اشعار حضرت ابالفضل(ع)

مرتب سازی براساس
میرزا حسین کریمی مراغه ای

استمداد حضرت اباالفضل(ع) -(گل خسته جانیم مقدمون قربانی قارداش) *میرزا حسین کریمی مراغه ای

996
5

استمداد حضرت اباالفضل(ع) -(گل خسته جانیم مقدمون قربانی قارداش) گل خسته جانیم مقدمون قربانی قارداش
دریا یانیندا یخدیلار سقانی قارداش

لشگر توکولدی اوستومه ساق وصولوم دان
رَد اولمادی بیر ثانیه دشمن یولوم دان
ظلمی له محروم ایتدیلر بیر جوت قولوم دان
قاف اوسته پَرسیز قوی دولار عنقانی قارداش

یان نام سنون احوالیوه چوخ چوخ اوزوم دن
بیرده خیامه گلماقا گلمز یوزوم دن
بیر اوخ ویروب قاتلریم بو ساق گوزوم دن
گل چک گوزوم دن زَهری لی پیکانی قارداش

بیر حالدِه یدیم سیدی آتدان دوشنده
نه گوزده طاقت گورماقا نه قول بدنده
الده عَمو د آهنین نُوفل گلنده
آغلاتدی حالیم سنگدل عدوانی قارداش

لطفین آنام زَهرا یتوردی اِنتهایه
آلدی قوجاقه جسمیمی باخ بیر وفایه
آهسته قویدی نعشیمی دشت بلایه
گل باشیم اوسته گور آنام زَهرانی قارداش

دنیاده نسگیل اولماسین اُم البنی نه
زَهرا آلوب عباسنون باشین دیزی نه
گه آغلار عباسه آنام گاهی حسینه
گاهی سیلر شَهلا گوزوم دن قانی قارداش

اولدی هجوم آور هامی بیر پیکر اوسته
اوخ لار اوخ اوستن دگدی خنجر خنجر اوسته
اون یِدی خنجر یوز قویوب بیر حنجر اوسته
یوخ باشیم اوستن طَرد اِیدن اَعدانی قارداش

گر چه ویروب لار جسمی مه سان سیز جراحت
چوخ راحتم حاشا ایدم بیر آن شکایت
اما آلوب آراممی طَعن و شَماتت
دل یاره سی دلدن سالار انسانی قارداش

گل باشیمی اللّردن آل ای شاهِ عطشان
بیرده گوروم رخساریوی راحت وِیرم جان
لشگر قباقونده منی کس سونله قربان
سنده قبول اِیت بو سو سوز قربانی قارداش

من دین یولوندا دویمارام جنگ و جدلدن
چون وقف دور دینه منیم جانیم ازلدن
نیلیوم کُومَک یوخ دور صدا گلمز تک الدن
مضطر اولوب ترک ایلدیم دعوانی قارداش

بیز آل هاشم گیمِ روخ ذلّت لباسین
اگمز بو سفیانی لره باش آل یاسین
قانیله تعمیر ایله روخ دینون بناسین
جاندان گرامی ساخلاروخ قرآنی قارداش

دین اوسته مال و جان باجی قارداش نه لازم
بزم نگاره گیتماقا یولداش نه لازم
قول ویرمیشم گوز ویرمیشم بیر باش نه لازم
بیر قانلی باش دور عهدی مون پایانی قارداش

بیز آل هاشم اولماروخ کفاره تسلیم
دنیادن اوتری ایتمروخ اشراه تعظیم
درس شهامت ایلروخ دنیایه تعلیم
دیندن مقدم دوتماروخ دنیانی قارداش

دین اولماسا گورمز بشر صلح و سعادت
دین دور ویرن انسان لارا عز و شرافت
قوی بیر باتاخ آلقانه دین قالسون سلامت
عالم لره اعلان ایداخ تقوانی قارداش

ایلر (کریمی) مسئلت دائم خدادن
گیتسون صحیح ایمانله دار فنادن
اولسا توجه خامس آل عبادن
گورمز جزاده آتش نیرانی قارداش

  • پنج شنبه
  • 18
  • شهریور
  • 1400
  • ساعت
  • 18:13
  • نوشته شده توسط
  • یوسف اکبری
ادامه مطلب
فروشگاه پرچم

استمداد حضرت اباالفضل(ع) -(ابوالفضله گل ایله عنایت آتام اوغلی) * حاج حیدر خوندل

12783
55

استمداد حضرت اباالفضل(ع) -(ابوالفضله گل ایله عنایت آتام اوغلی) ابوالفضله گل ایله عنایت آتام اوغلی
ایدوم بیرده جمالون زیارت آتام اوغلی

ایله حالدیم من که مایوسم اوزومدن
گذشت ایت منی قارداش خلاف اولسا سوزومدن
بو قانی گَل اوزون سیل منیم قانلی گوزومدن
گوروم گُل یوزون اولسون سعادت آتام اوغلی

سو اوسته بولوسَن من نه زحمتلره دُوزدوم
گلن اوخلاری گُل تک یانان سینمه دوزدوم
سو مشکیمدن آخاندا حیاتیمدن اَل اوزدوم
منی ایتدیله سَندن خجالت آتام اوغلی

یارالی گون ایوینده سیزیلدار یارام آغرور
یارالار بدنیمده اوزوم تا وارام آغرور
گَل اَگلش باشیم اوسته دیوم تا هارام آغرور
ایدیم دردیمه بیر بیر اشارت آتام اوغلی

قوری یِردیم امّا یِرون وار گوزون اوسته
نقدری نفسیم وار وارام اوز سوزوم اوسته
اگر عطریوی آلسام سورونَّم یوزوم اوسته
تاپام خاک رهوندن شرافت آتام اوغلی

قالان دشمن اَلینده یارالی باشیم ایوای
آخار قانلی عُذاره یازار گوز یاشیم ایوای
من اَل چکدیم اوزومدن سوسوز قارداشیم ایوای
جسارت تاپار اهل عداوت آتام اوغلی

عجب مقصده چاتدی بو گون قانه باتانلار
کنار اولدولار اوددان کنارونده یاتانلار
نه ا... دان اوتاندی نه سَندن اوخ آتانلار
ایدوبلر منه مشکه جسارت آتام اوغلی

گرک قان ایده بو غم سوسوز قیزلارین اشکین
که انهار بهشتی او اشکین چکه رشکین
سو یوخدی سَن اوزون گَل آپار قانلی سو مشکین
اوزی شَرح ایده سَندن حکایت آتام اوغلی

بو صحراده شدائد نقدر ایلدی شدّت
وفا شیوه سین ایتدیم وظیفَمجه رعایت
بیر اوخ غفلتا امّا ایدوب مشکه اصابت
سو گیتدی هدر اولدی او زحمت آتام اوغلی

گَل آرتور منه لطفون غم و دردیم آزالسون
رضا اولما فراقین شرر جانیمه سالسون
گَل اگلش باشیم اوسته منیم باشیم اوجالسون
ابوالفضلیوه آرتور فضیلت آتام اوغلی

نه غم گَلدی سو اوسته شهامتله دایاندیم
دیشیمدِیدی سو مشکی بو میدانی دولاندیم
بیر اوخ گَلدی سو گِتدی اورکدن یارالاندیم
منی سالدی اَیاقدان او حسرت آتام اوغلی

حسینیم منی قویما بو اَشرارون اَلینده
دوشوب اود دله آهِ شرر بارون اَلینده
قالوب بیر یارالی گُل نچه خارون اَلینده
اولوب جسمی سراسر جراحت آتام اوغلی

نه منظوریدی قارداش منه بو یارالی باش
نه قانلی گوزوم آغلار کسلمیش اَله قان یاش
آچار اهل جفا اَل باجیم زینبه قارداش
ایدر صبریمی غارت او غارت آتام اوغلی

اوزوم راهِ وفاده نه غم گَلسه دایانّام
غمیم یوخدی باشیمدان، اَلیمدن یارالانّام
سنی دشمن اَلینده قویوب گیتماقا یانّام
بو غم روحیمه ایلر اذیّت آتام اوغلی

خیامه گَتورم سو منه اولمادی امکان
سوسوز قیزلارا ایله بو احوالیمی اعلان
قصور اولسادا مندن سَن ایت عفویله جبران
که شایسته دی سَندن کرامت آتام اوغلی

  • یکشنبه
  • 11
  • مهر
  • 1400
  • ساعت
  • 20:03
  • نوشته شده توسط
  • یوسف اکبری
ادامه مطلب
 ولی الله کلامی زنجانی

نوحه حضرت اباالفضل(ع) -(ای شمع حرمخانه قربانون اولوم عبّاس) * ولی الله کلامی زنجانی

2389
3

نوحه حضرت اباالفضل(ع) -(ای شمع حرمخانه قربانون اولوم عبّاس) ای شمع حرمخانه
قربانون اولوم عبّاس
جان لار سنه پروانه
قربانون اولوم عباس

ایلده شب تاسوعا
سسلر آدوی دنیا
معناده دیر زهرا
قربانون اولوم عباس

دویسه قاپیوی سائل
منظوری اولار حاصل
ای مونس اهل دل
قربانون اولوم عباس

انسان و ملک سندن
ایستَلَّه کمک سندن
اَل بیزدن اتک سندن
قربانون اولوم عباس

ای معرفتین کانی
سَن بُل آناوین جانی
بیمه ایله بو جمعی
قربانون اولوم عباس

اوج شرفه چاتدون
لب تشنه قانه باتدون
سن کوثری آغلاتدون
قربانون اولوم عباس

دگدی گوزل آننوندان
اوچ شعبه لی بیر پیکان
دوتدی گوزیوی اَلقان
قربانون اولوم عباس

یاندیم دیدیم ای قارداش
سس ویر منه وای قارداش
چارم ندی ای قارداش
قربانون اولوم عباس

دیداره حسین گلدی
قلبین غم اوخی دَلدی
تاپدی سنی دینجلدی
قربانون اولوم عباس

وار خیمه ده چوخ سوزلر
قیزلار یولیوی گوزلر
باخمور نیه بو گوزلر
قربانون اولوم عباس

احسنت بیله ایثاره
سردار وفاداره
قربان کسیلن یاره
قربانون اولوم عباس

گَلدیم باشوین اوسته
آچ گوزلرین آهسته
سن خسته حسین خسته
قربانون اولوم عباس

ای کشتی بی ساحل
قانلی علمه حامل
آمالون اولوب حاصل
قربانون اولوم عباس

کم ایلمه لطفون سَن
بیچاره (کلامیدن)
کویونده گدایم من
قربانون اولوم عباس

  • پنج شنبه
  • 30
  • اردیبهشت
  • 1400
  • ساعت
  • 17:18
  • نوشته شده توسط
  • یوسف اکبری
ادامه مطلب

استمداد حضرت اباالفضل(ع) -(شیر مردون یخلوب توپراقا قارداش یارالی) *مرحوم انور اردبیلی

4147
12

استمداد حضرت اباالفضل(ع) -(شیر مردون یخلوب توپراقا قارداش یارالی) شیر مردون یخلوب توپراقا قارداش یارالی
ایلورم سجده جبینیم یارالی باش یارالی

اوج اعلاده قُوشون دگسه یارا شهپری نه
قدرتی اولماز حمایت ایلیه پیکری نه
مرد شمشیرون اگر یتسه خطر اللّری نه
کسیلر چاره سی دشمن قباقیندا سخلار
قارداشون تک یخلاندا یوزی اوسته یخلار

دولسا هر بیر گوزه قان لخته سی گورمز قاباقی
سندیرار شخصی مسلّم قولونون اول ماماقی
یخلان وقیتده بند اولسا رِکابه ایاقی
مرکبی گیتدوقی جا لرزه دوشر قامتی نه
یوزی توپراقه دگر صدمه یتر صورتی نه

سرو نسگللی اولار دوشسه بوداق سیز چمنه
ایتمورم دردیمی اظهار اولان اولدی منه
گَل اوزون ال یتور ای شاه بو ال سیز بدنه
دیمورم مهلکه دن جسمیمی قارداش چکه سن
ولی چوخ خوشدی بو ال سیز باشیما باش چکه سن

ایتموسن سن گوز آچاندان منه تعلیم وفا
دیمیشم امریوه بیر عمریدی لبّیک و بَلی
سایه تک پشت سرونده دولانوب صبح و مَسا
قاباقا گیچمه میشم ایندی گینه گیچ میورم
ساقی کوثر آتام سو گَتیروب ایچ میورم

من اوتوز بش ایله بالغ قاپیوین نوکریم
خوان اجلالی وین عالمده نمک پروریم
دیمورم کنز وفا و ادبین گوهریم
هر نیم صحنهء عشقونده اوزوم دن گیچنم
تیرِ عشقون پر آچان وقته گوزوم دن گیچنم

خدمتیم اولسا برازنده یوبانما ئولورم
گَل طبیبانه باشیم اوسته، دایانما ئولورم
خیمه لرده الی قوینوندا دولانما ئولورم
دشمنه وقریمی ای میر امم ویرمه میشم
ویرمیشم اللّریمی الدن عَلم ویرمه میشم

دلخوشام گوزلریمی فاطمه لطفیله سیلور
سینمون یاره سینه باد بهشتی اَسیلور
دلخوشام باشیوه نَذر ایلدیقیم باش کسیلور
شاد اولوب نوکریوین روحی آقا غم یِرینه
شکری وار نَذریمی بو چولده یتورسم یرینه

آلدی قارداش سسینی قتلگهه گَلدی امام
گوردی عبّاسی چالیخلور یوخودی حال قیام
دیدی جان قارداشیوین قارداش ایشی اولدی تمام
اکبری گیتمی شیدی اصغری دوشدی خطره
زینبون باشدا قرا معجری دوشدی خطره

برج محنتده که اولدوزلاری مون وای گونونه
قورخولی چولده آدام سیز لاریمون وای گونونه
سایه وه دالدالانان قیزلاری مون وای گونونه
صف عشقه دوزولن لر سنه قربان یارالی
الی الدن اوزولن لر سنه قربان یارالی

مایلم نطقیوه گفتاریوه قارداش دی منه
قلبیوین دردینی اظهار ایله قارداش دی منه
دم بدم آدیمی تکرار ایله قارداش دی منه
چرپنان قلبیمون آرام ایله چرپنماقینی
بِلیمون بلکه یادیم دان چخادام سنماقینی

من حسینم غم هجرونده یانان قارداشوام
نو جوان اوغلی ئولن قدّی کمان قارداشوام
یخه سی خیمه ده اللّرده قالان قارداشوام
گوزیوین قانینی حسرتله سیلن قارداشوام
قوجا وقتینده علاجی کَسیلن قارداشوام

نه قدر چوللّری حیران دولانوم آه چکوم
نه قدر اشک ملاله بویانوم آه چکوم
نه قدر آتشِ هجرونده یانوم آه چکوم
نه قدر قلبیمی پیکان مصیبتله یانوم
نه قدر خیمیه بیر گونده جنازه آپاروم

من نجه دشمن ایچینده سنه غم بزمی قوروم
من نجه طعنه ووران لار قباقیندا اوتوروم
من نجه سن یخلان یِرده ایاق اوسته دوروم
من نجه ایم دی بوقول سوز بدنین ترکین ایدوم
من نجه خیمه سرایه الی قوینوم دا گیدوم

یاندورار حشره کیمی عالمی درد و محنون
شاخه سیز سروه مثل دور کچیلیب دو ر بدنون
قالسون اللّرده او ال که الیوی کسدی سنون
بِلی سن سون ستمی له بِلیمی سندی رانون
گوزی چخسون آتام اوغلی گوزیوه اوخ آتانون

  • پنج شنبه
  • 18
  • شهریور
  • 1400
  • ساعت
  • 18:37
  • نوشته شده توسط
  • یوسف اکبری
ادامه مطلب

متن شعر ترکی توسل به حضرت ابوالفضل العباس (ع) – امان نامه -(هر کیم ایستور چاره قیلسون درد بی درمانینه ) * ستار رزاقی

9025
3

متن شعر ترکی توسل به حضرت ابوالفضل العباس (ع) – امان نامه  -(هر کیم ایستور چاره قیلسون درد بی درمانینه ) هر کیم ایستور چاره قیلسون درد بی درمانینه
چنگ وورسون ساقی دشت بلا دامانینه
.
حضرت عباسه صدقیله توسل ایلسون
تا یتیرسون حق اونی ائوز دردینون درمانینه
.
منصبی باب الحوائجدور ائوزی کان عطا
گوز تیکیبدور اهل عالم لطف بی پایانینه
.
هیچ کیمی نومید ایتمز درگهوندن بو آقا
چون کرم دریاسیدور ایلر نظر مهمانینه
.
روز اول باغلامیشدی یاریله پیمانینی
لازم اولسا هر زمان جان بذل ایده جانانینه
.
آی دولاندی ایل دولاندی یتدی روز امتحان
چکدی عباسی قضا دشت بلا میدانینه
.
اول منای عشقیده ویردی نشان ائوز همتین
عهدینه ایفا ایدوب پابند اولوب پیمانینه
.
استقامتله دایاندی مرتضانین وارثی
قویمادی صدمه یتیشسون ذرّه جه ایمانینه

  • پنج شنبه
  • 10
  • مرداد
  • 1398
  • ساعت
  • 11:21
  • نوشته شده توسط
  • ابوالفضل عابدی پور
ادامه مطلب
استاد حسین غفاری اردبیلی

زبانحال امام در شهادت حضرت اباالفضل(ع) -(یخلوب عباسیم) *استاد حسین غفاری اردبیلی

772
1

زبانحال امام در شهادت حضرت اباالفضل(ع) -(یخلوب عباسیم) یخلوب عباسیم نهر فرات اوسته
بلیم سیندی زینب علمدار ئولدی
بویانوبدور قانه وفالی سرداریم
لوای قرآنه وفادار ئولدی

ئوزون آگه ایله حیالی قیزلاری
دینن دگدی پیکان سو مشکین دلدی
سیزه خاطر کچدی ایکی قول بیر گوزدن
منی قویدی یالقوز فلک دینجلدی
علَمین آغوشه آلوب گوردوم آغلور
ئوپور اللهُ اکبرین نقشیندن
دوداقیندان ئوپدوم دوداقینون عطری
بهشتین عطریلن برابر گلدی

دیدیم آیا قارداش گیدورسن اخیامه
دیدی سن گئت قارداش رقیه ن آغلار
دیدیم اوندا گیتسم سنی تنها قویسام
چیخاندا جان لبدن گوزون کیم باغلار
باشیم اوسته بیر سس دیدی سن گئت اوغلوم
گوزین زهرا باغلار عزاسین ساخلار
یری وار بو غمدن سودان چیخسا ناله
کول اولسا پروانه سو اولسا داغلار

دیون اصغر یاتسین یاتوب پرچمداریم
یارالی اعضاسی قالوب صحراده
عطشیندن یانسا دوداقلارین اَمسین
دیوللر دشمنلر سو یوخ دریاده
سوسوز ئولسه اوغلوم اگرچه نسگیلدی
منه باش اگمکدن ولی آساندی
سویا خاطر هرگز علینون اولادی
ویرر جان یالوارماز دنی صیاده

سینه سی اوستونده نیستان وار گویا
یارالی اعضاسی تماماً اوخدی
ولی اوخلاردان چوخ کنارینده زینب
ندور علت بیلمم آغیر داش چوخدی
توخانوبدور داشلار سینوبدی آئینه ام
یانور غمدن سینه ام آخور گوز یاشیم
اوجا بوی قارداشیم ئولوبدی اللرده
یاتوبدی چوللرده قراریم یوخدی

کسیلوبدور چارم ئولوبدی قارداشیم
کمکسیز بیر شاهم امیدیم ای وای
یاخامی اللرده قویان عباسیم وای
شرفلی سردار رشیدیم ای وای
توخانوب بیر پیکان هوروبدی گوزیاشین
گَلن گورمور کیمدی قالوب آواره
دیزیم اوسته باشین آلوب توکدیم گوز یاش
دیدیم لای لای قارداش شهیدیم ای وای

  • جمعه
  • 29
  • مرداد
  • 1400
  • ساعت
  • 23:04
  • نوشته شده توسط
  • یوسف اکبری
ادامه مطلب
 مرتضی اسکندری

نوحه حضرت اباالفضل(ع) -(ای کربلانون ساقی عطشانی قارداش) * مرتضی اسکندری

3848
7

نوحه حضرت اباالفضل(ع) -(ای کربلانون ساقی عطشانی قارداش) ای کربلانون ساقی عطشانی قارداش
عالم اوزون قولاریوون قربانی قارداش

گوزلور یولون اولدوزلاریم
قربانون اولسون قیزلاریم

ای وای ابالفضل لایلای ابالفضل

سن سن امیر لشکر قرآن ابالفضل
پرچم دوتان بازولره قربان ابالفضل
یاتما رقیم قالدی سرگردان ابالفضل
قویما آدامسیز زینب کبرانی قارداش

سن معنی حی علی خیرالعمل سن
بحر شجاعت مرد میدان جدل سن
فرمانده ی اردوی بی مثل وبدل سن
دور قویما باشسیز لشکر قرآنی قارداش

هانسی جفا پیشه سنی بو حاله سالدی
تاب و توانی معدن غیرت دن آلدی
ای وای ربابه شیر خواری تشنه قالدی
قویما ملر آهوی لب عطشانی قارداش

شیرازه سیز قرآن کیمین پرپر اولوبسان
سرمست جام باده ی کوثر اولوبسان
کرب وبلا صحراسینه زیور اولوبسان
خوش حالیوه اولدون آنام مهمانی قارداش

ایل وتباریم قالدی باشسیز یاتما قارداش
دشمن قباقینده منی آغلاتما قارداش
عطشان دوداقلاری نظردن آتما قارداش
ام البنینون با ادب اصلانی قارداش

جسم شریفونده یاران چوخدور یارالی
باشدان ایاقه نیزه دور اوخدور یارالی
دور یاتما سنسیز یاوریم یوخدور یارالی
سیندیر دیلار آئینه ی تقوانی قارداش

  • چهارشنبه
  • 29
  • اردیبهشت
  • 1400
  • ساعت
  • 23:07
  • نوشته شده توسط
  • یوسف اکبری
ادامه مطلب
 حسین خدایی زنجانی

استمداد حضرت اباالفضل(ع) -(یاحسین داده گل نهریده سقایه باخ) * حسین خدایی زنجانی

864

استمداد حضرت اباالفضل(ع) -(یاحسین داده گل نهریده سقایه باخ) یاحسین داده گل نهریده سقایه باخ
کسیلوب قولاریم محنته عظمایه باخ
یوخدی چاره یولوم
کسیلوب صاق صولوم
یا مولا یا مولا

قاف عشقونده من شهپری دوشموش قوشام
ایاقین آلتدا جانیم اقا چیخسا خوشام
خالی مشگیم کیمی عفو ائله دستی بوشام
مهر زهرادی سو موجیلی دریایه باخ
یوخدی چاره یولوم
کسیلوب صاق صولوم
یا مولا یا مولا

اشگیمی قان ائدوبدی اقاجان حرمله
سائلم , سن کریم ایستیورم من صله
گر منه باخماسان ایلمرم هچ گِله
سنه قربان اولوم حال تمنایه باخ

یوخدی چاره یولوم
کسیلوب صاق صولوم
یا مولا یا مولا

باشیمین یاره سی سالدی منی تابیدن
ای گونوم دوتما یوز ایندی بو مهتابیدن
نوکری دشمنان آیریدیر اربابیدن
ال چالیلار سنه قسمته دنیایه باخ
یوخدی چاره یولوم
کسیلوب صاق صولوم
یامولا یامولا

مرکبیمدن دوشنده گوزومی باغلادیم
اصغرین حالینه یاندیم اورک داغلادیم
فاطمه باشیمه چکدی الین اغلادیم
دئدی اچ گوزلرون ام ابیهایه باخ
یوخدی چاره یولوم
کسیلوب صاق صولوم
یا مولا یا مولا

دیزینه باشیمی الدی دئدی جان اوغول
قورویان لبلرن فاطمه قربان اوغول
سسله قارداشیوی تا گله الان اوغول
دئگینن یاحسین حال غم افزایه باخ

یوخدی چاره یولوم
کسیلوب صاق صولوم
یا مولا یا مولا

اقا قارداش اگر سسلدیم عفو ائت منی
امر زهراییدی, زحمت سالدیم سنی
بئلیوه قویما ال ,شاد ائلمه دشمنی
سارالان غصه دن صورته زهرایه باخ
یوخدی چاره یولوم
کسیلوب صاق صولوم
یا مولا یا مولا

قاتلیم جر ائدوب شدته گلمیش حسین
یوخ قولوم ,قاتلیم جرئته گلمیش حسین
دئمه آیا نه اول قامته گلمیش حسین
سئلین التیندا بو شاخه طوبایه باخ

یوخدی چاره یولوم
کسیلوب صاق صولوم
یا مولا یا مولا

گئت خیامه حسین اصغره لای لای دئنن
اوخلانان سینمی لاله لره تای دئنن
کیچیلن قامته اغلاما , ای وای دئنن
غم یمه سیدی لذته عقبایه باخ
یوخدی چاره یولوم
کسیلوب صاق صولوم
یا مولا یا مولا

اشگی جوهر ائله غملریمی یاز حسین
بیچیلن پیکره خردا قبیر قاز حسین
هچ خجالت زده من کیمی اولماز حسین
اتام حیدر توکور اشگ تسلایه باخ
یوخدی چاره یولوم
کسیلوب صاق صولوم
یا مولا یا مولا

  • شنبه
  • 16
  • مرداد
  • 1400
  • ساعت
  • 23:58
  • نوشته شده توسط
  • یوسف اکبری
ادامه مطلب
حاج مهدی ملکی زنجانی

حضرت اباالفضل(ع) -(سینه وراندا سسلن یا حضرت ابوالفضل ) *حاج مهدی ملکی زنجانی

778

حضرت اباالفضل(ع) -(سینه وراندا سسلن یا حضرت ابوالفضل ) سینه وراندا سسلن یا حضرت ابوالفظل
قلبین دولاندا سسلن یا حضرت ابوالفظل
یاحضرت ابوالفظل یاحضرت ابوالفظل ۴بار

ماه و فلکدن الحق چوخدی اونون جلالی
اون یدی منصبی وار آیدان ایشق جمالی
یاوردی شاهه دینه وار سینده مدالی
ای دل یاناندا سسلن یا حضرت ابوالفظل ۴بار

گوز یاشلی ایت توسل عباس نامداره
هردردین اولسا قورخما گل قیدی قوی کناره
ال چکمه پرچمیندن یالوار او تاجداره
حاجت آلاندا سسلن یا حضرت ابوالفظل ۴بار

عالمده کیم چاغرسا بیر یول اورکدن عباس
عاشقلرین جهاندا قویماز ایده غم احساس
هردرده بی دوایه درمان ایدر گل یاس
دیلدن یاناندا سسلن یا حضرت ابوالفطل ۴بار

صدقیله سسله قورخما احسان ایدر ابوالفظل
هر دردین اولسا گلسن درمان ایدر ابوالفظل
اوز شیعه سین جهاندا سلطان ایدر ابوالفظل
بحران زماندا سسلن یا حضرت ابوالفظل ۴بار

آرام وجان حیدر سقای کربلادی
آزاده لر پناهی سردار با وفادی
سن بی ریا چاغرسان وللا اوچوخ آقادی
هر دم نهاندا سسلن یا حضرت ابوالفظل ۴بار

دارو شفا اولوبدی بزم عزاسی یاران
گل سن دیز اوسته ایلش ای باوفا مسلمان
سسلن او باوقاری دردیوه ایسته درمان
گل تک صولاندا سسلن یا حضرت ابوالفظل ۴بار

مهدی نقدری عمرون اولسا دینن اباالفظل
غمله جهاندا قلبین دولسا دینن اباالفظل
گل تک جهاندا رنگین صولسا دینن اباالفظل
غمده قالاندا سسلن یا حضرت ابوالفظل ۴بار

  • چهارشنبه
  • 20
  • مرداد
  • 1400
  • ساعت
  • 17:46
  • نوشته شده توسط
  • یوسف اکبری
ادامه مطلب

استمداد حضرت اباالفضل(ع) -(قوللاریم اولدی قلم قارداش حسین) *سعدی زمان سیدرضا حسینی

752

استمداد حضرت اباالفضل(ع) -(قوللاریم اولدی قلم قارداش حسین) قوللاریم اولدی قلم قارداش حسین
سرنگون اولدی علم قارداش حسین
الامان دور، الامان امداده گَل
گَلمه سن باش وِیرمرم جلاّده گَل

مشکی مه اوخ ووردیلار قوم ضُلال
گیتدی سو آخدی گوزیم دن اشک آل
خجلت یم ایلوب منی پژمرده حال
الامان دور، الامان امداده گل

ای امامت بُرجی نه مِهر مُنیر
گوردولر قول سوز منی قوم شریر
ووردیلار بی حد سِنان و تیغ و تیر
الامان دور، الامان امداده گل

آل دیلار اطرافیمی قوم دَنی
تیر باران ایتدیلر قارداش مَنی
گوزلریم یولدا قالوب گوزلر سَنی
الامان دور، الامان امداده گل

طاقتیم یوخ جنگ ایدیم دونانی له
پیکریم مملُوّ اولوب پیکانی له
کاسهء چَشمیم دولوب دور قانی له
الامان دور، الامان امداده گل

قول گیدوب اولدوم بلایه پای بست
باشیمون جامین عَمود ایتدی شکست
هارداسان ای شاه اقلیم اَلَست
الامان دور، الامان امداده گل

نیزه لر اللّرده، دورت یوز نیزده دار
آز قالور اعضامی ایتسون تار و مار
هر گَلَن نیزه وورار، خنجر وورار
الامان دور، الامان امداده گل

تا منی آتدان یِر اوسته سالدی لار
کوفیان طبل بشارت چالدی لار
دوره می غیظیله یکسر آلدی لار
الامان دور، الامان امداده گل

دولدوروبدور جسمیمی چوخ اوخ منیم
آچماقا گوز اختیاریم یوخ منیم
جسم ده کاری یارام وار چوخ منیم
الامان دور، الامان امداده گل

باشیمه نوفَل ووران ساعت عَمود
خورد خورد اولدی باشیم ایتدیم سِجود
آز قالوب روحیم قوشی ایتسون صُعود
الامان دور، الامان امداده گل

دوندی بو صحراده شامه گون دوزوم
قویما قال سون بیر بیله یولدا گوزوم
گیتدی یِرلرده سورونماق دان یوزوم
الامان دور، الامان امداده گل

رَم یِدی آتدان دوشن وقته سَمند
بیر اَیاقیم چون رِکابه اولدی بَند
اولدی میداندا وجودیم بَند بَند
الامان دور، الامان امداده گل

قارداشون قوم دَنی دلدن سالوب
دوره می اون یِتدی بَد کردار آلوب
گَل امان دور باشیم اللّرده قالوب
الامان دور، الامان امداده گل

ای (حسینی) دلده وار دردون سنین
دوت گیلن باب الحوائج دامه نین
بو سوز آرتوردی حسینین شیونین
الامان دور، الامان امداده گل

  • پنج شنبه
  • 18
  • شهریور
  • 1400
  • ساعت
  • 19:01
  • نوشته شده توسط
  • یوسف اکبری
ادامه مطلب

استمداد حضرت اباالفضل(ع) -(تعجیل ایله گلماق دا امان دور آتام اوغلی) * محمد عابد

971

استمداد حضرت اباالفضل(ع) -(تعجیل ایله گلماق دا امان دور آتام اوغلی) تعجیل ایله گلماق دا امان دور آتام اوغلی
سندن اورگیم چوخ نگران دور آتام اوغلی

عفو ایله بو دعوتده اگر اولدی جَسارت
اولسون قسم اوز جانوه خواهش دی نه دعوت
احسان ایله بو خواهشیمی ایله اِجابت
گل باشوه عباسی دولان دور آتام اوغلی

تا گوز آچوب احساس ایلدیم گوز نَدی قارداش
خورشیدی له مَه یا گئجه گون دوز نَدی قارداش
نطقه گله‌ لی درک ایده‌ لی سوز نَدی قارداش
عبّاسه آدون ورد زبان دور آتام اوغلی

یوخ دور نظر الفاظی ده سن سن هامی منظور
سن دلده بیان گوزده ضیا باشدا اولان شور
گوز چهره ‌وی ترک ایتمدی، گوردون شب عاشور
هرگز دِی مَدی باغ جنان دور آتام اوغلی

عادتله یانان قلبیم ایدوب اسمیوی تکرار
خشکیده زبان ایتدی اورک دردینی اظهار
عشقون که منی ایلدی بو خواهشه وادار
ذرّات وجودیم ده نهان دور آتام اوغلی

عشقوندی فقط قلبیده یوخ اوزگه تعلّق
بو خُلق له نفسیم تاپیب اوّلده تَخلّق
گَل گَلماقی وا اِیت گیله عباسی تَصَدّق
هر بیر قدمون ارزشی جان دور آتام اوغلی

جان فدیهء یار اولماسا خدمت دیماق اولماز
باش بذل نگار اولماسا عزّت دیماق اولماز
سودای مُحبّت دی مُصیبت دیماق اولماز
هر غم منه تهذیب روان دور آتام اوغلی

بیر حرف زبانیم ده منیم یوخدی گلایه
خشکی ده لبیم خنده ویرار موج بلایه
امواج بلا دور یِتورَن اُوجِ وِلایه
بو امر، مسلّم نه گمان دور آتام اوغلی

من لازمی دی فدیهء جانان اولام اولدوم
لب تشنه رَه یاری ده قربان اولام اولدوم
سو اوسته سوسوز قانی مه غلطان اولام اولدوم
سندن ولی دل چوخ نگران دور آتام اوغلی

مین‌لر من اولام بیر نفسون قیمتی اولماز
گل اولماسا هرگز چمنین نزهتی اولماز
سن سیز بو جهان اول سادا خاصیّتی اولماز
بالّهی جهان سنله جهان دور آتام اوغلی

سینم سِپر ایستردی اولا تیرِ بلایه
تا یتمیه گنجینهء اسرار خدایه
افسوس دوشوب توپراقا ایندی بو وقایه
هر چند گنه تیره نشان دور آتام اوغلی

دردیم بودی، سن بی‌ مدد و یاور و تنها
بو دشت کمین گاه و کمان دار سراپا
اِیوای، نشان بیر، یارالی تشنه لب، امّا
دنیا دولوسی تیر و کمان دور آتام اوغلی

آخِر نفس احساس ایلورم عمره علاقه
ایستور منی توش ایتسون اَجل دَرد فَراقه
بیر لحظه بُلورسن دوشه گر سندن اوزاقه
عباسین او دم حالی یامان دور آتام اوغلی

گُل یاره ‌لر ایلوب بُلورم بو چولی گلشن
امّا ندی بو منظر گلگون گورورم من
آیا هامی دنیانی دوتوب سُوری و سُوسَن
یا آینهء چشمی ده قان دور آتام اوغلی

یازدی خطِ خونین، وَرقِ جسمی ده شمشیر
گُلواژهء عشق اولدی گوزل طرزی له تعبیر
دنیا بویی گویادی بو تعبیر و بو تحریر
اهل دله تبیان و بیان دور آتام اوغلی

دیداری ویله دل یتر آخر بلی کامه
توفیق تاپار جان بُلورم اخذ مرامه
عطرون گَتورور باد صبا پیکی مشامه
اَنفاسی او دور مشگ فشان دور آتام اوغلی

مأنوس اولالی عشقه ازل، خامهء تقدیر
دل صفحه سینه عکس رُخون ایلدی تصویر
عشقون منه جان مونسی دور منده نه تقصیر
سن سیز گر ایشیم داد و فغان دور آتام اوغلی

قان سیل کیمی موج ووروب داغ داشا قارداش
بیر وُرطه دی بو غم چولی باشدان باشا قارداش
قان قوی موری قارداش یتیشه قارداشا قارداش
غَرقاب، کران تا به کران دور آتام اوغلی

بو طایفه دنیایه آزوب دینی نی ساتدی
باشدان هوس باطله حقّ فکرینی آتدی
هر چند که ظاهرده اوز آمالی نه چاتدی
هر سود، بو سوداده زیان دور آتام اوغلی

نفسیم اولالی نعمت تکوینی له مأنوس
اولدوم سنه خادم، سنه چاکر، سنه پا بوس
آخِر نفسی ایلمه مشتاق یوی مأیوس
لطفه بُلوسن یاخشی زمان دور آتام اوغلی

دل روشن اولوب آتشِ جانسوز جگردن
چوخ فیضه یتوب نالهء شب، آه سحردن
دوشموب بُلورم ناله، دعا، آه، اَثَردن
دیدارون او تأثیره نشان دور آتام اوغلی

ای بارقهء رحمت بی‌ منّت داور
ای جودِ مجسّم، کرم و فیض مُصوّر
تنها نه منم لطفیوه محتاج، برادر
محتاج سنه کون و مکان دور آتام اوغلی

قان آیت نصرتدی بو قانلی علمون ده
دل هدیهء ناچیزی دی تشریف غمون ده
باش نقده نثار اولماسا خاک قدمون ده
جان دوشی نه بیر بارِ گران دور آتام اوغلی

(عابد) سنه دم وِیردیله (ذهنی) و (سخاوی)
چون ذکر مصیبتده او شاعر دی بو راوی
تکرار ایله اوّل سوز اولوب چوخ سوزه حاوی
تعجیل ایله گلماق دا امان دور آتام اوغلی

  • پنج شنبه
  • 18
  • شهریور
  • 1400
  • ساعت
  • 19:05
  • نوشته شده توسط
  • یوسف اکبری
ادامه مطلب
 ولی الله کلامی زنجانی

حضرت اباالفضل(ع) -(یخیلدی سقا یره باش یارالی قان گلور) * ولی الله کلامی زنجانی

795

حضرت اباالفضل(ع) -(یخیلدی سقا یره باش یارالی قان گلور) یخیلدی سقا یره باش یارالی قان گلور
او سسلنور یا حسین داده اوخ ووران گلور
یا حسین یا حسین گل هرایه هارداسان
گلدی زهرا ننم کربلایه هارداسان

منیم آغام اوز آغام وار اورکده سوز آغام
من سنسیز دوْزممورم سن بو درده دوْز آغام
حیدر اوپن اللره دوشمن وردی گوز آغا
آختاریدم بو حالی هر گجه گوندوز آغا
شکر اولا قوللارم حق یولوندا قطع اولوب
سو یولی گوزلمه گوزلریمه قان دولوب

گورسه رقیه اگر پیکریمون یاره سین
بوشلار قاچار چوللره اصغرون گهواره سین
یخدی یئره حرمله صبریمون دیواره سین
سو توکولدی مشکیدن کسدی سقا چاره سین
وای منه وای منه وای روبابه وای منه
گل یولون گوزلورم گوزلریم قربان سنه

دوزدی بلالی اولار پهلوان‌لارین باشی
دعوا گونونده سنار قهرمان‌لارین باشی
قوی اولسون بو داستان داستان‌لارین باشی
قولسوز علمدار اولوب باش یاران‌لارین باشی
دوشموشم تپراقا یاره لی وجودیله
یاردیلار باشیمی بیر آغیر عمودیله

من سنی ای یوسفیم ساتمادیم اهریمنه
قالدیم بویاندیم قانا منّت اولماسین سنه
بسدی فقط فاطمه لای لای دئسون منه
او سسله سین جان بالا من ده دیوم جان ننه
قلبیمی یاندیران نیلیگون جمالیدی
گلدی زهرا ولی سینه سی یارالی دی

غملی امان نامه نین ماجراسی بیر یانا
قیزلاریوین قورخوردان آه و واسی بیر یانا
پرچم توتان اللرین ابتلاسی بیر یانا
بنان هامی بیر یانا دل یاراسی بیر یانا
طعنه دشمن وورور قلبیدن یارالیام
خالی مشگیم کیمی من ده دست خالیام

  • جمعه
  • 10
  • بهمن
  • 1399
  • ساعت
  • 20:32
  • نوشته شده توسط
  • یوسف اکبری
ادامه مطلب
استاد حسین غفاری اردبیلی

شجاعت حضرت اباالفضل(ع) -(بو کیمدور هیبتدن چخمیور سس پهلوانلاردان) *استاد حسین غفاری اردبیلی

1409
5

شجاعت حضرت اباالفضل(ع) -(بو کیمدور هیبتدن چخمیور سس پهلوانلاردان) بوکیمدور هیبتدن چخمیور سس پهلوانلاردان
مینوب مرکب بلینده سان آلور سایسیز یگانلاردان

گوز آلتی قبض روح ایلور باخندا نیمه جانلاردان
سوروشدم نام زیباسین حماسی داستانلاردان
دیدی گیت آل خبر آدین اونون عاشق جوانلاردان
سپر کتفیندن آویزان بلیندن تیغ هندوسی

قالوب گوش عقابیلن مساوی سطح زانوسی
نشان وحدت اسلامیدور پیوسته ابروسی
ویرور فولاده درس استقامت قطر بازوسی
دیوللر احسن عباسه ملکلر آسمانلاردان

اوجا پرچم الینده شان اسلامون نموداری
دگور یل شقه سی تیترور چالور آهنگ بیداری
اوزاخدان کیم گورور پرچمده سیمای علمداری
خیال ایلور چکوبلر پرچم اوسته ماه سیاری
ابوالفضلون بلی خارجدی او صافی گمانلاردان

حریم دینه حاجبدور کتاب عشقه کاتبدور
ئوزی دریای غیرتدور سوزی بحرالعجایبدور
بودور اون یدی منصب صاحبی اعلا مناقبدور
الین ئوپمک حسیندن صوراهر انسانه واجبدور
درخت غیرتی اسمز بونون هرگز تکانلاردان

کورک اننی اوجا قامت یوزینده نور رحمانی
همان نوری که سرمست ایلدی سیناده موسانی
دوتوب زیر نظرده تک به تک مردان میدانی
گوروندی خشک صحراده اوگون دریای طوفانی
اوگون چوخ داستان یاغدی توخوندی ریسمانلاردان

مخاطب ایتدی سعد اوغلون بویوردی ای بد اندیشه
ندن خنجر چکوب آل الهه اولدون ستم پیشه
ویرر محصول ناکامی یوخوندا اکدیگون ریشه
خیال خام ایدوبسن شیردن خالی دگل بیشه
علینون اوغلی قورخماز عرصه ده گله چرانلاردان

  • چهارشنبه
  • 3
  • شهریور
  • 1400
  • ساعت
  • 17:40
  • نوشته شده توسط
  • یوسف اکبری
ادامه مطلب

زبانحال امام بر بالین علمدار کربلا -( امیر لشگر عشق دلاوریم گوزون اچ ) *کربلایی رحیم شایان

14178
12

زبانحال امام بر بالین علمدار کربلا -( امیر لشگر عشق دلاوریم گوزون اچ ) «زبانحال امام بر بالین علمدار کربلا»

سبک : ای آسمان غمون ...

امیر لشگر عشق دلاوریم گوزون اچ
حسینه ایله نظر برادریم گوزون اچ
مشگون یوخ علمونده
صاف یر یوخ بدنونده
اللر یوخدی تنونده

ابالفضلیم ابالفضلیم(۲)

ستملن ایله دیلر اوقوللاریوی قلم
بو حالی گورسه گیدر امید اهل حرم
گوزلردن اخوری یاش
اوخ گوزده ازیلیپ باش
پوزدون سن منی قارداش

ابالفضلیم ابالفضلیم(۲)

منه عدو گولوری یوخومدی چاره اخا
سو یوخدی عیب ائلمه ز یارالی دور ایاقا
اصغردن خجل اولما
گول مثلی بئله سولما
قارداشیم بئله دولما

ابالفضلیم ابالفضلیم(۲)

صفای قلب حسین طراوتیم سنیدون
بئلیم سنیبدی اخا که قدرتیم سنیدون
دل داغلی ای ابالفضل
قول باغلی

  • دوشنبه
  • 17
  • مهر
  • 1396
  • ساعت
  • 07:19
  • نوشته شده توسط
  • علی ببیرپور
ادامه مطلب

شعر ترکی در مدح و شجاعت حضرت اباالفضل علیه السلام -(ای ییخیلان پرچمی ، قائمه پرچملره) * محمد علی مصیبی

1339
3

شعر ترکی در مدح و شجاعت حضرت اباالفضل علیه السلام -(ای ییخیلان پرچمی ، قائمه پرچملره) ای ییخیلان پرچمی ، قائمه پرچملره
جرعه سویی مشکیده ، حسرت اولان یم لره
قارداشینین بیرتوکون ، وئرمیَن عالملره

تیر عشقیدن - جسمینه شهپر یاراشار
سرو قدّینه - صولت حیدر یاراشار
((یا ابالفضل))

آی گوره گر بو آیی لنگه دوشر گردیشی
ضربتینه محو اولار وار نه قدَر ناکیشی
ماردی وورماق یره ایشدی ابوالفضل ایشی

یک تنه آقام - دشتیده غوغا ائله دی
هندین اوغلونی - دهریده رسوا ائله دی

سو اَرِنی سسله دی لن دئدی سقا اونا
قوللارینا فخر ائدوب قان دولی دریا اونا
سسله دی احسنت اوغول حضرت زهرا اونا

عشق اولا سنون - غیرتیوه یاور دین
مرحبا سنه - ای پسر ام بنین

رسمی دی آفاقیده شیرین اولار اوغلی شیر
پنجۀ خونبارینه گّلّۀ

  • دوشنبه
  • 3
  • تیر
  • 1398
  • ساعت
  • 10:28
  • نوشته شده توسط
  • ابوالفضل عابدی پور
ادامه مطلب
استاد حسین غفاری اردبیلی

زبانحال امام حسین (ع) در بالین علمدار -(گلدیم هرایه قارداش،ای قهرمان اباالفضل) *استاد حسین غفاری اردبیلی

1009
2

زبانحال امام حسین (ع) در بالین علمدار -(گلدیم هرایه قارداش،ای قهرمان اباالفضل) گلدیم هرایه قارداش ، ای قهرمان ابوالفضل
سیندی بِلیم غمیندن ،یاتما اویان ابوالفضل
بزم وصاله قارداش ، باشین یارا گئدیرسن
سن بیل رقیه جانی ، من سیز هارا گدیرسن

باب المراد ابوالفضل
باب النجاه ابوالفضل

گلدیم هرایه قارداش ، ای قهرمان ابوالفضل
سندی بلیم غمیندن ، یاتما اویان ابوالفضل
بزم وصاله قارداش ، باشین یارا گئدیرسن
سن بیل رقیه جانی ، من سیز هارا گدیرسن

بیر بوسه ور حسینه ، گولدن گوزل ئوزوندن
گولسوز نچه چکیب سن ، اوچ پراوخی گوزندن
ای کاش یئره آتیدین ، مشکی اوزون گلیدین
اصغر اولیدی سنده ، گوزیاشیوی الیدن

باب المراد ابوالفضل
باب النجاه ابوالفضل

اوخ سینه وی اوپوبدی ، مین دفعه مین طرفدن
اوچ شعبه اوخدان آرتیق ، داشلار اپوب هدفدن
باش کاسه سی سینیبدی ، آهن عمودن الدن
گویا اولوب دی پر پر، گول شاخه سی چمنده

کربوبلایه قارداش ، آتش ووران سسیندیر
آز اوپ ایاقلاریمدان ، شرمنده لیق بسیندی
صدپاره سین اولی اوسته، دشمن باخیر سورونمه
قلبیم آلیشدی قارداش ، گوزیاشیوه بورنمه

باب المراد ابوالفضل
باب النجاه ابوالفضل

قالسام اگر یانیندا ، بیکس رقیه م آغلار
گئتسم اگر خیامه ، بس کیم گوزومو باغلار
بیر دسته تشنه جیران ، الان یولا باخیلار
سقّانی آختاریرلار ، هِی ساغ سولا باخیلار

گلدیم هرایه قارداش ، ای قهرمان ابوالفضل
سندی بلیم غمیندن ، یاتما اویان ابوالفضل
بزم وصاله قارداش ، باشین یارا گئدیرسن
سن بیل رقیه جانی من سیز هارا گدیرسن

باب المراد ابوالفضل
باب النجاه ابوالفضل

گلدی سسین خیامه ، دیل دوشدی پیچ و تابه
قیزلار بیر آیری نوحه ، اورگَدیلر ربابه
بیر عدّه سی دییردی ،گولسوز سواره لای لای
بیر عدّه سی دییردی ،وای شیرخواره لای لای

باب المراد ابوالفضل
باب النجاه ابوالفضل

  • دوشنبه
  • 10
  • آذر
  • 1399
  • ساعت
  • 22:07
  • نوشته شده توسط
  • یوسف اکبری
ادامه مطلب
 حیدر صبور زرنقی

سینه زنی احوالات حضرت اباالفضل(ع) -(یاتدی علم یاتما اخا ابالفضل ابالفضل) * حیدر صبور زرنقی

1446
1

سینه زنی احوالات حضرت اباالفضل(ع) -(یاتدی علم یاتما اخا ابالفضل ابالفضل) یاتدی علم یاتما اخا ابالفضل ابالفضل
ایلیورم ایندی نوا ابالفضل ابالفضل

دشمن دین سالدی سنی کمنده کمنده
یوخدی قولون ای یارالی بدنده بدنده
سیندی بلیم قوللاروی گورنده گورنده
قلبیمه سن نوروصفا ابالفضل ابالفضل

دویمامیشام من یارالی سوزوندن سوزوندن
گئچمیسن هم قول هم ایکی گوزوندن گوزوندن
باش یاراسی سالدی منی دوزومدن دوزومدن
اولدی عمودیله یارا ابالفضل ابالفضل

سیندی بلیم آچ گوزوی برادر برادر
تا ائشیدم بیر سوزوی برادر برادر
سالما اشاقه باشیوی برادر برادر
گوزلریمه نوروضیا ابالفضل ابالفضل

حیدر آتام ئوپدی گوزل خولوندان خولوندان
دونمه میسن سن یارالی یولوندان یولوندان
من ئوپرم بیرجوت اوزون قولوندان قولوندان
سالدیلا میداندا اخا ابالفضل ابالفضل

باشوین اوسته گلرم نوایه نوایه
گلدی سسون تا ائله کی خیامه خیامه
سسلدی قیزلار داخی وای ربابه ربابه
بیدیله باتون قانوا ابالفضل ابالفضل

قانلی مناده قانوا باتوبسان باتوبسان
گوزیاشیوی خون دله قاتوبسان قاتوبسان
هم گوزون هم قول یارالی یاتوبسان یاتوبسان
ای ثمر باغ ولا ابالفضل ابالفضل

  • پنج شنبه
  • 26
  • فروردین
  • 1400
  • ساعت
  • 10:38
  • نوشته شده توسط
  • یوسف اکبری
ادامه مطلب

استمداد حضرت اباالفضل(ع) -(گل ماه آل هاشم دوشدی خسوفه قارداش) *سعدی زمان سیدرضا حسینی

563

استمداد حضرت اباالفضل(ع) -(گل ماه آل هاشم دوشدی خسوفه قارداش) گل ماه آل هاشم دوشدی خسوفه قارداش
سرداروه اَل آچدی اشرار کوفه قارداش
فریاده گل برادر صاحب علم یخیلدی
باش زخمین ایتدی خاک و احجار روفه قارداش

ای شمس چرخ عزت ای نیّر امامت
هرگز دیمم واریم دور جسمی مده چوخ جراحت
مندن صورا تاپار بو دشمن سنه جسارت
آی باتدی گون یاخون دور دوشسون کسوفه قارداش

ای لشگری سنان شه درک ایله سر سپاهی
سندن صورا بلورسن یوخ دور امید گاهی
سن سن بو گون جهاندا عالم لرین پناهی
لطف و عطاده مظهر حَیّ رَئوفه قارداش

قلب سپاهِ کفره اوّلده لرزه سالدیم
تا لشگری داغیتدیم نهرِ فراتی آلدیم
اما الیم کسیلدی اشرار الینده قالدیم
اولدی نیام جسمیم مین لر سیوفه قارداش

یول آختاروردی روحیم راهِ صواب عشقه
بیر حرف ساق قولوم دان اوّلده باب عشقه
بیر حرف صول قولوم دان یازدیم کتاب عشقه
قانه دونر سرشگون باخسان حروفه قارداش

قولاریمی سالاندا بو پیروان باطل
سو مشگیمه برادر ایتدیم قولومی حایل
دورت بیر طرفدن از بس اوخ ووردی بو اراذل
الفی گیچوب یتشدی زخمیم الوفه قارداش

ال سیز منی گورنده ال قوم کافر آچدی
عنقا تک اوخ یاراسی جسمی مده شهپر آچدی
اوج وصال قدسه روحیم قوشی پر آچدی
اشگیم کیمی سپیلدی قانیم طفوفه قارداش

جسمی مده زخم پیکان گلشن کیمی گل آچدی
هر یاره شرح حاله بیر نوعیله دل آچدی
عالمده مین رسائل تک بو مسائل آچدی
کیم سجده گه ده گورمیش آچسون شکوفه قارداش

زخم سنان و پیکان گر چه بدنده چوخدی
اما منه موثر نه نیزه دور نه اوخدی
من سیز سنه بو چولده بیر جان نثار یوخدی
باعث بو غمدی بئله داد و لهوفه قارداش

آتدان دوشنده گوردوم ال یوخ ویرم قباقه
دوشدوم یوزی اوسته آتدان چون پای بسته ناقه
قادر اولانمادیم تا بیرده دورام ایاقه
ایلوم دوباره حمله یاغی صفوفه قارداش

آختارسان ای (حسینی) بو مشکلاته چاره
عباسه قیل توسل گل نی تک آه و زاره
اوز مطلع کلامون یاز مقطعه دوباره
گل ماه آل هاشم دوشدی خسوفه قارداش

  • پنج شنبه
  • 18
  • شهریور
  • 1400
  • ساعت
  • 18:16
  • نوشته شده توسط
  • یوسف اکبری
ادامه مطلب

زبانحال امام (ع) در بالین حضرت ابوالفضل العباس (ع) -(ای تشنه لب قیزلاریمه) * ناشناس ؟؟؟

4509
1

زبانحال امام (ع) در بالین حضرت ابوالفضل العباس (ع) -(ای تشنه لب قیزلاریمه) زبانحال امام (ع) در بالین حضرت ابوالفضل العباس (ع)

موسی آقایی اردبیلی

ای تشنه لب قیزلاریمه
سقا اباالفضلیم
یوخ بیر کسیم دور قالمیشام
تنها اباالفضلیم

عطشان قالوبدور خسته پر تیهولریم یاتما
دست خزانیلن سولوب مه رولریم یاتما
حسرتله گوز تیکمیش یولا آهولریم یاتما
ای شیرمرد عرصه هیجا اباالفضلیم

حق اوسته باتدون شوقیلن القانووه قارداش
بذل ایلیوبسن جانووی جانانووه قارداش
ایتدون عمل سن مو به مو پیمانووه قارداش
احسن دیدی ایمانووه زهرا اباالفضلیم

گلجک نیستاندان سسون روح وتنیم اسدی
میدانه قولسوز دوشمگون امیدیمی کسدی
آچ گوزلرون قارداشووی تک قویما بی کسدی
سنسیز منیم قلبیمده یوخ یارا اباالفضلیم

سوز عطشدن

  • پنج شنبه
  • 8
  • شهریور
  • 1397
  • ساعت
  • 01:30
  • نوشته شده توسط
  • علی ببیرپور
ادامه مطلب
 حاج اصغر فرشچی

متن شعر ترکی استمداد حضرت ابوالفضل علیه السلام -(گوزلورابولفضل یولووی ) * حاج اصغر فرشچی

1477
3

متن شعر ترکی استمداد حضرت ابوالفضل علیه السلام  -(گوزلورابولفضل یولووی ) گوزلورابولفضل یولووی
داده گل قارداشیم
تز یتیش امدادیمه گل
قالوب الده باشیم
.
.
عشق مناسینده گزن
عشقیوه بستیم
قانیم آخوب چوخ یاردان
جسمیدن خستیم
سن بول آنان جانی حسین
گل کی جان اوستیم
گوزلورابوالفضل یولووی
داده گل قارداشیم
تز یتیش امدادیمه گل
قالوب الده باشیم
.
.
ایتدیم حراست نقدر
دگمیه مشکه اوخ
امر قضایه دیمدیم
سنکیمی منده یوخ
آخدی سومشگی ایلدی
منی شرمنده چوخ
تز یتیش امدادیمه گل
قالوب الده باشیم
.
.
مشک سواوستونده اخا
جانیمی قویموشام
گل دیریلیق رختینی من
جسمیدن سویموشام
اوخ ویرولوب مشکیمه تا
جانیدن دویموشام
تز یتیش امدادیمه گل
قالوب الده باشیم
.
.
ایلدی مشکیمدن آخان
سومنی روسیاه
آخدی سو من حسر

  • پنج شنبه
  • 31
  • مرداد
  • 1398
  • ساعت
  • 11:35
  • نوشته شده توسط
  • ابوالفضل عابدی پور
ادامه مطلب
 امین اکرمی هاتف تبریز

استمداد حضرت اباالفضل(ع) -(جان آقام جان آقام سنه قربان آقام) * امین اکرمی هاتف تبریز

522

استمداد حضرت اباالفضل(ع) -(جان آقام جان آقام سنه قربان آقام) جان آقام جان آقام - سنه قربان آقام
دادیمه گل دوشدی باشیم الّلره قارداش
مشگیمه دگدی اوخ - منی یاندیردی چوخ
اولمادی قسمت سو ویرم اصغره قارداش
وای- آلوب اطرافیمی بو لشگر کینه
وای- یولومی گوزلمسون نازلی سکینه
یا حسین یا حسین - ای شه عالمین
عرصه‌ده گل گور نجه بی‌بال و پرم‌من
یاحسین یاحسین - حیدره نور عین
جان وئرورم‌گلسن ایاقون اوپرم من

پارچالاندی باشیم - قانلیدی گوز یاشیم
دوشموشم آتدان یارالی توپراقا - تز گل
گلدی بالینیمه - غمزده فاطمه
سیّدی زهرا آناوی گورماقا - تز گل
وای - سینه ده عشق گولون بسلدی زهرا
وای - منی لطف ائتدی اوغول سسلدی زهرا

قاپیوا بنده‌یم - ولی شرمنده‌یم
غم یمرم اوخلارا سینم هدف اولدی
سو آخور چولّلره - اوت سالوب دلّلره
یاندی سوسوزدان بالالارون تلف اولدی
وای - عمرومون کرب و بلاده گولی سولدی
وای- تشنه سقّا بالالاردان خجل اولدی
یاحسین یاحسین - ای شه عالمین
عرصه‌ده گل گور نجه بی‌بال و پرم من
جان وئرورم گلسن ایاقون ئوپرم‌من

  • سه شنبه
  • 7
  • اردیبهشت
  • 1400
  • ساعت
  • 20:23
  • نوشته شده توسط
  • یوسف اکبری
ادامه مطلب
حاج مهدی ملکی زنجانی

حضرت اباالفضل(ع) -(سقای دشت کربلا اباالفضل) *حاج مهدی ملکی زنجانی

718

حضرت اباالفضل(ع) -(سقای دشت کربلا اباالفضل) سقای دشت کربلا اباالفضل
سرلشگر شاهه ولا اباالفضل
درده دوادی عباسین آدی
مشکل گشادی عباسین آدی ۲بار

هرکس قالا مشکلده سسلر عباس
باب الحواج دی او اشبح الناس
درمان ایدر هردرده اول گل یاس
روحه صفادی عباسین آدی
مشکل گشادی عباسین آدی ۲بار

فرزند حیدر صاحب کرمدی
شاهه شهیده صاحب علمدی
مهرو وفاسی اومته علندی
شمع هدادی عباسین آدی
مشکل گشادی عباسین آدی ۲بار

اولدی اوتوزبش ایل حسین همدمی
حمله ایدیب آلدی آقا علقمی
وردی فرات اوسته اودم پرچمی
کان وفادی عباسین آدی
مشکل گشادی عباسین آدی ۲بار

قویمادی مولانی او گون تک قالا
قوم جفا خیمه لره یول سالا
فاطمه معناده دیوب جان بالا
چوخ باصفادی عباسین آدی
مشکل گشادی عباسین آدی ۲بار

دوشسه اگر شیعه بلایه باشین
بزم عزاسینده گ توک گوز یاشین
دادیوه سسله سن حسین قاردا شین
چوخ پر بهادی عباسین آدی
مشکل گشادی عباسین آدی ۲بار

عالمه مولا اولا شایسته دی
بنده‌ی صالحدی که وارسته دی
دینینه قرآنینه وابسته دی
درد آشنادی عباسین آدی
مشکل گشادی عباسین آدی ۲بار

  • دوشنبه
  • 18
  • مرداد
  • 1400
  • ساعت
  • 13:02
  • نوشته شده توسط
  • یوسف اکبری
ادامه مطلب

زبانحال امام در بالین حضرت اباالفضل(ع) -(دور گئداخ ای یارالی قارداش) * ناشناس ؟؟؟

444
1

زبانحال امام در بالین حضرت اباالفضل(ع) -(دور گئداخ ای یارالی قارداش) دور گئداخ ای یارالی قارداش
خیمه گاهه وفالی قارداش
تشـنه ســردار استــقامت
دور باشی ای بلالی قارداش

یاره لی اوخ نیه گوزونده اوتوروب
فاطمه قلبینه بو اوخ یاره ووروب

آمان قارداش ، آمان بارداش

مرکب اوستن یره دوشنده
کربلا غرق ماتم اولدی
قیزلاری سن گوروب گئدنده
زینبین حالی برهم اولدی

ای علمدارِ کربلا زینبه باخ
آچ گوزون باشدا قرا معجره باخ

آمان قارداش آمان قارداش

تا که سن سسلدون برادر
گل یتیش دادیمه اماندی
آغلادیم سسلدیم دلاور
قارداشیم مقتل اوسته قالدی

سسلدیم گل آنا یتیش فریادیمه
قارداشیم یادی گل آنا سن دادیمه

آمان قارداش _آمان قارداش

آچ گوزون گور نه حاله قالدیم
آی لبی پاره پاره قارداش
من باشون اوستونه یتیشدیم
دردیوی سویله منه یولداش

دورگیلان دردیوی منه ایله بیان
دورگیلان گوزلریوی آچ بیرده اویان

آمان قارداش _آمان قارداش

گل باجی دادیمه آماندی
قارداشیم قانینه بویاندی
وئر خبر آل بو ترابه
مشگیدن سو یره جالاندی

گل باجی باوفا ابوالفضل جان وئریر
علقم اوستونده دوشوب گوزقان وئریر

آمان قارداش_آمان قارداش

دوز باجی بو غم و بلایه
آغلا سن غم کربلایه
گوزلریم نوری گِئتدی الدن
بل بوکوب گل باجی هرایه

کربلا قانه دوندریب گوز یاشیمی
حرمله اوخلیوب جوان قارداشیمی

آمان قارداش _آمان قارداش

  • جمعه
  • 29
  • مرداد
  • 1400
  • ساعت
  • 10:47
  • نوشته شده توسط
  • یوسف اکبری
ادامه مطلب

شعر هزار بیتی احوالات حضرت اباالفضل(ع) -(هر کیمه یوز ورسه درد بی دوا) *سعدی زمان سیدرضا حسینی

1777
1

شعر هزار بیتی احوالات حضرت اباالفضل(ع) -(هر کیمه یوز ورسه درد بی دوا) هر کیمه یوز ورسه درد بی دوا
حضرت عباسه قیلسون التجا

بو علمدار شهنشاه وحید
درگهندن سائل ائتمز ناامید

بی سبب بو منبع فضل و ادب
اولمیوب باب الحوائج منتخب

فاطمه قیزلارینا امداد ایدوب
قلب زهرانی اوزیندن شاد ایدوب

کربلاده ایلیوب بو نامدار
بیر شهامت بیر رشادت آشکار

ویرمیوب دنیا اونون مثلین نشان
شستینه تحسین ایدوب کرّوبیان

فضل عبّاسی بیری ائتسه رقم
شاخۀ طوبی گرک اولسون قلم

نُه فلک الده گرک قرطاس اولا
تا رقم شخصیّت عباس اولا

آه او گوندن کربلاده کوفیان
ائتدیلر پیغمبر اوغلون باغریقان

ابن سعدی شاد ایدوب گولدوردوله
شاه دین انصارینی ئولدوردولر

نوریله ظلمات آرا باشلاندی جنگ
ابر غمدن یاغدی باران تک خدنگ

وِئردی جان بیر عدّه عطشان حق پرست
لشکر اسلامه یوز وئردی شکست

اولدی پژمرده شهنشاه انام
نه قوشون قالدی نه تیپ و نه نظام

کربلادن چخدی عرشه شور و شین
سندی اردویِ همایونِ حسین

نه سپه قالدی اوگون نه سرسپاه
بیر وزیر جنگ قالدی بیرده شاه

شاه مظلومین وزیر و حاجبی
قارداشی اون یدّی منصب صاحبی

لشگرین سقاسی صاحب پرچمی
قوّت بازو وزیر اعظمی

حیدر ثانی جوان بی قرین
شیر غضبان زادۀ ام البنین

صولت شیر خدانون مظهری
ملجائی فرماندهی سرلشگری

بیر روایتدور بو سوز چوخ معتبر
ایلسیدی هر کیم عبّاسه نظر

حال حیرتده دیردی بو سوزی
گورمیوب مثلین بونون دنیا گوزی

قدرت و صولت ده خلقتده مثال
کُفّ عباسی یاراتموب لایزال

اوز کمالِ قدرتین پروردگار
ایلیوبدور خلقتینده آشکار

شاهی یالقوز گوردی اولدی سینه تنگ
گلدی تا تحصیل ایده فرمان جنگ

بیر طریق خاصیّله تکریم ائدوب
شأنینه لایق شهه تعظیم ائدوب

عرض ائدوب ای پادشاه ماسوا
بو کمک سیز جانوه جانیم فدا

گرچه من شیرخدا فرزندیم
فاطمه ؛ ام البنین دلبندیم

حیدره دعوا گونونده مظهرم
واربونا فخریم حسینه نوکرم

شیریوون یا آچگلن زنجیرینی
یا الیندن آل بوگون شمشیرینی

بوندان آرتوق اولما راضی خوار اولا
بی لیاقت فرض ایدورسن سال یولا

من مگر بو دشته بیجا گلمیشم
ایتماقا جنگه تماشا گلمیشم

ایلیم نظّاره ظلم دشمنه
نیلورم بو عمری عار اولسون منه

ئولمه میش زینب دوتوپدور یاسووی
بی هنر فرض ایلوسن عبّاسووی

نه روادور زنده قالسون نوکرون
تشنه لب دوغرانسون امّا اکبرون

نه روا دور ای خدیو رستخیز
اولسون عبّاسین الینده تیغ تیز

خیمه گاهوندن اوجالسین العطش
تشنه لیقدان ایلسون اطفال غش

من باخوم دریا کیمی آخسون فرات
سودیوب یانسون سوسوزلیقدان بنات

اذن ویر میدان جنگه آت سالوم
عدۀ مقتولوون قانین آلوم

صبریمی آلدی سوسوز قیزلار سسی
خاصّه لیلانون اوغول وای ناله سی

گرعلمدارون اله شمشیر آلا
قویماز اکبر قاتلی زنده قالا

گرچه بو لشگرده وار چوخ پهلوان
هر بیری دعواده بیر شیر ژیان

منده امّا ای شه یوم نشور
سن بُلورسن واردی نه قدرت نه زور

صادر اولسا جنگه فرمان مُطاع
دم شجاعتدن وورانماز بیر شجاع

ایلرم بو لشگری زیر و زَبَر
قویمارام قالسون سلامت بیر نفر

فتح ونصرت بیرقین وورّام بوگون
قانیله میدانی دولدورّام بوگون

محضرینده ویرّم عالی التزام
قویمارام قالسون بو تیپ و بو نظام

عرصۀ هیجانی قیلّام بحر خون
ایلرم هر نه عَلَم وار سرنگون

قادرم بو دشتی قاندان دولدورام
بیرقون نهر فرات اوسته وورام

قلبینی اشرار شامین داغلیام
خیمیه نهر فراتی باغلیام

قویمیام کفار اولا بیر لحظه شاد
دم حکومتدن وورا ابن زیاد

سیّدی وئرسن منه فرمان جنگ
شامده وورّام یزیده پالهنگ

شام امیرین سالّام ایله ذلّته
قوللاری باغلی گتورّم بیعته

شه وزیر جنگی گوردی خشمناک
غیرتیندن بُلدی مشرف برهلاک

بُلدی صاحب قولینه قارداشینی
قوزادی زانوی غمدن باشینی

ایتدی فرمایش ابولفضلیم دایان
بو دایانماقدا وار عالی امتحان

گرچه بو صحراده وار چوخ دشمنیم
سن ولی کبش کتیبم سن منیم

سن بوگون پشت و پناهیم سن منیم
سن علمدار سپاهیم سن منیم

سن حسینون قان توکن شمشیری سن
سن نیستان شجاعت شیری سن

سن شهید اولسان وفالی یاوریم
بُل سنار سنسیز بو چولده لشگریم

آیت فتح و ظفردور بو عَلَم
گوز تیکوبدور بیر سنه اهل حَرَم

بو علم وار دشمنوم اولمور جری
بو علم وار زینبون وار معجری

بوعلم یاتسا تاپار اَل شامیان
باشیمی ایلر سَنان زیب سِنان

سنسن آل اللهه بو چولده ظَهیر
پرچمون یاتسا اولار زینب اسیر

تا سلامتدور بدنده الّلرون
الّلری باغلانماز آل حیدرون

ئولدوروبلر اوغلومی قوم دنی
یالقوزام گل قویما قارداشسیز منی

ایمدی که ناچار اولوبسان گیتماقا
دشمن خونریزیله جنگ ایتماقا

ممکن اولسا ای جوان با ادب
بو سوسوز اطفاله ایله سو طلب

اولدی فرمان همای امام
قارداشا عنوان تحصیل مرام

داخل اولدی خیمه گاهه بی درنگ
ایلسون آراسته اسباب جنگ

جنگه دارا پهلوان بی قرین
باشه قویدی طاسکلاه آهنین

جوشن داود تک عالی زره
اگنینه گیدی فلک دن گلدی زه

باغلادی شیر اوژن روز ستیز
اوز خم ابروسی تک بیر تیغ تیز

ایلدی محکم بئلینده خنجرین
زَهره چاک ایتسون هامی دشمنلرین

دستۀ خنجرده قیلدی استوار
زلف اکبر تک کمند تابدار

کتفنه سالدی مُدَوَّر بیر سپر
پشت خورشیده سوار اولدی قمر

بیر الینده بیر سنان پُرشُکوه
بیر الیند پرچم نصرت پژوه

بیرده سالدی چگنینه سو مشکینی
خیردا قیزلار باخدی توکدی اشکینی

اولدی طالع خیمه دن چون آفتاب
آل هاشم ماهی پور بو تراب

غیظیله اولدی عقاب اوسته سوار
صدر زین اوسته دوتوب محکم قرار

تا عقابه گوستروب مهمیز تیز
ایلدی آلتیندا مرکب جست و خیز

گورجک عباسی چو شیر خشمگین
نُه فلکدن گلدی بانگ آفرین

زینب عباسه باخوب ائتدی نوا
سسلنوب قارداش سنه جانیم فدا

قلبیمه بو مطلب آرتیردی انین
کربلاده اولمادی امُّ البنین

اوغلونون جنگین گوریدی آشکار
ایلییدی امّهاته افتخار

شیریزدان اوغلی چون شیرژیان
لشگر شام اوسته سست ائتدی عنان

مرکز میدانه یتدی با شتاب
نیزه سین ووردی یره چون بوتراب

صولتیندن ایتدی لرزه بحر و بر
حیرته دوشدی قضا و هم قدر

سویله دی امر قضا حیدر دی بو
قدرت حق فاتح خیبر دی بو

حمله ایلور مرتضی دور لشگره
یوزقویوب تیغ الده فتح خیبره

ائتسه بو قهریله اقدام ستیز
آشکار ایلر قیام رستخیز

ایلین ساعت قضا بیله خطاب
گوئیا امر قَدَر وئردی جواب

بیله بُلمه حیدر صفدردی بو
حیدره دعوا گونی مظهردی بو

چرخین آلتندا شجاع ناسدور
مرتضی اوغلی آدی عبّاسدور

دست پرورد علی دلده الی
شوریله سسلندی دلدن یاعلی

غیظ یوز وئردی حسینون شیرینه
ال آپاردی قبضۀ شمشیرینه

قبضۀ شمشیر الینده یکسره
ایتدی حمله قلب فوج لشگره

یادگار مرتضی الده حُسام
ایتدی ظاهر شورش یوم القیام

دشمنین یوز دوندروب هر هنگینه
ووردی اَوَّل بیر قلج سرهنگینه

ئولدی فرمانده پوزولدی نظم جنگ
عدّه یوز قویدی فراره بی درنگ

کوفیان سسلندیلر اَینَ المَفَر
چخدی یردن عرشه بانگ الحذر

پور حیدر بیر آجیقلی شیریدی
پیش روده کوفیان نخجیریدی

ایتدی دعوا حیدر کرّار تک
آچدی بوکدی لشگری طومار تک

رزمگاهی ایلدی دریای خون
هاردا بیر پرچم وار اولدی سرنگون

اَل هامی اَلدَن اوجا قول دل پسند
تیغی هر بیر تیغدن بالا بلند

هر کیمه باشدان ووراردی تیغ تیز
تنگ مرکب دن اولوردی شعله خیز

اولدی عباسین الینده کارزار
فوق ایدیهم یدالله آشکار

بیربیری اوسته قالاندی کُشته لر
کُشته لردن اولدی پیدا پشته لر

بیر بیره پیوند کوگده باش و قول
جس

  • سه شنبه
  • 9
  • شهریور
  • 1400
  • ساعت
  • 18:26
  • نوشته شده توسط
  • یوسف اکبری
ادامه مطلب

شهادت حضرت اباالفضل(ع) -(تأثیر ائلدی داغ دیلیم داغ داشا قارداش) *مرحوم میرزا یوسف شهاب تبریزی

531

شهادت حضرت اباالفضل(ع) -(تأثیر ائلدی داغ دیلیم داغ داشا قارداش) تخمیس از شعر مرحوم عبدالعظیم ذهنی زاده

تأثیر ائلدی داغِ دیلیم داغ داشا قارداش
سیلابِ غم آز قالدی کی باشدان آشا قارداش
قارداش ئولومی مشکل اولار قارداشا قارداش
چاتمیش یارالی سینه ده اوخ باش باشا قارداش
بو باش باشا چاتماق وئریب عمری باشا قارداش

بو قافِ محبّت ده کی عنقادی برادر
اولدی ستمِ فرقهء کین پروره خو گر
چوخ سعی ائلدیم کامه یئته آلِ پیمبر
بس کشمکش ائتمیش دی علمداریله لشکر
بو کشمکش آخرده دایاندی باشا قارداش

عمروم چراغی سنله یانیب، سنله ده سوندی
سنله واریدی عالَمیمیز حیف اودا چوندی
تا جلوهء جانانه بو قان ایچره گوروندی
گوز یاشی، اورک قانی آخیب دجلیه دوندی
آز قالدی کی قان دجله سی باشدان آشا قارداش

ظلم اهلی بیر اود ظلمیله بو خرمنه ووردی
چوخ صدمه لر افسوس گُل و گلشنه ووردی
سعد اوغلی شماتت اوخون اوّل سنه ووردی
هر کیم نه سلاح الده واریدی منه ووردی
هر بیر بوش الین گلدی گمانی داشا قارداش

تیغ الده دوروب دشمنِ دون پیش و پَسیمده
قالدی نگران سن کیمی فریاد رسیمده
روحیم قوشی فریاده گلیب دور قفس یمده
قارداش دئمیرم گَل منی گور سون نفس یمده
یول خاطرینه لطف ائله بو یولداشا قارداش

خونِ دیلیله کاسهء چشم اولد لبالب
دردین بیلیرم چوخدو حسین اولما معذّب
گلمه سنه قربان، ای اورک چرخینه کوکب
گلسن ائله گل بیلمه سین احوالیمی زینب
گوز تیکمیشدی من، یئخیلان قارداشا قارداش

نقشِ رُخِ جانانی نظرده ائله تصویر
سوز چنگ وورار دیللره گر اولماسا تزویر
اشعار (شهاب) اودی ایلیر دیله تأثیر
بو مصرعی (ذهنی) نه گوزل ائیله دی تقریر
چاتمیش یارالی سینه ده اوخ باش باشا قارداش

  • شنبه
  • 13
  • شهریور
  • 1400
  • ساعت
  • 12:28
  • نوشته شده توسط
  • یوسف اکبری
ادامه مطلب

زبانحال امام در بالین حضرت اباالفضل(ع) -(دور یاتما بو قان ایچره امان دور آتام اوغلی) *استاد مرحوم ذهنی

2168
2

زبانحال امام در بالین حضرت اباالفضل(ع) -(دور یاتما بو قان ایچره امان دور آتام اوغلی) دور یاتما بو قان ایچره امان دور آتام اوغلی
قارداش غمی قارداشه گران دور آتام اوغلی

امدادیوه ایندی منی سن سسله مدون بس
گَلدیم گوزون آچ بیرده منیم ویر سسی مه سس
آچ گوزلرووی گور باشون اوستونده بو بی‌ کس
کیم دور که سنه ناله کُنان دور آتام اوغلی

یاندیم سنی من نزع روان اوسته که گوردوم
تیر اجلون راست نشان اوسته که گوردوم
بیر حالته قالدیم سنی جان اوسته که گوردوم
باخسان ئولوم آثاری عیان دور آتام اوغلی

قان ایچره خسوف ایلدی تا ماه جمالون
آغلار گوزومه عالمی تار ایتدی ملالون
هر قدر وارام دلده موثّردی بو حالون
شُغلوم سنه فریاد و فغان دور آتام اوغلی

گورکیم گوروب عالمده بیله حال غم ‌افزا
سو اوسته بو حالیله سوسوز جان ویره سقّا
سن گیتدون اوزون، قالدی دلیم ده آدون امّا
هر لحظه منه ورد زبان دور آتام اوغلی

گیتدون دیمه دون قارداشیمون دشمنی چوخ دور
یالقوزدی اوغول سوزدی داخی کیمسه ‌سی یوخ دور
قارداش چاغوراندا سسی مه سس ویرن اوخ دور
ایجاب ایدنیم تیغ و سِنان دور آتام اوغلی

هم دردیمی دون آگهی دون درد دلیم دن
گیتدون اِیلیم آرخام اَلیمی اوزدون ایلیم دن
کسگین قلجیم دوشدی بوگون قارداش الیم دن
واضح دی بو مطلب نه نهان دور آتام اوغلی

دشمن یری‌ وار یانسا بو احوالی مه قارداش
امّا دیمورم باخ منیم اوز حالی مه قارداش
رحم اِیت گوزی یولدا قالان اطفالی مه قارداش
جام اَلده تمامی نگران دور آتام اوغلی

نولدی سنه سو وَعده‌ سینون فکرین آتوب سان
بیر مشک سو اوسته سو کیمی قانه باتوب سان
ضعف ایلموسن قان آپاروب یا که یاتوب سان
دور قارداشیوین حالی یامان دور آتام اوغلی

بو آز سپهی له که علمداریمی دون سن
بُلمزدی له مغلوب منی لشکرِ دشمن
گیتدون کیمه بس تاپشوروم آیا عَلَمی من
بیرق سپهه عُمده نشان دور آتام اوغلی

سرداریمی دون سن منیم ای کان شجاعت
سندن الیمی اوزدی بو بی رحم جماعت
صبر ایله دالونجه گَلورم منده بو ساعت
تاخیری ده یوخ خِیر زیان دور آتام اوغلی

تا اَلده اَسَردی عَلمون پَرچمی عَبّاس
اِیتمزدی باجون زینب اِسارت غَمی عَبّاس
اَمنیّتی دی عِترتی مون عالمی عَبّاس
سن سیز اولارا سَخت زمان دور آتام اوغلی

جسمون سو کنارینده سنق زورقه بنزر
دور سالما بو گرداب خطر ناکی ده لنگر
چک ساحله، طوفانه دوشوب آل پیمبر
دریای بَلا مُوج زنان دور آتام اوغلی

سن خطّ وفا سیرینی اِتمامه یتیردون
مقصوده یتوب دشمنی ده کامه یتیردون
من بی کسین اَمرین او سرانجامه یتیردون
مقصود دلِ شمر و سَنان دور آتام اوغلی

تا قولّاریوی مثل قلم ایلدی شمشیر
لازم گوروب آیات وفا شرحی نه تفسیر
قانی له نچه کلمه یِره اِیلدی تحریر
هر کلمه سی مین شرح و بیان دور آتام اوغلی

ای تَرکِ سر و جان نه صداقتلی جوان سان
پروانه کیمی شمع محبّت ده یانان سان
آخِر نفسونده گینه مندن نگران سان
حاشا نظرونده سر و جان دور آتام اوغلی

نه قارداشی دون من بُلورم اوزگه ‌سی بُلمز
مین عالم اولا عالمه مثلون داخی گَلمز
بیر قَدّی که قارداش ئولومی بُوکدی دوزلمز
بو مسئله مشهور جهان دور آتام اوغلی

دورت قارداشی بیر گونده ئولن قارداشون حالی
نه حاله قالور اَهل دل اِیستر اولا حالی
بِخصوص کُمَک سیز قالالار اَهل و عَیالی
بیر یِرده که وحشتلی مکان دور آتام اوغلی

شَل اولسون او اللّر که صُول و صاقیوی سالدی
بـو اللّری کسدی قولومون قوّه ‌سین آلدی
سندن صورا دردیم چوخالوب چارم آزالدی
گوزدن جگریم قانی روان دور آتام اوغلی

هانسی ستمی له ئولن آیا سنه بنزر
سیننده چاتوب باش باشا اوخ مخزنه بنزر
جسمون باخورام بیر پوزولان گلشنه بنزر
باشدان باشا پامالی خزان دور آتام اوغلی

از بس اوخی اوخ اوسته ووروب لشکر اَعدا
جسمون پر آچوب بس هانی شهپرلرون آیا
ای اُوج رَشادتده هنر صاحبی عُنقا
همّت گونی وقت جَوَلان دور آتام اوغلی

غم چکمه اَلون یوخ سیله‌ سن قانی گوزوندن
من سیلّم اوزوم حالیووه چوخ یانّام اوزوندن
قول بوینووا سالاّم ئوپرم قانلی یوزوندن
وار اوزگه مرامون گینه آن دور آتام اوغلی

(ذهنی) که ایدر ذکر مَصائب یازار اَشعار
امر ایله شها دوتسون الین قول سوز علمدار
آگه سن اوزون لیک قیل عبّاسیوه اظهار
مقصودی زیارت نه جنان دور آتام اوغلی

  • پنج شنبه
  • 18
  • شهریور
  • 1400
  • ساعت
  • 18:35
  • نوشته شده توسط
  • یوسف اکبری
ادامه مطلب
استاد داود طهمورثی

استمداد حضرت اباالفضل(ع) -(بیر مشک سو اوستونده دوشوب ولوله قارداش) *استاد داود طهمورثی

724

استمداد حضرت اباالفضل(ع) -(بیر مشک سو اوستونده دوشوب ولوله قارداش) بیرمشک سو اوستونده دوشوب ولوله قارداش
آز قالدی کی باشیم دوشه الدن اله قارداش

(اوخلاندی سو مشکیم ای شاه ولایت
اولدوم حرمیندن سو اوسته خجالت)

آلسان سسیمی خیمه دن ای خسرو خوبان
گل سایه وی سال باشیمه جانیم سنه قربان
نهر اوسته علمدارون اولوب قانینه غلطان
آز قالدی باتا کشتی عمروم گله قارداش

اولماز محنیم نوکریوین قیدینه قالسان
السیز بدنه لطف ایلیوب سایه وی سالسان
بیر دفعه ده دیندیرسن اگر گوگلومی آلسان
دنیایه برابردی او بیر مرحله قارداش

تا وار نفسیم سینه ده عشقون هوسینده
قویما سیخلا روحیمی محنت قفسینده
گل بیرده گوروم عمرومون اخرنفسینده
تا نخل امیدیم یتیشه حاصله قارداش

سینمده یارا لاله مثالی گول آچوبدور
گلزار ایله بیر غنچه لنوب سنبل آچوبدور
بیراوخدا دگوب مشکه منه مشگل آچوبدور
اطرافیده لشگر ایلیور هلهله قارداش

نیلوبدی بو اوخ منله مشخصدی سوزومدن
یاندرمازیدی بیربیله دگسیدی گوزومدن
اخیامه گَلم گلموری بو دفعه یوزومدن
لطف اِیت منه بو خواهشی قبول ایله قاردش

آلدوم سویی وردوم علمون نهر فراته
چکدیم سویونون خاروخسین نچه جهاته
دگدوقجا الیم نهریده اول آب حیاته
قان آغلامشام خیمه ده غنچه گوله قارداش

الله بولوری سالدی سو سقانی نه حاله
باخدوقجا سویا قزلاروی سالدی خیاله
گوردوم دوزولوبلر صفه اللرده پیاله
گوز یاشلی باخولار یولا سقا گله قارداش

  • جمعه
  • 9
  • مهر
  • 1400
  • ساعت
  • 22:14
  • نوشته شده توسط
  • یوسف اکبری
ادامه مطلب

احوالات حضرت اباالفضل(ع) -(«آپارما خیمیه قارداش داخی رضا دگولم) *مرحوم ملاحسین دخیل مراغه ای

993

احوالات حضرت اباالفضل(ع) -(«آپارما خیمیه قارداش داخی رضا دگولم) «آپارما خیمیه قارداش داخی رضا دگولم
مسافر خجلم رسمه آشنا دگولم

سکینه خدمتینی جابجا ایدنممیشم
گوتور بو آدی که سقّای کربلا دگولم

هامی شهید لره یر ورنده یانوندا
منی کناریده قوی من سنه سزا دگولم»

شهید ایدوبله منی چون سنون رکابوندا
آغیردی قیمتیم ای شاه کم بها دگولم

منی گذشت ایله ای شهریار خونین دل
غلام منفعلم لایق عطا دگولم

کمال معذرتیم وار بو نوعی یاتماقدان
دورانمورام ایاقا صاحب قوا دگولم

سالوبلا قوللاریمی کاسه ی سریمده سینوب
بو حالیله گوروسوز مقتدر به پا دگولم

بو اللّریم بو علم بو شکسته جامِ سریم
ثبوت ایدر که اوز عهدیمده بی وفا دگولم

یاغیش تک اوستومه اوخ یاغدی بسکه هر یاندان
پر آچدی جسمیم هُما تک اگر هُما دگولم

علاوه دگدی بیر اوچ شعبه اوخ جبینیمدن
گنه بو ظلمه خوشام صاحب بُکا دگولم

قان آغلادور منی یالقوزلوقون سنون مولا
فسوس و آه ندیم قادر وغا دگولم

آپارما نعشیمی قتلایه مصرعیمدن اخا
قالام بو یرده خوشام حمله ارتضا دگولم

خجالتم سو خصوصینده اهل بیتیندن
گیدنمرم الی بوش گیتماقا رضا دگولم

هنوز چوخلاری بو حالیمی منیم بولمور
بیله بولولّه منی سرنگون لوا دگولم

منی خیامه آپارسان جری اولالا سنه
سپاه کوفه دیر ظلمه انتها دگولم

چکوب بیر آه ، آخوب گوز ، یازاردی قانی یره
فدای لایق سلطان نینوا دگولم

«دخیل» سوزلرینه شرکت ایتدی راهنما
همای اوج «دخیل» منده «رهنما» دگولم

  • دوشنبه
  • 12
  • مهر
  • 1400
  • ساعت
  • 16:15
  • نوشته شده توسط
  • یوسف اکبری
ادامه مطلب

شجاعت حضرت ابوالفضل علیه السلام -(واویلا، میدانه،شیر دلاور گلور) *

4810
5

شجاعت حضرت ابوالفضل علیه السلام -(واویلا، میدانه،شیر دلاور گلور) شجاعت حضرت ابوالفضل علیه السلام

مهدی عابدینی

واویلا، میدانه،شیر دلاور گلور
عرصه خیبردی یا٬حیدر دیگر گلور

الده اوجا پرچمی٬٬٬سسلوری یا فاطمه
مین بیله لشکر گله٬٬قلبیده یوخ واهمه(۲)

تیغ شرربارینی٬٬الده دوتوب سان ویریر
کوفه نون اشرارینه٬عشقینی اعلان ویریر(۲)

واویلا٬میدانه٬شیردلاور گلور
عرصیه خیبردی یاحیدر دیگرگلور

آدیم ابوالفضلیدی٬ثانی حیدر لقب
قابض الارواحوزام٬ایلسم هرآن غضب

ساقی لب تشنه لر٬ایتدی امیریم منی
سو آپارام خیمیه٬درده سالام دشمنی

یاخشی تانور کوفیان٬من پسر حیدرم
نوکر مولا حسین نهضتینه یاورم(۲)

واویلا٬میدانه٬شیردلاور گلور
عرصیه خیبردی یا حیدر دیگر گلور

یوخدی حسیننن صورا٬شاه قدرقد

  • پنج شنبه
  • 8
  • شهریور
  • 1397
  • ساعت
  • 01:38
  • نوشته شده توسط
  • علی ببیرپور
ادامه مطلب

متن شعر ترکی و فارسی شجاعت حضرت اباالفضل علیه السلام -(لرزان است میدان از ،صولتِ پورِ علی ) * صادق خلیلی خویی

2350

متن شعر ترکی و فارسی شجاعت حضرت اباالفضل علیه السلام  -(لرزان است میدان از ،صولتِ پورِ علی ) فارسی
.
لرزان است میدان از ،صولتِ پورِ علی
جمع شده در خشم وی ،غیرت و زورِ علی
.
چون نظرش می فُتَد ،بر رخ این کوفیان
قالب آنها تهی ،میشود آنجا همان
نیست کسی را هوس ،جرأت جنگیدنش
میشکند ضربه اش ،گردن صد پهلوان
.
.
.
.
افتاده رعشهِ بر، جان و تن دشمنان
می فتد از دستشان ،نیزه و تیغ و سنان
.
چون قدمش بر زمین ،میزند این شیر نر
می فتد از دست شمر ،نیزه و تیر و سپر
محوِ تماشای او ،گشته سپاهِ عُمَر
چونکه ندیدند به عین ،چهرۀ اینچون قمر
.
.
.
.
قامت رعنایش ، چشم همه کرده مست
چهره زیبای وی ،چون مه تابنده است
.
یوسف مصری نظر ،بر رخ ایشان کند
محو کمالت او ،صید جمالش شود
عاشق او می شود ،دست طرب میزند
مات رخش م

  • سه شنبه
  • 15
  • مرداد
  • 1398
  • ساعت
  • 10:32
  • نوشته شده توسط
  • ابوالفضل عابدی پور
ادامه مطلب
راهنمای علائم موجود در فهرست:
عدد کنار این علامت نشانگر تعداد کاربرانی ست که این مطلب را پسندیده و به دفترچه شعر خود افزوده اند
عدد کنار این علائم نشانگر میزان محبوبیت شعر یا سبک از نظر کاربران می باشد
اشعار ویژه در سایت برای کاربران قابل دسترس نیست و فقط از طریق خرید اپلیکیشن مورد نظر این اشعار در داخل اپلیکیشن اندرویدی قابل رویت خواهند بود
این علامت نشانگر تعداد کلیک یا بازدید این مطلب توسط کاربران در سایت یا اپلیکیشن می باشد