اشعار ترکی حضرت فاطمه زهرا(س)

مرتب سازی براساس

زبانحال حضرت زینب(س) در فراق مادر -(جان ویروب مقصودیوه یتدون آنا یافاطمه) *مرحوم صابر تبریزی

4117
0

زبانحال حضرت زینب(س) در فراق مادر -(جان ویروب مقصودیوه یتدون آنا یافاطمه) جان ویروب مقصودیوه یتدون آنا یافاطمه
زینبی آغلار قویوب گیتدون آنا یافاطمه

بیرده دنیاده یوزوم گولمز آناجان آغلارام
معبدون خالی گوروب اولّام پریشان آغلارام
نار هجرونده یانوب هر لحظه هر آن آغلارام
زینبی آغلار قویوب گیتدون آنا یافاطمه

گرچه عمر ایتدون فنا دنیاده سن اون سگّیز ایل
بو آز عمریله ولی زلفون آغاردی تِل به تِل
غصّه مرگ اولدون زبس چکدون مصیبت متّصل
زینبی آغلار قویوب گیتدون آنا یافاطمه

گولمدی اون سگّیز ایلده غصّه دن بیر گون یوزون
دردیله دولدی مبارک قلبون، اشکیله گوزون
محنت ایّامیدن آخِر خلاص اولدون اوزون
زینبی آغلار قویوب گیتدون آنا یافاطمه

ایتمیوب جدّیم وصایاسین عدو منظور آنا
غصب ایدوب مُلکون، معاشه اولمیوب مقدور آنا
عاقبت اولدون یهودی عورته مزدور آنا
زینبی آغلار قویوب گیتدون آنا یافاطمه

زینبون محنتلرون یاد ایلر ای علیا تبار
گوزیاشین جاری ایدر گوزدن چو ابر نوبهار
ال دگیرمانی مبارک اللرون ایتدی قابار
زینبی آغلار قویوب گیتدون آنا یافاطمه

ایتمدی ثانی مراعات احترام و جاهیوی
اود ووروب یاندوردی ظلمیله آنا درگاهیوی
صدمه ی مسمارِ در عرشه اوجاتدی آهیوی
زینبی آغلار قویوب گیتدون آنا یافاطمه

اونداکی قالدون در و دیوار آراسیندا حزین
در شکسته اولدی تا، سن ایلدون سقط جنین
یاده دوشدوقجا او حالون ایلرم آه و انین
زینبی آغلار قویوب گیتدون آنا یافاطمه

گورمیوب محنت کشیده چشم عالم سن کیمی
قنفذین جسمی گویردوب جسمیوی سوسن کیمی
چوخ یانان وار حالیوه امّا یانان یوخ من کیمی
زینبی آغلار قویوب گیتدون آنا یافاطمه

بسکه جدّیمدن صورا گوردون غم و رنج و تعب
ایلدون عجّل وفاتی ورد و ذکرون روز و شب
حق مناجاتون قبول ایتدی ولی اولدی سبب
زینبی آغلار قویوب گیتدون آنا یافاطمه

دلده یوخ طاقت دیم درد و غمون باشدان باشا
سالمادون عمرونده بیر گون تازه بیر معجر باشا
چوخ مشقّتله بو آز عمرون آنا ویردون باشا
زینبی آغلار قویوب گیتدون آنا یافاطمه

جانشینم من سنه، سن تک گرک دل داغلیم
گه قلجلانمیش باشین مظلوم آتامین باغلیم
گاه اوغلون مجتبانین محنتینده آغلیم
زینبی آغلار قویوب گیتدون آنا یافاطمه

بو بلالی باشیمون چوخ شورش و غوغاسی وار
زینبین بوندانصورا چوخ محنت عظماسی وار
کربلا دشتینده غرق اولماقه غم دریاسی وار
زینبی آغلار قویوب گیتدون آنا یافاطمه

بو حسین که سینن اوسته خواب ناز ایلوب مدام
شمر ذی الجوشن کسر باشین قفادن تشنه کام
قوملار اوسته نعشینی عریان قویالّار اهل شام
زینبی آغلار قویوب گیتدون آنا یافاطمه

صفحه ی رویون گوزون یاشیله (صابر) شسته دور
ایسته توفیق خدا توفیقه هر ایش بسته دور
ذکر ایله زینب دلینجه بو سوزی شایسته دور
زینبی آغلار قویوب گیتدون آنا یافاطمه

  • پنج شنبه
  • 15
  • مهر
  • 1400
  • ساعت
  • 14:31
  • نوشته شده توسط
  • یوسف اکبری
ادامه مطلب
فروشگاه پرچم
مرحوم رحیم منزوی اردبیلی

زبانحال حضرت زهرا(س) -(بالینیمه گل پیک اجل گلدی عم اوغلی) *مرحوم رحیم منزوی اردبیلی

3712
12

زبانحال حضرت زهرا(س) -(بالینیمه گل پیک اجل گلدی عم اوغلی) بالینیمه گل پیک اجل گلدی عم اوغلی
باغلا گوزونی فاطمه دینجلدی عم اوغلی

ماموریدی پیک اجل الان باشیم اوسته
بیر سنده گل ای سویگلی جانان باشیم اوسته
ای ناطق قرآن اوخی قرآن باشیم اوسته
قرآن سسیووه سن بیلوسن چوخ هوسیم وار
خوش لحنیله قرآنون اوخی تا نفسیم وار

ای مونس غم آز منی غرق محن ایله
مندن سورا ترک گل و باغ و چمن ایله
وئر غسل اوز الونله من زاره کفن ایله
آگاه ایلمه ثانی شدادی عم اوغلی
گلسه بیلوسن روحیمه ایذادی عم اوغلی

غسلومدا گوزون اشکینی خون دله قاتما
گورسون اثر ظلم و ستم نالون اوجاتما
اگنیمده اولان کوینگی سعی ایله چیخاتما
بیر نحویله تا غسلومی ویر کوینگیم اوستن
کشف ایلمه بیر کیمسیه قمچی اثرین سن

جان ویرمگیمی گرچه چوخ آسان سانورام من
یادیمه دوشور محسن اورکدن یانورام من
ثانی لگدین محسینه قاتل سانورام من
چون من کیمی مظلومه گورنمز گوز ایوینده
ناموس حقی کیم ویرار آیا ئوز ایوینده

بیر اللی قیام ایتدیم اولان وقته مصلی
گتدیم عمله ذکر قنوتیمی بیر اللی
گیزلینجه نماز ایلمیشم اولمیا بللی
گیزلینجه نماز ایتمگیمین علتی واردی
چون قنفذ ایدن ظلمیلرین شدتی واردی

هجران اوخونا حکم مشیتله نشانم
لبیک دیوب محفل جانانه روانم
ام حسنیمدن چوخ حسیندن نگرانم
بلبل تک اونی بسلمیشم چونکه گول اوسته
قورخوم بودی خولی قویا مطبخده کول اوسته

بیر گون گزورم چوللری آواره دولاننام
مقتلده قیزیم زینبیلن منده دایانام
گودالیده زینب بویانان قانه بویاننام

یانام غم اطفال پریشان حسینه
گوزیاش توکرم خیمه سوزان حسینه
گلم من ئوزوم شام غریبان حسینه
لازمدی اولاخ کوفه ده مهمان ایکیمیزده
واجبدی دوتاخ شام غریبان ایکیمیزده

ای باشسیز عیال و حرمین باشدان آتان باش
می صورتینین نسبتی اللهه چاتان باش
سنسن دی گوروم سینمین اوستونده یاتان باش
یا گوزلرون آچ قانلی گوزونن تانییم من
یا منله دانش تا کی سوزونن تانییم من

ایندی واریدیم کرب و بلاده من خسته
یاندیردی یانان قلبیمی بیر قلبی شکسته
گوردوم یاتیب ایستکلی رقیون سینن اوسته
هر دم دیور ای شاه لب عطشان منی دیندیر
تیر غم ایدیب سینمی شان شان منی دیندیر

ایتدوقجه اوغول حنجر منحوریووه دقت
یوز ویردی اوغولسوز آنووا حالت رقت
گوردوم که دگوب حنجریووا اون ایکی ضربت
بیلدیم بالا چوخ اینجموسن گل سینم اوسته
جان تک باسوم اغوشیمه دینجل سینم اوسته

  • شنبه
  • 6
  • دی
  • 1399
  • ساعت
  • 19:19
  • نوشته شده توسط
  • یوسف اکبری
ادامه مطلب

زبانحال حضرت علی(ع) بر سر مزار حضرت زهرا(س) -(من نیلورم سندن صورا دنیانی زهرا) * ناشناس ؟؟؟

1444
8

زبانحال حضرت علی(ع)  بر سر مزار حضرت زهرا(س) -(من نیلورم سندن صورا دنیانی زهرا) من نیلورم سندن صورا دنیانی زهرا
قویدون ملر آغلار قالان طفلانی زهرا
آغلارقالوبدی گللرون
شیرین دیلون بلبلرون
دور یاتما زهرا - دور یاتما زهرا

تک قالمیشام یوخدی منیم روح روانیم
گیتدون مزاره یوخدی دای جسمیمده جانیم
بوندان بیله آغلار کچر هر لحظه آنیم
یاتما بیله سن بیل حسینون جانی زهرا
سوندی چراغیم فاطمه
یوخدورقوناقیم فاطمه
دور یاتما زهرا - دور یاتما زهرا

زینب آتور ال باشینه سسلورننم وای
آغلور حسن سویلور اودا ایوای ننم وای
یاتمور حسین تزتز دیور لایلای ننم وای
آواریم دیندیر من نالانی زهرا
یاسه گلن یوخدی بوگون
دوست دشمنیم چوخدی بوگون
دور یاتما زهرا - دور یاتما زهرا

  • یکشنبه
  • 31
  • مرداد
  • 1400
  • ساعت
  • 18:01
  • نوشته شده توسط
  • یوسف اکبری
ادامه مطلب

زبانحال حضرت زینب(س) در فراق مادر -(هایاندا قوش تک ایلدون سن آشیانه آی ننه) *مرحوم انور اردبیلی

2477
1

زبانحال حضرت زینب(س) در فراق مادر -(هایاندا قوش تک ایلدون سن آشیانه آی ننه) هایاندا قوش تک ایلدون سن آشیانه آی ننه
محالیدور یولون دوشه بو دودمانه آی ننه

بابام که رحلت ایلدی ایونده امنه یتمدون
قوناقلیقا نه گلشنه نه باغه سیره گیتمدون
بو ایکی آی یانیمدا سن گلوب تبسم ایتمدون
گوروم تبسم ایتمسون لب زمانه آی ننه

نه سرو گورمیوب فلک او قامت وزین کیمی
نه رحمسیز بشر گلر او قنفذ لعین کیمی
چوخ ایوده تای دوشون سنون گزور هله گلین کیمی
مزاره قنفذ ایلدی سنی روانه آی ننه

ویرنده غسلوی آتام ایدنده جسموه کفن
ایلیکه گیدی خلعتین او ضربه لر گورن بدن
نظاره ایلدیم اوزوم بویووا دقتیله من
کفنده هیچ یاراشمیور تزه جوانه آی ننه

یتیم اوشاقلارون آنا نه سختمش زمانه سی
سنه بو زینب ایلسون گلایه یوخ بهانه سی
بو رسم روزگاردور قوشون یاناندا لانه سی
اوچوب او لانه دن گیدر بر آیری یانه آی ننه

هایاندا عندلیبدن گل اوسته خوش ترانه وار
او یرده اوچی وار و یا زمیه سی خزانه وار
هر ایوده شور حق وار صفای عاشقانه وار
فلک تز آیریلیق اوخون قویار کمانه آی ننه

یتشدی جانی بر خطر بو غملی خانوادیه
دچار اولوب بیوک کیچیک بلای فوق العادیه
ایدردی غبطه ماخلق آتامدا که ارادیه
همین اراده صاحبی دویوبدی جانه آی ننه

بو غملی منزله آتام نمازدن گلن زمان
قاپودا مکث ایدور بر آز ایدور نظاره ناگران
گورور نه غملی منظره بزه دیمور او باغریقان
یقین یارالی سینه دن قالوب نشانه آی ننه

روا دگولدی بو ایوی صدای الامان دوتا
هوایه توستی قوزانا فضاسنی دومان دوتا
یتیم اوشاقلارون سنون عزای جاودان دوتا
یانان قاپون اولوب بیزه بیوک بهانه آی ننه

قرا گونه قالان قیزون شرار غمده اودلانور
کیچیکده اولسا زینبون مطالبی گوزل قانور
محل دفن محسنه گوزوم دوشور اورک یانور
نه غملی آستانه دور بو آستانه آی ننه

نباته چکسون آرزو گوروم مدینه داغلاری
یتورمه سون شقایق و نه لاله غملی باغلاری
غروب وقتی ایولرون یانان زمان چراغلاری
منمده قلبمون اودی چکر زبانه آی ننه

  • جمعه
  • 9
  • مهر
  • 1400
  • ساعت
  • 22:00
  • نوشته شده توسط
  • یوسف اکبری
ادامه مطلب
مرحوم رحیم منزوی اردبیلی

زبانحال حضرت علی(ع) -(یتیشسه آفت اگر گلستانه زهرا جان) *مرحوم رحیم منزوی اردبیلی

1820
4

زبانحال حضرت علی(ع) -(یتیشسه آفت اگر گلستانه زهرا جان) یتیشسه آفت اگرگلستانه زهراجان
باخانداغم گتورر باغبانه زهراجان

سارالدی‌گللرون‌ای‌غم‌کشیده‌بیرگوزون‌آچ
دونوب صفالی بهارون خزانه زهراجان

یتیملیقون توزی قوندی بالالارین یوزونه
گلولله هرگجه گوندوز فغانه زهراجان

حسنده سولدی حسینده سارالدی زینبده
قولومی باغلادی قهر زمانه زهراجان

نه نازینی چکن اولدی نه زلفینی داریان
ایدرنه چاره پریشانه شانه زهراجان

سنه نه جای مذّمت ایویندن ال چکدون
یازیلمیوبدی وفابوجهانه زهراجان

قوجاقلارام‌ئوز‌ایویمده‌همیشه دیزلریمی
عذاره اشگیمی قیلّام روانه زهراجان

نجه‌چیخوم‌قاپیا قتلگاهیدور قاپیمیز
بروزحادثه جانستانه زهراجان

گوزوم‌دوشورقاپوداهی اوقانلی مسماره
چتیندی گوزقاباقیندا نشانه زهراجان

حسینه‌بالش‌اولان‌سینون‌اولدی‌یاره سنون
بویاندی ناوک مسمارقانه زهراجان

جهانداسنسیزهله‌قورخورام که چوخ یاشیام
اولام دچارغم بیکرانه زهراجان

بیرعمرکه اولاسنسیز مگر نه لذّتی وار
قفسدی یریوزی بوخسته جانه زهراجان

  • جمعه
  • 5
  • دی
  • 1399
  • ساعت
  • 23:12
  • نوشته شده توسط
  • یوسف اکبری
ادامه مطلب

شهادت حضرت زهرا (س) -(گر منی قیزیم گوگلون ایسته سه ای بلالرین کانی زینبیم) *سعدی زمان سیدرضا حسینی

934
1

شهادت حضرت زهرا (س) -(گر منی قیزیم گوگلون ایسته سه ای بلالرین کانی زینبیم) گر منی قیزیم گوگلون ایسته سه ای بلالرین کانی زینبیم
عطریمی بو مسمار دردن آل سینمون قالور قانی زینبیم

ختم الانبیا من بلاکشی رحلتینده تاپشوردی امّته
سویلدی که روحیمدی فاطمه، قویمیون دوشه رنج و زحمته
بهر قهر حق جوش ایدر اگر فاطمه دل آچسا شکایته
حق رضاسی زهرا رضاسیدی ایلدی بو عنوانی زینبیم

تا منیم آتام خاتم رسل بو جهانیدن رحلت ایلدی
گون به گون فزون اولدی غملریم، درد و محنتیم شدّت ایلدی
داندی امّت اجر رسالتی بیر جفا منه امّت ایلدی
تار اولوب ایشیق گوندوزوم گوزه آچدی ظلم الین ثانی زینبیم

اود ووروبلا دربار رحمته، سالدیلار منی ایله حالته
ایلدیم حیا، سسلدیم آتان مرتضانی من استعانته
محسنیم شهید اولدی، سسلدیم فضّه نی او دمده حمایته
گَلمه سِیدی فضّه او نانجیب اُلدوروردی زهرانی زینبیم

عاقبت ایاقدان سالوب منی بو کمرشکن غصّه و محن
آز قالور گیدم جدّیمه قوناق ترک ایدم بو دار فنانی من
سن بو ایوده مندن صورا قیزیم بو شهیده نون جانشینی سن
مهربان آنا اول حسینیمه، باشه یغ یتیمانی زینبیم

تا علاقه کسدیم بو نشئه دن ایتمیشم وصیّت من نزار
همسر ایلسه اختیار آتان اوز باجیم قیزین ایتسون اختیار
خورداجا باجوندان گوتورمه گوز اول او بی کسه یار و غمگسار
زلفین ایله شانه نوازش ایت دوت دله او نالانی زینبیم

امر مجتبایه اطاعت ایت قویما قلبینه یوز ویره کدر
چوخ محبّت ایله حسینیمه ایتمسون آناسیزلیقی اثر
سن اونا مصیبت شریکی سن وار قاباقدا بیر پرخطر سفر
عزم جنگ ایدنده بوغازین اوپ سال یولا او عطشانی زینبیم

باشینی سوسوز شمر دون کسر، سانما ظلمیدن اشقیا دویار
کوفه نون او ارزل جماعتی رخت جسمینی سر به سر سویار
بیر گئجه اونون قانلی باشینه خولی دنی میزبان اولار
ظلمیده قصور اولماسون قویار کُللر اوسته مهمانی زینبیم
_
(مونسی)(عزیزی)(حسینیه) یازدیروب بو دلسوز نوحه نی
جدّه جان مریضم قوجالموشام، غصّه درد ایاقدان سالوب منی
مرتضی علی جانینه آنا گوزیاشیله ویرّم قسم سنی
دی دعا ایله اوز غلامیوی ای بلالرین کانی زینبیم

  • پنج شنبه
  • 15
  • مهر
  • 1400
  • ساعت
  • 13:02
  • نوشته شده توسط
  • یوسف اکبری
ادامه مطلب

در مصیبت حضرت زهرا (س) -(شاد اولمادی بیر لحظه) * محمد حسین کتابچی

1857
2

در مصیبت حضرت زهرا (س) -(شاد اولمادی بیر لحظه) شاد اولمادی بیر لحظه
دنیاده خانم زهرا
اولدی ستم و غمدن
افتاده خانم زهرا

بو دخت شه لولاک صدّیقۀ کبرادی
ریحانۀ پیغمبر محبوبۀ یکتادی
کیمدور بو جلالتده زهرائیله همتادی
بی مثل گلوب یعنی ایجاده خانم زهرا

ریحانۀ پیغمبر دارای شهامتدی
هم صاحب عفتدی هم معدن عصمتدی
بانوی گرامیدی خاتون قیامتدی
لطفی یتوشر خلقه عقباده خانم زهرا

بیر بیله مقامیله بیر بیله جلالیله
اون سگّیز ایل عمر ائتدی افسرده خیالیله
فریاد فغانیله اندوه و ملالیله
اولموشدی مماتینه آماده خانم زهرا

گئتدی آتاسی اشگین رخسارینه باغلاردی
گوز یاشلو خانم هر آن قاره باشا باغلاردی
گولمزدی یوزی غمدن آغلاردی چوخ آغلاردی
دینجلمدی بیر لحظه دنیاده خانم

  • سه شنبه
  • 16
  • بهمن
  • 1397
  • ساعت
  • 10:36
  • نوشته شده توسط
  • ابوالفضل عابدی پور
ادامه مطلب
 ولی الله کلامی زنجانی

زبانحال حضرت علی (ع) در شهادت حضرت زهرا (س) -(یارسول الله قلبیم داریخدی) * ولی الله کلامی زنجانی

3706
8

زبانحال حضرت علی (ع) در شهادت حضرت زهرا (س) -(یارسول الله قلبیم داریخدی) یارسول الله قلبیم داریخدی
گئتدی اویمدن دلداریم ئولدی
زهراسیز یثرب زندانه بنذر
قالدیم کمکسیز غمخواریم ئولدی
ئوز عاشقیندن گیزلتدی دردین
یاندیم آلیشدیم بیماریم ئولدی

پهلوسی یاره گئتدی مزاره
زینبیم آغلار باشینده قاره

غسلین وئرنده اوّل باشیندان
معجرین آشدیم صبریم آپاردی
گوردوم دگیبدی سیلی یوزوندن
صول صورتینده ال ردّی واردی
رنگیم سارالدی دیزلریم اسدی
ئوپدوم الیندن گوردوم قاباردی

پهلوسی یاره گئتدی مزاره
زینبیم آغلارباشیندا قاره

یارالی جسمین بوکدوم حریره
هجرانی آتش دنیایه سالدی
باغلادیم بندین بیربیر ایاقدان
باشدان کفنین بیر بندی قالدی
قولّارین آچدی اطرافه باخدی
بیردن حسینی آغوشه آلدی

پهلوسی یاره

  • سه شنبه
  • 16
  • بهمن
  • 1397
  • ساعت
  • 18:40
  • نوشته شده توسط
  • ابوالفضل عابدی پور
ادامه مطلب
 احمد پوریا

متن شعر ترکی زبانحال حضرت زینب (س) در بالین حضرت فاطمه زهرا (س) -(هارا گیدورسن آی ننه) * احمد پوریا

42353
75

متن شعر ترکی زبانحال حضرت زینب (س) در بالین حضرت فاطمه زهرا (س) -(هارا گیدورسن آی ننه) هارا گیدورسن آی ننه
اویان وفالی زینبم
هجریوه یوخدی طاقتیم
باشی بلالی زینبم

آنا زهرا بش یاشوندا آغلار قیزام من
نه تز گوزدن زینبون آتدون یالقیزام من
گجه یاری ترک لانه ائتمه کبوتر
بابام تکدیر سویلیور که آدامسیزام من

یارالی آی ننه وفالی آی ننه(2)

حسن دیور جوان ننه
یارالی مهربان ننه
او صحنه نی گورند من
اورگیم اولدی قان ننه

اوزوم گوردوم حقیوی دشمندن آلاندا
ننه گوردوم ثانی یول اوستونده دوراندا
آجو قلاندی وردی بیر سیلی ساق گوزوندن
اوزوم گوردوم پاره گوشواره آختاراندا

یارالی آی ننه وفالی آی ننه(2)

قلبیمی سنسیز آی ننه
قان ایلیوب من آغلارام
چادر نمازیوه باخوب
جان تک اونی قوجاقلارام

آنا سنسیز درد یم

  • سه شنبه
  • 16
  • بهمن
  • 1397
  • ساعت
  • 19:41
  • نوشته شده توسط
  • ابوالفضل عابدی پور
ادامه مطلب
 ابراهیم تون خوش قلم

زبانحال حضرت زینب(س) -(غم و بلا قلبینه دولان باغریقان ننم لایلای) * ابراهیم تون خوش قلم

2307
6

زبانحال حضرت زینب(س) -(غم و بلا قلبینه دولان باغریقان ننم لایلای) به سبک های
خداحافظ ای آنام باجی
سن آغلاسون من دوزنمورم
شیرین سوزوم آیدین اولدوزوم

غم و بلا قلبینه دولان
باغریقان نه نم لایلای
خزان وئروب گل یوزی سولان
ناتوان نه نم لایلای
باغریقان نه نم لایلای

امان امان روزگاریدن
چکدی سینمه داغلار
ئولونجه بو غملی زینبون
وای ننم دیوب آغلار
حسن حسین سیل اشکینی
غملی صورته باغلار
بالالاری دیده تر قالان
خسته جان ننم لایلای
باغریقان ننم لایلای

خزان ویران گللرین ننه
سن کیمی یوزی سولماز
بو دهریده هئچ بولوط منیم
گوزلریم کیمی دولماز
منه بوتون عالمی اگر
وئرسه لر آنا اولماز
سینونده کی قانه من فدا
وای جوان ننم لایلای
باغریقان ننم لایلای

فراقوین آتشی منی
یاندورور یاخور مادر
دوشنده یاده محن لرون
گوزیاشیم آخور مادر
اوشاقلارون گول جنازووه
یان یانا باخور مادر
غمون ائدوب غملی زینبی
خونفشان ننم لایلای
باغریقان ننم لایلای

ئوپر ایاقلاریوی حسین
سسلیور آنا گئتمه
قوجاقیوه دور منی بیر آل
گلمیشم جانا گئتمه
اورکده کی درد و محنتون
گلمیور سانا گئتمه
بو غملی دنیاده قارداشی
اولمیان ننم لایلای
باغریقان ننم لایلای

  • دوشنبه
  • 1
  • دی
  • 1399
  • ساعت
  • 17:47
  • نوشته شده توسط
  • یوسف اکبری
ادامه مطلب

شهادت حضرت زهرا (س) -(ای پرده ی غیبتده گوز یاشی دونن قانه) *مرحوم حاج بیوک اعظمی تبریزی

900

شهادت حضرت زهرا (س) -(ای پرده ی غیبتده گوز یاشی دونن قانه) ای پرده ی غیبتده گوز یاشی دونن قانه
جان وئردی آنان زهرا گل شام غریبانه

ایوای آنا وای سویله اشكون یوزیوه باغلا
آغلور حَسَنِین، سنده سس وئر اولارا آغلا

نه حالیله شرح ایلوم كیفیّت زهرانی
هر محنته دنیاده دوزدی او بلا كانی
اُلموب اوزی معناده، اُلدوردی اونی ثانی
واضح دیمورم هرگز زهرایه نه ظلم ایتدی
دنیادن آنان امّا آخِر یارالی گیتدی

بیر دُرّدی مرضیّه گنجینه ی عصمتده
بیر گُلدی اونا هیچ گُل چاتمازدی لطافتده
مشكلدی اولا بیر گُل بو عطر و طراوتده
افسوس او رعنا گُل خاریله یارالاندی
ظلمیله خزان اولدی گُلشندن آرالاندی

عالملر اولا گلشن زهرا كیمی گُل اولماز
گورسِیدی اونی هر كیم، سویلردی بو گُل اولماز
سولدوردولا ظلمیله، گوز اشكیله گور دولماز
ریحانه ی پیغمبر دنیادن ایله دویدی
گتدی ولی اطفالین، چون آهو مَلَر قویدی

بو غمده علی اشكین خونِ دلینه قاتدی
ایستوردی ویره غسلین بیر اوزگه غمه باتدی
بو ضصّه او صبریله شاهَنشَهی آغلاتدی
گویا كه وجودینده نیلی یرینی گوردی
گلبرگ جمالینده سیلی یرینی گوردی

غسلندن اولوب فارغ گوز یاشلی نجف شاهی
رخساره توكوب اشكین عرشه اوجالوب آهی
بو غمده علی دوزدی، دوزمز بیری واللهی
ناگه حَسَنین گلدی بیر محشر اولوب بر پا
سویلَردیله شوریله ایوای آنا یا زهرا

سالدی اوزینی گُللر، اول جسم كفن پوشه
سویلردیله دور بیرده آل گُللرون آغوشه
چوخ آغلادیلار گَلدی مهری آنانون جوشه
آخِرده كفن ایچره زهرا قولینی آچدی
بیر گَل، ایكی تَر غنچه، اول دمده قوجاقلاشدی

سس گلدی علی قویما گَلسون حَسَنین داده
آغلور ملكوت اهلی بو عالم بالاده
آغلاتدیلا دنیانی گور بو ایكی شهزاده
بو منظره مولانین آرامین آلوب الدن
بلبللری گوز یاشلی آخِر آیروب گلدن

القصّه علی صبرین الدن بو مُحن آلدی
زهرانی سولان گُللر اشكیله یولا سالدی
آهویِ حرم گیتدی، اطفالی مَلَر قالدی
سویلردیله دنیاده ایوای آناسیز قالدوخ
اولدوخ عجب افتاده، ایوای آناسیز قولدوخ

دولدوردی نجف شاهی قان یاشیله گوز ابرین
دفن ایلدی اوز روحین، گور بیر او شهین صبرین
وار علّتی زهرانون ایتگین ایلدی قبرین
فكر ایتدی جفا اهلی ظلمونده ایدر طغیان
گنجینه ی آمالی اغیاره اولا پنهان

زهرانی قویوب قبره اَشكی یوزینه آخدی
بلبل گُلی ترك ایتمز، حسرتله دوروب باخدی
بیر آه چكوب كُونی یاندیردی او دم یاخدی
وار حقّی دیسم اَشكی بارانی خجل ایلر
زهرادن علی آیا آیریلسا گورون نیلر

آخِرده گلوب جوشه دریای مُحَن داشدی
بلبل او زمان گلدی حسرتله اوزاقلاشدی
گلدی حَسَنینیلن منزلده بیر آغلاشدی
سویلَری اولون آرام، چوخ ایلمیون افغان
بو گوز یاشوزا آخِر عالملر اولا قربان

ای نازلی حُسینیم سن گلمه بیله فریاده
بو گوز یاشی بو شیون زهرانی سالور یاده
باخدوقجا سنه یانّام، من بو غم عظماده
دیواره یوزون قویما گرد اَلَمه باتما
توكمه یوزه گوز یاشون گَل زینبی آغلاتما

سن شیونه گلدوقجا فریاده گلور زینب
اشكون یوزه آخدوقجا گوز یاشون اَلور زینب
باخ گور نجه آهو تك حسرتله مَلور زینب
آرامیمی سلب ایلور بو زینبون افغانی
فریادی سالور یاده اول دشت غم افزانی

گوز جامی بو ماتمده اشكیله نجه دولماز
عالمده آنا چوخدور، زهرا تك آنا اولماز
گلشن پوزولا آیا گُللر سارالوب سولماز
گلشن پوزولوب گتدی، گُللر سارالوب سولدی
كلثوم و خانم زینب عالمده یتیم اولدی

بیر یاندا حسن اشكین گُل عارضینه باغلار
بیر یاندا حسین اِیله حسرتله باخار آغلار
سوزِ دلی دنیانی، معناده اونون داغلار
بیر یاندا خانم كلثون نِی تك گلور افغانه
بیر یاندا توكَر زینب گوز دُرّینی دامانه

آی دوره سین اولدوزلار آلمشدیلا چون هاله
پوزقون گوروب اولدوزلار اول ماهی ایدوب ناله
اودوزلار آرا بولمم آی قالدی نه احواله
اشكیله یداللهین گوز كاسه ی دولموشدی
اطفالنه بو غمده سر خیل اوزی اولموشدی

ای اعظمی بو غمده گَل ناله و فریاده
بیهوده یِره عُمرون صرف ایلمه دنیاده
یاز نوحه خانم زهرا اجرون ویرر عقباده
نوكر خانما تحفه گوندَرسه قبول ایتمز
محبوبه ی عالمدی محشرده ملول ایتمز

  • سه شنبه
  • 13
  • مهر
  • 1400
  • ساعت
  • 14:58
  • نوشته شده توسط
  • یوسف اکبری
ادامه مطلب

زبانحال حضرت زینب(س) در فراق مادر -(غم هجرونده عجب اودلارا یاندیم آناجان) *استاد مرحوم ذهنی

1498

زبانحال حضرت زینب(س) در فراق مادر -(غم هجرونده عجب اودلارا یاندیم آناجان) غم هجرونده عجب اودلارا یاندیم آناجان
اشک تر دامنه توکمکدن اوساندیم آنا جان

آنام ایوای آنام ایوای آنام ایوای آنا وای...

هانی بیر اهل دل آگاه اولا درد دلیمه
من کیمی اود توتوب آهیمله یآنا نیسگیلیمه
آنا وای ناله سی ورد اولدی او قدری دیلیمه
آناسیز قالماقیمی آخر ایناندیم آناجا

ایلرم عالم محنتده من هر قدری خیال
بلکه بیر چاره تاپا رفع اولی اندوه و ملال
گورورم دردیمه درمان اولا عالم ده محال
دردیمین چاره سی اولمکده دی قاندیم آناجان

حیف من تک ئولومه مایل اولان ئولمزیمیش
آناسیز لیق نه یامان دور ایشیدن بولمزیمیش
آناسیز قیزلارین عالم ده یوزی گولمزیمیش
باخیب اوز حالیمه بو نکته نی آندیم آنا جان

قان اولان دیل ده که هر لحضه سنی یاد ائدیرم
اود دوتار قلبیمی ناله چکرم داد ائدیرم
گلم افغانه آچوب باشیمی فریاد ائدیرم
او قدر سس چکوب آخرده دایاندیم آناجان

دفتر غمده باخوب عالمیمی سیر ایده رم
اولونوب زینب آدی نقطه تک هر یرده رقم
قویدی پرگار تک حیرتده منی نقطه غم
خط سیریمده نقدری که دولاندیم آناجان

بس که سر منطق اولوب دیل ده آدون هر سوزومه
دانشوب صحبته گللم سنیله اوز اوزومه
نه بلادور باشیمه گلدی کول اولدی گوزومه
سن تک ایستکلی آنادان آرالاندیم آنا جان

دل بو حسرتله دونوب قانه، گلور جوشه آنا
بلکه بیر مرقد پاکون باسیم آغوشه آنا
گیتدیم هر بیر گئجه بو فکریله من هوشه آنا
نه یوخوم گلدی نه هوشیمده اویاندیم آناجان

خورد و خواب اولدی حرام ایلدیم از بسکه فغان
سنسیز آغلار گوزومه تیره و تار اولدی جهان
سرو قدیم بوکولوب اولدی اوشاقلیقدا کمان
باخیب اوز نفسیمه نفسیمدن اوتاندیم آناجان

کیمدی من تک آنا محنت کش اولا عالم آرا
سارالیب گول یوزی خون دلیله احمر اولا
آغاروب زلفی، اولا عمری گونی بختی قرا
خم محنتده عجب رنگه بویاندیم آناجان

(ذهنی) یاز زینب ایدوب بو دلیله شیون آنا
شعله ی آتش هجرانیده یاندیم من آنا
چکیلوب سینه مه مین داغ فراقوندان آنا
داغ هجریله اورکدن یارالاندیم آنا جان

  • پنج شنبه
  • 15
  • مهر
  • 1400
  • ساعت
  • 12:55
  • نوشته شده توسط
  • یوسف اکبری
ادامه مطلب

شهادت حضرت زهرا (س) -(عم اوغلی گیتمه کناره منیم کناریمدن) *مرحوم حسن عاصی تبریزی

863

شهادت حضرت زهرا (س) -(عم اوغلی گیتمه کناره منیم کناریمدن) عم اوغلی گیتمه کناره منیم کناریمدن
چوخ آز زمان قالوری عمر مستعاریمدن

منه یقیندی یتوب غملی گونلریم باشه
سنه عیان دی سوزوم حال احتضاریمدن

بلالی باشیمی آل لطفیله دیزون اوسته
سرشگ آلیمی سیل چشم اشکباریمدن

گوزوم یوزونده عم اوغلی، باشیم دیزون اوسته
بو غملی وقتی اولوم شاد بو نظاریمدن

بو مدتی که اوزوم بستری مریضم من
سیزیلتیم عرشه چخوب بو دل فکاریمدن

دیوب حیاتیدن اوز مرگیمی گجه گوندوز
اورکدن ایسته میشم حی کردگاریمدن

یتیشموشم من او مقصوده، آز قالور روحیم
کسه علاقه سینی بو تن نظاریمدن

عم اوغلی ایستورم آخر نفسده عرض ایلیم
حضور پاکوه ایام ناگواریمدن

چکنده مسجده ثانی سنی قولی باغلی
دیمه مضایقه ایتدیم اوز انتصاریمدن

باشاردیقیم قدری ایلدیم کمک لیق او گون
سنون یولوندا من ال چکدی اوز وقاریمدن

او قدر ووردی منه تازیانه قنفذ دون
عنان صبر منیم چخدی اختیاریندن

عم اوغلی آیریلیق هنگامی دور، داخی ئولورم
بو گون الیم اوزولور سندن اهل داریمدن

عمل ایله او وصیتلری که ایلمیشم
مباد اینجیه سن رنج بی شماریمدن

گجیله قیل منه غسل و کفن گجه وقتی
مزاره قوی بابامی قورتار انتظاریمدن

منی گر ایستسه گوگلون مزاریم اوستونه گل
حسینه ده دئ ایاق چکمسون مزاریمدن

چمنده گورسن اگر بیر گلی سولوب سارالوب
منیمده یادیوه سال بو سولان عذاریمدن

او داغ دل دگی لاله آلوب اورک باشنا
او بیر نشانه دی بو قلب داغداریمدن

بنفشه بی سبب اولموبدی سربدوش و غمین
اونا موثر اولوب درد و انکساریمدن

او اهل دل که گورر قبریمی منیم گزلین
اولار که حالی اولا درد آشکاریمدن

او حالمین سببین آلموسان خبر مندن
دیمه میشم واریدی عذریم اختباریمدن

چون ایستمزدیم اولا خاطرون ملول و غمین
بولونمین محن و تیره روزگاریمدن

سیزیلدادوب منی چوخ آغلادان یقین بوله سن
ویرنده غسلیمی بو صدر زخمداریمدن

  • پنج شنبه
  • 15
  • مهر
  • 1400
  • ساعت
  • 13:26
  • نوشته شده توسط
  • یوسف اکبری
ادامه مطلب
 ولی الله کلامی زنجانی

حضرت زهرا(س) -(الهی یانمیوم نجه شرار محنت و غمه) * ولی الله کلامی زنجانی

2872
9

حضرت زهرا(س) -(الهی یانمیوم نجه شرار محنت و غمه) الهی یانمیوم نجه
شرار محنت و غمه
منیم آنام جوان اولوب
مدینه باتدی ماتمه

(سنی چوخ ووروبلا یات آی ننه
سنه قربانام یارالان ننه)

منیم بهارِ آرزوم
اولوب خزان مدینه ده
اوجالدی توستی گوگلره توکولدی قان مدینه ده
دیوللّر اولدی میخ در
بلای جان مدینه ده
بو غمده قاره چکدیلر
ملک لر عرش اعظمه

(سنی چوخ ووروبلا یات آی ننه
سنه قربانام یارالان ننه)

منیم آنام دفاع ائدوب
ولایتِ نگاریدن
بابام علی وفا گوروب
او یار باوقاریدن
نه لر چکوب آز عمریده
بو غملی روزگاریدن
اولاردی سو یاغیدی گر
بو غم جبال محکمه

(سنی چوخ ووروبلا یات آی ننه
سنه قربانام یارالان ننه)

الهی شاهد اول منیم
آناما سیلی ووردولار
گلنده غملی کوچه دن
یولونون اوسته دوردولار
قباله اوسته مادر
حسن حسینی یوردولار
شهیده گئتدی دهریدن
او بانوی مکرّمه

(سنی چوخ ووروبلا یات آی ننه
سنه قربانام یارالان ننه)

منیم آنام غریبیدی
مریضلره طبیبیدی
چکردی دورت گولون نازین وفالی عندلیبیدی
ملک لره عزیزیدی
اورکلره حبیبیدی
حبیبۀ خدا گئدوب
قوناق رسول اکرمه

(سنی چوخ ووروبلا یات آی ننه
سنه قربانام یارالان ننه)

پس از پیمبر ارثینی
عداوت اهلی بؤلدولر
ملال آل هاشمه
بنی امیّه گولدولر
الهی اوچ یوز اجنبی
بیزیم ائوه توکولدولر
ووروبلار آتش ستم
حریم یار محرمه

(سنی چوخ ووروبلا یات آی ننه
سنه قربانام یارالان ننه)

الهی شاهد اول عدو
آنامی الدن آلدیلار
اوشاقلیق عالمی منیم
باشیما قاره سالدیلار
نه تک آنام که شیعه لر
قاپی دالندا قالدیلارن
قیامته کیمی وورار
بو اود شراره عالمه

(سنی چوخ ووروبلا یات آی ننه
سنه قربانام یارالان ننه)

هانی او مهربان آنام
منه عزیز جان آنام
هایاندا منزل ایلیوب
او قبری بی نشان آنام
الهی رحم ائله منه
یارالیدی جوان آنام
نه تاپدی دردینه دوا
نه چاتدی سینه مرهمه

(سنی چوخ ووروبلا یات آی ننه
سنه قربانام یارالان ننه)

  • یکشنبه
  • 16
  • آذر
  • 1399
  • ساعت
  • 23:13
  • نوشته شده توسط
  • یوسف اکبری
ادامه مطلب
 ابراهیم تون خوش قلم

زبانحال حضرت زینب(س) بر سر تابوت مادر -(گئتمه ننه جان_صبر ایله دایان) * ابراهیم تون خوش قلم

1274
1

زبانحال حضرت زینب(س) بر سر تابوت مادر -(گئتمه ننه جان_صبر ایله دایان) به سبک(عجب رسمیه...)

گئتمه ننه جان صبر ایله دایان
قال بو گئجه ده بو ائوده مهمان

دور اوخی قرآن _ من سنه قربان _ گئجیلن گئتسن _ اوللام پریشان

لای لای ننه جان 4

حسن نن حسین قوجاقلاشوبلار
گلوب باباما سایاقلاشوبلار

دیوللر آنا _ سنی قرآنا _ گئتمه دایان او _ دم آغلاشوبلار

لای لای ننه جان4

بوش اوطاقوندا سالدیم جانماز
حضوریوه وار بو ائوده نیاز

سن سیز آغلارام _ سینه داغلارام _ آنا دور اولوب _ موقع نماز

لای لای ننه جان 4

اولدوم آی ننه غملره آماج
تاب زبانیم اولوبدی تاراج

گئجوب چراغلار _ یاتوب اوشاقلار _ بیر بوسه وه وار _ منیم احتیاج

لای لای ننه جان ۴

  • دوشنبه
  • 1
  • دی
  • 1399
  • ساعت
  • 17:50
  • نوشته شده توسط
  • یوسف اکبری
ادامه مطلب

زبانحال حضرت زهرا (س) -(سینم اوسته باشووی قوی قیزیم) *حاج غلامرضا هادی اردبیلی

888
1

زبانحال حضرت زهرا (س) -(سینم اوسته باشووی قوی قیزیم) سینم اوسته باشووی قوی قیزیم
سیزی ترک ایدور نگران ننوز
غم و غصه دن یورولوب گیدور
قره ساچلاری آغاران ننوز

یغیشون کناریمه اگلشون
سارالان جمالوزه بیر یاخیم
گوزوزون یاشین ایلیم دوا
سینمون یارالارینا باخوم
منه سیز باخون سیزه من باخوم
سوزولن ستاره کیمی آخوم
لحظات آخر عمریده
گوره سیزلری یاری جان ننوز

قاپیمیز یاناندا باشیم چکوب
نقدر فشار و غم و جفا
قاپی قول قابیرقامی سیندیروب
سینمه دگوبدی آغیر یارا
یارا یوخ اولار سایلور منه
سند ارادت مرتضی
گوز ایوینده ضربت سیلیدن
آپارور قیامته قان ننوز

من امام اول عالمون
اورگینده اودلی پیامیم
دل چاه کوفیه ساخلانان
غمینون شکسته کلامیم
رسن ارادت حیدرین
هله ده اسیره ی دامیم
بو سوزی اولنده دیور گیدور
اورگینده دردی قالان ننوز

بو اول گیجه آناسیزلیقوز
بیلورم ایدر سیزه چوخ اثر
دل داغداروزه فرقتیم
سالاجاقدی صبحه کیمی شرر
بوچتین گیجوز قوتارار بالا
آچیلاندا غصه لی بیر سحر
ننه وای دیون ایلیون نوا
چون اولوبدی الده جوان ننوز

بیله آغلیون کی عم اوغلومون
دل پاره پاره سی یانماسون
اوجالوب نوا سسی نیمه شب
گیدوب عرش حقه دایانماسون
جسدیم مزاره گیدن زمان
منی اولدورنلر اویانماسون
گیده قبره ظلم زمانه دن
گوگرن یوزونده نشان ننوز

آناسی اولن قیز اوغول گرک
اوتوروب بیر ایوده بیر آغلاسون
هره بیر غمین یادینا سالوب
یوزه سیل اشکینی باغلاسون
گیجه لر حسینیمی قویمیون
اویانوب ایوی گزوب آغلاسون
چون حسینیم آغلاسا قبریده
ایلیر نوا او زمان ننوز

بالامین یانیقلی نوالری
بو شکسته قلبیمه اود وورور
بوشالور دولور قره گوزلری
سسی بوسینان دیلی سیندیرور
مین امید و خواهشیلن سیزه
ننه سیز حسینینی تاپشیرور
اورگینده کی غم و محنتی
یوزینه سرشکی یازان ننوز

ایتوروب مداری فلک فلک
توکولور ستاره لریم منیم
سیزه گوزلریم کیمی آغلیور
بدنیمده یاره لریم منیم
دانیشانمورام دوداقیم اسور
دانیشور اشاره لریم منیم
آناسسلوسوز قولاقیم آلور
دیه بیلمیور سیزه جان ننوز

بو مریضه فاطمه هرقدر
غم و غصه چکدی کیچیلمدی
صفحات دفتر سینه دن
غم و درد و محنتی سیلمدی
اورگی ورملدی غصه دن
ره چاره سین تاپا بیلمدی
اوزی درد الینده نولوب گیدور
هامیی درده نسخه یازان ننوز

  • سه شنبه
  • 19
  • مرداد
  • 1400
  • ساعت
  • 10:33
  • نوشته شده توسط
  • یوسف اکبری
ادامه مطلب

واحد ایام فاطمیه -(باغ و بهاریم فاطمه) *کربلایی امیر حسامی تبریزی

207

واحد ایام فاطمیه -(باغ و بهاریم فاطمه) ☑️بند اول

باغ و بهاریم فاطمه
صبر و قراریم فاطمه

ای روحومون ریحانه سی
دار و نــداریــمـ

یاور قد کمانیم
همسر مهربانیم

سنسیز علی دوزنمز
یــار جــوانــیــمـ

رخت وفانی سویمامیشام من
فاطمه سندن دویمامیشام من

? فــاطــمــه جــانــمـ / فــاطــمــه جــانــمـ

☑️ بند دوم

دردیم نهاندی فاطمه
صبریم تالاندی فاطمه

سن حیدرین قراریسان
گــئــتــمــه امــانــدے

قویما علی قوجالسین
غصه لی حاله قالسین

اولما رضا کی ناله‌م
عــرشــه اوجــالــســیــن

الین الیمده غمه دچارم
قالمیشام آغلار بس نَدی چارَم

? فــاطــمــه جــانــمـ / فــاطــمــه جــانــمـ

☑️ بند سوم

رحم ائله یاره فاطمه
دانیش دوباره فاطمه

قولون‌دا زَخمداریدی
ســیــنـَـن ده یــاره

ای حیدرین قواسی
بالالارین آناسی

زینبی قویما آغلار
گــوزون فــداســی

قاپیم یاناندا قلبیم سیخیلدی
توشدون نفس‌دن ائویم ییخیلدی

? فــاطــمــه جــانــمـ / فــاطــمــه جــانــمـ

☑️ بند چهارم

سویله نولوبدی فاطمه
حسن سولوبدی فاطمه

دردین دمیر بیر کیمسیه
نــالان اولــوب دے

دییر آناما ای وای
غریب آناما لاے لاے

گدیر خیاله سسلیر
اے واے آنام واے

حسن گوروبدی کوچه بلاسین
اودور اوجالدیر آه و نواسین

? فــاطــمــه جــانــمـ / فــاطــمــه جــانــمـ

☑️ بند پنجم

ائوین صفاسی فاطمه
دردیم دواسی فاطمه

حسینیوین باشین دا وار
چــوخــلــی بــلاسی

حسینی بیر گون عطشان
ائدل‌له قانه غلطان

قالار بلا چولونده
پــیــکــری عــریــان

دئمه کی زینب اولار محن سیز
حسینی اوچ گون قالار کفن سیز

? غــریــب مــادر / غــریــب مــادر

  • جمعه
  • 24
  • شهریور
  • 1402
  • ساعت
  • 23:32
  • نوشته شده توسط
  • یوسف اکبری
ادامه مطلب

شعر ترکی زبانحال حضرت زهرا سلام الله علیها -(جان گیدیر یوخ منده طاقت شاه مردان یا علی) * مرحومه ام لیلی

1204
1

شعر ترکی زبانحال حضرت زهرا سلام الله علیها -(جان گیدیر یوخ منده طاقت شاه مردان یا علی) جان گیدیر یوخ منده طاقت شاه مردان یا علی
گل گیلن ایله تلاوت بیرجه قرآن یا علی

ای امام انس و جان گل سن حلال ایله منی
آیریلیق هنگامی دورترک ایلورم آلان سنی
ایستیوب بزم وصاله مصطفی احمد منی
عازمم خلد برینه ایندی مهمان یا علی

الوداع و الوداع ای پادشاه کن فکان
دورمنی ایله بقیعه یاعلی ایندی روان
یادیمه دوشموش بابام یوخدور گوزومده بو جهان
دورمنی تئزسال یولا ای شاه دوران یا علی

یاخشی حرمت قیلدیلار دلدادۀ پیغمبره
سیندی ظلمیله قابورقام چیخدی نالم گویلره
دستگیراولدی عم اوغلوم چکدیلرمسجد لره
عرشه چیخدی شیعه دن فریاد و افغان یا علی

من نه نوعی تاب ایدیم بو قدر درد و غملره
ظلمیله یاندی قاپوم هم یاندی جسم

  • سه شنبه
  • 16
  • بهمن
  • 1397
  • ساعت
  • 18:44
  • نوشته شده توسط
  • ابوالفضل عابدی پور
ادامه مطلب
 احمد پوریا

متن شعر ترکی میلادیه حضرت زهرا سلام الله علیها فارسی و ترکی -(ای گل باغ ازلی- نور چشمان علی) * احمد پوریا

1470
1

متن شعر ترکی میلادیه حضرت زهرا سلام الله علیها  فارسی و ترکی  -(ای گل باغ ازلی- نور چشمان علی) فارسی

ای گل باغ ازلی- نور چشمان علی
گو تو با صوت جلی- یا خانم فاطمه
خوش آمدی خوش آمدی- تو بتول احمدی
گل باغ سرمدی –یا خانم فاطمه
نور دل محمدی- فاطمه
خوش آمدی خوش آمدی -فاطمه

خیر النساء عالمین- مادر نور دوعین
افتخار ثقلین -یا خانم فاطمه
فرشته های آسمان - به سرور اهل جهان
شادی و نغمه کنان - یا خانم فاطمه
چشم و چراغ شیعیان- فاطمه
بر دل ما رو ح وروان- فاطمه

حور و فرشته خدمت -دل شیعه حرمت
به فدای قدمت – گل نیلوفری
از برکات ازلی - یار و دلدار و علی
دخت زیبای نبی - سوره ی کوثری
نور دل محمدی- فاطمه
خوش آمدی خوش آمدی- فاطمه

ترکی

ای بو جهانه افتخار- کوی و دریای وقار
خلقتونده سنی یار- ایلیوب شاهکار

  • چهارشنبه
  • 8
  • اسفند
  • 1397
  • ساعت
  • 20:45
  • نوشته شده توسط
  • ابوالفضل عابدی پور
ادامه مطلب
 ولی الله کلامی زنجانی

زبانحال حضرت زهرا(س) -(گل ای دلدار بلاکش عم اوغلی) * ولی الله کلامی زنجانی

1399
2

زبانحال حضرت زهرا(س) -(گل ای دلدار بلاکش عم اوغلی) گل ای دلدار بلا کش عم اوغلی
باشیم اوسته بیردم اگلش عم اوغلی
گوزون یاشین توک اورک سرین اولسون
و اِلّا سؤنمز بو آتش عم اوغلی

منیم تاجداریم خداحافظ
کمکسیز نگاریم خداحافظ

بو مدتده دؤزدی هر غمه زهرا
آدون دائم ائتدی زمزمه زهرا
قسم اولسون زینب و حسنینه
وصالون وئرمز مین عالمه زهرا

یتوب احتضاریم خداحافظ
کمکسیز نگاریم خداحافظ

خداحافظ ای غریب مدینه
سنی تاپشوردوم خدای معینه
حسینی قویما قوجاقیمه گلسون
علیجان نیلوم یارالیدی سینه

گئدوب اختیاریم خداحافظ
کمکسیز نگاریم خداحافظ

دئمم سیندی شهپریم سنه خاطر
یانار بلبل اوتدا گلشنه خاطر
ئوزوم وئردیم محسنی سنه قربان
علی سنده صبر ائله منه خاطر

شه بردباریم خداحافظ
کمکسیز نگاریم خداحافظ

  • یکشنبه
  • 16
  • آذر
  • 1399
  • ساعت
  • 23:15
  • نوشته شده توسط
  • یوسف اکبری
ادامه مطلب

نوحه حضرت زهرا(س) زبانحال حضرت علی(ع) -(آچ گوزلریوی غملی یاریم_وفا داریم) * علیرضا علوی زنجانی

1131
0

نوحه حضرت زهرا(س) زبانحال حضرت علی(ع) -(آچ گوزلریوی غملی یاریم_وفا داریم) آهنگ «از خون جوانان وطن لاله دمیده»

آچ گوزلریوی غملی یاریم وفا داریم
سولوب سارالمیشام من
آدامسیز قالمیشام من

بوشهریده یوخ هوا داریم ای نگاریم
داخی قوجالمیشام من
آدامسیز قالمیشام من

جهانی داغلارام من
عزاوی ساخلارام من
بالا لاریم لا باهم
غمونده آغلارام من

نه تز مندن دویوبسان
وفا رختین سویوبسان
بالا لارین غمینده
نیه آغلار قویوبسان

الله اورگیم دوتوب شراره ایله چاره
گیدور زهرا مزاره
خدایا ایله چاره

آغلور زینبیم قالمیشام آواره ایله چاره
گیدور زهرا مزاره
خدایا ایله چاره

جهانی داغلارام من
عزاوی ساخلارام من
بالا لاریم لا باهم
غمونده آغلارام من

نه تز مندن دویوبسان
وفا رختین سویوبسان
بالا لارین غمینده
نیه آغلار قویوبسان

اون سگیز ایلده گل عمری جفایله
سولان مظلومه زهرا
سولان مظلومه زهرا

ظلم ثانیدن در و دیوار اراسیندا
قالان معصومه زهرا
قالان معصومه زهرا

جهانی داغلارام من
عزاوی ساخلارام من
بالا لاریم لا باهم
غمونده آغلارام من

نه تز مندن دویوبسان
وفا رختین سویوبسان
بالا لارین غمینده
نیه آغلار قویوبسان

گلم هر گیجه مزاریون اوسته من خسته
علی نین قلبی قاندی
حسیندن ناگراندی

یانام هجرونده من آهسته چو پر بسته
علی نین قلبی قاندی
حسیندن ناگراندی

جهانی داغلارام من
عزاوی ساخلارام من
بالا لاریم لا باهم
غمونده آغلارام من

نه تز مندن دویوبسان
وفا رختین سویوبسان
بالا لارین غمینده
نیه آغلار قویوبسان

سنسیز نجه من گلوم زهرا غمون دیلدن
سیلوم زهرا آماندی
بو آیریلیق یاماندی

ایسته اللهدان بو گون منده اجل گلسین
ئولوم زهرا آماندی
فراق اوتی قالاندی

جهانی داغلارام من
عزاوی ساخلارام من
بالا لاریم لا. باهم
غمونده آغلارام من

نه تز مندن دویوبسان
وفا رختین سویوبسان
بالا لارین غمینده
نیه آغلار قویوبسان

  • جمعه
  • 28
  • آذر
  • 1399
  • ساعت
  • 20:51
  • نوشته شده توسط
  • یوسف اکبری
ادامه مطلب
 ابراهیم تون خوش قلم

شام غریبان حضرت زهرا(س) -(اولدی ملائک عرشیده یکسر نواخوان) * ابراهیم تون خوش قلم

732
3

شام غریبان حضرت زهرا(س) -(اولدی ملائک عرشیده یکسر نواخوان) به سبک (یا فاطمه من عقده ی دل وا نکرده ام ...)
(ای قلبیمون آرامش و صبر و قراری...)

اولدی ملائک عرشیده یکسر نواخوان
دوتدی علی دلدارینه شام غریبان

قاره چکوبلر ارض و سمایه
زینب گلوبدی آه و نوایه

باد خزان دگدی سولوبدور گلستانلار
دولدی بولوط لار آغلیور هفت آسمانلار
آغلور یئر اوستونده عزا بزمی قورانلار
عشاق حیدر سسلنور زهرایه قوربان

قاره چکوبلر ارض و سمایه
زینب گلوبدی آه و نوایه

بحر غم و محنت ائدوب طغیان الهی
عرش معلاده قوپوپ طوفان الهی
اولدی یتیم چون زینب نالان الهی
زهرا قیزی زلفی کیمی اولدی پریشان

قاره چکوبلر ارض و سمایه
زینب گلوبدی آه و نوایه

جناتیده ایلور نوا پیغمبر آغلور
زینب دیور ایوای ننم وای حیدر آغلور
آل رسولین حالینه یئر گویلر آغلور
چون فاطمه گئتدی حی یکتایه مهمان

قاره چکوبلر ارض و سمایه
زینب گلوبدی آه و نوایه

چرخی سینیدی ای خدا بو روزگارین
حیدر قویوبدی دیده تر قبره نگارین
سلب ایلیوبدور درد و غم، صبر و قرارین
ائتدی فراقون محنتی مولانی گریان

قاره چکوبلر ارض و سمایه
زینب گلوبدی آه و نوایه

  • دوشنبه
  • 1
  • دی
  • 1399
  • ساعت
  • 17:10
  • نوشته شده توسط
  • یوسف اکبری
ادامه مطلب
مرحوم رحیم منزوی اردبیلی

زبانحال حضرت زهرا(س) -(گَل اتاقی بیر خلوت ایلیاق تنگه گَلدی سینم عم اوغلی جان) *مرحوم رحیم منزوی اردبیلی

9476
67

زبانحال حضرت زهرا(س) -(گَل اتاقی بیر خلوت ایلیاق تنگه گَلدی سینم عم اوغلی جان) گَل اتاقی بیر خلوت ایلیاق تنگه گَلدی سینم عم اوغلی جان

آغلیاق حسینیله زینبه بیر دویونجا باهم عم اوغلی جان

دوقّوز ایلدی بو ایوده لطفیوین سایه سینده من دالدالانموشام

جان دیوب سنه جان ایشیتمیشم سن یانان مصیبتده یانموشام

هر گئجه حسینیم سو ایستیوب فضّه دن قاباق من اویانموشام

یوز گوزین اوپوب استراحتین ایتمیشم فراهم عم اوغلی جان

خاطر شریفون بو سوزلرین خاطرینه ناراحت اولماسون

زینبین اوزوم زلفینی یودوم فضّیه دیدوم زحمت اولماسون

اوز وظیفمه ایتموشم عمل خدمتیم سنه منّت اولماسون

بو دله گَلن سوزلریمده وار آیری سرّ مبهم عم اوغلی جان

نه بو ایوده کی خدمته گوره جان ویرن زمان اجرت ایستورم

نه حسین نه کلثوم و زینبیه ویردیقیم سوده قیمت ایستورم

بو سینمده کی قان اولان سودین خاطرینه حلّیّت ایستورم

سن منی حلال ایله تا ایدوم جان نثارِ مقدم عم اوغلی جان

دردمند اوشاقلاریمی چاغور شرح درد هجران ایدوم گیدوم

صبری تاپشوروم غم چکنلره درد اَلیله درمان ایدوم گیدوم

ویر حسینیمی بیرده سینمه، جان حسینه قربان ایدوم گیدوم

واضح اولسون آخِر وداعیده ابتدای ماتم عم اوغلی جان

گون باتاندا سعی ایله بو ایوه ظلمت دجی سایه سالماسون

آخشام اولجاقین بو یتیملر خاطرین غبار غم آلماسون

سن اوزون چراغ یاندور هر گئجه زینبیم قرانلوقدا قالماسون

زینب اوخشاسا منده آغلارام قبر ایچینده هردم عم اوغلی جان

قلبی تیز سنار لحظه الفتین بیر نفر کسنده حسینیلن

قویما سنده بیر لحظه آیریلا قارداشی حسنده حسینیلن

بیر زمان هله آیری گَزمیون مجتباده، سنده حسینیلن

سن یتیملر دادخواهی سن ای پناه عالم عم اوغلی جان

دست چشم بند قضائیلن سن که یانمالیدون فراقیمه

کاش او گون اُلِیدیم که ووردولار یاره قلب پر اشتیاقیمه

آستانه ده دفن ایدوب منی محسنی ویرِیدون قوجاقیمه

قبر اولیدی دلسیز شهیدیمه بو یارالی سینم عم اوغلی جان

یاندی ظلم ثانیدن ای عجب آستانه ی وحی لم یزل

باغلادی سنون قولّارون فلک، دشمنون منه قویمادی محل

قائد شریعت عیالینه اوز ایوینده آخِر آچیلدی اَل

بوسه گاه جِبریله ووردولار پشت پای محکم عم اوغلی جان

دفن و کفنیمون قیل تدارکین نصف شبده ویر غسلیمی اوزون

کوینگیم چخارتما یارالیم فاش اولونماسون سرّی بو سوزین

آی اگر ایشیق سالسا سینمه نالوی بلند ایتمه، یوم گوزوم

بیرده بیر گیچن حادثاتی سن ایلمه مجسّم عم اوغلی جان

  • چهارشنبه
  • 15
  • بهمن
  • 1399
  • ساعت
  • 22:17
  • نوشته شده توسط
  • یوسف اکبری
ادامه مطلب
کربلایی رحیم فیضی اردبیلی

سینه زنی حضرت زهرا(س) -(سینونده مسمار یاریوه آغلارام زهرا) *کربلایی رحیم فیضی اردبیلی

873
-1

سینه زنی حضرت زهرا(س) -(سینونده مسمار یاریوه آغلارام زهرا) سینونده مسمار یاروه آغلارام زهرا
آغلارام زهرا

سیلی دَیَن رُخساروه آغلارام زهرا
آغلارام زهرا

یازهـــــــــــــــــرا - یازهـــــــــــــــــــرا

سیلی دگنده صورتون - دَیْدی دیواره
درد و غمه دوشدی حَسَن - قالدی آواره
سیندی قولاقوندن یره - دوشدی گوشْواره
یانّام سینان گوشْواروه - آغلارام زهرا

سندن صورا زینب قیزون خانه دار اولدی
فِقــدانُوَه هجــرانوه - بیقــــرار اولدی
یاندی گووَرمیش صورته - اشکبار اولدی
زینب کیمی دلداروه آغلارام زهرا

  • پنج شنبه
  • 5
  • فروردین
  • 1400
  • ساعت
  • 10:54
  • نوشته شده توسط
  • یوسف اکبری
ادامه مطلب

زبانحال حضرت زهرا(س) -(عم اوغلی چوخ گول سارالار آغلاما خداحافظ) * احد عدلجوی تبریزی

644
1

زبانحال حضرت زهرا(س) -(عم اوغلی چوخ گول سارالار آغلاما خداحافظ) عم اوغلی چوخ گول سارالار
آغلاما خداحافظ
بو سن بو ائو بو بالالار
آغلاما خداحافظ

بو ائوده هر درد و غمه
سنده یانموسان منده
یاتانمادیم چوخ گجه لر
سنده آغلادین منده
خیال ایله بیر گولودوق
سنده سولموسان منده
چمنده چوخ گول سارالار
آغلاما خداحافظ

عم اوغلی یانّام بو غمه
اولدی درگهون مقتل
بو نسگلون بسدی منه
فضّیه دئدیم تئز گل
منیم غمیم بسدی سنه
قوی گئدیم بیر آز دینجل
بو سن بو ائو بو بالالار
آغلاما خداحافظ

سنون بیله آغلاماقون
قلبیمی ائله داغلور
سنه باخور گول بالالار
گوز یاشون یوزه باغلور
گوزون یاشون توکمه بیله
آغلاما حسین آغلور
او آغلاسا دل یارالار
آغلاما خداحافظ

حسن بیلور کوچه غمون
قویمادیم دیله سالسون
او کوچه ده اولدی نلر
روز محشره قالسون
گرک گله مهدی بالام
انتقامیمی آلسون
گله حسین قانین آلا
آغلاما خداحافظ

اگر چه آز عمروم اولور
نسگلیم منیم چوخدی
ئورکده هر درد و غمیم
قلبیوی دَلَن اوخدی
ئوزون منی قبره آپار
قارداشیم منیم یوخدی
بو سن بو ائو بو بالالار
آغلاما خداحافظ

او ناگران گوزلرووه
گوزلریم فدا اولسون
من آغلورام آغلاما سن
قویما گوزلرون دولسون
بالالاریم نازینی چک
قویما گوللریم سولسون
تک ائوده قومیا قالالار
آغلاما خداحافظ

گجیله وئر غسل منه
دفن ائله گجه یاری
مزاریمی ایتگین ائله
ای بلا گرفتاری
مزاره قوی تئز گئت ایوه
قویما تک بالالاری
یولووی گوزلر بالالار
آغلاما خداحافظ

حسینیله زینبیمون
غصه قلبینی داغلار
حسینیم اللرده ئولر
زینبیم باخار آغلار
وئرنده جان گوزلرینی
کیم حسینیمین باغلار
عم اوغلی چوخ گول سارالار
آغلاما خداحافظ

  • پنج شنبه
  • 6
  • خرداد
  • 1400
  • ساعت
  • 21:58
  • نوشته شده توسط
  • یوسف اکبری
ادامه مطلب

حضرت زهرا (س) -(دئمرم دردیمی من فاطمه جان اوزگه لره) * ناشناس ؟؟؟

690
1

حضرت زهرا (س) -(دئمرم دردیمی من فاطمه جان اوزگه لره) دئمرم دردیمی من فاطمه جان اوزگه لره
سائلم رو سیهم گئتممیشم آیری دره

رحمتیندن بوگئجه لطف و عطاایله خانم
درده درمان گزیرم درده دوا ایله خانم
سنی مولا بیزی بیر دفعه دعا ایله خانم
نظر لطفون اولا مفرغیده در ائیلر
یاری اغیاریدن آزاد ائلیب حر ائیلر

دهره عاشق دگولم نئیلیرم دنیانی
قاپووین سائلیم ایستمیرم عقبانی
عالمه شاهیدی زهرا قاپووین سلمانی
آنداولا سوره ی یاسینله هم طاهایه
معجرون بیر نخی والله باش اولار دنیایه

یازلیب آیه ی قرآنیده سبحان تکدی
نقدر واردی کتاب عالم قرآن تکدی
رتبه ده بوذر و مقدادیله سلمان تکدی
سلمانین رتبه سی هر چند کی شایان اولدی
ئوپدی زهرا قاپوسون شانی دو چندان اولدی

عشقون عالمده بیزه اولدی بویوک سرمایه
نه ورولدوخ بیرینه نه دلیوخ لیلایه
دهریده فخر ائدروک بیز اوجابوی سقایه
شاعران واژه لری عاجز و دیوانه سیدی
شمع رخسارینه عاشقلری پروانه سیدی

نه بیلور جاهل عربلر کی گل یاس ندور
داشاسجده ایلیین بیلمیری الماس ندور
رتبه ی قنبره باخ گور آقام عباس ندور
او علی اوغلیدی عالم آدینا مشتریدی
بوذر وقنبر و سلمان آقامون نوکریدی

  • پنج شنبه
  • 24
  • تیر
  • 1400
  • ساعت
  • 14:00
  • نوشته شده توسط
  • یوسف اکبری
ادامه مطلب

در مدح حضرت زهرا (س) -(صاحب اجلال و حیا فاطمه) *استاد محمد فیروزی

731
2

در مدح حضرت زهرا (س) -(صاحب اجلال و حیا فاطمه) صاحب اجلال و حیا فاطمه
بانی اجلاس عزا فاطمه
شمس جلی ماه وفا فاطمه
بحر شرف کوه عطا فاطمه
شیر زنِ شیر خدا فاطمه
عالم اولوب درگهینه خادمه
عشقیله ای شیعه ده یافاطمه

آی کیمی رخساری درخشنده دی
تیغ مثالی سوزی برنده دی
آدینه عشق اهلی پناهنده دی
مکتبی تا روز جزا زنده دی
اولمیوب اولمز آدی پاینده دی
اقدس آدی عرشه اولوب قائمه
عشقیله ای شیعه ده یا فاطمه

نابغه دی دختر ختم رسول
شخصیتین درک ائده بیلمز عقول
ایلمه دی راهِ ولادن عدول
ایلمه دی ذلتی هرگز قبول
آگه اول ای دشمن رذل و جهول
اگمدی باشین بو خانم ظالمه
عشقیله ای شیعه ده یا فاطمه

حضرت حیدر او حقیقت شعار
آدینه عالم ائلیور افتخار
ائتمدی هچ جنگیده اصلا فرار
سسلدی وقرِ نبوی منده وار
فاطمه دی قدرتِ بو ذولفقار
آدینی خنجر ده ائدور زمزمه
عشقیله ای شیعه ده یا فاطمه

فاطمه نین منصبینه عاشقوک
قلبیده تاب و تبینه عاشقوک
نهضتینه مکتبینه عاشقوک
عاشقینون اغلبینه عاشقوک
خصمی یخان زینبینه عاشقوک
ایله دی زینب قیزینی عالِمَه
عشقیله ای شیعه ده یا فاطمه

فاطمه سیز یوخدو گونون تابشی
فاطمه سیز یوخ بشر آرامشی
ایستسه هر کیم اگر آسایشی
ابرِ سما یاغدرا عشق بارشی
صدقیله اتسون خانما خواهشی
لطف ائدر عشاقینه بی خاتمه
عشقیله ای شیعه ده یا فاطمه

فاطمه نین گوزلریدی سلسبیل
فاطمه دی گوهرِ ناب و اصیل
محضرینه تعظیم ائدور جبرئیل
اولمادی بی عاطفه خلقه دخیل
پشت دَر اولدی رهه عشقه کفیل
لعن اولا سسلندی رذیل حاکمه
عشقیله ای شیعه ده یا فاطمه

  • یکشنبه
  • 31
  • مرداد
  • 1400
  • ساعت
  • 17:55
  • نوشته شده توسط
  • یوسف اکبری
ادامه مطلب

زبانحال حضرت زهرا (س) -(گل عمو اوغلی باشیمی آل دیزیوه) *مرحوم سید حسین رجائی تبریزی

1085
1

زبانحال حضرت زهرا (س) -(گل عمو اوغلی باشیمی آل دیزیوه) گل عم اوغلی باشیمی آل دیزیوه
توكمه گوز شبنمیوی گل یوزیوه
آیریلیق دوزدی چتین مرحله دی
آغلاما فاطمه قربان گوزیوه

یتشوب موسم هجران اولورم
غصه دن باغریم اولوب قان اولورم
یوخ ئولوم دردینه درمان اولورم
آغلاما فاطمه قربان گوزیوه

دولدوروب سینه می اندوه و محن
گدیرم محضره پیغمبره من
دویموشام بو دیریلیقدان بولوسن
آغلاما فاطمه قربان گوزیوه

هجر پیغمبره یوخ منده دوزوم
آغلری بسر نچه مدّتدی گوزوم
گوزلوری قابض الارواحی گوزوم
آغلاما فاطمه قربان گوزیوه

گل غنیمتدی بو آخر نفسیم
صون نفسده منیم اول دادرسیم
بولوسن ئولماقا وار چوخ هوسیم
آغلاما فاطمه قربان گوزیوه

حقیمی اهل جفا الدن آلوب
غصّه تاثیریدی رنگیم سارالوب
سنه نسگلدی الیم یوزده قالوب
آغلاما فاطمه قربان گوزیوه

نه روا مجلس شورا قورالار
رای آلوب درگهیمی یاندیرالار
نیلمیشدیم منه سیلی ورالار
آغلاما فاطمه قربان گوزیوه

بزم خلوتگه یاره گدیرم
دلخوشام وصل نگاره گدیرم
حیف اولا سینه ده یاره گدیرم
آغلاما فاطمه قربان گوزیوه

بزم یاره هر او كس دعوت اولور
زینتی فاخر و پرقیمت اولور
محسنین قانی منه زینت اولور
آغلاما فاطمه قربان گوزیوه

دیسه جدّیم كه بو رخساره ندور
یوزده كی سینه ده كی یاره ندور
نه دیوم من باباما چاره ندور
آغلاما فاطمه قربان گوزیوه

سنی شاهد توتورام بو سوزومه
لیل تار اولدی ایشیق گون گزیمه
دییرم سیلی ویربلار یوزمه
آغلاما فاطمه قربان گوزیوه

سنه قورموشدوم او گون بزم عزا
هله یاسلیدی هامی آل عبا
وردیلار اوت قاپیه اهل جفا
آغلاما فاطمه قربان گوزیوه

بیر یارام وار یاراسی گتمیه جاق
حشر اولونجا منی ترك اتمیجاق
قنفذین قمچی یری گتمیه جاق
آغلاما فاطمه قربان گوزیوه

ولی بو سینه مین آثاری بابا
كشف ایدیر ضربت مسماری بابا
بویادی قان در و دیواری بابا
آغلاما فاطمه قربان گوزیوه

حكم اولوب ظلمیده حدّدن چخالار
منی ضرب لگدیله یخالار
در و دیوار آراسیندا یخالار
آغلاما فاطمه قربان گوزیوه

هر بلا گلدی دوزوب غم یمدیم
حق رضاسی واریدی اینجیمدیم
دین یولیدی دایانوب لا دیمه دیم
آغلاما فاطمه قربان گوزیوه

قوی ئولوم قورتولوم ای شاه زمن
قالمیوم بو غم ایامیله من
سرّیمی غسل ورنده بولسن
آغلاما فاطمه قربان گوزیوه

ای (رجایی) سوزون آغلاتدی منی
پور بینا گتوروب شوره سنی
گوردی تا آغلادی بو سر سخنی
آغلاما فاطمه قربان گوزووه

  • دوشنبه
  • 12
  • مهر
  • 1400
  • ساعت
  • 16:12
  • نوشته شده توسط
  • یوسف اکبری
ادامه مطلب

زبانحال حضرت زهرا (س) در حال احتضار -(شامل ایلدون حالیمه منیم دوقوز ایل عنایت عم اوغلی جان) *حاج مهدی سالک

1201

زبانحال حضرت زهرا (س) در حال احتضار -(شامل ایلدون حالیمه منیم دوقوز ایل عنایت عم اوغلی جان) شامل ایلدون حالیمه منیم
دوقوز ایل عنایت عم اوغلی جان
آخر عمریده باشیم اوسته سال
ظلّ لطف و رحمت عم اوغلی جان

آفتاب عمریم غروب ایدور
زحمتیم چوخ اولسا گذشت ایله
تیز اولار گوررسن که ایتمیشم
رفع رنج و زحمت عم اوغلی جان

آز قالور که من سندن آیریلام
بو مسائله واقفم اوزوم
گوئیا دعامی ایدوب حقِ
لم یزل اجابت عم اوغلی جان

بو فنا جهاندا عم اوغلی جان
آز زمان سنون من قوناقوام
فصل وصلیمیز یتدی آخره
گلدی فصل فرقت عم اوغلی جان

رحلت ایلینده ویروب منه
وعده ملاقات آتام رسول
اشتیاقیله منده ایتمیشم
دعوتین اجابت عم اوغلی جان

سن آتام وصایاسینه گوره
ایلدون سکوت اختیار من
غاصبان حقیمدن ایلدیم
اشکیمیله نفرت عم اوغلی جان

باب وحی پاکوب اولاندا من
چکمیشم نلر خدا بولور
سینمه دگن میخ آهنین
شرح ایدر حکایت عم اوغلی جان

چوخلی اهتمام ایلدیم درِ
خانه ی امامت آچیلماسون
سینمی سپر ایلدوم اولام
حامی ولایت عم اوغلی جان

مین یول ئولدوروب خلق ایده اگر
خالق جهان آفرین منی
تاپمیوبدی تاپماز خلل سنه
منده کی ارادت عم اوغلی جان

سن آتام وصایاسینه گوره
تیغ آتشین آلمادون اله
دست قدرتی باغلاماقلیقا
کیمده واردی قدرت عم اوغلی جان

مردمان روبه صفت بولوب
تیغ چکماقا سنده یوخ نظر
شیری دستگیر ایتماقا تاپوب
جمله سی جسارت عم اوغلی جان

قنفذ اولماسیدی ئولنجه ال
دامنوندن اوزمزدی فاطمه
نیلیوم اونون ظلمی ائیلدی
سلب تاب و طاقت عم اوغلی جان

حال ضعفدن تا آیلمیشام
حالیوی خبر آلمیشام ازل
فضه اختصاریله ایلیوب
حالیوه اشارت عم اوغلی جان

فضّه تا دیدی مسجده سنی
چکدیلر جماعت کشان کشان
بیر خدا بولور بیر اوزوم منه
یوز ویروب نه حالت عم اوغلی جان

حالیوی بولن لحظه ایلدیم
حالیمی فراموش او دمده من
هر غمی فراموش ائدر بلی
شدّت محبّت عم اوغلی جان

ظاهراً قیام ایتماقا او دم
سلب طاقت اولموشدی باطناً
بیر قیامت ایتدی قیام او گون
بو خمیده قامت عم اوغلی جان

باشدا کی قرا معجری ازل
محکم ایلدیم بو خیالیله
بانوان دنیایه تا ویرم
درس حجب و عصمت عم اوغلی جان

مسجده گلینجه اوتورموشام
نیچّه یول یره بین راهیده
یوخ سوزوم ره عشقی طیّ ایدن
چوخ چکر مشقّت عم اوغلی جان

قولاریوی باغلی گورن کیمی
ایلدیم ئولوم آرزو ولی
واقفم ایدوب بو مسائله
اقتضا مشیّت عم اوغلی جان

سویلدیم گیچن خاطراتیدن
تازه لندی دردون گذشت ایله
درد دل گتدی باشلادیم
بیر اوزون حکایت عم اوغلی جان

گل اوتور بیر آز درد دل ایداخ
گلمه میش ایوه گل بالالاریم
زینبون یانیندا ائدنمرم
من سنه وصیت عم اوغلی جان

یادگار پیغمبری آپار
قبر ایاقینه نصف شب نهان
فرض ایله ئولن بیر غریب دور
شهر شهر غربت عم اوغلی جان

بیرده ایتگین ایله مزاریمی
دلده دردوی گزلدن کیمی
غم یمه که گون تک عیان اولار
عالمه حقیقت عم اوغلی جان

گئتمه قبریم اوستن کناره سن
جسمیمی مزاره قویان کیمی
قبریم اوسته اگلشسن ائتمرم
قبر ایوینده وحشت عم اوغلی جان

بیر وصیتمده بو دور سنه
غسلومی ویرن وقته نصف شب
خارج ایتمه تندن بو کوینگی
وار بو امره علت عم اوغلی جان

مایه ی تاسف اولار سنه
خارج اولسا غسلومدا کوینگیم
فاش اولار اثر ظلمدن توکر
چشمون اشک حسرت عم اوغلی جان

قبر ایوینده ده راحت اولمارام
آخسا گوز یاشون گل جمالوه
گوزلرون فداسی اولوم ایله
حالیمی رعایت عم اوغلی جان

جان ویرنده کیم گورسه گل یوزون
ایلمز داخی جنت آرزو
باشیم اوسته گل ای منیم کیمی
عالمیمده جنت عم اوغلی جان

(سالک) و عزا ساخلینلرون
دلده مشترک آرزوسی وار
بو امیدیلن گل یوزون ایده
جان ویرن زیارت عم اوغلی جان

  • پنج شنبه
  • 15
  • مهر
  • 1400
  • ساعت
  • 13:07
  • نوشته شده توسط
  • یوسف اکبری
ادامه مطلب

حضرت علی (ص) حضرت زهرا(س)یه خیطاب ائدیر *

4580
6

حضرت علی (ص) حضرت زهرا(س)یه خیطاب ائدیر دردیم دواسی زهـرا روحیم صفاسی زهرا
گیزلینده قبره گئتمیش گیزلین یاراسێ زهرا
آواره دیر عم اوْغلۇن (۲)

(شابئیت جاوابی)
زهرا منی دانێشدێر آز قلبیمی آلێشدێر
گؤگلۆن کۆسۆبدۆ منده‌ن اینصافه گل بارێشدێر
آواره دیر عم اوْغلۇن (۲)
روسوا ائدیبدی کوفری، پئیغمبرین شوعاری
سێندێردێ دست-ی-ظۆلمۆ، زیبا سؤزۆن، ووقارون
بیلمه‌م کی دۆشدۆ هاردان، جبره‌ن سنین گوذارون
غوسلون وئره‌نده گؤردۆم، نیلی اوْلۇب عوذارون
آواره دیر عم اوْغلۇن (۲)
واردێر یئری اۇجالسا هر لحظه شور-وْ-شینیم
قوْل باغلێیام قضاده‌ن، چاره‌م کسیلدی نئیلیم
آواره دیر منیم تک ایسته‌کلی نور-ی-عئینیم
زینب غموندا اوْخشار، دائیم مله‌ر حۆسئینیم
آواره دیر عم اوْغل

  • چهارشنبه
  • 17
  • فروردین
  • 1390
  • ساعت
  • 10:59
  • نوشته شده توسط
  • سعيد رضايي
ادامه مطلب
راهنمای علائم موجود در فهرست:
عدد کنار این علامت نشانگر تعداد کاربرانی ست که این مطلب را پسندیده و به دفترچه شعر خود افزوده اند
عدد کنار این علائم نشانگر میزان محبوبیت شعر یا سبک از نظر کاربران می باشد
اشعار ویژه در سایت برای کاربران قابل دسترس نیست و فقط از طریق خرید اپلیکیشن مورد نظر این اشعار در داخل اپلیکیشن اندرویدی قابل رویت خواهند بود
این علامت نشانگر تعداد کلیک یا بازدید این مطلب توسط کاربران در سایت یا اپلیکیشن می باشد