اولار کی مکتب عشقه علاقه مند اولدی
یقین واریم ایکی دنیاده سربلند اولدی
بیرعده فیض شهادتله یئتدی آماله
قانلارائیله دی نفرین بخته اقباله
شهادت اولمادی قسمت بوفیض ده ن قالدوخ
بوامتخانید ه افسوس نمره آز آلدوخ
واروخ ولی شهدانین یولینی گیتمک ده
کمک لیق ائیله سین آلله بوفیضه یئتمک ده
قالانلارا شهدانین پیامینی یئتیراخ
وصیتینی سوزینی سلامینی یئتیراخ
اودور کی ائیستیوره مطیعی امتحان ائلیم
کمک لیق ائیله سه بئیر خاطره بیا ائلیم
بوخاطره نه ئوزومده ن کی بئیر عزیز ده ن دی
دئین بسیجی مقا مات شهریمیزده ن دی
اولوبدی جبهه ده مرد دفاع وسنگردی
ئوزیده حوزه گوروبدی اودی سخنوردی
بیوردی بئیرگونی ار د و وئروبدی لشگریمیز
چادرلار اولدی مهیا چاتا گلن لریمیز
گلینجه لشگر اسوب یئل قوپوبدی بئیر طوفان
یئخوبدی قورقولاری کلا ائیله دی ویران
فقط قالوردی اوچادرکی اوندابئیز واریدوخ
نئچه عزیز بسیجی بئش آلتی پاسداریدوخ
اسنده یئل هئره بئیرپایه سین قوجاقلاموشوخ
اوتورموشوخ فقط ائیله چادری ساخلاموشوخ
سحرکی اولدی نگوردوخ قوم هریانی بورویوب
تدارکاتی سپوب چوللره یئرین کورویوب
تدارکا ت گلینجه بئیرآیری وضعی دی
گلن ده گودوقوموزدان دی چوخدا جزئیدی
بئش اون قوطی لوبیائیدی اوچ تن ماهی
که دویدی معده یمه میش غذانی والاهی
سالیندی سفره نه سفره عجب صفالی دیر
پتوئیدی آدی سفره ئوزی ده خالی دیر
ائچینده خردا چوره ک لرتوکه یاپوشموشدی
تازا اولسااگر بئیربئیره یاپوشموشدی
بسیجی یه بوچئتین لیک لرین اثر یوخیدی
قالوردی لوبیا تن ماهی ده ن اثریوخیدی
دئدوخ نه اولدی بولار کیم گوتوردی گئیزلتدی
تدارکات تن ماهی نی الان گئتدی
ولی تاپولمادی لار هرچه جستجوائله دوخ
تجسس اولمادی چوخ حفظ آبو ائله دوخ
وفالی قارداشیمیز عیب ونقص دن عاری
شهیداولوبدی خوشاحالینه ((علی کاری))
نگودوخ اوندا اوجا سسلنور ((آهای علی))
سورا دئیوردی((آهای نفس ))دشمن ازلی
بوجبهه ده نعم بارگاهی ائیستورسه ن
قالوبدی لوبیا قابا قوندا مای ائیستور سه ن
اجازه وئرمه ره م آخر منی ذلیل ائده سه ن
دالونجا هی چکه سه ن هئر یئره دخیل ائده سه ن
سنو.ن بو ائیسته گیوه ائیمدی لادئدیرده جاغام
تن ائیسته سن ده سنه لوبیا یئدیر ده جاغام
اونون بوسوزلری خوش گلدی طبع حضاره
دئیوبدی جمله سی احسنت حسن رفتاره
کمال میل لیله کنسرو لوبیانی یئدیلر
تنی داقئیتروب انباره نفسه لا دئدیلر
بوبئیرنمونه دیرایثاررادمردان دان
نشانه دیر بئله ائیش لر یقین انسان دان
بلی اوکس کی بوجورنفس لن جهاد ائله دی
بئیر ائیش گوروب کی اونی نائل مراد ائله دی
سن((اشرفی))ئوره گون عشقی نی بیان ائیله
بوخاطراتی چکوب نظمه جاودان ائیله
- جمعه
- 15
- شهریور
- 1392
- ساعت
- 20:55
- نوشته شده توسط
- علی اشرفی راد(عین الدین)
ارسال دیدگاه