون نهری
ندن بوقومی بولمورم دوتمور

  • دوشنبه
  • 7
  • مرداد
  • 1398
  • ساعت
  • 13:36
  • نوشته شده توسط
  • ابوالفضل عابدی پور
ادامه مطلب
حاج افشین بابک اردبیلی

زبانحال حضرت رباب (س) در شام غریبان -(خزان اولان گولوم) *حاج افشین بابک اردبیلی

972
2

زبانحال حضرت رباب (س) در شام غریبان -(خزان اولان گولوم) خزان اولان گولوم
یارالی بلبلوم
آنون گلور نوایه اصغر
باشیم دوشوب بلایه اصغر
یارالی قربانیم
سنه فدا جانیم
ربابین ای غزالی لایلای
دیل آچمیان مارالی لایلای

آنون گلوب جانا
قالوب یانا یانا
فراقون اود سالوبدی جانه
دوداقلارون بویاندی قانه
شیرین دهن لایلای
اوخا گولن لایلای
بو دوشلوگون ندن علیجان
اولوب سنه کفن علیجان

گل ای سولان لالا
دیل آچمیان بالا
باغیشلا سن بو دلکبابی
حلال ایله آنون ربابی
ملالینی بیلسون
اگر اوغول گَلسون
جهانی داغلاماز علیجان
قولووی باغلاماز علیجان

آنون نوا ایدر
گجه گونوز ملر
منیم یارالی اصغریم گل
اوغول سینوبدی شهپریم گل
آنون گلوب جانه
دیور یانا یانه
منیم غزاله بنزریم سن
بوغازی یاره دلبریم سن

گونوم اولوب قرا
گیدیم اوغول هارا
آقام ئولوبدی یالقوزام من
آدامسیزام اوغولسوزام من
مرامیوه چاتدون
گیدوب قانا باتدون
حسینیمیله یاتدون اوغلوم
غریب آناوی آتدون اوغلوم

سو ایچدیم اصغریم
دولوبدی دوشلریم
گوزل بالام هایانداسان گل
یوخ حرمله امانداسان گل
آنون دوشوب بنده
اولوبدی شرمنده
غریب آنوندان ال اوزوبسن
قولووی باغلادیم کوسوبسن

اورک یانور علی
الولانور علی
سوسوز بالام مرامه یتدون
ربابیدن گیلیلی گئتدون
اوغول سنی تاری
یوخوما گل باری
باریش منیله دیندیریم گئت
سنی بیر آز امیشدیریم گئت

  • جمعه
  • 29
  • مرداد
  • 1400
  • ساعت
  • 22:41
  • نوشته شده توسط
  • یوسف اکبری
ادامه مطلب

زبانحال حضرت رباب(س) -(یثرب هواسی ایتموری سازش ربابیله) *مرحوم هادی تبریزی

877
1

زبانحال حضرت رباب(س) -(یثرب هواسی ایتموری سازش ربابیله) یثرب هواسی ایتموری سازش ربابیله
بختیم کوسوب باریشمیری من دلکبابیله

دونسون گوروم علی فلکین دور گردشی
غربتده چوخ چتیندی اوغولسوزلارین ایشی

ای کاش اولم اوغول یازالار قبر داشیمه
هر نه بلا گتوردی بیر اوخ گتدی باشیمه

فکر و خیاله حرمله نین ظلمی چوخ گلر
اخشام یاتاندا دا یوخوما اوچ پر اوخ گلر
طوفان ایدوبدی بحر مصیبت سینیب گمی

گوردون نجه چووردی او ظالم دونرگمی؟؟!!!!!!

اهسته غملرونله علی سینه داغلارام
اما سووا توشنده گوزوم یانام اغلارام

اخر گیجه ن دوشر یادیما نچه ای قاباق
بیر جرعه سو تاپیلمادی هی چالدین ال ایاق

من یالواریردیم اوندا اوغول گلمه شیونه
اولسون انان.....یوخومدی سوتوم.....رحم ایله منه

سن باخمادون منیم سوزومه اولمادون مجاب
بختیم ایوین او اغلاماقین ایلدی خراب

بیر سوز دیوم بالام جانی بیر کیمسه بولموری
دیرناقلارون یری هله ده سوزش ایلوری

جای عجبدی اولممیشم سن اولن گیجه
عمن سو ایشدیروبده منه بولدون هیچ نجه؟؟......

دنیاده بیر دویونجا یوزوم گولمدی بالا
بیر کیمسه حالیمی او گیجه بولمدی بالا

هیچ بیر سوروشموسان علی نازلی رقیه دن؟؟؟؟
بولدون گوروب نه ظلملر ال امیه دن؟؟؟

غم غصه لر سیخوب اورگین درده دوزمدی
بیردن باتوبدی اولدوزوم....اهسته سوزمدی

گلدی فلک علی اناویله ستیزه.....باخ
یثربللر دییله اوزاخدان...کنیزه باخ

ایله دعا اناندا اوله دینجله اوغول
سیز باجی قارداشین یاننا تز گله اوغول

((هادی)) نهال شعرون اگر اولدی پر ثمر
حتما سنه عنایت ایدوب مام صود امر

  • شنبه
  • 3
  • مهر
  • 1400
  • ساعت
  • 15:26
  • نوشته شده توسط
  • یوسف اکبری
ادامه مطلب
 بهلول حبیبی زنجانی

متن شعر ترکی زبانحال حضرت رباب علیها السلام -(الهی اصغر قانا باتوب ) * بهلول حبیبی زنجانی

1398

متن شعر ترکی زبانحال حضرت رباب علیها السلام  -(الهی اصغر قانا باتوب ) الهی اصغر قانا باتوب
جان ویروب سوسوز اوغلوم
گوزوندن عالملری آتوب
جان ویروب سوسوز اوغلوم
.
.
او قانلی میداندا اصغری شاه آلاندا آغوشه
آتاسینون اللری اوسته گیتدی اصغریم هوشه
بوغازینه انّی اوخ دگوب گوشیدن ئوزوب گوشه
اوخا گولوب صودامر بالام جان ویروب سوسوز اوغلوم
.
.
بو رسمیدی ای خدای من داش قوناقه ویرمازلار
آنانون اولسا بالاسینا گر علاقه ویرمازلار
دئین یوخیدی او ظالمه اوخ اوشاقه ویرمازلار
سه شعبه اوخ حرمله آتوب جان ویروب سوسوز اوغلوم
.
.
الهی سن شاهدن ئوزون یوخدی دردیمه چاره
منه باخور حرمله گولور لعنت اولسون اغیاره
خیامه اعدا هجوم ائدوب غارت اولدی گهواره
پوزولوب حالیم سسیم باتوب جان ویروب سوسوز او

  • دوشنبه
  • 7
  • مرداد
  • 1398
  • ساعت
  • 13:35
  • نوشته شده توسط
  • ابوالفضل عابدی پور
ادامه مطلب

متن شعر ترکی زبانحال حضرت رباب (س) -(کیم سو تک قانون ایچردوب سنی قاندوردی بالا ) *مرحوم عبدالعظيم ذهني زاده

1394
1

متن شعر ترکی زبانحال حضرت رباب (س)  -(کیم سو تک قانون ایچردوب سنی قاندوردی بالا ) کیم سو تک قانون ایچردوب سنی قاندوردی بالا
سنی قاندوردی منیم قلبیمی یاندوردی بالا
.
.
من اینانموردوم اَموبسن اوخی پستان یرینه
نه گوزل وجهله قویدون سوزی میدان یرینه
تا گوزوم دوشدی بوغازونداکی پیکان یرینه
ثابت ایتدی منه بو یاره ایناندوردی بالا
.
.
کسیلوب چاره یولی تاپسام اگر چاره وی من
گوزوم اوسته قویارام پایهٔ گهواره وی من
نسگل اولدی یومادیم باغلامادیم یاره وی من
اوخدان آرتوق منی نسگل یارالاندوردی بالا
.
.
من دیدیم آغلاما نه بیله که هیچ دینمیه سن
آنان اُلسون بیله بیر حالته دوشدون نیه سن
بالالار تک آناوا بیر نولی دردون دیه سن
هانسی بیرحم سنی قانه بویاندوردی بالا
.
.
فرض ایداخ هیچ دگوسن آل پیمبر د

  • چهارشنبه
  • 30
  • مرداد
  • 1398
  • ساعت
  • 11:11
  • نوشته شده توسط
  • ابوالفضل عابدی پور
ادامه مطلب

زبانحال حضرت رباب(س) در ظهر عاشورا -(بیر آنا اوز بالاسینون باخدی دالیجا آغلادی) * حاج عباسقلی یحیوی

596

زبانحال حضرت رباب(س) در ظهر عاشورا -(بیر آنا اوز بالاسینون باخدی دالیجا آغلادی) به سبک: (عطری گلور محرمون)

بیر آنا اوز بالاسینون باخدی دالیجا آغلادی
گوز یاشی قان کیمی یوزه آغدی دالیجا آغلادی

باخ فلک آل حیدرون محنت بی شمارینه
آل امیّه نون ولی شدّت روزگارینه
بیر آنا گوردی اوغلونی گئتدی ئولوم دیارینه
گوز یاشی قان کیمی یوزه آخدی دالیجا آغلادی

آند ایچرم حسینون اول تشنه اولان دوداقینه
الده قلم نوا ائدر بو غمون اتفاقینه
اصغر آناسی اوغلونی وئردی حسین قوجاقینه
گوز یاشی قان کیمی یوزه آخدی دالیجا آغلادی

بیلدی که مرحله چتین گلمیه جک اوغول اله
هانسی گئدن گلوبدی تا اصغری صاغ گئدوب گله
گورسه مگر قویار اونی بیرده خیامه حرمله
گوز یاشی قان کیمی یوزه آخدی دالیجا آغلادی

ماویه اوغلونون ائوین یخسون او حیّ کبریا
آل پیمبره ایله ظلملری گوروب روا
گوردی رباب بینوا گئتدی او صودامر بالا
گوز یاشی قان کیمی یوزه آخدی دالیجا آغلادی

سن که دل آچمادون علی گورمدیم اول شیرین دلون
حشره کیمی منی بالا یاندوراجاق بو نسگلون
اولمادی بیر دویونجا بو سینمون اوستی منزلون
گوزیاشی قان کیمی یوزه آخدی دالیجا آغلادی

گرچه شهیدلر هامی قرمزی قانه باتدیلار
قطعه به قطعه دوغرانوب یان یانا جمله یاتدیلار
بیرجه اوخیلا اصغرى یاتمشیدی اویاتدیلار
گوز یاشی قان کیمی یوزه آخدی دالیجا آغلادی

دل یوخودی دیه بابا یاخشی سو ویردیلر منه
سو یئرینه قان ایچمیشم زحمتیم اولمادی سنه
لیک حسینه باخدى بیر بیرده او سمت دشمنه
گوز یاشی قان کیمی یوزه آخدی دالیجا آغلادی

ایستمورم بو بزمده فاش مصیبت عرض اولا
فاطمه اوغلونون دگه قلبینه تازه دن یارا
قوندانی باغرینا باسوب قیلدی نظاره صاق صولا
گوز یاشی قان کیمی یوزه آخدی دالیجا آغلادی

الده اوغول جنازه سی باشدان ایاقه لخته قان
ایسته دی خیمیه گله چکدی خجالت اول زمان
بیر ائله وقتینه فدا اولسون اونون بو شیعیان
گوز یاشی قان کیمی یوزه آخدی دالیجا آغلادی

راوی دییَر او وقتده گوردوم او شاه مشرقین
پشت خیامه یول ائدوب آغلیا آغلیا حسین
دفن ائلیوبدی اوغلونی دوندی او روح عالمین
گوز یاشی قان کیمی یوزه آخدی دالیجا آغلادی

  • یکشنبه
  • 25
  • آبان
  • 1399
  • ساعت
  • 17:31
  • نوشته شده توسط
  • یوسف اکبری
ادامه مطلب
 ابوالفضل عباسی معروفان

زبانحال حضرت رباب(س) هنگام وداع با طفل شش ماهه -(رباب اصغریندن کئچر یا حسین) * ابوالفضل عباسی معروفان

609

زبانحال حضرت رباب(س) هنگام وداع با طفل شش ماهه -(رباب اصغریندن کئچر یا حسین) سبک(الهی ننمدن اوزولدی الیم ... )

رباب اصغریندن کئچر یا حسین
اونا تازه خلعت بیچر یا حسین
آپار اللرینده بالام یا ئولر
فراتین سویوندان ایچر ٬ یا ٬ حسین
سنوندور بو ثروت
ربابه نه منت
گل آل اصغری
دویوبدور فلکدن
شرار عطشدن
یانور لبلری

ز بس آغلیوبدی بالام خسته دی
بو یورقون وجودی الیم اوسته دی
نه صود اولدی اوچ گون نه سو خیمه ده
چخور جانی عمری سووآ بسته دی
بالام کربلاده
چاتار یا مراده
و یا جان وئرر
بو ششماهه گویچک
جانین اکبرین تک
لب عطشان وئرر

هامی سر عشقی چتیندور بیله
که لطفون دوز عاشق گتورمز دیله
منیم یوخدی گر چه علی اکبریم
کیچیکدور بو تحفه م منی عفو ائله
دئمم بیر عزیزم
ائوینده کنیزم
باغیشلا منی
بوشووا دولانیم
بودور تک گمانیم
باغیشلا منی

چاتوب تا که هل من سسون ائللره
ئوزون آتدی اصغر بشیکدن یئره
آلیب سینم اوسته دئدیم یات اوغول
ولی گؤردوم ایستور سنه سس وئره
دییه آی بابام گل
هله من وارام گل
آپار مقتله
گل اولما پریشان
بو طفل لب عطشان
واروندور هله

یاتوب باری گؤزله بالام دورماسین
الین باغلادیم تا سنی یورماسین
ووروب افسره اوچ پر اوخ حرمله
دئنن اصغره اوچ پر اوخ وورماسین
جانیندا توان یوخ
بونا وورسالار اوخ
نفسدن دوشر
باتار قانه اوغلوم
بو دردانه اوغلوم
سوسوز جان وئرر

کانال اشعار عباسی معروفان اهری

  • سه شنبه
  • 2
  • دی
  • 1399
  • ساعت
  • 23:45
  • نوشته شده توسط
  • یوسف اکبری
ادامه مطلب
حاج افشین بابک اردبیلی

زبانحال حضرت رباب(س) در شام غریبان -(خزان اولان گولوم یارالی بلبلوم) *حاج افشین بابک اردبیلی

574
1

زبانحال حضرت رباب(س) در شام غریبان -(خزان اولان گولوم یارالی بلبلوم) به سبک(خدای مهربان...)

خزان اولان گولوم
یارالی بلبلوم
آنون گلور نوایه اصغر
باشیم دوشوب بلایه اصغر
یارالی قربانیم
سنه فدا جانیم
ربابین ای غزالی لایلای
دیل آچمیان مارالی لایلای

آنون گلوب جانا
قالوب یانا یانا
فراقون اود سالوبدی جانه
دوداقلارون بویاندی قانه
شیرین دهن لایلای
اوخا گولن لایلای
بو دوشلوگون ندن علیجان
اولوب سنه کفن علیجان

گل ای سولان لالا
دیل آچمیان بالا
باغیشلا سن بو دلکبابی
حلال ایله آنون ربابی
ملالینی بیلسون
اگر اوغول گَلسون
جهانی داغلاماز علیجان
قولووی باغلاماز علیجان

آنون نوا ایدر
گجه گونوز ملر
منیم یارالی اصغریم گل
اوغول سینوبدی شهپریم گل
آنون گلوب جانه
دیور یانا یانه
منیم غزاله بنزریم سن
بوغازی یاره دلبریم سن

گونوم اولوب قرا
گیدیم اوغول هارا
آقام ئولوبدی یالقوزام من
آدامسیزام اوغولسوزام من
مرامیوه چاتدون
گیدوب قانا باتدون
حسینیمیله یاتدون اوغلوم
غریب آناوی آتدون اوغلوم

سو ایچدیم اصغریم
دولوبدی دوشلریم
گوزل بالام هایانداسان گل
یوخ حرمله امانداسان گل
آنون دوشوب بنده
اولوبدی شرمنده
غریب آنوندان ال اوزوبسن
قولووی باغلادیم کوسوبسن

اورک یانور علی
الولانور علی
سوسوز بالام مرامه یتدون
ربابیدن گیلیلی گئتدون
اوغول سنی تاری
یوخوما گل باری
باریش منیله دیندیریم گئت
سنی بیر آز امیشدیریم گئت

  • جمعه
  • 30
  • آبان
  • 1399
  • ساعت
  • 19:30
  • نوشته شده توسط
  • یوسف اکبری
ادامه مطلب
استاد داود طهمورثی

زبانحال حضرت رباب(س) -(گون کی غروب ایدر دولانار آی گلر علی) *استاد داود طهمورثی

522

زبانحال حضرت رباب(س) -(گون کی غروب ایدر دولانار آی گلر علی) گون کی غروب ایدر دولانار آی گلر علی
.آی جلوه سین ستاره لره گسترر علی

بیر آیری منظره گورونر عرش و فرشیده
اوغلی اولن او منظره نی چوخ سوور علی

خیره اولوب ستاره لره ایسترم باخام
گوررم آخار یوزون یوزومه دوندرر علی

گلم فغانه آه چکوب آغلارام سنه
چشم فلک باخار منه دلدن گولر علی

ایله کرخدروبدی فلک اولمیان کیمی
اللر دئیر رباب بو غمدن اولر علی

بو وسعتیله عالمی زندان اولوب منه
ای کاش اولم غمونده من دیده تر علی

بو آرزونی صبح و مسّا ایلرم اوزوم
اولسم بو خسته جان؛ بیر آز دینجلر علی

گونلر ایوی غمونده اولوب مسکنیم منیم
دردیم ندور بالاسی اولنلر بولر علی

الله بولور کی آیریلغندان نه چکمیشم
چکمیش باشیم مدینه ده گل گور نلَر علی

سندن منه قماطیله بیر بوش بشیک قالوب
گاهی آنان آچار اونی گاهی بلر علی

گاهی سالار بو بوش بشیکه اوخشیار سنه
لای لای دیر یانار بشیکون ترپدر علی

خوش گونلریم سنیله کچوب آلتی آی مدام
دائم آنان او گونلره حسرت چکر علی

قالدوم عجب یامان گونه بو روزگاریده
دونسه دونرگه ساخلاماق اولماز دونر علی

گیتدون سو اوسته قانه بلشدون قیتمدون
ایتدون من فلک زده نی در به درعلی

سن باخ منه کی نقشه چکردیم گلن گونه
بولمزدیم هیچ قضا الون الدن یوزَر علی

دریا قوتولمازیدی سو ویرسیدیلر سنه
دولمازدی اودلی قلبیمه بیله شرر علی

سندن سورا آچلدی فراتین یولی ددیم
ای وای منه سو ایچسم اگر سود گلر علی

.ایچدیم نه ایچدیم ایله بیر اود دوشدی جانیمه
گوردوم کی اودلی سینه ده بیر سود گزر علی

ـگلدیم فغانه سسلدیم ای سینه مین گولی
سس ویر منه یریندن ایله با خبر علی

اما او دم منیم سسیمه سس یتیرمدون
اولدوم دیریلدیم اولدی خلاصه سحر علی

.آخر سنی ایتیردیم او چولده تاپانمادوم
آختاردی تاپدی مدفنیوی نیزه لر علی

گوردوم او ظالمی که تاپوپ قانلی قونداقون
بیر بیر دولاندروب قوشونا گورسدر علی

اولدوز مثالی اولدی نمایا ن او گول یوزون
اولدوخ دوباره شامه کیمین همسفرعلی

شامین یولوندا شامه کیمی اوخشاما ددیم
قان آغلادوم غمونده من خونجگرعلی

سسلردیم ای آناسینی گوزدن آتوب گیدن
گل سینه مه یرون بالا بوش گورسنر علی

چارم کسیلدی اللریوی باغلادوم سنون
سو اوسته ده بالا آناسندان کوسر علی

قربان اولا او پاچالانان لبلره آنان
قربانی ذبح ایدن اونا بیر سو ویرر علی.

.ای کاش آنان اُلیدی او احوالیله سنه
نوک جداده ایلمییدی نظرعلی

ای سینمه جهاندا سالان آیریلغ اوتون
.دردون منی مزاریمه تز گوندرر علی

آغلار گوزیله نظمه چکوب {ساده} غم سوزون
سندن برات کرب و بلا ایستیرعلی

  • پنج شنبه
  • 21
  • اسفند
  • 1399
  • ساعت
  • 23:18
  • نوشته شده توسط
  • یوسف اکبری
ادامه مطلب
مرحوم رحیم منزوی اردبیلی

حضرت رباب(س) -(گورون نه ایلدی یای فصلی کربلاده رباب؟) *مرحوم رحیم منزوی اردبیلی

718

حضرت رباب(س) -(گورون نه ایلدی یای فصلی کربلاده رباب؟) گورون نه ایلدی یای فصلی کربلاده رباب؟
نه صود وئروب نه سو وار گور چکوب نَلر صود امر

رباب ئولوب دیریلور غشّ ایدوب گلنده حالا
بالیق کیمین چوبالور ساق صولا دونَر صود امر

بشیکده یاتمور او طفلی ویرولّه اَلدن اَله
تمام خیمه لری ال به ال گزر صود امر

رباب تاپشروب اما سکینیه بو سوزی
یوخ عیبی هر یره گئتسه بو دیده تر صود امر

فقط آپارما اونی خیمهٔ ابوالفضله
اوتاندیرار باخا سقّایه ایندی هر صود امر

قویار گَهی قوریان لبلر اوسته بارماقینی
اشارتاً اوزی اوز دردینی دییَر صود امر

بالام سو ایچسه فراتون مگر نئی کم اولار
نقدر سو ایچر عالمده بیر نفر صود امر

غرض که صبح آچیلینجا اریدی شمع کیمی
ویروبدی هستی پروانیه شرر صود امر

امام گوردی بو حالی دئدی ویرون آپاریم
سیزه فراهم ائدر یوخسا دردسر صود امر

صورا ربابه ده بیر سوز بیوردی آهسته
سنی بو شام یولندا چوخ اینجیدر صود امر

بو یولدا اوغلوا قولباغلی صود ویرنمزسن
ئوزی ئولر سنیده نیمه جان ائدر صود امر

قوی اصغری آپاریم من رقیّه بسدی سنه
اونا محبّتون اولسا یقین بیلر صود امر

رقیّه دردینی چکسون بالوندا راضی اولار
گوله گوله یوخووا هر گجه گَلر صود امر

  • پنج شنبه
  • 5
  • فروردین
  • 1400
  • ساعت
  • 16:52
  • نوشته شده توسط
  • یوسف اکبری
ادامه مطلب
سید ناصر ولائی زنجانی

زبانحال حضرت رباب(س) -(لای لای ای سوت امریم ای آناوین روح و روانی) *سید ناصر ولائی زنجانی

1775
2

زبانحال حضرت رباب(س) -(لای لای ای سوت امریم ای آناوین روح و روانی) لای لای ای سوت امریم ای آناوین روح و روانی
لای لای ای آغلادان اوز حالتینه ارض وسمانی
سنه قربان اولا اوغلوم آناوین غمزده جانی
بشیگین بوش قالیب الانجانیم اولسون سنه قربان

لای لای ای غملی ربابین اوره گین قان ائدن اوغلوم
اصغریم ای گوزومون نوری الیمدن گیدن اوغلوم
آغلیور ایندی رقیّه بشیگین ترپدن اوغلوم
گوزی دولموش سنی گوزلرسوروشور غمزده خواهر
دییوری گوزلری آغلار پس هانی قارداشیم اصغر

منیم ای سوت امر اوغلوم نیه سن قانه بویاندین
یوخلامیشدین آنان اولسون اوخ دگیپ بیردن اویاندین
گوز آچان وقتیده من تک آتاوی گوردون اوتاندین
بس ندن ایندی یاتیپسانآناوی گوزدن آتیپسان

نه سوووم وار نه سوتوم نیلیوم ای نازلی مارالیم
آناوا رحم ائله گیتمه نیجه سنسیز دیری قالیم
بوغازین یاره سینه باخماقا دای یوخدی مجالیم
لای لای ای سوت امر اوغلوم منی قویدون ملر اوغلوم
بیرایکی گون دوزه بیلسن سینه مه سوت گلر اوغلوم

من ربابم منی ترک ائیلمه گیتمه آنان اولسون
آغلا اوغلوم سنه قربان کیم گوروپسن اوخا گولسون
قانین آخمیش دوداغیندانقوی اوپوم من ایاقیندان
گدیسن ایندی بهشته منیم اوغلوم کیمه مهمان

حضرت فاطمه گوزلوریولوی سوت سو الینده
محسنین یولداشی سنسن بالاوای واردی دیلینده
آغلیار غملی آنان فاطمه سن بیرده گولنده
سنه لای لای چالار اوغلومگوزی آغلار قالار اوغلوم

  • سه شنبه
  • 1
  • تیر
  • 1400
  • ساعت
  • 18:41
  • نوشته شده توسط
  • یوسف اکبری
ادامه مطلب

زبانحال حضرت رباب(س) -(عُذاره خون دلی گوز یاشیم کیمی اَلَرم) *مرحوم نجمی تبریزی

601

زبانحال حضرت رباب(س) -(عُذاره خون دلی گوز یاشیم کیمی اَلَرم) عُذاره خون دلی گوز یاشیم کیمی اَلَرم
خَدنگ آهیم یله قلب عالمی دَلَرم
بو اوخ یِریندن آخان قانه زلفیمی بَلَرم
بالاسی اولانان آهو کیمی اوغول مَلَرم
بو قانلو قُنداقوی گه آچوب گهی بَلَرم

رُبابدن علی بو حالتون آلوب دوزومی
گورن کیمی سنی ایله ایتورموشم اوزومی
گر اولسا سُود اَمری اوخلانان بولر سوزومی
بالاسی اولانان آهو کیمی اوغول مَلَرم
بو قانلو قُنداقوی گه آچوب گهی بَلَرم

قالیدی آغلار آنان چَرخ سُفله چوخ چالشوب
یوزیمده خون جگر دور سر شگیمه قاریشوب
بو اودلی قلبیمی لیلا بُلر نجه آلشوب
بالاسی اولانان آهو کیمی اوغول مَلَرم
بو قانلو قُنداقوی گه آچوب گهی بَلَرم

هامی بُلر علی سن طاقت و قراریم یدون
آنالار ایچره منیم عزّ و اعتباریم یدون
سرور سینَم دون مایهء وقاریمی دون
بالاسی اولانان آهو کیمی اوغول مَلَرم
بو قانلو قُنداقوی گه آچوب گهی بَلَرم

دولوبدی شوقیله دل روز و شب بو نیّتی له
که سوددن اصغریمی بیر آچیدیم عزّتی له
هزار حیف آلشدیم شَرارِ حسرتی له
بالاسی اولانان آهو کیمی اوغول مَلَرم
بو قانلو قُنداقوی گه آچوب گهی بَلَرم

سزادی سن سیز اُلونجه غم آتشی نده یانام
توکم سرشگیمی رُخساره اشگی مه بویانام
دوزر بو مُحنته هانسی آنا که من دایانام
بالاسی اولانان آهو کیمی اوغول مَلَرم
بو قانلو قُنداقوی گه آچوب گهی بَلَرم

مَلول دون اَلیوی باغلادیم که ایتمه تلاش
گذشت ایله بالا من بُلمدیم منِ کُلباش
بو سن بو سینم ایله ایلوسن نقدر خراش
بالاسی اولانان آهو کیمی اوغول مَلَرم
بو قانلو قُنداقوی گه آچوب گهی بَلَرم

دیدیم اگر بالا آز آغلا سینمی داغلا
هاچان دیدیم بیله یات راه چاره می باغلا
سَسون فداسی اولوم گوگلوم ایس توری آغلا
بالاسی اولانان آهو کیمی اوغول مَلَرم
بو قانلو قُنداقوی گه آچوب گهی بَلَرم

بالانون اُنّوگنون رَنگین آق سُوَر آنالار
گوگلده مایل اولور قرمز اُنّوگه بالالار
بیله آلار بالا گوگلین علاج سیز آنالار
بالاسی اولانان آهو کیمی اوغول مَلَرم
بو قانلو قُنداقوی گه آچوب گهی بَلَرم

اوتان ماسام علی بو نعشون اوسته باش آچارام
لوای آهیمی اوج مصیبته ساچارام
ایاق یالین باش آچوخ قوی سالار چوله قاچارام
بالاسی اولانان آهو کیمی اوغول مَلَرم
بو قانلو قُنداقوی گه آچوب گهی بَلَرم

خدنگ ظلم له اوز قانوه بویاندون اوغول
آناندا ظلم اودی نا یاندی سنده یاندون اوغول
آنان مَلَر قالی سن سیز بو سرّی قاندون اوغول
بالاسی اولانان آهو کیمی اوغول مَلَرم
بو قانلو قُنداقوی گه آچوب گهی بَلَرم

بو سُود اَمَر بالا (نجمی) شَهید لر گوزی دور
شهادتین گویونون بیر ایشیقلی اولدوزی دور
بو دلخراش کلامون رُبابین اوز سوزی دور
بالاسی اولانان آهو کیمی اوغول مَلَرم
بو قانلو قُنداقوی گه آچوب گهی بَلَرم

  • پنج شنبه
  • 18
  • شهریور
  • 1400
  • ساعت
  • 18:05
  • نوشته شده توسط
  • یوسف اکبری
ادامه مطلب

زبانحال حضرت رباب(س) -(ای بو قربانگاه حقده بیر قوزی قربان اوغول) *مرحوم حسن عاصی تبریزی

630

زبانحال حضرت رباب(س) -(ای بو قربانگاه حقده بیر قوزی قربان اوغول) ای بو قربانگاه حقده بیر قوزی قربان اوغول
کیم بوغازوندان ووروب اوچ شعبه لی پیکان اوغول

هانسی قربانی اوغول ذبح ایلیوبله تیریله
یا بیله رفتار ایدوب صیّاد بیر نخجیریله
زهرلی اوخ نسبتی یوخ طفل بی تقصیریله
ظلمیده طغیان ایدوب بو فرقه ی عدوان اوغول

بو امیدیله علی میدانه گوندردیم سَنی
حالیوی بلکه گوروب رحم ایلیه قوم دَنی
بُلمدیم بو باره ده عفو ایت گذشت ایله مَنی
سو یرینه قوم کین پرور ایچیردَر قان اوغول

اِزدیاد دردیمه بو نکته دور اولموش سبب
قالدون اوچ گون اوچ گئجه ای غنچه لب سن تشنه لب
بونلا بیله من سنه لایلای دیردیم روز و شب
راضی اولمازدیم که اولسون گوزلرون گریان اوغول

آلتی آی صبح و مَسا چکدیم تمام زحمتون
شیره ی جان سود یرینه ویردیم ایتدیم خدمتون
سنده تیز کَسدون بو بیر ساعتده مندن الفتون
ایلدون عمریمجه توش محنت هجران اوغول

شدّت سوز عطشدن سینمی ایتدون خراش
حالیوه باخدوقجا من آخدی گوزومدن قانلی یاش
ایلدیم بونلا بیله دردون علاجینده تلاش
حیف اولا اولمادی مندن دردیوه درمان اوغول

گرچه بیر مدّت منی محنتله دمساز ایلدون
ناله ی لیلائیله دائم هم آواز ایلدون
شه حضورینده ولی یاخشی سرافراز ایلدون
خاکِ پایِ شاهه اولدون تشنه لب قربان اوغول

گُلشن اسلامی گوردون سولدوروب قوم عدو
قانیویله ویردون آخِر گُلستان دینه سو
تا جهان وار گُلشن اسلامیده وار رنگ و بو
ایتمیسَن دین مبینه خدمت شایان اوغول

اوچ گئجه گوندوز علی لای لای دیدیم هر آن سنه
بیر یاتوب دینجَلمدون اولسون آنان قربان سنه
نه دیلیله دیندیروب لای لای دیدی پیکان سنه
بیله راحت یاتموسان گوز آچموسان بیر آن اوغول

آتش غم یاندیرور از بس من زاری یاخور
اشک چشمیم تک عُذاره قلبیمون قانی آخور
سس اوجاتماقا نیدیم سلطان مظلومان باخور
قورخورام خجلت چَکه مندن شه عطشان اوغول

اولماسا مانع حیا من سس چکوب بیر آغلارام
سوزِ آهیمله دل آل عبانی داغلارام
اشکیله قانون یوووب، زلفومله زخمون باغلارام
لیک معذورم منِ حیران و سرگردان اوغول

اوچ گئجه گوندوز که سن لب تشنه قالموشدون علی
طاقت و آرامیمی قلبیمدن آلموشدون علی
بیر ساری گُل تک گیدن وقته سارالموشدون علی
اولموسان قونداق دولوسی لاله ی نُعمان اوغول

(عاصینی) غملر یوروب، درد ایلیوب زار و علیل
بستر محنتده دور بیر عمریدور طول و طویل
صدق اوزیله آستان پاکیوه دوشموش دخیل
سندن ایستر درد بی درمانینه درمان اوغول

  • سه شنبه
  • 13
  • مهر
  • 1400
  • ساعت
  • 14:48
  • نوشته شده توسط
  • یوسف اکبری
ادامه مطلب

متن شعر ترکی زبان حال حضرت رباب (س) -(سن ایله نظر تاب الیوم بو غمه الله) * حسنعلی بالایی

1180

متن شعر ترکی زبان حال حضرت رباب (س) -(سن ایله نظر تاب الیوم بو غمه الله) سن ایله نظر تاب الیوم بو غمه الله
اصغر بالامون گلدی سودی سینمه الله

یورقون بالامی گورمگه یوخدور اگر امکان
بو سینه می رویاده اقلا امه الله

زبان حال حضرت رباب (س)

ای کاش گله بو گجه مطلب اله یارب
سن ایله نظر غملی جانم دینجله یارب

املیک بالامون المگی یوردی منی ای کاش
یاتسام یوخودا یانیما بیر یول گله یارب

  • جمعه
  • 29
  • شهریور
  • 1398
  • ساعت
  • 17:06
  • نوشته شده توسط
  • ابوالفضل عابدی پور
ادامه مطلب
استاد داود طهمورثی

زبانحال حضرت زینب(س) به خانم رباب(س) -(نی کیمی گلمه ئله ناله و افغانه رباب) *استاد داود طهمورثی

773

زبانحال حضرت زینب(س) به خانم رباب(س) -(نی کیمی گلمه ئله ناله و افغانه رباب) نی کیمی گلمه بیله ناله و افغانه رباب

آغلاما توکمه گوزون یاشینی دامانه رباب

گون قباقینده بیله ناله و افغان اِیلمه

توکمه قان یاش یوزیوه باغریمی القان اِیلمه

نار حسرتله دل عالمی سوزان اِیلمه

اود سالور سوز و گدازین دل سوزانه رباب

عالمین جانی فدا اولسون علی اصغریوه

ممکن اولسا بو آغارمیش ساچون آل اللریوه

طلب صبر اِیله حَقدن سن ئوزون غملریوه

قورخورام کشتی عمرون دوشه طوفانه رباب

باشیوین درد و بلاسی بولورم چوخ چوخیدی

گَتیرن ناله و افغانه سنی بیر اوخیدی

دئمورم بیله خیال ایله که اصغر یوخیدی

اصغرین درد و غمی گَتدی سنی جانه رباب

سعی ایله یادیوه سالما بالاوین آغلاماقین

خاطریندن چیخا تا اللرینی باغلاماقین

داغلیور قلبیمی نینیم که اورک داغلاماقین

غملر آز قالدی ویره عمرومی پایانه رباب

جاندان آرتوق سوور عالمده آنا ئوز بالاسین

اودور اوخلانسا بالا یاندیری دلدن آناسین

سعی ایله یادیوه سالما بالاوین اوخ یاراسین

باغریوی دوندروری اوخ یاراسی قانه رباب

تا او اوخ چیخدی کماندان فلکه سالدی شرر

قانلی میداندا خدا بولدی حسین چکدی نَلر

او اوخا اوخ دئماق اولماز، ولی واردور بو قَدر

یانار اود سالدی او دم عالم امکانه رباب

ظاهراً دگدی او دم حنجر عطشانه او اوخ

باطناً دگدی ولی ناطق قرآنه او اوخ

گَتدی قرآنی او دم ناله و افغانه او اوخ

گولدی هر چند که اصغر سولی پیکانه رباب

باخدی اوخ یاره سینه اِیتدی حسین آه و نوا

اوجونی قانیله دولدوردی شه کرب و بلا

قرمزی رنگه بویاندی او زمان عرش خدا

تحفه گوندردی آخان قانینی جانانه رباب

صورا یوز دوتدی خیامه طرف اول جان جهان

خیمیه ساری گوتوردی قدم اما نگران

سَسلیوردی باجی جان اصغر اولوب تیره نشان

ویر خبر آغلیا قان ، تشنه بو قربانه رباب

خیمیه گلمدی اصغرله اگر شاه کُبار

اِیستمیردی تاپا اَل اصغریوه قوم شرار

پشت مخیمده اودور قازدی او قربانه مزار

دفن اِیدوب آغلادی شدتله او عطشانه رباب

آز زمان چکمدی اولدی بو اِیشین سرّی عیان

دگوری لازمه شرحین اِیلیم بیرده بیان

آختاروب تاپدی علی اصغریوی شمر و سنان

کائنات آغلادی اول غنچه خندانه رباب

کیم دیر که او ولایتده اورک داغلامادوخ

یا او صحراده دوینجا بالاوا آغلامادوخ

او گیجه شام غریبان مگر ساخلامادوخ؟

گلدی حتی که آنام شام غریبانه رباب

نجّه بیر جرعه سو آرتیردی اورک غملریوی

اورکون باشینه باسمشدون او دم اللریوی

داده سسلوردون او صحراده علی اصغریوی

اود سالوردی نفسون کوه و بیابانه رباب

باقی عمریوی سعی ایله بو عالمده (عتیق)

گِتمیه فوته اوتور اِیله بیر آز فکر عمیق

خامه و دفتریوی دوت ئوزیوه یار شفیق

تاپشورا تا سنیده حضرت جانانه رباب

گیجه گوندوز خانمون نیسکلینی یادیوه سال

نوحه یاز آغلا علی اصغره ، اول غرق ملال

چله ساخلا شه بی یاره خانمدان صله آل

دنه باخ اصغره خاطر بو نوا خوانه رباب

  • چهارشنبه
  • 14
  • آبان
  • 1399
  • ساعت
  • 17:58
  • نوشته شده توسط
  • یوسف اکبری
ادامه مطلب
 رامین محمد زاده

زبانحال حضرت رباب(س) -(سنی من آلتی آیـدا سینم اوسته بسلمیشدیم) * رامین محمد زاده

438

زبانحال حضرت رباب(س) -(سنی من آلتی آیـدا سینم اوسته بسلمیشدیم) در آهنگ ( خدایا عاشقان را با غم عشق آشنا کن )

سنی من آلتی آیـدا سینم اوسته بسلمیشدیم
سن هردم آغلیاندا من سنه جان سسلمیشدیم
منی گوزدن آتوبسان
نجه شیرین یاتوبسان
نـدور علت بو نوعی
اوغول قانـه باتوبسان
منه رحم اله - گل اوغلوم دیله - اینان قلبیم آلیشدی
قوی اوندا آنا - دییـه بو بالا - گلوب منلن باریشدی

ننون ئولسـون بو پیکان باشیوی تَنََن اوزوبدی
دَینده اوخ چیخوب جانین قرا گوزلر سوزوبدی
مگـر سن نیلمیشـدون
بئلـه قـانه بلشـدون
حیـا سیـز حـرملیـه
مگـر نه سویلموشدون
نیه اوخ وئروب - منی یاندوروب - سنین بو جانین آلدی
اینـان بـو غمه – آنـان ماتمـه - یانوب والله قوجالدی

دیردیـم دیل آچارسان آرزووم اما دیله قالدی
سنـی ظلمیلـه اوغلوم کوفـه اهلی منن آلدی
سوزوم یوخ اوخلانوبسان
عطشـدن اوتـلانوبسان
عیـانـدی لبللـرونـن
سوسوزلوخدان یانوبسان
گلِ پَر پَریم - اویان اصغریم - ربابی گوزدن آتما
اینـان آی بالا - یانـور بو آنا - منی ارزانه ساتما

  • پنج شنبه
  • 9
  • بهمن
  • 1399
  • ساعت
  • 23:52
  • نوشته شده توسط
  • یوسف اکبری
ادامه مطلب
 مجید قلعه بیگی

احوالات حضرت رباب(س) در مدینه -(ایوین آباد اولا قویدون منی آواره اوغول) * مجید قلعه بیگی

2712
5

احوالات حضرت رباب(س) در مدینه -(ایوین آباد اولا قویدون منی آواره اوغول) ایوین آباد اولا قویدون منی آواره اوغول
نجه حسرت ایلدون،او گُل رخساره اوغول

حسرتیله باخورام دهریده من تای توشووا
قویمادی چرخ فلک سن چاتاسان بیر یاشوا
من دئیردوم دیل آچارسان،دولاننانام باشیوا
اف اولا حشره کیمی گردش پرگاره اوغول

باخیرام بوش بشیگه من سنه لای لای دیئورم
دوشوری یادیمه عطشان دوداقین وای ديئورم
گاهی لای لای دیئورم گه بالا ایوای دیئورم
منی دیوانه ایدیر،هر گجه گهواره اوغول

دوزه بولمیر اورکیم،سنسیز اورک داغلویورام
باغلامیشدوم الیوی یاد ایلورم آغلویورام
گاه دیوانه لیوب،اللریمی باغلویورام
نه سو اولدی،نه صودم، اولدی دیلین یاره اوغول

منی سالدون بو جهاندا چوخ عجب مشکله سن
من دئیردیم دیل آچارسان،آناوا بیر گولسن
دیمه دیم اولمادی سو،قان ایچسن دینجلسن
آغلورام هر گجه گوندوز غم دلداره اوغول

منی بو چرخ زمان ایلدی شرمنده علی
گوزه گلدوخ ایکیمیزده،سر گلشنده علی
آغلاماقدان دوشوب آغزیمدا دیلیم بنده علی
منی همدم ایلدین،گوشه ی دیواره اوغول

گینه قلبیم دولانوب خیملری یاد ایلدی
اودلانان سینمی او منظره ناشاد ایلدی
حرمله بیر اوخولان نقشه می بر باد ایلدی
ایوین آباد اولا قویدون منی آواره اوغول

  • پنج شنبه
  • 30
  • بهمن
  • 1399
  • ساعت
  • 11:40
  • نوشته شده توسط
  • یوسف اکبری
ادامه مطلب
 معین عبازاده

زبانحال حضرت زینب (س) به حضرت رباب (س) -(آغلاما بو قدر ائتمه اورکلری کباب بسدی رباب) * معین عبازاده

1327
4

زبانحال حضرت زینب (س) به حضرت رباب (س) -(آغلاما بو قدر ائتمه اورکلری کباب بسدی رباب) آغلاما بو قدر ائتمه اورکلری کباب،بسدی رباب
الله ائلسین حرمله نین ائوین خراب،بسدی رباب

سسلمه علی اصغریوی ائتمه بو قدر آه و فغان
اصغر گئدلی رعشه دوشوبدور بو دل و جانه اینان
گهواره نی ترپتمه بئله قلبیلری ایلمه قان
بوش گهواره ایله اوزووی ایله مجاب بسدی رباب
"الله ائلسین حرمله نین ائوین خراب بسدی رباب"

آنامون ادبلی گلینی ایتمه بوقدر ناله و زار
سن آغلیوسان دولور بوتون قلبلره غملی شرار
بالاما اولوب حسینیمون سینه سینون اوستی مزار
قانیله اولوب صود امرین یوزی خضاب بسدی رباب
"الله ائلسین حرمله نین ائوین خراب بسدی رباب"

گلشنیمیزه باد خزان اسدی رباب بسدی رباب
امانیمیزی ناله لرون کسدی رباب بسدی رباب
ناله و فغان ائتمه داخی بسدی رباب بسدی رباب
ناله لرویلن منه سن وئرمه عذاب بسدی رباب
"الله ائلسین حرمله نین ائوین خراب بسدی رباب"

  • چهارشنبه
  • 29
  • اردیبهشت
  • 1400
  • ساعت
  • 22:10
  • نوشته شده توسط
  • یوسف اکبری
ادامه مطلب
 مختار وطن پرست

زبانحال حضرت رباب(س) -(آغلاما اصغریم ای جانیم اوغول) * مختار وطن پرست

439

زبانحال حضرت رباب(س) -(آغلاما اصغریم ای جانیم اوغول) آغلاما اصغریم ای جانیم اوغول
(اوجالور گویلره افغانیم اوغول)

گوزلرون یومما اوغول آچ گوزووی
بولورم آغلاماقوندان سوزوی
صاق صولا وورما علی جان اوزووی
چاره یوخ، یوخدی بیر امکانیم اوغول

آغلادور عالمی بو حالون على
عطشون ویرموری اِمهالون على
پوزار عالملری بو حالون على
نیلیوم طفلک گریانیم اوغول

فلک عشقیمه بیر اولدوزودون
سفرهء عیشیمه اوغلوم دوزودون
دفتر عمرومه مینلر سوزودون
گل دیله ای منیم عنوانیم اوغول

قورخورام نجم کیمی سن آخاسان
آخوب عالملری غمله یاخاسان
سن آخاندا آتاوا بیر باخاسان
آخما ای نجم درخشانیم اوغول

دم بدم سن علی گریان اولوسان
ابر تک آغلیوسان هی دولوسان
غنچه تک بس نیه آخر سولوسان
دِنه ای لالهء نعمانیم اوغول

کاش اُليديم علی بو گوندن ازل
گورمییدیم بیله بیر غملی محل
عیشیم اولدی نه ايديم درده بدل
وار عجب حال پریشانیم اوغول

قورویوب سود، سووا یوخ راه وصول
آغلاما اولماگلان بیله ملول
عمون عباس ایلییَر ایمدی حصول
صبر ایله ای گل ریحانیم اوغول

سن اوغول عالمی حیران ایلدون
خانهء صبریمی ویران ایلدون
هامونی خیمده گریان ایلدون
آغلاما ای قوزی قربانیم اوغول

تب آلوب یکسر اوغول پیکریوی
ووروسان صاق صولا بال و پروی
اَمیسن حسرتیله لب لریوی
وای منه ای گل عطشانیم اوغول

بو نه عالمدی اوغول اُلسون آنان
صبریمی آلدی سنون حالون امان
سن یورولدون منیده یوردون اینان
سنه قربان بو قوری جانیم اوغول

صابر و شأنی دی صرّاف سخن
آلدون الهام ایلدون نظم محن
سن نگین، اولّار الوب دُرّ ِ عَدَن
اولموسوز خادم سلطانیم اوغول

  • چهارشنبه
  • 12
  • خرداد
  • 1400
  • ساعت
  • 16:03
  • نوشته شده توسط
  • یوسف اکبری
ادامه مطلب
حاج نادر بابایی

وفات حضرت رباب(س) -(دائم رباب اصغرینه اوخشاما دئدی) *حاج نادر بابایی

1008
2

وفات حضرت رباب(س) -(دائم رباب اصغرینه اوخشاما دئدی) دائم رُباب اصغرینه اوخشاما دئدی
اهل وفا وفاده اونا باوفا دئدی

گون مَنزلینده دائمی گهواره تَرپَدوب
گِزلینده اَگلشوب ولی ایوای آقا دئدی

قارداشلاری دالیجا گَلن وقتیده اونون
بو جُمله نی گَلن لَرینه جابجا دئدی

من گَلمَرم سیزیله گِئدون زادگاهوزه
بو قالماقی اَزل گونی خیرالنّسا دئدی

تا وار نَفَس مَحالیدی زینبدن آیریلام
ئولَّم بو ائوده گِئتمرم هِچ بیریانا دئدی

وَقتِ سحرده بیرگونی زینب قیام ائدوب
راز و نیازی باشلادی ذِکر خدا دئدی

صَحنِ سَراده گوردی همان یاتمیان یاتوب
بالینی اوسته گَلدی او کَنزِ حَیا دئدی

وَقت نمازیدور دور اَیا با وفا رباب
غَملی اَذانی مَاذَنه دَه آشنا دئدی

تِکرار ائدوبدی بیرده محَبَّتله بوسوزی
سَس گَلمَدی ، دوباره اَنیس بلا دئدی

ای دَرد و غَمده قَینانیا اوخشیان گَلین
بو یاتماقون حَدیثِ غمی بَرمَلا دئدی

تَرپَد بو گاهواره نی دور اوخشا اصغری
سینوندَه قویما سوزلری گِزلین قالا دئدی

اَمّا رُبابیدن گِنَه ده گَلمیوب جواب
نَه گوزلرین آچوب نَه دانیشدی نَه لا دئدی

باشین دیزاوسته آلدی باخوب غَملی صورته
ناگَه اَل آتدی مَعجَره یا وَیلَنا دئدی

ئولدی رُباب قارَه گِیون قارَه اوستونه
اِیستَکلیمَه گَرکدی دوتام من عَزا دئدی

گوردی رُبابون اَللرینی سینه سیندَه دور
کِلکِ بلا بیر آیری غمی نارَوا دئدی

اَللر کنار اولوب گورونوب قانلی بیر بَلَک
یعنی ئولونجَه صوداَمره وای بالا دئدی

زینب باخوب ائواَهلینه پوزقون تِفاقِینه
چَکدی فَلک منیم اِیشیمی گور هارا دئدی

سیز تَرپَدون بو بوش بِشیگی منده اوخشارام
قویمون عَزاسی فاطمه تَک خوار اولا دئدی

گهواره تَرپَنوب آچیلوب بیردَه زُلفلَر
یوز کربلایه شیرِ زَنِ کربلا دئدی

ای شیرخواره گوزلرون آیدین نَنون گلور
اَمّا ئولونجَه بو سنه لایلای بالا دئدی

اَهل حَرم ائدوبدیلَه سَجّادی با خبر
گَلدی عَزایه بو سوزی اول مُقتَدا دئدی

یاسلی نَنَم ئولونجَه عَزادن چیخانمادی
شمع حَیاتی سوندی بو درده دَوا دئدی

باشین دیز اوسته آلدی بویوردی جوان نَنَه
خَیاط دَهر آق کَفَنونده قَرا دئدی

آسوده قَبره گِئت یولووِی گوزلَر اصغرون
دینجَل مَزاریده یورولوبسان آنا ، دئدی

آز قالدی (نادرا) چیخا دان اولدوزی گِنَه
اِخلاصون اولسا فاطمه صَدمَرحَبا دئدی

  • یکشنبه
  • 13
  • تیر
  • 1400
  • ساعت
  • 22:01
  • نوشته شده توسط
  • یوسف اکبری
ادامه مطلب
مرحوم رحیم منزوی اردبیلی

زبانحال حضرت رباب(س) -(اود یاپیشدی سینَمه،لب ‌لروندن اصغریم) *مرحوم رحیم منزوی اردبیلی

1808
1

زبانحال حضرت رباب(س) -(اود یاپیشدی سینَمه،لب ‌لروندن اصغریم) اود یاپیشدی سینَمه، لب‌لروندن اصغریم
بوشلا دوشلَریم، ئوپوم اللروندن اصغریم

قوی سارالمیش عارضون سینَمه یاپیشدیریم
اودلو یوز گوزونله بیر سینَمی آلیشدیریم
کوسمه منّتون چکیم، قوی سنی دانیشدیریم
لذّت ائلییم شیرین دیللروندن اصغریم

من نه قدری قلبیمی غصَّدَ‌ن اووشدوروم
لب‌لرون نئجه قورو دوشلریمه یووشدوروم
صبحه‌جک گَرَک بئله وقتیمی سووشدورورم
بلکه صبح اولا فرج داوروندن اصغریم

ایلدَ‌ن آرتیق اولدو بو آخرین گئجون منه
اولمادی دیلون اوغول یاننام آغلارام سنه
آخ نئجه دییَنمَدون چاره، یاندیم آی ننه
حشره‌جک یانام گَرَک نیسگیلوندن اصغریم

چوخ اوزاندی از قضا، صبح اولوب همان گئجه
گلدی تیرِ حرمله چاتدی قالمادی گئجه
قان ایچینده اصغرین گوردو بینوا نئجه
وای دئدی نه قان سوزور تئللروندن اصغریم

هر گول اکدیم ای گول! گولوستانه سَرمَدیم
یاز گوروب آیاز گوروب بیرجه شاخه دَرمَدیم
پرپر اولدو گول بالام، مَخمل اوسته سَرمَدیم
توشه اخذ ائدَ‌نمَدیم گول پروندن اصغریم

هانسی سود امَر یئتیب بیله نکته‌سنجیه
قاتلیله روبرو قویدو پنجه پنجَیه
یاخشی طاقت ائیله‌دون اوخ وئرَ‌ن شکنجیه
وئر اجازه من ئوپوم حنجروندن اصغریم

تئشنه‌لیک آغارتدی گول صورتون ایپَک کیمی
باغرینا باسیب آنون هئی سنی اورَ‌ک کیمی
ایندی قانلی صورتون رنگ آچیب چیچَک کیمی
گول یوزون صفالیدی، پیکروندن اصغریم

باخسا حرمله دئدیم قصّۀ درازیوه
نرم اولار یاواش-یاواش قلبی سوز و سازیوه
باغلی گورسه قوللارون آتماز اوخ بوغازیوه
شرم ائدَ‌ر او باغلانان شهپروندن اصغریم

  • جمعه
  • 10
  • بهمن
  • 1399
  • ساعت
  • 20:28
  • نوشته شده توسط
  • یوسف اکبری
ادامه مطلب
حاج حسن یعقوبی تبریزی

زبانحال حضرت رباب(س) در مدینه -(چخمور علت ندی جسمینن علی جانی ربابین) *حاج حسن یعقوبی تبریزی

438

زبانحال حضرت رباب(س) در مدینه -(چخمور علت ندی جسمینن علی جانی ربابین) چخمور علّت ندی جسمینن علی جانی ربابین
عرشه اوج ایلری سندن صورا افغانی ربابین

گون قباقین اوزومه مسکن و ماوا ایلدیم من
هر نه عهدیم واریدی تک به تک ایفا ایلدیم من
مجلس عامیده فریادیله غوغا ایلدیم من
اهل مجلسدن آلوب طاقتی افغانی ربابین

آتاوین غملری بوکدی بلیمی بولمدی بیر کس
کیمسه فریاده گلنده سسیمه ویرمدی بیر سس
سایه وی سن باشیم اوستن من هاچان سویلمیشم کس
هجر اوتوندا یانوری بو دل سوزانی ربابین

اوچ گئجه اوچ گونوزی سوز عطشدن بالا یاندون
بوغازوندان دیوب اوخ قوش کیمی چرپندون اویاندون
آتاوین اللری اوستونده قزل قانه بویاندون
فدیه جانانه اولان ای قوزی قربانی ربابین

گلوری اهل مدینه قوجاقیندا سود اوشاقی
نظره آلمور علی جان آناوین بوشدی قوجاقی
شاخه گلدن اوچوب بلبلی خالیدی بوداقی
یانوری آتش هجره دل ویرانی ربابین

من گورن گونلری هیهات گوریدی بیر عزیزه
بختیمین چرخی منیلن عجب ایلوبدی ستیزه
گوردی قارداشلاریم اوغلوم منی اوخشاتدی کنیزه
عکسینه گردش ائدوب دوریده دورانی ربابین

آنانین اولمسه اوغلی آناوین دردینی بولمز
گوزونون یاشینی آخسا یوزونه غیر الی سیلمز
چوخ تعجبدی آنان صاق قالوب اوغلوم ندن اولمز
جسمنی ترک ایلمور راحت اولا جانی ربابین

نه جلالیم واریدی بیر گونون عرضینده یوخ اولدی
سنی مندن آییران دهریده اوغلوم بیر اوخ اولدی
باجوون دردی اورکده منه سندن ده چوخ اولدی
دردینه چاره ائده اولمادی امکانی ربابین

عمّوون حق گوروم ائتسون علی احسان ائوین آباد
گوزومون یاشی آخاندا الیردی اودا فریاد
خانه صبریمی غم سیلی یخوب ایلدی بر باد
گر اولوم گلسه اولار دردینه درمانی ربابین

من اوغول زوجه غمدیده سلطان حجیزم
او سببدندی علی جان ایکی دنیاده عزیزم
واردی فخریم بونا من زینب کبرایه کنیزم
آتاوا عمّوه قربان قورین جانی ربابین

سنه یعقوبی دیور شام و سحر درد نهانین
زر کیمی بوته غمده اریدیبدی دل و جانین
اجرینی لطفیله احسان ایله ناقص بو بیانین
نیّتی واردی اورکده اولا دربانی ربابین

  • جمعه
  • 1
  • مرداد
  • 1400
  • ساعت
  • 20:46
  • نوشته شده توسط
  • یوسف اکبری
ادامه مطلب
استاد داود طهمورثی

زبانحال حضرت رباب(س) راه شام -(او اوخ آتان که سنی قانیله خضاب ایلیوب) *استاد داود طهمورثی

389

زبانحال حضرت رباب(س) راه شام -(او اوخ آتان که سنی قانیله خضاب ایلیوب) او اوخ آتان که سنی قانیله خضاب ایلیوب
اوخون آتاندا ، منیم قلبیمی کباب ایلیوب

دگنده اوخ ، اورکیم بولدی خیمه ده ، گوردوم
قزشدی قلبیمی اود دوتدی التهاب ایلیوب

او اوخ یخوب ایویمی روزگاریمی چووروب
سنی اگر چه فرات اوسته کامیاب ایلیوب

او گون گون اورتا چاقندان ورم ایدوب اورکیم
کرخدروبدی غمون فکریمی خراب ایلیوب

او اوخ نجه اوخوموش بولمورم ، دیولّه ولی
همان اوخون تایی سقّانی دلکباب ایلیوب

سالوب خیالیمه هر آن همان اوخی دئمیشم
نه خاطره سنه ده اوچ پر انتخاب ایلیوب

یتیشمیشم بویره فکریمی اولوب راحت
مقام عشقده چون قهرمان حساب ایلیوب

گه آغلورام سنه گاهی باخوب فرحلنیرم
یوزونده نور خدا گور نه بازتاب ایلیوب

او قان دولان گوزیوه گوزلریم اولا قربان
دوباره قانلی باشون نی ده انقلاب ایلیوب

صبا آلور گوزل عطرون مشامیمه یتیرور
خمار و نشئه، منی عطر و بوی ناب ایلیوب

مشامیمه یتیشن عطریوه اوزوم قربان
او اوچ پر اوخ گولومی ایله بیر گلاب ایلیوب

اوجاتموسان باشیمی عرشه سن ایوین آباد
منی شهید آناسی هر گورن خطاب ایلیوب

ولی ئورکده منیم نچّه نیسکیلیم واردور
خدا بولور که نجه روحیمه عذاب ایلیوب

بیری بودور کی سو اوستونده باغلادوم اَلیوی
آنان خیال ایلیردی اوغول ثواب ایلیوب

ولی دیولّه او اوخ سانجلاندا حنجریوه
الی که قونداقا باغلیدی پیچ و تاب ایلیوب

اودم سودوم یوخودی ناعلاج قالمیشدوم
دیمه آنام اَلیمی بسته طناب ایلیوب

گلوبدی سینمه سوت ایندی منّتون چکیرم
سالوبدی جانیمه اود، قلبیمی کباب ایلیوب

وریدیلر او باشی سینم اوسته ساخلاردوم
هزار حیف اولا که دشمنیم جواب ایلیوب

نّئیون یوخوندی سنون (ساده) دار فانی ده
بو بس کی اصغر آدی دیده وی پرآب ایلیوب

  • یکشنبه
  • 3
  • مرداد
  • 1400
  • ساعت
  • 11:03
  • نوشته شده توسط
  • یوسف اکبری
ادامه مطلب
 محمدرضا صادقی

زبانحال خانم رباب(س) در مدینه -(من ربابم سالارام یاده علی اصغریمی) * محمدرضا صادقی

568

زبانحال خانم رباب(س) در مدینه -(من ربابم سالارام یاده علی اصغریمی) من ربابم سالارام یاده علی اصغریمی
توکرم صفحه رخساره بو اشک تریمی

طاقتیم یوخدی داخی غم گتوروب جانه منی
گئجه گوندوز ائلیوب ئولماقی دیوانه منی
نیلمشدیم بو فلک ، قویدی یانا یانه منی
ائتدی آغلار بالاما حشره کیمی گوزلریمی

من دییردیم نئچه مدت صورا اصغر دیل آچار
گل دریب خردا الیلن سینمون اوسته ساچار
نه زمان بیرده دییردیم آنا آردینجا قاچار
منی سسلر دییرم جان ، آچارام اللریمی

چون یوخیدی دیلی دردون دییَه مه پاره بالام
ال ایاق چالدی فقط آغلادی بیچاره بالام
باغلادیم اللرینی یاندی عجب ناره بالام
دیدیم ایوای بالا ، محزون ایلدیم ائللریمی

حرمله چکدی آرامیزدا بیزیم خط فراق
سندروب بال و پرین اصغریمین غنچه سیاق
اوخلادی جنّته پیغمبره گوندردی قوناق
قویدی حسرت او گُله خیمده بلبلریمی

من او گوندن یانارام ایوای اوغوای دییرم
سوسوز احوالینه یاننام بالاما وای دییرم
اوتوروب گون قاباقیندا اونا لایلای دییرم
بلکه آرام ایلیم بو دل غم پروریمی

من کیمی « صادقی » داد ایلیوری صبح و مسا
دییور ای کاش اولا جانیم او سوسوز جانه فدا
گرچه وار جرمی خدایا سن اوزون ایله عطا
اصغرین خاطرینه عفو ائله بو نوکریمی

  • جمعه
  • 8
  • مرداد
  • 1400
  • ساعت
  • 11:48
  • نوشته شده توسط
  • یوسف اکبری
ادامه مطلب
راهنمای علائم موجود در فهرست:
عدد کنار این علامت نشانگر تعداد کاربرانی ست که این مطلب را پسندیده و به دفترچه شعر خود افزوده اند
عدد کنار این علائم نشانگر میزان محبوبیت شعر یا سبک از نظر کاربران می باشد
اشعار ویژه در سایت برای کاربران قابل دسترس نیست و فقط از طریق خرید اپلیکیشن مورد نظر این اشعار در داخل اپلیکیشن اندرویدی قابل رویت خواهند بود
این علامت نشانگر تعداد کلیک یا بازدید این مطلب توسط کاربران در سایت یا اپلیکیشن می باشد