روحانی بئیرصفرده کی حق ائیله دی نصیب

بئیرعده همسفرهاموسی واقعانجیب

رهبرزیارتینه خداونده شاکروخ

مداح اهلبیت ویااینکه شاعروخ

شب خیزیلن دوباره سئویندیم گوروشمگه

آزفاصلیله بئیراوتوبوس ائبچره دوشمگه

(شهبازی)نی (شهابی)نی گورمکده دلخوشام

اما بئیرازجا فاصله میز واردی ناخوشام

عالی مرامین اوسته دی کلا عقیده میز

عرفانی دیر غزللریمیز یاقصید میز

بئیرعالی مجلس اولدی اوگون وصفه گلمبن

هیئت ده ده مثالی اوبزمین دوزلمین

گرچه چتین دی ماوقعی شرح ائده م سنه

سوزبئیریئره یئتشمه سه ده نقص دورمنه

قصدیم بودوراطاله ده اولسا وزین یازم

سوزده تصرف اولمیا عینا ئوزین یازام

راوی سی بئیررفیق دی(بیرامی )شهرتی

قربان آدیندا(سیس لی)شیرین دی صحبتی

هربئیرسوزی یئرینده ئوزی خوش بیان دیر

شاعرده اولماسیدی اگرنوحه خوان دیر

فرمایش ائیله دی (حسن) آدینده بئیرنفر

هئچ بئیرطبیب نسخه سینه گورمه دی ثمر

قالدی (تومور)معلجه سیندن غلاج سیز

سائل غمین نه درک ائیایوراحتیاج سیز

امیدیله دوایه خراسانه عزم ائدورگئدور

باغلورطنابی بوینوناائبلورئوزین ذلیل

مین لرمریض مثلی دوشورحضرته دخیل

باشدا (تومور)دقیقه گئچورشدت ائیلیور

بورکون باشیندا اولماقینا دقت ائیلیور

سعی ائیلیورتک اولماسابورکین گوتورمه سین

باشین تورم حالتینی کیمسه گورمه سین

آغلارگوزیله شاه خراسانه یالوارر

بئیلمور ولی رئوف آقادان مطلبین آلور

گویابونوعی نقل ائلیورآه وزاریلن

مولا کرامت ائیله دی بوشرمساریلن

افسو اولا هدینه نی قئیتردیم آلمادیم

منله ن بوجورعنایت اولورفیکره سالمادیم

درک ایتمه دیم حضورنگاره وصالیمی

شرح ائیله مکدن عاجزم آشفته حالیمی

هردرده چاره بئیرجه اولاردان اشاره دی

گوزگوشه سیله باخماقی مین درده چاره دی

رویادیم ویااویاقام وارسعادتیم

بئیر(سید) یله اولدی بونوعیله صحبتیم

احوالیمی سوروشدی ساغ اول چوخ خوشام دئیدیم

واردیرباشیمدا آغری بئیرآزناخوشام دئدیم

هربئیرسوزه جوابینی من وئیردیم الغرض

من ده ن اجازه آلدی ائده بورکیمی عوض

ردائیله دیم بوخواهشینی راضی  اولمادیم

ایوای منه کی حاجتیمی وئیردی المادیم

حساس دیم کی بورکیمه خلق ائیچره دگمییم

مجبوریدیم تئزآیریلا مندن ساغ اول دئیم

فرمایش ائیله دی قویورام تئزگوتورمه گه

باعث نه دوربوجورال ایاقون ائیتیرمه گه

یوخ یوخ دئدیم بویاخشییدی یوخ وئیرما ال منه

بوبورک منه گوزل دیر اوعمامه ده سنه

باغلاندی حیف اولااودقبقه بصیرتیم

علت الی بوش اولماقیما اولدی غفلتیم

شرح ائیلینوه دیم ئوزومه ماجرانی من

ایوای منه تانیمادیم افسوس آقانی من

یاز(اشرفی)کرم لی دی سلطان دین رضا

گوزباغلانارکیمه ائله سه حمله گر قضا