اشعار حضرت زینب(س)

مرتب سازی براساس

احوالات حضرت زینب(س) -(گل حسین قمچی یوران پیکری نیلی باجیوام) * لا ادری

920

احوالات حضرت زینب(س) -(گل حسین قمچی یوران پیکری نیلی باجیوام) گل حسین قمچی یوران پیکری نیلی باجوام
عرش درد و محنون غملی سهیلی باجوام
قاره بختیمدن ئولن وقته گلیلی باجوام
رشتۀ عزت و اقبالیمی بختیم قیردی
آلدی قارداشلاریمی خوار ایلیوب سندیردی

من سنون گوزلری یوللاردا قالان زینبوم
قتلگهده سنی اللردن آلان زینبوم
من سنون کرب و بلاده قوجالان زینبوم
تیغ آهیله یانان قلبی پیاپی بولورم
هارداسان قارداش حسین ایندی آدامسیز ئولورم

روزگارین دئمه قارداش ایشی منله چوخوموش
سر نوشتین قلمی قلبیمه بیر گون اوخوموش
هئچ اولدن ایله بیل قارداشیم اصلاً یوخوموش
یّدی قارداش آدین ازبر ایلیوب هی دیورم
یّدی سندن بیری گلمور نقدر گوزلیورم

آز قالور سایه گله اشکی روان گوزلریمه
گجه تک ظلمت اولوب ایندی زمان گوزلریمه
کسیلن پنجوی گل قوی نگران گوزلریمه
گوزلریم قوی کسیلن اللریلن باغلانسون
گوزلرون یوم یوزومه باخما اورک داغلانسون

سندن اوزگه باشیم اوسته نه گلن ایستیورم
نه سرین یر گزورم من نه وطن ایستیورم
دیورم گل ولی فکر ایتمه کفن ایستیورم
جان یتوب سینمه قارداش وطنی نیلیورم
گوگلوم ایستور سنی والله کفنی نیلیورم

ره عشقونده سنون عمر بوئی جان قویدوم
سنه نسبت بلورم خدمته نقصان قویدوم
یولا دوشدوم قولی باغلی سنی عریان قویدوم
آغلارام پیکروی قویدولا من سیز قبره
آی کفنسیز منی دفن ایله کفنسیز قبره

کاش نسیم ئوز جهتین دوندره اول غملی یره
باخوب احوالیمه رحم ایلیه الله گوره
قلبیمون غصه لرین محضر یاره یتوره
بلکه احوالیمه آگاه دگلسون هله سن
حالیمه آگه اولوب باشیمون اوسته گله سن

غربانین ئورگی سنسا مگر آلمازلار؟
جان ویرنده باشی اوستنده گلوب قالمازلار؟
یّدی قارداش باجسین یاده مگرسالمازلار؟
بلورم دوزدی بیر آز فاصله میز چوخدی حسین
یول مگر سو یولی تک باغلیدی یول یوخدی حسین؟

مرغ روحی یورولان سینه قفس مثلی سخور
کهنه دیوارۀ عمری گوزومون یاشی یخور
جان یتوب سینیه قلبیم سنه خاطر داریخور
دئمورم عرشه دگن باشوه عّزت تاجوام
سن ئوزون یاخچی بیلورسن که حسینچی باجوام

سنیلن بدو تولدن حسین هم نفسم
ایندی بیر قوش کیمی زندانی کنج قفسم
کجه گوندوز سسی غملی اوجالان بیر جرسم
ایدورم ناله سزلتیم سسی کم کم یاییلور
نالمه قبریده مظلومه رقیه آییلور

باخورام حسرتیلن گوز دولوسی یوللاره
چوخ سوزوم وارولی یوخ طاقت حسین گفتاره
کیپریگیم آدوی اشگیله یازوب رخساره
گوز یاشیم آدوی گه یوزده پوزار گاه یازار
بی کسم کیمه کفن ایلر منه کیم قبر قازار

باشیم اوسته گلنیم اولمادی خواراولدوم حسین
قلبیدن غملی بلوطلار مثلی دولدوم حسین
باغبان سیز گله بنذر سارالوب سولدوم حسین
منی گوزدن نه گناه اوسته سالوبسان قارداش
گون ایوینده ئولورم هاردا قالوبسان قارداش

  • یکشنبه
  • 4
  • مهر
  • 1400
  • ساعت
  • 14:18
  • نوشته شده توسط
  • یوسف اکبری
ادامه مطلب
فروشگاه پرچم
مرحوم رحیم منزوی اردبیلی

زبانحال حضرت زینب(س) در حال احتضار -(گل زینبی جان اوُسته ملاقات ایله قارداش) *مرحوم رحیم منزوی اردبیلی

1597
2

زبانحال حضرت زینب(س) در حال احتضار -(گل زینبی جان اوُسته ملاقات ایله قارداش) گَل زینبی جان اوُسته مُلاقات اِیله قارداش
بی کس باجیوی غَرقِ مُباهات اِیله قارداش

من بیر اِیله وَحشتلی بیابان دا حسین جان
دوتدوم سو کنارینده سنه شام غریبان
هر چند عوضین اِیستمورم اِی شهِ خوبان
قارداش لیقیوی عالمه اِثبات اِیله قارداش

بو علّته جان اوُسته آنام چوخ کَدر اولدی
اوغلی واریدی، قارداشی یوخ دیده تَر اولدی
امّا باجیوین اُلماقی اوُندان بَتَر اولدی
قارداش سیز اوغول سوزدی مُراعات اِیله قارداش

سن اوُلما رضا زار و غَریبانه گِیدم من
آیری قاپیا چاره و دَرمانه گِیدم من
عالم نه دِیر قَبره غَریبانه گِیدم من
بیر لحظه وَلُو کَشف و کَرامات اِیله قارداش

بختیم یاتوب اَلبتّه که یاتسون نه سوزوم وار
گر غصّه بُوکوب قدّیمی قلبیم دَه دوزوم وار
آخِر صِله اَرحامه گوره سنده گُوزوم وار
غربت دَه اُلَن باجیوه خِیرات اِیله قارداش

ای زینبین آرامی اوغول سوز باجون اُلسون
گل سیر اِیله بیر شامی اوغول سوز باجون اُلسون
گور باشداکی غوغامی اوغول سوز باجون اُلسون
بیت الحزنی روضهء جَنّات اِیله قارداش

جان خسته دی دردیم گیچوب اَفسرده دوادَن
بیر طاقه کَفن آل منه بازارِ بَلادَن
باغلا بیر اووج گوشه سینه خاکِ شَفادَن
اوز تُربتی وی اَفضلِ سُوغات اِیله قارداش

عبّاسه یتور خواهشیم ای شاهِ خُجسته
آخِر دینن ای سروِ سر و دست شکسته
نَفسونله مُواسات اِیلدون دینِ حقّ اوسته
اَللّهه گوره بیرده مُواسات اِیله قارداش

شام اهلی دیور هیچ بونا بیر اَل یتورن یوخ
اِئل صاحبی دور دردی نه درمان گتورن یوخ
وار یتدی نفر قارداشی یِردَن گوتورن یوخ
دشمن گوزی نه باری عنایت اِیله قارداش

  • سه شنبه
  • 30
  • شهریور
  • 1400
  • ساعت
  • 21:29
  • نوشته شده توسط
  • یوسف اکبری
ادامه مطلب

شهادت حضرت زینب(س) -(ترک ائده آز قالور حسین تیره جهانی زینبون) *مرحوم انور اردبیلی

669

شهادت حضرت زینب(س) -(ترک ائده آز قالور حسین تیره جهانی زینبون) ترک ائده آز قالور حسین تیره جهانی زینبون
گوزلری آختارور سنی فاطمه جانی زینبون

الّی بئش ائیلدی سایه لطفوه دالدالانمیشام
عشقیوه دستگیر اولوب شهرلری دولانمیشام
شمع یانوب خموش اولار منکه همیشه یانموشام
اللی بئش ائیلده سونمیوب سوز نهانی زینبون

آزقالوری یومولماقا اشک تری آخان گوزوم
میلۀ غصّه سُرمه سین کیپریگینه یاخان گوزوم
قتلگهونده نعشیوه حسرتیله باخان گوزوم
منتظروندی دیدۀ اشک فشانی زینبون

شامه اوزاقدی کربلا چوخدی اگر چه فاصله
سن آقاسان اوزاق یولون زحمتینی قبول ائله
بیر یول ایشیم دوشوب سنه گلمسن ایلرم گله
غملی باشین دیز اوستونه یوخدی آلانی زینبون

هر باجی جان وئرن زمان من کیمی اولسا دربدر
صاق وصولا باخار گوزی قارداشین آرزو ائدر
قارداشی دفنه گلمسه قبرینه ناگران گئدر
گل نگران گئدور بو گون روح روانی زینبون

یاسین اوخوردون هر شب جمعه آنام بتوله سن
فکره گئدوردوم عالم عشقیده فوق العاده من
کاش دیردوم ای حق قادر و حیّ ذوالمنن
زینب ئوله حسین اولا فاتحه خوانی زینبون

من دئدوم عمرومون گلی عزّتیلن سولار حسین
تربتیوی ئوپر باجون جام صفا دولار حسین
غصّه لی روحی غصّه دن اوردا خلاص اولار حسین
گورمدی جان وئرن زمان کرب و بلانی زینبون

یتمه دی بهری زینبه قارداش او خاک اقدسین
درک ایلیم مزاریده اصغرین آغلاماق سسین
خاطرین ایستین قزون ساخلادی یورقون عمه سین
قونشی اولار رقییه خوشدی مکانی زینبون

یدّی وفالی قارداشین خواهر مهربانیم
کرب وبلا ددیارینون غصه لی مهربانیم
شمره اسیر اولانلارون حافظ و پشتبانیم
ایندی اجل گلوب حسین یوخدی توانی زینبون

سنسیز حسین یاتاندا من هر گجه غمله یاتمشام
غصه لرون دوشوب یادا ئوز ئوزومی اویاتمشام
قدّیمی غملرون بوکوب پرچمووی اوجاتمشام
آدون اولوبدی دم بدم ورد زبانی زینبون

یاخشی دگل گتورسه کیم ائتدیگی خدمتین دیله
خدمت ائده وظیفه دور شوقیله باغبان گُله
گُللرووه ئوزون کیمی یِتشمدیم گذشت ائله
عذره یول آختارور دئدی بو جریانی زینبون

سوز غمونده قلبیدن عود کیمی آلیشمیشام
هاردا دئیوبله آدیوه خارجی من دانیشمیشام
هاردا سالوبلا مشکله عترتیوی چالیشمیشام
عزّتیله دولاندیریب آل عبانی زینبون

رخت اسارتی گیوب پاک و خجسته ساخلادیم
دوره می آلدی بیر بُولوک قلبی شکسته ساخلادیم
ساخلا دئدون رقیه می سینمون اوسته ساخلادیم
پرورشنده غفلتی اولمادی آنی زینبون

رنگی سارالدی گون بگون بیلدیم او قز خطرده دور
هی سنی مندن ایستدی منده دئدوم سفرده دور
یومدی گوزون خرابه ده داغی یانان جگرده دور
حیف او بالا ئولن زمان چخمادی جانی زینبون

باشیوی آلدی سینه سی اوستونه دقت ایلدی
دوردی چکیلدی گوشیه ، مجلسی خلوت ایلدی
سنله خصوصی بیر نچه ثانیه صحبت ایلدی
باشیوه اوخشاما دئدی قینه دی قانی زینبون

نُطقی کسیلدی غفلتاً درک ائده بیلمدوم سوزون
فکر ایلدیم یاتوب بالون گُل یوزووه قویوب یوزون
گوردوم او طفل نازنین یومموش همیشه لیک گوزون
وای دئدی داده سسلدی زین العبانی زینبون

میّتی جابجا ائدم یاخشی اطاقیم اولمادی
باشینون اوسته یاندیرام شمع و چراغیم اولمادی
یاخشی حسین خرابه ده ئوزگه قوناقیم اولمادی
ایلدی رو بقبله اول خردا بالانی زینبون

گوردوم اونون قرا تلی گُل یوزون ایلیوب نهان
دوزمدی قلبیم ایلدوم طره لرون اویان بویان
گوزلرینی ئوپوب دئدوم آچ گوزوی رقیه جان
گلمدی نطقه بلبل باغ خزانی زینبون

  • دوشنبه
  • 8
  • شهریور
  • 1400
  • ساعت
  • 21:50
  • نوشته شده توسط
  • یوسف اکبری
ادامه مطلب
 سید تقی سیفی اردبیلی

در مدح حضرت زینب(س) -(اولمشام ایللردی من عاشق صفای زینبه) * سید تقی سیفی اردبیلی

1178
2

در مدح حضرت زینب(س) -(اولمشام ایللردی من عاشق صفای زینبه) اولمشام ایللردی من عاشق صفای زینبه
حاضرم جان بذل ایدم واللهی پای زینبه

ويرسه لر مین دُرّ اعلادن دولی گنجینه نی
اولمیوب اولماز یقین قیمت وفای زینبه

بو قرا پرچمده که عشق اهلی یازینب یازوب
سلطنت تاجیندن افضلدور گدای زینبه

حشریده دوشمز حسینه آغلیان عاشق اودا
شرطی وار شامل اولا روحی دعای زینبه

من او مستم جام زینبدن مِی ناب ایچمیشم
گلمشم سس قوشماقا بوردا نوای زینبه

ساتمشام سرمایه ی دنیانی، دلدار عشقینه
رَحموز اولسون ورمیون داش آشنای زینبه

دانه ی یاره کبوتردنده آرتیق قانعم
عاشقم نیلوم در دولتسرای زینبه

سَپ گلاب اشکوی، دامانوه گل عطری یای
دعوت ایت زهرانیده گلسون عزای زینبه

بزم ماتم زینبوندی نوحه خوان لازم دگُول
هرکیم عاشقدور توکر گوزیاشی پای زینبه

حشریده "سیفی" یقیناً واردی اعلا منزلت
شاعر اهل دل و نوحه سرای زینبه

  • یکشنبه
  • 4
  • مهر
  • 1400
  • ساعت
  • 14:40
  • نوشته شده توسط
  • یوسف اکبری
ادامه مطلب
مرحوم رحیم منزوی اردبیلی

سلام بر حضرت زینب(س) -(سلام اولا سنه ‌ای مقتله پیاده قاچان) *مرحوم رحیم منزوی اردبیلی

2059
1

سلام بر حضرت زینب(س) -(سلام اولا سنه ‌ای مقتله پیاده قاچان) سلام اولا سنه‌ای مقتله پیاده قاچان
ئوزین بلایه سالوب شیعیانه مشکل آچان

سلام اولا سنه ای شمریلن کشاکش ائدن
حسینه‌خاطرعمرسعد‌شومه‌خواهش ائدن

سلام اولا سنه ای اللری ئورکده قالان
حسینون عطرینی صدپاره کوینگدن آلان

سلام‌اولاسنه ای‌یدّی‌قارداشین باجیسی
شیرین جانندا قالان تازیانلر آجیسی

سلام اولا سنه ای عَمّه‌ی امام زمان
قبول‌ائله بوسلامی‌خانم اوزاق یولدان

  • شنبه
  • 7
  • فروردین
  • 1400
  • ساعت
  • 13:08
  • نوشته شده توسط
  • یوسف اکبری
ادامه مطلب
 سیدبشیر حسینی میانجی

طفلان حضرت زینب (س) -(سنه هدیه دی مندن ایکی اوغلوم حسین جان) * سیدبشیر حسینی میانجی

429

طفلان حضرت زینب (س) -(سنه هدیه دی مندن ایکی اوغلوم حسین جان) سنه هدیه دی مندن ایکی اوغلوم حسین جان
بیری اکبره قربان، بیری اصغره قربان
حسین جانم حسین جان (2)

دلِ زینبه بیر باخ، دوشوب سوز و گدازه
قسم وئرّه م اؤرکدن سنی شاه حجازه
تلطّف ائله قارداش! بولاره وئر اجازه
بو عون و بو محمد، بو ایثار و بو میدان
بیری اکبره قربان، بیری اصغره قربان
حسین جانم حسین جان (2)

علی اکبر ئولندن دونوبدور قانا قلبیم
غم و محنت اودوندا گره ک دیر یانا قلبیم
اوغول داغی چکم تا یانیب اودلانا قلبیم
گره ک دیر اولا قربان ره عشقه بو طفلان
بیری اکبره قربان، بیری اصغره قربان
حسین جانم حسین جان (2)

حسین! سن سن ازلدن منیم روح و روانیم
فدا جانیوه اولسون بوگون غصّه لی جانیم
یولوندا آخا ای کاش منیم ده یئره قانیم
دیء آمین بو دعایه قبول ایلیه سبحان
بیری اکبره قربان، بیری اصغره قربان
حسین جانم حسین جان (2)

باجی قارداشا قربان روادی اولا ای کاش
باجون زینبه بیر باخ دئمور وئر منه پاداش
دیور سال یولا گئتسین جهاده ایکی قارداش
بولار هر بیری بلکه اولا قانینه غلطان
بیری اکبره قربان، بیری اصغره قربان
حسین جانم حسین جان (2)

سؤزیمی یئره سالما گلِ یاسیمه خاطر
هم اکبر همی اصغر، هم عبّاسیمه خاطر
بو طفلانه عزیزیم جوان قاسیمه خاطر
اوزون ال­لریویله گییندیر کفن الان
بیری اکبره قربان، بیری اصغره قربان
حسین جانم حسین جان (2)

ملولم منه خوشدی دئییم بیله بو چولده
گوزوم یاشی سزادی دؤنه سیله بو چولده
منیم عرضیمی لطف ائت قبول ایله بو چولده
بولار باتماسا قانه اولار عشقیمه نقصان
بیری اکبره قربان، بیری اصغره قربان
حسین جانم حسین جان (2)

بولاره گوره قارداش قرا باغلامارام من
دئمم وای ایکی اوغلوم اؤره ک داغلامارام من
باخوب نعش لرینه یقین آغلامارام من
سنه آغلیارام تک نقدری اولا امکان
بیری اکبره قربان، بیری اصغره قربان
حسین جانم حسین جان (2)

  • چهارشنبه
  • 29
  • اردیبهشت
  • 1400
  • ساعت
  • 23:09
  • نوشته شده توسط
  • یوسف اکبری
ادامه مطلب
 سید تقی سیفی اردبیلی

حضرت زینب(س) -(شأن بی پایان وئروب خلاق یکتا زینبه) * سید تقی سیفی اردبیلی

654

حضرت زینب(س) -(شأن بی پایان وئروب خلاق یکتا زینبه) شأن بی پایان وئروب خلاق یکتا زینبه
حشره جن گلمز داخی خلقتده همتا زینبه
یتمیش ایل کعبه جوارینده نماز بی ولا
دوز قضاوت ایلسون چاتماز بیزیم یا زینبه

جوهر انساندا بیر فطرتدی بو مردانه لیک
عشقیدن الهام آلوب یانماقدادی پروانه لیک
معرفتدور درگه زینبده که دیوانه لیک
قوی دئیوم دیوانه ام من بی مهابا زینبه

زینبون آدی دیریلدوب اعتبار خلقتی
مریم و سارادن افضلدور بونون شخصیتی
گر الیمدن دوتسا زینب نیلورم من جنتی
حق گوزلّیک بذل ائدوب جنتدن اعلا زینبه

جهد ائله زینبدن آل شور ولا شوق وداد
حلقه زنجیر تک وئر ال اله تاپ اتحاد
سسله ای غیرتلی شیعه، عشق زینب زنده باد
دوز دیین عاشق ائدر جان نقدی سودا زینبه

ادعا باطلدی الده اولماسا محکم دلیل
ایلورم منده بو گون بیر ادعای بی بدیل
بوستان عشق زینبدور بو شهر اردبیل
باورون گر یوخدی باخ، گور وار نه غوغا زینبه

زین اب یعنی سپهر عشقه خورشید جلی
مست سودای حسینی تابع امر ولی
محمل اوسته آتشین گفتاری صددر صد علی
اوخشیان تاریخیده کیمدور توانا زینبه

عشق یار اولسا اگر دل بیلمین لر دیلّنر
حق مدد وئرسه قریحَم جوشلانار سوز سئلّنر
گر علی بلّنسه کیمدی شأن زینب بلّنر
یوخ یازان ئوز رتبه و شأنینده معنا زینبه

شیعه سن غیرت نشان وئر مجلسه سپ گوزیاشین
قدی خم زینب گورنده داشلیولار قارداشین
سسلدی یاندیم اباالفضل محمله چالدی باشین
مدرک غیرت اولوب زلف محنّا زینبه

گور نجه عشقونده قارداش دهره غوغا سالمشام
فکر ائدور دشمن که اولمشام تک قالمشام
بیلمیور دیوار و در دن یانماقا درس آلمشام
دوشمرم جاندان هله سن سن مسیحا زینبه

ای در احسانوون موسی بن عمران محتاجی
سایه عشقون سماوات اهلینون باشدا تاجی
سن کیمی قارداش داغیندا تاب ائدر هانسی باجی
بنذین کیمدور بلا صحنینده آیا زینبه

فاطمه داودی، شوریله اوخی قرآنووی
زینبم سیندیرمارام ئولسمده حق پیمانووی
موبه مو قول باغلی اجرا ایلرم فرمانووی
باغلیانمز راه عشقی مَکر اعدا زینبه

فرصت آسایشی قوم عناده وئرمرم
مسند توحیدی شوم و بدنهاده وئرمرم
من علینون منبرین ابن زیاده وئرمرم
فاتحم هر صحنه ده یاوردی حق تا زینبه

قویمارام غم سندیرا آرامیمی صبریم داشا
یدی قارداش پرچمین حمل ایلرم من تک باشا
سسلرم دشمن حضورینده یاشا قرآن یاشا
مرحبا احسن دییر جنتده حورا زینبه

  • چهارشنبه
  • 20
  • مرداد
  • 1400
  • ساعت
  • 21:18
  • نوشته شده توسط
  • یوسف اکبری
ادامه مطلب
استاد داود طهمورثی

زبانحال حضرت زینب(س) در حال احتضار -(بو خرابه شامیده زینبین باشینی تاپوپدی بلا حسین) *استاد داود طهمورثی

524

زبانحال حضرت زینب(س) در حال احتضار -(بو خرابه شامیده زینبین باشینی تاپوپدی بلا حسین) بو خرابه شامیده زینبین باشینی تاپوپدی بلا حسین
ئولورم هرایمه تِز یتیش منه ای امید و رجا حسین

دئمیرم یولون بو دیاره سال، منه داغلی سینه وی داغلا گیت
دئمیرم یوخومدی بیر آغلیان، منه گل بو یرده بیر آغلا گیت
دییورم یولوندا قالان گوزی، گل اوزون بو شهریده باغلا گیت
وئره تا قدوم مبارکین، دل بی قراره صفا حسین

دئمیرم که یوخدی بو شهریده، باشیم اوستونه گَلنیم منیم
دئمیرم اولیدی و یا حسین، بو مکاندا اِیش بیلنیم منیم
دییورم خوشا منیم حالیمه، اولی کوینکین کفنیم منیم
او مین اوخلی کوینکی آلمیشام، اِیلدیم من عهده وفا حسین

بولَه کاش زینب حضوریوی، چیخا تا قباقیوه یا اَخا
سنی پیشواز اِیلیه باجون، وئریله عنایتیوه بها
دم وصلی گورسه اگر گوزوم، تاپاجاخدی داغلی دیلیم صفا
نه اِیدوم نه اِیلورم اولموری، اورکیم فراقه رضا حسین

دییورم اجازه وئریدی شرع، باجیویندا قانی آخیدی کاش
او بلا چولونده و یا غمون، منی یاندریدی یاخیدی کاش
ایله اود دوشیدی وجودیمه، هامی صف چَکیدی باخیدی کاش
ولی گورمییدی نگاریدن، اِیلیوبله یاری جدا حسین

آنام اوغلی نچّه دیاره که، نچه یول دوشوب گذریم منیم
بیری دشت کرب بلادی که، ویروب اود یانوب جگریم منیم
چوخ آغیر مصیبته دوزموشم، اورکیمده وار کدریم منیم
غم اَریتدی جسمیمی شمع تک، قالور اِیندی بیرجه نما حسین

بیریده بو شامِ خرابیدور، که گوزومده گوندوزی شام اِیدوب
من هارا بو شهر خراب هارا، منه وصل یاری حرام اِیدوب
متحیرم که فراقیوه، نجّه قلب خسته دوام اِیدوب
قاپیمیز یاناندان اِیله تاپور، بو بلالی باشی بلا حسین

من او کوه درد و غمم، ولی، منی فرقتون علن آغلادار
سالارام خیالیمه یثربی، یادیما دوشر حسن آغلادار
گه آنام غمی گه آتام غمی، منه آرتیرار مُحن آغلادار
منه ایندی یوخدی بیر آغلیان اوزوم آغلورام عجبا حسین

من او کوه درد و غمم منی، گتیرنمیوب مُحنیم دیله
اولا مین برابر اگر بو غم، اِیلمز خدایه باجون گِله
ولی هجریوه دوزه بولمورم، باشیمی سالوبلا نه مشکله
باجیوین اورکده بو دردینه، سن اوزون گل ایله دوا حسین

او بولود تک ایله دوتولموشام، سببین دئمَم بیله بیلمیرم
ایله حاله درد و غمون سالوب، گوزومون یاشین سیلّه بیلمیرم
ئولوم آرزودی بو دم منه، ئولورم ولی ئوله بیلمیرم
باشیما او سایه وی سالماسان
گینه اِیتمرم گله یا حسین

ای (عتیق) (انور) خوش کلام، او گوزل فصاحتیله مدام
نه یازوب ، یازوب بیزه عشقیله اِیلیوب بو فعلی او گون تمام
سایلور که خلق آرا محترم قلمون او غیره بولوب حرام
اودی که شفیع اولاجاق اونا یِتیشنده وقت جزا حسین

  • سه شنبه
  • 30
  • شهریور
  • 1400
  • ساعت
  • 21:18
  • نوشته شده توسط
  • یوسف اکبری
ادامه مطلب
مرحوم رحیم منزوی اردبیلی

کوچ از قتلگاه -(کوچ ائتدی او گونکه اسرا کرب و بلادن) *مرحوم رحیم منزوی اردبیلی

675

کوچ از قتلگاه -(کوچ ائتدی او گونکه اسرا کرب و بلادن) کوچ ایتدی او گونکه اسرا کرب وبلادن
میدان بلا خالی اولوب اهل جفادن

اوچ گون شهدا نعشی قالوبدور قوری یرده
سالمشدی حسینون یاراسی عالمی درده

گوداله طرف یوز قویوب اول پرتو آفاق
بیر جفت کسوک ال ایلدی طاقتنی طاق

گوردی کسیلوبدور گنه بیر خرداجا بارماق
ملحق ایلدی نعشه سووردی باشا تپراق

بیردن دیدی بابا بله دردو محن اولماز
هئچ جنگیده والله بیله صدپاره تن اولماز

یاندیم یارالی سن کیمی الده ئولن اولماز
بیر مرقد شش گوشه درست ایتدی او مولی

قبر ایچره ولی ئوز آتاسین قویمادی تنها
دفن ایتدی ایاق سمته علی اکبری گویا

قویدی صودامر اصغری شه سینه سی اوسته
گل برگی یاتوب معرفت آئینه سی اوسته

چون فارغ اولوب گزدی اومیدان بلانی
فکر ایلدی اولسون شهدا قبرینه بانی

بیر قبره قویوب اکثر نعش شهدانی
یوز دوتدی بنی اسده سید بیمار

آلدی خبرآیا گنه بوچولده قالان وار
عرض ایتدیله شاها هله چوخ دردومحن وار

شاماته گیدن باشلاریجا پاره بدن وار
دریای فرات اوسته ده بیرالده ئولن وار

بیرسرویدی خوللاری بدندن کسیلو بدور
دعواده اوزون قوللاری تندن کسیلوبدور

  • جمعه
  • 30
  • آبان
  • 1399
  • ساعت
  • 19:19
  • نوشته شده توسط
  • یوسف اکبری
ادامه مطلب
استاد حسین غفاری اردبیلی

مدح حضرت زینب (س) گریز به وداع حضرت امام حسین(ع) -(خلقتین شاهکاری زینبدی) *استاد حسین غفاری اردبیلی

1503

مدح حضرت زینب (س) گریز به وداع حضرت امام حسین(ع) -(خلقتین شاهکاری زینبدی) خلقتین شاهکاری زینبدی
عترتین نامداری زینبدی

صبریله آلدی قلّۀ ظفری
اُسوۀ پایداری زینبدی

بهترین بندۀ خداوندین
بهترین یادگاری زینبدی

خلقتی فصل فصل اگر ائلسوک
فصل سبز بهاری زینبدی

اوخشاسا یاخشی نطق شمشیره
خطبه نون ذوالفقاری زینبدی

گوزی باغلی اوخ آتسا گر غیرت
بوشا گیتمز شکاری زینبدی

آنالار افتخاری زهرادی
باجیلار افتخاری زینبدی

نهضت عشقه افتتاح ایلین
شرکت انحصاری زینبدی

شمع و پروانه نون روایتینون
راوی داغداری زینبدی

ماردی ئولدورن ابوالفضلین
خواهر باوقاری زینبدی

دینیمون تاجداری حیدردی
عشقیمین شهریاری زینبدی

عفّت و عصمتین خزانه سینون
شِمش خالص عیاری زینبدی

سینمیان اقتداری زینبدی
سیندیران ظلمکاری زینبدی

پهلوانلار علینی سسلسلر
قهرمانلار شعاری زینبدی

مستشار رشید مکتبدی
شیریدن صود اَموبدی زینبدی

فاطمی زاده دور اصالتی وار
اصلینون نسلینون وجاهتی وار

حوزه عشقیده مدّرسدی
مدرک محکم فضیلتی وار

غیرت و همّت و شجاعتده
اسداللهیلن رقابتی وار

جانشین اولماقا حسین آقاما
بیر فقط زینبین لیاقتی وار

آلنین ئوپدی بویوردی پیغمبر
عموسی حمزه تک صلابتی وار

نهضت کربلانی ساخلاماقا
شاه عطشانیدن وکالتی وار

کاروان کاروان شرافتی وار
آسمان آسمان نجابتی وار

بیرگونی عالم تخیّلده
طبعیمون گوردوم آیری حالتی وار

آختارور زینبین مقاماتین
مطلبی یازماقا حرارتی وار

یوز دولاندیردیم آسمانه طرف
گویده گوردوم شرف علامتی وار

یازیلوب سینۀ سماواته
غیرتین زینبه ارادتی وار

دیدیم ای آسمان بو طنطنووین
هانسی بیر شخصه چوخ شباهتی وار

دیدی سال فکریوه حساب ایله
سوزیمون مو به مو حقیقتی وار

نه کی تک کوه و دشت و دریایه
زینبین گویلره حکومتی وار

مدحینون رشته سی مطوّلدی
بیر توکی ماسوادن افضلدی

عالمه صبر وتابی ئورگتدی
روش انقلابی ئورگتدی

رهبران شریف و آگاهه
ظلمیدن اجتنابی ئورگتدی

بشره بین عزّت و ذلّت
بهترین انتخابی ئورگتدی

یرده عرش خدانی آختارانا
خانه بو ترابی ئورگتدی

اکبرین ئوپدی مه لقا یوزینه
تابشِ آفتابی ئورگتدی

شانه ووردی رقیّه نون ساچینا
عطر و بوی گلابی ئورگتدی

آنادان اولجاقین ابوالفضله
طیران عقابی ئورگتدی

خیمه لر اود دوتاندا طوفانه
رسم و راه ثوابی ئورگتدی

یاتمیان یَللره بیاباندا
لای لایِ ربابی ئورگتدی

قمچیلر آلتدا جمع نسوانه
راه حفظ حجابی ئورگتدی

محمل اوستونده باش یاراندا خانم
اهل عشقه خضابی ئورگتدی

کوفه نون بی وفا خانملارینا
آیه آیه کتابی ئورگتدی

آیریلاندا حسیندن،ئوز گوزینه
مشق درس سحابی ئورگتدی

باخدی باخدی دالیجا سلطانین
ایسلادوب اشک چشمی مژگانین

دیدی صبر ایله ای وفا کانی
بیر دانیشدیر بو خانه ویرانی

دیمورم گیتمه بزم جانانه
جان گزر چون وصال جانانی

گُل کیمی گُل یوزون شکفته لنوب
گورسنور سنده حال ربّانی

اللّی بش ائیلدی گورممیشدی باجون
سنده بو چهرۀ شکوفانی

اوخشامورسان هئچ اوغلی دوغرانانا
گورمورم حالت پریشانی

زینبوندن بو نوعی آیریلما
منی سیندیرما اولسا امکانی

ضربانیم حسین حسین سسلور
دوزه بیلمور باجون بو هجرانی

حاضرم اود دوتوب یانوب کول اولام
دوتا خاکستریم بیابانی

حاضرم آغلیام قیامته جک
گوز یاشیم غرق ایده بو صحرانی

حاضرم اوخلانام قباقونده
یووا قانیم بو قانلی میدانی

سنی ویررم قسم شرافتووه
ای وقارین یگانه سلطانی

آیریلیقدان فقط دانیشما حسین
هجرووین یوخدی منده درمانی

هرنگاهون هزار معجزه دی
ویر نشان معجزات موسانی

منی شمشیر ایله الونده آپار
دوغریوم رشته رشته اعدانی

قویمارام اسکیله وقاروندن
منی کم دوتما ذوالفقاروندن

زینبون جبهه دن کنار اولماز
خفّت و ذلّته دچار اولماز

روح سرکش واریمدی اوّلدن
روح سرکشده اختیار اولماز

ولی امر ایلسون کی خیمه ده قال
منه اجراسی ناگوار اولماز

گرچه چوخ سختیدور اسیر اولماق
ولی زینب اسیر عار اولماز

سربدار اولماسا مجاهدلر
آرمانلار پایدار اولماز

دین اسلامی ساخلارام زنده
زندگی یوخسا سازگار اولماز

معجر آلتیندا اولماسا پنهان
چهره پاکی آشکار اولماز

خواب غفلت دوتوبدی دشمنووی
قوردوقی خیمه استوار اولماز

بیلمیوللر کی خشم اقیانوس
بند و زنجیریلن مهار اولماز

خنجر منطقیم چکیلسه اگر
هئچ کسه فرصت فرار اولماز

حرمله اللّی اوخ رها ایلسه
زینبین غیرتی شکار اولماز

مطمئن اول کی آل بوسفیان
مرکب نصرته سوار اولماز

زنده بادا مرام آزادی
ذلّت انسانه افتخار اولماز

اصغرین قانین آللام آی قارداش
شهدا قانی استتار اولماز

  • شنبه
  • 25
  • اردیبهشت
  • 1400
  • ساعت
  • 21:30
  • نوشته شده توسط
  • یوسف اکبری
ادامه مطلب

شهامت و شجاعت حضرت زینب (س) در کوفه -(الا ای طالب احسان اورکدن سسله یا زینب) * اکبر ستاری

1859
0

شهامت و شجاعت حضرت زینب (س) در کوفه -(الا ای طالب احسان اورکدن سسله یا زینب) الا ای طالب احسان اورکدن سسله یا زینب
گزیرسن دردینه درمان اورکدن سسله یا زینب
آماندیر قالما سرگردان اورکدن سسله یا زینب
مقدّس آدینا قربان اورکدن سسله یا زینب
اِئدر چوخ مشکلی آسان اورکدن سسله یا زینب

حسین کی ایسته دی اسلامه خاطر انقلاب اولسون
شریک نهضت ایستیردی بو امره انتخاب اولسون
دئدی بو قانلی نهضت زینبیله ناب ناب اولسون
گلنده زینبین آدی گَرَک حفظ حجاب اولسون
گتیر زینب آدین دلدن دیله تا فتح باب اولسون
بو امره منده وار ایمان اورکدن سسله یا زینب

اگر سن عاشق و دلدادهٔ اولاد طاهاسن
اگر سن طالب الطاف بی مانندِ زهراسن
اگر سن راهی ملک بقا و کسب عقباسن
اگر سن عارف حق علی و مهر مولاسن
اگر دنیا بویی غرق سؤالات و معمّاسن
ائدر هر مشکلی آسان اورکدن سسله یا زینب

نئجه تصویره چکسین زینبین اوصافینی خامه
نئجه دریانی یئر وئرمک اولار بیر خیرداجا جامه
باخیردیم صفحهٔ تاریخیده بیر قانلی فرجامه
حسینه کوفه نین اهلی یازیبدیر نئچّه مین نامه
دئدی اهل وعیالیم زینبیم قرباندی اسلامه
گل ای اسلامه پشتیبان اورکدن سسله یا زینب

عقیله دختر زهراعلینین باشینین تاجی
جهانه گلمییب گلمز بئله بیر مهربان باجی
اولوبدور کعبهٔ حُسنِ حسینه اوّلین حاجی
ائدیبدیر سینه ده ازبر بوتون اسرار معراجی
اونو رهبر تانیر ئوزعشقینه هر محنت آماجی
داریخسا قلبین ای انسان اورکدن سسله یا زینب

شهامت مکتبیندن رتبهٔ ممتاز آلیب زینب
علیدن ئورگنیب خطبه دمِ اعجاز آلیب زینب
حسیندن اخذ ائدیب درس شهادت راز آلیب زینب
همای رحمتیندن شهپر پرواز آلیب زینب
حسینین انتقامین خطبه سیلن باز آلیب زینب
ائدیبدیر کوفه نی لرزان اورکدن سسله یا زینب

اسیر عنوانی گلدی کوفییه اما امیر اولدی
امیر کاروانه بیر سینیق محمل سریر اولدی
سریرعزتین شیراوژنی بیر گونده پیر اولدی
او پیرعشق الفاظ شماتت زهر تیر اولدی
آچیلدی نطق گفتاری دییردین جانه سیر اولدی
اونا لطف ائیلدی یزدان اورکدن سسله یا زینب

بویوردی اُسْکُتُواْ، ساکت، هامی، پیر و جوان دوردی!
سکوت حاکم اولوب گویا دامارلار ایچره قان دوردی
دوه لر زنگی خاموش اولدی یکسر کاروان دوردی
سراسر کؤل سپن، طعنه وئران، یا داش آتان، دوردی
بئشیکده کؤرپه لر تیترشدی، وحشتدن، قاچان دوردی
یئنه جوشه گلیبدیر قان اورکدن سسله یا زینب

مخاطب قیلدی یکسر #کوفه اهلین زینب کبرا
دئدی مکر و خیانت سیزده دیر ای مردم دنیا
حسینی تشنه ئولدوردوز ندیر بو شورش و غوغا
گؤروم اعوانیزی انصاریزی حق ائیلسین رسوا
پوزولماز صفحهٔ تاریخیدن منشور عاشورا
آییلسین ملّت نادان اورکدن سسله یا زینب

یزیدین امرینه تابع عبیداللهِ مرجانه
گلَه لعنت زیادین اوغلونا اَتباعِ شیطانه
اونون فرمانینه تابع اولان بیر عده نادانه
عوامی آلّادیب شمشیر چکدی روی قرآنه
ایکی دنیا دچار اولدوزعذاب و درد و خُسرانه
بو گون حکم ائیلییر وجدان اورکدن سسله یا زینب

ایتی شمشیریلن یورش گتیردیز سیز قوناق اوسته
اوتانمیرسیز چکیرسیز طعنه ایلن داغی داغ اوسته
بَنی سفیانی رسوا اِئیلرم من اتّفاق اوسته
نه عنوانه تؤکورسیز کؤل ایشیقلی بیر چراغ اوسته
یانیب قلبیم داخی یاندیرمیون چوخ احتراق اوسته
یانیقلی قلبیم اولدو قان اورکدن سسله یا زینب

نه اندازه نمک نشناس و بی غیرت جماعتسیز
نَقدری بی مروّت بی هدف بی عار ملّتسیز
گئچیبدیر هجرتی آلتمیش بیر ایل سیز اهل بدعتسیز
سیز ای مردان کوفه باطناً عصمتسیزعورتسیز
اؤزوز یاخشی بیلیرسیز زیر بار ننگ و ذلّتسیز
دیلین قربانی زینب جان، اورکدن سسله یا زینب

خانم نطقین قوتاردی یاره لی قارداش دیله گلدی
وفالی باجیا قارداش صداسیندن صِله گلدی
گولون عطر و صفاسی قلبی یاره بولبوله گلدی
او اوچ گون آیریلیق گویا نظرده بیر ایله گلدی
اوخوردی آیهٔ کَهفی حسین، سس محمله گلدی
اورگین تاپسین اطمینان اورکدن سسله یا زینب

کی یعنی ذکرِاللّهیله قلبین مُطمئنّ اولسون
باجیمسان قویمادین گلزار دینین رونقی سولسون
دیریتدین نهضت خونینیمی دنیا بویی دولسون
سنین نطقین گرکدیر کاخ ظلمین ریشه سین یولسون
مبادا اشکیلن دشمن مصافینده گؤزون دولسون
یِئتر پایانه بو هجران اورکدن سسله یا زینب

او ساعت سسلدی زینب دیلین قربانی جان قارداش
دانیش اثباتِ حق اِئیله یارالی مهربان قارداش
اوزونده وار کول آثاری گؤزونده لخته قان قارداش
گلینلیکده منه سن دوتمیشیدین سایه بان قارداش
سنی بو حالتیلن گؤرمَه گَه یوخدور توان قارداش
پوزولدی گلشنِ خندان اورکدن سسله یازیب

باجی قارداشیلن درد دل ایلییر سوز و سازیلن
سَرِنی ده یارالی باش باخیردی چشم بازیلن
سینیق محملده بیر یورقون باجی دنیای رازیلن
بیری محمل نشیبینده بیری نیزه فرازیلن
بو گوللر پرورش تاپمیشدی مین اِعزاز و نازیلن
مدد قیل حجت یزدان اورکدن سسله یا زینب

یِئنه یاندیردیلار قلبِ بتولی کوفه اوباشی
بلالی زینبین دوشدی بلایه ناگهان باشی
کجاوه اوسته قول باغلی دؤنوبدور قانه گؤزیاشی
دؤزر هانسی باجی آیا او حالدا گؤرسه قارداشی
نه ظلم اولدی خداوندا بوتون آغلاتدی داغ داشی
بو آغلار گؤزلره قربان اورکدن سسله یا زینب

عجوزه غرفه دن باخدی یارالی باشه داش آتدی
نئجه گؤر کوفه نین ملعونه سی اؤزکامینه چاتدی
حسینین سجده گاهی پارچالاندی قانینه باتدی
بو محنت قورخولی قیزلاری چوخ شدّتله آغلاتدی
باجیدا باشینی یاردی اؤزون قارداشه اوخشاتدی
ایکی رخسار اولوب الوان اورکدن سسله یا زینب

اودور کی باش یارانلار ساخلییب الده بو معیاری
کی یعنی قانیلن امضا اولوندی عشق، طوماری
گرک زینب آدیلان خاتمه وِئرمک بو گفتاری
خانم مدِّ نظرده ساخلاسین جمله عزاداری
قوشول عاشقلره سنده دئنن صدقیله «ستاری»
مقدّس آدینا قربان اورکدن سسله یا زینب

  • سه شنبه
  • 4
  • خرداد
  • 1400
  • ساعت
  • 17:45
  • نوشته شده توسط
  • یوسف اکبری
ادامه مطلب
 احمد پوریا

به یاد مدافعین حرم حضرت زینب(س) -(بیر عده با کرم به عشق صاحب علم) * احمد پوریا

341
0

به یاد مدافعین حرم حضرت زینب(س) -(بیر عده با کرم به عشق صاحب علم) بیر عـــده با کرم - به عشق صاحب علم
گیدوبلـــه شوقیله - اولا مــــــدافع حرم
عجب صفاسی وار - باشدا حرم هواسی وار
بو شیعه نــون گینه - هــــوای کربلاسی وار
داریخدی بو اورک آقا نقدر شهید گلر
بو تیر غم هـــــــامی قلوب عاشقی دَلر
شهید لرین آنــــــالاری فـــــراقیدن مَلر
آقام آقام حسین آقام آقام آقام حسین 2

حسین شعاریمیز - شهادت افتخاریمیز
ایکی جهانیــده - حسیندی اعتباریمیز
جهان دیر حسین - اهــل جنان دیر حسین
کران و بی کران - پیر و جوان دیر حسین
شهید کربلا بحــــــــقِّ ساقی حرم
اوزون دعا ایله حــریم زینبه گلم
مدافع حرم اولوم او یرده من اولم
آقام آقام حسین آقام آقام آقام حسین 2

بو کشورین آقــــا - حیــــالیدور بو ملتی
ویروب شهید تاپوپ - بـو امتیاز و عزتی
اگر که اذن اولا - از سـو ی رهبر ولا
قیامت ایلروک - اولار سوریه کربلا
ولاییوخ آقـــــا سنه دلــداه یوخ آقا
جهانیان بیلور که بیز آزاده یوخ آقا
سید علی دیسه جنگه آماده یوخ آقا
آقام آقام حسین آقام آقام آقام حسین 2

بو رگـده قانیمیز - بو کشور ایرانیمیز
فدا اولا سنــه - هامی پیرو جوانیمیز
قربان اولوم سنه - عنایت ایله سن منه
بوجمعیلن ووراخ - تودهنی بو دشمنه
بو (پوریا) آقا اورگی اولــدی دلغمین
چاقوردی دادینه اقا سنی حزین حزین
برات کـــربلا عنایت ایــــله اربعین

  • جمعه
  • 18
  • تیر
  • 1400
  • ساعت
  • 12:48
  • نوشته شده توسط
  • یوسف اکبری
ادامه مطلب
میرزا حسین کریمی مراغه ای

زبانحال حضرت زینب(س) -(ای شمر قمچی ويرما وير خنجر باشیم دان) *میرزا حسین کریمی مراغه ای

1070
1

زبانحال حضرت زینب(س) -(ای شمر قمچی ويرما وير خنجر باشیم دان) ای شمر قمچی ويرما وير خنجر باشیم دان
هر نیلسون من ویرمرم معجر باشیم دان

ظلمی له گل قولاریمی باغلا طنابه
من دین یولوندا حاضرم هر جور عذابه
چک کوچه و بازاره هم بزم شرابه
شرم ایله اقدام ایلمه کشف حجابه
هر نیلسون من ویرمرم معجر باشیم دان

زَهرا آنام دان آلمی شام درس شهامت
یاندی خیامیم ایتمدیم عجز و شکایت
اولدی اساسیم ثروتیم ظلمی له غارت
کهنه عبایه اِیت میشم ایندی قناعت
هر نیلسون من ویرمرم معجر باشیم دان

دلدن شرار ظلمی له اودلان مشام من
خیمم یاناندا حسرتیله یان مشام من
قارداش قانیلا گورموسن اسلان مشام من
تیر غمی له سینه دن اوخلان مشام من
هر نیلسون من ویرمرم معجر باشیم دان

انصاف ایله بیچاره یم چوخ دور ملالیم
قارداشلاریم الدن گیدوب پوزقوندی حالیم
جایز دگول سنله منیم قال و مقالیم
سرّ خدا دور غیره کشف اولماز جمالیم
هر نیلسون من ویرمرم معجر باشیم دان

تاراج اولوب زیب و زریم جمله اساسیم
اولدی مبدل ذلّته عزّت لباسیم
آلقانه باتدی اکبر و عباس و قاسم
وار دور بوگون سندن منیم بیر التماسیم
هر نیلسون من ویرمرم معجر باشیم دان

فکر ایلمه ئولدی حسین دین بر هم اولدی
گر چه بو غم دن فاطمه قدی خم اولدی
بو قانله دینون بناسی محکم اولدی
بو معجر آلماق زینبه اوّل غم اولدی
هر نیلسون من ویرمرم معجر باشیم دان

حقّ دینی ناحقّ درهم و دیناره ساتدوز
قرآنه ويردوز پشت و پا احکامین آتدوز
فکر ایلی سوز ئولدی حسین مقصوده چاتدوز
تاریخی ننگین ایلدوز احکامین آتدوز
هر نیلسون من ویرمرم معجر باشیم دان

جور عدودن یانمشام دلخسته یم من
عشق و وفا زنجیری نه پا بسته یم من
بیر دسته باش سیز عورته سر دسته یم من
احوالمی اولسا بولن جان أوسته یم من
هر نیلسون من ویرمرم معجر باشیم دان

یالقوز گوروب سن ای شقی بو بینوانی
قمچی ويرورسان باشمه ای ظلم کانی
حسرت عبایه قوی موسان آل عبانی
ایندی چاغوررام دادی مه صاحب لوانی
هر نیلسون من ویرمرم معجر باشیم دان

رخساره جاری ایلدون اشک تریمی
خنجر دمی نده دوغرادون سن اللّریمی
آیا اوزاقدا گورموسن سن اکبریمی
آغلار یانار احوالیمه دائم (کریمی)
هر نیلسون من ویرمرم معجر باشیم دان

  • پنج شنبه
  • 18
  • شهریور
  • 1400
  • ساعت
  • 20:40
  • نوشته شده توسط
  • یوسف اکبری
ادامه مطلب
 ولی الله کلامی زنجانی

متن شعر ترکی زبانحال حضرت زینب سلام الله علیها در حال احتضار -(ئولورم گل آغلا بیر آز منه) * ولی الله کلامی زنجانی

1584

متن شعر ترکی زبانحال حضرت زینب سلام الله علیها در حال احتضار -(ئولورم گل آغلا بیر آز منه) ئولورم گل آغلا بیر آز منه
سنه من چوخ آغلامیشام حسین
آنامین او قانلی امانتین
سینم اوسته ساخلامیشام حسین

داریخوب بو آخر عمریده
اؤرگیم آنام جانی شامیده
الیم آشنالره چاتمادی
منی یاد ائدن هانی شامیده
باجیوین سینوب باشی کوفه ده
یارامین آخوب قانی شامیده
یارالی باشا نه حنا قویوب
نه هوروب داراخلامیشام حسین

آنام اوغلی عشق و محبتون
هله جان و خون و رگیمده دی
بیلن اولسا قرمزی خطیلن
یازیلوب آدون اورگیمده دی
منی چوخ دوگوبله سنه گوره
یئری قمچینین بیلگیمده دی
نه بیلور فلک بو الیمله من
نچه یاره باغلامیشام حسین

دئمورم سنه قوشولوب گله
ایکی نازدانه بالام گرک
اولاری گتورمه که گلسه لر
باشیمی اشاقه سالام گرک
سنه ع

  • پنج شنبه
  • 23
  • اسفند
  • 1397
  • ساعت
  • 17:28
  • نوشته شده توسط
  • ابوالفضل عابدی پور
ادامه مطلب
 ولی الله کلامی زنجانی

متن شعر ترکی شهادت حضرت زینب سلام الله علیها -(ای منیم سروریم ابوالفضل ) * ولی الله کلامی زنجانی

3980
9

متن شعر ترکی شهادت حضرت زینب سلام الله علیها -(ای منیم سروریم ابوالفضل ) ای منیم سروریم ابوالفضل
یولدادی گوزلریم ابوالفضل
شامیده دوشموشم ایاقدان
داده گل یاوریم ابوالفضل
زینبین گوزلری باخور یوللاریوه
هارداسان قربانام اوزون قوللاریوه
اباالفضلیم اباالفضلیم

عالمین ایشلری عجبدی
گوندوزی یاره تیره شبدی
کربلا حسرتیم اورکده
رحلتیم نیمه رجبدی
گل دوشوب کربلا هواسی باشیما
باجیوام واردی چوخ سوزوم قارداشیما
اباالفضلیم اباالفضلیم

گل یاتان بختیمی اویاندور
زینبی قبلیه دولاندور
گون باتور جان گلوب دوداقه
شامیده شمع هجری یاندور
زینبین قلبی غصه دن دینجله جاق
ئولورم یاسیمه منیم کیم گله جاق
اباالفضلیم اباالفضلیم

ای دوشن اللری بدندن
من اوزاق دوشموشم وطندن
نه سنی نه حسینی گوردوم
دوت خبر

  • سه شنبه
  • 6
  • فروردین
  • 1398
  • ساعت
  • 10:56
  • نوشته شده توسط
  • ابوالفضل عابدی پور
ادامه مطلب
 ولی الله کلامی زنجانی

متن شعر ترکی زبانحال حضرت زینب سلام الله علیها در حال احتضار -(زینبم جان وئرورم منتظرم گل قارداش گل قارداش) * ولی الله کلامی زنجانی

1997
3

متن شعر ترکی زبانحال حضرت زینب سلام الله علیها در حال احتضار -(زینبم جان وئرورم منتظرم گل قارداش گل قارداش) زینبم جان وئرورم منتظرم گل قارداش گل قارداش
باجیوین یاسینه گل هامّیدان اوّل قارداش گل قارداش
ای جانینی فدا وئرن قرآنه
یان شمع تک اولوم سنه پروانه
آی قارداش آی قارداش آی قارداش۲

من دیردیم ائشیدوب غملریمی آغلارسان
داغلانان سینوی هجریمده گلوب داغلارسان
قان دولان گوزلره قربان گوزومی باغلارسان
قیل قدم رنجه که لطفون اولا اکمل قارداش
گل قارداش

گلمسن زینبه غربتده بیری یار اولماز
سنی گورسم بو قدر مرغ دلیم زار اولماز
دیرم آغلیانیم واردی یاسیم خوار اولماز
نیلورم شامیده سنسیزیانامشعل قارداش

سنله قارداش او گئچن گونلریمه حیف اولسون
عالمه ناز ائلین گونلریمه حیف اولسون
گل بوغازوندن ئوپن گونلریمه حیف اولسون

  • سه شنبه
  • 6
  • فروردین
  • 1398
  • ساعت
  • 15:38
  • نوشته شده توسط
  • ابوالفضل عابدی پور
ادامه مطلب
استاد یوسف معزی اردبیلی

متن شعر ترکی کوچ از کربلا -(گیدور حسین شامه کاروان ) *استاد یوسف معزی اردبیلی

3514
2

متن شعر ترکی کوچ از کربلا  -(گیدور حسین شامه کاروان ) گیدور حسین شامه کاروان
قارداشیم خداحافظ (2)
کسوک بوغازیله وئر اذان
قارداشیم خداحافظ (2)
.
.
یارام اورکدن بیتن دگول
التیامه من گئتدیم
ئولوب حسینیم گیینمیشم
قاره جامه من گئتدیم
بو چولده سن دفن اولانمادون
شهر شامه من گئتدیم
گئدور هامی زار و ناگران
قارداشیم خداحافظ (2)
.
.
دوشوب قولی قانینه باتوب
مه لقا اباالفضلیم
اورک دیور هاردا دور مگر
ای خدا اباالفضلیم
قباقیمیزده علم دوتا
باوفا اباالفضلیم
بئله سفر ایلدوک هاچان
قارداشیم خداحافظ (2)
.
.
ووروب نیه نیزه باشینه
باشیوی وفاسیزلر
نظر ائدر گوز یاشی توکر
صاحب لواسیزلر
حیالی لر دستگیردور
اینجیدور حیاسیزلر
قباقیده شمریله سنان
قارداشیم خداحافظ (2)
.
.
مناده

  • پنج شنبه
  • 24
  • مرداد
  • 1398
  • ساعت
  • 13:54
  • نوشته شده توسط
  • ابوالفضل عابدی پور
ادامه مطلب
 ولی الله کلامی زنجانی

زبانحال حضرت زینب (سلام الله) در حال احتضار -(زینبین آیریلیق صبرین آلدی) * ولی الله کلامی زنجانی

7950
48

زبانحال حضرت زینب (سلام الله) در حال احتضار -(زینبین آیریلیق صبرین آلدی) زینبین آیریلیق صبرین آلدی
قهرمانین یولون شامه سالدی
جان ویرنده دیوردی الهی
بس منیم ائلریم هاردا قالدی

ای منیم پاسبانیم ابوالفضل
لنگ اولوب کاروانیم ابوالفضل
زینبی قبلیه دوندرن یوخ
باشیوه گل دولانیم ابوالفضل

ای دوشن نهرین اوسته وجودی
قانلی بازوسی دینین عمودی
گل ایاقدان دوشوب غملی زینب
جان ویرور دلده هجران سرودی

چوخدی سن تک حسینه علاقم
نیلوم کربلادن اوزاقم
آند اولا دلده که خاطراته
بو گیجه من حسینه قوناقم

گوگلوم ایستور گله باشیم اوسته
دینجله بلکه بو دلشکسته
پیشوازه دورام خسته خسته
یولّلارا گل سپیم دسته دسته

ای آدامسیزلارین آشناسی
غملی امّ البنینین بالاسی
ای گوزل آدی باب الحوائج
زینبون دردینون یوخ دواسی

خواهشیم بیر بودور نه گلایه
ایله درمان من مبتلایه
یا حسینی گتور شامه قارداش
یا آپار زینبی کربلایه

زینبین حالینه داغلار آغلار
چولده ویران قالان باغلار آغلار
رسمیدور باجیلار جان ویرنده
گوزلرین قارداش باغلار آغلار

گل یورولدو گوزوم آغلاماقدان
تنگه گلدیم اورک داغلاماقدان
بو گوزی باغلاماق آی ابوالفضل
چوخ چتیندی یارا باغلاماقدان

من همان زینب قهرمانم
عمه پیر صاحب زمانم
هر قناد سیز قوشا لانه ویردیم
من اوزوم ایندی بی آشیانم

قلبیده نسگلیم چوخدی قارداش
جانه هجران غمی اوخدی قارداش
یدی قارداشه باجیدیم امّا
هیچ بیریندن خبر یوخدی قارداش

مایه یوخ عشقیمون مایه سینده
پایه یوخ صبریمون پایه سینده
من حسینه دعا گویم اما
قانلی بیر کوینگون سایه سینده

ای فرات اوسته پرچم وران گل
زینبین قلبینی یاندیران گل
سیندی قارداش بئلیم آیرلیقدان
ای حسینون بئلین سیندیران گل

گوگلومی گل ابوالفضلیم آل گیت
جان چیخاندا باشیم اوسته قال گیت
گون ایونده قالان نعشه خاطر
شامیده باشیمه سایه سال گیت

هیچ ایو عالمده مشعلسیز اولماز
هیچ عزا خانه گیت گلسیز اولماز
گل گوزیمی دیدوم باغلا اما
هیچ گوزی باغلاماق السیز اولماز

  • جمعه
  • 7
  • خرداد
  • 1400
  • ساعت
  • 16:02
  • نوشته شده توسط
  • یوسف اکبری
ادامه مطلب
حاج نادر بابایی

وفات حضرت زینب(س) -(یاندی پروانه ی شمع رخ تابان حسین) *حاج نادر بابایی

423
1

وفات حضرت زینب(س) -(یاندی پروانه ی شمع رخ تابان حسین) یاندی پروانه ی شمع رُخ تابان حسین
ئولدی شاماتیده اول یاور طفلان حسین

آغلیار مُنتَقم عصر و زمان عمَّه سینه
هانسی عمَّه،گوزی یولدا نگران عمَّه سینه
زُلفی بیر گونده جفادن آغاران عمَّه سینه

غصه لر یورقونی غُربَتده قالان عمَّه سینه
یدی قارداش قَره سین باشه سالان عمَّه سینه

سَرسلامت وِئره گون بیزده امام زَمنه
سالاقون بیرده یولی عشقیله کوی مِحنه
آغلیاق غُربت اَرا قبره آدامسیز گئدَنه

گویلر اهلی گلوری مَجلسه دل داغلاماقا
قزینون یاسینه زهرا گَله جک آغلاماقا

قاره تپراقه گئدور زینبِ گردون خَدَمه
باخدی بیرساق صولونا اولدی گرفتار اَلَمه
زورق صبری ولی سالدی گِنه بَحر غمه

نجه بلبل دئدی، جان اوسته گُلون اوسته قونار
باجیدا سون نَفَسینده گنه قارداشدان اومار

دفتر غمده منیم غصه لَریم باش گَله جک
گوزلریم یولدا ئورکدَن یوزَه قانیاش گَله جک
باجی جان اوسته دِیَر یاسیمه قارداش گَله جک

قارداشی اولماسا اَمّا اونا غم یار اولاجاق
ئولسه غُربتده مُسلَّم یاسیدا خوار اولاجاق

اولسا جان اوسته باجی قارداشی قِیدیندَه قالار
نَعشینون اوسته توکَر گوز یاشینی سایه سالار
باجی تابوتینی ئوز چیگنینَه قارداشی آلار

هَرقَدم آتدوقیجا قَبره طرف وای دِیَه جَک
باجینی قبره قویاننانصورا لایلای دِیَه جک

من همان دَبدَبه لی بِنتِ امیر عَربم
فاطمه سویگُلیسی اَختر بُرج اَدبم
یِدّی قارداش باجیسی یثرب اَرا زینِ اَبم

اوکچن گونلَرحسین عشقیمه سرمایه اولوب
باجووا ایندی چولون قوشلاری همسایه اولوب

سندن آیری آنام اوغلی سینه می داغلامیشام
آیلار اِیللر بیلوسن صبح و مَسا آغلامیشام
ایندی که قبر ائوینه بارسفر باغلامیشام

دئمورَم قارداش حسین یاسیمه گَل آغلاماقا
دیورَم بیرگَلَه سن گوزلَریمی باغلاماقا

هرکیمه مسکن اگراولسا وفاتینده وطن
احترامیله اونی غسل ائدوب ایللَه کفن
وای منیم حالیمه یوخدورباشیمون اوسته گَلن

(نادرا) یاز بو داغی حِصّه ی عمریم بیلورم
قاداشیم اولمادی منده گوزی یولدا ئولورم

  • یکشنبه
  • 13
  • تیر
  • 1400
  • ساعت
  • 22:15
  • نوشته شده توسط
  • یوسف اکبری
ادامه مطلب
حاج ناصر تبسمی اردبیلی

زبانحال حضرت زینب(س) -(زینبم جان اوسته قارداش گوزلریم یار آختارور) *حاج ناصر تبسمی اردبیلی

442

زبانحال حضرت زینب(س) -(زینبم جان اوسته قارداش گوزلریم یار آختارور) زینبم جان اوسته قارداش گوزلریم یار آختارور
گَل حسین داده باجون غربتده غمخوار آختارور

شامه من تبعید اولاندان مونسیم گوزیاشیدی
الده قانلی کوینکون مهجور غم یولداشیدی
محفظ اول پیراهنه دائم اورگیم باشیدی
عطروی روحیم قمیصوندن پدیدار آختارور

آچمیشام گوز بو جهانه گوز آچان ساعت سنه
ایلیوب روحیم قسم اوز جانوه عادت سنه
احتیاجیم وار حسین بو آخرین ساعت سنه
گل ملاقاتیمه گوگلوم فیض دیدار آختارور

غربت اولکه من مریضه بی کس و بی اقربا
نه گونوز وار همدمیم نه شام وقتی آشنا
نه پرستاریم نه بیر کس حالیمه واردور یانا
دردینه درمان سنی جمله گرفتار آختارور

زندگیدن نا امیدم جاندن دای دویموشام
نهضت خونینوه منده حسین جان قویموشام
عافیت رختین تن درد آشنادن سویموشام
ایندی مقراض اَجَل بو دیده خونبار آختارور

اولدی بو وسعتده دنیا زینبه آهن قفس
اللی ئیلدی سینه دن خارج اولار مشکل نفس
یدّی قارداش باجیسیدیم قالمیشام بی دادرس
باجیلار مشکلده اخوان فداکار آختارور

جان دوداقیمده گوزوم یولدا ئوزوم ائلدن اوزاق
پیکریم خسته سینم داغلی یریم غملی اطاق
گوزلریم قان زلفیم آشفته گرفتار فراق
چاره هر بیچاره دن بو چاره ناچار آختارور

گوزلریمدن اشک غم اولدوقجا روز و شب روان
سسلرم عبّاس آی غیرتلی قارداش هارداسان
سسلدیم از بس سیزی امداده قلبیم اولدی قان
گل طبیبیم گل سنی بسترده بیمار آختارور

گرچی نعمتدی منه رحلت ولی دل واپسم
علّتی واضحدی چون بو شهرده من بی کسم
نیلرم من جان وئرن ساعت حسینی گورمسم
جان وئرنده چون هامی بیر ماه رخسار آختارور

ای صبا کرب و بلایه ایله راهی آهیمی
با خبر قیل حال زاریمدن کمکسیز شاهیمی
دفنیمه گلسون اوجالتسون دشمن ایچره جاهیمی
مزد اشعارین « صفاده » فیض سرشار آختارور

  • سه شنبه
  • 5
  • مرداد
  • 1400
  • ساعت
  • 14:22
  • نوشته شده توسط
  • یوسف اکبری
ادامه مطلب
 حسین خدایی زنجانی

احوالات حضرت زینب(س) -(زینبم گل باشیمون اوسته چخور جانیم حسین) * حسین خدایی زنجانی

339

احوالات حضرت زینب(س) -(زینبم گل باشیمون اوسته چخور جانیم حسین) زینبم گل باشیمون اوسته چخور جانیم حسین
یوخدی بیر کس غربت ائده یوخدی درمانیم حسین

قاف عشقونده حسین جانانه جانی وئرمیشم
عمروم ایستیر قورتارا اما قاراوی گیمیشم
افتخاری من بو دنیاده بو عشقی بیلمیشم
سینده واردور بوگون چوخ درد پنهانیم حسین

گوزلرین قربانیم سالما ایشقدان بو گوزی
گلگینن ای قارداشیم واردی باجیوین چوخ سوزی
زینبین سن گلمسن یولادا قالار قارداش گوزی
اولسا عباسیله گل ای تشنه مهمانیم حسین

غم کمندینده بو سینمیش قلبی باخ سیخدیم حسین
قله ی فتح و وفایه قد خم چیخدیم حسین
شامیده اما یزیدین قصرینی یخدیم حسین
گل سنه قربان اولوم دای قالمیوب جانیم حسین

صاحب عدل و سخاسن گون کیمی باتدین اخا
زینبی اتدین گوزوندن مقصده چاتدین اخا
سنسیز اما یاتمادیم من، سن نجه یاتدین اخا
گل منی درک ائت که عالمده سنن شانیم حسین

سعی ایله قارداش گلنده اکبری حتما گتیر
آل قوجاقه ن التی ایلیخ اصغری حتما گتیر
نهرین اوسته اول اوجا بوی سروری حتما گتیر
اولسا عفو ایله که چوخ سنگیندی فرمانیم حسین

من اخی هرگون حسین بزم عزا قوردوم سنه
انتظاریم وار دوتان سنده عزا بزمی منه
وئر خبر تا که قارا باشدا بورا گلسین ننه
قویمیون یولدا قالا بو چشم گریانیم حسین

غم چکن دنیاده واللهی تاییم یوخ زینبم
بو یارالی قلبیده دردی اولان چوخ زینبم
ئوز عزیزی سینه سیندن باخ چکن اوخ زینبم
قتلگهده جان وئرن ای تشنه قربانیم حسین

سوریه نین یولاری آز قالدی باز اولسون خانیم
قویما عاشقلر جهاندا گل کیمی صولسون خانیم
بو"خدایین"گوزی قوی غصه دن دولسون خانیم
تا جانیم واردی بدنده واردی پیمانیم حسین

  • جمعه
  • 15
  • مرداد
  • 1400
  • ساعت
  • 19:19
  • نوشته شده توسط
  • یوسف اکبری
ادامه مطلب
حاج رسول امینیان امینی خویی

در وصف حضرت زینب(س) -(کیم بولور آیا نه دی زهرا قیزی) *حاج رسول امینیان امینی خویی

373

در وصف حضرت زینب(س) -(کیم بولور آیا نه دی زهرا قیزی) کیم بولور آیا نه دی زهرا قیزی
درّی دی یا دانه دی زهرا قیزی
هانیه ریحانه دی زهرا قیزی
مادر غمخانه دی زهرا قیزی
غم تلینه شانه دی زهرا فیزی
حیدره دردانه دی زهرا قیزی

گوندروب آدینی حق کردگار
زین اب و زینب ملک وقار
دخت علی، فاطمه یه یادگار
حجت حق ایلور اونا افتخار
عاقله فرزانه دی زهرا قیزی
حیدره دردانه دی زهرا قیزی

فاطمه دن شیر شجاعت اَمَن
شیریله بسلنسه اولار شیرزن
جان کیمی ایستردی اونی بوالحسن
شمع ولایت دی حسین و حسن
اونلارا پروانه دی زهرا قیزی
حیدره دردانه دی زهرا قیزی

عصمت زینبدن ایدنده سؤال
عقل تحیرده قالور ماه و سال
اوندا چاتوب حد کماله کمال
هر نقدر یازسا قلم وصف حال
مین ایله میزانه دی زهرا قیزی
حیدره دردانه دی زهرا قیزی

حسن ملاحتده زلیخا نه دی
رتبه ده مریم نه دی سارا نه دی
آسیه خاتون نه دی حوا نه دی
صبریده دریا نه دی دنیا نه دی
عالمه پیمانه دی زهرا قیزی
حیدره دردانه دی زهرا قیزی

شیر خدانین ایوینین شیری دی
دست حسینین ایتی شمشیریدی
دینین او ارزنده کمانگیری دی
یاخشی سخنور دی سخن ویری دی
پیریدی پیرانه دی زهرا قیزی
حیدره دردانه دی زهرا قیزی

زینب آدی فاطمه ثانی دی
مدرک اونا قدرت ایمانی دی
رگلرینین قانی حسین قانی دی
نهضت عاشورا نین ارکانی دی
رکن دی ارکانه دی زهرا قیزی
حیدره دردانه دی زهرا قیزی

هیبتی چوخ واهمه سیز قهرمان
قویدی ایکی اووجونا بیر دفعه جان
سسلدی مجلس ده یزیده اوتان
ویرما حسین لبلرینه خیزران
سن دیمه بیگانه دی زهرا قیزی
حیدره دردانه دی زهرا قیزی

من نوهٔ حضرت پیغمبرم
نسبت امیر عربه قنبرم
شیر زنم بچهٔ شیر نرم
واهمه سیز هرنه دیسم ایلرم
فرض ایله دیوانه دی زهرا قیزی
حیدره دردانه دی زهرا قیزی

یابن معاویه نه دیوانه سن
مست می مسجد و میخانه سن
شرک خدا سن بت بتخانه سن
دیو صفت فانی و افسانه سن
سن دیمه افسانه دی زهرا قیزی
حیدره دردانه دی زهرا قیزی

عهد الستیده او کنز وفا
هر نه بلا گلدی دیدی للولا
ایله "امینی"گجه گوندوز دعا
آچ خانما دست دعا التجا
میر شفاخانه دی زهرا قیزی
حیدره دردانه دی زهرا قیزی

  • جمعه
  • 22
  • مرداد
  • 1400
  • ساعت
  • 16:49
  • نوشته شده توسط
  • یوسف اکبری
ادامه مطلب
حاج رسول امینیان امینی خویی

زبانحال حضرت زینب(س) در خرابه شام -(ای ظلمیله دالدان کسیلن باش سنه قربان) *حاج رسول امینیان امینی خویی

403

زبانحال حضرت زینب(س) در خرابه شام -(ای ظلمیله دالدان کسیلن باش سنه قربان) ای ظلمله دالدان کسیلن باش سنه قربان
یاد ایلموسن زینبی قارداش سنه قربان
منده سنی گوردوم اُلم ای کاش سنه قربان
سنسیز داخی بو دنیا منه فایده ورمز
اودلاندی بو جان مزرعه سی عایده ورمز

گوردی سنی جان دفترینی بوکدی رقیم
هر نه که الینده واریدی توکدی رقیم
آیرلدی بیر آیری طرفه کچدی رقیم
بو چرخی دولانموش فلک اونلان سوزه گلدی
بیرده باجون السین گوزلیدی گوزه گلدی

بو چرخ فلک دن سنه چوخلی گله مندم
قول باغلیام و بستهٔ زنجیر و کمندم
مدتدی بو ویرانه ده قارداش ایله بندم
قارداشلاریم الموشدی بسیدی منِ زاره
بو نازلی قیزیم دا منی یاندیردی دوباره

دنیانین حسین هیچ یوخوموش مهر و وفاسی
بیهوده شعاریمیش ایله صلح و صفاسی
ظالم فلگین تک منه قالمشدی جفاسی
گوستردی اوزین کرب و بلاده منه قارداش
یوخ شرحه نیاز ایلیم آخر سنه قارداش

غم تیری سن الدون که منیم سینمه دگدی
ذلفیم که آغارمشدی دگوب قدیمی اگدی
ایندی دیورم کاش منه بیر یولدا دگیدی
جام اجلی منده ایچیب باری الیدیم
گورمیدیم اقلا بو گرفتاری الیدیم

سن جام شهادت چکوب اوز باشیوه گیتدون
وردون اونیراوز اوغلیوا قارداشیوه گیتدون
قربان اولوم اول گوزده کی گوز یاشیوه گیتدون
قالدون دل طوفاندا قزل قان آراسیندا
قویدون منی ده آتش نیران آراسیندا

چوخ تنگه بیزی لشگر کین قویدولا قارداش
سیم و زری زجریله عمر سویدولا قارداش
فکر ایلمه سرقتدن اولار دویدولا قارداش
سندن صورا اهل حرمون یاندی تالاندی
فریاد ایلدیم گوگلره نالم اوجالاندی

عزت گلومیز قالدی خزانلار قباقیندا
یا اون ایکی مین نامه قباقینداقباقیندا
نفسین گوجونه یولدان آزانلار قباقیندا
سندن صورا قارداش ایله طوفانلی یل اسدی
اسدیگجه منیم صبریمی قارداش جانی کسدی

سن قتلگه عشقده ایجاز ایلیردون
افلاک معلایه که پرواز ایلیردون
جناته گیدیردون ولی چوخ ناز ایلیردون
آغلوردی ملائک سنه حیرانیدی قارداش
باشون یوخودی پیکرون عریانیدی قارداش

لطفیله گلوبسن گجه ویرانیه قارداش
گوردی سنی یومدی گوزین اول هانیه قارداش
اول گلمگون اولدی منه بیر ثانیه قارداش
یولدوم باشمی باشیوه شاباش اولا قارداش
فکر ایلمورم سن کیمی قارداش اولا قارداش

شاد اول سن "امینی" بو قاپی باب حسین دور
محکم یاپوش عالملره ارباب حسین دور
بوش سالمیاجاق دور یولا قیل تاب حسین دور
اوز نوکری سن دفتر و دیواندا آدون وار
اوزگه قاپویا گیتمه اوز اربابوه یالوار

  • شنبه
  • 23
  • مرداد
  • 1400
  • ساعت
  • 20:02
  • نوشته شده توسط
  • یوسف اکبری
ادامه مطلب

زبانحال حضرت زینب(س) در حال احتضار -(گل حسین جانی چخور مام بلا زینبوین) *مرحوم انور اردبیلی

814

زبانحال حضرت زینب(س) در حال احتضار -(گل حسین جانی چخور مام بلا زینبوین) گل حسین جانی چخور مام بلا زینبوین
اِحتضار عالمی دور قلبی یارا زینبوین

قوش کیمی سالدی نفسدن باجوی، دام، غمی
نقطه تک دوره‌لدی زینبی ایّام غمی
کربلانون غمی یا کوفه غمی شام غمی
قامتین ایتدی کمان قدّی رَسا زینبوین

منیدیم شهر پیمبرده خانملار خانمی
چکدی دوران اسارت داماریمدان قانمی
ویرورم قابض الارواحه یورولمش جانمی
شُکر اولا غمدن اولور جانی رها زینبوین

گُلی پَرپَر ایلین صَحن چَمنده دولیدی
تازیانه یری جسممده منیم‌ده دولیدی
گتدیگم یول بُلورم حضرت زهرا یولیدی
قمچیدن جسمی اولوب نیلی نما زینبوین

جام محنت نقدر ویردیلر آلدیم قارداش
چوخ یامان گونلره سَندَن صورا قالدیم قارداش
شرزه بیر شیریدیم افسوس قوجالدیم قارداش
کِچلوبدور سوموگی غرقِ عزا زینبوین

وار یادیمدا ایلدی ابن زیاد حمله منه
هیجان گتدی علی قانی بو یورقون بدنه
گاه ابوالفضلمه باخدیم گهی مجلسده سنه
سسینه ویرمَدوز اَفسوس صدا زینبوین

حَمله‌وَر اولدوم اونا عَزم و ارادمده قوی
دیدیم اگلش یره ای مردک رذل اَموی
اَلووی سال یانووا سن اَموی من عَلوی
باشی قانلیدی هَله آبله پا زینبوین

جان ویرنده گیجه‌لر یا که گونوزلر باجیلار
گتورر دیل دوداقا غصه‌لی سوزلر باجیلار
گوزلری یولدا قالار قارداشی گوزلر باجیلار
گوزلری یولدادی گل بختی قرار زینبوین

اوزوگون قیمتی آرتار نجه زیبا قاشیلان
پیکرین وارلیقی معلوم اولی یا که باشیلان
باجی لاریندا ایله عزّتی وار قارداشیلان
قارداشی یوخدی باشی اوسته اخا زینبوین

یولداشا لازمه دور یاده سالا یولداشنی
کاش گلوب زینبون عرشه یتوریدون باشنی
قبریمون باری یازیدون سن اوزون باش داشنی
قدری آرتوردی غریب ئولکه ده تا زینبوین

سن شهادتله حسین ائتدون عمل پیمانووا
زینبون اولدی اسارتله مدافع قانووا
دردون ئولدوردی منی آند اولا مظلوم جانووا
عشقوه آدینی ثبت ایله فدا زینبوین

شمع تک یاندی وجودیم اریدی اولدی فنا
شُعلَمَه فخر ایلدیم یاندوقجا صبح و مسا
دردی ویردی منه عمروم بوئی طراح بلا
نیلیوم اولمادی قسمتده دوا زینبوین

اورگیم داغلیدی دل داغلیانیم یوخدی حسین
باشیم اوسته باش آچوب آغلیانیم یوخدی حسین
نگران گوزلریمی باغلیانیم یوخدی حسین
یتشوب گور ایشی آخرده هارا زینبوین

آخرین لحظه ده قویدوم لبمی حنجریوه
یوخوما گل دیدیم ای شاه فدا گوزلریوه
گلمدون سن یوخوما من گلورم محضریوه
جان آلان گلسه تاپار روحی صفا زینبوین

شمر نامرد علینون ایوینی ایتدی خراب
آغاران خدیوه اولدی باشوین قانی خضاب
من اوگوندن گیجه گوندوز یاشادیم دیده پر آب
گورمیوبدور آغاران زلفی حنا زینبوین

ئولمدیم کرب و بلاده ایلیم اخذ مُراد
سن یاتان یرده منی دفن ایلیه زین العِباد
حسرت تربت مَعطُوروَم ای پاک نهاد
یازی سیندا یوخومش خاک شفا زینبوین

قبریوه حل ایلین وقتده سجاد سنی
تاپمیوبدور بُلورم شأنووه لایق کفنی
بوریاده قویا ای کاش بالون قبره منی
پیکری پیکریوه اوخشیا تا زینبوین

دیل دیدی بو سوزی اولدی گِنه برهم حالِم
حالوه یوخدی اولان من کیمی قارداش عالِم
من سنه اوخشامارام سن یارالی من سالِم
پیکریندن باشی اولموبدی جدا زینبوین

  • دوشنبه
  • 8
  • شهریور
  • 1400
  • ساعت
  • 22:16
  • نوشته شده توسط
  • یوسف اکبری
ادامه مطلب
 احمد پوریا

لبیک خانم زینب ... -(ای شافعه ی محشر) * احمد پوریا

992
0

لبیک خانم زینب ... -(ای شافعه ی محشر) ای شافعه ی محشر
لبیک خانم زینب
اسلامه اولان یاور
لبیک خانم زینب

سن مکتب حیدردن درس اورگنن عالم سن
خورشید فروزنده بیر نور عوالم سن
اسلامه بها ویردون محشردده حاکم سن
آرام دل مهدی سن عمه ی قائم سن
قارداشیوه همسنگر لبیک خانم زینب

ای خواهر ثارالله دینی ایلدون احیا
شیرون قیزی سن زینب عشقی ایلدون معنا
اعدایه بیلیندیردون سن سن نوه ی طاها
الحق که دلاور سن صود ویردی سنه زهرا
ای نایبه ی مادر لبیک خانم زینب

سن مظهر عزتسن محبوبه ی جنت سن
معنای شهامت سن دریای شرافت سن
داغ مثلی صلابت سن دارای شجاعت سن
عباس دلاور تک باشدان باشا غیرت سن
نهر اوسته دیر اللر لبیک خانم زینب

سن دشت پُر از غمده هیچ ایلمدون افغان

  • سه شنبه
  • 6
  • فروردین
  • 1398
  • ساعت
  • 11:10
  • نوشته شده توسط
  • ابوالفضل عابدی پور
ادامه مطلب
میرزا حسین کریمی مراغه ای

متن شعر ترکی توسل به حضرت زینب (س) -(وورمیسان شامه عجب پرچم ارشاد خانم) *میرزا حسین کریمی مراغه ای

3006
3

متن شعر ترکی توسل به حضرت زینب (س) -(وورمیسان شامه عجب پرچم ارشاد خانم) وورمیسان شامه عجب پرچم ارشاد خانم
نه گوزل مکتب آچوبسان ائوون آباد خانم

گرک البته حسینین باجیسی زینب اولا
عفّتی عصمتی شخصیّتی زین اب اولا
پایتخت اُموی ده حرمی مکتب اولا
هر گلن کاخ یزیدین باخا ویرانه سینه
یوز قویا زینب مظلومین عزاخانه سینه

ائوون آباد خانم رتبه وی ممتاز ائلدون
عالم عشقده عشّاقی سر افراز ائلدون
صبری شرمنده ائدوب واقعاً اعجاز ائلدون
آتاوا اولمادی ممکن قویا شاماته قدم
سن ووروبسان دل سوریه ده فتحیله علم

هانسی دکتردی مطبّی تاپا بیر بیله رواج
هانسی خاتوندی اولا درگهی ینبوع نتاج
چاره سیز درده خانم شامده سندندی علاج
سکه عشقون اقالیم ده رایجدی خانم
ناامید ائتمه قاپون باب الحوائجدی خانم

  • سه شنبه
  • 6
  • فروردین
  • 1398
  • ساعت
  • 12:46
  • نوشته شده توسط
  • ابوالفضل عابدی پور
ادامه مطلب
 ولی الله کلامی زنجانی

در انتظار برادر -(گل حسین قربانون اولّام زینبون جان اوسته دی) * ولی الله کلامی زنجانی

2435
2

در انتظار برادر -(گل حسین قربانون اولّام زینبون جان اوسته دی) گل حسین قربانون اولّام زینبون جان اوسته دی
زلفمی هجرونده یولّام زینبون جان اوسته دی

دویمیوبدی گوزلریم قارداش نگاهوندن سنون
عطریوی جان اوسته آلّام قتلگاهوندن سنون

دل دونوب قانه گل زهرا چمن سیز جان ویرور
یثربین خاتونی غربتده وطن سیز جان ویرور
یدّی قارداش باجیسی قارداش کفن سیز جان ویرور
گل حسین غملی مزاره شادمان گوندر منی
اللرون اولسا بدنده قبلیه دوندر منی

من همان دلدن دوشن دلداریوم قارداش حسین
مونس دل محرم اسراریوم قارداش حسین
عاشق دلخسته ام بیماریوم قارداش حسین
ای طبیب درد زینب تز ئوزون شامه یتور
من که قبرون گورمدیم باری بیر آز تربت گتور

مُستجاب الدّعوه سن قویما گُلِ عمروم صولا
قیل دُعا جسم

  • سه شنبه
  • 6
  • فروردین
  • 1398
  • ساعت
  • 15:32
  • نوشته شده توسط
  • ابوالفضل عابدی پور
ادامه مطلب
استاد یوسف معزی اردبیلی

سلام بر حضرت زینب(س) -(سلام اولا شهدایه چوخ آغلیان خانما) *استاد یوسف معزی اردبیلی

1073
1

سلام بر حضرت زینب(س) -(سلام اولا شهدایه چوخ آغلیان خانما) سلام اولا شهدایه چوخ آغلیان خانما
باشینا اللی بیر ایل قاره باغلیان خانما

سلام اولا آنا یاسینده باش آچان خانما
جنازه نین دالیسیجا گجه قاچان خانما

سلام اولا الینه زلفلرین آلان خانما
حسینی قانلی منایه یولا سالان خانما

سلام اولا یوزینه گوزیاشی آخان خانما
یارالی قارداشینا تلّیدن باخان خانما

سلام اولا نگران مقتله اَنَن خانما
کنار سرور عطشاندا گورسنن خانما

سلام اولا نچه ایل رنج غم اوتان خانما
حسینی ئولدرَنون خنجرین دوتان خانما

سلام اولا الی میداندا دوغرانان خانما
گلنده خیمه لره دردی چوخلانان خانما

  • سه شنبه
  • 4
  • آذر
  • 1399
  • ساعت
  • 12:28
  • نوشته شده توسط
  • یوسف اکبری
ادامه مطلب
 مجید قلعه بیگی

زبانحال حضرت زینب(س) -( حسین بلالی باجون یورلدی کامه یتیر) * مجید قلعه بیگی

440

زبانحال حضرت زینب(س) -( حسین بلالی باجون یورلدی کامه یتیر) در سبک : ای آسمان غمین...

حسین بلالی باجون،یورلدی کامه یتیر
حیاتی زینبون بوگون تمامه یتیر
گوزوم یولوندا قالوب،داریخمیشام یارالی
باجون آدامسیز اؤلور،اوزوی شامه یتیر

گل قارداش،،گوزمی باغلا
قبره قؤی،،سینه‌وی داغلا

کفن ائیله قره معجرلن
دفن ائیله کسیک اللرلن
اؤلور زینب

نه منّت و نه گلایه ایلیرم من اخا
واریم یوخوم اولا اصغره ربابه فدا
یادیندا وار او چوخور مکاندا کشمکشیم
هله الیمده اونون نشانه‌سی وار آغا

جان اوسته،،،پوزولان زینب
شمشیره ،،،ال آتان زینب

تنهادی،،یارالی یارین
بی کسدی قوجا غمخوارین
اؤلور زینب

او گوردوقون دگولم،سینبدی بال و پریم
شماتت اگدی منی،داغیلدی دور و بریم
فقط بو زحمتیمی قبول ائله یارالی
گوزومی باغلا حسین،وفالی تاج سریم

فریاده،،، گلینیم یوخدی
باخ درده،،،کفنیم یوخدی

غارتده،،سپر اولدوم من
آماجِ،،،کمر اولدوم من

  • دوشنبه
  • 4
  • اسفند
  • 1399
  • ساعت
  • 22:50
  • نوشته شده توسط
  • یوسف اکبری
ادامه مطلب

نوحه رحلت حضرت زینب(س) -(پریشان زینبم شام بلاده آی ابالفضل) * مژده اردبیلی

480

نوحه رحلت حضرت زینب(س) -(پریشان زینبم شام بلاده آی ابالفضل) پریشان زینبم شام بلاده آی ابالفضل
غریب و بی کسم دارفناده آی ابالفضل
اسیر درد و اندوه و ملال بیشمارم
گوزوم قالموش دیارکربلاده آی ابالفضل
غریب ئولکه ده باجون جان وئرور هرایه گل آماندی
اجل درک ائدوب باجون زینبی نوایه گل آماندی

امیرلشکر ایمان و عاشورا ابالفضل
نواخوانم نواخوان آی سوسوز سقا ابالفضل
سواوستونده دوشن قوللاروون زینب فداسی
نجه دوشمز دیلیمدن فاتح دریا ابالفضل
غریب ئولکه ده .......

سوسوز سقای دشت نینوا ای پاک و اطیب
غریبم شهرشوم شامیده روشندی مطلب
هرایه گل نواخوانی مزاره تاپشیراندا
دئسونلر اهل عالم غصّه دن دینجلدی زینب
غریب ئولکه ده .......

علمدار سپاه عشق و ایمان آی ابالفضل
شهید کشورتوحید و قرآن آی ابالفضل
دیار عشق و ایمان و شرافتده یوبانما
مزار زینب اولدی شام ویران آی ابالفضل
غریب ئولکه ده ..........

دیارشامیده قارداش بوکولموش قامتیمدی
منی دیلدن سالان درد و ملال و محنتیمدی
حسنین روحسینه آند اولسون آغلار گوزلریله
سنه ای ساقی،لب تشنه آخر زحمتیمدی
غریب ئولکه ده.........

زبان حالیمی (مژده )یازان ساعتده قارداش
دئدیم یوخدور نظیرون عالم خلقتده قارداش
ولی قان آغلادی سیلاب غم توکدی عذاره
دوباره یازدی نوحه موسم رحلتده قارداش
غریب ئولکه ده باجون جان وئرور هرایه گل آماندی
اجل درک ائدوب باجون زینبی نوایه گل آماندی

  • شنبه
  • 9
  • اسفند
  • 1399
  • ساعت
  • 11:32
  • نوشته شده توسط
  • یوسف اکبری
ادامه مطلب
راهنمای علائم موجود در فهرست:
عدد کنار این علامت نشانگر تعداد کاربرانی ست که این مطلب را پسندیده و به دفترچه شعر خود افزوده اند
عدد کنار این علائم نشانگر میزان محبوبیت شعر یا سبک از نظر کاربران می باشد
اشعار ویژه در سایت برای کاربران قابل دسترس نیست و فقط از طریق خرید اپلیکیشن مورد نظر این اشعار در داخل اپلیکیشن اندرویدی قابل رویت خواهند بود
این علامت نشانگر تعداد کلیک یا بازدید این مطلب توسط کاربران در سایت یا اپلیکیشن می باشد