اشعار ترکی امام حسین (ع)

مرتب سازی براساس
 سید تقی سیفی اردبیلی

در مقام امام حسین(ع) -(حسین بهشتین آقاسی) * سید تقی سیفی اردبیلی

9092
19

در مقام امام حسین(ع) -(حسین بهشتین آقاسی) حسین بهشتون آقاسی
حسیندی کعبه صفاسی
باشیمدا وار گئجه گوندوز
هوای کرب و بلاسی

بو قلبی داغلارام الله
حسینه آغلارام الله

حسین حقیقت قرآن
حسین طراوت رضوان
حسین عدالته برهان
حسینه جان اولا قربان

اسیر کوی ولایم
گداي کرب وبلایم

گوزیمده اشک تریم وار
نه آشیان نه پریم وار
اورکده چوخ کدریم وار
حسین ئولوب خبریم وار

بو دردی سای دیرم من
حسینه وای دیرم من

اوجالدی شیون وشینیم
واریمدی عشقمه دینیم
بو درد وغصه نی نیلوم
کفن سیز ئولدی حسینیم

اورکده داغنه قربان
یانان دوداقنه قربان

غریبه صحنه گوروندی
اورک غمیله هُرروندی
فلک ملاله بوروندی
حسین یارالی سوروندی

دوشوبدی عالمه غوغا
گلوبدی مقتله زهرا

تاپاندا یاره لی ماهی
گورنده قانلی شفاهی
دیلینده شعله آهی
دیردی یاندیم الهی

سوزور قانی یاراسیندان
ئوپوم مگر هاراسیندان

  • دوشنبه
  • 12
  • آبان
  • 1399
  • ساعت
  • 10:40
  • نوشته شده توسط
  • یوسف اکبری
ادامه مطلب
فروشگاه پرچم

خطاب به امام حسین(ع) -(غمونده یا حسین سنین تمام گُویلر آغلادی) * مرحوم احد واعظی هریسی

1482
2

خطاب به امام حسین(ع) -(غمونده یا حسین سنین تمام گُویلر آغلادی) غمونده یا حسین سنین تمام گُویلر آغلادی
گلوب فغان و شُورشه هامی مَلک لر آغلادی

کسنده باشیوی سنون او شمرِ شومِ و بی حیا
بوغازیوی کسن زمان اَلینده خنجر آغلادی

قویاندا یوز قوشون سنون او خیمگاه یوه طرف
نچه قدم سورون موسن باخاندا لشکر آغلادی

قلج لار اَلده یوز قویوب گلوبله لشکر اوستیوه
آلوبلا دوره وی سنون بو ظلمه یِرلر آغلادی

دوشوبدی حیرته باخوب بو سوزده جمله اَنبیا
دیوبله جان حسین سنه هامی پیمبر آغلادی

او حالدا بیر نفر سنون یتشمیوب دی دادیوه
بو حاله باخدی سس چکوب تمامِ صَفلر آغلادی

او قدری ظلم ایدوب دولر قیامت اولدی آشکار
او ظلم لر عَیان اولوب او عَرشِ داور آغلادی

نه زَحمتی له باشیوی بدندن آیری سالدیلار
او حالته باخوب او گُون یارالی پیکر آغلادی

گلوبله قتلگاهی وه گُوروبله پیکرون سنون
دیوبله وا مُحمّدا هامی حَرم لر آغلادی

ووروبلا اُود خیامیوه آلیشدی یاندی سر بسر
او دَم زمینِ کربلا باخوب سراسر آغلادی

قاچوبلا چوللّره هامی او گُونده آلِ مُصطفی
او وَضعِ حاله باطناً باخاندا چوللّر آغلادی

اوشاق بویوک قاچاردی لار نه وَضعِ حالی له هامی
او حالِ غارته گلن باخاندا یکسر آغلادی

یتنده سنگ دل قُوشون اوشاقلاری ووروب دولار
اَلین دَه تازیانه لر باخوب یتیم لر آغلادی

اِیاقلاری نا آتلارین وورولدی تازه نعلی لر
چتین اولوبدی زینبه باخوب مُکدّر آغلادی

یارالی نعشی لر گوروب او حالی باطناً یانوب
او قطعه قطعه دوغرانان هامی بدن لر آغلادی

اَبوالفضلین تَلاطمه گلوب یارالی پیکری
فراتین اُوسته سس چکوب او ماه مَنظر آغلادی

بو نوحه نی یازان زمان چوخ آغلیوبدی (واعظی)
غمونده یا حسین سنون تمامِ گُویلر آغلادی

  • چهارشنبه
  • 31
  • شهریور
  • 1400
  • ساعت
  • 16:51
  • نوشته شده توسط
  • یوسف اکبری
ادامه مطلب

وداع -(گتمه دایان سروریم) * حاج داود بیدق داری

3313
4

وداع -(گتمه دایان سروریم) گتمه دایان سروریم
قلبی یانان دلبریم
بیرده بوغازون ئوپوم
تشنه قالان کوثریم
لبلرون کوثردی یا حسین
قالدون لب تشنه اما حسین
یاحسین یاحسین یاحسین 2
گوزده کی قانیاش حسین
دردیم ائدر فاش حسین
اذن وئر الان دونوم
باشووه قارداش حسین
یوخ طاقت یاورسیز جنگووه
من قربان سارالمش رنگووه
یاحسین ...
دارونداریم دایان
عز و وقاریم دایان
سالما منی چوللره
تشنه نگاریم دایان
گتمه گر فرصتون وار هله
زینبون جان وئرور صبر ائله
یاحسین ...
قیلدی عنایت آقا
قویدی قدم توپراقا
اغلاما سنسن دئدی
فاطمه ی کربلا
آتش غمده دل داغلاما
قهرمان زینبیم اغلاما
یاحسین ...

  • چهارشنبه
  • 28
  • شهریور
  • 1397
  • ساعت
  • 21:03
  • نوشته شده توسط
  • ابوالفضل عابدی پور
ادامه مطلب

عرض ارادت محضر امام حسین(ع) گریز به کوچ از قتلگاه -(شهریار عالمین ای جان جانان یا حسین) * محمد هوشمند

1105

عرض ارادت محضر امام حسین(ع) گریز به کوچ از قتلگاه -(شهریار عالمین ای جان جانان یا حسین) شهریار عالمین ای جان جانان یا حسین
ای قویان عالملری عشقینده حیران یا حسین

ای گوزل آدی اولان هر چاره سیز درده دوا
سن حبیب لم یزل سن شافع روز جزا
کشتی امید سن عشاقه مصباح الهدا
بحر عشقین ائیلوب دیللرده طوفان یا حسین

كیم گلیب درگاهیوه تاپدی جلال و اعتبار
كوی عشقیندن گدالر اخذ ائدر عز و وقار
سفره جودونده اولموش اهل عرفان ریزه خوار
درگهین دارالکرم دی کوی احسان یا حسین

اولماسا گر عشق یول تاپماز سنه عقل و خرد
کوکب اجلالیوی خامه ائده بیلمز رصد
قالمیشام حیران الیمدن دوت اوزون ایله مدد
مكتبونده اولموشام طفل دبستان یا حسین

سن طریق عشقده هر سالکین منهاجی سن
تاج خلقتسن قویوبسان باشه قاندان تاجی سن
روز محشرده اولارسان اهل عشقه ناجی سن
قویماسان قالسونلا محشرده پریشان یا حسین

آدم و حوانی چكدین ساحیله بحرانیدن
جان عیسانی قوتاردین فتنه دونانیدن
كشتی نوحی آپاردین مقصده طوفانیدن
سن خلیله ائیلدین ناری گلستان یا حسین

بحر صبرین داشمادی هر قدر موج ائتدی بلا
عهدیوه ائتدین وفا چون البلاء للولا
ائیلدین کرب و بلا توپراقینی خاك شفا
تربت پاکوندی هر بیر درده درمان یاحسین

حق یولوندا ائیلدین ایثار، ثارالله سن
سن حقیقت اهلینه هم رهنما هم راه سن
کایناته حکم ائدن یالقیز یارالی شاه سن
تحت امریندور سنون بو کون و امکان یا حسین

قتلگهده ائیلدون معبودیله راز و نیاز
قانلی محراب ایچره قیلدین شوقیله قانلی نماز
سن شفاعت امرینه آلدون چوخور یئرده جواز
بلکه سوزان ائتمسین عشاقی نیران یاحسین

نیزیه چیخدی باشین حق اهلینه یول گوستره
باشلادی قرآن یارالی دیللره تسكین وئره
ویردی تاریخه ندا ذلت یاراشماز بیز لره
آخدی قان ناحقّه چکدی خط بطلان یا حسین

بیلمیرم محشر نمایان اولمادی آیا ندن
اوندا کی کسدی جفاییله باشین قوم فتن
قالدی اوچ گون پیکرین توپراق لار اوسته بی کفن
تاپمادی زینب او چولده بیر مسلمان یا حسین

اون بیرماه محرم گلدی زینب مقتله
گوردی نعشین یئرده دی باشیین دوشوب الدن اله
آز قالیب دی خرمن صبرین خانیم وئرسین یئله
سسلدی جانیم اولا بو جانه قوربان یا حسین

جان زینب دین یولوندا تشنه قانه باتمیسان
باش و جانیندن گئچیب الحق مرامه چاتمیسان
وای منه گونلر قباقینده نه راحت یاتمیسان
وار یئری ائتسم اولونجه داد و افغان یا حسین

اولموشام (مدهوش) شاها عشق پاکیندن مدام
فخر قیلام شاهلارا اولسام بو درگهده غلام
دوت الیمدن قیل کرم ای پادشاه ذوالکرام
سائیله سیزدن اولار لطف فراوان یا حسین

ای شفاعت ائیلیین قنداق ایچینده فطرسی
قورتاران ظلمات دریادن جناب یونسی
بیر اشاره یله قوتار محشر گونی بو بیکسی
منده هر آن اولموشام عشقونده نالان یا حسین

  • یکشنبه
  • 14
  • شهریور
  • 1400
  • ساعت
  • 13:05
  • نوشته شده توسط
  • یوسف اکبری
ادامه مطلب
 احمد پوریا

کوچ از قتلگاه -(دور آی یارالی باجون گلوبدی باشین اوسته) * احمد پوریا

2155
3

کوچ از قتلگاه -(دور آی یارالی باجون گلوبدی باشین اوسته) دور آی یارالی باجون گلوبدی باشین اوسته
بو زاره سس ویر بو چولده زینب اولدی خسته
آی قارداش - بو چولده دشمنین چوخدی
آی قارداش - بدنده ساق یرین یوخدی
آی قارداش - بو قلبی تیر غم دَلدی
آی قارداش - قتلگهه ننم گلدی
اماندی قارداش بو زینبیوه بیرجه سس ویر
یوخومدی طاقت یورولموشام منه نفس ویر
آی قارداش - علی باشین اوجاتدون سن
آی قارداش - باجیوی چوخ قوجاتدون سن
آی قارداش - آخور دامارلاریندان قان
آی قارداش - چخوبدی گوگلره افغان
سسیمه سس ویر یارالی پیکرون هایاندا
یانوبدی قلبیم باشیوی نیزیه وراندا
آی قارداش- بو چولده قالموشام تنها
نهر اوسته - یاتوبدی قارداشیم سقا
آی قارداش - اولوب منیم علمداریم
بو چولده - یوخو

  • پنج شنبه
  • 29
  • شهریور
  • 1397
  • ساعت
  • 20:54
  • نوشته شده توسط
  • ابوالفضل عابدی پور
ادامه مطلب

حضرت امام حسین(ع) -(ای محبت ملکونون سلطانی مولا یا حسین) * محمد هوشمند

1030

حضرت امام حسین(ع) -(ای محبت ملکونون سلطانی مولا یا حسین) ای محبت ملکونون سلطانی مولا یا حسین
ای آدی هر دردیمون درمانی مولا یا حسین

ای وئرن دینین یولوندا یار و انصارین فدا
ای ائدن انسانلارا تعلیم اخلاق و وفا
جانیمیز اولسون سنین ایثاریوه قربان آقا
همتین حفظ ائیله دی قرآنی مولا یا حسین

تا جهان وار پاک آدین رونق وئرور محفل لره
فخر ائدیر شیعه سنین تک بیر مقدس رهبره
مکتبین عزتدی، غیرتدی، صفادی یکسره
ائتمیسن حقین یولون نورانی مولا یا حسین

تا نفس وار آدیوی ذکر ائیلماقدان دویماروق
قاره کوینک فخریمیزدور بو لباسی سویماروق
چپ باخا بیر کس بو تشکیلاته بیر آن قویماروق
بیز سنه وابسته یوخ هر آنی مولا یا حسین

ای طریق عشقیده یاریله یولداشدان گئچن
هم اوغول، هم با وفا غیرتلی قارداشدان گئچن
ذلته باش اگمیبب، جاندان گئچن، باشدان گئچن
جان عالم جانیوین قربانی مولا یا حسین

ای اورک قانیین ائدن شوقیله قرآنه نثار
ای وئرن کرب و بلاده دین حقه اعتبار
ظالمه باش اگمیین اهل ولایه افتخار
سنده دورعشق اهلینین رضوانی مولا یاحسین

ای جمال اللهه مظهر جلوه حی ازل
ای آدی شیرین، جمالی هر گوزل لردن گوزل
سن عزیز آل طاهاسن حبیب لم یزل
فتح ائدیب عشقین هامی دنیانی مولا یا حسین

منکر و معروفه خاطر ائیلدون بیر انقلاب
تا اولا روشن حقیقت اهلینه راه صواب
باجی قارداش ائیلدیز تعلیم قرآن و حجاب
آیدین ائتدین کفریدن، ایمانی مولا یا حسین

گون کیمی تاریخیده شخصیتون تابنده دی
تا قیامت عشقیویله قلبلر آکنده دی
تا جهان وار مکتب کرب و بلا پاینده دی
آدین اولموش دیللرین عنوانی مولا یا حسین

سن بیزیم اربابیمیزسان بو سعادت دیر بیزه
هر ایکی عالم آدین شان و شرافت دیر بیزه
عشق پاکین کیمیادی نور و رحمت دیر بیزه
حسنوین یئر گوی اولوب حیرانی مولا یا حسین

سن امیر ماسواسن سیدی نعم الامیر
قیل کرم سن شاه عالم منده مسکین وفقیر
کربلا آدی گلنده لاله تک قلبیم اسیر
دست خالی ائتمه بو نالانی مولا یا حسین

بیر نولار که غصه وغمدن اورکلر دینجله
هیئتی لر دسته جمعی قبریوه مهمان گله
قبریوی هر اربعین (مدهوشه) ده ائله صله
قویما قالسین دردیمیز پنهانی مولا یا حسین

  • سه شنبه
  • 9
  • شهریور
  • 1400
  • ساعت
  • 11:32
  • نوشته شده توسط
  • یوسف اکبری
ادامه مطلب
استاد حسین غفاری اردبیلی

عظمت مجلس امام حسین(ع) -(ای حسین عاشقی گلزار تولادی بورا) *استاد حسین غفاری اردبیلی

698
3

عظمت مجلس امام حسین(ع) -(ای حسین عاشقی گلزار تولادی بورا) ای حسین عاشقی گلزار تولادی بورا

دوز گلوبسن ایله جنات معلادی بورا

یاخشی بیر باخ در و دیواره غم افزادی بورا

دوزدی یثربده دگل خانه زهرادی بورا

دردون اولسا دیمرم حاذق اطبانی چاغیر

گوزووین یاشینی توک حضرت زهرانی چاغیر

ویر خبر دردی اولانلاره دینن غم گلدی

باشووه باغلا قرا موسم ماتم گلدی

سینه وور سسله حسینی قره پرچم گلدی

ای دوادن یورولان ماه محرم گلدی

چاغیرون یوزلری اشکه بوروننلر گلسین

قره پرچم دالیسیجاق سوروننلر گلسین

بزم تجلیل شئونات امامتدی بورا

مرکز کنگره شان و شرافتدی بورا

آیری فکر ایلمه درگاه عبادتدی بورا

گیتمه ایری قاپیا باب سعادتدی بورا

غم یمه اولسا نه اندازه اگر دردون آغیر

قلبووی پاک ایله بیر دفعه ابوالفضلی چاغیر

احتیاجون وار اگر معجزه گر درمانه

متوجه ایله افکاروی نخلستانه

ساقی تشنه دوشوبدی یارالی میدانه

ساق گوزی بوسه ویروب زهریلی بیر پیکانه

سروه اوخشور اوجا قدی ولی خوللاری دوشوب

بیر یانا مشکی دوشوب بیر یانا قوللاری دوشوب

کشتی عشقیدی گویا کی قالوب طوفاندا

عمرینون اولدوزی ایستور باتا نخلستاندا

ئوزینه فکر ایلمور هیچ ایله بیر بحراندا

تلین اوستونده قالوب قلبی گرو جاناندا

گوردی یوخدی یارالی قوللارینون درمانی

دوتدی تصمیمینی دعوت ایلیه مولانی

یوز دوتوب تله طرف سسلدی ای شاه بصیر

منتظر دور سنه میدانیده بو عبد حقیر

دیمورم گل منی قویما ایلیه لشکر اسیر

ننووی ایستسه گویلون ئوزووی فوری یتیر

باشیم اوسته اوتوروب گوز یاشی رخساره الور

ساچلاریندان باجیمون ساچلارینون عطری گلور

اوغلونون نوکرینه اولدی خانم تعزیه دار

ایستیوردی سیله گوز یاشینی اول لاله عذار

غفلتا اولدی حسین جان قره روبندی کنار

نجه تعریف ایلمیشدون یوزینون لکه سی وار

قد رعناسینی واضحدی کی غم غصه اگوب

کول منیم باشیمه اولسون یوزینه سیلی دگوب

سایه لطفی علمدارووی بشاش ایلدی

گوردی احوالیمی مستوجب پاداش ایلدی

ئورگیمدن کیچنی بیلدی خانم فاش ایلدی

نوکریدیم سنه گلدی منی قارداش ایلدی

هر نه امر ایلسه دستوری مقدمدی منه

پرچمیم دوزدی یاتوب ساچلاری پرچمدی منه

قارداشین الدی سسین خیمه ده سلطان انام

زینبی محضرینه ایستدی ازاده امام

گیدورم من دیدی ای خواهر مرضیه مرام

اللی ائیل منتظریدیم ایله بیل گلدی انام

بیلدیم عباسی اگر گورسه نیستانه گلر

سنی ده یوخلاماقا شام غریبانه گلر

مرکبی حاضر ایله عزم ایلیوم میدانه

قوی گوروم هاردا باتوب ماه شرافت قانه

اولمیا قارداشیمون عمری چاتوب پایانه

بلکه روحی پر اچوب علقمه دن رضوانه

حقووی قارداشووا سنده ادا ایله باجی

گیت اوتور خیمه ده عباسی دعا ایله باجی

زینبی تاپشروب اللهه غرض شاه ولا

تشنه قیزلارینا بیر باخدی صورا دوشدی یولا

پر اچوب مرکبین اوسته خلف شیر خدا

ایاقی التدا قویوب عرصه نی شاه شهدا

گوردی قولسوز یخلوبدی یره سرداری یاتوب

باش قویوب تپراقا غیرتلی علمداری یاتوب

دئدی ای ام بنینون گل بی خاری اویان

منه گولدورمه بو میدانیده اشراری اویان

دیمورم ال نظره لشکر کفاری اویان

بلیمون سینماقینون خاطرینه باری اویان

نیه بو حاله قالوبسان سنه اصغر قربان

یارالی باشووه قارداش علی اکبر قربان

سنی درس علوی جنگه زبر دست ایلیوب

غیرت اللهی علی روحووه پیوست ایلیوب

حیف اولا دشمنوی دست زمان پست ایلیوب

کیم ئوپوب لبلریوی عطری منی مست ایلیوب

قوریان لبلرووه جام لبالب قربان

کسیلن قوللاریوا غمزده زینب قربان

ایستورم گوز یاشیما باشووین اوسته بویانیم

سن یانان اتش حسرتده گرک منده یانیم

گل گئدک خیمه ده سن یات ایاق اوسته دایانیم

باشووی تپراقا قویما باشووا من دولانیم

تیتریور اصغریمون لبلری مثلی بدنیم

منتظردور سنه قیزلار ایویمی یخما منیم

  • سه شنبه
  • 26
  • مرداد
  • 1400
  • ساعت
  • 10:28
  • نوشته شده توسط
  • یوسف اکبری
ادامه مطلب
مرحوم رحیم منزوی اردبیلی

مناجات امام حسین(ع) -(وقت اولدی که مقصوده یته حجت داور) *مرحوم رحیم منزوی اردبیلی

727
1

مناجات امام حسین(ع) -(وقت اولدی که مقصوده یته حجت داور) وقت اولدی که مقصوده یته حجت داور
تپراقه دوشوب صاق یوزی اوستنده اوسرور
قویدی یوزینی تپراقا دلبند پیمبر
عرض ایتدی من ایفا ایلدیم عهدیمه یارب
قالدی سنون امیدوه زهرا قیزی زینب

اجرا ایلدیم امروی ای خالق منان
ویردیم بو گوزل دینوه یتمیش ایکی قربان
یانام سوسوزومدان قوتارام شیعه نی اوددان
بیر دفعه دیسون یوخدی سنون شیعوه پروا
مین اوغلوم ئوله آغلامارام دهرده اصلا

مین اوغلوم ئوله گر بو بیاباندا رضایم
مین یول اولام آغشته قزل قاندا رضایم
باشیم دولانا نیزه عدواندا رضایم
اما دگلم راضی اولاندا دم محشر
بیر ذره اولا شیعه لرون قلبی مکدر

مین اوغلوم اولا هر بیری اکبر کیمی زیبا
شهلا گوزی گل عارضی سرو قدی رعنا
مجنون اولا لیلالری من باخمارام اصلا
آدون گله گلبرگ خزان تک اسرم من
مین اوغلومی بیر آدوه قربان کسرم من

مین نازلی قیزیم اولسا یاپشسا اتگیمدن
مین اوخ ساچلوب قلبمه چخسا کوره گیمدن
مین دفعه باشیم ذبح اولا گر تشنه قفادن
عشقونده من ایوای دیمرم رسم وفادن

یارب بو سنق قلبیم اولوب وصلوه مایل
جبریلوه دی شهپرینی ائتمیه حایل
تا بلکه اولام مقصد و منظوریمه نایل
آخر نه ایدور عابد و معبود آراسندا
بیجا دایانوب شاهد و مشهود آراسندا

موسی دیئنی من دیمرم ای حق یکنا
ئوز گوردوگیمه نجه ارنی دئیوم آیا
فرض ایله منیم بو یارالی سینمه می سینا
بیر جلوه ایله محو جمال حق اولوم من
مشتق اولونان نوره گنه ملحق اولوم من

ناگه یتشوب هاتف غیبون بو نداسی
ای فاطمنون گوزلرینون نور و صفاسی
سنلندی منیم خلقتمون زیب و صفاسی
جنات سنون قصر سنون حور سنوندور
جناتی منور ایلین نور سنوندور

دین مکتبنی سن ایلدون قانیله ترمیم
قرآنی بو قانون ایده جک عالمه تعلیم
ارواح و ملک جن و بشر امروه تسلیم
سن باخما که اوخ نیزه قلج پیرهنوندور
نه حکم ایلسون روز جزا حکم سنوندور

زینت ویریلوب روضه رضوانه سراسر
حورای بهشتون گوزی هجرونده اولوب تر
جنتده آنون فاطمه الان سنی گوزلر
گل قانوی باجون حرمون زلفنه یاخسون
بیر قان که منم صاحبی ای شاه قوی آخسون

حلقوندن آخان قانوی گل عارضه یاخما
یوز عرشه دوتوب یاندیروب عالملری باخما
چوخ حسرتله آب گل آلودیه باخما
چک قرمزی قانیله قلم نقش حیاته
کوثر یولوی گوزلوری یالوارما فراته

مین اوچ یوز هشتاد بش هجری مه شعبان
بو شعری یازوب "منزوی"با دیده گریان
ذوق اهلی اوخوندوقجا ایدر حظ فراوان
چون روحی اولان سوز ویره جک روح اوخوناندا
کهنلمیه جک دست حوادث توخوناندا

  • سه شنبه
  • 2
  • شهریور
  • 1400
  • ساعت
  • 15:13
  • نوشته شده توسط
  • یوسف اکبری
ادامه مطلب
مرحوم رحیم منزوی اردبیلی

در مدح امام حسین(ع) -(حسین دیوانه سی عاقلدی والله) *مرحوم رحیم منزوی اردبیلی

772

در مدح امام حسین(ع) -(حسین دیوانه سی عاقلدی والله) حسین دیوانه سی عاقلدی والله
بیزه ایراد ایدن غافلدی والله
طواف کعبه زمزم دستمازی
حسین سيز مطلقا باطلدی والله
یاپشسون حلقه ی بیت خدادن
کفن گیسون لباس انبیادن
ال اوزسون دامن آل عبادن
بهشته گيتمگه حايلدى والله

بيرى مين ايل ايده قرآن تلاوت
تیکانلیقدا سالا محراب طاعت
همیشه باغلیا سنگ قناعت
ایده آج قارننا بیر عمر عبادت
چکه سعی و صفاده چوخ ریاضت
ایده ابلیس تک عرشی زیارت
ئورکده اولماسا حبّ ولایت
حسینه ایتمسه عرض ارادت
وجودی یانماقا شاملدی والله

بیری معروف اولا جرم و خطایه
یوزی قاره ، گناهی فوق العاده
قرا کوینک گیه بزم عزاده
دیه ای کاش اولِیدیم کربلاده
ئولنده پیکری قالسا اراده
نمازین قیلماسا گر شیخ ساده
حسین قویماز خجل گَلسون معاده
گنه سوز وار حدیثِ مَن بَکاده
شفاعت قولینه داخلدی والله

بیر عدّه منشی بی عقل و مایه
ایدور ئوز رایینه تفسیر آیه
اصولیّون سالوب مغزین خطایه
دیوللر عالماً‌ بو ماجرایه
نیه گیتدی حسین کرب و بلایه
او شخصون شکّی وار قالو بلایه
اودور قائل اولوب چون و چرایه
اولا سُقراطه گر هم درس و پایه
شهادت سرّینه جاهلدی والله

آتام قربان او شاه سرفرازه
آنام قربان او نحر اولموش بوغازه
گوزوم قربان حسین قان دستمازه
باشوندا عاشقان پاکبازه
او نصرانی طبیب اهل رازه
سنی گورجك تاپوب اسلامی تازه
تشهّد ذکر ایدوب آلدی اجازه
دیدی به به یتیشدیم امتیازه
مسیحادن حسین قابلدی والله

حسین باش سجده ده ذکر و دعاده
ائدوب دورت شخص اونی بیردن اراده
اَوَل شمر اول سگ بی خانواده
صورا جبریل آچوب شهپر هواده
اوچونجی فاطمِیدی سرگشاده
امان دوردیمجیسیندن گَلدی داده
چخوبدور خیمه دن زینب پیاده
گوروب شمری دوروب عرش خداده
ائدوب حمله دیدی ای پست زاده
سمایه باخ، بلا نازلدی والله

نمونه معجز عشق آفریندن
گوروب مجنون بیر آهو گوزلریندن
که اوخشار لیلیه خوش منظریندن
دوتوب صیّادون عریان خنجریندن
دیدی بو دلسیزون قورخ کیفریندن
منی ئولدور، اونون ئوپ حنجریندن
بو بیر صحبتدی مجنون دفتریندن
گَل اورگَش عشقی زینب محضریندن
هامی عشّاقیدن کاملدی والله

نجه پروانه عشقون ساغریندن
اولوب مست اَل چَکَر بال و پریندن
گئچوب عشق اوسته زینب شهپریندن
آیردی شمری شاهون پیکر یندن
یاپشدی خنجر کین پروریندن
دئدی ظالم حیا قیل داوریندن
سن ئولدورمه، اوتان پیغمبریندن
ئورکده بیر یارا وار اکبریندن
همان یاره بونا قاتلدی والله

گوز آچدی ناگهان سلطان محشر
دیدی یالوارما ای غم دیده خواهر
قِییت سن خیمیه ، اولما مکدّر
گرک بیر من قالام بیر شمر کافر
اونا بیر صود ویروب ناپاک مادر
نه بیر الله تانور بو نه پیمبر
دئسون رحم ائت بیر آزدا شدّت ایلر
نصیحت ایتسه لر مین ایل مکرّر
بو قتله شمر دون عاملدی والله

نه قدری خلقتون وار انتظامی
قالار بو شمر ایدن ظلمون دوامی
اولونجا قائمون روز قیامی
سالالّار شبهیه خلق عوامی
بوتون تبلیغ اولار سنّی مرامی
حسینی "منزوی" سن دوت گرامی
ائشیتسون شعریوی شمرون غلامی
ایده تکذیب کیم علم امامی
مقامی اَسفَلُ السّافلدی والله

  • چهارشنبه
  • 3
  • شهریور
  • 1400
  • ساعت
  • 17:57
  • نوشته شده توسط
  • یوسف اکبری
ادامه مطلب

کوچ از قتلگاه -(آه او ساعتدن یتیشدی قتلگاهه دل ملول) *سعدی زمان سیدرضا حسینی

958
1

کوچ از قتلگاه -(آه او ساعتدن یتیشدی قتلگاهه دل ملول) آه او ساعتدن یتیشدی قتلگاهه دل ملول
معدن صبر و تحمل، مام غم، دخت بتول

عصمت کبری قیزی، شیر خدایه نور عین
زلفی یوزده، اللری باشدا، دلنده شور و شین
گه گیدردی، گه دیردی این انت یاحسین؟
حالی پژمرده، گوگل قارداش سراغنده عجول

بیر خانم که گون اونون بی پرده گورمزدی یوزین
ایله بیر احواله قالمشدی ایتورمشدی اوزین
نه دوتوردی دل، دیسون تا دلده کی گزلین سوزین
نه قویوردی مقصده یتماقلیقا قوم جهول

بیر طرفدن غارت اولموشدی لباس و معجری
بیر طرفدن دور و برده شام و کوفه لشگری
بیر طرفدن هاشمیه قیزلارین شیونلری
فکرین اشغال ایلمشدی، کامه تاپموردی حصول

نه ویرن بیر تسلیت نه بیر نفر داده یتن
نه سسینه سس ویرن، نه بیر نفر رحم ایلین
نه دیوم نه حالدیدی اول کمکسیز شیرزن
حالینی درک ایتماقا عاجزدی اوهام و عقول

بیر طرفدن واریدی اهل جفادن وحشتی
بیر طرفدن وصل شاه تشنه کامه سرعتی
بیر طرفدن قاچماقا مانع اولوردی عصمتی
گه قاچاردی، گه دوراردی، حال حیرتده ملول

نه قویوردی گوز یاشی گورسون یولی زهرا قیزی
نه اولوردی طپش دل ساکت، گلوردی نه دیزی
تاپدی آخر خیمه لردن، قتلگاهه قان ریزی
مشی ایدوب اول خطیله مقصود دل اولدی وصول

ووردی ارکان وجودین پنجه غم بیربیره
جسمین ایتدی احاطه چون محیط دایره
گوردی اوخ نیزه قلج داش، چوخ توکوبلر بیر یره
آفتاب عمری آز قالدی تاپا حال اُفول

بیر چوخور یردور ولی قان موج ایدور دریا کیمی
جلوه گردور نور او یردن وادی سینا کیمی
نور نور اللّهه محو اولدی خانم موسی کیمی
دلده اَرنی قالدی حیران دختر فحل الفحول

گوردی ناگه سس گلور گل زینب ایتمه آه زار
باجی تا قارداش سسین آلدی اولوب بی اختیار
اگلشوب آلات حربی ایلدی بیربیر کنار
اولدی ظاهر پیکر مقتول اشرار ضلول

گوردی قان ایچره یوزی اوستنده بیر پیکر یاتوب
جسمینه بسکه خدنگ و نیزه و خنجر باتوب
گوئیا طاق ظفردور، باش باشا اوخلار چاتوب
نازنین اعضاسنین نقشین پوزوب سم خیول

اشقیا اوراق ایدوبلر جدینون قرآنی تک
جسمینی یکسر سویوبلار بیر منا قربانی تک
هر یارا بیر جلوه ده، چرخین مه رخشانی تک
گوئیا بیر آسمان اولدوز ایدوب گویدن نزول

صبره باخ چخموب اوزیندن عصمت پروردگار
یوز دولاندوردی سپهره، اَلده زلف مشکبار
عرض ایدوب یاذالمنن یا جاعل اللیل و نهار
آل هاشمدن اوزون ایله بو قربانی قبول

بو منیم روحیمدی یارب؟ قانینه غلطان اولوب؟
یا که بیر دسته قزل گلدور بیله خندان اولوب
نیزه لر تابوتی، شیبی قطنی، غسلی قان اولوب
مصرعندن قان آخور صحرایه مانند سیول

یثربه اوندان صورا یوز دوتدی، دلده آه و وا
شوریله سسلندی یا جدا بابا یا مصطفی
بو حسینوندور باتوبدور قانه مسلوب الرّدا
جسمنون ابعادینه مرئیدی نه عرض و نه طول

قارداشین عشقی ز بس شور آرتوربدور باشنه
قلبنون قانی آخوب گوزدن یوزه اوز باشنه
دوندی مشغول اولدی قان ایچره یاتان قارداشنه
سسلدی یا نائم المکبوب، قم یابن الرّسول

خاک و خون اولدی یارالی نعشوه قارداش فراش
شمع غمده قیزلارون یاندوردی دشمن چون فراش
ایلدی اعراب وحشی بیر جفا بو چولده فاش
ایلمز مثلین یقین اشرار خون ریز مغول

حفظ دین اوسته اوزین آماج شمشیر ایلدون
آیه آیه قانیله قرآنی تفسیر ایلدون
خانه ویرانه ایمانی تعمیر ایلدون
حشره تک تغییر تاپماز بیرده بو محکم اصول

قارداشی آخر وداعنده دیمشدی صبر ایله
ایله صبر ایتدی دایاندی امتحان مشکله
قوت قلبندن آخر صبر اوزی ایتدی گله
هر بلا اولدی حواله، ایتمدی اصلا نکول

ایتمه غم (سعدی) عملده وار قصورون بی شمار
چون (حسینی) سن، سنه جدون حسینون لطفی وار
عالم محشرده بسدور بو شرف بو افتخار
سن آنا عرض ایلسن، سسلر سنه زهرا اوغول

  • پنج شنبه
  • 11
  • شهریور
  • 1400
  • ساعت
  • 13:35
  • نوشته شده توسط
  • یوسف اکبری
ادامه مطلب

قتلگاه -( خیمه دَن دُخت علی گوردیلر میدانه گلور) *مرحوم حاج بیوک اعظمی تبریزی

652
2

قتلگاه -( خیمه دَن دُخت علی گوردیلر میدانه گلور) خیمه دَن دُخت علی گوردیلر میدانه گلور
دیه سن یانماقا اوز شمعینه پروانه گلور

کوفه ده قانه باتان گون آتاسی شیرِ خدا
مسجده گیتماقنا مانع اولوب شَرم و حَیا
کربلاده نه دور علّت بو دُرِ کَنز حَیا
اللّری باشدا گیدیر خیمیه میدانه گلور

گون کیمی اولدی عیان شرق خیمدن او زمان
یوز قویوب قتلگهه دُخت شهنشاه جهان
زینبین عشقنه حیرتده قالوب کُون و مَکان
شیر تک رزم گهه بس که دِلیرانه گلور

اُوج صبر اُسته وفا پرچمی همّتله ساچور
دلده کی عشق دلیلنی رهِ مقصودی آچور
اللّرین باشه قویوب گاهی یِرور، گاهی قاچور
اود سالور نُه فَلکه ایله یانا یانه گلور

دلده کی عشقینی عالملّره اعلان وِیروری
قلب مجروحی گوتوردوقجه قدم، قان وِیروری
گوروری قارداشی میداندا سوسوز جان وِیروری
اشکیله سو سپه لَعل شَهِ عَطشانه گلور

سعی ایدور قارداشنا بلکه اوزین تیز یتوره
دلده هجران یاراسین مرهم وَصلی بتوره
دخترِ شیرِ خدا دور، اوزین حاشا ایتوره
عرصه گاهه ایله زَهرا قیزی مردانه گلور

سانما بیر ذرّه وقارین پوزوب اول گوهر پاک
کوکبِ بُرج شهامت دی دِیمه ایلوری باک
حالی پوزقوندی یاخون دور ایلسون غصّه هلاک
پوزقون احوالینی هر کیم گورور اَفغانه گلور

روزِ امّید آچان وقتی ده تیره شبه یول
اوزینی لشکره ووردی آچا تا مطلبه یول
گوردی بو حالی قشون اهلی آچوب زینبه یول
بولدولر عشق شَراری سالوب اود جانه گلور

بیر بیره سویلدی بو فاطمه رِیحانه سی دور
گورموسوز باک ایلمور چون علی دردانه سی دور
قارداشی شمعِ وَفا دور بودا پروانه سی دور
عالمه ایله نه بیر شمع و نه پروانه گلور

گر دِی ساخ حوریدی یوخ حوریده بو پایهء شور
عشق سر مشقنی بوندان گرک آلسون هامی حور
گوروری قتل گهی چولقالیوب شعلهء نور
ظلمتِ غمدن او دور روضهء رضوانه گلور

قلبی اودلار اورگی اولسا غریبین یارالی
دوزه بولمز گوره محبوبِ حبیبین یارالی
عشق بیماری او دم تاپدی طبیبین یارالی
نه طبیب حشره تک عالم اونا درمانه گلور

ایستدی قتلگهِ عشقه خانم سال سون اوزین
یارالی قارداشنا شَرح اِیلسون دلده سوزون
باغبانِ چمنِ عشق آچوب قانلو گوزین
نه گوروب بلبل غم غملی گلستانه گلور

سسلدی سال دون عجب وقتده منی یاده باجی
یالقوزام بول دون او دور گَلموسن اِمداده باجی
آشنا اول غمه گلمه بیله فریاده باجی
سیل گوزون یاشنی، چوخ آغلاما بیگانه گلور

بیر سوزوم واردی باجی عُمده وصیّتدی سنه
سویگلی نازلی رقیّم چون اَمانتدی سنه
جان سنون جان بالامون گر چه اَذیّتدی سنه
آغلارام نالیه گورسم من او دُردانه گلور

گوردی شه آز قالوری عمر گُلُستانی سولا
گل رضا اولمادی بلبل گوزی اشکیله دولا
خیمیه بیر دلیله زینبینی سالدی یولا
ایله قارداش باجی گور عالم اِمکانه گلور

دیمه قارداش دان او دَمده باجی دویدی گیدوری
جسمی دن مهر و وفا رختینی سویدی گیدیری
قتلگه ایچره ولی روحینی قویدی گیدیری
خیمه ده قارداشی نا قُورسون عَزاخانه گلور

خیمه ده گوردیله گون باتدی قرا یللّر اسر
بیر بیره سویلدی میداندا قیامتدی مگر
گوز تکوب لر یولا حیران گوره لر وار نه خبر
گوردولر زینبین اللّر بویانوب قانه گلور

یتدی خرگاهه خانم دوره سین آلدی بالالار
باغبان اولماسا واضحدی که گُللّر سارالار
دیه بولمور شه ئولوب، قلب لرین غم یارالار
بو مُحن ایله گران زینب نالانه گلور

یوز دوتوب حضرتِ کُلثومه دیدی آغلا باجی
وِیردی جان شاه زَمن سینوی گل داغلا باجی
دستگیر اولماقا مُحکم بیلوی باغلا باجی
دیمه بیرده باشوین مُحنتی پایانه گلور

قوردی بیر بزم عزا زینب آی اولدوزلاریلن
نی کیمی داده گلوب لیلی اوغول سوز لاریلن
قول بویون اولدی رقیّه بالا قیزلاریلن
گور اِیله بزم عزا بیرده بو دورانه گلور

آغلاشوردی بالالار گوردوله بیر سس اوجالوب
ازدحامی له گَلولّه، گورن حیرتده قالوب
بیر بیره سویلَدیلر کیمدی بولار یاده سالوب
تسلیت وِیرماقا بو جَمع پَریشانه گلور

دِیدیلر یوخدی بیزیم بیر کسی میز داده گَلَه
باغبان اولماسا، کیم همدم اولار غُنچه گُله
فکر ایدوللّر نه حکایتدی گلوب مطلب اله
گوردولر لشکر کین خیمیه تالانه گلور

دِیمورم عشقون او گون قافله سی دوشدی گجه
لیک بولمم نجه زینب گونوزی ایتدی گئجه
اویانان خیمه ده زَهرا بالاسی یاتدی نجه
یانسون هانسی غمه، زینب غمی گور سانه گلور

یوخ دور عبّاس، اوزی مخیم ده وِیروردی گئجه پاس
گوردی بیر آتلی گلور، لیک گیوب قاره لباس
دِیدی دشمن دی گلور غارته، یوخ بیزده لباس
گئجه وقتی حرمه کیمدی، نه عُنوانه گلور

فکر ایدور کیمدی بو آتلی گوره سن یاللّعَجَب
تا یاخون لاشدی گوروب اوز آتاسی شاهِ عَرب
سسلنور قورخما قیزیم زینب اَیا کان اَدب
مُرتضی دور خیمه شام غَریبانه گلور

ای سلیمان وفا، ای شه اِقلیم مُحن
درگه وندن الی بوش ایلمه سن سائلی سن
الده بیر پای مَلخ تُحفه سی ای شاهِ زَمن
مور تک (اعظمی) درگاه سلیمانه گلور

  • پنج شنبه
  • 18
  • شهریور
  • 1400
  • ساعت
  • 19:13
  • نوشته شده توسط
  • یوسف اکبری
ادامه مطلب

در جلالت امام حسین(ع) -(شهنشاه قدر قدرت حسیندور) *کربلایی رحیم شایان

1056

در جلالت امام حسین(ع) -(شهنشاه قدر قدرت حسیندور) شهنشاه قدر قدرت حسیندور
جهانگیر قوی شوکت حسیندور
وئروبدور عالمه درس شرافت
بلی عزت حسین غیرت حسیندور

حسیندور رونق دین الهی
حسیندور عرش حقون شاهراهی
او اندازه گوزلدور بارگاهی
خجالتده قویوبدور مهر و ماهی

حسین عاشقلره نعمت باغیشلار
حسین عالملره رحمت باغیشلار
چکر عاشقلرین طوفان غمدن
کرامتدن آقا جنت باغیشلار

حسین سرمست دادار یگانه
حسیندور رحمت حقه بهانه
چاغور آدون اورکدن عاشقانه
آپارسون عرشه قاتسون عرشیانه

حسیندور مالک دنیا و عقبا
اودور دردانه ام ابیها
آتا حیدر عزیز حی یکتا
آناسی خیر نسوان دخت طاها

حسینیله عجین اولموش سرشتیم
اونون مجلسلری اولدی بهشتیم
چاغوردوقجا آدون مست اولموشام من
حسینه باغلانوبدی سرنوشتیم

جلالتده یقین همتاسی اولماز
سپاه کفریدن پرواسی اولماز
جهانی دولدورا سردار و سرهنگ
اونون خاک ره عباسی اولماز

  • چهارشنبه
  • 7
  • مهر
  • 1400
  • ساعت
  • 19:57
  • نوشته شده توسط
  • یوسف اکبری
ادامه مطلب

-(گوزل اوغلوم اکبر ، تراب اوسته یاتما) * حاج داود بیدق داری

12995
47

-(گوزل اوغلوم اکبر ، تراب اوسته یاتما) گوزل اوغلوم اکبر ، تراب اوسته یاتما
باخور اهل کوفه ، منی آغلاتما
اوی اولان افلاکِ، وفا و عزّتده
سحرگاه عشقه ، ستاره باتما

نئجه طوفان گلسه ، گلی پرپر ایلر
سنی گل تک پرپر، ائدوبدی لشگر
داغیلوبسان یکسر، قیزیل قاندور پیکر
الیمده یوخ چاره، بو درده اکبر
کوره گوندن خنجر، ووروبدی بیر کافر
دئیرسن قانیله بویانمیش گوهر
باشینا دنیانون، کول اولسون سنسیز ای
منای عشقینده ، بلالی اوغلوم
شاهدیمدور الله، چخور جانیم گویا
کنارونده الان، یارالی اوغلوم

حقّی وار یعقوبین، اگر کور اولدی چون
چتیندی صبر ائتمک، چتیندی هجران
یوسفین عطرین تا، آلوردی کوینکدن
کنار کنعاندا، ائدوردی افغان
بو امیدی شاید، واریدی قلبینده
گلر بی

  • چهارشنبه
  • 7
  • شهریور
  • 1397
  • ساعت
  • 23:06
  • نوشته شده توسط
  • علی ببیرپور
ادامه مطلب

عرض ادب به محضر حضرت اباعبدالله الحسین علیه السلام گریز به حضرت علی اصغر علیه السلام -(عشقوندن حسین ؛ حکم بقا عالم آلوبدی) * محمد علی مصیبی

1767
1

عرض ادب به محضر حضرت اباعبدالله الحسین علیه السلام گریز به حضرت علی اصغر علیه السلام -(عشقوندن حسین ؛ حکم بقا عالم آلوبدی) عشقوندن حسین ؛ حکم بقا عالم آلوبدی
خضر آب حیات آلسا ، مسیحا دم آلوبدی

مخمور میِ عشقون اولوب چشم خرابات
لطفوندی سنون گر یاغوری اشک سماوات
عالمده ، اَیَر باش سنه وار هر نه مقامات
بو مطلبی انسان و ملک توأم آلوبدی

بیر مرحمت محض دی حق یاره وئروبدی
ئوز قانینی عنوان ، توکولن ثاره وئروبدی
بی چاره لره بو قاپودان چاره وئروبدی
فطروس آقامین دولتینه مرهم آلوبدی

بیر لحظه اگر ردّ اولونا گوزده کی پرده
فاش اوندا گوررسن نه وار اجرام وصُوَرده
گویده بئله بیر صحنه گلر مدّ نظرده
عیسادی حسینون آدینا پرچم آلوبدی

بیر مُصحف ناطق دی چیخوب نوک جدایه
تنویر اولونوب قانلی باشین نوری سمایه
بیر شأن نزول آیۀ والشمس ضُحایه

  • چهارشنبه
  • 18
  • اردیبهشت
  • 1398
  • ساعت
  • 14:29
  • نوشته شده توسط
  • ابوالفضل عابدی پور
ادامه مطلب
 حسین خدایی زنجانی

نوحه قتلگاه -(دوشدی حسین ترابه جسمی یارالی زینب) * حسین خدایی زنجانی

482

نوحه قتلگاه -(دوشدی حسین ترابه جسمی یارالی زینب) دوشدی حسین ترابه جسمی یارالی، زینب
سال باشه قاره معجر اولدون عزالی زینب

مظلوم حسین حسین جان
جانیم حسینه قربان

دوشدی حسین یوز اوسته صحرای کربلاده
زینب دئدی حسین وای عالم گلوبدی داده
هی سسلیور چکون ال ای قوم بی اراده
زهرا بالاسیدی بو منده حیالی زینب

بلبل ئولر آرالی دوشسه الهی گلدن
از بس دیوبدی یاره مولا دوشوبدی دیلدن
قاتل گلوب او لحظه خنجر چکوبدی بئلدن
بیلمم نه واردی شمرون باشدا خیالی زینب

قان دوتموشیدی شمرون اول گوزلرین خدایا
فکر عمارت ری واردی باشیندا اما
زینب دئدی وئریبسن بو تشنیه سو آیا؟
وئرمدیلر حسینه آب زلالی زینب

گوگلر بوتون دوتولدی وحشتلی یئلر اسدی
خنجرله شمر ، حسینون دالدان باشینی کسدی
زهرا دئدی بالامی اینجیتمیون دا بسدی
لب تشنه دی شهیدیم گللر مثالی، زینب

کسدی باشی او ملعون گویلر دئدی حسین وای
دیللر غمیله دولدی کافر دئدی حسین وای
ال باشدا پا پیاده خواهر دئدی حسین وای
باخ باشین اوسته اولموش قدی هلالی زینب

زینب هی اوخشیوردی باش سیز قالان حسینیم
ای زینبون باشینا قاره سالان حسینیم
ئولسون باجون یوخوندی لای لای چالان حسینیم
تا جان وئرنجه اولدی آه و نوالی زینب

گل پیکرون داغیتمیش آتلار ایاقی قارداش
یوخدی باشون ئوپم من اول گل یاناقی قارداش
هاردا دئی ئولدورلر تشنه قوناقی قارداش ؟
دوشدی داخی حسیندن ای وای ارالی زینب

گون باتسا آی ،دوتولسا ،اولدوز آخار حسینجان
آه و فغان بو غملی دیلدن چیخار حسینجان
صد پاره پیکریوه زینب باخار حسینجان
زهرا دئیر باتوبدی قانه جمالی زینب

یوخ یئر ئوپم، سینونده از بس که یاره واردی
باشیمده بش یاشیمدان واللهی قاره واردی
هر درده ای "خدایی" دنیاده چاره واردی
یوخ چاره سی جهاندا قارداش ملالی زینب

  • دوشنبه
  • 11
  • مرداد
  • 1400
  • ساعت
  • 17:30
  • نوشته شده توسط
  • یوسف اکبری
ادامه مطلب
 رضا محمودی عارف زنجانی

حضرت امام حسین(ع) -(ای حسین ای گل رضوان آقا جان) * رضا محمودی عارف زنجانی

919
1

حضرت امام حسین(ع) -(ای حسین ای گل رضوان آقا جان) ای حسین ای گل رضوان آقاجان
او گوزل قبریوه قربان آقا جان
شه عطشان آقاجان
درده درمان آقا جان

سرور عالم و آدم سن آقا
نوه حضرت خاتم سن آقا
سن بیزه مونس و محرم سن آقا
آدی ای دردلره درمان آقا جان

معدن لطف و کرامت سن آقا
کشته راه سعادت سن آقا
مشعل راه هدایت سن آقا
ایلدون عشقیده طوفان آقا جان

سنون آدوندی اورکلر دایاقی
یوزوون نوری محبت چراغی
قیل بیزی کرب و بلانین قوناقی
دلده وار ناله و افغان آقا جان

دم تازه بو دل جانه گلیر
جان قوشی باغ شهیدانه گلیر
دردمندلر آقا احسانه گلیر
لطفوی قیل بیزه ارزان آقا جان

بیر گونی تشنه بویاندون قانیوا
هر بلانی او گون آلدون جانیوا
اکبری اصغری آلدون یانیوا
حرمون روضه رضوان آقا جان

بیچدون اولدی کفن اکبریوه
ویردیلار اوخ صود امر اصغریوه
شیعه قربان او سوسوز لبلریوه
باشیوی کسدیلر عطشان آقا جان

حیف اولا قلبون عدو داغلادیلار
قول قولا عترتیوی باغلادیلار
قوشلار احوالیوه قان آغلادیلار
پیکرون قویدولا عریان آقان

(عارفم) سینه سی سوزانم آقا
قبرون عشقینده پریشانم آقا
روز و شب گور نجه گریانم آقا
دردمندم إله احسان آقا جان

  • یکشنبه
  • 17
  • مرداد
  • 1400
  • ساعت
  • 12:18
  • نوشته شده توسط
  • یوسف اکبری
ادامه مطلب
 سید تقی سیفی اردبیلی

نوکر امام حسین(ع) -(بو امره فخر ایدرم که گدای محترم اَم) * سید تقی سیفی اردبیلی

892

نوکر امام حسین(ع) -(بو امره فخر ایدرم که گدای محترم اَم) بو اَمره فخر ایدرم که، گدای محترم اَم
نه عاشق زرو مالم نه تاج وتخت جَم اَم

بوامره فخرایدرم شیعۀ خوش افکارم
امیر مُلک شَرَف حیدره طرفدارم

دل اهلی مستی میخانه ئورگنوب مندن
اُودا بُورونمگی پروانه ئورگنوب مندن

حسینون عاشقیم چون ولایه مشتری ام
شراب میکدۀ کربلایه مشتری ام

جنون دیار محبّتده مُدّعادی منه
تراب مَقدَم دلدار توتیادی منه

حسین حسین دیمگیم جلوۀ درایتدی
هَوس دَگل بو ولا، عشق بی نهایتدی

کلام "انوره"بئس اَلبَدَل دَگل سُخَنیم
نشان معرفتیمدی بو قاره پیرهنیم

حسینه نوکر اولان قُرب کردگاره چاتار
فرشته دن یوخاری، عزّت ووقاره چاتار

غبار مَضجَع دلبر قیزیلدان اعلادی
حسیچینون نَفَخاتی، دَم مسیحادی

حسینچی یعنی مُروّت، وقاروعشق وکرم
حسینچی یعنی غرورِ، مدافعین حَرم

حسینچی جوهرۀ غیرته مُلَقَب دی
حسینچی واهمه سزجانفدای زینبدی

حسینچی مکتب قرآنی سرفراز ایلیر
حسینچی سینه قانین آب دستمازایلیر

منیم شرفلی شعاریم فقط حسیندی حسین
جهاندا دارو نداریم فقط حسیندی حسین

  • چهارشنبه
  • 20
  • مرداد
  • 1400
  • ساعت
  • 21:00
  • نوشته شده توسط
  • یوسف اکبری
ادامه مطلب

عاشورا -(آی باتدی صبح آچیلدی زینب نوایه گلدی) * حاج عباسقلی یحیوی

1086
2

عاشورا -(آی باتدی صبح آچیلدی زینب نوایه گلدی) آی باتدی صبح آچیلدی زینب نوایه گلدی
زهرا دئدی حسین وای عالم صدایه گلدی

چون ییخدیلار آتیندان سلطان تشنه کامی
دنیایه اولدی اعلان قتل الحسین پیامی
جناتیدن ائشیتدی پیغمبر گرامی
نعلین سیز عباسیز کرب و بلایه گلدی

پیمانه عالم اولدی جانانه وئردی جانین
شوق و شرافتیلن طی ائتدی امتحانین
شمر دغا توکنده خاک منایه قانین
یوزدوتدی آسمانه حمد و ثنایه گلدی

خون خدا توکولدی گودال کربلایه
یئرلر تزلزل ائتدی رعشه دوشوب سمایه
کروبیان لاهوت آغلاشدی بو بلایه
یئل اسدی گون دوتولدی ظلمت فضایه گلدی

خون حسین بوغازدان جاری اولان زمانی
جبریل آپاردی عرشه بیر شیشه ده اوقانی
اول شیشه دن نمودار اولدی بلا نشانی
قوزاندی بوی ماتم اهل سمایه گلدی

نور حق اولدی لامع باشسیز قالان بدنده
راس حسین مظلوم سر نیزیه گئدنده
باد سیاه اسنده یئر زلزله ائدنده
سیندی نظام دنیا حد فنایه گلدی

نزدیکدی یئریندن چیخسون مدار دنیا
آل امیه ائتسون دستور شرعی ملغی
سرنیزه دن ائدنده نور حسین تجلی
دین محمد اوسته نورانی سایه گلدی

فرمان غارتیلن تللی آشوب عربلر
گوردی اوهایهویی اطفال زار و مظطر
قاچدیلا خیمه گاهه بیردن اوچالدی سسلر
عمه آماندو لشگر خیمه سرایه گلدی

صحرانورد عربلر خرگاهی یاندیراندا
باشی آچوغ حرملر اوتدان چیخوب قاچاندا
قالخیب بحتر آتش گیزلندیلر دوماندا
توسدی اوجالدی قاره پرده هوایه گلدی

بیر خوردا قیز قاچیردی دوتموش آلوعباسین
مرد یهودی دوتدی خاموش ائدب لباسین
گتدی اله حسینون دلبندینون رضاسین
احسن او شیخه مشکل وقته هرایه گلدی

گرائتمه سئیدی زینب نسل حسینه امداد
اولموشدی اودایچینده سوزان امام سجاد
قیلدی رشادتیله اوتدان امامی آزاد
بیر تازه زندگانیق زین العباده گلدی

زهرا گزردی گوندوز اطراف ماجراده
تا کوفیه حسینون گئتدی باشی جداده
نعش حسینی آخشام باشسیز قویوب اراده
گون باتجاقین او خاتون مطبخ سرایه گلدی

حوران باغ جنت محزون گرفته سیما
حوا خدیجه خاتون مریم جناب سارا
آشفته مو سیه پوش دیللرده وای حسین وا
زهرایه همدم اولسون بزم عزایه گلدی

اللی اوچ ایل قاپوندا وار (یحیوی) حسین جان
نوحه یازیب غمونده اولموش مریض و نالان
دست مبارکونله دردینه ائیله درمان
امید صحت ایله باب شفایه گلدی

  • جمعه
  • 22
  • مرداد
  • 1400
  • ساعت
  • 13:43
  • نوشته شده توسط
  • یوسف اکبری
ادامه مطلب
مرحوم رحیم منزوی اردبیلی

وداع امام حسین(ع) -(آیردی آشنالردن سنی بیگانه لر قارداش) *مرحوم رحیم منزوی اردبیلی

943

وداع امام حسین(ع) -(آیردی آشنالردن سنی بیگانه لر قارداش) آیردی آشنالردن سنی بیگانه لر قارداش
کول اولدی شمع وصلونده یانان پروانه لر قارداش

اوزون مخمور جام وحدت بزم الست ایتدون
او ته جرعیله یتمیش بیر نفر سربازی مست ایتدون
بنای کاخ دینه ایله ترمیم شکست ایتدون
فراموش اولدی تاریخ اُرگَنَن اَفسانه لر قارداش

قیامون گوش تاریخ جهانه یاخشی پند اولدی
باخوب ظرفیّت فکریجه هر کس بهره مند اولدی
بزیده اگمدون باش آل هاشم سر بلند اولدی
باش اَکمز بُلدولر دیوانیه فرزانه لر قارداش

اَلون قربانیم آل ذوالفقارون باشلا سن جنگی
ویر اوز قانونله دانشگاه دینه رشد فرهنگی
یوواق قوی دامن اسلامیدن بو لکّهء ننگی
اولا رسوای عالم هندلر مرجانه لر قارداش

او قرآن که اَمانت دور سنه جدّیم پیمبردن
اولوب مظلوم او قرآن دولت سفیان کافردن
گیدوب داد ایله اولما ناگران قاره لچک لردن
باجون زینبده وار چوخ همّت مردانه لر قارداش

اُلوب اکبر باشون ساق واضح ایتمه لشکرِ شرّه
بُلَلّر سن اوغول سوزسان امان ویرمَزله بِالمَرّه
وقارون پوزما بشّاش اول، اوزون سیندیرما بیر ذرّه
مبادا چوخ سویون سون لشکر فتّانه لر قارداش

اَلون قوی سینمه قارداش منه صبر ایسته دریا تک
اولوم محبوبه صبریله آنام صدّیقه زهرا تک
یاناندا خیمه لر شهپر آچوم همّتلی عنقا تک
سیخیل سون سایَمه بو سویگُلی دردانه لر قارداش

آیردوق هر مصیباتی ازل گون مو به مو سنلن
قوشولدی لیلی منلن، اکبر خورشید رو سنلن
رقیّه مندن اولدی، اصغر خونین گلو سنلن
سنه صحرای غم چاتدی منه ویرانه لر قارداش

گئجه لر قویمارام تا کیپریگیم دوشسون گوزوم اوسته
هر امره عهده دار اولسام دایانّام اوز سوزوم اوسته
رقیَّن یاتماسا یرده یری وار دور گوزوم اوسته
علاوه زلفینه توز قونسا زینب شانه لر قارداش

بُلور گیتماق لیقون هر سوز بُلن قیز دیده گریان دور
سو جامین گیزلَدوب، اظهار دردیندن پشیمان دور
دیولّر بو سوسوزلوق هجر اودوندان مین یول آسان دور
نه سن گیت، نه سو ایستور بو یانان پروانه لر قارداش

آلاردون مسلمون هر گون قیزین آغوشه نازیله
اُپردون یوز گوزیندن لطف و مهر دل نوازیله
اونی دیندیرمه میش گیتمه باخور سوز و گدازیله
نه تیز چخدی یادوندان عادت روزانه لر قارداش

یاشیل یا قرمزی مَخمَل دوتالّار جلد قرآنه
گرک قرآن ناطقده گِیین سون رخت شاهانه
گِیورسن کهنه پیراهن باخور قیزلار یانا یانه
کیمه قسمتدی بس بو خلعت شاهانه لر قارداش

سنی ویرّم قسم ای دخت زهرا شاه عطشانه
یِتور سن (منزوینون) درد پنهانین او سلطانه
دِنَن لطفیله یازسون دائماً شعر ادیبانه
مذمّت ایتمسون تا عیب جو بیگانه لر قارداش

  • شنبه
  • 13
  • شهریور
  • 1400
  • ساعت
  • 11:45
  • نوشته شده توسط
  • یوسف اکبری
ادامه مطلب
مرحوم رحیم منزوی اردبیلی

حضرت امام حسین(ع) -(شیطان صفتی صاحبِ ایمانه یاراشماز) *مرحوم رحیم منزوی اردبیلی

1178
1

حضرت امام حسین(ع) -(شیطان صفتی صاحبِ ایمانه یاراشماز) شیطان صفتی صاحبِ ایمانه یاراشماز
بزمِ اُدبا جاهل و دونانه یاراشماز

مستِ میِ وحدت اوُیار امّا سسی چیخماز
حق عاشقی نه نعرهء مستانه یاراشماز

هیچ شخصه اَل آچماز تانی سا پیرینی درویش
درویشِ گدا چون شهِ مردانه یاراشماز

درویش دَن البته حسین نوکری باشدی
اغیاردن آلسا اوُدا ماهانه یاراشماز

اغیاره دیمه دردوی گیت ایسته اوزیندن
محرم اولا اَسراروه بیگانه یاراشماز

زَهرا بالاسی ویردی گینی باشوه چالماز
چون طعن و شَماتت شهِ خوبانه یاراشماز

بیر یولدا هله دعوت ایله عصرون اِمامین
قان آغلاماسا دیدهء گریانه یاراشماز

گیت باشلا وداع روضه سی چوللّردَه اوشاهه
گر ویرمسه بیر خلعتِ شاهانه یاراشماز

گُوز یاشی توکر دائم او دور عَصرون امامی
غیر از دُرِ اشگ آخر او دامانه یاراشماز

یاد ایلر او وقتی که شه آیریلدی حرم دَن
بی صاحب اولا هانسی حرم خانه یاراشماز

زینب دیدی بیر صبر ایله قارداش باجون اوُلسون
فیضین کسه تز مِهرِ درخشانه یاراشماز

قوی من اوُپوم اوّل بوغازوندان آنام اوُغلی
شایسته‌ منم خنجرِ برانه یاراشماز

قارداش اوُز آنان تک یوزی گُولمز باجوام من
شادلق داخی بو قلبِ پریشانه یاراشماز

  • چهارشنبه
  • 7
  • مهر
  • 1400
  • ساعت
  • 18:32
  • نوشته شده توسط
  • یوسف اکبری
ادامه مطلب
 ابوالفضل عباسی معروفان

وداع حضرت اباعبدالله(ع) -(ای یار و غمخواریم باجی) * ابوالفضل عباسی معروفان

1693
0

وداع حضرت اباعبدالله(ع) -(ای یار و غمخواریم باجی) ای یار و غمخواریم باجی
زینب خداحافظ
یاردو مددکاریم باجی
زینب خداحافظ
راه وفا و عزته
قویدوم قدم زینب
عهد الستی من گرک
ایفا ائدم زینب
نوبت منیمدور مقتله
عطشان گیدم زینب
ای پیر درباریم باجی
زینب خداحافظ
شهزاده اوغلوم دوغرانوب
حالیم پریشاندی
ششماهه عطشان سویگولوم
مقتلده اوخلاندی
عباسیمون جان وئرمگی
بیر غملی عنواندی
سن اول علمداریم باجی
زینب خداحافظ
سن سن کفیل عترتیم
مندن صورا زینب
گزمه رقیمدن اوزاق
گئتسه هارا زینب
بو قیزلارا قویما عدو
قمچی وورا زینب
یورقوندی قیزلاریم باجی
زینب خداحافظ
فیض شهادت تاپماقیم
حقدن بشارتدی
اگنیمده کی کوینک سنه
یاخجی اشارتدی
قسمت منه مقتل سنه
بند اسارتدی
روشندی اسراریم با

  • سه شنبه
  • 27
  • شهریور
  • 1397
  • ساعت
  • 12:43
  • نوشته شده توسط
  • ابوالفضل عابدی پور
ادامه مطلب

استغاثه محضر ابی عبدالله الحسین (ع) -(الده قلم دیلده محن ) * محمد علی مصیبی

1579

استغاثه محضر ابی عبدالله الحسین (ع) -(الده قلم دیلده محن ) الده قلم دیلده محن
بو گجه التجایه گلمیشم حسین
دردوغمیم چوخدی آقا
درگهیوه دوایه گلمیشم حسین
((آقام حسین آقام حسین
سنه فدا اولا آتام آنام حسین))

محبتین ساغرینی
بیرعمریدور الیندن آلمیشام حسین
وروبلا چوخ دیل یاراسی
و لیک درگهینده قالمیشام حسین
بیرعمر اولار سورونمیشم
قاپونداآغلیوب قوجالمیشام حسین
((آقام حسین آقام حسین
سنه فدا اولا آتام آنام حسین))

ماه ملک منظر آقام
عشق ائوینون صفاسی دور گوزل آدون
گوزلریمون ضیاسی سان
دیزلریمون قواسی دور گوزل آدون
درد اولالی یوخدی غمیم
دردلریمون دواسی دور گوزل آدون
آقام حسین آقام حسین
سنه فدا اولا آتام آنام حسین))

بیزلری گل شماتته
قویماگیلن کی یوخدی ذره طاقتیم
درگ

  • پنج شنبه
  • 29
  • فروردین
  • 1398
  • ساعت
  • 10:03
  • نوشته شده توسط
  • ابوالفضل عابدی پور
ادامه مطلب
 ولی الله کلامی زنجانی

متن شعر ترکی اتمام حجت و شجاعت حضرت امام حسین (ع) -(ای جماعت بُلموسوز من شیر یزدان اوغلیام ) * ولی الله کلامی زنجانی

11928
14

متن شعر ترکی اتمام حجت و شجاعت حضرت امام حسین (ع)  -(ای جماعت بُلموسوز من شیر یزدان اوغلیام ) ای جماعت بُلموسوز من شیر یزدان اوغلیام
فارس میدان هیجا شاه مردان اوغلیام
.
.
نور حقّه ظلمت باطل بو گون اولماز حجاب
مصطفی جدیم آنام زهرا آتامدور بوتراب
قالماسین جای بهانه سیزلره روز حساب
حامیِ دینِ محمد بابِ قران اوغلیام
.
.
سینۀ زهرای اطهردن چیخان گوهر منم
محضر استاد اهل عشقه سر دفتر منم
مخزن علم لدنّی عالمه رهبر منم
مرشد و پیر طریقت کنز عرفان اوغلیام
.
.
ایلدی اتمام حجت چون امام اوغلی امام
حمله ایتدی لشکره چیخدی غلافیندن حسام
عرصه نی ترک ایلدی اعدایه سویلردی مدام
ایمدی شمشیریم دیر من شیر یزدان اوغلیام
.
.
گوردی تأثیر ایتمدی اعدایه متقن سوزلری
کوره آندیرماق دگل ممکن گونی گوندوزلری
گلدی غیظه شی

  • دوشنبه
  • 31
  • تیر
  • 1398
  • ساعت
  • 13:21
  • نوشته شده توسط
  • ابوالفضل عابدی پور
ادامه مطلب
 ودود آذرین خلخال

متن شعر ترکی آرزوی کربلا -(ای حسینون گؤزل کربلاسی ) * ودود آذرین خلخال

8033
10

متن شعر ترکی آرزوی کربلا  -(ای حسینون گؤزل کربلاسی ) ای حسینون گؤزل کربلاسی
شیعه نون عمرینون خوش صفاسی
نیلورم فانی دنیانی سنسیز
سنده دی هامی دردین دواسی
.
.
.
سنده یتمیش ایکی گون باتوبدی
سنده مولا حسینیم یاتوبدی
عشقووی قلبیده کیم بیتیردی
آیری عشقی باشیندان آتوبدی
.
.
.
سن بهشت برین سن یئراوسته
چون یاتوب سنده شاه خجسته
ایسته گلسون سنه پای بوسه
حیدرین شیعه سی دسته دسته
.
.
.
سینه ده واردی چوخ سوزوسازیم
حاجتیم سنده دی هم نیازیم
شکر اولا حقه تاپدیم سعادت
تپراقون اولدی مهر نمازیم
.
.
.
کربلا گلشن عشق زهرا
کربلا باغ گل های طاها
سن بیزه پایگاه ولاسن
کربلا ای اولان قانلی صحرا
.
.
.
سنده قانه باتوب حیدر اوغلی
هم حسینون علی اکبر اوغلی
قاسم و عون و عبّاس و

  • سه شنبه
  • 1
  • مرداد
  • 1398
  • ساعت
  • 11:42
  • نوشته شده توسط
  • ابوالفضل عابدی پور
ادامه مطلب
 احمد پوریا

متن شعر ترکی و فارسی زبانحال امام حسین (ع) در بالین حضرت علی اکبر (ع) -(بپا خیز اکبرم ای نور عینم ) * احمد پوریا

3045

متن شعر ترکی و فارسی زبانحال امام حسین (ع) در بالین حضرت علی اکبر (ع)  -(بپا خیز اکبرم ای نور عینم ) فارسی
.
بپا خیز اکبرم ای نور عینم
ز داغ تو حزینم من حسینم
در این صحرا نخواب ای ماه پاره
شده قدَّم کمان ای مَه جبینم
.
بپاخیز ای دلاور
توای شبه پیمبر
تَنَت شد اِربا اِربا
ندارم یارو یاور
.
الا ای روح و ریحانم علیجان
تویی آرام این جانم علیجان
.
.
.
در این دشت بلا یارم تو بودی
چو عباسم مدد کارم تو بودی
تو بودی زینت این اهل بیتم
قُوای یارو انصارم تو بودی
.
مَرو ای اَبر رحمت
مَرو ای نور جنت
زداغت غمگسارم
مَرو ای بانجابت
.
الا ای روح و ریحانم علیجان
تویی آرام این جانم علیجان
.
.
.
ترکی
.
دور ای اکبر اویان یاتما اماندی
غمونده گوزلریم بیر پارچا قاندی
باشیوین اوسته گلدیم مین غمیلن
گولور دشمن منه آه و ف

  • دوشنبه
  • 7
  • مرداد
  • 1398
  • ساعت
  • 10:12
  • نوشته شده توسط
  • ابوالفضل عابدی پور
ادامه مطلب

متن شعر ترکی مدح حضرت امام حسین علیه السلام -(رمز محبت یا حسین ) * حاج علی زلفی تبریزی

1414

متن شعر ترکی  مدح حضرت امام حسین علیه السلام  -(رمز محبت یا حسین ) رمز محبت یا حسین
زینت به خلقت یا حسین
ای افتخار هشت و چار
باب مسرت یا حسین
.
جانم حسین جانم ...
.
.
.
ای در دوعالم تاجدار
دلدادگانه شهریار
ای ساغر و پیمانه میز
عالم سنه مست و خمار
.
جانم حسین جانم ...
.
.
.
ای خاک پاکی کیمیا
ای معنی حمد و ثنا
روح البقاء‌ ذکر دعا
بسم الله ای شمس الضحی
.
جانم حسین جانم ...
.
.
.
شمع هدی ای رهنما
سالک به منهاج الثری
ای افتخار لافتی
شاهنشه هر دو سرا
.
جانم حسین جانم ...
.
.
.
ای جلوه سی نور ازل
شان و جلالی بی بدل
ای دیللره زیبا غزل
حی علی خیرالعمل
.
جانم حسین جانم ...
.
.
.
شانیم جلالیم عزتیم
تابیم توانیم قدرتیم
حریتیم حیثیتیم
ای هر مکاندا صحبتیم
.
جانم حسین جانم

  • دوشنبه
  • 7
  • مرداد
  • 1398
  • ساعت
  • 10:12
  • نوشته شده توسط
  • ابوالفضل عابدی پور
ادامه مطلب

متن شعر ترکی برای امام حسین(ع) -(ای ساحل عشقه اولان ) * محمد علی مصیبی

1601
3

متن شعر ترکی برای امام حسین(ع) -(ای ساحل عشقه اولان ) ای ساحل عشقه اولان
آدینون لنگری لطف و عطا
.
کرب وبلاده کسیلن
باشی نون کعبه سی نوک جدا
.
قائمۀ – عرش خدا – یاحسین
پاک آدی هر- درده دوا – یاحسین
.
.
.
سن شمع جان سوز شرف
ایکی عالم سنه پروانه دی
عشقونده زهرا گوزلی!
جانی بذل ائتماقا پروا ، نه دی؟
بیر پارچا رحمت سن آقا
ئورگیم عشقیوه پیمانه دی
.
قائمۀ – عرش خدا – یاحسین
پاک آدی هر- درده دوا – یاحسین
.
.
.
ای کوکب صبح ظفر
یوزون آیینۀ لطف ازل
باشینده دور تاج ولا
شرف و منزلتون بی بدل
سن یوسف فاطمه سن
یارادیبدوریارادان چوخ گوزل
.
قائمۀ – عرش خدا – یاحسین
پاک آدی هر- درده دوا – یاحسین
.
.
.
طور ایله دون نیزه باشین
سنه معراجیدی نوک جدا
کهف آیه سین ذکرائله

  • دوشنبه
  • 7
  • مرداد
  • 1398
  • ساعت
  • 12:31
  • نوشته شده توسط
  • ابوالفضل عابدی پور
ادامه مطلب
 عسگر شاهی اردبیلی

متن شعر ترکی فقط حسینه محتاجم -(نه واردی قصره علاقم نه مایل تاجم ) * عسگر شاهی اردبیلی

8813
9

متن شعر ترکی فقط حسینه محتاجم -(نه واردی قصره علاقم نه مایل تاجم ) نه واردی قصره علاقم نه مایل تاجم
فقط حسینه حسینه حسینه محتاجم
.
حسین آدیلا اوقدری عروج ائدر روحیم
که گاه حس ائدورم منده مرد معراجم
.
انا الحسین دیورم کافر اولموشام یاران
گلون چکون منی داره که منده حلاجم
.
اوطفل مدرسه که ذکر ائدور حسینون آدین
جانیم او کودکه قربان اودور بویوک خواجم
.
ایویمده خیمه قورورب اوستونه حسین یازورام
دولانورام باشینا سویلورم که الحاجم
.
حسینون اول قوری عطشان یانان دوداقلارینا
ئولونجه آغلاماسام یوسف اوغلی حجاجم
.
حسینه سجده نی رد ائتسه عقل بوشلا منی
اوتوز بش ایلدی که عقلین صفیندن اخراجم
.
حسین دیوب گورورم ذوالجلالی قلبیمده
گور ایندی جامیده من غیبه ناظرم یا،جم
.
ویرون بهشتی

  • پنج شنبه
  • 10
  • مرداد
  • 1398
  • ساعت
  • 09:52
  • نوشته شده توسط
  • ابوالفضل عابدی پور
ادامه مطلب

یاسیدالشهدا -(به سر شورِ تو را دارم به دل مهرِ تورا دارم) * حسنعلی بالایی

1147
2

یاسیدالشهدا -(به سر شورِ تو را دارم به دل مهرِ تورا دارم) به سر شورِ تو را دارم به دل مهرِ تورا دارم
به لب ذکرِ تورا دارم تویی عشقم تویی یارم
تورا دارم چه غم دارم در این عالم چه کم دارم
میانِ دل به نامِ تو همیشه یک حرم دارم

ذکر هر روز و شبِ من
نامِ زیبایت یا حسین
قسمتم کن تا اربعین
بیایم بین الحرمین

تویی عشقم تویی دینم تویی اربابِ دیرینم
آقام آقام آقام آقام

ییخان آتدان یره اعدا یارالی جسمینی خاکه
گوزل عشقون اوجالدوبدور مسیحا باشین افلاکه
گزل آدون ازل گوندن یازیلمیش سینه ی عرشه
سنه زائر گلر دائم ملکلر عرشیدن فرشه

سنه زوار اولان دیور
حرمونده واردور صفا
لطف ایله بو ایل اربعین
بیزلره بیر کرببلا

سنه نوحِ نبی آغلار باشا موسا قرا باغلار
آقام آقام آقام

  • دوشنبه
  • 1
  • مهر
  • 1398
  • ساعت
  • 14:13
  • نوشته شده توسط
  • ابوالفضل عابدی پور
ادامه مطلب

متن شعر ترکی عرض ارادت به امام حسین (ع) -(مورم ضعیف درب سلیمانه گلمیشم ) * مرحوم حاج عبداله رضایی غمکش

4327
3

متن شعر ترکی عرض ارادت به امام حسین (ع)  -(مورم ضعیف درب سلیمانه گلمیشم ) مورم ضعیف درب سلیمانه گلمیشم
اشکیم آخار عذاره ذلیلانه گلمیشم
.
دردیم چوخالدی قلبیده یاندیردی سینمی
سوزان دلیله دردیمه درمانه گلمیشم
.
بیر سائلم ملول الی قوینوندا خونجگر
نالایقم ولی در احسانه گلمیشم
.
هانسی طبیبه گئتدیم ائدوب عجز چاره دن
نزد طبیب جمله طبیبانه گلمیشم
.
غمخوار گؤرمدیم اؤزومه روزگاریده
بی غمگسار و زار و غریبانه گلمیشم
.
یاز نوکر آدیمی آقا بو آستانه ده
نوکر اولام بو درگه سلطانه گلمیشم
.
وئرمور مجال گؤزلریمون اشکی آغلارام
قلبیم دؤنوبدی لاله کیمین قانه گلمیشم
.
یوخ آرزوی جنّت و رضوان بو قلبیده
عشق ایلرم کی روضۀ رضوانه گلمیشم
.
ذکریمدی یا حسین گئجه گوندوز غریب آقام
هر یئرده گورموشم من

  • پنج شنبه
  • 31
  • مرداد
  • 1398
  • ساعت
  • 11:49
  • نوشته شده توسط
  • ابوالفضل عابدی پور
ادامه مطلب
راهنمای علائم موجود در فهرست:
عدد کنار این علامت نشانگر تعداد کاربرانی ست که این مطلب را پسندیده و به دفترچه شعر خود افزوده اند
عدد کنار این علائم نشانگر میزان محبوبیت شعر یا سبک از نظر کاربران می باشد
اشعار ویژه در سایت برای کاربران قابل دسترس نیست و فقط از طریق خرید اپلیکیشن مورد نظر این اشعار در داخل اپلیکیشن اندرویدی قابل رویت خواهند بود
این علامت نشانگر تعداد کلیک یا بازدید این مطلب توسط کاربران در سایت یا اپلیکیشن می باشد