اشعار مخصوص امام موسی کاظم

مرتب سازی براساس
 بهلول حبیبی زنجانی

نوحۀ شام غریبان حضرت موسی بن جعفر(ع) از زبان حضرت معصومه(س) -(ویردی خبر پیک اجل رضا جان رضا جان) * بهلول حبیبی زنجانی

866
1

نوحۀ شام غریبان حضرت موسی بن جعفر(ع) از زبان حضرت معصومه(س) -(ویردی خبر پیک اجل رضا جان رضا جان) ویردی خبر پیک اجل رضاجان _رضاجان
ئولدی آتام دادیمه گل رضاجان_رضاجان

مبحس هاروندا آتام قوجالدی_قوجالدی
گل کیمی زندانداصولوب سارالدی_سارالدی
اون بیر ایلی بو ئورگی غم آلدی_غم آلدی
سونمویه جاق نور ازل رضاجان_رضاجان

غصه دوتوب ئللریوی برادر_برادر
سیلیگیلن اول گوزلریوی برادر_برادر
چک باشیما اللریوی برادر_برادر
حی علی خیر العمل رضاجان_رضاجان

کونده ایاقینده آتام ویروب جان_ویروب جان
بوینونی زنجیر جفا ایدوب قان_ایدوب قان
حبسیده چوخ ایتدی ستم نگهبان_نگهبان
یاز ورق عمره غزل رضاجان _رضاجان

  • سه شنبه
  • 26
  • مرداد
  • 1400
  • ساعت
  • 10:32
  • نوشته شده توسط
  • یوسف اکبری
ادامه مطلب
فروشگاه پرچم

شهادت حضرت موسی بن جعفر(ع) -(باراِلها تنگ اولوب زندان منه) *مرحوم انور اردبیلی

718
0

شهادت حضرت موسی بن جعفر(ع) -(باراِلها تنگ اولوب زندان منه) باراِلها تَنگ اوُلوب زندان منه
حبس دَه بیر اِیل کِچور هر آن منه

موسی جَعفر اَبا ابراهیمم
یاخشی ئوز گوسترمدی دوران منه

صادقم صادق اِمامون اُوغلیام
عبدِ صالح دور گُوزل عنوان منه

اوُلدوم اُول گُون که اِمامِ کاینات
یتدی سندن رُتبهء شایان منه

شاهدِ عادل ئوزون سن حالمه
اِستراحت اولمیوب اِمکان منه

اِیستدوم سندن ئوزوم خلوت مکان
فیضِ سجدَه تا اولا ارزان منه

عرضیمی اِئتدون خداوندا قبول
خوانِ لطفوندن یتوب اِحسان منه

سلسله جاندان سالوب چارم ندور
دورماقیم یِردن دَگول آسان منه

نچه اِیل دور گردنیم دَه سلسله
مونسیم دور اولموش آویزان منه

بَصره دَه زنداندا قالدوم مدّتی
اوردا خوش کچدی گُونوم بُوردان منه

فضل زندان بانیمیدی روز و شب
ائتمیوردی سَند تک طُغیان منه

هانسی ظلمی ائتمیشم هارونه من
تیره محبس دَه ائدور جبران منه

آدیمی قویدی منیم اخلالگر
قورخمادی سَندَن دِئدی بهتان منه

خانوادَم بیلمیور من هاردیام
منتظر دور بیر بُلوک طفلان منه

ناگرانم چوخ قزیم معصومه دَن
سخت اولوبدی عالمِ هجران منه

نامه یازمور نیلسون اوغلوم رضا
نامه یازسا یولّاسون هاردان منه

چاره ساز الله ئوزون بیر چاره قیل
اَل تاپوب درّندهء خون سان منه

محبسه هر وقت گلور توهین اِئدور
دشمنِ جان دور بو زندانبان منه

تنگ یِرده تنگه گلدوم نیلیوم
حکم اِیله گلسون اَجل الاّن منه

اولمیوم سندیله بیرده رو برو
آچماسون قمچی او بی اِیمان منه

زَهرلی خرمانی جبریله وئروب
قویمیوب قالسون او ظالم جان منه

ای قلم کرب و بلایه چک سوزی
یوز ویروب دور حالتِ افغان منه

مقتله دوشمشدی شاهِ نینوا
هیچ دیموردی ارحم اِی سُبحان منه

سسلنوردی یا غفور و یا رحیم
خیمه‌ لردن خوشدی بو میدان منه

نوحِ عشقم قالمشام طوفاندا من
ذرّه تأثیر اِیلمز طوفان منه

گلشن اوُلدی جدّیمه نمرود اوُدی
اوُد توکور خورشیدِ نُور افشان منه

یِر قزوب قوملار قزوب داشلار قزوب
آتشِ جانسوز دور هر یان منه

دوشدی یوسف چاهه دوتدی جَبرئیل
ویرموسن بو باره‌ دَه رِج حان منه

چاهِ عقشیم دور چوخور یِئر چخمارام
غبطه ایلر یوسفِ کَنعان منه

کُولگه یِرده کسدیلر یحیی باشین
بنذمز یحیی‌ دَه ای مَنّان منه

شمر کسمز کُولگه یِرده باشمی
آغلاسون یحیی گرک دور قان منه

نیزه اوسته باش لاسام تکبیریمی
ماُت اولور داوود خوش اِلحان منه

مَدّینَه موسی قاچوب فرعون دَن
واله اولسون موسی عُمران منه

من عمر سعدون اَلیندن قاچمادیم
عاشقم حاشا یِته نقصان منه

دارون اوستوندن قاچان عیسی هانی
دارِ مُحنتده اولا حیران منه

یولّادون اسماعیله یارَب فَدا
واردی شکریم گلمدی قربان منه

گتدی یتمش بیر نفر اسماعیلیم
خوشدی لفطون اولسا پشتیبان منه

خضرِ دشتِ کربلایم باخمارام
چکسه حسرت چشمهء رضوان منه

باشیم اوسته باش آچوب دور اَبجدیم
هی باخولّار دیده‌ سی گریان منه

حضرتِ زَهرا اَلین دَه معجری
مجتبائی له گلوب مهمان منه

عاشقم من عاشقِ کامل عَیار
ذات پاکون دور سنون جانان منه

تلّون اوستن قتلگاهه بوی لانور
گُوز تیکوب اطفالِ سرگردان منه

عترت و اطفال دَن گُوز یوموشام
بس دی یارَب ذِکرِ الرَحمان منه

اکبریم دَن اصغر و عباسی دَن
خوشدی یارَب اِیتدی گیم پیمان منه

امر ایله گلسون بلا اوستن بلا
حاضرم سن ویر فقط فرمان منه

شاد اولور روحیم قوشی شَهپر آچور
دگدوقی جه نیزه و پیکان منه

جان ویرن وقته باجیم زینب گلوب
قتلگهده تاپماسون درمان منه

مانعی یوخ جسمم اولسا پایمال
قالماسون بو سینهء شان شان منه

باش یارا آلنیم یارا آغزیم یارا
سجده چوخ لذّت وِیرور اَلان منه

ناطقِ قرآنم عاشق لر دییر
جلدسیز شیرازه سیز قرآن منه

(انورم) ای شاهِ گردون تاج حسین
سند اِیدوب سن لطفِ بی پایان منه

  • سه شنبه
  • 30
  • شهریور
  • 1400
  • ساعت
  • 21:40
  • نوشته شده توسط
  • یوسف اکبری
ادامه مطلب
 بهلول حبیبی زنجانی

متن شعر ترکی زبانحال حضرت امام کاظم علیه السلام -(اوغول رضا هایانداسان) * بهلول حبیبی زنجانی

2120
2

متن شعر ترکی زبانحال حضرت امام کاظم علیه السلام -(اوغول رضا هایانداسان) اوغول رضا هایانداسان
نفس دوشوب شماره گل
یومور گوزون غریب آتان
اوغول باشیندا قاره گل

منه زندان گوشه سی اوغلوم اولدی تقدیر
قیزیم معصومه فراقینده اولموشام پیر
یارالیدور هم ایاقیم هم بوینوم اوغلوم
ایاقیمده،کونده،بوینومدا واردی زنجیر
رضاجان(4)

خدای لاینامی من
اوغول عبادت ایلدیم
ظالمه باش خم ایتمدیم
حقدن اطاعت ایلدیم

قرانلوق زنداندا گل باخ بیر چشم تاره
بو حاله آغلور مه و خورشید و ستاره
امام عصرم اگر باخسام تپراقا من
اولار تپراق ،کیمییا ایتسم گر اشاره
رضاجان(4)

اوغول یتیش هراییمه
وفا باغی خزان ویرور
جدیم حسین کیمی آتان
قوری یر ایچره جان ویرور

دم آخرده اولوب ذکریم جان یارالی
دوشوب یاده کربلاده عط

  • چهارشنبه
  • 22
  • اسفند
  • 1397
  • ساعت
  • 11:31
  • نوشته شده توسط
  • ابوالفضل عابدی پور
ادامه مطلب
 ولی الله کلامی زنجانی

یاباب الحوائج -(گل باغ حیدر یاموسی بن جعفر) * ولی الله کلامی زنجانی

2890
3

یاباب الحوائج -(گل باغ حیدر یاموسی بن جعفر) گل باغ حیدر یاموسی بن جعفر
عزیز پیغمبر غریب بغداد
قالان ای بحراندا اون بیر ایل زنداندا
ائدن اهل عشقی بلادن آزاد
واویلا واویلا(۳)مظلوم آقام وای

سنی بی دین هارون سیه چاله سالدی
بالالارون قالدی وطنده دلگیر
ایکی قوللار باغلی یانان سینه داغلی
ایاقونده کنده بوینوندا زنجیر
گجه لر راز اوسته راز و نیاز اوسته
زندانی دولدوردی نوای تکبیر
واویلا واویلا...

یوخودی همدردون رضانی سسلردون
دیردون گل اوغلوم بو حاله آغلا
اورک احساسین گور زنجیر یاراسین گور
گتور الده دستمال یارامی باغلا
گلِ آل هاشم قان اولدی گوزیاشم
غریبلر شهرینده منه یاس ساخلا
واویلا واویلا...

گوزونی معصومه یولا هرگون تیکدی
انتظارون چکدی آتامی گ

  • یکشنبه
  • 11
  • فروردین
  • 1398
  • ساعت
  • 15:20
  • نوشته شده توسط
  • ابوالفضل عابدی پور
ادامه مطلب

شهادت حضرت موسی بن جعفر(ع) -(جان ویرور زندانیده موسی بن جعفر یاعلی) * ناشناس ؟؟؟

594

شهادت حضرت موسی بن جعفر(ع) -(جان ویرور زندانیده موسی بن جعفر یاعلی) جان ویرور زندانیده موسی بن جعفر ،یاعلی
باش آچوب ایوای دیرسلطان محشر ،یاعلی
یاعلی ویاعلی ویاعلی

گوزیاشین جاری ایدوب زهرای اطهر وای دیر
اوخشیوب افلاکیان شام وسحر ایوای دیر
آسمان اهلی انوب یره اونا لایلای دیر
بیرقوجا سید دوشوب توپراقه مضطر یاعلی
یاعلی ویاعلی ویاعلی

تتریریاپراق مثالینده فلک لر آغلیار
نی کیمی ناله اید وب گویده ملک لر آغلیار
لخته لخته قان اولوب داغلی اورک لر آغلیار
وای آقام ایوای دیراولاد حیدر یاعلی
یاعلی ویاعلی ویاعلی

محبس تاریکده حوران توکر گوزیاشینی
چرخ گر دون گورنجه سالدی بلایه با شینی
سس بوروندوردی سرا سر چوللرین داغ داشینی
اولدی اماج بلا محبوب داور یاعلی
یاعلی ویاعلی ویاعلی

  • سه شنبه
  • 26
  • مرداد
  • 1400
  • ساعت
  • 10:35
  • نوشته شده توسط
  • یوسف اکبری
ادامه مطلب
میرزا حسین کریمی مراغه ای

متن شعر ترکی شهادت حضرت امام کاظم علیه السلام -(بیر نظر قیل محبس بغداده یا صاحب زمان ) *میرزا حسین کریمی مراغه ای

850

متن شعر ترکی شهادت حضرت امام کاظم علیه السلام  -(بیر نظر قیل محبس بغداده یا صاحب زمان ) بیر نظر قیل محبس بغداده یا صاحب زمان
جدّیوین حالین گوروب گل داده یا صاحب زمان
.
.
اون بیر ایل زنداندا قالدی پراسف احوالیله
مونس اولدی کنده و زنجیر و اشک آلیله
چخدی زنداندان وجودی دورت نفر حمّالیله
آغلاروق بو محنت عظماده یا صاحب زمان
.
.
نردبان اوسته گوروب نعشین سلیمان خوار و زار
واغریبا سسلنوب گوزیاشینی ایتدی نثار
آلدی نعشین، غسل ویردی، ایتدی کسب افتخار
ایتدی پر قیمت کفن آماده یا صاحب زمان
.
.
امر ایدوب اهل حرم آلدی آرایه نعشینی
وا اماما سسلنوب، آچدی خانملار باشینی
زفلرین افشان ایدوبلر توکدولر گوزیاشینی
سنده گلدون عالم معناده یا صاحب زمان
.
.
جان ویروب موسی ابن جعفر گرچه چوخ تحقیریله
اولدی بیر

  • شنبه
  • 2
  • فروردین
  • 1399
  • ساعت
  • 21:28
  • نوشته شده توسط
  • ابوالفضل عابدی پور
ادامه مطلب
 وفا منافی اردبیلی

زبانحال امام موسی کاظم(ع) -(اون بیر ایل دی رضانی گورممیشم) * وفا منافی اردبیلی

416
1

زبانحال امام موسی کاظم(ع) -(اون بیر ایل دی رضانی گورممیشم) اون بیر ایل دی رضانی گورممیشم
قیزلاریمدان نشانی گورممیشم

اون بیر ایل دی ملردی معصومه م
او شیرین دیل بالانی گورممیشم

اون بیر ایل دی مدینه‌دن اوزاقام
خانه و آشیانی گورممیشم

اون بیر ایل دی مزاریده یاشورام
بیر بئله زندگانی گورممیشم

اون بیر ایل دی کفن وار اگنیمده
تازه رخت و عبانی گورممیشم

حسرتم بیر قوری سلامه فقط
اون بیر ایل مهربانی گورممیشم

اون بیر ایل دی ستاره آختارورام
چهرۀ آسمانی گورممیشم

گوندوزومده قرا گجه‌مده قرا
گویده نور و ضیانی گورممیشم

سحرین رنگی هئچ یادیمدا دگول
گور هاچاندی صبانی گورممیشم

کعبیه اون بیرایل دی چاتموراَلیم
عطرِ سعی و صفانی گورممیشم

اون بیر ایل دی بقیعه فکر ائدورم
او بهشتِ نهانی گورممیشم

هرنه‌دن چوخ بو درده اوتلانورام
اون بیر ایل کربلانی گورممیشم

  • چهارشنبه
  • 25
  • فروردین
  • 1400
  • ساعت
  • 15:41
  • نوشته شده توسط
  • یوسف اکبری
ادامه مطلب
 ولی الله کلامی زنجانی

ماه مبارک رجب و گریز به شهادت حضرت موسی ابن جعفر (ع) -(قیامتین گونی گویدن یره ندا گله جاق) * ولی الله کلامی زنجانی

688

ماه مبارک رجب و گریز به شهادت حضرت موسی ابن جعفر (ع) -(قیامتین گونی گویدن یره ندا گله جاق) قیامتین گونی گویدن یره ندا گله جاق
که اهل حقّه بو گون رحمت خدا گله جاق

خوشا رجب آیینون صائمین و قائمینه
که غیبدن اولارا لطف کبریا گله جاق

خدا بیزی رجبیّون صفینده محشور ائت
که اولّارون باشینا سایۀ ولا گله جاق

بلی رجب آییدی ماه رحمت و برکت
بو آیدا غم زده سائل لره عطا گله جاق

قدم قویوبدی جهانه بو آیدا اوچ معصوم
که آدلارین دوتانون روحینه صفا گله جاق

بو آیدا اولدی پیمبر رسالته مبعوث
داریخما چوخ ، اَلَه مقصود و مدّعا گله جاق

بو آیدا رحلت ائدوب فاطمه قیزی زینب
گر آغلاسان گوزیوه حشریده ضیا گله جاق

بو آیدا حضرت هادی شهادته یتیشوب
اونون الیله اؤرک دردینه دوا گله جاق

قلم گزور تاپا باب الحوائجین قاپوسین
آدین دئسم سسه سُکّان نه سما گله جاق

بو آیدا فاطمه موسی ابن جعفره آغلار
کیم اوخشاسا بالاسین مجلسه آنا گله جاق

قالوبدی گوشۀ زنداندا عمری قورتولدی
ائله دیَردی هاچان باشه ابتلا گله جاق

الهی فاتح ائله امتحاندا موسانی
مطیعیوَم باشا گر هر نه ماجرا گله جاق

عزیز بالالاریمی اون بیر ایلدی گورمه میشم
عیادته بو گئجه هانسی آشنا گله جاق؟

اگر اجابته یتسه دعای خلِّصنی
مدینه دن یانیما ختم الانبیا گله جاق

اگر چه محبس هاروندا بیر چراغ یانمور
چراغی نیلور او محبَس که مرتضی گله جاق

تنور خولیه آیا گئدن بورا گلمز؟
گلر یقین ، بُلورم خیرةالنسا ، گله جاق

آچین منیم قولومی بسدی ای نگهبانلار
منیم سراغیمه آخر بالام رضا گله جاق

سو وئرمیون منه خوشدی جگرلریم یانسون
سوسوز قوناق منه مظلوم کربلا گله جاق

ز بسکه زهر جفادن دوداقلاریم گوؤَریب
بقیعه چاتسا سسیم داده مجتبی گله جاق

هزار حیف اوزاقدی مدینه بغداده
خبر بلوب نجه تشییعه اقربا گله جاق

هایاندا قالمیسوز ای شیعیان خانه نشین
هراییمه بو گئجه شاه لافتی گله جاق

یازاندا نوحه «کلامی» اوخی دعای فرج
چک انتظار ، دئنن قان آلان آقا گله جاق

  • سه شنبه
  • 28
  • اردیبهشت
  • 1400
  • ساعت
  • 13:21
  • نوشته شده توسط
  • یوسف اکبری
ادامه مطلب
حاج نادر بابایی

زبانحال امام موسی بن جعفر(ع) -(ننه زهرا یتیش امداده تز گل) *حاج نادر بابایی

479

زبانحال امام موسی بن جعفر(ع) -(ننه زهرا یتیش امداده تز گل) نَنَه زهرا یتیش امداده تِز گَل
یولی سال مَحبسِ بغداده تِز گَل
خبر وئر مرتضی جَدّیمده گَلسون
دِئنن یا مرتضی فریاده تِز گَل

منیم احوالیمه زنجیریم آغلار
غَلافینده قالان شمشیریم آغلار
اَریتدی جسمیمی زندان هارون
باخار زنجیریمه تَصویریم آغلار

وَطندن کوکب بَختیم آزوبدی
منه تقدیر اَلی غُربت یازوبدی
حسینه کربلانی ائتدی قسمت
منیمده قبریمی بوردا قازوبدی

رضاجان گوزلریم گَل باغلا اوغلوم
آدامسیز حالینه دِل داغلا اوغلوم
یتیش بالینیمه من جان وئرنده
منیله یوز یوزه قوی آغلا اوغلوم

فَراقین دردینی دوزمَز بو داغلار
اَمان بو آیریلیقدان قلبی داغلار
قزیم معصومه یول گوزلَر وطنده
اونون احوالینه اولدوزلار آغلار

دِیَر رحم ائت منه ای ذو الجَلالیم
سینَمده حَبس اولوبدی قیل وقالیم
قرار اَلدن گئدور هَرگون باتاندا
گِنه آخشام گَلور آرتور مَلالیم

  • یکشنبه
  • 13
  • تیر
  • 1400
  • ساعت
  • 21:56
  • نوشته شده توسط
  • یوسف اکبری
ادامه مطلب

شهادت حضرت موسی بن جعفر(ع) -(گوشۀ غربت دَه بیر گُون، شیوهء مُعتادیدن) *سعدی زمان سیدرضا حسینی

471

شهادت حضرت موسی بن جعفر(ع) -(گوشۀ غربت دَه بیر گُون، شیوهء مُعتادیدن) گوشهء غربت دَه بیر گُون، شیوهء مُعتادیدن
ایلمشدیم استفاده، موقعِ آزادیدن

صبح وقتیدی فرایضدَن صورا، افسرده حال
فارغ اولموشدوم نمازِ صبحدَن، اورادیدن

اِیلمشدی دردِ غربت قلبیمه بسکه اَثر
شِکوه اِیلوردوم جفای چرخِ بَد بنیادیدن

کوه سینه، تیشه ناخن، جانِ شیریندن دویوب
یاد اِیدردوم حالِ شور انگیزیله فرهادیدن

ناگهان یتدی ندای هاتفِ غیبی منه
کی غریبِ دل شکسته، ساکت اوُل فریادیدن

گوشهء غربتده بیر تک سن دگولسن مُبتلا
ذلّتِ غُربت گوروب چوخ کیمسه لر اوتادیدن

رَسمِ عالَمدور، غریبی آختارار دائیم غَریب
سنده آختار بیر غریبی مَحبسِ بغدادیدن

گُور نجه کُنده اَیاقیندَه یاتوب زنداندا تَک
اوُن بیر اِیل دور ظلمِ اَلیله آیریلوب اولادیدن

گُوندوزی صائم، گجه قائم، یِری تاریک و تَنگ
شرحِ حالنده قلم عاجزدی استعدادیدن

تُو بَه تُو زندان، قرانلوق یِر، مُعذّب دور اوزی
یوز دوتور هر سمته تاپمور چاره استمدادیدن

همدمی غم، مونسی شیون، اَنیسی گُوز یاشی
نی کیمی دائم سیزیلدار، قیدِ اِستبدادیدن

قامتِ سَروین بوکوب بارِ بلا، اِیلوب دو تا
گَورسنور شکلِ هلالی، قامتِ شمشادیدن

حلقهء زَنجیردَن ساقِین اولوب دور خرد خرد
بیله زاهد محضرِ یکتاده یوخ زُهّادیدن

گه دوتار آغلار گُوزیله یوز مدینه سمتینه
یوخدی یا جدّا دیر بیر دادرس، افرادیدن

یوخدی هارونه دیَن موسی اَبن جَعفر نیلیوب؟
گل بو نخجیری خلاص اِیت خانهء صیّادیدن

گه بقیعه یوز دوتار سسلر آنا یا فاطمه
تنگه گلدیم گوشهء زنداندا آه و دادیدن

گاه اوز اوُغلی رضانی گه قیزی مَعصومه نی
آتشین آهیله سسلر خاطرِ ناشادیدن

گه یوزین سورتر یِره، عرض اِیلر ای ربِّ جلیل
گیچدی درد و محنتیم اندازه دن تعدادیدن

یوسفِ صدّیقی ای زندان غمیندن قورتاران
دردِ جوعی رَفع اِیدن اَطفالِ مادرزادیدن

قورتاران ای یونسی ظلماتِ بطنِ حوتدن
قدرتی هر بیر بلانی دَفع اِیدن عُبّادیدن

لطف اِیله قورتار اَمان دور کُنجِ محبسدن منی
دویموشام یارب حیاتِ عالمِ اِیجادیدن

قُدسیان آمین دیوب اوُلدی دعاسی مُستجاب
یتدی اوز مقصودینه بیر سنگدل جَلّادیدن

حضرتِ زَهرا چراغین سند خاموش اِیلدی
ظلمه باخ اَل چَکمدی مَسموم اُولان اَکبادیدن

آچمادی زنجیرینی آسوده جان تسلیم اِیده
ای قَلم زَنجیر آدی گلدی دانش سجّادیدن

مشق ویرمشدَی بونا اوز جدّی فخرالسّاجدین
رَسم دور شاگرد آلار اُوز مَشقینی استادیدن

گوشهء ویرانه دَه سجّادی زَنجیر آتدا گُور
مَحبسِ بغدادیدَه گیچ شرحِ استشهادیدن

غُلّ جامع، یاره سندن گُون دَگنده قان آخور
داد و شیون عرشه قالخور، عترتِ امجادیدن

بیر نفر یوخدور دِیه ناخوشدی زنجیرین آچون
شامیان آخر نه اِیستور بو علیلِ رادیدن

سینه سینده جمع اِیدوب زنجیری حالِ ضعفیله
اَل گوتورمور عالَمِ اِسلامده ارشادیدن

حُجّت الله مسجدِ شامه سالوبدور اِنقلاب
ذکر اِیدور نام و نشان آباء و هم اجدادیدن

سسلنور ای شامین اَهلی، من علی فرزندیَم
حشردَه قیلّام شکایت سیز اِیدن بیدادیدن

ای خدای مُقتدر، ای قدرتی عقله مُحیط
ای اوُلان اعمالِ خلقین ناظری مِرصادیدن

من (حسینی) عاجزم، سن قدرتون اظهار اِیله
قدرتونله تیز خلاص اِئت، بو خَراب آبادیدن

  • سه شنبه
  • 30
  • شهریور
  • 1400
  • ساعت
  • 21:39
  • نوشته شده توسط
  • یوسف اکبری
ادامه مطلب
مرحوم رحیم منزوی اردبیلی

شهادت حضرت موسی بن جعفر(ع) -(اگر امامِ زمان اِنتقامه آچماسا اَل) *مرحوم رحیم منزوی اردبیلی

1405
4

شهادت حضرت موسی بن جعفر(ع) -(اگر امامِ زمان اِنتقامه آچماسا اَل) اگر امامِ زمان اِنتقامه آچماسا اَل
چتین بو غم قوتارا شیعه خاطراتندَن

او گونکه سِندیله هارون یتشیدی مقصوده
اِمامی اِیتدیله مَحروم ئوز حیاتندَن

قویوب جنازه نی بیر تَخته پاره اوُستنده
یاپشدی دورت نفرحَمّال دورت جَهاتندَن

جنازه نون قاباقندا اِیدوبله بیر اِقدام
نه جار چکدیله کشف اِیتمورم نکاتندَن

غرض یتوبله گذارگاهِ جَسرِ بغداده
دوشوبله واهی میه شیعه نون ثقاتندَن

یِره قویولدی جنازه قَلم دَوات گلوب
شهادتین یازا هر کس مشاهداتندَن

اِیکی اِمام ئولنده قَلم دوات گَلوب
یازوب لا ماوَقعی اوّلِ وَفاتندَن

بیریسی موسی کاظم دی اِیتدیلر اِمضا
غریب ئولوب اَجلِ حَتمی حادثاتندَن

نه بیر وران واریدی نه بو شاهه زَهر وِیرن
یوخی دی مانع اولان سَجده و صَلاتندَن

ایکیمجی نعشِ حسین اوسته اوُلدی اِستشهاد
اوجالدی ناله سپهره سراد قاتندَن

عَجب جسُوریدی یابن الحَسن سپاهِ عراق
بله دِیردیله مُنشی لره گوزوندَن اِیراق

بیری دیردی یازون بو سنانی من وردیم
بیری دیردی بو کاری یارانی من وردیم

بیری دیردی باخون سَجده گاهه قانی آخور
یازون حسینه او سنگِ جَفانی من وردیم

بیر دیردی باخون غصه لی اُورک باشنا
او تیرِ دل شکن و جانستانی من وردیم

بیری دیردی بو غازیندا نیزه مین یِری وار
دوشنده سَجدیه شَه ناگهانی من وردیم

بیری دیردی ابُولفضلی من کَمین اِیلدیم
نظیرِ بازوی خیبر گُشانی من وردیم

بیری دیردی منیم باشدا ثَبت اولسون آدیم
یازون حسینی قوجالدان جوانی من وردیم

بیری دیردی منی باشدا یاز که حرملیم
یادوزدا قالسون او دل سیز بالانی من وردیم

بیری دیردی یازون شَمر وردی خیمیه اُود
چخاندا عترتِ خیرالنسانی من وردیم

بیری دیردی آلان وقته گُوشواره لرین
یازون او دخترِ شیرین زَبانی من وردیم

بیری دیردی سویاندا یتیمه قزلاری من
قولین قباقه وِیرن بینوانی من وردیم

اَیا امامِ زَمان یاز منیم دَه خدمتیمی
همیشه سر گلِ باغِ عزانی من وردیم

نه وار بو سینمون اوستنده سن ئوزون بُلوسن
سیزون قاپوزدا بو عالی نشانی من وردیم

اولوبدی (منزویه) ذکرِ محنت استغفار
که فال خیر ئوزومه من بُکانی من وردیم

  • سه شنبه
  • 30
  • شهریور
  • 1400
  • ساعت
  • 21:43
  • نوشته شده توسط
  • یوسف اکبری
ادامه مطلب

حضرت موسی بن جعفر(ع) -(قلم ایستیر یازا موسی‌ ابن‌ جعفر) * اکبر ستاری

536

حضرت موسی بن جعفر(ع) -(قلم ایستیر یازا موسی‌ ابن‌ جعفر) قلم ایستیر یازا موسی‌ابن‌جعفر
اوره‌ک سسلندی یا موسی‌ابن‌جعفر
آدی مشکل‌گشا موسی‌ابن‌جعفر
سنه جانیم فدا موسی‌ابن‌جعفر
آقا اوغلی آقا موسی‌ابن‌جعفر

امام صادقین نام آور اوغلی
پیمبرخصلت و پیغمبر اوغلی
ابوالرّیحاتینین برتر اوغلی
حسن خُلق و حسینی مظهر اوغلی
گلِ خیرالنّساء موسی‌ابن‌جعفر

اولان ای باب حاجت شیعیانه
او گون‌دن‌کی قدم قؤیدون جهانه
سنه ناسازگار اولدو زمانه
اؤزون ائیله نظر درد نهانه
سن ای درد آشنا موسی‌ابن‌جعفر

سراج روشن اهل طریقت
خروشان چشمه‌ی علم‌و‌فضیلت
ائدن ترویج احکام شریعت
سراسر حِلم و کِظم و معنویّت
مثال مصطفی موسی‌ابن‌جعفر

سخاوت ملکونون سلطانی‌ سنسن
کویرِ مَسکنَت بارانی‌ سنسن
لطافت باغینین ریحانی‌سنسن
بوتون درد اهلینین درمانی‌ سنسن
دئییر هر بینوا موسی‌ابن‌جعفر

بئله ثبت ائیلییب اهل کتابت
وجودینده سالیب ریشه عبادت
سنین‌ صبرین تاپیپ دنیاده‌ شهرت
آلیبسان امتیاز استقامت
آدین کانِ وفا موسی‌ابن‌جعفر

سنیلن چوخ عناده دوردو دشمن
نئجه دام سیاست قوردو دشمن
دویونجاق دیل یاراسی ووردو دشمن
گلِ گلزارووی سولدوردو دشمن
سنی تاپدی بلا موسی‌ابن‌جعفر

آدین مسلم‌ قویان مؤمن نمالر
یالانچی عابدِ پُر اِدّعالر
نمک‌ نشناس و دون و بی‌حیالر
اصول دینینه بی اعتنالر
اولوب دین‌دن جدا ؛ موسی‌ابن‌جعفر

عنادین آرتیریب اهلِ سَعیّه
دوشوبدور بیر محیطِ تنگه‌ شیعه
بویوردی حضرت نفسِ‌زکیّه
گرکدیر شیعه‌لر ائتسین تقیّه
دئدی عبدِخدا موسی‌ابن‌جعفر

سالیبدیر حضرتی دشمن حصاره
دؤزوب جور و جفای بی‌شماره
امامین قلبینه چوخ دگدی یاره
سؤزی درک ائیلییر اهل اشاره
چکیب گؤر نه جفا موسی‌ابن‌جعفر

سالیب زندانه هارون ستمگر
اولوب مأموری بیر سِند آدلی‌کافر
وئریب آزار او مولایه مکرّر
بساطِ ظلمی سِند ائتدی میسّر
دوشوب ائلدن جدا موسی‌ابن‌جعفر

همان زندانه قیرخ پلّه اَنَردی
سیه‌ چال ایچره حضرت گؤرسنردی
گلیب فریاده زنجیر دیللنردی
دیله گلدیکجه گویا سسلنردی
حلال‌ ائیله آقا موسی‌ابن‌جعفر

گلیرفریاده زنجیر اؤز سسیندن
سیزیلداردی امامین ناله‌سیندن
در و دیوار و زنجیر پاره‌سیندن
اوجالدی ناله محبس گوشه‌سیندن
بلایه مبتلا موسی‌ابن‌جعفر

رطوبت یئر قوجا سیّد گرفتار
دولاندی گوندوزی اولدی شب‌تار
قالیب بیرگؤز یاتانلار ایچره بیدار
نماز اوسته دوروبدور عبدّصبّار
ائدیردی التجاء موسی‌ابن‌جعفر

او زندان ایچره پوزقون حالتیلن
اوتوردی رو به قبله رأفتیلن
ایکی قبله مقابل وحدتیلن
دعا ائیلردی بوکیفیّتیلن
دیلینده ربّنا موسی‌ابن‌جعفر

اَلا ای‌ غافرِ کلّ معاصی
وئرن ای یونسه غم‌دن خلاصی
ائدن موسایه لطف اختصاصی
قالیب زندان‌دا پیغمبربالاسی
نئجه اولسون رها موسی‌ابن‌جعفر

الهی یوسفه وئردین نجاتی
ائدن ایّوبه آسان مشکلاتی
یاراتدین ذرّه‌دن سن کایناتی
آییردین یکسره دشت‌وفَلاتی
دوشوب ناحق اودا موسی‌ابن‌جعفر

نه ظلم ائتدی اونا سِندابنِ‌شاهَک
وجودین تازیانه‌ایلن ائدیب حَک
او کافر بی‌مروّت‌دیر بلاشَک
دیین یوخدور امامه کَیفَ حالک
قالیب بی‌آشنا موسی‌ابن‌جعفر

یئدی جبرایله زهرآگین رطب‌دن
وجودی اُود دوتوبدور اُول سبب‌دن
آلیشدی قلبی سوزِ زهر و تب‌دن
دئدی خارج ائدن ای روزی شب‌دن
ائدیر آه و نوا موسی‌ابن‌جعفر

گلِ گلزارِطاها اولدو پرپر
اَسیبدیرگلشنِ زهرایه صرصر
باتیبدور ماتمه اولادِحیدر
اؤلوب زندان ایچینده بیر دلاور
گئییب عالَم قرا موسی‌ابن‌جعفر

اؤلوب زندان‌دا پیغمبربالاسی
یوخییدی اوغلو خویش و اَقرباسی
گلیب دیدارینه زهرا آناسی
قوروب زندان ایچینده بزم یاسی
دئییرمظلوم بالاموسی‌ابن‌جعفر

یازیب پیغامینی بادصبایه
روانه ائیلسین اوغلی رضایه
آتان اؤلدی اوغول تئزگل عزایه
گذارین دوشسه دشتِ کربلایه
دئییر یالیتنا موسی‌ابن‌جعفر

او یئرده یاده‌ سال جدّیم حسینی
صوسوز اَلده ئولن نور دوعینی
گؤرنده قبرِشاهِ مشرقینی
چاغیرگلسین عزایه زینبینی
دئنن‌مظلوم‌بابا موسی‌ابن‌جعفر

  • چهارشنبه
  • 7
  • مهر
  • 1400
  • ساعت
  • 20:04
  • نوشته شده توسط
  • یوسف اکبری
ادامه مطلب
 محمدرضا محمدی (ناعم)

متن شعر ترکی زبانحال حضرت موسی ابن جعفر (ع) -(بالینیمه گل اوغول غملیم آدامسیزام) * محمدرضا محمدی (ناعم)

824

متن شعر ترکی زبانحال حضرت موسی ابن جعفر (ع) -(بالینیمه گل اوغول غملیم آدامسیزام) بالینیمه گل اوغول غملیم آدامسیزام
جان یتوب دوداقیمه صون نفسدی یالقوزام

گل رضا.گل رضا. غمله سینه داغلاسن
جان چیخور سینه دن گوزلریمی باغلاسن

اون بیرایلدی گوشه ی محبسون اسیریم
محبسون اسیریم عالمون امیریم
کنده و زنجیردن پیکریم یارالیدی
باش اگمرم ظالمه عزتون سفیریم

قلبیمی سیندیروب دیل یاراسی حبسیده
اولمیشام دردو غم مبتلاسی حبسیده

سالدی ایاقدان منی غربتون مشقتی
جانه گتوردی منی دشمنون اذیتی
اولدورمسه محنت و دردوغم بو گوشه ده
آخرمنی اولدورر محبسون رطوبتی

گل اوغول قالماسین غملی سینه ده سوزوم
گوزلورم من سنی یوخدی سینه ده دوزوم

چوخ ایستیرم فاطمه باشیم اوستونه گله
غملی گوگول، فاطمه گلسه بلکه دینجله

  • شنبه
  • 10
  • فروردین
  • 1398
  • ساعت
  • 16:53
  • نوشته شده توسط
  • ابوالفضل عابدی پور
ادامه مطلب
میرزا حسین کریمی مراغه ای

متن شعر ترکی زبانحال حضرت امام کاظم علیه السلام -(نه وار ایاقیمدن آچان) *میرزا حسین کریمی مراغه ای

909
1

متن شعر ترکی زبانحال حضرت امام کاظم علیه السلام -(نه وار ایاقیمدن آچان) نه وار ایاقیمدن آچان
زنجیری یارب
نه بیر کسه وار حالیمون
تأثیری یارب

ای یوسفی اخلاص ائدن
زندان غمدن
چک بو غریبی ساحله
طوفان غمدن

بو توزلی یوز بو یاشلی گوز بو آغ محاسن
رد ایلمه بو بی کسین بو التماسین
من بی پناهین مستجاب ایله دعاسین
قورتار بو ظلمت خانه دن بو پیری یارب

خلوت یر ایستردیم اولا حاصل فراغت
معبودیمه تا ایلیم یالقوز عبادت
افسوس آلوب آرامیمی قید اسارت
شایسته گورمه چوخ منه تحقیری یارب

نه وار دیزیمده ای خدا طاقت قیامه
نه واقفم صبحه نه ظهره عصره شامه
اوغلوم رضایه یازمیشام اشکیله نامه
بُلمم نه اولدی علت تأخیری یارب

بیر بیله طغیان ایلمز ظلمنده ظالم
یوخ سندن ئوزگه حالمه زنداندا عالم
رحم ای

  • یکشنبه
  • 11
  • فروردین
  • 1398
  • ساعت
  • 15:22
  • نوشته شده توسط
  • ابوالفضل عابدی پور
ادامه مطلب

متن شعر ترکی زبانحال حضرت امام کاظم علیه السلام -(سالوب قضا منی سیزدن کناره معصومه) *مرحوم انور اردبیلی

873

متن شعر ترکی زبانحال حضرت امام کاظم علیه السلام -(سالوب قضا منی سیزدن کناره معصومه) سالوب قضا منی سیزدن کناره معصومه
بو آیریلیق غمنه یوخدی چاره معصومه

گجه گونوز سیزی سردابده دعا ایدورم
آخور سرشک گوزومدن عذاره معصومه

سنون عوضوه زنجیر بوینوما دولاشوب
سیخوبدی بوینومی ایلوبدی یاره معصومه

سسیمه سَس ویرنیم محبسیمده سلسله دور
نجه که سس ویروری یاره یاره معصومه

وصیّت ایلیورم قارداشون گَلنده منی
قویا بو سلسلئیله مزاره معصومه

قوجالسا رسمدی هر کیم اَله عصا گتورور
دوران زمانده دوشمز فشاره معصومه

قیام ایدنده منیم لنگره دوشور بدنیم
دورانمورام ییخیلاندا دوباره معصومه

یخلانون گَرک اوغلی قیزی دوتا اَلینی
اَلیم چاتور سیزه نه رهگذاره معصومه

فلک منی نجه گور حسرت ایتدی عترتمه
نه ایتمیشم فل

  • یکشنبه
  • 11
  • فروردین
  • 1398
  • ساعت
  • 15:27
  • نوشته شده توسط
  • ابوالفضل عابدی پور
ادامه مطلب

متن شعر ترکی زبانحال حضرت امام کاظم علیه السلام -(گوزلورم گل ، دم ِ هجراندا آنا یازهرا) * محمد علی مصیبی

835
1

متن شعر ترکی زبانحال حضرت امام کاظم علیه السلام -(گوزلورم گل ، دم ِ هجراندا آنا یازهرا) گوزلورم گل ، دم ِ هجراندا آنا یازهرا
ئولورم گوشۀ زنداندا آنا یازهرا

کیمدی سندنصورا احوالیمی غربتده بیله
آغاران زلفیله بو گوزده کی قان یاشی سیله
گل آنا آز قالوری تنگه دوشن سس کسیله
گویلومی آل دل زنداندا آنا یازهرا

قفسِ تندن آنا ، جان چیخوری دینجلورم
ئولومین عطرینی آلدوقجا ئورکدن گولورم
گل ئوزون باشیمی آل دیزلرین اوسته ئولورم
صولورام غملی گولوستاندا آنا یازهرا

فاش اولارسینم آچیلسا نه قدر واردی سوزوم
یولیوی گوزلیورم جان یارالی ایندی ئوزوم
سن گلن یوللارا قربان قاپیدا قالدی گوزوم
گل چاتیم ساحیله طوفاندا آنا یازهرا

سنی وئرّم قسم اللرده گزن قانلی باشا
صرصر ظلمیله صحراده کی طوفانلی باشا
باش چک آخر

  • یکشنبه
  • 11
  • فروردین
  • 1398
  • ساعت
  • 15:28
  • نوشته شده توسط
  • ابوالفضل عابدی پور
ادامه مطلب

متن شعر ترکی زبانحال حضرت موسی بن جعفر (ع) -(گل گوزومده اولوب گوزیاشیم القان رضا جان ) * حاج روح الله رمضانی

747
0

متن شعر ترکی زبانحال حضرت موسی بن جعفر  (ع)  -(گل گوزومده اولوب گوزیاشیم القان رضا جان ) گل گوزومده اولوب گوزیاشیم القان رضا جان
وار سینیق قلبیده درد بی پایان رضا جان

قلبیم اولوبدی غمدن یارالی
نه جرمه دوشدوم ائلدن آرالی

بیر بئله ظلم اولوبدی کیمه دورو زماندا
کیم قالوب حبسیده بی گناه غربت مکاندا
یوخدی مظلوم اولان من کیمی فانی جهاندا
واریری قلب اولا غصه دن شان شان رضاجان

قلبیم اولوبدی غمدن یارالی
نه جرمه دوشدوم ائلدن آرالی

باشه عمروم چاتوب اگنوه گی غم لباسین
گل بو بی کس آتووون اوغول باشلا عزاسین
جان وئرنده آتا رسمیدی گوزلر بالاسین
گل تلاوت باشیم اوسته ائت قرآن رضا
قلبیم اولوبدی غمدن یارالی
نه جرمه دوشدوم ائلدن آرالی

اولموشام آند اولا جانوه بو دنیادان سیر
بسکه زندان ائدوبدی منی م

  • دوشنبه
  • 12
  • فروردین
  • 1398
  • ساعت
  • 17:37
  • نوشته شده توسط
  • ابوالفضل عابدی پور
ادامه مطلب

متن شعر ترکی زبانحال حضرت امام کاظم علیه السلام -(غزال دشت صیّادم الهی) *مرحوم خالق فکری

783

متن شعر ترکی زبانحال حضرت امام کاظم علیه السلام -(غزال دشت صیّادم الهی) غزال دشت صیّادم الهی
اسیر دادِ صیّادم الهی

نصیبم گشته این خلوتگهِ راز
شدم با راز دلهایم سرافراز
کسی پیدا نشد گردد هم آواز
بجز زنجیر صیّادم الهی

دل بشکسته ام را غم گرفته
که این زندان غم ماتم گرفته
برایم ماتم این عالم گرفته
تو را خوانم بفریادم الهی

غریب و ناتوان و بی پناهم
بگردون می رسد این دودِ آهم
که را خوانم که باشد تکیه گاهم
کند از این غم آزادم الهی

در این زندان غم شیدا شدم من
اسیر کینۀ اعدا شدم من
غریب و بی کس و تنها شدم من
به زندانِ غم افتادم الهی

از این جان و از این عمرم شدم سیر
در این دام بلا من گشته ام پیر
بدست و گردنم پیچیده زنجیر
امان از دستِ جلّادم الهی

بزیر سلسله قدّم خمیده
چن

  • پنج شنبه
  • 15
  • فروردین
  • 1398
  • ساعت
  • 19:40
  • نوشته شده توسط
  • ابوالفضل عابدی پور
ادامه مطلب

متن شعر ترکی توسل به حضرت امام کاظم علیه السلام -(السلام ای قولی باغلی ) * حاج علی زلفی تبریزی

903
-1

متن شعر ترکی توسل به حضرت امام کاظم علیه السلام  -(السلام ای قولی باغلی ) السلام ای قولی باغلی
کنج زنداندا ویرن جان
اون بیر ایل مسکنی محبس
ای اولان حالی پریشان
.
ای قالان گوزلری یولدا
غل و زنجیر قولوندا
کنده باغلی ایاقوندا
نملی زندان بوجاقوندا
.
سسلرم باب الحوائج آقام ایوای آقام ایوای
ایسترم درده نتایج آقام ایوای آقام ایوای
.
.
.
دام صیادیده قالدون
آیری دوشدون وطنوندن
قلب عالم‌ بو نواده
یاندی درد و محنوندن
.
بیر نفر اولمادی همدم
آلا باشین دیزی اوسته
سند الوندن‌جانا گلدون
بال و پر اولدی شکسته
.
.
سسلرم باب الحوائج آقام ایوای آقام ایوای
ایسترم درده نتایج آقام ایوای آقام ایوای
.
.
.
.
.
یوخدی معصومه قیزمدان
بیر نفر تا خبر ایتسون
وار گمان باد صبایه
بالامین یانینه گیتسون

  • پنج شنبه
  • 29
  • اسفند
  • 1398
  • ساعت
  • 14:08
  • نوشته شده توسط
  • ابوالفضل عابدی پور
ادامه مطلب

متن شعر ترکی توسل به حضرت امام کاظم علیه السلام -(ای شیعه دولاندور گوزی خلوتگه رازه ) * حاج علی زلفی تبریزی

643

متن شعر ترکی توسل به حضرت امام کاظم علیه السلام  -(ای شیعه دولاندور گوزی خلوتگه رازه ) ای شیعه دولاندور گوزی خلوتگه رازه
سال گوشه محبسده نظر سوز و گدازه
گور بیر قوجا سید ورولوب بوینونا زنجیر
مشغولیدی اول حالتیله راز و نیازه
.
باشیندا غملی تقدیر
خدا بوینوندا زنجیر
اولوب مسموم و دلگیر
.
هرای مظلوم امامیم
هرای مسموم امامیم
هرای مغموم امامیم
.
.
.
.
.
وار کونده ایاقوندا دوشوب گوشه زندان
هارونون الیلن ویریلوب قتلینه فرمان
خلوت ایلیوب بیر ئوزودی بیر حق سبحان
یا سبوح و یا حی دیلینده اولوب عنوان
.
باشیندا غملی تقدیر
خدا بوینوندا زنجیر
اولوب مسموم و دلگیر
.
هرای مظلوم امامیم
هرای مسموم امامیم
هرای مغموم امامیم
.
.
.
.
.
لا سویلمور هر درده محیا به قضادور
نمناک و قرانلوق دی یری غملی فضادور

  • پنج شنبه
  • 29
  • اسفند
  • 1398
  • ساعت
  • 14:27
  • نوشته شده توسط
  • ابوالفضل عابدی پور
ادامه مطلب

متن شعر ترکی زبانحال حضرت امام کاظم (ع) -(شوقیلن محضره ای خالقِ سبحان گلورم ) * حاج داود بیدق داری

576

متن شعر ترکی زبانحال حضرت امام کاظم (ع)  -(شوقیلن محضره ای خالقِ سبحان گلورم ) شوقیلن محضره ای خالقِ سبحان گلورم
نای جان ناله ده دور نی کیمی نالان گلورم
.
وصلیوی ساده اله سالمامیشام ساده گَلَم
قامتیم اولدی کمان گوزلری گریان گلورم
.
بسکه حیرانم ئوزوم جلوه ی نور ازله
گویلرین اهلی قالوب عشقیمه حیران گلورم
.
آیریلیق دردی یامان درد اولی آگهسن ئوزون
تاپمادیم دهریده من دردیمه درمان گلورم
.
(یئر رطوبت اولا آهن چورور، انسان سارالار) (1)
سارالوب هم بوکولوب زار و نواخوان گلورم
.
نئچه زندانی گزوب طاقت ائدوب دینمه میشم
دوزموشم اون بیر ایلی ،دوزمورم الان گلورم
.
نه گلن وار نه گئدن قالدی پریشان بالالار
باغلی قالدی قاپومیز منده پریشان گلورم
.
باغ یثربده قالان گُللریمی حفظ ائله سن
سنون ا

  • پنج شنبه
  • 29
  • اسفند
  • 1398
  • ساعت
  • 14:35
  • نوشته شده توسط
  • ابوالفضل عابدی پور
ادامه مطلب
 حاج اصغر فرشچی

متن شعر ترکی زبانحال حضرت امام کاظم (ع) -(تیره دور ای خدا روزگاریم ) * حاج اصغر فرشچی

435

متن شعر ترکی زبانحال حضرت امام کاظم (ع)  -(تیره دور ای خدا روزگاریم ) سبک :: ای قلم ...
.
تیره دور ای خدا روزگاریم
یوخدی بو سجنیده غمگساریم
زهرکین بیر شرر سالدی جانه
سلب ایدوبدورتوان یوخ قراریم
خستیم خستیم ای الهی
گویلوم ایستورگورم من رضانی
.
.
بلبلم اولموشام گل چمندن
آیری سالدی عدو ایل وطندن
ظلم الین چکموری سِند مندن
هی ویرور قالموری اختیاریم
.
.
ال آچوب اهل کین هر جفایه
دوزموشم حبس لرده بلایه
عمرومی کاش چاتاانتهایه
لیل تاریک دور هر نهاریم
خستیم خستیم ای الهی
گویلوم ایستورگورومن رضانی
.
.
بو نمین یر منی ایتدی بیمار
ظلمت ایچره یوخومدی پرستار
کیم غریبی گلوب بوردایوخ لار
هرگونومدی خزان یوخ بهاریم
خستیم خستیم ای الهی
گویلوم ایستورگورم من رضانی
.
.
واردی منده الهی ن

  • شنبه
  • 2
  • فروردین
  • 1399
  • ساعت
  • 21:27
  • نوشته شده توسط
  • ابوالفضل عابدی پور
ادامه مطلب
مرحوم رحیم منزوی اردبیلی

امام موسی کاظم(ع) -(منم کاظم منم موسی بن جعفر) *مرحوم رحیم منزوی اردبیلی

983
1

امام موسی کاظم(ع) -(منم کاظم منم موسی بن جعفر) منم کاظم٬ منم موسی بن جعفر
منی محبوس ائدوب هارون کافر
آنام زهرا٬ بئوک جدّیم پیمبر
اولوب ذکریم دعا الحمدُللّه

یامان گونده یوخومدور دادخواهیم
فقط بیر ذولجلالیمدور پناهیم
ئوزی شاهددی یوخ ذرّه گناهیم
بحکمِ انّما الحمدُللّه

ائدردیم آرزو بیرجای خلوت
اولا جسمه اذیّت روحه لذّت
بله محبس سعادتدور سعادت
قضا هرنه یازا الحمدُللّه

  • شنبه
  • 6
  • دی
  • 1399
  • ساعت
  • 19:13
  • نوشته شده توسط
  • یوسف اکبری
ادامه مطلب
 حاج اصغر فرشچی

مدح و میلاد حضرت امام موسی کاظم(ع) -(گلدی صادق بالاسی جهانه) * حاج اصغر فرشچی

258

مدح و میلاد حضرت امام موسی کاظم(ع) -(گلدی صادق بالاسی جهانه) گلدی صادق بالاسی جهانه
دوندی دنیا بو گونده جنانه
دولدوروب عطرینی هرمکانه
ماهِ مُنوّر= اللهَه مَظهر
آچدی بودنیایه گوزون
موسی بن جعفر

کر :
شیعیانه خوشدی ساعات
جعفراوغلی باب حاجات

بیت صادق اولوب نوره پر نور
اهل عشقین اولوب قلبی مسرور
دشمنون کاش اولا گوزلری کور
شهرتی رایج = درده معالج
نام نیکوسی آدلانار
باب الحوائج

گوزلروز روشن ای اهل عالم
گلدی موسی اولا شاه اعظم
وارث دین و قرآن و خاتم
مِهرَه مثلدی=چون بی بدلدی
دنیانون اهلی بولوری
گلدن گوزلدی

شکر اولا خالق مهربانه
حُجّتین یوللادی بو جهانه
مژده اولسون بو گون شیعیانه
بو مه انور= روحی مطهر
گلدی اولا آتا کیمی
عالمه رهبر

گورمیوب روزگار بیر بیله گل
عارضی لاله تک زلفی سنبل
سایه سینده گلوب شوره بلبل
خورشیدسرمد= عزیزاحمد
پیرایه ویردی عالمه
گل محمد

یر یوزی نورونا دولدی نوره
حالت رشک یوز ویردی حوره
گلدی بلبل گلستاندا شوره
قامتی دلجو=کاظم خوش خو
عالم علمه آفتاب
سیرتی نیکو

معدن جود دورکنز رحمت
باب حاجات و هم کان رأفت
هفتمین پیشوا دینه حجت
خالق سبحان=صاحب رضوان
لطف ایلیوب بوبالانی
شیعیه احسان

حق اونا چون ویروبدی امامت
مسلمینی ایدر دوز هدایت
تابعانی تاپار تا سعادت
مِهرهِلالی=حُسن وکمالی
واردی بوکاظم امامون
شأن و جلالی

سجن لرده آچار جا نمازی
روزو شبلر قیلار حق نمازی
آغلادار کونی سوز و گدازی
به حکم نادان= بدون برهان
یر ویرولر او سروره
گوشۀ زندان

هرباغون باغبانی گلی وار
عاشق گل اولان بلبلی وار
خادموز (عدلینون) مشکلی وار
درده دواسن= کان سخاسن
مشکلی واردی حل ایله
مشکل گشا سن
باب حوائج ...

  • چهارشنبه
  • 17
  • دی
  • 1399
  • ساعت
  • 22:16
  • نوشته شده توسط
  • یوسف اکبری
ادامه مطلب
 رامین محمد زاده

شهادت حضرت موسی بن جعفر(ع) -(چیخور جانیم غریبانه – رضا جانم رضا جانم ) * رامین محمد زاده

536

شهادت حضرت موسی بن جعفر(ع) -(چیخور جانیم غریبانه – رضا جانم رضا جانم ) چیخور جانیم غریبانه – رضا جانم رضا جانم
اولوب ذکرین یانا یانه - رضا جانم رضا جانم

منی مسموم ائدوب هارون ئوزی اما چاتوب کامه
نه وقت اولدی نه‌ وار فرصت یازام تا کی سنه نامه
یانور سینم اوغول تئز گل یتیشدی عمروم اتمامه
یتیشدی دای جانیم جانه - رضا جانم رضا جانم

غریب و بی کسم اوغلوم جهانی محنتیم داغلار
منیم آدیم گلن وقته غریب‌لر حالیمه آغلار
جانیم‌چیخسا‌بو زندادا گوزومی‌کیم گلوب باغلار
توتار یـاس کیـم اسیرانه - رضا جانم رضا جانم

سالوب زهرِ جفا اوغلوم منی‌حالدان‌حالا تئز گل
هایانـدا قالمـوسان یاندی جگـرلریم بالا تئز گل
جنازم راضی اولما سن بو زنداندا قالا تئز گل
اولار زنـدان عـزاخـانه - رضا جانم رضا جانم

گویرمیش جسمیم هر یردن اولوبدی پیکریم بی‌جان
دُویَردی گونده چون بیر یول منی اُول سِندِ بی ایمان
غریبانه چیخور جانیم یتیش داده آتان قربان
ئوزون یاس دوت‌ بو نـالانـه - رضا جانم رضا جانم

اگرچه منبع فیضم آدیم دیلرده رایجدی
قوری‌آدیم فقط والله مریضانه معالجدی
ئوزوم درده گرفتارم‌آدیم باب‌الحوائجدی
شفا وئرَم مـریضـانـه - رضاجانم رضا جانم

عموم سجادی تک اوغلوم اسیر بند و زنجیرم
اَریتمیش جیسمیمی زندان ایراق گوزدن اِئله پیرم
بو دورانین الینن من ننم زهرا کیمی سیرم
اولا دورانـی ویــرانـه - رضا جانم رضا جانم

منی یوردی بو دورانین فریب و حیله و مَکری
اولوب اَجّل وَفاتی چون بو بختی قاره نین ذکری
سالوبدی جانیمه شعله قیزیم معصومه نین فکری
قوشولدی چون یتیمانه - رضا جانم رضا جانم

بو قلب زاریمی اوغلوم اِهانت‌لر اوخی دلدی
منی مسموم ائدوب هارون الیمدن سانکی دینجلدی
رضا جان دادیمه تئز گل ننم زهراده چون گلدی
دونوبدور گوز یاشی قانه - رضا جانم رضا جانم

اگر ظاهرده نه نوحه نه مرثیـه دیَن واردی
نه یاسیمـه گلن واردی نه ده قاره گیین واردی
ولی باطنده زهرا وار حسین واردی حسن واردی
گل ایندی سنـده زندانه - رضا جانم رضا جانم

آتا نیسگیل‌لرینده سن اگر چه دیده گریانسان
اسیر درد و محنت سن شرار غمده سوزانسان
گله دردون منه مولا نیه بیر بیله نالانسان
نظـر قیـل بـو پریشانه رضا جانم رضا جانم

  • چهارشنبه
  • 22
  • بهمن
  • 1399
  • ساعت
  • 15:47
  • نوشته شده توسط
  • یوسف اکبری
ادامه مطلب
 مهدی عبادی(بیکس)

موسی کاظم(ع) -(کُنج قفسده دل غمینم) * مهدی عبادی(بیکس)

343
1

موسی کاظم(ع) -(کُنج قفسده دل غمینم) کُنج قفسده دل غمینم
ایل لر بویی زار و حزینم
تنگه گلوبدی غملی سینم
گَل اوغول گَل

آهیم ایدر جهانه تأثیر
بوینومدا واردی زخمِ زنجیر
گَل باشیم اوسته ایتمه تأخیر
گَل اوغول گَل

زندانِ تنگ و تاریک اَریتدی جسم زاری
من ئولمه میش بو یرده گَل باشیم اوسته باری

ائلدن آرالیم من/باشی بلالیم من

قفسده بیر قوشام یارالی
دوشدوم ولی سیزدن آرالی
سیل قلبیدن غم و ملالی
گَل اوغول گَل

شمشیرِ غم دیلی بولَنده
سیزیلدیَر غریب ئولنده
معصومه نی گَتور گَلنده
گَل اوغول گَل

یاندیردی دردِ هجران یوخ طاقتیم فراقه
چوخ اینجیدیم، یورولدوم جانیم یتوب دوداقه

ائلدن آرالیم من/باشی بلالیم من

زندان ایچینده یوخدی ایمَن
سحر،آخشام دویَنده دشمن
آنام زهرانی سسلرم من
گَل اوغول گَل

قوجانی کیم دویَر جهاندا
بَس قالموسان اوغول هایاندا
دوزنمورم سیلی ووراندا
گَل اوغول گَل

الله بولور رضا جان پوزقوندی وضعِ حالیم
آنام بتوله بَنذیر ،کبود اولان جمالیم

ائلدن آرالیم من/باشی بلالیم من

من ایتمَرَم هرگز گِلایه
درگاهِ پاکِ کِبریایه
غملر ولی گَتدی نوایه
گَل اوغول گَل

چوخ اینجیدوب بو دشمنِ دین
یورولموری بو معدنِ کین
اَللری چوخ آغیردی سِندین
گَل اوغول گَل

(بیکَس)آتان ویریر جان یوخ غمگساری تز گَل
پِیکِ اَجل گلینجه ای دیل قراری تز گَل

ائلدن آرالیم من/باشی بلالیم من

  • پنج شنبه
  • 21
  • اسفند
  • 1399
  • ساعت
  • 20:14
  • نوشته شده توسط
  • یوسف اکبری
ادامه مطلب
 مهدی عبادی(بیکس)

حضرت موسی بن جعفر(ع) -(ای رحمت یزدان ای ناطق قرآن) * مهدی عبادی(بیکس)

390

حضرت موسی بن جعفر(ع) -(ای رحمت یزدان ای ناطق قرآن) ای رحمت یزدان /ای ناطق قرآن
باب الحوائج سن/جانلار سنه قربان

یا باب الحوائج یا موسی بن جعفر(ع)

ای حجّت داور /وارث پیمبر
مشکله دوشن لر/سنی داده سسلر

گول یانیندا خارم/مشتاق دیدارم
نه اولار بیر گورم/قبریوه زوّارم

عشقون دیلده رایج/هردرده معالج
بیچاره لر سسلر/یا باب الحوائج

بولمم وار نه تقدیر/غم سندن اَل چکمیر
مونس اولدی سنه/بوینونداکی زنجیر

غم قالاندی دیله/یاننام بو نسگیله
زهرا تک گول یوزون/گووَردی ظلمیله

جنّاته گیدوبسن/قلبی قان ایدوبسن
گوشه ی زنداندا/(بیکَس) جان ویروبسن

  • یکشنبه
  • 1
  • فروردین
  • 1400
  • ساعت
  • 18:57
  • نوشته شده توسط
  • یوسف اکبری
ادامه مطلب
 محمد حیدری امندی

روضه حضرت موسی بن جعفر(ع) -(گلون اون بیر ایلی زنداندا قالاننان دانیشاخ) * محمد حیدری امندی

761
0

روضه حضرت موسی بن جعفر(ع) -(گلون اون بیر ایلی زنداندا قالاننان دانیشاخ) گلون اون بیر ایلی زنداندا قالاننان دانیشاخ
نگران قلبینی غم غصه آلاننان دانیشاخ
قالیب او شهلی مکاندا قوجالاننان دانیشاخ
خرمن عشقه سالاخ آهیله محنت کوزونی
مجلسه دعوت ائدک مظلوم امامین ئوزونی

بیرغریبیکی یئری گوشه ی زندان اولدی
تار محبسده ایشی ناله و افغان اولدی
اون بیر ئیل قیزلارینین گوزلری گریان اولدی
داریخاندا ئورگی اشکین اوزه باغلاردی
هی غریبلیک سوزون اوخشاردی ئوزی آغلاردی

دوندرردی یوزونی یثربه آماج محن
بیرمثلدیرخوش اولار ئولمگه هریئرده وطن
گل رضا هاردا قالیبسان ئولورم یوخدی گلن
دولدوروب کلبه ی احساسیمی نیسگیل سوزلر
جان وئرنده هر آتا گوزلری اوغلون گوزلر

  • یکشنبه
  • 8
  • فروردین
  • 1400
  • ساعت
  • 17:12
  • نوشته شده توسط
  • یوسف اکبری
ادامه مطلب
 حسین خدایی زنجانی

زبانحال امام موسی بن جعفر(ع) -(گل رضا جان تز گل چاتوب پیک اجل) * حسین خدایی زنجانی

484

زبانحال امام موسی بن جعفر(ع) -(گل رضا جان تز گل چاتوب پیک اجل) گل رضا جان تئز گل،چاتوب پیک اجل
رسوله مهمانم یوبانما اوغلوم

دوداقا جان گلدی آتان باخ دینجلدی
الی باشدا اما دولانما اوغلوم

دئنن ای وای بابا گله داده زهرا
یا زهرا یا زهرا آنا یازهرا

بو بلالی باشیم اگر دوشدی درده
ولی دیل واللهی گنه شکر ایلر

نقدر زنداندا شکنجه من چکدیم
دئدیم اما بیر گون گئدر بو گونلر

اورگیم صد پاره ،باشا سال سن قاره
بالاجا اطفالیم جهاندا نینر ؟؟؟

منه ظلم اولدی چوخ، بو درده درمان یوخ
الی قویوندا بس دایانما اوغلوم

دئنن ای وای بابا گله داده زهرا
یا زهرا یا زهرا آنا یازهرا

چکیلوب گویلرده ، ائله بیل که قاره
بو نچه ایل عمروم چاتوب پایانه

منه عالم آغلار ،یانور دریا داغلار
ولی تکیه ایله، علی ایمانه
باجیوی تک قویما ، وفا رختین سویما
قالار اسلام زنده، قسم قرانه

نه یاماندی هجران ، یانور کون و امکان
دانیش دردین الان ،اوتانما اوغلوم

دئنن ای وای بابا گله داده زهرا
یا زهرا یا زهرا آنا یازهرا

من موسایه کاظم شکنجه چوخ گوردوم
ولی الان گلمیش اجل فریاده

ایستیور صبری غم ، آخور اشگیم نم نم
گلر وار امیدیم آنام زهراده

منه بلبل اغلار ، یانوب سنبل اغلار
سیزیلار دیل اغلار ایکی دنیاده

اجلیم یول گوزلر ،دونور قانه دیلر
گوزومی سن باغلایوبانما اوغلوم

دئنن ای وای بابا گله داده زهرا
یا زهرا یا زهرا آنا یازهرا

  • شنبه
  • 16
  • مرداد
  • 1400
  • ساعت
  • 23:27
  • نوشته شده توسط
  • یوسف اکبری
ادامه مطلب

شهادت حضرت موسی بن جعفر(ع) -(گوتور باش قبردن گل مجلس بغداده یا زهرا) *سعدی زمان سیدرضا حسینی

658

شهادت حضرت موسی بن جعفر(ع) -(گوتور باش قبردن گل مجلس بغداده یا زهرا) گوتور باش قبردن گل مجلس بغداده یا زهرا
سوروش موسی بن جعفر حالینی گل داده یا زهرا

تاپانمور بیر نفر اهل دل ایتسون دردینی اظهار
گونوزلر همدمی ناله، گئجه لر ثابت و سیّار
یری تاریک بیر زندان، چراغی آه آتش بار
دیر وا غُربتا آغلار گَلَر فریاده یا زهرا

وجودی غصّه دن ناخوش قیودیله مقیّددور
یوزی یرده، گوزی یولدا، اوزی حبس مجرّددور
بیله معلور اولور بو بینوا حبس موبّددور
دگل ممکن بو زنداندان اولا آزاده یا زهرا

اولوب مایل مُحاقه بدر چرخ دین ملالیندن
تاپوبدور ضعف کامل خطّ سیرینده کمالیندن
ستمله اون بیر ایلدور آیریلوب بی کس عیالیندن
اورک قان باغلیوب، حسرت قالوب اولاده یا زهرا

هوا ایتمور تصرّف تو به تودور بس که زندانی
اودور تشریح محض اولموش امامین نازنین جانی
گورن گُل صورتین پوزقون اوخور صورتده معنانی
بُلر قلب شریفی قان اولوب معناده یا زهرا

بُلن یوخ کنج غربتده وطن فکریله آمالین
ایله درد و غم هجران پریشان ایلیوب حالین
تانونماز جسمیله گر چکسه لر دیواره تِمثالین
بیله مظلوم اولان یوخ بیر نفر دنیاده یا زهرا

قوجا، ناخوش، نه غمخواری، نه بیر کیمسه پرستاری
نه اوغلی، نه عیالی، نه یانیندا واردی قیزلاری
گوزین کیم باغلار اُلسه، سن اوزون گَل محبسه باری
گوزین باغلا بو مظلوم اوغلوی سال یاده یا زهرا

باخار اوز حالینه آغلار ایدر گه ناله غربتدن
سالار گه عترتین یاده، توکر گوز یاشی حسرتدن
مروّت ایلمور هارون خلاص ایتسون مصیبتدن
ترحّم یوخ،‌ مروّت یوخ، دل اعداده یا زهرا

اقلّاً بیر نفر یوخدور دیسون هارونه ای کافر
نه تقصیر ایلیوب آخِر قالوب زنداندا بو سرور
وطنده اون بیر ایلدور باشسیز اطفالی یولین گوزلر
نقدر اولسون تحمّل عترت طاهاده یا زهرا

ازل گوندن مگر بیله مقدّر ایلیوب تقدیر
سنون اولادیوه اولسون مصاحب کُنده و زنجیر
بالان موسی بن جعفر قوی قالا بغدادیده دلگیر
دیار شامه گَل باخ سیّد سجّاده یا زهرا

ووروبلار حجّت پروردگاره بیر غل جامع
امام ساجدین قدّین ایدوبدور ثقلتی راکع
بونا هند جگرخوارین بالاسی کاش اولا قانع
خیالی اوزگه توهین اولمیا اثناده یا زهرا

شراب نابدن سرمیت اولوب عقلین ایدوب زایل
دله جاری ایدور اجدادینه زینبده لاطایل
کباب اولماقلیقا قانه دونن دللر اولور مایل
امامین قتلینه فرمان ویرور جلّاده یا زهرا

امامین محضرینده شرب خمر ایلور، قمار اوینور
اولاندا نشعه ی مشروبدن مست و خمار، اوینور
حسینون نازنین باشیله طشت ایچره فنار اوینور
قیزون زینب ویرو صبر و ثباتین باده یا زهرا

یزیدین مجلسینده وار نه هنگامه بُلن یوخدور
سنه، پیغمبره، هر بیر سوزی بیر زهرلی اوخدور
قیزون زینب او مجلسده نه چکدی بوردا سوز چوخدور
حیا مانعدی اَل وورماقلیقا اسناده یا زهرا

اَلینده ساغر می گَزدیرور بیر سمتده ساقی
توکور قان یاش یوزه بیر سمتده وجهُ الَّهِ باقی
دُوزور امّا که یِتسون آخِره ازّل که میثاقی
وگرنه چوخ بیوک قدرت وار اول مولاده یا زهرا

بیر ایماده جهانی ایستَسه یکسر خراب ایلر
قیامت عالمین برپا امام مُستطاب ایلر
ولی ترویج اسلامه سببدور صبری، تاب ایلر
آتاسیندان صورا ماموردور ارشاده یا زهرا

تکبّر فعلی ناشایستدور دانا و جاهلدن
(حسینی) تک خصوصاً بیر پریشان حال سائلدن
یاراشماز بو صفت الّا خدای حیِّ و عادلدن
سواله گلمیشم درباروزه افتاده یا زهرا

  • سه شنبه
  • 9
  • شهریور
  • 1400
  • ساعت
  • 11:01
  • نوشته شده توسط
  • یوسف اکبری
ادامه مطلب
راهنمای علائم موجود در فهرست:
عدد کنار این علامت نشانگر تعداد کاربرانی ست که این مطلب را پسندیده و به دفترچه شعر خود افزوده اند
عدد کنار این علائم نشانگر میزان محبوبیت شعر یا سبک از نظر کاربران می باشد
اشعار ویژه در سایت برای کاربران قابل دسترس نیست و فقط از طریق خرید اپلیکیشن مورد نظر این اشعار در داخل اپلیکیشن اندرویدی قابل رویت خواهند بود
این علامت نشانگر تعداد کلیک یا بازدید این مطلب توسط کاربران در سایت یا اپلیکیشن می باشد