بهار لاله لري (ترکی)

کاروان کربلا

بيــــــر  كهكشان  ستـاره  گليـر  آفتابلــن  بـو  گئــجه

مينلــر   جهانـه  نـور  يـاغيــر  آب و تـابـلن  بــو  گئجه

گؤيلـر  يئنيـر كي   سجده  قيـلا  قوللوغوندا  دريالارين

جبريل (ع)  آچيـر  قـانـاد  دولانير آي  شتابلن بو گئجه

بيـر  كاروان  شكـوه  گليـر ،  غيـرت  و  حماسه  گليـر

يوْللار  دوْلـــو   محبّتـلـن ،  فتـح بـابـلن  بــو  گئـجــــه

چكميـر   گونش  او  پرده ي زولفون  كناره  تا  گؤره لر

جـان يارپاغيندا  شبنم  آخيـر  شوق  نـابلن  بـو گئجه

شيرين زبانليق ائيله يير  هردن چيچكلرين نئچه سي

عالــــــم  يـانيــرسا   زينب  گلگون نقابلن  بــو  گئـجه

ايسته كله دير اؤزون هامييا هئي قيريلدانير اصغر (ع)

هردن  سوسوزلايير   يئنه   پوزغون  ربـابلن   بو گئجه

داغلار  دويور  بو سيرّلـري  يـول  بوروق  وئـرير  اوزانير

گاهداندا  ييـرقانيــر  سويـولان  ،  چاه  آبلن  بـو گئجه

آنجاق  اؤپـور  آييـن  قيريش آلنيـن  بـولـودلار  آغلاركن

سايسيز  اوركـدي كيـم   قيزيشير  التهابلن  بو  گئجه

آرام  چـاتيـر   قَميشليـگه   يـوْرقـون  بهـــار  لالـه لري

قـان  آغـلايـاركن  ايـلديـريم  آنجاق  سحابلن بو گئجه

بير  توْپلوم  اولـدوز  آيين  دوره  سين  آلان  گئجه دير

سيرداشليق  ائيليــر  ابالفضل  آفتابلــن  بـــــو گئجه

كاشكي اوْلئيديم آي آقا!سو،بير اؤپئيديم حلقيني من

سوْنرا  جوْشوب  گؤزونـدن  آخئيديـم  گلابلن بو گئجه

كاشكي آغا!  يانيقلي غزل تك سوزئيديم  احساسيوا

طبعيم جوْشئيدي  شعله له نئيديم   جنابلن بو گئجه

.

.

.

بي آبروليق ائتـمه  زامـان!  قـان دئمه!  تَلـَسمه  بئله

بـو  هاي كويـون  نــه ديـر  آخ  نيّت خرابلن بو گئجه ؟!

بو  ايش  نه  عزرائيل ايستير ، نه ده  قلينج – قوْشون

دونيادن اَل چكيبدير حسين (ع) عشق نابلن بو گئجه

قان دالغالاندي داشدي يئنه قايغي،سئوگي بايداسينا

غملـر  كـؤزَردي  يـاندي  اوره ك  پيچ و تابلن  بو گئجه

شاعر:  دادا بیلوردی